Wednesday, June 29, 2011

Credit ratings
REY MARFIL

Dahil sa matalinong paggugol ng pondo ng administras­yong Aquino, muling gumanda ang “credit rating” ng Pilipinas -- ito’y nang itaas ng Moody’s Investors Service, mula BA3 naging BA2 table outlook, isang patunay kung gaano kaseryoso ang gobyerno para ibalik ang tiwala ng international community.

Ang pag-angat ng “credit ratings”, nangangahulugang magkakaroon ng mas malawak na oportunidad ang bansa na makapangutang at asahan ang mababang interes. Bagama’t masakit sa bulsa ang mangutang, ito’y isang paraan upang mapondohan ang mga programa ng pamahalaan at walang choice ang isang bansang mahirap, katulad ng Pilipinas kundi mangutang.

Mas nakakahiya kung walang nagtitiwala at nagpapautang. Ibig sabihin, may kakayahan ang Pilipinas, sa ilalim ng administrasyong Aquino na mangutang at marunong magba­yad kaya’t masasabing good news ang pag-angat sa cre­dit ra­tings ng bansa.

Nakikita ang positibong pagtugon ng economic agenda, repormang pinansiyal at liderato ni Pangulong Noynoy ‘PNoy’ Aquino sa pandaigdigang merkado at inaasahan na­ting magpapatuloy ito. Sa palengke lang, paano ka pauuta­ngin ng Bombay kung walang makitang pwesto, as in kakayahan ang batayan sa credit ratings.

***

Sa halip batikusin, bakit hindi bigyan ng pagkakataon at irespeto ang pagtalaga ni PNoy kay Executive Sec. Paquito ‘Jojo’ Ochoa bilang pinuno ng Presidential Anti-Organized Crime Commission (PAOCC).

Sa tagal ng kanilang pinagsamahan, alam ni PNoy ang kakayahan ni Ochoa na epektibong gawin ang karagdagang tungkulin bilang chairman ng PAOCC sa kabila ng kanyang iba pang mga obligasyon.

Dahil sa malaking tiwala sa kanya ni Pangulong Aquino, kayang-kaya ni Ochoa na mahawakan ang PAOCC nang maayos habang nagsisilbi rin bilang exe­cutive secretary.

Napakasimple ng trabaho, aayusin lamang naman ang mga bagay-bagay sa isasagawang reorganisasyon kung saan tutulungan si Ochoa ng iba pang mga opisyal sa Office of the President (OP).

Kabilang sa mga miyembro ng PAOCC ang mga kalihim ng Departments of Interior and Local Government, Justice, National Defense at Foreign Affairs at mga pinuno ng National Security Council, Armed Forces of the Philippines, Philippine National Police, National Intelligence Coordination Agency, National Bureau of Investigation at Philippine Center for Transnational Crime (PCTC).

***

Anyway maganda ang ginagawang regular na pagtiyak ng Malacañang sa kaligtasan ng publiko kung saan lumalabas na hilaw at hindi kumpirmado ang napabalitang intelligence reports kaugnay sa posibleng atakeng terorismo sa Manila.

Ipinapakita lamang ng intelligence report kaugnay sa pagbomba noong nakalipas na Hunyo 12 na isa lamang ito sa mga regular na walang basehang mga pagbabanta na natatanggap ng pamahalaan.

Matapos ang berepikasyon, lumabas na walang katotoha­nan ang intelligence reports na nagpadala ang isang mataas na Asian terror suspect at notoryus na Abu Sayyaf para bombahin ang Manila sa paggunita ng bansa sa ika-113th Independence Day noong nakalipas na Hunyo 12.

Ngunit sa dulo, higit na importante na hindi natutulog ang ating kinauukulan katulad ng ipinapakita ng administras­yong Aquino na nanatiling masigasig at aktibo sa pagpigil sa mga banta ng karahasan sa bansa.

Laging tandaan: “Bata n’yo ko at Ako ang Spy nyo”. (mgakurimaw.blogspot.com)

Monday, June 27, 2011

‘Di makapaniwala!
REY MARFIL

Lahat ng kaparaanan ay ginagawa ng administrasyong Aquino para tulungan ang problemadong overseas Fi­lipino workers (OFWs).

Sa katunayan, responsible ang pamahalaan sa pamamagitan ng Department of Fo­reign Affairs sa pagpapalaya kay Engr. Ramon de Castro, isang Pinoy engineer, na dinukot ng mga rebelde sa Yemen noong Abril 18.

Naharap sa iba’t ibang matitinding mga pagsubok ang pamahalaan para mapalaya si De Castro dahil sa kawalan na rin ng Philippine Embassy sa Yemen na binabayo ngayon ng krisis pulitikal kung saan 1,600 OFWs ang nandoon, as in matinding trabaho ang ginawa ng mga opisyal ng Philippine Embassy sa Saudi Arabia para mapalaya si De Castro.

Tama si Pangulong Noynoy ‘PNoy’ Aquino na kailangang lumikha ng maraming trabaho bilang pangmatagalang solusyon sa pakikipagsapalaran ng ating mga kababayan sa ibang bansa sa kabila ng kinakaharap na mga peligro.

***

Magandang mensahe ang pakikisalo ng hapunan ni PNoy sa ordinaryong mga tao sa paggunita ng ika-113 taong anibersaryo ng Philippine Independence Day. Nakakatuwang makita na naglaan ng oras ang pinakaabala at pinakamakapangyarihang tao sa bansa sa hanay ng 300 guro, nurse, estudyante at benepisyonaryo ng conditional cash transfer (CCT) na programa ng pamahalaan.

Sa kaalaman ng publiko, inikot ni PNoy ang bawat lamesa para makipagkamay at nagpakuha ng larawan bago pinagsaluhan ang pancit guisado, crab relyeno, kare-kare, manok, barbeque, sariwang lumpia, lechon at leche flan.

Kaya’t hindi maitago ni Ana Asma, 39-anyos na magulang at CCT beneficiary sa Baseco, Maynila ang ma­tinding kasiyahan matapos malasap ang pribilehiyong makasama sa isang hapunan ang Pangulo.

Maging si Donabelle Lucena, isang nurse sa ilalim ng RN Heals (Registered Nurses for Health Enhancement And Local Service) ng pamahalaan, hindi makapaniwala nang makita at makasama si PNoy sa isang hapunan, isang patunay kung paano pinahahalagahan at pinagsisilbihan ng Pangulo ang “Boss” nito.

***

Napag-uusapan ang pagkakaisa, makatwirang suportahan si PNoy sa kanyang deklarasyon na maging malaya ang bansa sa katiwalian, at kahirapan kung saan naghahari ang pagkakapantay-pantay, kalayaan at dignidad bilang bagong kabanata ng Pilipinas.

