Monday, February 28, 2011

Kinopya lang!
REY MARFIL
Feb 28, 2011

Humigit-kumulang 50 libo-katao ang dumalo sa ika-25 anibersaryo ng EDSA People Power Revolution (People Power 1) nakaraang Biyernes -- ‘di hamak na mas kakaunti kumpara sa aktuwal na bilang noong Pebrero 25, 1986 kung saan mil­yong Pilipino ang nakimartsa at humarang sa tangke para palayasin ang rehimeng diktatur­ya.

Hindi man kasing-dami sa nakaraan, malinaw ang mensahe ng bawat isa -- “Buhay ang diwa ng EDSA at nagsalinlahi ang ipinaglabang demokrasya”.

Sa bagong henerasyon, maaaring nakaligtaan at hindi abot ng kanilang kaalaman ang bawat detalye sa mga pangyayari noong EDSA 1, maging ang pagturing sa Pilipinas bilang modelo at simbulo ng isang mapayapang rebolusyon -- ito’y kinopya ng iba’t ibang bansa, mapa-Asya hanggang Europa, pinaka-latest ang Egypt, isa sa “Land of Promise” na nababasa sa Luma at Bagong Tipan.

Hindi kailangan ang serbisyo ni Gregorio Zaide (Philippine historian) para malaman kung paano binago ng Pilipinas, sa pamamagitan ni Pangulong Corazon Aquino ang kahulugan ng “rebolusyon” -- ito’y naging inspiras­yon ng mga taga-Germany, South Korea, Czech Republic at Chile. Hindi ba’t giniba ng mga Aleman ang Berlin Wall noong November 9, 1989 -- pawang ordinaryong mamamayang nanindigan at nagkaisa para sa kapayapaan at kalayaan, ilang taon makalipas ang EDSA 1?

Nagkaroon ng ‘domino effect’ ang 1986 People Power Revolution, animo’y isang “hangin” na nakahawa sa buong daigdig -- isang taon makaraang mapatalsik ang rehimeng Marcos, nanindigan ang mga taga-South Korea laban kay General Chun Doo-hwa -- ito’y humantong sa repormang demokratiko.

***

Napag-usapan ang ‘domino effect’, nakawala sa “kamay na bakal” ang mga taga-Chile dahil napuwersang kumandidato at natalo si President Augusto Pinochet -- ‘naghari’ simula 1973 hanggang 1989, as in nagkaroon ng ‘democratic domino effect’ sa buong daigdig ang people power revolution -- ito’y kinopya sa Poland, naging inspirasyon ng ‘Singing Revolution’ sa Estonia, Latvia at Lithuania sa Baltic States noong 1989, gayundin ang kilusang demokratiko sa Germany.

Ang “Velvet Revolution” ng Czechoslovakia sa Wenceslao Square -- ito’y naging daan ng paglalaho ng isa sa dalawang pinakamakapangyarihan at nagpabalik ng demokrasya. Marami pang bansa ang sumunod dito -- kasama ang Eastern Europe at kumalat hanggang Central Europe na nag-angat sa ‘Iron Curtain’ ng Soviet Union.

Ang demokrasya at people power na sinimulan ng mga Pilipino sa ilalim ni Tita Cory ang naging daan kaya’t nagwakas ang “Cold War” sa bansa -- isang katangi-tanging halimbawa ng rebolusyon na nagsilbing ‘formula’ ng mga bansang uhaw sa kalayaan at demokrasya.

Sa 25th EDSA anniversary, malinaw ang mensahe ni Pangulong Noynoy ‘PNoy’ Aquino -- kailangan ang tulong ng bawat isa kung nais mabura ang problemang minana.

Take note: tanging si PNoy lamang ang ‘pumutol’ sa nagmamantikang allowances ng mga nakaupo sa government-owned and controlled corporations (GOCCs) na naging ‘gatasan’ sa loob ng 11-taon; nagpatupad ng logging ban; bagong patubig at irigasyon upang makaani ng 1.56 metrikong tonelada ng palay kada taon ang mga magsasaka; P200 monthly amortization sa housing ng mga kapulisan at kasundaluhan. Higit sa lahat, tiniyak ni PNoy na hindi tatantanan ang plea bargaining agreement, sa pagitan ni retired General Carlos Garcia at Office of the Ombudsman, sampu ng AFP comptroller na sangkot sa katiwalian. Laging tandaan: “Bata n’yo ko at Ako ang Spy n’yo”.(mgakurimaw.blogspot.com)

Nakatipid ang PAGCOR!
REY MARFIL
Feb 25, 2011

Hindi ‘nagsisinungaling ang ebidensiya’ para sa ‘daang matuwid at repormang’ ipinangako ni Pangulong Noynoy Aquino -- tumaas ang gross revenues ng Philippine Amusement and Gaming Corporation (PAGCOR), sa ilalim ng pagtitimon ni Chairman Bong Naguit Jr., -- ito’y nakapagtala ng 11.36% increase sa unang buwan at napakalayo sa nagdaang 9-taon, sa kaparehong yugto.

May kabuuang P2.759 bilyon ang gross revenue ng Pagcor ng nakaraang January, katumbas ang P2.477 milyong gross income kumpara noong January 2010 -- ito’y epekto ng magandang marketing at entertainment efforts sa iba’t ibang Casino Filipino branches.

Take note: umabot sa P1.948 bil­yon ang gaming revenues ng state-gaming firm sa unang buwan, mas mataas ng P222 milyon kumpara sa P1.726 bil­yong gaming income sa kaparehong yugto.

Hindi lang iyan, nagkaroon ng 8.30% increase sa ibang gaming services -- ito’y mas mataas ng P59 milyon kumpara noong January 2010 kaya’t naitala ng Pagcor ang 12.84% increase sa gaming income.

Sa buwan ng Enero, nakapag-remit ng P1.284 bilyon sa mandated beneficiaries ang ahensiya, ‘di hamak na mas malaki ng 13.73% (P155 milyon) kumpara sa P1.129 bilyon remittances noong January 2010 -- ito’y sa panahon ni ex-Pagcor Chairman Efraim Genuino.

Ang good news, umabot sa P182 milyon ang savings ng nakaraang Enero -- ito’y epekto sa ginawang pagtitipid ng opisina ni Chairman Bong sa marketing, supplies and materials, maging sa advertisement/PR o promotions, mas mababa ng 15.12% kumpara noong January 2010.

