Monday, April 30, 2012




      Umangkas!









Lumabas na ang inaasahang pinal na desisyon ng Korte Suprema na pinamumunuan ni Chief Justice Renato Corona na pumapabor sa mga magsasaka ng Hacienda Luisita, na ipamahagi ang bahagi ng lupaing pag-aari ng mga Cojuangco na sakop ng Comprehensive Agrarian Reform Program.
Sa kabila ng ilang ulit na pag-uugnay ni Corona na ang kaso ng hacienda na pag-aari ng pamilya ni Pangulong Noynoy ‘PNoy’ Aquino na dahilan kaya siya pinag-iinitan ng huli, hindi pa rin nag-inhibit ang punong ma­histrado sa ginawang botohan.
Ang tanong ni Mang Kanor: bakit nga naman siya mag-i-inhibit sa pagpapalabas ng isang popular na desisyon na maaaring makatulong sa kanya na bumango kahit bahagya ang kanyang imahe? Take note: sa mga nakaraang survey, hindi lang sumayad, kundi nakabaon na sa lupa ang kanyang popularidad at satisfaction ratings.
Lahat ng mga mahistrado na kasama ni Corona -- pati na ang tatlong itinalaga ni PNoy -- ito’y pawang bumoto pabor sa pamamahagi at pagbabayad ng mas mababang kumpensasyon sa mga Cojuangco, isang patunay na hindi nakialam ang Pangulo o nang-impluwensiya sa mga ma­histrado tungkol sa kontrobersiyal na kaso.
Matapos makiangkas sa popular na desisyon, nagpasa­ring pa si Corona kay PNoy na inaasahang gagantihan siya sa naging desisyon ng SC sa hacienda. Pero tanong u­lit ni Mang Kanor: hindi ba collegial o sama-samang boto at hindi lang iisa ang SC? Ang sundot naman ng mga kurimaw: Kung totoo ang hinala ni Corona, dapat lahat ng mahistrado ang gantihan ng Pangulo.
***
Napag-usapan ang desisyon, dapat balikan ng publiko ang mga naunang pahayag ni Corona na siya mismo ang makailang ulit na nagsabi na isang boto lang siya. Kaya naman kahit hindi siya (Corona) bumoto’y makukuha ng mga magsasaka ang pinakahihintay nilang lupa, maliban na lang kung totoo rin ang hinala ng marami na makapangyarihan ang posisyon ni Corona at kaya nitong impluwensiyahan ang desisyon ng mga kapwa mahistrado.
Kaya’t pangatlong tanong ni Mang Kanor: Ganito kaya ang nangyari nang magpalabas ng mabilis na temporary restraining order (TRO) ang SC noong nakaraang taon na kamuntik nang maging dahilan upang makalabas ng bansa si dating Pangulong Gloria Macapagal-Arroyo at mister nitong si Atty. Mike Arroyo?
Ang hirit tuloy ng mga kaanib ng prosecution panel, tila nagpapaawa effect lang si Corona at nais magmukhang martir sa mata ng publiko upang makakuha ng simpatiya sa harap na rin ng muling pagpapatuloy ng kanyang impeachment trial sa Senado sa Mayo 7.
At kahit ilang popular na desisyon pa raw na katulad ng Hacienda Luisita ang sakyan ni Corona, hindi pa rin nito maipapaliwanag ang mga alegasyon sa kanya sa impeachment court, na pinoprotektahan niya sa kaso at binalak na tulungan na makalabas ng bansa si Mrs. Arroyo; hindi nagsumite ng tamang bilang ng mga ari-arian sa Statement of Assets and Liabilities and Networth, at iba pa.
Ang duda ngayon ng mga tambay sa kanto, hindi kaya natutunungan na ni Corona na baka matalo siya sa kaso sa Senado at tuluyang ma-impeach kaya nagpapalutang siya ng mga alegasyon na bubuweltahan siya ni PNoy o nais palabasin nito na kayang impluwensiyahan ng palasyo ang mga senador para bumoto laban sa kanya?
Kung ganito ang hinala ni Corona, ito’y malaking insulto, hindi lang sa mga senador kundi maging sa mga nag-iisip na mamamayang Pilipino. Laging tandaan: “Bata n’yo ko at Ako ang Spy n’yo”.(mgakurimaw.blogspot.com)












Friday, April 27, 2012




Malinaw ang pulso!
Rey Marfil






May panibagong tinik sa korona ni Supreme Court Chief Justice Renato Corona kaugnay sa isa pang survey na isinagawa ng Social Weather Station (SWS) kung saan lumilitaw na halos mayorya ng mga Pinoy ang pabor na gumamit ng pu
wersa para maalis siya sa puwesto sakaling iabsuwelto ng Se­nate Impeachment Court.
Sa Mayo 7, nakatakdang magpatuloy ang paglilitis ng Senado kay Corona na nais patalsikin sa puwesto ng mga kongresista dahil sa alegasyon na hindi ito naging tapat sa pagsusumite ng kanyang Statement of Assets, Liabilities and Networth (SLAN); at pagkampi sa mga kaso laban kay da­ting Pangulong Gloria Macapagal-Arroyo na kamuntikang nakatalilis palabas ng Pilipinas.

Ang naturang mga alegasyon ay mariing pinabulaanan ng punong mahistrado. Gayunman, hanggang ngayon’y wala pa ring malinaw na pahayag ang kampo ng punong ma­histrado kung isasalang ito sa witness stand para personal na sagutin ang mga bintang laban sa kanya.

Sa survey na ginawa ng SWS noong Marso 10 hanggang 13, lumitaw na 46% ng mga tinanong ang pabor na magkaroon ng people power para mapatalsik si Corona; 26% lang ang tutol at 25% ang hindi pa makapagdesisyon.

Pinakamarami sa pabor na magka-people power, ito’y nagmula sa Mindanao (56%), sumunod ang National Capitol Region (48%), balance Luzon (44%) at Visayas (36%). Ibig sabihin, halos buong rehiyon ang kontra sa pananatili ni Corona.

***

Napag-usapan ang survey, maliban sa malaking bilang ang nais na mawala sa puwesto si Corona, umabot din sa 63% ng mga tinanong ang naniniwalang may mga tagong kayamanan ang punong mahistrado. Kabilang sa mga alegasyon sa kanya ng prosekusyon ang pagkakaroon ng mga mamahaling condo unit na hindi isinama sa listahan ng kanyang ari-arian sa SALN.

May mga hinala rin na ipinangalan ni Corona sa kanyang mga anak ang ilang nabiling bahay at lote gaya ng nasa Amerika. Bagay na itinanggi rin ng punong mahistrado, sabay paggiit na may magandang trabaho ang kanyang anak at kayang bumili ng kanilang ari-arian.

Sa naturang survey ng SWS, 77% ng mga nakatira sa NCR ang nagpahayag ng paniniwala na may hidden wealth si Corona; 63% mula naman sa balance Luzon; 55% sa Visayas; at 61% sa Mindanao. Ibig sabihin, kahit rugby boys sa buong Pilipinas, ito’y naniniwalang may itinatagong yaman si Corona at naiintindihan ang itinatakbo ng impeachment trial.

Hindi lang ‘yan, umabot sa 58% ng mga tinanong ang naniniwala na sinadya ni Corona na tulungan ang mag-asawang ex-President Gloria Macapagal-Arroyo at dating First Gentleman Mike Arroyo, na makalabas ng bansa para makaiwas sa mga kasong isasampa ng pamahalaang Aquino, as in mayorya ng mga Pinoy ang naniniwalang may sabwatang naganap.

Naniniwala rin ang 57% ng mga respondents na tumanggap ng “special favor” si Corona gaya ng mga diskuwento para makakuha ng mga mamahaling condo unit at biyahe sa eroplano ito nama’y nababasa at nasusulat sa mga peryodiko bago pa man nagsimula ang trial.

Hindi ito ang unang survey na nagpapakita ng negatibong pagtingin kay Corona. Katunayan, sa magkahiwalay na survey ng SWS at Pulse Asia, lumitaw na hindi lang sumadsad, kundi bumulok na ang pagtitiwala ng publiko sa punong mahistrado.

Paliwanag ng mga kaalyado ng administrasyon, ang resulta ng mga survey ay hindi lamang pagpapakita na ayaw na nila kay Corona, kundi indikasyon din na hangad ng mga tao na magkaroon ng reporma at pagbabago sa pamunuan ng pinakamataas na hukuman sa bansa.

Anuman ang maging desisyon ng Senado sa kaso ni Corona, nawa’y magkaroon ng katuparan ang hangarin ng taong-bayan na tahakin din ng Korte Suprema ang tuwid na daan ng kasalukuyang administrasyong Aquino. Laging tandaan: “Bata n’yo ko at Ako ang Spy n’yo”.
(mgakurimaw.blogspot.com)

Wednesday, April 25, 2012




Tamang daan!
REY MARFIL



Hindi makatwirang sisihin si Pangulong Noynoy ‘PNoy’ Aquino sa krisis ng kuryente sa Mindanao bagkus ang Electric Power Industry Reform Act of 2001 (EPIRA law).
ake note: isinabatas ang pasaway na EPIRA noong 2001 bilang isa sa pangunahing mga panukalang batas na isinulong ng dating administrasyon -- si dating Pangulo at ngayo’y Pampanga Rep. Gloria Macapagal-Arroyo.
Simple lamang naman ang mga layunin ng batas na may kinalaman sa pagpapababa ng singil sa kuryente at bawasa­n ang pagkakautang ng National Power Corporation (Napocor). Sa ilalim ng batas, ibinenta sa ilalim ng administrasyong Arroyo ang mga ari-arian ng NAPOCOR para nga bawasa­n ang pagkalugi nito at magkaroon ng murang kuryente.
Noong ipasa ang EPIRA noong 2001, walang problema sa Mindanao dahil sobra-sobra ang suplay sa kuryente na ibi­nibigay ng Independent Power Producers (IPPs). Bina­bayaran ng konsyumer, maging ang mga kuryente ng IPPs kahit hindi naman nakokonsumo ng mga tao.
Nakakalungkot lamang na ang batas na ipinasa ng pamahalaan ni Mrs. Arroyo’y nagresulta ngayon para tumaas pa ang singil sa kuryente at magkaroon ng kakapusan sa suplay nito.
Malinaw na hindi nakamit ang mga mithiin ng batas na ipinasa ng dating administrasyong Arroyo na mapababa ang singil sa kuryente dahil nanganak pa ito ngayon ng problema. Ang masakit pa nga ngayon, lalong tumaas ang singil sa kuryente at lumobo ang pagkakautang ng Napocor.
Dapat buong suporta ang ibigay ng publiko sa mga hakbang ng administrasyon ni Mrs. Aquino na resolbahin ang krisis sa kuryente dahil inaani lamang nito ngayon ang mga kapalpakan ng dating administrasyon.
At tama rin si PNoy sa pagsasabing hindi ang bansa ang magsisimula ng digmaan sa China kaugnay sa pinag-aawayang mga isla kung saan nagkaroon ng naval standoff noong nakalipas na linggo.
Dapat hangaan si PNoy sa hindi pag-abandona sa pag­hahabol ng bansa sa Scarborough Shoal sa pamamagitan ng pagpapatuloy ng mapayapang pakikipag-usap sa China para maresolba ang problema na nag-ugat sa ilegal na pagpasok at pangingisda ng mga mangingisdang Tsinoy sa teri­toryo ng Pilipinas.
Maganda rin ang paniniyak ni PNoy na hindi hakbang ang pagsasanay ng militar ng bansa at Estados Unidos (US) para sa taunang “war games” ng Balikatan Exercises sa lalawigan ng Palawan na malapit sa pinag-aagawang mga isla upang hamunin ang China na pumasok sa isang kaguluhan.
Hindi dapat isipin ng China na inilalagay sila sa isang “ima­ginary line” bilang target ng pagsasanay ng 7,000 pinagsamang mga sundalo ng dalawang bansa.
Maganda ring suportahan ang panukala ni Sen. Joker Arroyo na pakinabangan ng administrasyong Aquino ang lahat ng suportang maaaring makuha nito mula sa US at Association of Southeast Asian Nations (ASEAN) upang ilunsad ang “diplomatic offensive” sa panibagong insidente ng panggigipit ng China.
***
Anyway,  panibagong malaking tagumpay ni PNoy sa kampanya nitong matuwid na daan ang pahayag ni Agriculture Sec. Proceso Alcala na posibleng magluwas ng bigas ang Pilipinas sa ibang mga bansa sa Asya sa unang tatlong buwan ng 2013 kung walang tatamang kalamidad.
Hindi naman talaga imposibleng hindi na mag-angkat ng bigas ang bansa mula sa mga kapitbahay sa Timog Silangang Asya sa pamamagitan ng pagdepende na lamang sa lokal na produksiyon ng palay.
At dahil nga sa mabuting pamamahala at magandang suporta sa mga magsasaka, maaari pang magluwas ng bigas ang pamahalaan bunsod ng inaasahang masaganang pag-aani ng palay sa 2013.
Dahil ito sa mga makabagong teknolohiya sa mga magsasaka, maayos na post-harvest na mga pasilidad, at progresibong sistema ng patubig.
Isa pang good news, nagbunga rin ang daang matuwid ni PNoy, maging sa pagsugpo ng mga magnanakaw ng sasakyan matapos bumaba ng malaking 49.5% ang insi­dente ng carnapping sa buong bansa nitong Marso 2012.
Kapuri-puri ang magandang ipinapakita ng Philippine National Police-Highway Patrol Group (PNP-HPG) sa paglansag sa mga sindikato ng carjacking.
Base sa ulat ni Chief Supt. Leonardo Espina, direktor ng PNP-HPG, nakapagtala lamang ng 53 insidente ng carnapping noong nakalipas na buwan na malayo kumpara sa nangyaring 105 kaso ng pagnanakaw ng sasakyan sa parehong panahon noong nakalipas na taon.
Nag-ugat ang pagbaba sa kaso ng carnapping sa ipinatupad na anti-carnapping na inisyatibo katulad ng paglalatag ng checkpoints sa lahat ng mga kalsada patungong pier, pagpapalakas ng koordinasyon ng anti-carnapping units sa mga distrito sa Metro Manila, at operasyon ng HPG SMS Info Text na sumasailalim ngayon sa eksaminasyon.
Laging tandaan: “Bata n’yo ‘ko at Ako ang Spy n’yo”. (mgakurimaw.blogspot.com)
 