Hindi matatawaran ang sinseridad ni PNoy na tiyakin ang magandang kinabukasan ng sambayanang Filipino sa ilalim ng kanyang liderato na nagsusulong ng “transparency at accountability”.

Kaya’t mapalad ang mga Pi­lipino sa pagkakaroon ng Pangulo sa katauhan ni PNoy na todo kayod para labanan ang katiwalian, kahirapan at iba pang mga problema sa bansa na naging institusyon sa nagdaang panahon.

Mutain lang ang hindi makakita kung paano isinusulong ni PNoy ang mga reporma para matiyak na bababa ang serbisyo publiko, partikular sa mga taong higit na nangangailangan ng tulong.

Take note: Ilan lamang sa reporma ang suspensyon ng Autonomous Region in Muslim Mindanao (ARMM) elections, pabahay sa Bulacan para sa mga kasapi ng Philippine National Police (PNP) at Armed Forces of the Philippines (AFP).

Laging tandaan: “Bata niyo ko at Ako ang Spy niyo.” (mgakurimaw.blogspot.com)



Friday, June 24, 2011

Bawas-tambay!
REY MARFIL

Muling ipinakita ni Pangulong Noynoy ‘PNoy’ Aquino ang magandang pagkilala sa hindi matatawarang kontribusyon ng mga marino sa bansa nang ideklarang “special day” ang June 25 ng bawat taon, isang pagpupugay sa mga marino o seafarers.

Katulad ng anumang grupo ng overseas Filipino workers (OFWs), batid ni PNoy ang malaking naitutulong ng mga marino para isulong ang kaunlaran ng bansa. Inilabas ni PNoy ang Proclamation No. 183 na nagbibigay respesto, pagkilala at pasasalamat sa mga marino na tinaguriang “sailing ambassadors” dahil sa pagpapa­kita ng husay at galing ng mga Pilipino sa buong mundo.

Ang request ng PNoy sa lahat ng konektadong maritime agencies, kabilang ang government-owned and controlled corporations (GOCCs), maging pribadong indibidwal at organisasyon na lumahok sa matagumpay na pagdiriwang ng araw ng mga marino.

***

Hindi ba’t nakakatuwang marinig ang resulta ng 2011 Labor Force Survey ng National Statistics Office (NSO), malinaw ang ebidensiya -- bumaba ang antas ng kawalan ng trabaho sa bansa, as in nadagdagan ang trabaho.

Tanging mga “buraot” ang hindi matutuwa sa balitang nabawasan ang tambay sa kanto, aba’y mula 8.0%, naibaba sa 7.2% sa pagitan ng Abril 2010 hanggang Abril 2011, maliban kung sadyang puro inggit ang namumutawi sa puso at isipan ng mga kritiko ni PNoy, sampu ng mga nagkukunyaring henyo gayong pinabili lamang ng suka sa kanto?

Sa April 2011 Labor Force Survey, umangat ang employment rate, ito’y naging 92.8% mula sa 92% noong Abril 2010. Malinaw na ipinapakita nitong survey ang patuloy na pagsusumikap ng administrasyong Aquino na gawin ang pagtulong sa mga Pilipino, gaano man kali­mitado ang resources ng gobyerno dahil sa mga walang pakundangang pag-abuso ng pondo sa nagdaang panahon.

Ang pagbaba ng antas ng walang trabaho, ito’y epek­to ng pinagsamang pagsusumikap ng iba’t ibang sektor sa pamahalaan, pribadong grupo at publiko. Ibig sabihin, patuloy tayong tumulong sa pamahalaan sa pagbibigay ng positibong pananaw at pag-asa sa mga tao kung saan hindi tumitigil ang gobyerno sa paghimok sa mga mamumuhunan na maglagak ng kapital sa merkado.

Tayo’y positibong makakamtan ng administrasyong Aquino ang pinupuntiryang mas magandang Pilipinas dahil sa patuloy na pagtaas ng negosyo at iba pang magandang mga balita hindi lamang sa lumiliit na bilang ng walang trabaho kundi maging sa pinagagandang edukasyon at serbisyong kalusugan sa pamamagitan ng conditional cash transfer na mga programa.

***

Anyway, malaki ang tsansa ng Puerto Princesa Underground River (PPUR) na mapabilang sa New 7 Wonders of Natures kung magkakaisa ang 80 milyon Pilipinong cellular phone subscribers.

Kesa sayangin ang load sa panloloko, maaari pang makaboto sa www.new7wondersofnature o i-type ang PPUR15 sa cellular phone at ipadala sa 2861 hanggang Nobyembre 10, 2011.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

Wednesday, June 22, 2011

Magandang balita para sa mga magsasaka ng tabako ang desisyon ng World Trade Organization (WTO) na pumabor sa Pilipinas kaugnay sa isinampa nitong “cigarette export case” laban sa Thailand -- ito’y pagkilos ng administrasyong Aquino para protektahan ang mga magsasakang Pinoy.

Magiging parehas ang bentahan sa merkado ng dala­wang bansa at makikinabang ang mga magsasaka ng tabako sa Pilipinas. Nag-ugat ang kaso sa alegasyon ng Pilipinas na merong ginagawang hindi parehas na transaksyon sa benta­han ng tabako na naging dahilan upang hilingin ng Pilipinas ang isang konsultasyon sa WTO laban sa Thailand.

Ang reklamo ng pamahalaang Pilipinas -- maraming umiiral na alituntunin sa Thailand ang nakakaapekto sa pagbebenta ng sigarilyo mula sa bansa, katulad ang ipinapataw na customs valuation, excise tax, health tax, TV tax, value added tax (VAT) regime, retail licensing requirements at import guarantees sa cigarette importers na lumalabag sa General Agreement on Tariffs and Trade (GATT) 1994.

Ilan sa sinita ng Pilipinas ang dual license requirement sa Thailand na nag-oobliga sa tobacco at cigarette retailers na kumuha ng dalawang lisensya sa pagbebenta ng domestic at imported cigarettes na kontra rin sa GATT 1994.

Hindi lang ‘yan, kontra din sa GATT 1994 ang ad valorem excise tax, health tax at TV tax sa imported at domestic cigarettes ng Thailand. Dahil dito, inatasan ng WTO ang Thailand na baguhin ang mga patakaran na lihis at hindi akma sa GATT 1994.

***

Sakto ang kahilingan ni Pangulong Noynoy ‘PNoy’ Aquino sa sambayanang Filipino na tularan ang kabayanihan at kadakilaan ni Dr. Jose Rizal matapos ang kanyang talumpati sa nakalipas na paggunita ng ika-150 taong kapa­nganakan ng pambansang bayani noong Linggo.