Kapag sinuri ang January 2011 at January 2010 figures, nagkakahalaga ng P97 milyon ang franchise tax ibinayad ng Pagcor sa Bureau of Internal Revenue (BIR) nakaraang buwan, mas mataas ng P11 milyon. Ang 50% shares ng nationa­l government -- ito’y pumalo sa P925 milyon at mas mataas ng P105 milyon habang P46 milyon ang remittances sa Philippine Sports Commission (PSC) at mataas ng P5 milyon.

Maging remittances ng PAGCOR sa social fund -- ito’y umakyat sa 29.89%. Sa kaparehong yugto, nakapagtala ng P150 milyon sa unang buwan ng taon, mas malaki kum­para sa P115 milyon noong January 2010. Ang social fund ang ginagamit ng Office of the President (OP) sa lahat ng prio­rity projects.

***

Napag-usapan ang PAGCOR, magiging ‘exciting’ ang konstruksyon ng $1 billion resort at entertainment complex sa Parañaque City -- ito’y pangangasiwaan ng Bloombery Resorts and Hotel Inc., isang subsidiary ng Surestre Properties Inc. at D.M. Consunji Inc., ang contractor sa proyekto, nangangahulugang bilib sa kakayahan ng mga Pinoy ang negosyanteng si Ricky Razon.

Mismong si Senate President Juan Ponce Enrile ang sumaksi sa ceremonial rites at pinuri ang world class project, maging ang pagtitiwalang ibinigay ni Mr. Razon sa local partners, simula sa kontratista, nagkonsepto at nagdisenyo ng proyekto, malinaw aniyang malaki ang kumpiyansa sa kakayahan ng mga Pinoy.

Hindi lang turismo ang yayabong sa itatayong “Entertainment City” -- ito’y magbibigay ng maraming trabaho lalo pa’t 500-room ang kapasidad ng 5-star hotel na sasakop sa 8.3 hectares; magkakaroon din ng convention at ballroom ve­nues; restaurants; at health and wellness facilities.

Take note: humigit-kumulang 5 libong trabaho ang lilikhain ng Entertainment City kapag binuksan sa 2012 kaya’t congratulations kay Mr. Razon. Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Wednesday, February 23, 2011

Forecast!
REY MARFIL

Ang prediksyon ng Bangko Sentral ng Pilipinas (BSP) ay magiging ‘blockbuster’ ang ekonomiya nga­yong taon at mapagtatagumpayan ang ‘back-to-back win’, alinsunod sa pinupuntiryang 7%-8% growth rate, as in madu-duplicate ang robust growth noong 2010 -- isang patunay kung gaano kalaki ang tiwala ng mga negosyante kay Pangulong Noynoy ‘PNoy’ Aquino, mapa-local o dayuhan ang mga ito.

Sa ‘forecast’ ni BSP Governor Amando Tetangco, magkakaroon ng ‘sequel’ ang 7%-8% growth rate ngayong 2011 -- ito’y inanunsiyo ng opisyal sa harap mismo ng mga miyembro ng Economic Journalists Association of the Philippines (EJAP). Hindi bolero si governor at ini-reappoint ni PNoy dahil subok ang husay nito.

Nakaraang taon, naitala ang 7.3% growth rate -- ang pinakamabilis at pinakamataas sa nagdaang 34-taon -- ito’y nangyari lamang sa ilalim ng liderato ni PNoy. Take note: tiwala ang BSP na ‘maglalaro’ sa 4.4% ang inflation rate, isang ‘good news’ lalo pa’t 3%-5% ang naunang prediksyon ng gobyerno.

Bilang patunay sa magandang ekonomiya, naitala ng Security Bank ang ‘record-high net profit’ noong 2010 -- ito’y kumita ng P7.2 bilyon, patunay ang 134% increase kumpara noong 2009.

Maging HSBC, tinaguriang British banking giant, nagbigay ng prediksyong hahataw ang piso kontra dolyar, as in babagsak ang dolyar at mauuwi sa P37.50 ang palitan sa merkado ngayong taon at posibleng P35.50 kada dolyar sa 2012.

Dahil gumaganda ang ekonomiya, asahang dadami ang bibili ng sasakyan, “NABABASA at “NASUSULAT” ang prediksyon ng BPI Family Bank -- isa sa pinakamalaking thrift bank na nagbigay ng prediksyong double-digit growth ang auto lending nga­yong taon at tanging P700,000.00 ang minimum loan ng qualified applicants -- ito’y babayaran sa loob ng 36-buwan.

***

Napag-usapan ang bilis, ganito rin ang resulta sa remittances ng overseas Filipino workers (OFWs) -- naitala ang ‘all-time high record’ noong 2010 at nagsilbing ‘panabla’ sa recession na naranasan ng buong mundo -- ito’y naging susi sa recovery ng Pilipinas, aba’y hindi man lamang ininda ang malawakang sibakan sa trabaho.

Sa datos ng BSP, pumalo sa $18.76 bilyon ang remittances ng OFWs noong 2010 -- pinakamalaki sa kasaysayan ng Pilipinas, as in 8.2% ang itinaas kumpa­ra noong 2009 kung saan nagkakahalaga lamang ng $17.07 bilyon ang remittances ng ating mga kababayan.

Nakaraang December 2010, umabot sa $1.69 bil­yon ang remittances ng OFWs, tumaas ng 8.1% mula $1.57 bilyon noong December 2009 -- ito’y nagmula sa United States, Saudi Arabia, United Kingdom, United Arab Emirates, Singpore, Italy, Germany at Norway.

Sa ngayon, may kabuuang 4,581 remittances centers at iba pang accredited offices sa buong mundo, mas marami kumpara sa 3,730 registered centers noong 2009 -- isang rason kung bakit lumaki ang pe­rang pumapasok sa Pilipinas.

Sa data ng Philippine Overseas Employment Administration (POEA), mahigit 10 milyon ang Pinoy workers sa iba’t ibang panig ng mundo at nakapagtala ng 46,238 jobs order ang foreign employees noong 2010, nangangahulugang mas bilib ang mga dayuhan sa kakayahan ng mga Pinoy na magtrabaho. La­ging tandaan: “Bata n’yo ko at Ako ang Spy n’yo”. (mgakurimaw.blogspot.com)


Monday, February 21, 2011

February 21, 2011

Malupit si Nonito!
REY MARFIL

Malinaw ang mensaheng binitawan ni Pangulong Noynoy ‘PNoy’ Aquino sa 112th Alumni Homeco­ming ng Philippine Military Academy (PMA) sa Baguio City -- nawa’y magsilbing “pamana” sa susunod na heneras­yon ang aral na itinuro sa sambayanan ng makasaysa­yang 1986 People Power Revolution -- nagsimula ang selebrasyon ng nakaraang February 17 at magtatapos nga­yong February 27.