Monday, April 23, 2012

Pangaral ni Midas! REY MARFIL Sa kabila ng pagiging bakasyon ng Impeachment Court at pahinga ang paglilitis kay Chief Justice Renato Corona, sumundot ng tirada ang tagapagsalita ng Korte Suprema laban sa administrasyon ni Pangulong Noynoy ‘PNoy’ Aquino. Nagpahaging ng paninisi si SC spokesperson Midas Marquez na ang Malacañang ang rason kung kaya’t may mga pagkakataon na hindi na sinusunod ang mga kautusan ng korte tulad ng pagpapataw ng temporary restraining order o TRO. Ginawa ni Marquez ang patutsada sa Palasyo habang nasa Baguio ang mga mahistrado ng SC at nagsasagawa ng media forum -- ito’y nangyari ilang araw matapos lumabas ang mga survey na nagpapakita ng subsob na trust rating ni Corona at mababang kumpiyansa ng publiko sa institusyon ng Korte Suprema. Naglatag ng ilang halimbawa si Marquez ng umano’y mga insidente ng pagsuway sa utos ng korte gaya ng patuloy na pagputol ng puno sa Baguio City sa kabila ng TRO; ang ‘di pagkilala ng isang eskuwelahan sa Cebu sa utos ng korte na payagang makasama sa graduation rites ang isang babaeng estudyanteng nasangkot sa “bikini” photo issue; at ilan pa. Sa mga pangaral o pagli-lecture ni Marquez, tila naging masamang halimbawa ang Malacañang nang hindi sundin ng Department of Justice ang ilang kautusan ng korte gaya ng TRO sa travel ban na ipinataw kina dating Pangulong Gloria Macapagal-Arroyo at sa pagsusuri sa sasakyan na nasangkot sa ambush ng isang opisyal ng NBI. Ang tila nakalimutang suriin ni Marquez ang mga kontrobersiyang ibinabato sa pinuno ng institusyon na posibleng nagdudulot ng bahid sa kredibilidad ng hudikatura -- ang mismong namumuno sa kanila -- si CJ Corona -- ito’y “Nababasa at Nasusulat” sa reklamong isinampa sa Upper House! *** Napag-usapan ang presscon ni Marquez, hanggang sa kasalukuyan (bagaman nakabakasyon ang impeachment trial) nakabitin pa rin at nanatili ang alegasyon ng prosekusyon sa punong mahistrado na nandaya ito sa isinumiteng listahan ng kanyang mga ari-arian sa Statement of Assets and Liabilities and Networth. Patuloy ang katanungan sa isipan ng marami kung ginamit nga ba ni Corona ang kanyang mga anak na “dummy” sa mga biniling ari-arian gaya ng mamahaling condo? Kung totoo ba na inilagay siya ni Mrs. Arroyo sa kanyang posisyon ngayon bilang pinuno ng SC para protektahan ang dating Pangulo sa mga inaasahang kaso na isasampa ng kasalukuyang administrasyon? Ngunit bago pa man ang impeachment, may mga dapat nang ipaliwanag ang SC sa publiko tungkol sa mga desisyon na ilang ulit na nagpapalit-palit ng desisyon na may kinalaman sa labor dispute ng isang airline. Ang pabagu-bagong desisyon ay natural na magbigay din ng hindi magandang impresyon sa isipan ng publiko kung patas nga ba ang mga mahistrado. Gaya na lamang ng mabilis na desisyon ng SC nang magpalabas ng TRO sa travel ban na ipinataw ng DOJ laban kay Arroyo; na ilang oras lang matapos mailabas ang TRO ay kaagad na nagtungo sa airport ang dating Pangulo, kasama ang mister nitong si dating First Gentleman Mike Arroyo para lumipad palabas ng bansa. Ang tanong: ganito ba kabilis ang SC sa pagpapalabas ng desisyon sa lahat ng petisyon na ipinaparating sa kanila? Gaya na lamang ng pagkuwestiyon sa ipinalabas na kautusan noon ni Mrs. Arroyo na nagdedeklara ng martial law sa Maguindanao noong 2009. Bagaman ang petisyon na kumukuwestiyon sa legalidad ng idineklarang martial law ni Mrs. Arroyo ay nangyari noong 2009, nakakatawang isiping nag­labas lamang ng desisyon ang SC nitong Marso 2012 na nagbabasura rin sa petisyon dahil “moot” na ito dahil tumagal lamang ng ilang araw ang naturang batas militar. Sa halip na maghanap ng sisisihin sa mababang kredibilidad ng SC at hindi pagsunod ng ilan sa kautusan ng korte, ang dapat gawin ni Marquez -- linawin sa publiko kung anong hakbang ang gagawin ng hudikatura o mga mahistrado para maibalik ang tiwala ng publiko sa institusyon. Laging tandaan: “Bata n’yo ‘ko at Ako ang Spy n’yo”. (mgakurimaw.blogspot.com)

Friday, April 20, 2012



Halaga ng Philhealth!
REY MARFIL


Pinayagan ng Department of Justice (DOJ) ang admi­nistrasyong Aquino na legal na gamitin ang P8.3 bilyon para sagutin nang buo ang subsidiya ng Philhealth premiums sa mahihirap na mga pasyente.

Kapuri-puri ang hakbang na ito ng DOJ para magamit ang P8.3 bilyon sa todong subsidiya ng Philhealth sa naghihikahos nating mga kababayan. Tutulungan nito ang ang programa para sa kalusugan ni Pangulong Noynoy ‘PNoy’ Aquin­o na makamit ang “universal health care” para sa mga Filipino.

Bahagi ang halaga ng P12-bilyong alokasyon ng Nationa­l Health Insurance Program (NHIP) para sa mga mahihirap sa ilalim ng pambansang badyet ng 2012.

Umabot sa kabuuang 3.41 milyon ang kuwalipikadong benepisyunaryong tinukoy base sa pinakabagong database mula sa National Household Targeting System for Poverty Reduction ng Department of Social Welfare and Deve­lopment (DSWD).

Alam naman nating lahat na malaking hamon ang magkaroon ng dekalidad na suporta sa kalusugan para sa mga mahihirap na Filipino lalo’t marami sa kanila ang hindi kayang maipagamot ang kanilang mga sarili.

Siguradong mapapalakas ng pamahalaan ang programa nitong matulungan ang mga mahihirap na mga pasyente na mabigyan sila ng atensiyong medikal sa tulong ng programa at desisyon ng DOJ.

Hindi lang ‘yan, nakakatuwa ring marinig ang paninindigan ng administrasyong Aquino na ibigay sa bansa ang isang ekonomiyang pakikinabangan nang husto ng mga tao, lalung-lalo na ang mga mahihirap.

Talagang tinitiyak ng pamahalaan na magkakaroon ng kontroladong inflation rate o pagtaas ng mga bilihin bilang isa sa mga nangungunang prayoridad ng administrasyon.

Sa ipinalabas na pahayag ng Bangko Sentral ng Pilipinas (BSP) nitong Abril 4, patuloy na bumaba ang tinatawag na “year-on-year headline inflation” nitong Marso sa 2.6 porsiyento mula sa 2.7 porsiyento nitong Pebrero.

Base sa datos, nananatiling mababa ito sa target inflation rate ng pamahalaan na tatlo hanggang limang porsiyento para sa 2012 at pinakamababa naman sapul noong Setyembre 2009.

Ipinapakita lamang ang sinseridad sa pagiging sensitibo ng pamahalaan sa sentemiyento ng publiko kaugnay sa pagmahal ng mga bilihin at patuloy na tinitiyak na hindi masyadong maaapektuhan ang publiko ng hindi magandang takbo ng ekonomiya sa buong mundo, partikular ang mga mahihirap.

***

Napag-usapan ang aksyon ng gobyerno, tama lamang ang posisyon ng gobyerno na resolbahin kung sino ang legal na may karapatan sa pinag-aagawang mga isla sa West Philippine Sea sa pamamagitan ng diplomatiko, legal at mapayapang paraan na maaaring magawa ng International Tribunal on the Law of the Sea (ITLOS).

Nangangahulugang nananatili ang paninindigan ng pamahalaan na maayos ang gusot alinsunod sa international laws. Walang duda na ang internasyunal na proseso at mga batas na pinanindigan ng mga bansang kasapi na igagalang ang makakatulong para maayos ang problema.

Hindi tayo dapat pumasok sa isang digmaan sa isyu lalo na at mayroong mga opsiyon na maaaring maresolba ang problema sa mapayapa at legal na pamamaraan. Pinakamaina­m na landas ang pag-usap ng dalawang bansa upang makaha­nap ng solusyon na kapaki-pakinabang.

At malaking tagumpay din sa kampanya laban sa kriminalidad at pagkakaloob ng hustisya ang pagkakahuli sa bansa ng tinaguriang most wanted man sa Australia na si Brett Ronald Maston.

Binabati natin si BI Acting Commissioner Abdullah Ma­ngotara matapos madakip si Maston sa tulong ng pinagsamang operatiba ng ahensiya sa ilalim ng fugitive search unit (FSU) at Southern Police District base sa warrant of deportation na inilabas ni BI Commissioner Ricardo David Jr. Instrumental ang pamahalaan sa hakbang na litisin at papanagutin si Maston sa kanyang naging mga krimen sa Australia.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Wednesday, April 18, 2012



‘Di bolero!
REY MARFIL

Nakararanas ng tatlo hanggang 10 oras na rotation brownout bawat araw ang ilang lugar sa Mindanao dahil sa kakulangan ng suplay ng enerhiya sa rehiyon. Kaya naman nagpatawag ng Energy Summit ang pamahalaan kamakailan para humanap ng panandalian at pangmatagalang solusyon sa problema.

Sa harap ng pribadong sektor at mga lokal na lider sa rehiyon na dumalo sa summit, inilatag ni Pangulong Noynoy ‘PNoy’ Aquino nang walang halong pambobola ang mga kailangang gawin para tuluyang masolusyon ang problema sa kakapusan ng suplay ng enerhiya.