Dapat samahan ng publiko si PNoy sa pagpapakita ng magandang halimbawa na ginawa noon ni Rizal sa kanyang panahon, as in piniling gawin ang tamang bagay.

Take note: Nagbigay-daan sa kalayaan ng Pilipinas ang mga sakripisyo ni Rizal na ating tinatamasa ngayon para ituwid ang mga kawalan ng hustisya sa halip na gamitin ang kanyang kayaman at edukasyon para magkamal ng maraming salapi at pakasalan ang babaing iniibig nito.

Ibig sabihin, marapat lamang suportahan ang panawagan ni PNoy para sa ikabubuti ng susunod na mga henerasyon lalo’t hindi malayo sa hinaharap ni Rizal ang mga suliranin ng bansa sa ngayon.

***

Anyway, dapat lamang maging positibo ang tugon ng alumni ng Ateneo Law School sa hamon ni PNoy na makiisa laban sa kultura ng “just-tiis”, sa pamamagitan ng pagsunod sa kanilang sinumpaang trabaho na kilalanin ang batas sa lahat ng pagkakataon.

Makatwirang isulong ang prinsipyo ng “abogado para sa iba” na sinimulan ni founder at dean emeritus Fr. Joaquin G. Bernas, S.J.

Wala tayo nakikitang magandang rason para hindi umayon, hindi lamang ang alumni ng Ateneo Law School kundi maging ang lahat ng mga abogado sa bansa sa pa­nawagan ng Pangulo na magsilbi sa ngalan ng hustisya, partikular sa pagkakaloob ng legal na ayuda sa mga mahihirap.

Hindi mahirap ang hinihingi ni PNoy lalo pa’t isinusulong ng kanyang administrasyon ang mga reporma na magkakaloob ng parehas na hustisya para sa mga Pilipino.

At dapat din papurihan rin si PNoy sa karagdagang pondo ng Department of Justice (DOJ) para sa suweldo ng mga kawani, alinsunod sa salary standardization law.

Bilang bahagi ng reporma, patuloy na binabantayan ni PNoy ang mga ilegal na aktibidades sa lahat ng sangay ng pamahalaan, partikular sa Bureau of Correction (BuCor) at Office of the Ombudsman.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

Buhayin si Rizal
REY MARFIL

Monday, June 20, 2011

No preview?
Rey Marfil

Whatever you make the noise of the critics, tens of groups not able to move on to the results of the 2010 national elections, not maitatangging beautiful focus of President Benigno "Aquino Aquino III plans to be" self-sufficient "the country, particularly so-called "renewable energy" that can heavily on ordinary people as cheap and not damaging the environment?

Last week, PHL formally launched the National Renewable Energy Program (NREP) aimed solusyunan mounting and inadequate electricity supply especially in remote areas in the country.Purpose of NREP to plan effectively finding and using renewable energy.

Expected to make a real program to advance the development of renewable energy grew offered the low cost of electricity - this is particularly long term solution so that you only importer of oil and fuel the Philippines - a reason why no control over the government to increase fuel.

Not only that, should cease to intrigue kuwestyonableng alleged support to the Philippines by the United States (U.S.) related to increasing tensions Spratly Group of Islands - it is also related to possible hidden oil in the disputed islands.Neither of the dream, I do not think using the issue to create chaos and push the vested interests of groups can benefit from it.

Important that we give more attention to the clarification of U.S. Ambassador to the United States Harry Thomas full support in the Philippines in its claim to the West Philippine Sea, as in more important now to show we are unanimous in promoting interest in islands by peaceful solution.

***

Speaking of government action, is not exemplary PHL request to allow live media coverage have on the trial of massacre?Take note: I enjoyed the open eyes and minds of the justices of the Supreme Court and granted the request of the majority.

Showing deep desire PHL immediate resolve the tragic massacre be brought to justice for the deceased and relatives of it.In support of Malacañang live media coverage, prominent PHL promotes transparency and adherence to the family of the victim having a hard time with their fares to get to trial only in Metro Manila.

An exemplary immediate command of SC Department of Interior and Local Government to investigate the killing of a Bicol-based anchorman - Ramon Olea.The SC's directive, apprehend and hold the perpetrators, regardless of position or status in its lifetime.

Malacañang seriously condemn the union for all types of threats, even freedom of expression, as in the Aquino administration is doing everything to immediately arrest the suspects and bring them to justice and end the culture of violence against mediamen.

Always remember : "Children do and I am Niyo Niyo Spy." (mgakurimaw.blogspot.com)

Friday, June 17, 2011

Walang FMD!
REY MARFIL

Malinaw ang pagtutol ni Pangulong Noynoy ‘PNoy’ III Aquino sa panukalang magbibigay-daan sa legalisasyon ng diborsyo kahit pa isinusulong ang Reproductive Health (RH) bill kaya’t walang dapat ipag-alburoto ang ilang sektor. Ka­tulad ng Punong Ehekutibo, naniniwala ang inyong lingkod na dapat magtulungan ang lahat para maisalba ang bawat pamilyang Pilipino.

Dapat pakinggan ang panawagan ni PNoy na ilaan ang oras sa diskusyon ng mga mahahalagang panukalang batas na naglalayong paunlarin ang ekonomiya ng bansa.

Tama ang Pangulo sa pagsasabing dapat atupagin ang mga bagay na makakalikha ng trabaho, pagsusulong ng mga reporma sa edukasyon, kalusugan at hudikatura sa halip na ubusin ang panahon sa pagdedebate sa legalisasyon ng diborsyo.

Ipinapakita ni PNoy kung gaano kahalaga na manatiling buo at isa ang bawat pamilya, lalung-lalo na para sa kaga­lingan at interes ng mga anak.

Bagama’t hindi sinusuportahan ang pagpasa ng diborsyo, nakikita naman ng Pangulo ang kahalagahan na mapag-usapan ito, alinsunod sa kanyang naging posisyon noong nakalipas na 2010 presidential elections.

***

Hindi ba’t kapuri-puri ang masigasig na pagsisikap ng administrasyong Aquino na maging libre ang Pilipinas sa delikadong Foot and Mouth Disease (FMD), maliban kung “kaning-baboy” ang tingin ng kritiko sa good news at walang ibang magaling kundi ang dating amo na eksperto sa “pagbahog” kapag merong nag-iingay na sektor?

