Wednesday, June 30, 2010

Hunyo 30 2010 Abante Tonite

Big day ni P-Noy!
Rey Marfil


“I do solemnly swear that I will faithfully and con­s­cientiously fulfill my duties as President of the Philippines, preserve and defend its Constitution, execute its laws, do justice to every man, and consecrate myself to the service of the Nation.

So help me God” -- ito ang makasaysayan at kauna-unahang katagang bibigkasin ng isang taong hindi kailanman nangarap maging Pangulo ng bansa ngayong alas-12:00 ng tanghali, alinsunod sa Article 7, Section 5 ng Philippine Constitution.


Sa nagtatanong at nagtataka kung bakit Quirino Grandstand ang venue ng inauguration rites at bakit kailangan pang sunduin sa Malacañang si Mrs. Gloria Arroyo, ito’y naging tradisyon sa mahabang panahon, kabilang ang pagkaloob ng arrival honors kay President Benigno Simeon ‘P-Noy’ Aquino III at sabay na sasakay sa presidential car, gamit ang No. 1 plate patungong Quirino Grandstand.


Kahit labag sa kalooban ni Aquino, isang ‘symbolic shakes hands’ ang magaganap sa harap ng publiko, kasunod ang pagsakay ni Mrs. Arroyo sa private car, palabas ng Quirino Grandstand.

Pagkaalis ni Mrs. Arroyo, sisimulan ang programa sa inauguration rites at pinaka-highlights ang panunumpa ni Aquino kay Supreme Court Justice Conchita Carpio-Morales, kasama ang barangay captain ng Tarlac bilang ‘bible bearer.’


Sa kaalaman ng publiko, nagsimula ang tradisyong sinusundo ang outgoing President at hinahatid sa Qurino Grandstand ang newly-elected President, sa panahon ni ex-President Fidel Ramos noong June 30, 1992, ito’y sinundan ni ex-President Joseph Estrada noong June 30, 1998 na kamuntikan pang nabagsakan ng chandelier at ikatlo si Aquino bilang 15th President.

Take note: Sina Estrada at Mrs. Arroyo ang namumukod tanging Presidente, simula ng manumbalik ang demokrasya sa Pilipinas ang hindi sumunod sa tradisyon.
***
Napag-uusapan ang oath-taking, bilang pagpugay kay Aquino, ito’y pagkakalooban ng 21-gun salute kapag nakapanumpa bilang bagong Pangulo, kasabay ang pagtugtog ng presidential anthem “We Say Mabuhay”.

Makaraan ang inau­gural speech, balik sa Malacañang si Aquino na sumisimbulo sa pagiging ‘new tenant’ ng Palasyo.

At sa
unang araw, magaganap din ang kauna-unahang cabinet meeting.

Sa kaalaman ng publiko, naging tradisyon na mauunang manumpa ang Vice President, subalit sa panahon ni Manuel Quezon, lolo ni inauguration spokesman Manolo Quezon, nauna ang Pangulo, kasunod ang Vice President nito.


Balikan ang mga naisulat ni Gregorio Zaide na sobrang layo sa apong si IBC-13 reporter Jeffrey Zaide, magkakaiba ang mga petsa ng inauguration rites -- ito’y binago sa ilalim ng 1987 Constitution.

Sa panahon ni Emilio Aguinaldo, nagkaroon ng oath-taking noong January 23, 1899 at lahat ng naupong Pangulo sa ilalim ng 1935 Constitution ay naging katanghalian ng December 30 ang panunumpa.


Si Manuel Quezon, magkaiba ang petsa ng dalawang
inauguration rites, una noong November 15, 1935 at December 30, 1941. Tanging sumunod sa December 30 -- sina Pre­sident Elpidio Quirino (1949), Ramon Magsaysay (1953), Carlos P. Garcia (1957), Diosdado Macapagal (1961) at Ferdinand E. Marcos (1965 at 1969).


Nasusulat at nababasa din sa kasaysayan na dalawang Presidente, sa ilalim ng 1935 Constitution ang magkaiba ang petsa ng inauguration rites -- sina President Sergio Osmeña (August 1, 1944) at Manuel Roxas (May 28, 1946).

Take note: Nanumpa si Osmena sa Washington D.C. sa harap Ro­bert H. Jackson. Sa ikatlong termino ni Marcos, unang nabago ang petsa (June 12, 1978) at naging June 30 ang
inauguration noong 1981.

Hindi man nakapanumpa si Pre­sident Corazon Aquino noong June 30, 1986 dahil napaaga ng ilang buwan (February 25, 1986), ito’y nakangiti sa kanyang kinaroroo­nan dahil ngayong araw ang ‘big day’ ng anak at naranasan ni P-Noy ang manumpa ng June 30 sa Luneta Park.


(mgakurimaw.blogspot.com)

Monday, June 28, 2010

Hunyo 28 2010 Abante Tonite

Paambagin si Mike!
Rey Marfil


Ang original plan, bibisitahin ni President-elect Benigno Simeon ‘P-Noy’ Aquino III ang puntod ng kanyang mga magulang sa Manila Memorial Park, ito’y binago, alinsunod sa pakiusap ng ilang kaibigan.

Ang latest development at napagkasunduan: magmumula si Aquino sa kanilang bahay sa Times Street, West Triangle, Quezon City para sunduin si outgoing President Gloria Macapagal-Arroyo sa Malacañang at sabay ang dalawang sakay ng limousine patungong Quirino Grandstand sa Luneta Park.

Tanging driver lamang ang makakaalam kung magsisikuhan sa loob ng sasakyan ang ‘mag-Mam’. Take note: dating professor ni Aquino si Mrs. Arroyo sa Ateneo.


Kung mga kurimaw ang tatanungin, tamang alisin sa iskedyul ni Aquino ang bumisita sa puntod ng mga magulang. Subukang i-flashback ang nangyari kay ex-President Joseph ‘Erap’ Estrada, ito’y dumalaw sa puntod ng ama bago nagtungo ng Malacañang para sunduin si ex-President Fidel Ramos, hindi ba’t kamuntikan pang nasilat sa unang araw ng panunungkulan kung hindi nailagan ang chandelier na bumagsak?

Ang ending ng ‘Erap regime’, ito’y nasibak at naghimas ng rehas. Mabuti na lang, magaling ang boss ni DILG Assistant Secretary (Asec) Bryan Yamsuan, nabigyan ng pardon ni Gloria kaya’t malayang nakakapaglamyerda ngayon si Erap.

Kung hindi nagkakamali ang Spy, ipinayo kay Aquino ng isang feng shui expert na agahan ang pagbisita sa puntod nina dating Pangulong Corazon at Senador Benigno ‘Ninoy’ Aquino Jr., kaya’t ‘na-advance’ ng isang araw.

Ayokong isi­ping masamang pangitain ang bumisita sa puntod bago ang inaugural subalit walang mawawala kay Aquino kung makinig sa payo ng mga nakakatanda lalo pa’t ‘nasusulat at nababasa’ ang nangyari kay Erap.
***

Napag-usapan ang inauguration rites, ayokong isiping ‘ini-spin’ ng Malacañang ang malaking gastusin sa pagkumpuni ng Quirino Grandstand gayong baryang maituturing ang P200 milyon sa multi-bilyong pisong tumatagas sa tax collection ng pamahalaan, maging sa bilyones na naisusubi ng mga taong ‘mala-Lastikman’ ang arrive, as in ‘humahaba ang kamay’ kapag nakakakita ng pagkakakitaan.