Simple at matipid ang paggunita sa 25th anniversary ng 1986 People Power Revolution na naging daan upang manumbalik ang demokrasya sa Pilipinas at nagpatalsik sa diktaturyang rehimen ni Pangulong Ferdinand Marcos. Ilan sa nakalinyang programa ang ecumenical mass sa makasaysayang Edsa Shrine, reenactment sa “salubong” -- ito’y may temang “Pilipino Ako, Ako Ang Lakas ng Pagbabago”.

“Noong Edsa, nagkaisa ang sambayanan. Ngayon po, ika-25 taon na ginugunita ang Edsa, may bago nang hene­rasyon.

Itong bagong henerasyon kailangan na po na­ting pagkalooban ng tama at ginintuang kinabukasan,” -- isang matalinhagang pakiusap ni PNoy sa kasundaluhan at liderato ng Armed Forces of the Philippines (AFP) sa gitna ng mga pagsubok at eskandalong iniimbestigahan ng Kongreso at kinasasangkutan ng ilang ‘ex-generals’.

***

Napag-usapan ang mga pagsubok at eskandalo, ipagpasalamat nina ex-General Carlos Garcia at ex-General Jacinto Ligot -- dalawang AFP comptroller na iniim­bestigahan ng Upper House sa multi-bilyon pisong AFP fund ang pagkakapanalo ng dalawang Pinoy boxer sa Nevada, Las Vegas.

At least, isang linggong matatabunan ang usapin ng ‘pangungupit’ sa militar at naagaw ang mga headlines.

Sa walang katapusang kuwento ng ‘pabaon at pasalubong’ sa chief of staff (COS), sampu ng ‘conversion’ sa personal services (PS) fund ng militar, malaking papel ang ginampanan nina Nonito Donaire Jr., at Mark Jason Melligen -- dalawang Pinoy boxer ang nagtala ng bagong pangalan, aba’y malupit ang pagkakapanalo kontra Mexican -- ito’y labis na ikinatuwa ni PNoy kaya’t abangan ang courtesy call ng dalawang Pinoy boxer sa Malacañang.

Bago ang laban at panalo ni Donaire laban kay world boxing champion Fernando Montiel sa Mandalay Bay Resort Hotel and Casino Events Center sa Las Vegas, naitala ni Melligen ang panalo via ‘unanimous decision’ sa 10-round fight laban kay Mexican boxer Gabriel Martinez -- ito’y isa sa mga undercards ng WBC/WBO bantamweight title showdown.

Ang ‘pinaka-good news’ sa lahat, maliban kay Peoples Champ at Sarangani Cong. Manny ‘Pacman’ Pacquiao -- iginuhit ni Donaire ang pangalan ng isa pang Pinoy sa larangan ng boksing matapos agawin kay Montie­l ang WBC/WBO bantamweight belt.

Take note: hindi birong kalaban si Montiel -- ito’y 3-time division world champion at ‘hindi just-just’, as in “hindi basta-basta’, ika nga ni Bulletin reporter Kuya Mario Casayuran.

Isang ‘solid left hook’ ni Donaire ang nagpabagsak kay Montiel sa oras na 2:25 sa Round 2. Sa lakas ng suntok, nangisay pa ang mga paa ng Mexican boxer (Montie­l) nang bumagsak sa lona.

Bagama’t nagawa pang makabangon, mismong referee ang nagpatigil sa laban -- ito ngayon ang ‘pulutan’ sa mga kuwentuhan, mapakanto o office hours, hindi ang sangkaterbang bahay ng esmi ni Ligot at plea bargaining agreement na pinasok ng Ombudsman sa pagitan ni Garcia.

Sa kabuuan, pansamantala lamang ang ‘pagkalimot’ sa AFP scandal at maaaring isang linggong magpapahi­nga, as in hindi rin matatakasan nina Ligot at Garcia ang multi-milyon pisong AFP scandal dahil malinaw ang mensahe ni PNoy sa homecoming ng PMA Alumni -- “mero­n dapat managot at magbayad sa ginawang kasalanan”.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)




Friday, February 18, 2011

FEBRUARY 18, 2011

Himala na lang!
Rey Marfil

Kahit ‘himala’ na lamang ang pinanghahawakan ng gobyerno, lahat ng paraan upang maisalba ang buhay ng tatlong Pilipinong nakatakdang bitayin sa China ngayong Pebrero 21 -- ito’y ginagawa ni Pangulong Noynoy ‘PNoy’ Aquino, patunay ang pagsulat ng nakaraang Agosto para iapela at hingin ang pag-commute sa mga ito.

Nakakalungkot ang kaparusahang ipinataw sa tatlong Pinoy workers sa China lalo pa’t walang death penalty sa Pilipinas kahit pa sangkatutak at ‘drum-drum’ ang drogang nakumpiska, mapa-local o foreign nationals ang naaktuhan.

Sa Pilipinas, tanging deportation o pagpapatapon pabalik sa pinagmulang bansa ang batas na umiiral kaya’t hindi maiwasang emotional ang pamilya ng tatlong Pinoy workers na nagsilbing ‘drug courier’ patungong China dahil walang nasasampolang dayuhan.

Nagiging ‘pattern’ ang pagsangkalan sa kahirapan kung bakit nasadlak sa pagtutulak ng droga at palaging palusot ang katagang ‘hindi alam ang laman ng kanyang bagahe’ -- ito’y mahinang depensa at napaka­laking kalokohan lalo pa’t sa simula’y nalalaman ng sinumang pasahero kung gaano kahigpit sa paliparan.

Malupit ang batas subalit iyan ang batas sa China, as in walang magagawa ang pamilya ng tatlong bibitayin kundi magdasal at wala rin ibang choice ang pamahalaang Pilipinas kundi magmakaawa at tanging “himala” ang tsansa.

***

Napag-usapan ang ‘himala’, animo’y magkasunod na “nag-aparisyon” ang katotohanan sa appointment ni Commission on Audit (COA) Chairman Reynaldo Villar at impeachment complaint laban kay Ombudsman Merceditas Gutierrez -- dalawang malalapit kay Mrs. Arroyo, aba’y naglalabasan ang dokumento at nagsalita ang mga mahistrado.