Kilala sa pagiging matapat si PNoy kaya naman ipinaalam at sinabi niya sa harap ng publiko na kailangan ang mga bagong planta ng eherhiya sa ilalim ng pangangasiwa ng pribadong sektor. Pero ang dagdag na enerhiya’y ma­ngangahulugan din ng mas mataas na babayaran ng publiko.

Nakakalungkot lang isipin na kung minsan, ang matapat na katotohana’y sinasabotahe ng kasinungalingan ng mga taong kontra sa mungkahi na hindi nila gusto.

Sa harap ng pahayag ng Pangulo na kailangang magsakripisyo rin ang publiko sa pamamagitan ng dagdag na bayarin sa kuryente, may nagpakalat naman ng maling impormasyon na aabot daw sa P14 per kilowatt hour ang magiging dagdag na singil sa kuryente.

Ang maling impormasyo’y masyadong malayo sa nakalap na impormasyon ni PNoy na mayroon nang ilang koope­ratiba na nagbabayad ng karagdagang 50 hanggang 60 sentimos per kilowatt hour. Kaya naman kung magkakaroon ng mga bagong planta, imposibleng umabot sa P14 per kilo­watt hour aabutin ang dagdag na bayarin.

***

Napag-usapan ang kuryente, ang pagkakaroon ng mas malaking demand ng Mindanao sa enerhiya ay indikasyo­n ng pag-unlad. Dumadami ang kumpanya na nagtatayo ng negosyo sa rehiyon na nangangailangan ng kuryente -- ito’y katumbas ng dagdag na trabaho sa mga tao at dagdag na kabuhayan.

Pero habang tumataas ang demand sa eherhiya, hindi naman nadadagdagan ang mga planta ng magsusuplay ng kuryente.

Kung tutuusin, maging ang mga dati at kasalukuyang pinagkukunan ng enerhiya sa Mindanao na mga hydropowe­r na mahigit 50 taon na ang edad ay nagsisimula na ring mang­hina. Ang suplay sa kuryente sa mga hydropower ay nagmumula sa lakas ng tubig na bumabagsak sa mga talon.

Pero sa paglipas ng panahon at pagbabago ng klima sa mundo, lahat ay nagkakaroon ng katapusan. Kaya naman kailangang maghanap ng ibang paraan na maaaring magsuplay ng kuryente sa Mindanao, at malaki ang magiging papel dito ng pribadong sektor.

Gayunpaman, patuloy pa rin ang paghahanap ni PNoy ng panandiliang solusyon sa problema gaya ng paglalaan ng P2.6 bilyon para sa large-scale rehabilitation ng 59-year-old na Agus 6 hydropower plant, na nakadisenyo lamang na tumagal ng 30 taon. Kung sa usapang-kanto, daig pang matandang hukluban ang Agus 6 hydropower plant dahil nadoble ang edad.

Bukod dito, isinasailalim din sa rehabilitasyon ang Agus 2, at aayusin ang mga daluyan ng tubig para mapalakas ang agos nito papunta sa talon. Totoo ang problema sa kakula­ngan ng enerhiya sa Mindanao, na nangangailangan ng totoong solusyon kaya naman nagbigay si PNoy ng totoong sagot.

Marahil kung ibang lider ang nakaupo ngayon ay takot na ipaalam sa tao ang katotohanan, baka pagkatapos ng ginawang power summit, nanatili sa dilim ang mga dumalo nang walang malinaw na solusyon sa problema.

Sa simpleng arithmetic, hindi nambola at nagsinungaling si PNoy, hinarap ang problema at nagpakatotoo kahit unpopular sa publiko.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Tuesday, April 17, 2012


Nasaan silang maiingay?
REY MARFIL
April 16, 2012

Muling sinusubok ng bansang China ang kakayahan nating mga Filipino na ipagtanggol ang karapatan ng Pilipinas sa inaangkin nating teritorya sa bahagi ng pinag-aagawang Scarborough (Panatag) Shoal.

Matibay ang paninindigan ng pamahalaang Aquino na sakop ng ating bansa ang Panatag Shoal dahil ito ay may layo lamang 124 nautical miles mula sa pinakamalapit na base point sa lalawigan ng Zambales.

Pasok ito sa 200 nautical miles Exclusive Economic Zone ng Pilipinas at Continental Shelf, ayon na rin sa Department of Foreign Affairs.

Nakaraang linggo, tinatayang walong malalaking bangkang pangisda ng China ang nakita ng ating mga Philippine Navy surveillance plane na nakaangkla sa Panatag Shoal. Dahil dito, pinadala sa lugar ang barko ng ating navy na BRP Gregorio del Pilar para magsiyasat.

Tatlong bangka na lamang ng China ang inabutan. Bilang bahagi ng proseso, umakyat sa nabanggit na mga bangka ang mga tauhan ng navy at sinuri ang laman nito. Dito’y nakita ang tone-toneladang giant clam shells o taklobo na nanganganib nang maubos.

Bukod pa riyan, nakita rin sa mga bangka ang iba pang uri ng mga isda gaya ng mga buhay na pating, mga coral at iba pang uri ng yaman-dagat na dapat sana’y iniingatan at hinahayaang mabuhay sa karagatan.

Hindi nga natuloy ang pagkumpiska sa mga yaman-dagat na kinuha ng mga mangingisdang Tsino, at hindi rin naipatupad ang pag-aresto sa kanila dahil sa “pagsaklolo” sa kanila ng dalawang Chinese maritime surveillance ship.

Hinarang ng dalawang barkong ito ang ating BRP Gregorio de Pilar, na siyang dahilan para magkaroon ng stand-off sa Panatag Shoal. Ang latest development, nagbawas ng barko ang China.

***

Napag-usapan ang stand-off, malinaw ang direktiba ni Pangulong Noynoy ‘PNoy’ Aquino, na resolbahin ang problemang ito sa “payapang” paraan. Bagaman masasabing higit na nakalalamang ang China sa aspetong militar, nakahanda ang ating gobyerno na ipaglaban ang ating karapatan at protektahan ang ating teritoryo bilang malayang bansa.

Ngunit sa giriang ito, hindi lamang isyu ng teritoryo ang nakasalalay. Sa natuklasang malaking bulto ng mga yamang-dagat na nasa bangkang pangisda ng China, kasama na rin dito ang usapin ng pangalalaga sa kalikasan.

Dapat tandaan na walong malalaking bangkang pangisda ang unang nakita sa Panatag Shoal pero tatlo na lamang ang inabutan. Anong malay natin kung ano at gaano karami rin ng mga higanteng taklobo at mga coral at isda ang natangay nila mula sa karagatan na sakop ng ating bansa

Habang tayong mga Pilipino’y nagpapakahirap na paramihin ang mga higanteng taklobo para hindi sila tuluyang mawala sa mundo, nakakalungkot isipin na walang habas na kinukuha ng mga mangingisdang Tsino’y ang laman-dagat sa karagatang hindi naman nila saklaw.

Ngunit ang ipinagtataka ni Mang Romy, bakit walang mga environmentalist group at maging ang mga militanteng mahilig mag-ingay sa kalye ang nagpoprotesta sa kalsada o kahit sa embahada ng Tsina para punahin at batikusin ang hindi lang panghihimasok sa ating teritoryo, kundi maging ang panggagahasa sa ating yaman-dagat?

Ngayo’y hindi na kailangan ng pamahalaang Aquino ang humingi ng suporta sa mga Pilipino na ipaglaban ang ating teritoryo bilang malayang bansa, at ipaglaban ang ating kampanya sa pangangalaga ng kalikasan.

Katulad ni Mang Romy, ang malaking katanungan din ng mga kurimaw: nasaan ang grupong nagpa-planking sa Mendiola at nakikipagpantintero sa mga pulis sa embahada ng Amerika?

Isang malaking kalokohan kung ang isyung ito’y gagamitin ng mga kritiko laban sa ating gobyerno samantalang mananahimik sila sa ginagawa ng mga Tsino.

Hindi masama na paminsan-minsa’y buhayin natin ang pagmamahal sa ating Inang Bayan at Inang Kalikasan, maliban kung kinalimutan ang mga aral ni Gat Jose Rizal at kasing-amoy na ngayon ng lamang-dagat ang karamihan?

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Monday, April 16, 2012


Nasaan silang maiingay?
REY MARFIL
April 16, 2012
Muling sinusubok ng bansang China ang kakayahan nating mga Filipino na ipagtanggol ang karapatan ng Pilipinas sa inaangkin nating teritorya sa bahagi ng pinag-aagawang Scarborough (Panatag) Shoal.

Matibay ang paninindigan ng pamahalaang Aquino na sakop ng ating bansa ang Panatag Shoal dahil ito ay may layo lamang 124 nautical miles mula sa pinakamalapit na base point sa lalawigan ng Zambales.

Pasok ito sa 200 nautical miles Exclusive Economic Zone ng Pilipinas at Continental Shelf, ayon na rin sa Department of Foreign Affairs.

Nakaraang linggo, tinatayang walong malalaking bangkang pangisda ng China ang nakita ng ating mga Philippine Navy surveillance plane na nakaangkla sa Panatag Shoal. Dahil dito, pinadala sa lugar ang barko ng ating navy na BRP Gregorio del Pilar para magsiyasat.

Tatlong bangka na lamang ng China ang inabutan. Bilang bahagi ng proseso, umakyat sa nabanggit na mga bangka ang mga tauhan ng navy at sinuri ang laman nito. Dito’y nakita ang tone-toneladang giant clam shells o taklobo na nanganganib nang maubos.

Bukod pa riyan, nakita rin sa mga bangka ang iba pang uri ng mga isda gaya ng mga buhay na pating, mga coral at iba pang uri ng yaman-dagat na dapat sana’y iniingatan at hinahayaang mabuhay sa karagatan.

Hindi nga natuloy ang pagkumpiska sa mga yaman-dagat na kinuha ng mga mangingisdang Tsino, at hindi rin naipatupad ang pag-aresto sa kanila dahil sa “pagsaklolo” sa kanila ng dalawang Chinese maritime surveillance ship.

Hinarang ng dalawang barkong ito ang ating BRP Gregorio de Pilar, na siyang dahilan para magkaroon ng stand-off sa Panatag Shoal. Ang latest development, nagbawas ng barko ang China.

***

Napag-usapan ang stand-off, malinaw ang direktiba ni Pangulong Noynoy ‘PNoy’ Aquino, na resolbahin ang problemang ito sa “payapang” paraan. Bagaman masasabing higit na nakalalamang ang China sa aspetong militar, nakahanda ang ating gobyerno na ipaglaban ang ating karapatan at protektahan ang ating teritoryo bilang malayang bansa.

Ngunit sa giriang ito, hindi lamang isyu ng teritoryo ang nakasalalay. Sa natuklasang malaking bulto ng mga yamang-dagat na nasa bangkang pangisda ng China, kasama na rin dito ang usapin ng pangalalaga sa kalikasan.

Dapat tandaan na walong malalaking bangkang pangisda ang unang nakita sa Panatag Shoal pero tatlo na lamang ang inabutan. Anong malay natin kung ano at gaano karami rin ng mga higanteng taklobo at mga coral at isda ang natangay nila mula sa karagatan na sakop ng ating bansa

Habang tayong mga Pilipino’y nagpapakahirap na paramihin ang mga higanteng taklobo para hindi sila tuluyang mawala sa mundo, nakakalungkot isipin na walang habas na kinukuha ng mga mangingisdang Tsino’y ang laman-dagat sa karagatang hindi naman nila saklaw.

Ngunit ang ipinagtataka ni Mang Romy, bakit walang mga environmentalist group at maging ang mga militanteng mahilig mag-ingay sa kalye ang nagpoprotesta sa kalsada o kahit sa embahada ng Tsina para punahin at batikusin ang hindi lang panghihimasok sa ating teritoryo, kundi maging ang panggagahasa sa ating yaman-dagat?

Ngayo’y hindi na kailangan ng pamahalaang Aquino ang humingi ng suporta sa mga Pilipino na ipaglaban ang ating teritoryo bilang malayang bansa, at ipaglaban ang ating kampanya sa pangangalaga ng kalikasan.