Kung hindi nagkakamali ang Spy, huling nakumpuni ang Quirino Grandstand sa Centennial Celebration noong June 12, 1998. Huling nagamit ang Quirino Grandstand sa inauguration rites ni Tabako, as in ex-President Ramos noong June 30, 1992.

Tandaan: Hindi rin naisailalim sa rehabilitasyon ang Quirino Grandstand noong 1998 dahil ‘dramatic entrance’ ang script ni ex-President Estrada, ito’y nanumpa sa Barasoain Church, Malolos Bulacan.

Nang maupo si Mrs. Arroyo noong January 2001, sa pamamagitan ng Edsa Dos, ito’y nanumpa sa Edsa Shrine at ginanap din ang ikalawang oathtaking noong June 30, 2004 sa Cebu Provincial Capitol, Cebu City bilang pagkilala sa suporta ng mga Cebuano. Kung nandaya o lehitimo ang nakuhang boto ni Mrs. Arroyo sa Cebu, ta­nging sina Hello Garci at Gov. Gwen Garci ang nakakaalam.


Kung susuriing mabuti ang pagkumpuni ng Quirino Grandstand, dapat mag-ambag sa gastusin si El Shaddai leader Bro. Mike Velarde, aba’y ilang taong pinagpasasaan ang Luneta Park bago nakabili ng paglilipatang lugar.

Kalokohan kung nawala ang bisa ng katagang ‘siksik, liglig at umaapaw’? Sa mahabang panahon, ginawang isang simbahan ng El Shaddai ang Quirino Grandstand at kahit pa sabihing nagbabayad ng renta at nililinis ng mga ‘followers’ ang lugar pagkatapos ng ‘preaching’, kahit rugby boys, hindi maniniwalang sinisingil ng naayon sa ‘rate card’ at walang nasirang halaman sa panahong pinagpapasaan ang Luneta Park.



(mgakurimaw.blogspot.com)

Friday, June 25, 2010

Hunyo 25 2010 Abante Tonite

Farewell o far away?
Rey Marfil


Sa farewell address ni Pangulong Gloria Macapagal-Arroyo, ipinagma­laki ang 37% econo­mic growth na natamo ng Pili­pinas sa ilalim ng kanyang administrasyon kahit nagkaroon ng recession sa buong mundo; 85% co­verage ng Philhealth insu­rance; 100 libong classrooms; 9 mil­yong trabaho; 500 libong call centers; RORO ports, tulay at kung anu-ano pang daan.

Sa dami ng accom­plishment na ipina­ngalan­dakan ng misis ni Jose Pidal, iisa pa rin ang tanong ng mga kurimaw: Tamang daan ba ang tina­hak ni Mrs. Arroyo sa loob ng siyam na taon?


Nasaan ang trabahong ipinagmayabang ni Mrs. Arroyo sa sambayanang Pilipino kung araw-araw marami ang pumipila sa Times Street, West Triangle, Quezon City at nag-iiwan ng resume, hindi lamang ang mga aplikante sa cabinet post kundi ang mga nawalan ng trabaho sa ilalim ng kasalukuyang administrasyon, ito’y ordinaryong tanawin sa bahay ni President-elect Benigno Simeon ‘P-Noy’ Aquino III, animo’y Department of Labor and Employment (DOLE) ang ancestral house.


Hindi lang iyan, pati scavenger nag-uuna­hang kumalkal sa basura­hang nasa tabi ng bahay ni Aquino at naghahanap ng empty bottle na pinag­lagyan ng mineral water, malinaw ang dumaraming gutom at walang trabaho.


Kung nakapagpatayo ng 100 libong silid-aralan si Mrs. Arroyo, bakit nag-iiyakan ang mga bata dahil siksikan at sobrang init ang kanilang classroom, maliban kung hindi nanood ng TV Patrol at 24-Oras si Mrs. A­rroyo nang magbukas ang klase noong June 15, hindi ba’t meron pang nagkaklase sa ilalim ng puno at sawali ang dingding ng kuwarto, iyan bang tinatawag na classroom?


Ang masakit sa lahat, ipinangangalandakan ni Mrs. Arroyo ang 85% coverage sa PhilHealth insurance ga­yong nagmukhang Philippine Charity Sweepstakes Office (PCSO) at Philippine General Hospital (PGH) ang bahay ng mga Aquino, aba’y napakarami ang humihingi ng financial at medical assistance sa West Triangle.


At kulang na lamang, ipakonsulta ang kanilang skin disease kay Aquino, hindi naman puwedeng ipayo ni Mar Rodriguez, isa sa media staff ni Aquino, na idaan sa pagngata ng kuko ang health problem.
***


Napag-usapan ang farewell address, kung meron ‘genuine’ at hindi ‘dinoktor’ sa speech ni Mrs. Arroyo, walang iba kundi ang pag-aming ‘asset’ ng gobyerno ang mga Pinoy -- ito ang nagsilbing backbone kung bakit hindi bumagsak ang Pili­pinas sa kabila ng naranasang recession.


Kung walang overseas Filipino workers (OFWs) na nagre-remit ng dolyares, matagal nang hilahod ang gobyerno sa gastusin.


Ang malungkot lamang, maraming bata ang nalalayo sa magulang at isang rason kung bakit humihina ang pundasyon ng isang pamilya.


Sa kabilang banda, meron ding magagandang nagawa si Mrs. A­rroyo subalit natabunan ng mga eskandalong nilikha ng pamilya nito, sampu ng mga gabineteng ‘kapit-tuko’ sa puwesto at ayaw palaya­sin ng “Mahal na Pangulo” kahit inu­ulan ng kritisismo.


Mantakin n’yo, hanggang sa kahuli-hulihang sandali sa palasyo, nag-iwan pa ng sakit ng ulo kay Aquino, aba’y nagkalat ang midnight appointments at midnight fund releases.


In fairness, epek­tibo ang RORO ports na itinayo ni Mrs. A­rroyo, ito’y nasaksihan ng Spy ng nakaraang eleksyon, maging ilang paliparang isina­ilalim sa rehabilitasyon at kalsadang pina­lawak ng administrasyon.


Ang tanong lamang: magkano ang naisubi ng mga promotor?
Iyan ang ipinaiimbentaryo ni P-Noy!


(mgakurimaw.blogspot.com)

Wednesday, June 23, 2010

Hunyo 23 2010 Abante Tonite

Nagkaubusan ng gamit!
Rey Marfil


Sa pitong araw na pananatili ni Mrs. Gloria Macapagal-Arroyo, ito’y nag-iwan ng P3 bilyong ginastos sa foreign trips, simula taong 2001 kaya’t malaking tanong kung natumbasan ng investment ang multi-bilyon pi­song winaldas.

Sa lahat ng biyahe, pinakamalaking ginastos ng misis ni Jose Pidal ang US trip, hindi ba’t naging kontrobersya ang maluhong dinner ng Philippine delegation sa Le Cirque sa New York City noong Agosto 2009 at inako ni Leyte Cong. Martin Romualdez upang i-divert ang eskandalo?


Sa report, nakapag-uwi si Mrs. Arroyo ng 579.8 mil­yong investment mula Middle East; Europe, $185.4 mil­yon; at United Arab Emirates, $375.4 milyon noong 2008. Ilan pang binisita ni Mrs. Arroyo ang Korea, Japan, Australia, New Zealand, Thailand, Russia at China. Sa taong 2001, nakapagtala si Mrs. Arroyo ng P129,028 milyon; P72,088 mil­yon (2002); P74,814 milyon (2003); P96,604 milyon (2004); P139,947 milyon (2005); P343,204 milyon (2006); P553,993 milyon (2007); P521,054 milyon (2008); P891,015 milyon (2009) at P30,380 milyon (2010), hindi pa kasali ang 3-day economic forum sa China, simula June 9.