Sa kaalaman ng publiko, binigyan ng World Organization for Animal Health o Office International des Epizooties (OIE) ang Pilipinas ng sertipikasyon bilang FMD-free zone. Ibig sabihin, ito’y karagdagang trabaho at pamumuhunan dahil inaasahang lalaki ang lokal at banyagang pangangaila­ngan sa produksyon ng mga karne mula sa Pilipinas.

Sa ilalim ng sertipikasyon ng OIE, pinapayagan ang Pilipinas na magdala ng mga produkto sa iba’t ibang bansa. Kahit mutain, makikitang malaki ang pakinabang ng mga Pilipino dito at dapat magsilbing inspirasyon para makilala ang Pi­lipinas sa buong mundo sa larangan ng importasyon ng karne.

***

Napag-uusapan ang suporta, responsibilidad ng bawat Pilipino na samahan si PNoy sa kanyang panawagang bumoto para mahirang ang Puerto Princesa Underground Ri­ver (PPUR) na isa sa finalists sa pandaigdigang pananaliksik ng “New 7 Wonders of Nature” kesa sayangin ang load sa “jejemon text” at panloloko ng kapwa.

Kapuri-puri ang panawagan ng PNoy para sa agresibong pagboto ng mga nasa lokal at pambansang pamahalaan, mga estudyante, overseas Filipino workers (OFWs), at iba pa, sa pamamagitan ng internet at short messaging system (SMS) o text.

Tama si PNoy sa pagsasabing malaki ang tsansa ng PPUR na mapabilang sa New 7 Wonders of Natures kung laging boboto ang lahat ng 80 milyong Filipino na mayroong cellular phone, nangangahulugang uunlad ang turismo sa bansa na inaasahang lilikha ng karagdagang trabaho para sa mga Pilipino.

Isang subterranean river ang Puerto Princesa Underground River na may habang 8.2 kilometro at umaagos sa ilalim ng nabuong stalactites at stalagmites formation. Tinalo ng Puerto

Princesa Underground River ang 440 iba pang mga kalahok sa buong mundo at kabilang sa 28 finalists para sa “New 7 Wonders of Nature Campaign”.

Sa mga hindi pa nakapag-text at sobra-sobra ang load, maaaring makaboto sa www.new7wondersofnature o i-type ang PPUR15 sa cellular phone at ipinadala sa 2861.

Take note: Hanggang Nobyembre 10, 2011 puwedeng bumoto at kinabukasan (Nobyembre 11) iaanunsyo ang mana­nalo.

La­ging tandaan: “Bata niyo ako at Ako ang Spy niyo.” (mgakurimaw.blogspot.com)

Wednesday, June 15, 2011

Palakpakan!
REY MARFIL


Dapat irespeto ang desisyon ng Dalawang Kapulungan ng Kongreso na ipagpaliban ang halalan sa Autonomous Region in Muslim Mindanao (ARMM) ngayong Agosto at isabay na lamang sa 2013 midterm elections.

Bagama’t si Pangulong Noynoy ‘PNoy’ Aquino ang nag-request nito, pangunahing layunin ng pagpapaliban ng halalan sa ARMM ay maibigay ang tunay na reporma at hindi para pakialaman ang mga kapatid nating Muslim sa rehiyon.

Isang patotoo ang Maguindanao massacre na kumitil sa 60-katao, kabilang ang 32 mamamahayag kung bakit dapat ireporma ang ARMM sa lalong madaling panahon. Ibig sabihin, mananatiling mailap ang katatagan, kapayapaan at tunay na kaunlaran kahit matagal na ang ARMM.

Nais lamang ni PNoy na makamit ang tunay na progreso para sa mas maraming mga tao at hindi lamang ng iilang makapangyarihan. Take note: tanging pagsasabay ng halalan sa 2013 midterm elections ang makakapagbigay ng demokrasya sa ARMM para malibre sa anumang uri ng maru­ming pulitika ang rehiyon at maibigay ang magandang buhay sa mga ito.

Kaya’t makatwirang palakpakan natin ang Kongreso na nakita ang liwanag at katalinuhan sa kahilingan ni PNoy na suspindihin ang halalan at maibigay ang makabuluhang pagbabago sa ARMM.

***

Sa kabila ng paulit-ulit na problema na bumulaga sa atin nitong nakalipas na Lunes, ginawa ng Malacañang ang lahat para matiyak ang mapayapang pagbubukas ng klase para sa mga taong 2011-2012.

Inatasan ni PNoy ang kinauukulan na gawin ang lahat ng mga paraan upang matiyak na ligtas ang mga estudyante sa kanilang mga eskuwelahan sa buong taon at lahat ng pagkakataon.

Talaga namang gumagawa ng hakbang si PNoy na resolbahin ang napakabigat na problema sa sobrang dami ng mga estudyante kaya’t isinusulong ang responsableng pagpapamilya, maliban kung bulag ang mga taga-Simba­han nang magbukas ang klase?

Sa ganitong krisis, nasaan ba ang anti-Reproductive Health (RH) bill o kontra sa population management? Sa halip na kontrahin si PNoy, bakit hindi na lamang gayahin ng Simbahan ang Federation of Filipino Chinese Chambers of Commerce and Industry, Incorporated (FFCCCII) na katuwang ng pamahalaan sa pagtataguyod ng edukasyon para sa mga Filipino sa pamamagitan ng school building project.

Iprinisinta ng FFCCCII kay PNoy ang modelo ng dalawan­g palapag na gusali sa paaralan na kumakatawan sa kanilang 454 units na donasyon sa pamahalaan.

Ibig sabihin, dapat maunawaan naman ng anti-RH bill na ginagawa lamang ni PNoy ang trabaho nito bilang lider ng bansa kaya hayagang nagdeklara ng suporta sa responsableng pagpapamilya.

Nakakalungkot lamang na walang ginagawa ang anti-RH bill para pigilan ang problema na dulot ng tinatawag na pabrika ng mga bata sa bansa. Bakit hindi aminin ng anti-RH bill na ang paulit-ulit na problema sa kakapusan sa silid-aralan, libro, guro at mga katulad na bagay sa sektor ng edukasyon, ito’y resulta sa sobra-sobrang populasyon.

Isang pang nakakabilib at kahanga-hanga ang maigting na panawagan ni PNoy na resolbahin ang sobra-sobra at abusadong benepisyo na kinukubra ng mga opisyal sa go­vernment-owned and controlled corporations (GOCCs) sa gitna ng paghihirap ng publiko.

Ito’y nagresulta sa Republic Act 10149 o Government-Owned and Controlled Corporations (GOCC) Governance Act of 2011 na agarang nilagdaan ni PNoy bilang isang ganap na batas. Layunin ng batas na isulong ang tamang paggugol sa GOCCs lalo pa’t hindi naging makatwiran ang sobrang kinikita ng mga opisyal.