Sa estado ni Villar, nadiskubreng nag-expire ng nakaraang Pebrero 2 ang kanyang termino.
Ibig sabihin, wala nang silbi ang mga nilagdaang dokumento, alinsunod sa appointment paper na ipinagkaloob ni Mrs. Arroyo lalo pa’t malinaw ang katagang “vice Guillermo Caraque for a term expiring on 02 February 2011” -- ito’y NABABASA at NASUSULAT sa dokumentong pinaghahawakan ng Commission on Appointments (CA) na may petsang April 15, 2008.

Hindi kailangang UP graduate para maintindihan ang sitwasyon ni Villar -- tatapusin lamang ang naiwang termino ni ex-COA Chairman Guillermo Carague -- ito’y kahalintulad sa estado ni Ombudsman Gutierrez na naunang kinukuwestyon ni Senador Francis ‘Chiz’ Escudero dahil sa pagkakaalam nito’y ‘minana’ lamang ang naiwang termino ni ex-Ombudsman Simeon Marcelo.

Sa botong 7-5-2 ng Supreme Court (SC), nagbibigay ng ‘green light’ sa impeachment proceedings laban kay Ombudsman Gutierrez -- ito’y isang mala­king himala lalo pa’t mismong sa bibig ni Atty. Midas Marquez (high court’s spokesperson at administrator) nagmula ang katagang “We are not an Arroyo court”.

Kaya’t magkakaalaman kung papayag si Mam Mercy na mahalukay ang buong pagkatao kapag umakyat sa Senado ang reklamo, maliban kung magre-resign ito?
Laging tandaan: “Bata n’yo ko at Ako ang Spy n’yo”. (mgakurimaw.blogspot.com)


Wednesday, February 16, 2011

February 16, 2011

Nakakapanginig ng laman!
Spy on the Job ni Rey Marfil

February 16, 2011

Sa datos na inilabas ni Bayan Muna partylist Rep. Neri Colmenares, hindi lang nakakalungkot bagkus nakakalula at ‘nakakapanginig ng laman’ ang bawat numerong ‘na-convert’ sa pondo ng Armed Forces of the Philippines (AFP) sa nagdaang ilang taon. Ang good news lamang ito’y hindi mauulit at malinaw ang binitawan ni Pangulong Noynoy ‘PNoy’ Aquino habang nagpapaulan at nagpakabasa sa harap ng mga sundalo sa Jolo, Sulu noong Pebrero 11.

Kung pagbabatayan ang kuwenta ni Colmenares, humigit-kumulang P180 bilyon ang ‘tumagas’ sa AFP-DND budget, as in ‘pinagpartehan’ ng iilan sa nagdaang 9-taon gayong dapat sana’y pinakinaba­ngan ng mga sundalong nakikidigma at nagbubuwis ng buhay upang panatilihin ang seguridad at kasarinlan ng bansa, sampu ng pamilyang umaasa sa beni­pisyo ng mga ito.

Hindi kailangan pang inguso kung sino ang promotor sa ‘multi-bilyon pisong conversion’ sa AFP budget ito’y “NABABASA at NASUSULAT” sa bawat peryodiko, maliban kung patuloy na nagbubulag-bu­lagan sa eskandalo at pabaliktad kung magbasa ng diyaryo o kaya’y tinatakpan ang tainga kapag nagbubukas ng AM radio para hindi maramdaman ang bawat batikos?

Alinsunod sa statistic na inilabas ni Colmenares, nagkakahalaga ng P50.3 bilyon ang hininging alokasyon sa personal services ng AFP sa mga kongresista at senador noong 2002 -- ito’y pasahod sa 134,499 uniform and non-uniform employees. Ang nakaka­gulat, tanging P24.2 bilyon lamang ang lehitimong pinapasahod, malinaw ang paglobo ng P24.2 bilyon, animo’y ‘na-master’ ang ‘dagdag-bawas’ na kahit hindi eleksyon, meron ‘special operations’.

***

Napag-usapan ang exposé ni Colmenares, may kabuuang P32.2 bilyon din ang hininging personal services fund ng AFP sa Kongreso noong 2003 subalit P12.9 bilyon lamang ang ipinasahod sa uniform and non-uniform employees -- ito’y sumobra ng P19.2 bil­yon dahil 134,768 lamang ang naitalang kawani ng AFP.

Sa taong 2004, alinsunod sa kuwenta ni Colmenares sumobra ng P19.3 bilyon ang personal services fund ng AFP ito’y humingi ng P34.8 bilyon bilang pasahod sa 140,453 kawani at inaprubahan naman ng Kongreso subalit P15.5 bilyon lamang ang nagamit sa pondo at hindi naman nagsoli sa National Treasury o kaya’y namudmod ng cash gift.

Halos iisa ang ‘pattern’ dahil ganito rin ang ending sa AFP budget noong 2005 (142,160 positions) at 2006 (142,203 positions) ito’y humirit ng P35.8-bilyong personal services fund gayong P18.2 bilyon lamang ang inilaan sa salary. Take note: halos magkapareho ang hininging annual budget at bilang ng mga kawani.

Kasing-laki din ng 2005 at 2006 annual budget ang hiningi ng AFP-DND noong 2007 (143,993 positions) ito’y nagkakahalaga ng P35.8 bilyon gayong P17.4 bilyon lamang ang ginastos sa pasahod, as in halos kalahati sa inilaang pondo ng Kongreso sa personal services ang pinapa-account ni Colmenares.

Sa 2008 budget, nagkakahalaga ng P36 bilyon ang personal services gayong P17.3 bilyon lamang ang nagastos sa 135,669 personnel, ganito rin ang kuwenta ni Colmenares noong 2009 ito’y lomobo ng mahigit P20 bilyon dahil P19.2 bilyon lamang ang ipinamba­yad sa pasahod (135,580 positions) gayong humingi ng P41.2 bilyon, pinaka-latest noong 2010 humingi ng P41.3 bilyon sa personal services samantalang P19.4 bilyon (137,453 positions) ang nagastos. Laging tandaan: Bata n’yo ko at Ako ang Spy n’yo”.

(mgakurimaw.blogspot.com)

Monday, February 14, 2011

February 14,2011

Gawang Pinoy!