Sa pagpasok ni President-elect Benigno Simeon ‘P-Noy’ Aquino III, asahang laglag ang balikat ng mga biyaherong solon na nakasanayang magpa-reimburse ng per diem, sa pangunguna ng kongresistang nagbibitbit ng apo at kabit sa foreign trip, aba’y mabibilang sa daliri ang dadaluhang forum at state visit.

Sa kabuuan, hindi apektado ang Malacañang Press Corps (MPC) kahit pa limitahan ni Aquino ang pag-a-abroad dahil hindi naman pinagbibiyahe ng kanilang boss. Ang masakit sa lahat, kakumpetensiya pa ng Malacañang-based reporter ang sariling boss kapag US trip o kaya’y Europe.
***


Napag-uusapan ang ginastos ni Mrs. Arroyo sa abroad, ito’y kabaliktaran sa madadatnan ni Aquino -- isang halimbawa ang Office of the Press Secretary (OPS).

Ni sa pana­ginip, ayokong isiping ‘itinakas’ ng ilang tiwaling tauhan ang mga kagamitan, aba’y tanging apat na video camera ang gumagana sa Radio Television Malacañang (RTVM) at nag-uumapaw sa staff.

Mantakin niyo, humigit-kumulang 100 ang tauhan ng RTVM subalit ilan dito’y hindi mapakinabangan.

Kaya’t maraming ipapaliwanag si director Milton Alingod kay newly RTVM chief Lito Na­dal kung bakit walang matinong kasangkapan ang kanyang opisina.

Katarantaduhan kung walang tauhan ang kumikita sa pagrerenta ng camera sa labas ng Malacañang lalo pa’t libu-libo ang ibinabayad!


Hindi lang iyan, sa walong photographer ng OPS -- ito’y hiwalay sa presidential photographer na binuo ni Jerry Carual -- ang chief photographer ng misis ni Jose Pidal, nadiskubreng tanging dalawang tauhan lamang ang merong came­ra.

Nang tanungin kung paano nagtatrabaho lalo pa’t napaka-busy ng iskedyul ni Mrs. Arroyo sa loob at labas ng Malacañang, isang katagang ‘naghihiraman’ ng official statement ang bawat isa.

Kaya’t maraming rerebyuhing dokumento si Jay Morales, chief photographer ni Aquino, simula July 1 dahil malaki ang ‘developing charge’ at kailangan pang tumakbo ng Quiapo para magpa-print ng litarato ang Malacañang at ‘exposed’ sa ibang tao ang mga kuha!


Ang pinakamasakit sa buhay ng isang tao ang manghiram ng gamit kaya’t huwag ikagulat kung mangayayat si Morales sa unang tatlong buwan sa Malacañang.

Take note: Problema pa lamang ng presidential photographer ang pinag-uusapan, hindi pa kasali ang iba’t ibang departamentong nag-uumapaw sa katiwalian.

Paano pa kaya kung magsimula ang ‘inventory’ ni Aquino sa lahat ng government gadgets, sa malamang ‘tinga’ lang ang problema ng OPS?

At kung ganito ang dadatnan sa Palasyo, mapapadalas ang pagtambay sa maligamgam ni assistant photographer Ryan Lim.


(mgakurimaw.blogspot.com)

Tuesday, June 22, 2010

Hunyo 21 2010 Abante Tonite

Unsolicited kuno!
Rey Marfil


Habang papalapit ang pag-upo ni President-elect Noynoy ‘P-Noy’ Aquino, sangkaterba ang umaastang adviser, pinaka-latest si Tabako, aba’y ‘feeling-close’ ni ex-President Fidel Ramos kung magbigay ng payo.

Ang nakakatawa, hindi naman hihihingi ni Aquino ang payo ni Tabako, maliban kung meron inila-lobby na kamag-anakan o kaya’y ipiniprisinta ang sarili bilang ‘senior adviser’ kaya’t nagpaparam dam ito? Kung seryoso si Ramos sa pagpapayo, bakit kailangan pang ianunsyo gayong P1.00 lamang ang ikakaltas sa kanyang load kung iti-text si Aquino, as in ‘bengkong’ sa dami ng kontratang lumusot sa kanyang administrasyon.

Bago umastang ‘class adviser’ ni Aquino, unang dapat gawin ni Ramos, ito’y ang humarap sa salamin ni Tito Boy dahil nakakalimutan ang electoral protest ni Miriam Santiago noong 1992 elections. Kung hindi inakusahang nandaya ng misis ni presidential adviser Jun Santiago, maaari pang paniwalaan ng mga kurimaw ang ‘unsolicited advise’ ni Ramos.

I-flashback ang kasaysayan: Nagkabaun-baon sa utang at binabayaan ng gobyerno hanggang ngayon ang lahat ng power contract ng Ramos administration kaya’t nasaan ang karapatang magbigay ng payo kay Aquino?
At sa kauna-unahang pagkakataon, pinagbawalan ni presi dential spokesman Ricardo Saludo ang lahat ng GMA boys na magbigay ng unsolicited advise kay Aquino, as in natauhan sa kabalbalan ng pinagsasabi sa publiko.

Mantakin niyo, sa mahabang panahon, hindi pinapakinggan ng misis ni Jose Pidal ang payo ng mga concerned Pinoy, sampu ng mga taga-oposisyon at ngayong pa-exit, ito’y nagmamarunong sa kung anong dapat gawin ng bagong administras yon, animo’y henyo at malinis ang imahe ng kanilang amo.
***


Napag-uusapan ang ‘unsolicited advise’ ng GMA boys, kailan pa nakinig ang mga kampon ni Mrs. Gloria Macapagal-Arroyo sa publiko, simula sa multi-bilyon pisong power contract na pinagkakitaan ni Dollar Man, as in ex-DOJ Sec. Hernando Perez sa pagitan ng Argentine firm, apat na araw makaraang mapatalsik si ex-President Joseph ‘Erap’ Estrada noong 2001, pinaka-latest ang midnight appointment at midnight fund release ni Mrs. Arroyo bago mag-March 10, hindi ba’t puno ng tutule ang tainga ng mga occupant sa presidential residence at premiere guest house?
Pagpapatunay kung gaano kabingi sa unsolicited advise si Mrs. Arroyo, ito’y makailang-beses pinayuhang huwag tumakbo noong 2004 election.

Anong nangyari, hindi ba’t nagawa pang dayain ang resulta ng election, kasapakat si ex-Comelec Commissioner Virgilio Garcilano? At nasaan ang mga “Garci Generals”, nagpagamit sa pinakamalaking election fraud sa kasaysayan ng mundo, hindi ba’t ambassadorial post ang naging premyo? Hindi lang iyan, mas marami ang nabigyan ng cabinet post, sampu ng mga anak, asawa, balae, biyenan at kaapu-apuhan sa tuhod, pati nga katulong, manikurista at hardinero naging director!