Katulad ni Mang Romy, ang malaking katanungan din ng mga kurimaw: nasaan ang grupong nagpa-planking sa Mendiola at nakikipagpantintero sa mga pulis sa embahada ng Amerika?

Isang malaking kalokohan kung ang isyung ito’y gagamitin ng mga kritiko laban sa ating gobyerno samantalang mananahimik sila sa ginagawa ng mga Tsino.

Hindi masama na paminsan-minsa’y buhayin natin ang pagmamahal sa ating Inang Bayan at Inang Kalikasan, maliban kung kinalimutan ang mga aral ni Gat Jose Rizal at kasing-amoy na ngayon ng lamang-dagat ang karamihan?

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Mas mabuting handa!
REY MARFIL
APIL 13, 2012
Hindi biro ang pinsalang maaaring idulot ng bahagi ng rocket na paliliparin ng North Korea sa kalawakan na posibleng bumagsak sa teritoryo ng Pilipinas.

Kaya naman ma­tindi ang paghahanda ng pamahalaang Aquino tungkol dito.

Sa pagtaya ng mga opisyal ng National Disaster Risk Reduction and Management Council o NDRRMC, maaaring umabot sa kasing laki ng refrigerator ang bahagi ng rocket na puwedeng bumagsak sa dagat o maging sa lupa ng Pilipinas.

Hindi natin masisisi ang pamahalaan na mangamba sa kaligtasan ng mga tao dahil ang paliliparing rocket ng NoKor ay nakabase lang sa “trajectory” o inaasahang destinasyon nito sa langit. Papaano nga naman kung pumalpak ang rocke­t at ma-overshoot o kapusin at sa Pilipinas ito bumagsak?

Dapat tandaan na mayroon na ring rocket sa US ang su­mablay ng lipad at sumabog sa ere. ‘Wag ding kalimutan ang pagbagsak noong 1979 ng “SkyLab” sa karagatang sakop ng Australia. Kaya nga “test” dahil hindi sigurado at ‘di pa nasusubukan o nahahanap ang mga kasagutan?

Mula noong Abril 12 hanggang 16, nagpapatupad ng no-fly o kailangang i-divert ang ruta ng ilang eroplano sa bahagi ng himpapawid na sakop ng Pilipinas na posibleng bu­magsak ang mga bahagi ng rocket ng NoKor.

Bukod sa pag-divert ng mga eroplano, ipagbabawal din ang paglalayag ng mga barko at pangingisda sa bahagi ng karagatan na maaaring bagsakan ng rocket debris.

Isipin na lang natin kung magkatotoo ang pagtaya na kasing laki ng refrigerator ang bahagi ng rocket na bu­magsak sa isang pampasaherong barko? Malamang na mabutas ang barko at magdudulot ito ng matinding pinsala sa mga pasahero.

***

Napag-usapan ang test fire, simula umaga ng Abril 12, dapat maging mapagmatyag ang mga Pinoy, partikular ang mga nakatira sa bahagi ng Luzon sa mga bagay na maaa­ring bumagsak mula sa kalangitan.

Sakaling may piraso nga ng rocket ang bumagsak sa Pili­pinas, mantakin na lamang kung sa bubungan ito ng mga bahay tumama at papaano kung hindi lang isa kundi mara­ming piraso pa?

Sa kabila ng peligrong maaaring mangyari, may ilang kritiko na pumupuna sa paghahanda ng administrasyon ni Pangulong Noynoy ‘PNoy’ Aquino -- nagiging alarmist daw at overreacting ang gobyerno.

Pero ang tanong -- papaano kung tama ang pinapangambahang peligro? Papaano kung may madisgrasya at mabagsakan ng bahagi ng rocket? Sino ang sisisihin, hindi naman ang mga kritiko o nag-aambisyong mag-senador kundi ang gobyerno ni PNoy.

At kung sakaling mali nga ang gobyerno at walang bumagsak na bahagi ng rocket? May nawala ba sa ating mga Pilipino? Tingin ko’y hindi naman makakabawas sa pride ng mga Pinoy at lalong hindi magkakasakit ang mga ito.

Kung tutuusin, mas gusto ni PNoy na mali ang kanilang pagtaya para walang madisgrasya o masaktan. Dahil sakaling tama sila at may bahagi nga ng rocket na maligaw sa Pilipinas, natural na hindi maiiwasan na magkaroon ng takot at peligro sa kaligtasan ng publiko.

Dapat tandaan ang iba pang pangamba ng ilang bansa na baka ang tunay na pakay ng rocket launch ng NoKor, ito’y hindi para magpalipat ng satellite, kundi sukatin lamang kung hanggang saan ang kayang abutin ng kanilang rocket para mapaghandaan nila ang posibleng paggamit ng nuke bomb.

Anuman ang motibo ng North Korea sa rocket launch, mas mabuting handa ang mga Pinoy sa anumang senaryo kesa nakatunganga at hinihintay na matulala kapag nabagsakan ng mga nagliliparang bakal ang mga ito!

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Walang nabago!
REY MARFIL
APRIL 11, 2012
Nanatiling mataas at kahanga-hanga ang positibong 49% satisfaction rating ni Pangulong Noynoy ‘PNoy’ Aquino, base sa pinakabagong resulta ng Social Weather Stations (SWS), as in ipinapakita ng pinakabagong satisfaction rating ng Pangulo sa SWS survey ang patuloy na malaking suporta ng publiko sa ginagawa ng Punong Ehekutibo.

Malinaw ang ebidensiya, kahit anong spin ang gawin ng mga kritiko ni PNoy, sampu ng mga hindi makapag-move on sa resulta ng 2010 presidential election at never heard sena­toriables sa hanay ng mga tagapagtanggol ni Mrs. Arroyo, maganda pa rin ang satisfaction rating ng Pangulo kung saan pito sa 10 Pinoy ang bilib sa kanyang performance.

Ayon sa SWS First Quarter Social Weather Report na isinagawa nakaraang Marso 10 hanggang 13, lumabas na 68% ng mga Pilipino ang kumbinsido sa ginagawa ng administras­yong Aquino at tanging 19% ang diskuntento -- ito’y maliit na numero kumpara sa mayoryang bilib kay PNoy, maliban kung “kinamote” sa arithmetic ang mga kritiko?

Mataas pa rin ang satisfaction ng Pangulo at “Very Good” sa ABC at E -- ito’y nangangahulugang nauunawaan ng Middle Class ang mga panlabas na dahilan sa pagtaas ng presyo ng mga produktong petrolyo habang naniniwala ang Class E na napapakinabangan ang Social Safety Nets ng pamahalaan.

Kung bumaba man nang bahagya ang satisfaction rating ng Pangulo, ito’y inaasahan lalo pa’t sa kasaysayan ng bansa, talagang bumababa ang satisfaction rating ng mga nakalipas na Pangulo habang papalapit ang kalagitnaan ng kanilang termino.

Pangalawa, nakita rin sa nakalipas na tatlong buwan ang pagsirit sa presyo ng langis kung saan walang kontrol ang Pangulo. Lumabas din na isinagawa ang survey sa kasagsagan ng petisyon para sa dagdag na pasahe sa jeep.

Hindi lingid sa karamihan ang katotohanang idinidikta ng mga puwersa sa internasyunal na merkado ang presyo ng mga produktong petrolyo, katulad ng mga nagaganap na kaguluhan sa ibang bansa.

Take note: walang sariling pinagkukunan ng langis ang Pilipinas kaya’t nakatali ang kamay ng gobyerno sa galaw ng international market.

Higit sa lahat, hindi naman nagpapabaya si PNoy at ipi­nagpapatuloy ang pagsusulong sa mga kapaki-pakinabang na reporma sa bansa kahit hindi ito maging popular sa publiko -- ito’y malinaw sa resulta ng SWS survey.

Sa panahong sumikad at sumipa na nang husto ang Pantawid Pasada program o subsidiya sa mga pampublikong tsuper, kasama ang mababang implasyon at umaasensong oportunidad sa sektor ng agrikultura at mga iniluluwas na mga produkto, inaasahang manunumbalik ang mas mataas pang performance rating ni PNoy.

***

Napag-usapan ang aksyon ng gobyerno, walang duda ang kasipagan ni PNoy, isa lamang sa maraming patotoo ang inspeksiyon sa pangunahing transport terminals nakaraang Lunes Santo bago umalis ng bansa para dumalo sa taunang pagtitipon ng mga lider sa Association of Southeast Asian Nations (ASEAN) at paggunita sa ika-45 anibersaryo ng samahan sa Cambodia.

Ginamit ni PNoy ang kanyang panahon para tiyakin ang kahandaan ng iba’t ibang ahensiya ng pamahalaan na ipatupad ang kanilang kaukulang tungkulin at misyon upang makamit ang ligtas at walang sakunang pagsalubong ng publiko sa Mahal na Araw.

Personal na tiniyak ng Pangulo na nasa maayos ang lahat at ginagawa ng mga ahensiya ng pamahalan ang mga bagay-bagay na dapat na gawin ng mga ito. Nagsagawa ng inspeksiyon si PNoy sa bus terminals, pier at paliparan para tiyakin ang kaligtasan ng mga Pilipino at maging ng mga turista na magtutungo sa mga lalawigan.

Bukod sa mga pampublikong terminals, inatasan din ng Pangulo ang Philippine National Police (PNP) at iba pang law enforcement agencies na tiyaking ligtas ang mga simbahan at ibang mga lugar ng pagsamba, mahahalagang mga lugar, mga embahada, mga pasyalan, malls, mga komersi­yal na establisimiyento at iba pang pampublikong mga lugar.

Maganda ring marinig ang pagtataya ni PNoy na malaki ang positibong pinagbago sa mga paghahanda sa seguridad at daloy ng trapiko ngayong Mahal na Araw.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Buhay ang negosyo!
REY MAFIL
APRIL 9, 2012
Isang matibay na positibong resulta ng malinis na pamamahala tungo sa matuwid na daan ni Pangulong Noynoy “PNoy” Aquino III ang pagkilala ni Switzerland Ambassador to the Philippines Ivo Sieber sa maganda at umiiging oportunidad ng paglalagak ng negosyo sa bansa.

Sa paglulunsad ng mga aktibidad sa paggunita ng ika-150 taong anibersaryo ng pagkakatatag ng relasyon ng Switzerland at Pilipinas, sinabi ni Sieber na malakas at kahali-halina ang pagnenegosyo sa bansa.

Kinukumpirma lamang ng pinakamataas na diplomat ng Switzerland ang mas “transparent” na pamamahala ni PNoy na patuloy na ikinakampanya ang pagputol sa red tape at pag­laban sa katiwalian para mapalakas ang negosyo sa Pilipinas.

Kabilang sa mga kompanyang Swiss ang Nestlé at Holcim na nasa likod ng pagkakaloob ng libu-libong trabaho sa bansa.

Umasenso ang relasyon sa palitan ng kalakal at pamumuhunan sa Switzerland bilang isa sa sampung (10) nangu­ngunang negosyo sa Pilipinas. Ibig sabihin, nananatiling matibay na mamumuhunan sa bansa ang Switzerland na nagsimulang magnegosyo sa Pilipinas, mahigit isang siglo na ang nakakalipas.

Hindi lang, asahang mas maraming trabaho para sa mga Filipino na magpapasigla sa ekonomiya ng bansa dahil sa mas mabilis na implementasyon ng administrasyong Aquino sa walong (8) proyekto sa ilalim ng public-private partnership (PPP) program.

Inatasan ni PNoy ang kanyang Cabinet economic cluster upang agarang aprubahan ang mga proyektong PPP para masimulan na ang trabaho. Nakakuha ng malaking suporta ang PPP sa hanay ng mga mamumuhunan para ipatupad ang paggawa ng bagong mga gusali, kalsada, tulay at paliparan.

Partikular dito ang rehabilitasyon at pagpapaganda ng Ninoy Aquino International Airport (NAIA) na talaga namang masikip na para sa maraming mga eroplanong bu­mababa at umaalis.

Meron ding pag-aaral na isinasagawa sa paggawa ng nautical highway para bawasan ang oras ng paglalakbay mula Luzon patungong Mindanao o gawing 15 oras mula sa kasalukuyang tatlong (3) araw.