Isang tunay na reporma ang aanihin sa adhikain ni PNoy sa pagkalusaw ng malaking allowance ng mga opis­yal ng GOCCs na nabigo namang pigilan ng dating mga administrasyon.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Monday, June 13, 2011

All rice!
REY MARFIL

Kung babalikan ang mga naisulat at nababasa, animo’y nakinabang lamang sa “publicity” ang dating administrasyon sa P5 bilyong programa para sa serbisyong pangkalusugan, sa pamamagitan ng National Health Insurance (NHI), simula 2007 hanggang 2010 dahil hindi naman nito binayaran ang malaking obligasyon.

Kinailangan pang maupo si Pangulong Noynoy ‘PNoy’ Aquino III para mabayaraan ang pananagutan na kumakatawan sa parte ng pamahalaan sa “health insurance premiums” ng mga mahihirap na pamilyang Pilipino.

Sa pagkakaalam ng publiko, naglabas ang administrasyong Aquino ng P5 bilyon para bayaran ang obligasyon ng dating administrasyon sa konteksto ng tama at matalinong paggugol ng pampublikong pondo.

Ngayong taon, naglaan ang administrasyong Aquino ng P3.5 bilyon para sa NHI na programa na naglalayong pagkalooban ng serbisyong kalusugan ang 4.7 milyong mahihirap na pamilya sa buong bansa.

Ipinatupad ang programang pangkalusugan ng admi­nistrasyong Aquino simula Oktubre 2010 kung saan hindi kasama sa 4.7 milyong pamilya ang mga kasalukuyang nakikinabang na sa insurance coverage.

***

Napag-uusapan ang obligasyon, ibinigay ni PNoy sa mga kasapi ng gabinete at kalihim ng Department of Interior and Local Government (DILG) ang kapangyarihan na bumili ng mga sasakyan na kakailanganin sa kanilang operasyon -- isang paraan upang matiyak ang matalinong paggamit ng government funds.

Sa ilalim ng Administrative Order (AO) No. 15 na nilagdaan ni PNoy noong Mayo 25, 2011, layunin nitong ireporma ang operasyon sa pamahalaan at pataasin ang “public accountability” lalo’t nasa magandang posisyon ang mga kalihim na determinahin ang kanilang panga­ngailangan sa mga sasakyan.

Take note: Mapapabilis ang proseso ng mga papeles para sa bibilhing sasakyan matapos ang matalinong pagpapasya ng mga kalihim na aaprubahan ng Department of Budget and Management (DBM).

***

Hindi ba’t good news ang pagpapakita ni PNoy ng pagpapahalaga sa “food production” nang ipalabas ang P3.430 bilyon para sa National Rice Program ng Department of Agriculture (DA) -- ito’y makakatulong sa pagpapababa ng antas ng kahirapan at matiyak ang mabilis at tuluy-tuloy na pag-angat ng ekonomiya dahil inaasahang lalaki rin ang ani ng mga magsasaka, alinsunod sa target na maging “rice self-sufficiency” ang Pilipinas sa 2013.

Sa ilalim ng National Rice Program, pagkakalooban ang mga magsasaka ng de-kalidad na mga buto, maayos na irigasyon, pautang at marketing assistance para mapa-unlad ang produksyon ng pagsasaka. Umaabot sa P5.217 bilyon ang buong pondo ng National Rice Program ngayong taon.

Kaya’t huwag ikagulat kung mauwi sa “all rice” ang gimik ng mga resto bago bumaba sa puwesto si PNoy sa June 30, 2016!

Inaasahan ng DA na aabot sa 17.45 milyong metriko toneladang palay ang aanihin ngayong taon at planong taasan ng 10%, as in magiging 19.2 milyon sa 2012; at karagdagang 10% sa 2013 o papalo sa 21.11 milyon -- isang paraan para makamit ang pagiging rice self sufficiency ng Pilipinas.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

Friday, June 10, 2011

Walang yaya at tsaperon!
Rey Marfil


Kumpara sa mga nakaraang panahon, hindi ba’t kapuri-puri ang maliit na halagang ginagastos ni Pangulong Benigno ‘PNoy’ Aquino III kada biyahe sa loob at labas ng Pilipinas, pinaka-latest ang P2 milyon sa 2-day state visit sa Brunei, maging ang napakaliit na delegasyon -- ito’y nililimitahan lamang sa humigit-kumulang 50-katao.

Ang maliit na delegasyon kada biyahe -- (ito’y pagpapakita ng isang magandang halimbawa kung papaano pinahahalagahan ni PNoy ang government funds, malinaw ang kwenta ng Finance Office, sa ilalim ng Office of the President (OP) -- pinakamababa ang P2 milyong nangugol ng pamahalaan sa isang biyahe ng Pangulo, simula noong panahon ni da­ting Pangulong Fidel V. Ramos.

Sa mga nagdaang panahon, hindi lang apo ang binitbit ng nakaupo sa Palasyo, pati yaya at tsaperon, as in kulang na lamang isama ang bagong-lipat sa tabi ng bahay nito. At sa malamang, meron pang “per diem” kung nailista sa official delegation. Lahat ng kabalbalang naganap at nakaugalian sa mahabang panahon, ito’y itinuwid ni PNoy kaya’t walang pulitikong entourage sa abroad kundi puro trabahador ang kasamang opisyal at staff nito.

Malaking tagumpay ang pagtitipid ni PNoy lalo pa’t malaki ang makukuhang benipisyo ng Pilipinas sa mga nakalipas na biyahe ng Pangulo kung saan matagumpay nitong naisulong ang lalo pang pagpapalakas sa malalim na “economic at bilateral ties”. Sa Brunei trip, good news ang kons­truksyon ng mga imprastraktura para sa natural gas bilang alternatibo sa mga inaangkat na mga produktong petrolyo.

Binigyang halaga rin sa biyahe ang kampanya laban sa transnational crimes, human at drug trafficking at paglagda sa mga kasunduan para isulong ang turismo, agrikultura, barko at pier at pagpapalakas sa palakasan. Take note: Nagpahayag rin ang pamahalaang Brunei ng matinding interes sa industriya ng asukal, mais, cacao, Halal na mga pagkain, maging sa kalidad ng mga bato at buhangin.

At hindi rin kinalimutan ng PNoy ang overseas Filipino workers (OFWs) nang makipagkita at ipinaalam ang mga magagandang reporma na inilatag ng pamahalaan sapul nang umupo sa kapangyarihan noong Hunyo 30, 2010.