Hindi lang bingi sa unsolicited advised si Mrs. Arroyo, kundi bulag sa lahat ng instruction mula sa nakakaraming Filipino, suriin ang komposisyon ng Lower House, hindi ba’t iisa ang apelyidong magkakatabi sa 1st row ngayong 14th Congress, maging sa pagpasok ng 15th Congress, as in puro Arroyo gayong ipinagbabawal ang political dynasty sa Konstitusyon. Ang nakakasuka sa lahat, kahit walang ka-experience magbatuta at mag-silbato, nagpakilala pang ‘kinatawan’ ng mga ‘civil force’ si Cong. Mikey Arroyo sa Kongreso, gamit ang isang partylist group at ipinagkaloob sa ina ang kanyang distrito.


Bago ginamit ng mga kampon ni Mrs. Arroyo ang ka tagang ‘unsolicited advise’ -- ito’y dapat binalangkas at binaybay ang bawat kataga para maintindihan ang kahulugan. Suriin ang pinagmulan ng katagang ‘unsolicited’, hindi ba’t ‘pera-pera’ at paghihingi ng donasyon, maliban kung sadyang nakahiligan ng mga galamay ni Mrs. Arroyo ang ‘manghingi’ kaya’t marami ang yumaman at nag-uumapaw ang mga naitagong garapon.


(mgakurimaw.blogspot.com)

Thursday, June 17, 2010

Hunyo 17 2010 Abante Tonite

Nahiya si Mang Efraim!
Rey Marfil


Sa wakas, tinamaan ng hiya si Philippine Amusement and Gaming Corp. (Pagcor) chief Efraim Genuino -- ito’y nag-vo­luntary exit kahit binigyan ng karagdagang ‘one-year contract’ ng misis ni Jose Pidal sa “lucrative house”. Ang malaking tanong, meron pa bang natira sa Pagcor, aba’y nakakapanginig ng kalamnan ang exposé ni Ted Failon sa programang ‘Failon Ngayon’, katulad ang alegasyong na-covert bilang campaign fund ng ilang kapamilya at nagamit sa personal ang pondo.

Kaya’t huwag ikagulat kung mapapakamot ng ulo si inco­ming chairman Bong Naguiat kapag nakitang baon sa utang ang Pagcor at hindi nababayaran ang benepisyo ng mga empleyado, maging ang naiwang ‘landmines contract’ ni Genui­no sa operasyon ng mga casino at iba pang uri ng pasugalan.


Sa report, nagsumite ng resignation si Genuino nakaraang May 28 at natanggap ni Mrs. Arroyo noong June 1, nanga­ngahulugang naalarma sa kaliwa’t kanang pagbatikos kaya’t tinabla ang premyong ipinagkaloob ng kanyang ‘Mahal na Pangulo’ noong March 9, isang araw bago ang constitutional ban sa midnight appointments na ipinapatupad, simula March 10.

Kung ‘di nagkakamali ang Spy, naganap ang ‘midnight oath-taking’ ni Genuino kay Judge Caroline Rivera-Colasito ng Manila Regional Trial Court’s Branch 23, kasama ang apat pang Pagcor board members -- sina Rafael Francisco, Philip Lo, Manuel C. Roxas at Ester Alano Laconico-Feria.

Kaya’t mas makabubuting mag-alsa balutan ang apat pang kasamahan at sabayan sa paghahakot ng gamit si Genuino kesa magmukhang ‘ganid’ sa kapangyarihan. Paalala lang: huwag isasama ang nakalistang “Pagcor property” dahil “pagpa-piano” sa presinto ang ending ng istorya.


Lingid sa kaalaman ng nakakaraming Pinoy, tumakbong alkalde ng Makati ang anak ni Mang Efraim -- si Win Ge­nuino, kalaban ang anak ni Vice President-elect Jejomar Binay -- si Makati Mayor-elect Junjun Binay.

Take note: se­cond attempt ng mag-amang Genuino ang pagsali ngayong eleksyon at kahit inilampaso noong 2007 elections, humirit ng rematch ito, maliban kung ginagawang negosyo ang pagtakbo para makapagpalabas ng pondo ang Pagcor?
***


Napag-usapan si Mang Efraim, isa pang anak -- si She­ryl Genuino-See ang first nominee sa binuong partylist group -- ang Batang Iwas Droga (BIDA). Hindi ba’t nagpa-rally ng libu-libong kabataan sa Luneta pero nagreklamo ang mga magulang dahil nagkasakit ang kanilang anak, maging may-ari ng inarkilang bus, umangal dahil hindi nabayaran?Sadyang marunong ang Lumikha, aba’y ‘olats’ ngayong eleksyon ang lahat ng anak.

At kapag nagsimulang manungkulan si President-elect Noynoy ‘P-Noy’ Aquino, asahang may kalalagyan ang lahat ng salaping winaldas lalo pa’t tinaguriang 3rd biggest revenue-earning agencies ang Pagcor subalit hindi maramdaman ng mga Pinoy, ka­baliktaran sa laman ng infomercial ni Mrs. Arroyo.


At nakaraang linggo, naispatan pang kasama ni Mang Efraim naglalamyerda si Steve Wynn, may-ari ng pinakamala­king pasugalan sa Macau at Las Vegas sa isang ‘casino resort’, maging ang isa pang Japanese casino owner (Okuda).

Hindi lang malinaw kung anong pinagkakaabalahan at misyon ng tatlo subalit malinaw ang timbre ng mga kurimaw, mara­ming bodyguard ang nakabuntot kay Genuino, animo’y miyembro ng First Family.

Anyway, isa pang sakit ng ulo ni Genuino ang mga mala-IMAX na LCD monitor ng Pagcor, aba’y nawawala at meron isang empleyado ang nakakakuha ng vi­deo footage -- dito magkakaalaman kung sino ang ‘tumira’ ng pinakamagara, pinakamahal at pinakamalaking LCD set-up sa buong Pilipinas.

Sana’y maagang mahanap ni Genuino, malay n’yo naikabit lang sa kuwarto ng kanyang katulong. Kung ‘na-misplace’ ni Genuino ang tatlong mala-IMAX LCD monitor, panibagong kaso ang kahaharapin kung nalagyan ng ‘Pagcor pro­perty sticke­r’ ito.


(mgakurimaw.blogspot.com)

Tuesday, June 15, 2010

Hunyo 15 2010 Abante Tonite

Mga nagmamarunong!
Rey Marfil


Kung kailan nabibilang sa maliliit na daliri ang pananatili sa Malacañang, biglaang dumami ang adviser ng misis ni Jose Pidal at gusto pang ma-extend ang serbisyo sa pamahalaan, aba’y kung sinu-sino ang nagbibigay ng payo kay President-elect Noynoy ‘P-Noy’ Aquino, kesyo ganito ang dapat gawin kapag nag-office sa tabi ng Borloloy House, animo’y nagmamagaling at nagpaparamdam na bigyan ng trabaho.

Kundi ba naman mga gunggong, sino ba sila para pakinggan ng bagong administrasyon at bakit hindi pina­yuhan ang kanilang amo sa nagdaang panahon, hindi sana nauwi sa malaking corruption ang administrasyong Arroyo.


Ang nakakatawa -- si outgoing Defense Secretary Norberto Gonzales, aba’y ipinanawagan ang katapatan ng mga sundalo sa Konstitusyon at inuupakan ang demora­lisasyong lilikhain kapag sinibak si AFP chief of staff Delfin Bangit su­balit mismong gabinete ang nang-iintriga sa AFP leadership, ga­mit ang alegasyong nagsasagawa ng ‘loyalty check’ ang incoming administration. Take note: mismong si Mang Norberto ang nanawagan kay ex-Defense Secretary Gibo Teodoro na sumama sa oposisyon -- ito’y hindi gawain ng isang Defense secretary kundi ng isang pulitiko. Nasaan ang ipinangalanda­kan ni Mang Norberto na ‘non-partisan’ ang kasundaluhan?