Multi-bilyon pisong ‘collective bargaining benefits’ at iba pang ‘monetary gains’ ang inaksyunan ng Department of Labor and Employment (DOLE), alinsunod sa alternative dispute resolution (ADR) mechanism -- ito’y kumakatawan sa humigit-kumulang 25 libong manggagawang nagkaroon ng labor dispute noong 2010.

Sa report ng National Conciliation and Mediation Board (NCMB), umabot sa 1,719 cases ang na-disposed ng DOLE noong 2010 -- ito’y ‘high settlement rate’ at nabawasan ang actual strike/lockouts. Take note: nakapagtala ng 88% improve rate sa dispensation, as in pito sa walong actual strike ang naresolba ng DOLE at tatlo ang nauwi sa collective bargaining na nagkakahalaga ng P29 milyon -- kumakatawan sa 2,041 manggagawa.

Sa administrasyon ni Pangulong Noynoy ‘PNoy’ Aquino, prayoridad ang ‘settlement’ sa bawat labor disputes na natengga sa mahabang panahon -- isang paraan ng gobyerno para bawasan ang mga kasong nakabin­bin sa DOLE at makapag-move on ang bawat partido. Nagkakahalaga ng P3.7 bilyon ang collective bargaining benefits ng nakaraang taon -- ito’y ‘positive settlement rate’, hindi lamang sa panig ng gobyerno bagkus sa hanay ng mga obrero.

***

Napag-usapan ang positive settlement rate, hindi maitatangging ‘positive effect’ din ang pamumuno ni PNoy, malinaw ang pag-ariba ng Philippine exports o ‘gawang-Pinoy’ -- ito’y umakyat sa 33.7%, katumbas ang $51.393 bilyon, simula January hanggang December 2010, alinsunod sa datos ng National Statistics Office (NSO).

Noong 2009, nakapagtala lamang ng $38.436 bilyon ang Philippine exports, nangangahulugang $12.96 bil­yon ang naidagdag ng nakaraang taon. Take note: uma­bot sa $4.162 bilyon ang merchandise exports noong December 2010, mas mataas ng 25.3% kumpara sa $3.321 bilyon noong December 2009.

Ang electronic products noong December 2010 -- ito’y nagkaroon ng 54.2% increase at naitala ang $2.256-bilyong total receipts, mas mataas ng 19.4% kumpara sa $1.899 bilyon (December 2009), maging apparel at clothing accessories -- tinaguriang ‘third top earner’ at kumakatawan sa 3.3% total exports -- ito’y umabot sa $137.91 milyon, as in tumaas ng 4.9% (131.51 milyon).

Ang kinita sa woodcraft at furniture exports, uma­bot sa $113.5 milyon (4th top gainer) noong December 2010 -- ito’y nakapagtala ng 65.7% increase mula $68.21 milyon noong 2009, maging ang coconut oil exports nagkaroon ng 20.5% increase. Ibig sabihin, hindi kailangan pang umasa at mangibang-bayan upang kumita dahil nasa ‘tabi-tabi’ lamang ang puwedeng pagkakitaan o kabuhayan.

Tatlong higanteng bansa ang ‘top export destination’ ng Philippine products -- Japan, China at Amerika. Na­ngunguna ang Japan sa malaking bulto ng Philippine exports -- ito’y may kabuuang 15.4% shares sa total exports at nagkakahalaga ng $642.73 milyon, mas mataas 26.4% mula $508.48 milyon noong 2009.
Bagama’t No. 2 lamang sa ‘top export destination’, lomobo ang pangangailangan sa Philippine products ng China -- ito’y nakapagtala ng 14.3% shipment ($594.8 milyon) nakaraang taon, katumbas ang 151.6% increase mula $236.22 milyon noong 2009, kabaliktaran sa Amerika -- ito’y nabawasan ng 11.3% ($563.92 mil­yon) mula $635.58 milyon (2009). Kahit pa 13.6% share ang Amerika sa total exports, mas mabenta ang ‘Made in the Philippines’ sa China. Laging tandaan: “Bata mo ko at Ako ang Spy n’yo”. (mgakurimaw.blogspot.com)

Friday, February 11, 2011

February 11, 2011

74% ang bilib!

Kasabay ang pagdiriwang ng 51st birthday noong February 8, inilabas ng Social Weather Station (SWS) ang performance rating ng administrasyon ni Pangulong Noynoy ‘PNoy’ Aquino III at malinaw ang bawat numero -- nananatiling mataas ang grado at pinagkakatiwalaan ng sambayanang Filipino sa kabila ng samut-sa­ring pang-iintriga sa buhay nito, sa pangunguna ng mga talunan at hindi makapag-move on sa resulta ng 2010 elections.

Tatlo sa apat na Pilipino ang kuntento o bilib sa pagtitimon ni PNoy -- ito’y nakapagtala ng 74% sa government’s general performance rating, alinsunod sa SWS survey kinomisyon ng Business World noong Nobyembre, nangangahulugang ‘very good’ ang administrasyong PNoy kahit pa ibawas ang naitalang 10% diskuntento dito.

Bagama’t nabawasan ng 19% sa Metro Manila (49%) -- ito’y nananatiling ‘good’ at mataas pa rin ang grado ng administrasyon sa Luzon (69%), Visayas (59%) at Mindanao region (67%). Ang naitalang 64% net satisfaction rating ng Aquino administration noong November -- ang pinakamataas na naitala sa kasaysayan, as in ‘record-high’ kumpara sa 38% ni Pangulong Joseph ‘Erap’ Estrada sa kaparehong survey noong 1998, maging sa iba pang naupo sa presidential position.

Kung pagbabatayan ang socioeconomic classes, naka-score ng 65% net satisfaction rating sa Class E ang Aquino administration; 64% sa Class D; at 62% sa Class ABC. Sa foreign relations, nakapagtala ng “very good” si PNoy, as in 55% net satisfaction rating ang grade -- pinakamataas sa 14 issues na itinatanong ng SWS sa mga respondents.

***

Napag-uusapan ang numero, labing-dalawa sa labing-pitong priority bills ang isusumite ni PNoy, kasabay ang Legislative Executive Development Advisory Council (LEDAC) meeting ngayong February 28 -- ito’y sumailalim sa pagbusisi ng 5-working groups, pinangasiwaan ni Executive Secretary Jojo Ochoa. Naka-sentro ang priority bills sa human development (4 bills); infrastructure development (1 bill); economic development (1 bill); sovereignty security and rule of law (4 bills); at good governance (2 bills).