Sakaling maisakatuparan, mas mabilis na makakarating sa Metro Manila ang mga produkto sa Katimugang bahagi ng bansa na makakabuti sa mga aning agrikultural ng Mindanao.

Noong nakalipas na taon, binigyan ng pamahalaan ng basbas ang P1.4 bilyon na apat na kilometrong Daang Hari-South Luzon Expressway (SLEX) na proyekto sa ilalim ng PPP projects.

At inihanda rin noong 2011 ng administrasyon ang sampung (10) proyektong nagkakahalaga ng 127.8 bil­yon sa ilalim din ng PPP.

***

Napag-usapan ang good news, tunay na reporma ang maibibigay ng suporta ni PNoy sa pagbasura sa voter’s list sa limang (5) lalawigang sakop ng Autonomous Region in Muslim Mindanao (ARMM) at palitan ng bago at mali­nis na listahan para sa kagalingan ng interes ng mga napaba­yaang rehiyon.

Suportahan natin ang Commission on Elections (Comelec) sa agarang pagresolba sa double registration sa ARMM na kinabibilangan ng Maguindanao, Lanao del Sur, Tawi-Tawi, Sulu at Basilan ngayong nalalapit ang 2013 midterm elections -- ito’y upang matiyak na maigagalang ang tunay na boses ng publiko.

Magandang balita ang paghahatid ng makatotohanang reporma sa ARMM upang maalis na rin ang lumang problema sa double at multiple entries sa voter’s list.

Sumama tayong lahat sa paghahanap ng solusyon para matigil na ang flying voters, multiple votes, ghost voters, at iba pang nagsusulputang multo tuwing eleksyon.

Hindi lang ‘yan, dapat ipagpasalamat ang malakas na political will ni PNoy kaugnay sa maigting nitong kampanya na buwagin ang mga pribadong armadong grupo sa buong bansa, kabilang ang mga nasa Autonomous Region in Muslim Mindanao (ARMM).

Walang puwang sa modernong demokratikong lipunun ang mga armadong pribadong grupo na nagsisilbi ring ma­laking panganib sa umiiral na prinsipyo ng kalayaan, demokrasya at mga batas.

Hindi natin dapat payagan ang warlords at goons na lapastanganin ang buhay ng maraming mga Filipino na ginagamit para magkaroon ng poder sa kapangyarihan.

Matitiyak din ng determinadong aksyon ni PNoy laban sa pagsugpo ng mga pri­badong grupo ang mapayapa, ligtas at maa­yos na halalan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Daang malinis!
REY MARFIL
APR 4, 2012
Isang matibay na positibong resulta ng malinis na pamamahala tungo sa matuwid na daan ni Pangulong Noynoy ‘PNoy’ Aquino ang pahayag ng pagkilala ni Switzerland Ambassador to the Philippines Ivo Sieber sa maganda at umiiging oportunidad ng paglalagak ng negosyo sa bansa.

Sa paglulunsad ng mga aktibidad sa paggunita ng ika-150 anibersaryo ng pagkakatatag ng relasyon ng Switzerland at Pilipinas, sinabi ni Sieber na malakas at kahali-halina ang ang pagnenegosyo sa bansa.

Kinukumpirma lamang ng pinakamataas na diplomat ng Switzerland sa bansa ang mas “transparent” na pamamahala ni PNoy na patuloy na ikinakampanya ang pagputol sa red tape at paglaban sa katiwalian para mapalakas ang negosyo sa Pilipinas.

Umasenso ang relasyon sa palitan ng kalakal at pamumuhunan sa Switzerland bilang isa sa 10 nangungunang negos­yo sa Pilipinas.

Nananatiling matibay na mamumuhunan sa bansa ang Switzerland na nagsimulang magnegosyo sa Pili­pinas mahigit isang siglo na ang nakakalipas. Kabilang ang mga kumpanyang Swiss na Nestlé at Holcim na nasa likod ng pagkakaloob ng libu-libong trabaho sa bansa.

Hindi lang ‘yan, asahang mas maraming trabaho para sa mga Pilipino na magpapasigla sa ekonomiya ng bansa dahil sa mas mabilis na implementasyon ng administrasyong Aquino sa walong proyekto sa ilalim ng public-private partnership (PPP) program.

Inatasan na ni PNoy ang kanyang Cabinet economic cluster upang agarang aprubahan ang mga proyektong PPP para masimulan na ang trabaho. Nakakuha na ng mala­king suporta ang PPP sa hanay ng mga mamumuhunan para ipatupad ang paggawa ng bagong mga gusali, kalsada, tulay at pali­paran.

Partikular dito ang rehabilitasyon at pagpapaganda ng Ninoy Aquino International Airport (NAIA) na talaga namang masikip na para sa maraming mga eroplanong bumababa at umaalis.

Meron ding pag-aaral na isinasagawa sa paggawa ng nautical highway para bawasan ang oras ng paglalakbay mula Luzon patungong Mindanao o gawing 15-oras mula sa kasalukuyang tatlong araw.

Sakaling maisakatuparan, mas mabilis na makakarating sa Metro Manila ang mga produkto sa Katimugang bahagi ng bansa na makakabuti sa mga aning agrikultural ng Mindanao.

Noong nakalipas na taon, binigyan ng pamahalaan ng basbas ang P1.4 bilyon na apat na kilometrong Daang Hari-South Luzon Expressway (SLEX) na proyekto sa ilalim ng PPP projects.

Inilista at inihanda rin noong 2011 ng administrasyong Aquino ang 10 proyekto na nagkakahalaga ng P127.8 bil­yon sa ilalim din ng PPP.

***

Napag-usapan ang reporma, isang halimbawa ang suporta ni PNoy sa pagbasura sa voters list sa limang lalawigang sakop ng Autonomous Region in Muslim Mindana­o (ARMM) at palitan ng bago at malinis na listahan para sa kagalingan ng interes ng napabayaang mga tao sa rehiyon.

Suportahan natin ang Commission on Elections (COMELEC) upang agarang maresolba ang suliranin sa double re­gistration sa ARMM na kinabibilangan ng mga lalawigan ng Maguindanao, Lanao del Sur, Tawi-Tawi, Sulu at Basilan habang nalalapit ang 2013 midterm elections upang matiyak na maigagalang ang tunay na boses ng publiko.

Isang magandang balita ang paghahatid ng makatotohanang reporma sa ARMM upang maalis na rin ang lumang problema sa double at multiple entries sa voters list.

Sumama tayong lahat sa paghahanap ng solusyon para matigil na ang flying voters, multiple votes, ghost voters, etc.

At dapat din tayong magpasalamat sa malakas na politi­cal will ni PNoy sa maigting nitong kampanya sa pamama­gitan ng Philippine National Police (PNP) na buwagin ang mga pribadong armadong grupo sa buong bansa, kabilang ang mga nasa ARMM.

Walang puwang sa modernong demokratikong lipunan ang mga armadong pribadong grupo na nagsisilbi ring mala­king panganib sa umiiral na prinsipyo ng kalayaan, demokras­ya at mga batas.

Hindi natin dapat payagan ang warlords at goons na lapastanganin ang buhay ng mara­ming mga Pilipino na ginagamit para magkaroon ng poder sa kapangyarihan.

Matitiyak din ng determinadong aksiyon ni Pangulong Aquino laban sa pagsugpo ng mga pribadong grupo ang mapayapa, ligtas at maayos na halalan.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Matunog ang pulso!
REY MARFIL
April 2, 2012
Kinumpirma lamang ng pinakabagong resulta ng Social Weather Stations (SWS) ang malakas na suporta ng publiko sa hakbang na patalsikin si Supreme Court (SC) Chief Justice Renato Corona sa tanggapan nito.

Nawa’y magsilbing gabay ang resulta ng SWS survey para lahat ng mga nagtitika ngayong Semana Santa at maaa­ring magsilbing daan sa posibleng resulta ng impeachment trial -- ito’y sapat para alisin ang anumang alinlangan sa pagiging tama at parehas ng reklamong pagpapatalsik.

Ipinakita ng SWS survey na 53% o mahigit sa kalahati ng populasyon ang nasisiyahan sa desisyon ng mga mambabatas na patalsikin si Corona at 73% ang gustong magkaroon ng hatol na “guilty” sa pinakamataas na mahistrado.

Dahil maraming Filipino ang umaasa ng conviction, dapat na talagang tumestigo si Corona sa paglilitis dahil nangangahulugan lamang ng mas matinding alinlangan sa kanya kung hindi haharap lalo’t 73% ng respondents sa SWS survey ang nananawagan sa kanya na personal na lumahok sa paglilitis.

Dapat lamang tumugon si Corona sa panawagan ng publiko na ibunyag ang lahat ng kanyang itinatagong kayamanan sa pamamagitan ng pagtungo sa witness stand.

Huling pagkakataon na ni Corona ang humarap upang ipaliwanag ang malaking misteryo ng kanyang mga kasamaan at napapanahon din na magbitiw siya sa tungkulin upang mapanatili ang respeto sa kanyang sarili at maibalik ang nadungisang tiwala ng publiko sa Hudikatura.

Katulad ng Pulse Asia survey na nagsasabing 47% ang nais na mawala si Corona sa posisyon, kaisa ang resulta ng SWS survey sa determinasyon ng Kamara de Represen­tantes na alisin ang Punong Mahistrado dahil sa reklamo ng paglabag sa Konstitusyon, katiwalian at pagkakanulo sa tiwala ng publiko.

Mahirap talagang lituhin ang publiko at walang anumang antas ng panlilinlang o pagpigil na magagawa para sagutin ang tunay na katanungan na karapat-dapat pa bang maging Punong Mahistrado si Renato Corona? Mayroon pa bang tiwala ang publiko sa kanya?

Sumagot na ang publiko at malakas na “hindi” ang kanilang naging tugon base sa resulta ng iba’t ibang surveys.

Bukod sa SWS at Pulse Asia surveys, naghayag na rin ng damdamin ang iba’t ibang unibersidad sa kani-kanilang isinagawang surveys kung saan sinabi ng mayorya na hindi na karapat-dapat na manatili sa kanyang tungkulin si Corona.

***

Napag-usapan ang survey, public service is a public trust -- iyan ang sagradong paalala sa lahat ng mga nagsisilbi sa gobyerno lalo na ang mga namumuno sa ating bansa.

Mahalagang taglay nila ang tiwala ng mga tao dahil ang kapangyarihan nila ay nakadepende rin naman sa suporta ng mga mamamayan.

Kahit pa sa kaso ni Corona, na hindi naman inihalal ngunit itinalaga lamang ni dating Pangulong Gloria Macapagal-Arroyo, marapat pa rin na pinagkakatiwalaan siya ng mga mamamayan.

Ang posisyong hawak ni Corona ay panlima sa pinakamataas na posisyon sa pamahalaan -- kasunod ng Pangulo, Bise Presidente, Senate President at Speaker. Huwag naman sanang mangyari, pero sakaling magkakasama sa isang eroplanong bumagsak ang unang apat (4) na pangunahing lider ng gobyerno, sa ilalim ng Saligang Batas tungkol sa pila ng hahalili sa Malacañang -- ang Chief Justice ang magiging lider ng bansa.

Ngunit sa usapin ng impeachment trial na kinakaharap ni Corona, at mga naglalabasang alegasyon na hindi ito nagdeklara ng tamang ari-arian niya sa kanyang hindi isinasapublikong Statement of Assets, Liabilities and Networth, dumarami o kundi man ay mas marami ang wala nang tiwala sa Punong Mahistrado.

At kung susundin ang nauna pang survey na ginawa ng Pulse Asia nitong February 26-March 9, lumilitaw na anim (6) sa bawat 10 Pinoy ang ayaw na kay Corona. Sa naturang survey, 14% lamang ang pabor sa ginagawa niya at 58 percent ang hindi at 26% ang walang desisyon.

Sa survey ng Pulse Asia na halos kapareho ng SWS, lumilitaw din na 47% na mga Pinoy ang naniniwalang guilty siya sa ibinibintang sa kanya ng prosekusyon sa paglilitis sa impeachment trial.

Sa naturang bilang, 15% ang nakatitiyak na guilty siya at 33% ang nagsabing posibleng guilty ang opisyal.