Hindi lang iyan, pinapalagan ni Mang Norberto ang pag-appoint ng bagong AFP chief of staff (COS) ni P-Noy gayong malinaw sa kanyang kamalayan ang katotohanang karapatan ng isang Pangulo ang mag-appoint at magsibak ng tao.

Higit sa lahat, paanong ipagkakatiwala ni P-Noy ang kanyang administrasyon kay Bangit kung ‘super closed’ kay Mrs. Arroyo, maliban kung nasobrahan sa kain ng saging si Mang Norberto sa Venable scandal hearing sa Upper House kaya’t napunta ang lahat ng calcium sa ulo, hindi sa tuhod?
***


Napag-usapan ang mga nagmamarunong, isa pang nakakadismaya si Atty. Koko Pimentel, aba’y ipinagpipilitan kay P-Noy si Vice President-elect Jojo Binay bilang DILG secretary at meron pang press release na “DILG or Nothing”.

Isang bar topnotcher si Atty. Koko at kalokohan kung hindi naiintindihan ang katagang ‘prerogative’ na sinasandalan ng isang Pangulo. Ni sa panaginip, ayokong isiping ‘namunga ng mangga ang santol’, aba’y napakalayo sa amang si Se­nator Nene Pimentel -- ito’y mahinahon at pinag-iisipang mabuti ang bawat katagang lumalabas sa bunganga kaya’t meron isang Senate staff ang nagkomentong makatwiran lamang na dinaya ito.

Nakakalungkot ang ganitong kuwento lalo pa’t napakahalaga ang bawat boto at walang kapatawaran ang pandaraya sa eleksyon subalit hindi masisisi ang publiko kung nakikitang wala sa ayos ang bibig ni Koko.


Ang unang dapat pagkaisipin ni Koko, desisyon ng isang Pangulo kung sino ang pagkakatiwalaan sa gabinete kaya’t walang karapatang humingi ng posisyon ang kanyang kliyente, maliban kung puntiryang mag-undersecretary (Usec) kaya’t ‘nagwater-water’ sa DILG lalo pa’t posibleng tumakbong senador sa 2013 at napi-predict ang kawalang pag-asang manalo sa election protest?

Ang hindi nalalaman ni Koko, wala sa ugali ni P-Noy ang nagpapadikata sa kung sinong Pontio Pilato kaya’t mas lalo lamang ipinahamak ni Binay ang sarili sa pag-iingay ni Koko.

Ibig sabihin, huwag nang umasa ng himala si Naybi dahil walang “DILG post” na naghihintay kung katulad ni Koko ang umaastang microphone!


Isa pang nakalimutan ni Koko, napakaimposibleng ipagkaloob ni P-Noy ang DILG post kay Binay lalo pa’t natalo si Mar Roxas -- ito ang unang haharang, gaano man kaputi o kaitim ang balakin ni Binay. Kung ‘di nagkakamali ang Spy, inalok ni P-Noy ang DILG post kay Binay bago pa man magsumite ng certificate of candidacy sa Comelec. Kung ganito rin ang pangarap ni Binay, bakit pa nilabanan si Mar? Sa simpleng explanation, isang malaking kalokohan kung tatarantaduhin ni P-Noy si Mar ngayong nana­nangis sa Cubao.

(mgakurimaw.blogspot.com)

Monday, June 14, 2010

Hunyo 14 2010 Abante Tonite

Aktor at alkalde nagsalo sa isang kandungan

(Rey Marfil)


Kung merong pinaka-professional sa lahat ng mga professional, walang tatalo sa isang aktor at alkalde kung pagiging “sports” sa pagkikipagrelasyon ang pag-uusapan matapos magsalo sa isang pinggan.

Ang rason, nagsama pang dumalo sa kampanya ang aktor at alkalde kung saan lumalabas pang “close” ang dalawa, animo’y hindi nagkaagawan ng asawa at nagsalo sa iisang kandungan.


Nasaksihan ng TONITE Spy sa kabuuan ng campaign sorties ng isang presidentiable kung gaano ka-professional ang aktor kapag pinag-uusapan ang pakikipagrelasyon dahil pikit-matang pinababayaan ang misis nitong makatampisaw ng alkalde.


Iisa ang partidong sinamahan ng alkalde at aktor ngayong eleksyon kung saan hindi maiwasang magkasama sa kampanya, maging ang babaing minahal ng mga ito.


Naging asawa ng aktor sa mahabang panahon ang ba­gong karelasyon ng alkalde, patunay ang pagkakaroon ng da­lawang anak, hindi pa kabilang ang pa­nganay ng bebot sa dating karelasyong aktor.


Hiniwalayan ng aktor ang kanyang misis matapos ma-involve sa alkalde na matagal nang meron matinding pagnanasa sa bebot, hindi pa man nagkakagulo ang relasyon ng mag-asawa at naging local official ito.


Nang hiwalayan ng aktor ang kanyang misis, mabilis ding sinalo ng alkalde ang bebot at itinuring na lehitimong asawa, maliban sa legal na misis nito.


Nu’ng nakaraang eleksyon, hindi maiwasang magsama sa iisang partido at kampanya ang tatlo matapos kunin ang serbisyo ng aktor bilang isa sa magsisilbing taga­bigay aliw sa campaign sorties.


Ang nakakatawa lamang, nakatingin lahat ng mga mata sa aktor at alkalde kapag nagkakasama sa kampanya dahil iisang babae ang kanilang pinagsaluhan.


Maliban dito, sumasama rin sa campaign sorties ang misis ng aktor at akay-akay ng alkalde kung kaya’t panay ang bulungan ng mga kurimaw kapag nakikitang nagpaplastikan ang bawat isa.


Isa pang nakakatawang eksena, isinasama rin ng aktor ang bagong karelasyon sa campaign sorties at mistulang “alalay” at bantay kung kaya’t naging biruan na nauuwi sa “foursome”, as in double date kapag isinasama ng alkalde ang lehitimong misis ng aktor.


Clue: Nalaos ang aktor kaya’t pa-extra-extra ang role ngayon at nawalan ng kita kaya’t sumama kay mayor ang misis nito. Kung taga-Metro Manila si ma­yor, ito’y nagpapakilalang kamukha ni Tommy Abuel gayong mas kahawig ni defeated vice presidential bet Jay Sonza.

(mgakurimaw.blogspot.com)

Sunday, June 13, 2010

hunyo 13 2010 Abante Tonite

Bakit natalo si Ta-Ermits?
Rey Marfil


Hanggang ngayon, ma ra mi pa rin ang nagtataka kung bakit at paano natalong Congressman ang isang dating mataas na opis yal ng pamahalaan-si ex-Executive Secretary Eduardo Ermita, ang itinuturing na “Little President” ng misis ni Jose Pidal.

Sa kaalaman ng publiko, tumakbong Congressman sa 1st district ng Bata ngas si Ermita, mas kila lang “Ta-ermits” sa tamba yan ng mga mediamen. Hindi lamang inilampaso kundi kumain ng alikabok kay Tom Apacible - isang dating Commissioner ng Bureau of Custom (BOC) at miyembro ng isang pamilyang matagal nang kaalitan sa pulitika ng mga Ermita sa Batangas.