At kahit napakasikip ng iskedyul, dinalaw ni PNoy ang Jollibee outlet sa Serusop Complex sa Brunei para kilalanin at bigyang suporta ang tagumpay ng isang kumpanyang 100% pag-aari ng mga Filipino -- ito’y merong 11 tindahan (Jollibee) sa Brunei.

***

Napag-uusapan ang aksyon, mabilis ang pagkilos ng pamahalaan para saklolohan ang mga may-ari ng fishpens na naapektuhan ng fishkill na tumama sa Batangas at Pangasinan. Tama si PNoy sa pagtiyak na hindi pababayaan ng pamahalaan ang mga naapektuhan sa pamamagitan ng pagkakaloob ng bangus fingerlings para muling buhayin ang industriya ng isda.

Dapat suportahan ng publiko si PNoy sa mga ipinapatupad nitong mga hakbang para maibalik ang magandang kalidad ng tubig sa dalawang lalawigan upang maging ma­ayos ang paglaki ng fingerlings o punla. At tinitiyak ng pamahalaan na maisasagawa ang lahat ng mga bagay para maiwa­san ang katulad na insidente sa hinaharap sa pamamagitan ng kooperasyon at tulungan ng mga opisyal sa lokal at pambansang pamahalaan.

Ang isang pang mabilis na aksyon, ipinahiram ng Department of Agriculture (DA) ang water pumps nito para malinis ang tubig sa Taal Lake habang patuloy ang paglilinis ng mga kulungan ng isda na sinasabing dahilan sa kakulangan ng hangin sa ilalim ng tubig.

Sa kabuuan, dapat tumulong ang publiko sa kampanya ng gobyerno na tiyaking hindi makakarating sa mga palengke ang double dead na mga isda. Lagin


Wednesday, June 8, 2011

May delicadeza!
REY MARFIL

Inaasahang malalampasan pa ang target ni Pangulong Noynoy ‘PNoy’ Aquino na pito hanggang walong porsi­yentong paglago ng ekonomiya sa pagtatapos ng taon, alinsunod sa mga ipinapatupad na reporma sa pamahalaan, as in siguradong mahihimok ang mga negosyante sa “matuwid na daan ng Pangulo” para maglagak ng kapital na inaasahang lilikha ng milyun-milyong trabaho.

Dahil naman sa kaguluhang pulitikal sa Gitnang Silangan at kambal na trahedyang tumama sa Japan, hindi na nakakapagtakang umabot lamang sa 4.8% ang gross domestic product (GDP) ng bansa sa unang tatlong buwan ng taon. Sa katunayan, halos parehung-pareho ang inilago ng GDP ng Pilipinas sa iba pang mga kanugnog na mga nasyon sa Asya.

Isa ang Japan sa pinakamalaking “trading partner” at pinagmumulan ng malaking pondo ng overseas development assistance (ODA) ng Pilipinas at maraming overseas Filipino workers (OFWs) ang naapektuhan sa kaguluhang sumiklab sa Gitnang Silangan.

Tama si PNoy sa pag-imbita ng mga lokal at dayuhang negosyante na mamuhunan sa Public Private Partnership (PPP) na programa ng pamahalaan para sumikad ang ekonomiya ng bansa sa ikalawang yugto ng taon.

***

Ipinakita sa pagbibitiw ni Bureau of Corrections (BuCor) Director Ernesto ‘Totoy’ Diokno ang tiwala ng publiko kay PNoy --isang sukatan sa pagiging lingkod-ba­yan sa ilalim ng administrasyong Aquino.

Siguro naman mananahimik ang mga kritiko ngayong agarang nag-resign ito.

Nasa katwiran si PNoy sa pagsasabing “pampublikong interes” ang dapat na mangibabaw at hindi ang anumang personal na relasyon. Take note: matagal na kaalyado at kabigan ng Pangulo si Diokno -- dito ipinakita ng tinaguriang “Manila’s Finest” ang pagkakaroon ng delicadeza na hindi nakita ng mga kurimaw sa mahabang panahon.

Magandang mensahe ang pagtanggap ni PNoy sa pagbibitiw ni Diokno, maging ang pagpapasalamat ng Pangulo sa naging serbisyo at ipinakitang delicadeza ng ex-BuCor chief. Ika nga ni PNoy --magbibigay-daan ang pagbibitiw ni Diokno sa pagpapatupad ng mga reporma sa sistemang bilangguan sa bansa.

***

Napag-usapan ang aksyon, ginagawa ni PNoy ang lahat ng paraan upang pigilan ang mga pribadong kolehiyo at unibersidad sa pagpapatupad ng walang basehan at mahal na matrikula at iba pang bayarin. Kaya’t mag-isip bago maningil ng sangkaterbang “miscellaneous fees” ang mga abusadong may-ari ng eskuwelahan kesa masampolan.

Bagama’t binata at wala pang anak na pinag-aaral kahit man lamang sa day care center, batid ni PNoy ang bigat na pinapasan ng mga magulang sa kanilang pagbabad­yet. Upang matiyak na protektado ang publiko, bumuo ang Malacañang ng isang komite, sa pamamagitan ng Commission on Higher Education (CHED) na tututok sa isyu at madetermina kung ano ang mga legal na bayarin na dapat lamang singilin ng mga kolehiyo at unibersidad.

Pamumunuan ni CHED Executive director Julito Vitriolo ang komite kung saan ililista ang “miscellaneous fees” na maaaring masingil sa mga mag-aaral -- isang paraan para maiwasan ang pang-aabuso.

Maaaring tumawag ang mga magulang at estudyante sa CHED hotline na 4411216 para magreklamo.

Laging tandaan: “Bata n’yo ko at Ako ang Spy nyo”. (mgakurimaw.blogspot.com)

Monday, June 6, 2011

Iba na ngayon!
REY MARFIL

Tinulungan ng administrasyong Aquino ang mga pamilyang nabiktima ng mapaminsalang buhawi na tumama sa Missouri, USA nitong Mayo 22 at nakakatuwang marinig ang determinasyon ng pamahalaan na tulungan ang mga pamilyang Filipino na naapektuhan ng mga trahedya sa iba’t ibang panig ng mundo.

Ang latest development, nagpadala na ang pamahalaan ng mga tao sa mga pamilya ng namatayan para alamin ang kanilang agarang pangangailangan at tulungan ang iba pang naapektuhan.

Take note: Tinatayang 117-katao ang namatay, kabilang ang dalawang Pilipino at daan-daan pa ang nawawala sa trahedyang sumira sa 30% ng mga gusali sa bayan ng Joplin na direktang tinamaan ng buhawi.