Lubhang mataas ito kumpara sa limang porsyento na naniniwalang hindi siya guilty, at ang natitira ay wala pang nagiging desisyon.

Maging sa survey na ginawa naman ng Student Council Alliance of the Philippines (SCAP), lumitaw na majority sa mga tinanong na mag-aaral ay nagpahayag na wala na rin silang tiwala kay Corona.

Ang survey ay ginawa sa Ateneo de Manila University (ADMU), De La Salle University (DLSU), Ateneo de Davao University (ADDU), University of the East (UE) Manila at Tarlac State University (TSU).

Sa naturang survey, ang mga nagsabing wala na silang tiwala kay Corona ay 41 percent ng mga estudyante sa ADMU; 69.3 percent sa DLSU; 77 percent sa UE; 75.4 percent sa TSU; at 78.3 percent sa ADDU.

Sa ibang bansa na pinapahalagahan ang pananaw ng mga mamamayan at binibigyang pahalaga rin ang dignidad ng mga opisyal, ang pagbibitiw sa puwesto ang mabisang paraan upang makabawi at maibalik ang dangal ng isang opisyal na hindi na pinagkakatiwalaan.

Simple lang ang lohika kapag nawala na ang tiwala ng bayan -- anuman ang magiging desisyon ng Punong Mahis­trado sa mga kasong dedesisyunan nito sa Korte Suprema’y paghihinalaan na ng mamamayan.

Bukod rito, mawawalan na rin siya ng morale ascendancy na manawagan sa mga tao o kahit ang mga nagtapos ng abogasya na gumawa ng mabuti kung hindi naman na siya pinapaniwalaan ng tao.

Nasa kamay ni CJ Corona ang desisyon kung nais niyang patunayan sa publiko na hindi siya “kapit-tuko” sa puwesto at hindi niya hiningi ang pinakamataas na puwesto ng SC para protektahan si Mrs. Gloria Arroyo sa mga kasong isasampa ng kasalukuyang administrasyon.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Malinaw ang datos!
REY MARFIL
mar 30,2012
Ipinapakita sa resulta ng pinakabagong survey na isinagawa ng Student Council Alliance of the Philippines (SCAP) na nagsasabing walang tiwala ang mayorya ng mga estud­yante sa limang unibersidad sa napatalsik na si Supreme Court (SC) Chief Justice Renato Corona na matagumpay ang presentas­yon ng kaso ng House prosecution panel.

Magsisilbing option ni Corona ngayon na tanggapin ang malinaw na conviction ng Senate Impeachment Court o magbitiw na lamang sa posisyon dahil sa paninindigan ng mayor­ya ng mga tao, kabilang ang mga estudyante na hindi na ka­rapat-dapat mamuno sa Hudikatura ang opisyal.

Hindi rin tamang banatan ang resulta ng survey na inilabas ng Pulse Asia na nagsasabing 47% ng mga Filipino ang naniniwalang nagkasala si Corona sa mga alegasyon laban sa kanya, sa pagkondena sa mga naglalabasang survey na hindi paborable sa pinuno ng SC.

Dapat tandaan ng publiko na ginagarantiyahan ng karapatang magpahayag ang naglalabasang surveys at hindi rin nalalabag ang sub judice rule ang pinangungunahan ang kor­te dahil hindi naman bahagi ng paglilitis ang mga sumagot sa pananaliksik.

Kabilang sa mga lumahok sa survey ang mga mag-aaral sa Ateneo de Manila University, De La Salle University, Ate­neo de Davao University, University of the East-Manila at Tarlac State University.

Narito ang mga sumusunod na eskuwelahan at porsyento na nagpahayag ng kawalan ng tiwala kay Corona: DLSU, 69.3%; UE, 77%; TSU, 75.4%; ADDU, 78.3% at ADMU, 41%.

Umabot sa 2010 na mga estudyante ang lumahok na kinabibilangan ng ADMU, 410; DLSU, 300; UE-Manila, 500; ADDU, 300; at TSU, 500. Isinagawa ang survey mula Marso 11 at Marso 25.
***
Napag-usapan ang survey at datos, makatwiran ang maigting na paninindigan ng administrasyong Aquino na paigtingin pa ang paglulunsad ng programa upang pagkalooban ang publiko ng tamang impormasyon upang maiwasan ang lumalalang problema sa nakamamatay na Acquired Immune Deficiency Syndrome (AIDS) sa bansa.

Mahalagang magkaroon ang publiko ng tamang edukas­yon kaugnay sa iba’t ibang pamamaraan para maiwasan ang impeksyon ng Human Immunodeficiency Virus (HIV) na dahilan ng AIDS.

Nananatiling nakatutok ang Department of Health (DOH) sa implementasyon ng informative programs upang ituro sa mga tao ang mga bagay-bagay para bigyang proteksyon ang kanilang mga sarili sa sakit.

Pero sa totoo lamang, nakasalalay ang tagumpay ng programa laban sa AIDS-HIV sa desisyon at disiplina ng bawat indibidwal, hindi sa anumang polisiya o direktiba ng mga nakaupong opisyal sa DOH at Malacañang.

Naunang ibinunyag ng DOH ang 274 bagong kumpirmadong mga kaso ng HIV sa bansa noong nakalipas na buwan na pinakamalaki sa kasaysayan sa bansa -- ito’y isang pamukaw sa kaisipan ng mga pumapalag sa Reproductive Health (RH) Bill lalo pa’t wala namang maialok na solusyon.

Ang bagong tala ng DOH -- ito’y mataas ng 72% kumpara sa naitala sa parehong panahon noong 2011 kung saan nagkaroon lamang ng 159 bagong kaso ng HIV, nangangahulugang binabalewala ang mga “reminders” ng gobyerno. Paano pa kaya kung hindi lumusot ang Reproductive Health Bill sa Kongreso?

Iniulat rin ng DOH na 24 o siyam na porsyento (9%) ng 274 na mga kaso ay pawang OFWs, kabilang ang 22 lalaki at dalawang (2) babae na mayroong edad na 22 haggang 57 taong gulang -- ito’y nakakalungkot lalo pa’t hanapbuhay at makatu­long sa pamilya ang pangunahing misyon kaya’t nag-abroad.

Lumitaw din sa ulat na nag-ugat ang 235 kaso sa hindi ligtas na pakikipagtalik kung saan nag-ugat ang 87% dito sa pagtatalik ng kapwa mga lalaki.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

‘Di napapansin!
REY MARFIL
MAr 28, 2012

Maraming magagandang bagay ang nangyari sa unang dalawampu’t isang (21) buwan ng administrasyon ni Pangulong Noynoy “PNoy” Aquino III na walang sinumang mag-aakalang mangyayari subalit hindi nabibigyang-pansin ng mga kritiko at iilang never-heard senatoriable na kakampi ni Mrs. Gloria Arroyo dahil masakit sa kanilang paningin, maliban kung sadyang mutain?

Matapos ang ilang dekada ng malamyang performance, nagpakita ng matatag na positibong senyales ang ekonomiya ng bansa sa ilalim ng liderato ni PNoy dahil na rin sa malinis na pamamahala.

Nasa tamang landas ang ekonomiya ng bansa, base na rin sa serye ng maganda at positibong international credit ratings upgrades at pagtaas ng stock market sa makasaysayan nitong estado sa nakalipas na ilang linggo.

Naging matagumpay din ang pamahalaan sa paghimok sa mga banyagang manufacturers at ibang mamumuhunan na maglagak ng kapital sa bansa, pagpapalawak sa sakop ng health insurance, pagputol sa pagsasayang ng pondo ng pamahalaan at pagpapalawak sa pagkakaloob ng insentibo para mapanatili ang milyun-milyong mahihirap na mga bata sa eskwelahan.

At upang matiyak na protektado ang interes ng publiko kontra sa posibleng hindi rasonableng presyo ng mga pangunahing bilihin dahil sa serye ng pagtaas sa halaga ng mga produktong petrolyo sa pandaigdigang merkado, masusing binabantayan ng pamahalaan ang paggalaw ng presyo ng mga ito.

Isang good news dahil nangangahulugang tinitiyak ng pamahalaan sa pamamagitan ng Department of Trade and Industry (DTI) na hindi napagsasamantalahan ng ilang tiwa­ling mga negosyante ang interes ng publiko. Sa katunayan, nagsasagawa ang pamahalaan ng lingguhang pananaliksik sa presyo ng mga pangunahing bilihin sa merkado.

Tiwala rin ang economic managers ng bansa na ma­nanatili ang inflation rate sa target nitong tatlong porsyento para sa 2012 habang tinaya naman ng Bangko Sentral ng Pilipinas (BSP) ang average inflation ngayong taon mula 3% hanggang 5%.

Take note: araw-araw na nakakarating sa kaalaman ni PNoy ang pangkaraniwang hinaing ng ordinaryong mga tao. Ipinapakita nito ang personal na pakikisangkot ng Pangulo sa pagresolba ng epekto sa presyo ng mga pangunahing bilihin at serbisyo dahil sa walang humpay na pagtaas sa pres­yo ng mga produktong petrolyo.

Sa kabila ng kritisismo, ginagawa ni PNoy ang lahat ng makakaya nito para mabawasan ang pasanin ng publiko.

Kabilang sa social programs na ipinapatupad ng administrasyon ang pagtulong sa mga Filipino na mabawasan ang epekto ng mataas na presyo ng mga produktong petrolyo sa pamamagitan ng pagkakaloob ng murang pabahay sa mga alagad ng batas, serbisyong pangkalusugan sa lahat at conditional cash transfer (CCT) program.

***

Napag-usapan ang pagtaas ng gasolina, maganda ang ginagawang pagpupursige ni PNoy sa paglulunsad ng electric-powered tricycles o e-Trikes bilang bahagi ng reporma upang bawasan ang paggamit ng bansa sa mga produktong petrolyo.

Hindi lamang naman mababawasan ang epekto ng tumataas na presyo ng krudo sa paggamit ng e-Trikes kundi makakatulong din na maresolba ang suliranin ng polusyon sa bansa. Makakatulong din ang paggamit ng e-Trikes para mapataas ang kita ng drivers at operators.

Sa hakbang na suportahan ang kampanya para sa paggamit ng alternatibong pinanggagalingan ng enerhiya, na­kipag-alyansa ang Department of Energy (DOE) sa lokal na pamahalaan para bumuo ng programa upang matulungan ang mga lungsod at munisipalidad sa pagkakaroon ng e-Trikes.

Isang programa sa pautang ang inilunsad ng Asian Development Bank (ADB) para sa industriya na makakatulong sa pagpapakilala ng e-Trikes. Layunin ng programa na magkaroon ng 100,000 e-Trikes na mayroong lithium ion batte­ries sa iba’t ibang pangunahing lungsod at mga lalawigan sa bansa.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

‘Di napapansin!
REY MARFIL
MAr 28, 2012

Maraming magagandang bagay ang nangyari sa unang dalawampu’t isang (21) buwan ng administrasyon ni Pangulong Noynoy “PNoy” Aquino III na walang sinumang mag-aakalang mangyayari subalit hindi nabibigyang-pansin ng mga kritiko at iilang never-heard senatoriable na kakampi ni Mrs. Gloria Arroyo dahil masakit sa kanilang paningin, maliban kung sadyang mutain?

Matapos ang ilang dekada ng malamyang performance, nagpakita ng matatag na positibong senyales ang ekonomiya ng bansa sa ilalim ng liderato ni PNoy dahil na rin sa malinis na pamamahala.

Nasa tamang landas ang ekonomiya ng bansa, base na rin sa serye ng maganda at positibong international credit ratings upgrades at pagtaas ng stock market sa makasaysayan nitong estado sa nakalipas na ilang linggo.

Naging matagumpay din ang pamahalaan sa paghimok sa mga banyagang manufacturers at ibang mamumuhunan na maglagak ng kapital sa bansa, pagpapalawak sa sakop ng health insurance, pagputol sa pagsasayang ng pondo ng pamahalaan at pagpapalawak sa pagkakaloob ng insentibo para mapanatili ang milyun-milyong mahihirap na mga bata sa eskwelahan.

At upang matiyak na protektado ang interes ng publiko kontra sa posibleng hindi rasonableng presyo ng mga pangunahing bilihin dahil sa serye ng pagtaas sa halaga ng mga produktong petrolyo sa pandaigdigang merkado, masusing binabantayan ng pamahalaan ang paggalaw ng presyo ng mga ito.