Sa paningin ng mga kurimaw, sampu ng nagpapanday ng balisong sa Taal at manginginom ng gin sa Nasugbu, Batangas ang pagi ging “over confidence” ni Ermita ang malaking rason kung bakit sinawing-palad at umuwing lulugo-lugo nga­yong eleksyon. Take note: Bago itinalagang Executive Secretary ni Mrs. Arroyo, ito’y tatlong beses naupong Congressman ng Batangas at ilang taon din nai-cover ng Spy sa Lower House, as in isang ‘matandang tinale’ si Ta-ermits sa pulitika.

Hindi lang iyan, minsan pang tumakbong walang ka laban o unopposed si Ermita at dalawang beses pang pinakain ng alikabok ang mag-asawang Apacible - sina ex-Congressman Conrado Apacible noong 1992 at ex-Mayor Charito Apacible noong 1998. Noong 2001 election, halos hindi nagkakaiba ang sitwasyon, ang anak ni Ermita - siCongresswoman Eileen Ermita-Buhain ang pumalit at inilampaso si Charito Apacible, pinakahuli si Raymond Apacible (anak ni Charito) noong 2007.

Katulad ng kanyang ama, walang nakalaban si Congw. Eileen noong 2004 electio­n- ito ang huling termino bilang kinatawan ng 1st district. At ngayong eleksyon kung saan nakaparaming perang hawak si Ermita at mas malawak ang makinarya, animo’y naka-resbak ang pamilya Apacible, aba’y nadale si Ta-Ermits ni Mang Tomas. Kaya’t marami ang nagtatanong kung paano natalo gayong napakaraming proyekto at nilamangan ng 9 libong boto ni Mang Tomas sa Nasugbu. Take note: Wala pang sarsa niyan!

***

Napag-usapan ang Nasugbu, walang ibang nakinabang sa proyekto ni Ermita kundi si Mayor Antonio Barcelon - isa sa mga “eyes and ears” ni Ta-ermits. Nakaraang eleksyon, kuma lat ang alegasyong binuhusan ni Ermita ng campaign fund ang Nasugbu kaya’t nagtataka ang mga kurimaw kung paanong natalo habang nanalo si Barcelon kontra sa kandidato ng mga Apacible. Nang tanungin namin ang isang taga-Nasugbu, tanging nasabi nito’y “maaaring over-confident si ES” at naka-linya si Mang Tomas kay President-elect Noynoy “P-Noy” Aquino - ito’y kabaliktaran sa alegasyong ‘inilaglag’ si Ta-ermits ng sari ling tauhan, aba’y dumistansya si Mang Tomas ng 9,000 votes sa Nasugbu.

At ngayong nawala sa poder si Ermita, paano susugpuin ni Barcelon ang drug addiction, basura, drainage, air at water pollution mula sa mga pabrika, illegal fishing, illegal gambling, uncontrolled registration ng mga tricycles, mga vendor sa kalsada kung market day, sangkaterbang prostitution joints o “videoke houses”, maging ang pagdami ng squatter sa public beach at hindi malutas na kaso ng homicide at murder. Take note: Kung sa panahong kasangga si Ermita, walang magawa si Barcelon, ngayon pa kayang nabura ang sinasandalan sa Malacañang?
Sa kabuuan, ayokong isi ping nagsawa ang mga taga-Batangas sa panga lang Ermita, maliban kung seryosong alegasyon ang text messages na natanggap at sinasabing isang malapit kay Ta-ermits na mas malupit pa sa isang dating opisyal ng lalawigan na naging “gahaman” sa lupa ang nagmanipula. Ang taong ito, ayon sa mga text message ang itinuturong kumilos ng lingid sa kaalaman ni Ermita na naging ugali ang silipin ang mga lupaing walang titulo, partikular ang tourism deve­lopment areas sa mga tabing dagat at kabundukan ng Nasugbu.

Hindi lang iyan, meron pa umanong isang kamag-anak si Ermita na bagama’t taga-pribadong sektor, ito’y nakikialam sa mga gawain ng Bureau of Immigration ang isa pang itinuturong ‘nanlaglag’. Tandaan: Nakaupong director ng Immigration si Eric Buhain, asawa ni ex-Congw. Eileen, bakit hindi natunugan ang nangyaring ‘ahasan’. Maa ring malisyoso ang text messages at posibleng kagagawan ng mga kaaway ni Ermita subalit dapat suriing mabuti ang impormasyon dahil maaaring may katotohanan at makatulong sa paghahanap ng kasagutan kung bakit ito natalo.

(mgakurimaw.blogspot.com)

Saturday, June 12, 2010

Hunyo 12 2010 Abante Tonite

Lady solon hinimas sa session hall

(Rey Marfil)

Lumabas ang pagi ging “matulis” ng isang biyudong miyembro ng Kongreso matapos harapang hipuan at himasin ang kauring mambabatas sa proclamation rites ni President-elect Benigno Simeon ‘Noynoy’ Aquino III (P-Noy) sa Batasan Complex.


Harapang nasaksihan ng mga kurimaw, sa pangunguna ng TONITE Spy kung paano umastang ‘Boy Fatigue’ ang biyudong solon matapos himas-himasin ang kurbadang katawan ng lady solon.


Sa kabilang banda, wala namang masama kung ma-in love at pagkainteresan ng biyudong solon ang lady solon dahil hiwalay sa asawa ang bebot kahit pa merong dalawang anak ito.


Dalawang babae ang anak ng lady solon, as in single mother, habang meron nang pulitikong anak ang biyudong solon, as in ilang taon nang balo at makailang-beses nasangkot sa pakikipagrelasyon, kabilang ang kilalang personalidad na kasamahan sa konseho.


Sa nangyaring proclamation rites, pasimpleng nilapitan at nakipagbeso-beso ang biyudong solon sa lady solon kung saan ilang minutong nagkuwentuhan sa session hall.


Ang ikinagulat ng mga kurimaw, pasimpleng inilagay ng biyudong solon ang kanang kamay o palad sa kurbada ng katawan ng lady solon, sabay himas ng pataas-pababa kung saan halos tumagal ng tatlong minuto.


Hindi simpleng pag-akbay ang ginawa ng biyudong solon kundi hinapit ang bawat haplos sa katawan ng lady solon, animo’y ninanamnam ang bawat hibla ng mahawakan nito.


Kaagad namang na ramdaman ng lady solon a ng pananatsing ng biyudong solon, animo’y nagpapatigas ang mokong kung kaya’t pasimpleng kinuha ng bebot ang kamay o palad para alisin sa maselang bahagi ng likuran nito.


Kinuha ng lady solon ang kamay ng biyudong solon at mahigpit na hinawakan sa harapan upang makaiwas sa panghihipo habang magkausap sa loob ng session hall ang mga ito.


Kahit inilagay ng lady solon ang kamay ng biyudong solon sa harapan at mahigpit ang pagkakahawak dito, panay himas pa rin ang kelot sa kanyang kamay.


Clue: Nagretiro sa kasalukuyang puwesto ang biyudong solon kung at nagpamiyembro sa Kongreso at pinatakbo ang anak sa isang mahalagang posisyon bilang kapalit habang promotor ng political dynasty ang lady solon at merong utol na mahilig tumahol.

(mgakurimaw.blogspot.com)

june 12 2010 abante tonite

Lady solon hinimas sa session hall

(Rey Marfil)


Lumabas ang pagi­ging “matulis” ng isang biyudong miyembro ng Kongreso matapos harapang hipuan at himasin ang kauring mambabatas sa proclamation rites ni President-elect Benigno Simeon ‘Noynoy’ Aquino III (P-Noy) sa Batasan Complex.