Napag-uusapan ang trahedya, hindi ba’t kapuri-puri ang maganda at epektibong pagbabago ng Philippine Atmosphe­ric, Geophysical and Astronomical Services Administration (PAGASA) -- ito’y nangyari lamang sa ilalim ng liderato ni Pangulong Benigno ‘PNoy’ Aquino III.

Hindi ba’t good news na mula sa pagkakalat ng palpak na pagtataya ng panahon noon, unti-unti nang bumubuti ang performance ng PAGASA sa pagbibigay ng mga babala sa lagay ng panahon ngayon, maliban kung sadyang walang ibang makitang magaling ang mga kritiko kundi sarili nito?

Kahit malabo ang mata, sampu ng mga mutain sa hanay ng kritiko, makikitang hinahanapan ni PNoy ng solusyon ang mga problema sa kakapusan sa mga gamit at pinansyal na aspeto ng PAGASA. Kung magkakaroon ng mahusay na pagtaya ng panahon, siguradong maraming buhay ang maililigtas at malaking halaga ng mga ari-arian ang maisasalba.

Makatwiran ding papurihan ang magandang pagtutok ng pamahalaan sa bagyong Chedeng. Habang nasa Thailand, alinsunod sa opisyal na imbitasyon ng mga lider doon, masu­sing nagbabantay si PNoy sa kondisyon ng panahon, gamit ang modernong kagamitan at komunikasyon, as in walang sinayang na oras para i-monitor ang kaganapan sa Pilipinas.

***

Anyway, dapat tugunan ng publiko ang panawagan ni PNoy na maglagay ng watawat ng Pilipinas sa kanilang mga bahay, tanggapan, eskwelahan, pampublikong mga gusali at mga plaza, maging sa mga embahada at konsulado sa ibang bansa simula sa Mayo 28 bilang paggunita sa National Flag Day hanggang Hunyo 12 -- ito’y paghahanda sa Independence Day.

Hindi natin dapat kalimutan ang malaking sakripisyo at pagbubuwis ng buhay ng ating mga bayani kung saan sinisimbolo ng ating bandila ang kanilang kadakilaan. Sinasalamin rin ng watawat ang paggunita sa “Battle of Alapan” noong Mayo 28, 1898 kung saan unang itinaas sa Teatro Caviteño sa paghihi­magsik na pinamunuan ni Gen. Emilio Aguinaldo sa Imus, Cavite.

Sa ilang “row four” sa history subject at palaging nag-e-escape sa klase para mamitas ng bayabas -- nagsimula ang bandera ng Pilipinas sa panahon ng rebolusyon kung saan ibinase ang kasalukuyan nitong layout sa 1936 Philippine Commonwealth Government.

***

At hanga-hanga din ang walang sawang pagsuporta ni PNoy sa pagsusulong ng usapang pangkapayapaan upang wakasan ang ilang dekada ng rebelyon sa bansa matapos ang pandaigdigang pagtataya sa kalagayan ng kapayapaan at seguridad sa buong mundo.

Dadalhin ang bansa ng masidhing posisyon ng administrasyong Aquino na resolbahin ang rebelyon at insureksyon sa produktibong mga aktibidad na pakikinabangan ng buong bansa. Alam naman natin na pangunahing pundasyon ng kasaganahan ng isang bansa ang kapayapaan.

Hindi naman talaga imposible ang wagas na kapayapaan lalo’t masigasig si PNoy na isulong ito ng mayroong mataas na katapatan, dedikasyon at pagiging bukas ng kaisipan.

Dapat magpatuloy ang hiwalay na negosasyon sa Moro Islamic Liberation Front (MILF) at Communist Party of Philippines-National Democratic Front-New People’s Army (CPP-NDF-NPA).

Laging tandaan: “Bata niyo ako at Ako ang Spy niyo.” (mgakurimaw.blogspot.com)

Friday, June 3, 2011

Barya lang!
REY MARFIL

Makatwiran lamang na purihin si Pangulong Noynoy ‘PNoy’ Aquino III sa matalinong paggugol ng government funds sa lahat ng pagkakataon, pinaka-latest ang opisyal na biyahe sa Thailand at Brunei -- ito’y umabot lamang sa P4.5 milyon ang nagastos at limitado sa 52-kataong delegasyon, kabaliktaran sa nakagisnan ng publiko sa mahabang panahon kung saan mas marami ang tsaperon.

Kinakatawan ng halaga (P4.5 milyon) ang gastusin sa eroplano, hotel, pagkain, transportasyon, at komunikasyon na lubhang napakaliit kung ikukumpara sa malaking pakinabang na nakuha at makukuha ng Pilipinas sa lubhang masaganang biyahe nito. Ika nga ni Mang Gusting, “kung tutuusin, barya ang gastos ni PNoy kapag ikinumpara sa biyahe ng mga pinalitan sa trono”.

May katwiran si Mang Gusting, sampu ng ka-jamming, aba’y maliit na halaga nga naman ang P4.5 milyon kung ikukumpara sa daang milyong piso na ginagastos kada biyahe sa nagdaang mga rehimen -- ito’y patunay kung gaano kaseryoso si PNoy sa matuwid na daang ipinangako. At itaga niyo sa bato, hindi magnanakaw ang Pangulo.

Sa overnight Thailand trip, ginawaran si PNoy ng honorary Doctorate of Philosophy (Economics) ng Kasetsart University -- isa sa de-kalibreng pampublikong unibersidad sa Thailand. Pinangunahan ni President Vudtechai Kapilakanchana ang pagkilala sa hindi matatawaran at dakilang nagawa ni PNoy, partikular ang hindi matatawarang liderato na pinakikinabangan ng mga Pilipino.

Talagang mabunga ang biyahe ni PNoy sa Bangkok kung saan muling ipinahayag ni Thai Prime Minister Abhisit Vejjajiva sa kanilang bilateral talks ang mainit at magandang relasyon ng dalawang bansa na dapat manatili kahit matapos ang kanilang termino.

Mainit na tinanggap si PNoy sa kanyang pagbisita sa Thailand base sa imbitasyon ng Prime Minister. At malaki ang benepisyo ng 2 bansa sa larangan ng pulitika, ekonomiya at socio-cultural lalo pa’t parehong nagtataguyod ng demokrasya ang mga ito.

Noong 2010, malaki ang kontribusyon ng “Top ten exports” ng Thailand sa bansa -- ito’y umabot naman sa 20.7 milyong dolyar, partikular ang direktang pamumuhunan nito.

Take note: Merong karagdagang pamumuhunan sa Pilipinas, sa pamamagitan ng tatlong malalaking grupo ng mga negosyante na hiwalay nitong kinausap.