Isang good news dahil nangangahulugang tinitiyak ng pamahalaan sa pamamagitan ng Department of Trade and Industry (DTI) na hindi napagsasamantalahan ng ilang tiwa­ling mga negosyante ang interes ng publiko. Sa katunayan, nagsasagawa ang pamahalaan ng lingguhang pananaliksik sa presyo ng mga pangunahing bilihin sa merkado.

Tiwala rin ang economic managers ng bansa na ma­nanatili ang inflation rate sa target nitong tatlong porsyento para sa 2012 habang tinaya naman ng Bangko Sentral ng Pilipinas (BSP) ang average inflation ngayong taon mula 3% hanggang 5%.

Take note: araw-araw na nakakarating sa kaalaman ni PNoy ang pangkaraniwang hinaing ng ordinaryong mga tao. Ipinapakita nito ang personal na pakikisangkot ng Pangulo sa pagresolba ng epekto sa presyo ng mga pangunahing bilihin at serbisyo dahil sa walang humpay na pagtaas sa pres­yo ng mga produktong petrolyo.

Sa kabila ng kritisismo, ginagawa ni PNoy ang lahat ng makakaya nito para mabawasan ang pasanin ng publiko.

Kabilang sa social programs na ipinapatupad ng administrasyon ang pagtulong sa mga Filipino na mabawasan ang epekto ng mataas na presyo ng mga produktong petrolyo sa pamamagitan ng pagkakaloob ng murang pabahay sa mga alagad ng batas, serbisyong pangkalusugan sa lahat at conditional cash transfer (CCT) program.

***

Napag-usapan ang pagtaas ng gasolina, maganda ang ginagawang pagpupursige ni PNoy sa paglulunsad ng electric-powered tricycles o e-Trikes bilang bahagi ng reporma upang bawasan ang paggamit ng bansa sa mga produktong petrolyo.

Hindi lamang naman mababawasan ang epekto ng tumataas na presyo ng krudo sa paggamit ng e-Trikes kundi makakatulong din na maresolba ang suliranin ng polusyon sa bansa. Makakatulong din ang paggamit ng e-Trikes para mapataas ang kita ng drivers at operators.

Sa hakbang na suportahan ang kampanya para sa paggamit ng alternatibong pinanggagalingan ng enerhiya, na­kipag-alyansa ang Department of Energy (DOE) sa lokal na pamahalaan para bumuo ng programa upang matulungan ang mga lungsod at munisipalidad sa pagkakaroon ng e-Trikes.

Isang programa sa pautang ang inilunsad ng Asian Development Bank (ADB) para sa industriya na makakatulong sa pagpapakilala ng e-Trikes. Layunin ng programa na magkaroon ng 100,000 e-Trikes na mayroong lithium ion batte­ries sa iba’t ibang pangunahing lungsod at mga lalawigan sa bansa.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Pulse: Guilty!
REY MARFIL
Mar 26, 2012
Tila kailangang baguhin ng kampo ni Supreme Court (SC) Chief Justice Renato Corona ang kanilang taktika sa pagdepensa sa Punong Mahistrado kung nais nilang makuha ang simpatiya.

Hindi kailangan ang SOCO team ni Gus Abelgas at lalong hindi kailangan pang gamitan ng siyensya at lohika ang impeachment trial para maintindihan ang pulso ng masa, malinaw ang katotohanan -- hindi nagsisinungaling ang ebidensya!

Kung paniniwalaan ang pinakabagong survey ng Pulse Asia, lumilitaw na halos kalahati ng mga Filipino ang naniniwalang guilty ang itinalagang Punong Mahistrado ni dating Pangulong Gloria Macapagal-Arroyo sa ibinibintang ng prosekusyon na nagkasala ito sa bayan kaya dapat alisin sa kanyang posisyon.

Sa walong Articles of Impeachment o bintang kay Corona, tatlo na lamang ang itinira ng prosekusyon dahil sa paniwala nilang malakas na ang ebidensyang iniharap nila sa Se­nate Impeachment Court upang makuha ang boto ng mga senador na patalsikin ang Punong Mahistrado.

Isa sa tatlong reklamo na marahil ay lubos na tinututukan ng publiko -- ang alegasyon na nagsinungaling si Corona sa listahan ng mga ari-arian na kanyang inilagay sa kanyang Statement of Assets, Liabilities and Networth (SALN). At ngayo’y meron pang alegasyong nagmamantine ng bahay sa Amerika.

Bukod sa alegasyon ng prosekusyon na itinago ni Corona sa publiko ang laman ng kanyang SALN, lumilitaw na hindi rin kumpleto ang listahan ng ari-arian na inilagay sa SALN. Ang hindi pagdedeklara ng isang kawani -- lalo na ng opisyal ng gobyerno ng kanyang tunay na halaga ng mga ari-arian, ito’y labag sa batas.

Sa survey ng Pulse Asia na ginawa noong Pebrero 26 hanggang Marso 9, lumitaw na 23% ng mga Pinoy ang naniniwala na “maaaring” guilty si Corona, at 15% ang nakatitiyak na guilty ang Punong Mahistrado.

Ang naturang tala’y lubhang malayo sa isang porsyento (1%) na nagsabi na tiyak na walang kasalanan si Corona at apat na porsyento (4%) ang nagsabing “maaaring” inosente ang opisyal. Habang 43% naman ang hindi pa makapagdesisyon.

Hindi nakapagtataka kung makapagbigay na agad ng kanilang opinyon ang mga Filipino dahil nakapagsalang na rin naman ng kanilang testigo ang panig ng depensa. Bukod dito, lumitaw na walo sa bawat sampung Pinoy ang nagsabing sinusubaybayan nila ang paglilitis.

***

Napag-usapan ang survey, malaki rin ang paniniwala ng publiko na magiging patas ang mga senator-judge sa kanilang paglilitis at gagawing pagbibigay ng hatol sa Punong Mahistrado na sinasabi ni Pangulong Noynoy “PNoy” Aquino III, sampu ng nakakaraming Filipino na inilagay sa pinakamataas na puwesto sa SC upang protektahan sa mga kaso si Mrs. Gloria Arroyo.

Katunayan, sinasabing muntik pang makatakas ng bansa si Mrs. Arroyo at mister nitong si dating First Gentleman Mike Arroyo dahil sa ipinalabas na temporary restraining order (TRO) ng ipinataw ng SC sa travel ban na ipinalabas ng Department of Justice (DOJ). Hindi ba’t meron pang report sa biglaang pag-uwi ng Pilipinas ni Corona mula Amerika para makasali sa en banc session?

Sa itinatakbo ngayon ng paglilitis, lumilitaw na nais ipa­kita ng depensa na kakaunti lamang ang ari-arian ni Corona at kaya nitong bilhin ang mga nabanggit na ari-arian. Ngunit nananatili pa rin ang isang importanteng usapin na hindi pa rin nasasagot ng Punong Mahistrado -- bakit hindi nakalista sa mga SALN ang naturang mga pag-aari nito?

Kaya naman sa huli, kailangan pa rin talagang paupuin ng depensa bilang testigo ang kanilang kliyente na si Corona para siya mismo ang magpaliwanag tungkol sa kanyang ari-arian, maliban kung meron itinatago o natatakot mapahiya sa national television dahil totoo ang lahat ng mga alegasyon?

Bilang mabuting mister, hindi dapat hayaan ni Corona na ang kanya lamang misis ang sumalang sa matinding pagtatanong ng prosekusyon at mga senador. Kung wala siyang itinatago, dapat harapin niya ang mga nag-aakusa sa kanya para malinis ang kanyang pangalan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Lalo pang lumakas!
REY MARFIL
Mar 23, 2012
Asahang bubuti ang sistemang transportasyon sa bansa, alinsunod sa direktiba ni Pangulong Noynoy “PNoy” Aquino sa Department of Transportation and Communications (DOTC) na bilisan ang pagtatayo ng konektadong mass transport network para mapabilis ang pag-unlad ng bansa.

Isang hakbang ang paglagda ni PNoy sa Executive Order (EO) No. 67 para malikha ang integrated at multimodal transport system sa ilalim ng Public-Private Partnership (PPP) bilang bahagi ng pangunahing programa ng pamahalaan sa pagpapayaman ng mga imprastraktura upang makamit ang magandang layunin.

Upang isulong ang pag-unlad ng ekonomiya, lubhang mahalaga ang pagkakaroon ng organisadong mass transportation system katulad ng mga bus at railways system.

Nasa mandato ngayon ng DOTC ang paglikha sa pa­ngunahing polisiya, plano, programa, koordinasyon, implementasyon, regulasyon at administratibong bagay sa promosyon, pagpapaunlad at regulasyon ng maaasahan at mayroong koordinasyong sistema ng transportasyon para sa mas mabilis, ligtas, at maaasahang serbisyo ng transportasyon.

Sa ilalim ng EO 67, kasama sa proyektong tatawagin bilang Integrated Transport System (ITS) ang pagtatayo ng dalawang (2) konektadong transport terminals na mayroong pandaigdigang pamantayan sa hilaga at timog na bahagi ng Metro Manila.

Hindi lang ‘yan, patuloy na lumalakas ang kumpiyansa ng mga mamumuhunan sa bansa dahil sa positibong u­lat sa pagsulong ng ekonomiya ng bansa at inaasahan ang ganitong pang-matagalang takbo para sa kapakinabangan ng maraming mga tao.

Inaasahan ito dahil sa matuwid na daan at malinis na kampanya kontra sa malinis na pamamahala ni PNoy. Kamakailan, umangat ang estado ng economic freedom ng Pilipinas base sa ranking ng Heritage Foundation at pagtaas ng lokal na stock ng bansa na umabot sa makasaysayang 5,000-point.

Umangat ng walong (8) ranggo ang Pilipinas upang maging 107th mula sa 115th posisyon noong 2011 at nakakuha ng Economic Freedom Score (EFS) na 57.1 ngayong taon base sa 2012 Index of Economic Freedom (IEF) na i­nilabas ng Heritage Foundation.

Inihayag ng Moody’s Investor Service ang ulat na nagpahayag ng tiwala sa patuloy na pagbaba ng utang ng Pilipinas na indikasyon ng tumataas na level ng kakayahan ng bansa sa usaping pinansiyal.

Pinatutunayan din ng ulat ng Moody’s ang epektibong kampanya ng administrasyon sa matalino at tamang paggugol ng pampublikong pondo at pangangasiwa sa mga pagkakautang ng bansa. Nakita rin ng Moody’s ang pagtaas ng 10 porsyento sa koleksyon ng buwis sa kabila ng kawalan ng bagong batas sa pagbubuwis upang pataasin ang koleksyon.

***

Napag-usapan ang aksyon, kahanga-hanga ang mabilis na pagkilos ni PNoy sa agarang pagpapatawag ng imbestigasyon at pagkaaresto sa mga suspek kaugnay sa pamama­ril kay Daily Tribune reporter Fernan Angeles.

Ipinapakita ng pamahalaan ang malaking malasakit nito at pagkaalarma sa nagaganap na karahasan laban sa mga kasapi ng media. At hindi rin lingid sa iba’t ibang media organization na mas maraming kaso ng karahasan ang walang kinalaman sa trabaho bagkus away-kapitbahay o kaya’y lihis sa gawain ng isang media.

Sa kabuuan, ang mahalaga’y ginawa ngayon ng gob­yerno ang lahat ng makakaya nito para tiyakin ang seguridad ni Angeles at pamilya nito. Hindi lingid sa kaalaman ng Malacañang Press Corps (MPC), maging sa maybahay ni Fernan ang ginawang aksyon at tulong ni PNoy -- ito’y hindi kailangan pang ipangalandakan. Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Madaming bago!
REY MARFIL
Mar 21, 2012
Hindi matatawaran ang paninindigan ni Pangulong Noynoy “PNoy” Aquino na isulong ang modernisasyon ng Armed Forces of the Philippines (AFP) lalo pa’t kaliwa’t kanan ang kalamidad at pagpaparamdam ng mga kalapit-bansang umaangkin sa teritoryo ng bansa.