Harapang nasaksihan ng mga kurimaw, sa pangunguna ng TONITE Spy kung paano umastang ‘Boy Fatigue’ ang biyudong solon matapos himas-himasin ang kurbadang katawan ng lady solon.

Sa kabilang banda, wala namang masama kung ma-in love at pagkainteresan ng biyudong solon ang lady solon dahil hiwalay sa asawa ang bebot kahit pa merong dalawang anak ito.

Dalawang babae ang anak ng lady solon, as in single mother, habang meron nang pulitikong anak ang biyudong solon, as in ilang taon nang balo at makailang-beses nasangkot sa pakikipagrelasyon, kabilang ang kilalang personalidad na kasamahan sa konseho.

Sa nangyaring proclamation rites, pasimpleng nilapitan at nakipagbeso-beso ang biyudong solon sa lady solon kung saan ilang minutong nagkuwentuhan sa session hall.

Ang ikinagulat ng mga kurimaw, pasimpleng inilagay ng biyudong solon ang kanang kamay o palad sa kurbada ng katawan ng lady solon, sabay himas ng pataas-pababa kung saan halos tumagal ng tatlong minuto.

Hindi simpleng pag-akbay ang ginawa ng biyudong solon kundi hinapit ang bawat haplos sa katawan ng lady solon, animo’y ninanamnam ang bawat hibla ng mahawakan nito.

Kaagad namang na­ramdaman ng lady solon a­ng pananatsing ng biyudong solon, animo’y nagpapatigas ang mokong kung kaya’t pasimpleng kinuha ng bebot ang kamay o palad para alisin sa maselang bahagi ng likuran nito.

Kinuha ng lady solon ang kamay ng biyudong solon at mahigpit na hinawakan sa harapan upang makaiwas sa panghihipo habang magkausap sa loob ng session hall ang mga ito.

Kahit inilagay ng lady solon ang kamay ng biyudong solon sa harapan at mahigpit ang pagkakahawak dito, panay himas pa rin ang kelot sa kanyang kamay.

Clue: Nagretiro sa kasalukuyang puwesto ang biyudong solon kung at nagpamiyembro sa Kongreso at pinatakbo ang anak sa isang mahalagang posisyon bilang kapalit habang promotor ng political dynasty ang lady solon at merong utol na mahilig tumahol. (mgakurimaw.blogspot.com)

http://www.abante-tonite.com/issue/june1210/hulaan_blues.htm


Friday, June 11, 2010

june 11 2010 abante

Mestisong solon naging maamong tuta

Kung anong bangis nu’ng nakaraang kampanya, nagmukhang “maamong tuta” ang isang miyembro ng Kongreso matapos dumalo sa proclamation rites ni President-elect Benigno Simeon “Noynoy” Aquino III.


Hindi maiwasang matawa ni Mang Teban matapos makitang umamo ang isang mestisuhing solon sa proclamation rites, maging sa presidential canvassing, kabaliktaran nu’ng nakaraang kampanya.


Sa panahon ng kampanya, animo’y asong kalyeng nagwawala ang mestisuhing solon dahil naglalaway sa butong hawak ng kalaban, as in inuupakan ang katunggali ng kanyang amo kahit maling puno ang tinatahulan.


Personal ang lahat ng pag-atake ng mestisuhing solon kay Aquino at hindi makain ng kahit aso ang mga ipinupukol sa bagong Pangulo para lamang palakasin ang kanyang amo at ibagsak ang kredibilidad nito.


Sa proclamation, naiba ang takbo dahil mistulang maamong tuta ang mestisuhing solon na kakahog-kahog ang buntot sa loob ng session hall nang makitang papara­ting si Aquino, animo’y dumaan sa 1-month behavioral training ng mga aso.


Ang malupit sa lahat, nagawa pang kamayan at batiin ng mestisuhing solon si Aquino habang paakyat ng roastrum, animo’y walang nangyari at hindi man lamang sumagi sa isipan ang mga malisyosong akusasyon dito.


Pintahan n’yo na: Matakaw sa pera ang mestisuhing solon kaya’t sumama sa talunang presidentiable at numero unong traidor sa kaibigan, katulad sa ginawang pag-abandona sa kasamahang nakatulong sa kandidatura nito. Kung kongresista o senador, itoy meron letrang “A” sa kabuuan ng pangalan at apelyido, as in Asal-kalye.


http://www.abante.com.ph/issue/june1110/kartada5.htm



Thursday, June 10, 2010

Hunyo 10 2010 Abante Tonite

Ang tula ni Alfredo!
Rey Marfil

Magandang araw sa iyo Rey, ako po ay isang OFW dito sa Saudi Arabia na lubos na naniniwala na hindi ang panini­garilyo ng isang Pa­ngulo ang makasisira sa kanyang paglilingkod sa bayan.

Puwede bang ilathala ang tula kong ito sa iyong column? Kung puwede lang naman. Para sa akin lang naman, ito ay dapat mabasa ng ating mga kababayan na mas inuuna ang pagpuna kesa sa kung ano ang maibabahagi sa bayan tungo sa kaunlaran.

Bigyan ng lakas at inspirasyon ang ating bagong Pangulo ng Pilipinas.

Ang tao nga naman, walang kasiyahan,
Hindi makuntentong tanggapin ang katotohanan,
Ang naisin nila’y, sa kapwa’y matunghayan,
Nakalimutan ang tao’y iba-iba ang kinagisnan.


Iba-iba ang kinalakhan, iba-iba ang kapaligiran,
Iba-iba ang ugali, Iba-iba ang pangangailangan.


Iba iba ang kapalaran, iba-iba ang buhay,
Iba-iba ang daan ng sari­ling kaligayahan.


Sa halal na Pangulo, wag nating kalimutan,
Na siya’y tao rin, may sa­riling pangangailangan,
Di ba ang mahalaga ay kanyang magampanan,
Ang sinumpaang tungkulin dahil sa pagmamahal sa bayan.


Marami sa tao, sa sarili’y matuwid,
Pag nagsisigarilyo, tao’y di na malinis,
Dapat bang sabihin sa halal na Pangulo,
Di mabuting ehemplo sa kanya ay inguso?
Hinalal ba ang tao upang sa sigarilyo ay ating husgahan?


Para sa akin, halal na Pa­ngulo ay isang tapat at dapat pana­ligan,
Hindi sinungaling, mabuti ang hangarin, malinis ang puso at tapat sa bayan.


Aanhin ko ang taong nagkukunwaring magaling,
Kapag nasa puwesto, sa kapangyarihan nalalasing.


Nakaw doon, nakaw dito,
Hindi nagsisigarilyo su­balit Bayan ay naghirap,
Bayan ay sumisigaw at umiiyak,
Nang mapalitan naka­upong Pangulo, heto na ang tao,
Dahil sa sigarilyo, hindi raw mabuting ehemplo,
Nakalimutang tungkulin sa bayan ang prayoridad nito.
Hindi pa nauupo, hinuhusgahan ito.


Alin ba ang mabuti, tapat maglingkod,
O, nakatago ang bulok?


Mabuti nga sa mata ng tao, nakalubog naman sa kahirapan ang bayan ko?


Hindi raw makapaglilingkod ng husto
Kapag kalusugan ng Pa­ngulo ay sirain ng sigarilyo.
May katwiran man kayo, sana alalahanin nyo,
Hindi sigarilyo ang batayan para sa isang mabuting Pangulo.