Hindi kabilang sa priority bill ang Reproductive Health Care (RH bill) pinag-iinitan ng Simbahan tuwing magmimisa kada Linggo kaya’t walang dapat ipag-alburoto ang kaparian, katulad ang pagbabantang ‘civil disobedience’, maliban kung gusto lang ‘magpagod’ ang mga ito? Ang pinagtataka ng mga kurimaw, kung bakit hindi marinig at makita ng Simbahan ang pulso ng sambayanang Pilipino gayong “NABABASA at NASUSULAT” ang katotohanang majority ng mga Pinoy, as in 70% ang pabor sa RH Bill -- ito’y malinaw sa survey.

***

Humigit-kumulang siyam na milyong elementary students sa public schools ang nasakop sa expanded oral health care program ng gobyerno -- ito’y isang pamamaraan ng Department of Education (DepEd), sa pamamagitan ng School Health and Nutrition Center at Adopt-a-School Program (ASP) upang iangat ang antas ng edukasyon at burahin ang dumaraming bulakbol sa eskwelahan.

Isang memorandum of agreement (MOA), sa pagitan ng DepEd at Colgate Palmolive Philippines, Inc. (CPPI) ang nilagdaan upang i-promote ang oral health care sa lahat ng public schools sa buong bansa at puntirya ang 9 na milyong mag-aaral sa loob ng tatlong taon -- ito’y paraan ng gobyerno para mabawasan ang mga ‘iskul-bukol’, katulad ang ‘absenteeism habit’ at pagtatago sa ‘kasagingan’ kapag sumakit ang ngipin o tiyan. Laging tandaan: “Bata niyo ko at Ako ang Spy niyo.” (mgakurimaw.blogspot.com)

Wednesday, February 9, 2011

Nakabawas gastos! ni REY MARFIL Feb 9, 2011

Nakabawas gastos! ni REY MARFIL Feb 9, 2011
Hindi lang nakapag-remit ng P29.25 bilyon ang govern­ment and controlled corporations (GOCCs) at umakyat sa 7.3% ang gross domestic product (GDP) mula 7.1% sa huling yugto ng taong 2010 bagkus naitala ng Bangko Sentral ng Pilipinas (BSP) ang ‘record high’ sa gross international reserves (GIR) ng nakaraang buwan (Enero) -- ito’y kinita sa peso bond na inilabas ng gobyerno at bank’s investment sa abroad.

Sa data ng BSP -- pumalo sa $63.6 bilyon ngayong Enero ang GIR, ‘di hamak na mas mataas ng $1.2 bil­yon kung ikukumpara sa $62.4 bilyon bago magtapos ang taong 2010 o buwan ng Disyembre, malinaw ang katotohanang tiwala ang mga foreign investors at international community sa ‘matuwid na daan’ ni Pangulong Noynoy ‘PNoy’ Aquino na nagdiwang ng 51st birthday kahapon, as in ‘Happy Birthday, Mr. President’.

Sa kaalaman ng publiko, isang ‘indicator’ o sukatan ang GIR sa pagbabayad ng imports at utang -- dito nakasandal ang buong mundo kaya’t good news sa ekonomiya ng Pilipinas ang naitalang ‘record high’ ng BSP nga­yong Enero lalo pa’t natakpan ang pangangailangan o kita sa imports of goods at services payments sa loob ng 10 buwan, ewan lang kung nakikita ng mga kritiko ni PNoy ang numerong inilalabas ng Bangko Sentral?

***

Napag-usapan ang numero, nakatipid ng multi-mil­yong piso ang gobyerno sa pagkalusaw ng negotiated public works contract at pagkakaroon ng lehitimong public bidding sa Department of Public Works and Highways (DPWH) -- ito’y malinaw sa isinumiteng report ni Secretary Rogelio Singson.

Sa nagdaang panahon, isang malaking ‘gatasan’ ng mga contractor at kawatang opisyal sa DPWH ang bawat proyekto, maging donasyon o pautang ng World Bank (WB) -- ito’y sinolo ng iisang kumpanyang malapit sa Malacañang, as in ‘moro-moro’ ang public bidding na ipinapatawag at ngayon lamang nagkaroon ng tunay na pagsusubasta.

Mahigit kalahating bilyong piso ang natipid ng gobyerno sa paglusaw ni Sec. Singson sa negotiated public works contracts na ‘pinaglaruan’ sa mahabang panahon, aba’y nakapagtala ng P577 milyong savings ang DPWH -- ito’y nagmula sa 29 projects na ipina-bidding ng Central Office, simula July 2010.

Sa 29 projects na isinubasta, 25 projects ang naka­sentro sa rehabilitasyon ng mga kalsada, tulay, flood control, at iba pang imprastrakturang winasak ng bagyong Pepeng at Ondoy -- nagkakahalaga ng P1.084 bilyon ang approved budget for the contract (ABC) subalit naibaba sa P838.8 milyon, nangangahulugang nakatipid ng P245.3 milyon ang gobyerno.

Hindi lang iyan, kinansela ng DPWH ang 19-Short Term Infrastructure Rehabilitation Project kaya’t nakati­pid ng multi-milyong piso ang gobyerno -- ito’y negotia­ted contract na nagkakahalaga ng P934.1 milyon at ina­butan lamang ni Singson sa kanyang lamesa ang mga kontrata noong Hulyo.

Ang ‘Contract II package’ ng Plaridel Bypass Road, nakapagtipid ng P163.2 milyon; C-3 (Araneta Avenue)/Quezn City Avenue Interchange project nagkapagtala ng P104.5 milyong savings, maging Bridges Construction Project for Rural Development na nagkakahalaga ng P989.55 milyon, naisubasta sa P925.79 milyon -- ito’y nakatipid ng P64.76 milyon. Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Monday, February 7, 2011

Spy on the Job 02/07/2011


Nakatipid sa lawa!

Isang malaking kalokohan kung babawiin ni Pangulong Noynoy ‘PNoy’ Aquino III ang nilagdaang Executive Order No. 23 -- nagdeklara ng moratorium sa pagputol ng mga puno at naglilikha sa Anti-Illegal Logging Task Force, ngayon pang lubog sa baha ang Mindanao at ilang bahagi ng Visayas region.

Mantakin niyo, pati Abu Sayyaf napabalitang nakihalo sa evacuations -- ganito kalalim ang problema sa illegal logging.

Sa bawat problema, mapa-bigas o walang pambili ng suka -- ito’y isinisisi sa pamahalaan, sinuman ang nakaupo sa Malacañang.

