november 28 2009 abante tonite

	Mga reporter, inaalila ng lady solon!
	(Rey Marfil)
(mgakurimaw.blogspot.com)
Sa halip mabawasan ang masamang impresyon ng media sa isang ambisyosang lady solon, lalo pang tumingkad ang pagka-bad trip dahil alipin at bayaran ang turing ng mambabatas sa mga mamamahayag. Paulit-ulit naisusulat ang kakaibang karakter ng ambisyosang lady solon subalit hindi pa rin ito nagbabago ng diskarte at mas lalo pang lumalala ang masamang pag-uugali ngayong naghahangad ng mas mataas na posisyon sa gobyerno. Nasaksihan ng TONITE Spy kung gaano ka-bad trip ang mga mediamen matapos ituring na alipin ng ambisyosang lady solon, animo’y bayaran at utusan na pwedeng pagmumurahin, batuhin ng kinumos na dyaryo at tagabitbit ng pasador sa loob ng comfort room kapag hindi nasunod ang request, katulad ng nakaugaliang gawin kapag nagagalit. Bagama’t meron lehitimong media relation officer (MRO) o tauhang nagsisilbing ‘road manager’ sa loob at labas ng opisina nito, walang ‘kapinu-pino’ kung magsalita ang ambisyosang lady solon dahil dinidiktahan ang mga reporter kung anong dapat gawin. Ang nakakasuka sa lahat, harapan pang inuutusan ng ambisyosang lady solon ang mga mediamen kung anong istorya ang dapat isulat tungkol sa press conference kung saan daig pa ang isang deskman o news editor kung alilain ang mga reporter. Hindi lang iyan, pinakikialaman din ng ambisyosang lady solon ang pag-anggulo ng balita. Ang pinakamalupit sa lahat, tumatawag sa management o big boss ng mga media organization ang ambisyosang lady solon kapag hindi nagustuhan ang balita at kung anu-anong kasinungalingan ang isinusumbong. Clue: Saksakan ng plastic ang ambisyosang lady solon at saksakan din ng balimbing, patunay ang pag-iwan sa mga kaibigan, kapalit ang multi-milyon pisong pondo. Kung kongresista o senadora, ito’y meron letrang “A” sa kabuuan ng pangalan at apelyido, as in Ang hilig sa matandang karelasyon. http://www.abante-tonite.com/issue/nov2809/hulaan.htm