Kabilang dito ang Charoen Pokphand (CP) Group na pinamumunuan ni chairman at chief executive officer Dhanin Chearavanont na nagnanais na palawakin ang kanilang agri-business sa Pilipinas sa pamamagitan ng pag­lalagak ng kapital sa “hog raising industry” dahil sa kawalan ng Foot-and-Mouth Disease (FMD) sa Pilipinas.

Nariyan ang Siam Cement Group (SCG) na pinangunahan ni President at CEO Kan Trakulhoon na nagpaha­yag ng malaking tiwala sa magandang klima ng negosyo sa bansa kaya naman nais nitong palakihin ang kanilang operasyon sa Pilipinas sa larangan ng komersyo. Sa kasalukuyan, pag-aari ng SCG ang Mariwasa Tiles Company sa bansa.

Palalawakin rin ng Petroleum Authority of Thailand (PTT) Public Company Limited sa pamumuno ni President Prasert Bunsumpun ang kanilang pamumuhunan sa paggawa ng liquefied petroleum gas (LPG).

At pinasalamatan rin ni PNoy ang partisipasyon ng mga kumpanya sa Thailand sa mga proyektong imprastraktura sa ilalim ng Public-Private Partnership (PPP) na progra­mang sinimulan ng kanyang administrasyon lalo pa’t su­bok ang husay at galing ng mga ito sa konstruksyon ng mga kalsada sa Bangkok.

Sa kanilang bilateral talks, iprinisinta ni PNoy kay Prime Minister Abhisit ang mga programang PPP ng bansa upang makaakit ng mga mamumuhunan. Tinalakay rin ng Pangulo ang kahalagahan ng kooperasyon sa pagsulong ng agrikultura, paglaban sa drug trafficking at paghahanda sa disaster risk reduction and management.

***

Napag-uusapan ang pagkakaisa, dapat suportahan nating lahat ang pandaigdigang panawagan ni PNoy na boykotin ang ilegal na bentahan ng black corals para protektahan ang yamang-dagat sa buong mundo. Napapanahon ang maigting na kampanya at panawagan ng Pangulo.

Ating papurihan ang magandang accomplishment ng administrasyong Aquino sa tulong ng mga opisyal ng Customs nang maharang ang P15 milyong halaga ng black sea corals mula Maynila patungong Cebu. Kaya’t suportado ng mga kurimaw ang panagawan ng pamahalaan na magsanib-puwersa ang mga bansa sa buong mundo para labanan ang mapaminsalang negosyo at magkaroon rin ang mga ito ng parehong matigas na paninindigan.

Ang hinala ng mga opis­yal ng Customs -- konektado ang pagkakahuli ng black corals sa kanilang pagkakaharang rin sa patay na pambihirang sea turtles, black corals at sea shells mula Cotabato na kanilang pinakamalaking huli sa kasaysayan ng yamang-dagat sa bansa.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

Wednesday, June 1, 2011

Todo-kayod!
REY MARFIL

Brunei Darussalam --- Hindi lang “trabahong kalabaw” kundi “kayod-marino” si Pangulong Noynoy “PNoy” Aquino upang hulihin ang puso ng mga negosyante, pinaka-la­test ang 2-day state visit sa mayamang Brunei, kalakip ang layuning makahagilap ng mas maraming mamumuhunan, trabaho at iba pang oportunidad.

Sa lahat ng pagkakataon, nauubos ang panahon ni PNoy sa pagpapaunlad ng ekonomiya ng bansa. Take note: para matulungan ang turismo ng Pilipinas, tinanggap ng Pangulo ang pangunahing mga opisyal ng United Arab Emirates’ (UAE) national airline sa isang courtesy call sa Malacañang -- dito pinag-usapan ang pagsusulong ng mas malakas na ekonomiya, turismo, imprastraktura at iba pa.

Sa pulong, tinalakay nina PNoy at ilang mga opisyal ng bansa ang panukala ni G. James Hogan, chief executive officer ng Etihad Airways, kaugnay sa pagpaparami ng kanilang flights o biyahe sa Pilipinas.

Hindi lang ‘yan, maganda ang suporta ng administrasyong Aquino sa inisyatiba ng Trade Union Congress of the Philippines (TUCP) na palakasin ang kakayahan ng mga manggagawa na magtayo ng maliit na negosyo para madagdagan ang kanilang kita.

Inihayag ng TUCP, mayroong 1.2 milyong mga kasapi at pinakamalaking samahan ng mga manggagawa sa bansa, ang magandang resulta ng pagnenegosyo ng mga manggagawa sa Cebu.

Tamang ayudahan ng pamahalaan ang pagnenegosyo para magkaroon ng karagdagang kita sa pamilya ng mara­ming mga manggagawa. At makatwiran ding papupurihan ang pamahalaan sa paglikha ng maraming trabaho na karagdagan sa dalawang (2) milyong trabaho na naibigay sa mga Filipino noong 2010 at patuloy na pagmimintina dito.

***

Napag-usapan ang “good news”, hindi matatawaran ang mababang puso ni PNoy para sa kalagayan ng mga magsasaka at mangingisda, patunay ang pagtiyak ng Pangulo sa patuloy at walang humpay na pag-ayuda ng pamahalaan sa pagkakaloob ng tulong at mga proyekto.

Ilan sa pinagtutuunan ng pansin ni PNoy ang kons­truksyon ng irrigation canals, farm-to-market roads, mo­dernong kagamitan sa pagsasaka at pangingisda at maging sa diskarte sa pagbebenta ng kanilang mga ani.

Magandang balita rin ang pahayag ni PNoy na ilulunsad ang geographic information system (GIS) sa lalong mada­ling panahon para sa national registry system o census ng mga magsasaka at mangingisda na itatayo sa mga lalawigan ng Quezon (Luzon), Leyte (Visayas) at Bukidnon (Mindanao).

Ginawa ni PNoy ang pag-ulit sa kanyang commitment matapos papurihan at parangalan ang labing-apat (14) na in­dibidwal at walong (8) organisasyon bilang awardees ng “Gawad Saka 2010” dahil sa kanilang malaki at kahanga-ha­ngang kontribusyon sa pagtiyak ng sapat na pagkain sa bansa.

Bilang bahagi ng ayuda ng pamahalaan na tulungan ang mga mangingisda, pinangunahan ni PNoy ang pagpapakawala sa Jala-Jala, Rizal na bahagi ng Laguna de Bay ng mga punla ng tilapia at malalaking karpa.

Layunin ng programa na tinawag na “Bringing Back the Lake’s Bountiful Harvest” na muling paramihin ang mga isda sa lawa upang mapaunlad ang kabuhayan ng mga mangi­ngisda sa Laguna de Bay.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)