At ngayong merong isang katulad ni PNoy -- buo ang loob at walang takot, anuman ang magiging resbak ng mga illegal loggers -- ito’y marapat lamang suportahan ng publiko at isipin kung anong buhay ang kahaharapin ng mga susunod na henerasyon kung walang tigil ang pagputol ng mga kahoy, maliban kung ‘type’ mag-ala Kevin Costner sa pelikulang Water World?

Napakasimple ang nilalaman ng EO 23 -- detalyado ang sakop ng logging moratorium at walang total log ban na ipinapatupad ang pamahalaan, nangangahulugang illegal logging ang target ng Malacañang at pinoprotektahan lamang ang lahat ng watershed at river system sa bansa.

Kung legal ang operasyon, hindi kailangang katakutan ang EO 23, ma­liban kung kinakasangkapan lamang ang nakuhang business permit upang pagtakpan ang illegal operations ng kumpanya.

***

Napag-uusapan ang watershed at river system, isang ‘bagong mukha’ ng Laguna Lake Dredging Project ang ipinalit ni PNoy bilang tugon sa pinsalang iniwan ni Ondoy (Ketsana) noong September 26, 2009.

Hindi ba’t lumawak hanggang 115 libong ektarya ang Laguna de Bay gayong 80 libong ektarya ang orihinal nitong sukat, maliban kung nakalimutan ng publiko ang libu-libong pamilya at kabahayang nalubog sa tubig-baha, maging ang 288-kataong nasawi sa trahedya?

Sa kaalaman ng publiko, nilikha ni Mrs. Arroyo ang Executive Order No. 815 noong July 6, 2009 -- ito’y naglalayong isailalim sa rehabilitasyon ang Laguna de Bay upang maiwasan ang kahalintulad na trahedya.

Take note: Nagkakahalaga ng $18.7 bilyon ang proyekto subalit lumikha ng maraming katanungan at kontrobersya -- ito’y napasakamay ng isang Belgian company at inabutan ni PNoy sa lamesa ang kontrata.

Ang nakakalungkot lamang, kung gaano kalalim ang tubig-bahang ibinuhos ni Ketsana at kung paano lumawak ang Lawa ng Laguna, ganito rin ang resulta ng kontrata -- lumobo ang halaga at hindi ‘na-impress’ si PNoy sa sistema. Ang good news: Nakuha sa mas mababang presyo ang dredging project na pinondohan ng World Bank (WB) at Royal Netherlands.

Halos kalahati ang nabawas sa bagong Laguna Lake rehabilitation plan ni PNoy -- ito’y nagkakahalaga lamang ng $10 bilyon sa kaparehong proyekto, as in nakatipid ng $8.7 bilyon sa kaban ni Juan dela Cruz, partikular ang mga nagbabayad ng tamang buwis sa gobyerno at lilikha ng maraming trabaho kapag naitayo ang iba’t ibang negosyo sa lakeshore park.

Hindi lamang sa rehabilitasyon at dredging ng Laguna de Bay nakasentro ang pondong ipinahiram ng dalawang international funding agency -- ito’y gagamitin sa deve­lopment ng transport systems, ports at marina -- isang paraan ni PNoy upang mabawasan ang problema sa squatters at trapiko sa Metro Manila, malinaw ang pagtupad sa ‘matuwid na daan’. Laging tandaan: “Bata niyo ko at Ako ang Spy niyo”. (mgakurimaw.blogspot.com)

Friday, February 4, 2011

Maraming binabago ni Rey Marfil 02/04/2011

Multi-milyon pisong ‘pabaon at pasalubong’ sa mga hene­ral ang headline kada araw -- ang malaking rebelasyon ni ex-Lt. Colonel George Rabusa na nagbigay-daan upang lalo pang palakasin ni Pangulong Noynoy ‘PNoy’ Aquino ang repormang ipinapatupad sa procurement at disbursement ng national defense funds.

Kaya’t makakaasa ang mga ordinaryong sundalo o nasa frontline na hindi na mauulit ang ganitong kalokohan.

Bago pa man ‘nag-sing-along’ si Rabusa sa Upper House, maraming repormang ipinatupad si Department of Budget and Management (DBM) Secretary Butch Abad sa disbursement ng pondo.

Ang ‘savings’ ng Defense department ay nakalistang personnel services (PS) sa ilalim ng kategoryang ‘unfilled’ (vacated uniformed at non-uniformed positions) -- ito’y inire-release lamang sa filled position.

Sa nagdaang panahon, isang bagsakan lamang ang pag-release ng PS allotments kaya’t sa ibang bulsa naisuksok ang pondo. Ngayong taon, alinsunod sa 2011 Staffing Summary, may nakalistang 135,699 uniformed and non-uniformed positions sa Armed Forces of the Philippines (AFP) -- ito’y may kabuuang P68.850 bilyong PS allotment. At kapag nai-compare ang notes sa 2010 budget, may kabuuang P8.602 bilyon ang ‘nailigtas’ ni Abad sa ‘diversion’.

***

Napag-usapan ang pondo, lagpas sa puntiryang duties and taxes ang nakolekta ng Bureau of Custom (BOC) ng nakaraang buwan -- ito’y pumalo sa P20.224 bilyon, mas mataas ng P216 milyon kung pagbabatayan ang ‘revenue goal’ noong Enero -- ito ang second highest monthly cash collection sa kasaysayan ng BOC.

Sa preliminary data na inilabas ng BOC-Financial Re­venue Division, nakapagtala ng 14.9% increase sa duties and taxes ang ahensiya. Ang pinaka-highest collection -- naitala noong July 2010 (P21.5 bilyon) habang 3rd highest collection noong December 2010 (P20.185 bilyon).

Kaya’t hindi imposible ang P320 bilyong revenue target ni BOC Commissioner Lito Alvarez -- ito’y mas mataas ng 14% kumpara sa P280 bilyon collection goal ng nakaraang taon.

***

Isa pang good news, ngayong February 27, pangungunahan ng Department of Tourism (DOT) ang pagsalubong sa ‘inaugural flight’ ng tinaguriang ‘Japan’s leading carrier’ -- ang All Nippon Airways (ANA) mula Narita, sakay ang se­nior officials ng Japan Association of Travel Agents (JATA), sa pangunguna ni JATA Chairman Akira Kanai.

Sa kaalaman ng publiko -- ang JATA ang isa sa biggest travel and tour operators kaya’t malaking tulong sa negosyo at turismo ang direct link nito.