Bibili ang gobyerno ng mga gamit ayon sa makabagong teknolohiya para magawa ng militar ang trabaho nitong protektahan ang mga Filipino.

Sa katunayan, nakuha ng pamahalaan ang apat (4) na W-3A Sokol Combat Utility Helicopters, sa pamamagitan ng inisyatibo ng administrasyong Aquino para mapabilis ang implementasyon ng AFP Mo­dernization Program.

Umabot sa P28 bilyon ang nabili ng pamahalaan para sa makabagong kagamitan ng militar sa nakalipas na labing-walong (18) buwan o sapul nang maupo sa kapangyarihan si PNoy kumpara sa P33 bilyong nailaan ng mga nakaraang administrasyon o nakalipas na 15-taon.

Dagdag ang apat na bagong combat helicopters sa maipagmamalaki ng Philippine Air Force (PAF) na kanilang magagamit sa search at rescue, medical evacuation at combat utility missions.

Bahagi ng P2.8 bilyong kontrata ng AFP at PZL-SWIDNIK ang pagdating sa bansa ng apat na bagong combat helicopter.

Napag-usapan ang modernisasyon, suportado ng oposisyon ang panukala ng Movement 188 o grupo ng pro-impeachment solon, sa pangunguna ni Eastern Samar Rep. Ben Evardone na palakasin ng Department of Budget and Management (DBM) ang seguridad ni Pangulong Benigno “Noynoy” Aquino III sa pamamagitan ng pagbili ng bulletproof at bombproof na sasakyan sa gitna ng tumitinding pandaigdigang banta ng terorismo.

Tama lamang sa DBM na maglaan ng pondo para bumili ng espesyal na mga kotse upang palitan ang binahang sa­sakyan kaya napilitan ang Punong Ehekutibo na gamitin ang personal nitong kotse sa kanyang pang-araw-araw na trabaho.

Sa katunayan, ipinanukala pa ng oposisyon sa pangunguna ni House Minority Leader at Quezon Rep. Danilo Suarez na bumili ang pamahalaan ng bagong jet upang tiyakin ang kaligtasan ni PNoy sa mga paglalakbay nito sa himpapawid.

Talaga namang non-negotiable ang kaligtasan ng Pangulo at reasonable na bumili ng sasakyan para matiyak ang kanyang seguridad at mabigyan ng dignidad ang posisyon nito.

Sa usapin ng pambansang seguridad lalung-lalo na sa Pa­ngulo, hindi dapat pinag-uusapan ang presyo o magagastos.

***

Asahang sisipa pa ang ekonomiya matapos makapagtala ang local stocks ng bagong pinakamataas nitong record nang magtapos ng mas mataas sa psychological 5,000-point level ng nakaraang Biyernes, pinakamalinaw na indikasyon ng pagpapakita ng mataas na kumpiyansa ng mga mamumuhunan sa ekonomiya ang magandang lagay ng stock market.

Umangat ang pangunahing Philippine Stock Exchange index (PSEi) ng 1.57 porsyento o 77.69 points nang magsara ito sa all-time high na 5,016.30.

Hindi lang ‘yan, asahan ding bubuti ang sistemang transportasyon, base sa kautusan ni PNoy sa Department of Transportation and Communications (DOTC) na bilisan ang pagtatayo ng konektadong mass transport network para mapabilis ang pag-unlad ng bansa.

Isang hakbang ang paglagda nitong nakalipas na Pebrero 21 ni PNoy ng Executive Order (EO) No. 67 para malikha ang integrated at multimodal transport system sa ilalim ng Public-Private Partnership (PPP) bilang bahagi ng pangunahing programa ng pamahalaan sa pagpapayaman ng mga imprastraktura upang makamit ang magandang layunin.

Upang isulong ang pag-unlad ng ekonomiya, lubhang mahalaga ang pagkakaroon ng organisadong mass transportation system katulad ng mga bus at railways system.

Sa ilalim ng EO 67, kasama sa proyektong tatawagin bilang Integrated Transport System (ITS) ang pagtatayo ng dalawang konektadong transport terminals na mayroong pandaigdigang pamantayan sa hilaga at timog na bahagi ng Metro Manila.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Sumablay?
REY MARFIL
Mar 19, 2012
Nagpresinta na ng testigo ang kampo ni Chief ­Justice Renato Coronado-Corona para kumbinsihin ang mga ­senator-judges na hindi siya dapat sipain sa Korte ­Suprema ngunit puna ng ilang tagamasid, tila mas lalong nadiin ang Punong Mahistrado sa kanilang ginawa.

Kabilang sa testigong isinalang ng depensa sa ­Impeachment Court -- si Mang Demetrio Coronado ­Vicente na lumilitaw na kamag-anak ni Corona. Ang depensa, binili ang 1,700 square meters na loteng pag-aari ng Punong ­Mahistrado sa Marikina sa halagang mahigit kalahating ­milyon lamang noong 1990.

Ngunit ang tila mahirap paniwalaa’y kung bakit pagkaraan ng 20 taon mula nang mabili ni Mang Demetrio ang lote, hanggang ngayo’y nakapangalan pa rin ang ­titulo nito sa misis ni Corona na si Cristina.

Kahit sabihin pa na may deed of sale ang lote at nakapangalan kay Mang Demetrio, ang higit pa ring pagbabata­yan ay ang titulo nito. Dagdag pa diyan ang kinukuwestiyong lugar ng pagkakanotaryo ng naturang deed of sale.

Isa pang testigo ng kampo ng depensa ang kinilatis ng prosekusyon -- si Araceli Bayuga, na chief disbarment ­officer ng SC. Sa kanyang testimonya, lumitaw na kumita si ­Corona ng P21 milyon sa nakalipas na 10 taon nito sa iba’t ibang ahensya ng gobyerno na kanyang pinaglilingkuran.

Maraming sumusubaybay sa impeachment trial ang natuto at nagkaroon ng kaalaman kung gaano kadami ang tinatanggap na benepisyo at allowance ng mga opisyal sa gobyerno -- gaya ng mga mahistrado ng SC, lalo na ang Punong Mahistrado.

Ngunit gaya ng testimonya ni Mang Demetrio, lumikha rin ng dagdag na katanungan ang testimonya ni Bayuga -- ibinubulsa ba ni Corona ang kanyang mga benepisyo at ­allowance na dapat ginagastos niya at nili-liquidate?

Meron kasing benepisyo ang mga opisyal gaya ng RATA (representation at transportation allowance) na kailangang gastusin at i-liquidate, katulad ang pagpapakita ng resibo na katibayan na ginamit ang allowance. Kung isinama nga naman ang naturang mga allowance, mukhang nadagdagan ang dapat ipaliwanag ni Corona sa korte at sa publiko.

Bukod pa diyan, kahit pa mapatunayan at mapagtibay na malaki nga talaga ang kinikita ng Punong ­Mahistrado at kaya niyang bumili ng mga mamahaling bahay at condo, may katanu­ngan pa rin na kailangan sagutin si ­Corona -- bakit wala ang mga ito sa kanyang Statement of ­Assets, Liabilities and Networth.

***

Napag-usapan ang SALN, maging si Sen. Ping ­Lacson napuna ang “nawawalang” P5 milyon sa kabuuang halaga ng ari-arian ni Corona na isinasaad sa SALN nito. Bagay na pag-uukulan daw ng pansin ng depensa kapag nagpresenta pa sila ng katibayan.

Ang usaping ito ang pinakasentro ng isa sa ­tatlong ­Articles of Impeachment na pagbobotohan ng mga ­senator-judge. Nagsumite ba ng tama at makatotohanang SALN si Corona o hindi?

Dahil sa naging testimonya ni Mang Demetrio, ­kinakailangan ng depensa na iharap si Mrs. Corona upang suportahan ang testimonya ng una. Pero sa huli, kaila­ngan pa ring isalang ang mismong Punong Mahistrado, upang ipaliwanag ang laman ng kanyang SALN, na siya mismo ang dapat magpaliwanag.

Wala pa tayo sa article tungkol sa pagkiling umano ni Corona kay dating Pangulong Gloria Macapagal-­Arroyo, na muntik nang makalabas ng bansa noong Nobyembre dahil sa ipinalabas na TRO ng SC sa travel ban na ipinataw naman ng Justice department sa dating lider ng bansa.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Bilib ang Kano!
REY MARFIL
Mar 16, 2012
Ang matino at malinis na pamamahala ng administrasyong Aquino ang dahilan sa likod ng desisyon ng Wells Fargo & Co. -- ito’y magandang balita sa gitna ng maigting na panawagan ni US President Barack Obama at ng United States Congress na huwag ilabas ng kanilang bansa ang outsourcing na negosyo dahil nawawalan ng trabaho ang mga Amerikano sa ibang mga nasyon, lalung-lalo na sa Pilipinas.

Sa kaalaman ng publiko, isa sa pinakamalaking bangko sa United States (US) sa usapin ng deposito, home mortgage servicing at debit cards ang Wells Fargo and Company. Take note: merong $1.3 trilyong ari-arian ang American company na pumasok sa Pilipinas at bitbit ang ilan sa negosyo nitong may kinalaman sa support activities.

Inaasahang lilikha ng karagdagang 120,000 trabaho ngayong taon ang desisyon ng Wells Fargo & Co. na maglalagay ng business support center na lalong magpapalakas sa business process outsourcing (BPO) industry ng Pilipinas.

Kaya’t ipagpatuloy natin ang reputasyon ng bansa na mayroong malakas na customer service at kakayahang magsalita nang maayos sa wikang English at ang pagiging malapit sa kultura ng mga Amerikano na siyang dahilan ng pagpasok sa bansa ng panibagong negosyo.

Sa kabilang banda, hindi naman na nakakapagtaka ang ganitong mga balita dahil sa isinusulong na seryosong kampanya ni Pangulong Noynoy “PNoy” Aquino na resolbahin ang katiwalian sa bansa.

At suportado ng mga ebidensya ang magandang pananaw at tiwala ng mga investor sa Pilipinas, patunay ang pinakabagong pananaliksik ng Social Weather Stations (SWS) na nagsasabing marami sa mga Filipino ang nananatiling kumbinsido na bubuti ang lagay ng kanilang buhay ngayong taon at maging ng ekonomiya ng bansa.

Sa fourth quarter 2011 Social Weather Report, lumitaw na mahigit sa ikatlong bahagi ng adult Filipino o 37% ang naniniwalang iigi ang lagay ng kanilang buhay ngayong 2012 habang walong porsyento naman ang kabaligtaran para sa “high” net personal optimism na plus 29.

Sa isinagawang pananaliksik ng nakaraang Disyembre 3 hanggang Disyembre 7, lumitaw din na 30% ng mga Filipino ang umaasang magiging mabuti ang ekonomiya sa dara­ting na taon habang 16% ang nagsasabing mas lalala para sa “very high” na net economic optimism na plus 14. Inaasahan na natin ito dahil sa seryosong mga repormang isinusulong ni PNoy na nag-ugat sa pagsugpo sa katiwalian sa pamahalaan.

***

Napag-usapan ang Malacañang, hindi natin masisisi ang administrasyon kung tumanggi man ito na suspindehin o ibaba ang value added tax (VAT) sa mga produktong petrol­yo dahil hindi nagpasa ang pamahalaan ng bagong batas sa Kongreso kaugnay sa pagbubuwis.

Ibig sabihin, rasonableng hindi isuko ng pamahalaan ang VAT dahil magkakaroon ng malaking kakapusan sa pondo na makakaapekto sa implementasyon ng mga programa para sa mahihirap.

Kailangang balansehin ang sitwasyon lalo’t mga mahihirap na tao ang tatamaan ng panukala kontra sa VAT na ipi­napataw sa mga produktong petrolyo. Tandaan: maganda ang ginagawa ng pamahalaan sa implementasyon ng Pantawid Pasada Program (PPP) na nakakatulong sa mga tsuper ng pampublikong sasakyan.

Maaaring hindi magandang pakinggan at popular, ngunit maling konklusyon na alisin ang VAT sa mga produktong petrolyo lalo na ngayong walang malinaw na mapagkukunan ng pondo ang pamahalaan upang tustusan ang mga programa na tutulong sa pangangailangan ng mga mahihirap.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)