Take note: Japan pa rin ang ‘3rd largest tourist market’ ng Pilipinas, malinaw ang 10.39% increase noong 2010 (358,744 visitors) -- ito’y ‘best-performing East Asian market’ kung pagbabatayan ang naitalang share of all visitors volume counts.

Sa ngayon, apat na airlines ang bumibiyahe ng Japan-Philippines -- ito’y meron 61 flights weekly: Philippine Airlines (32); Japan Airlines (14); Delta Air Lines (12) at Cebu Pacific (3), kabilang sa fly-out kada linggo ang Narita (34); Nagoya (12); Osaka (10) at Fukuoka (5). Ang Narita-Cebu services, merong 6 times-weekly flight -- ito’y 18,071 seat kaya’t good development ang pagpasok ng ANA sa Pilipinas.

***

Congratulations kay Ging Reyes, bagong ‘big boss’ ng ABS-CBN News and Current Affairs -- ito’y kinilala at pinarangalan ng Philippine Consulate General at Filipino-American community sa San Francisco ng nakaraang Janua­ry 24 sa Social Hall ng Philippine Center Building.

Hindi matatawaran ang husay at galing ni Ms. Reyes at hindi nagkamali ang management sa desisyon.

Take note: saksi ang inyong lingkod sa US trip ni PNoy kung paano magtrabaho ito. Anyway, malulungkot si Kuya Dax Lucas (Inquirer), aba’y si Mam Nadia Trinidad-Lucas ang ipinalit bilang North American Bureau Chief dito.

Laging tandaan: “Bata n’yo ko at ako ang Spy n’yo”. (mgakurimaw.blogspot.com)

Wednesday, February 2, 2011

FEBRUARY 2, 2011

Share
‘Dedma’ ang good news!
Rey Marfil


Sa data ng National Statistics Coordination Board (NSCB), malinaw ang pagkakasulat kung ano ang tunay na kalagayan ng ekonomiya -- ito’y umakyat sa 7.3% bago nagtapos ang taong 2010, nag-remit ng P29.25 bil­yon ang government owned and controlled corporations (GOCC’s) na dating ‘gatasan’ ng mga nakaupong director at kaliwa’t kanan ang nagpapasukang foreign investors at libu-libo ang ibinibigay na trabaho. Kaya’t hindi masisisi si Pangulong Noynoy ‘PNoy’ Aquino kung maglitanya sa K4 Philippines Intercessors Convergence sa World Trade Center na tanging bulag at bingi ang hindi nakakapansin sa pagbabago.
Maging ang Bureau of Internal Revenue (BIR) ibinali­tang pumalo sa P822.39 bilyon ang kinita o koleksyon ng nakaraang taon -- ito’y mas mataas ng P72.10 bilyon kumpara sa P750.29 bilyon noong 2009, katumbas ang 9.61% pag-angat, as in ‘di hamak na mas magaling mangolekta ng buwis ang administrasyon ni PNoy. Take note: 6-buwan pa lamang nagtatrabaho si Commissione­r Kim Henares, simula July 1 hanggang December 31. Higit sa lahat, nabalitaan n’yo ba kahit sa mga taong nagsusulat sa ‘dahon ng saging’ na nagnakaw ang Pangulo?
Sa report ng BIR, malinaw ang katotohanang nagkaroon ng recovery sa tax collection lalo pa’t nakapagtala ng negative 3.6% year-end collection growth noong 2009. Sa unang anim na buwan, simula Enero hanggang Hunyo -- ito’y sa panahong nalalapit ang pag-exit ni Mrs. Arroyo, tanging 8% ang inangat sa tax collection, malayo sa 12%, simula Hulyo hanggang Disyembre nang maupo si PNoy. Kaya’t hindi imposible o isang panagi­nip ang pagpuntirya ni Commissioner Henares sa 14% increase ngayong taon.
***
Napag-usapan ang good news, nagkaroon ng kasunduang ‘50/50 shares’ sa pagtatayo ng classroom ang ilang organisasyon at local executives, alinsunod sa nilagdaang memorandum of agreement ng Department of Edu­cation (DepEd), League of Municipalities of the Phi­lippines (LMP) at Department of Budget and Management (DBM) -- ito’y layuning matakpan ang 152 libong classroom gap at maabot ang pinupuntiryang 1:45 classroom students ratio.
Sa ilalim ng ‘50/50 shares’, magiging ‘equally share’ o ‘hating-kapatid’ sa bawat sentimong gastusin sa pagtatayo ng classroom ang local executives at DepEd -- dito makikitang nagkakaroon ng katuparan ang ‘tuwid na daan’ dahil malaki ang tiwala ng publiko kay PNoy taliwas sa nagdaang panahon kung saan walang nakukuhang tulong ang national government sa ibaba.
Kahit nagkaroon ng 19% increase sa annual budget ng DepEd ngayong taon, hindi pa rin makakasapat ang inilaang pondo sa konstruksyon ng bagong classroom lalo pa’t meron iba pang pinagkakagastusan ang departamento, simula pasahod hanggang pambili ng eraser at chalk. Ibig sabihin, nakakatuwang isiping binuhay ng local executives at national government ang nakaugaliang ‘bayanihan system’ ng mga Pinoy.
Hindi lingid sa kaalaman ng publiko kung gaano kalaki ang problema sa DepEd bago pa man mag-resign si Secretary Armin Luistro sa La Salle para pumasok sa pamahalaan, malinaw ang humigit-kumulang isang mil­yong ‘new entrants’ sa public school kada taon, nanga­ngahulugang napakalaki ang pangangailangan sa classroom at mas lalong sasakit ang ulo ni Brother Armin kung saan isiksik ang milyong kindergarten ngayong compulsory sa public schools.
Sa pagpasok ng school year 2011-2012, magiging compulsory na dapat dumaan sa kindergarten ang isang batang papasok sa Grade 1 -- isang pamamaraan ng gobyerno para tiyaking handa ang bata sa pag-aaral at maiangat ang edukasyon sa bansa -- ito’y bahagi ng kuwento ni PNoy sa kampanya. Sa halip ituro ng bata ang pinakamalapit na restaurant sa tanong ng isang foreigner na ‘Where can I go to eat’, sumagot ang bata ng “Wanna buy watch Joe?”. Laging tandaan: “Bata n’yo ko at Ako ang Spy nyo”. (mgakurimaw.blogspot.com)