Bakit inuuna ang puwing ng iba,
Ang sariling puwing hindi nakikita.
Bakit hinuhusgahan mga nagsisigarilyo?

Lahat ba ng sakit nangga­galing dito?
Masasabing may sakit na dulot ang paninigarilyo,
Kung walang pakunda­ngan sa paggamit nito.


Subalit nakita ba ng tao, mas maraming sakit, dulot ng kapabayaan nito?
Mabahong kanal, mabahong imburnal,
Maruming ilog, maruming hangin ng sasakyan.


Maruming kapaligiran, usok ng pabrika at amoy ng kemikal,
Lahat ating nalalanghap, kahit tayo’y nasaan,
Higit sa lahat maruming kaisipan.


Ang aking mungkahi sana ay dinggin nyo,
Lalo na sa mga taong laban sa paninigarilyo.


Konsiderasyon para sa aming naninigarilyo,
Pagkat kami’y mga taong tulad din ninyo,
May pusong makatao, may pagmamahal sa bayan
At walang pini-perwisyo.


Di ko sinasabing masama ang hangarin,
Ang itigil ng Pangulo ang paninigarilyo,
Subalit mali ang sabihing hindi mabuting ehemplo,
Sa halip punahin ang ating Pangulo,
Bakit hindi ang ikabubuti ng bayan ang asamin dito.


Mawala ang corruption sa gobyerno,
Alisin sa tungkulin ang hindi karapat-dapat na tao.
At magkaroon ng pag-ibig, pagkakaisa ang mga Pili­pino,
Lahat ng nahalal sa ating gobyerno,
Magkaroon ng ganap, malinis, tapat, makataong sebisyo,
Upang ang ating bansa, ay muling umasenso.


Mabuhay ang Bagong Pangulo!

Alfredo de Mesa de Leon
Worley-Petrocon Arabia Ltd. Pipeline Department
P .O. Box 31699Al-Khobar,
31952 K.S.A. 966-3-8813775 Ext.
9370966-50-2944960

Wednesday, June 9, 2010

Hunyo 09 2010 Abante Tonite

Matandang solon, nagpapraktis dumaldal
Rey Marfil

Hindi pa man nakakaupo sa bagong posisyong inuukupahan, kaagad nakitaan ng ma­tinding pagka-bad trip ang mga makakasama sa trabaho matapos magpasiklab sa daldalan ang isang matandang miyembro ng Kongreso.

Nasaksihan ng TONITE Spy kung paano nagpraktis magdadaldal sa isang political event ang matandang solon, patunay ang pang-aagaw eksena, katulad ang walang katapusang pag-iingay sa floor at puro boses ang umaali­ngawngaw sa kuwarto.

Sa dami ng mga pagkuwestyon ng matandang solon, hindi maiwasang ma-bad trip ang mga makakasama sa trabaho pagpasok ng Hulyo 1 dahil posibleng makaagaw ng oras ito.

Sa dating sangay ng gobyernong kinabibila­ngan ng matandang solon, ito’y kinaiinisan din ng mga kasamahan dahil puro daldal ang inaatupag ng mokong at palaging may tanong kahit napakasimpleng isyu ang topic sa floor.

Ngayong malilipat sa ibang sangay ng gobyer­no, animo’y pinagpapapraktisan ng matandang solon ang bagong opisina, katulad ang walang katapusang pagkukuwento at pag-iingay sa bagong office na ikinairita ng mga makakasama sa trabaho.

Naging ugali ng matandang solon ang gumawa ng sariling kuwento para makasingit sa debate o kaya’y interpellation, animo’y nagwa-water-water kapag nakakakita ng cameramen at photographer sa floor.

Bagama’t walang isyu, mistulang taga-Tayuman ang matandang solon dahil “tayo ng tayo” sa floor para magtanong kung kaya’t nagtataasan ang kilay ng mga magiging ka-housemate dahil “Boy Bida” ito.

Isa sa mga tinaguriang “Mulaway” ang matandang solon kung saan nagtatalsikan ang saliva sa floor, as in sobrang hilig dumaldal sa bawat press conference, maging sa debate at interpellation.


Clue: Madaling makilala ang matandang solon dahil puro boses ang ma­ririnig sa radyo ngayong canvassing. Kung kongresista o senador, ito’y binansagang “Boy Flashback” dahil mala-Gregorio Zaide kapag binabalikan ang lahat ng background at nakaraan.

(mgakurimaw.blogspot.com)

Hunyo 08 2010 Abante Tonite

May ‘amats’ sa ulo!
Rey Marfil

Kahit magta-tumbling sa entablado ang isang kandidato para manalo, ito’y magsasayang lamang ng oras at pagod, malinaw ang kaso nina Serge Osmeña, Lito Lapid at TG Guin­gona ngayong election.

Mantakin n’yo, kahit nakaligtaang bitbitin ng Iglesia Ni Cristo (INC) at hindi man lamang nag-aparis­yon sa campaign sorties ni incoming President Noynoy Aquino, lumusot si Sergio.

Kung susuriin ang sitwasyon, lumalabas pang utang na loob kina Mar Roxas, Jamby Madrigal at Dick Gordon ang pagkakapanalo ngayong eleksyon, aba’y parehong napaniwala ng tatlo ang sarili na mananalo sa tinakbuhang posisyon kaya’t hindi humirit ng 2nd term.


Kung nag-reelect sina Madrigal, Roxas at Gordon, sigu­radong laglag sa Magic 12 sina Osmeña (No. 10), La­pid (No. 11) at Guingona (No. 12) lalo pa’t mataas ang ra­tings ng tatlo dahil incumbent senators ang mga ito.

Mabuti na lang mataas ang lipad ng tatlong senador dahil kung nagkataon, magbubungkal ng lahar si Leon Guerrero dahil walang babalikang puwesto sa Pampanga at ayaw ni “Senator Alex Marcelino” na magdirek ng porno films lalo pa’t hindi nauso nga­yon ang double picture sa Quiapo at Recto.

Ang pinakamasamang senaryo, mawawalan ng tagapirma sa Senate lounge sina Nino at Estong pagsapit ng tanghalian at dapit-hapon.
***

Napag-usapan ang eleksyon, lingid sa kaalaman ni Aquino, isa sa talunang presidentiable ang ‘mastermind’ sa lahat ng pang­gugulo sa canvassing -- ito ang kumikilos nang palihim upang idiskaril ang maagang proklamasyon at palaba­sing nagkaroon ng malawakang dayaan upang pagdudahan ng publiko ang resulta ng eleksyon.

Ang nakakalungkot lamang, maituturing na isa sa kaibigan ni Aquino ang talunang presidentiable subalit sinapian ng masamang espiritu kaya’t kung anu-anong kabuwangan sa kukote ang sumasagi sa isipan nito.


Hindi natin babanggitin ang pangalan pero hindi mapagkakaila ang ‘special operations’ na ginagawa ng talunang presidentiable sa canvassing ng Kongreso.

Nakaraang June 2 (Miyerkules) nasaksihan ng mga kurimaw kung paano kinausap at inarkila ng talunang presidentiable ang serbisyo ng isang organizer upang mag-mobilize ng raliyista sa loob at labas ng Batasan Complex.

Nangyari ang abutan ng pera sa tagiliran ng South Wing, ito’y nakapaloob sa isang sobre. Kung ‘di nagkakamali ang Spy, nagkakahalaga ng P500 libo ang down payment ang ibinigay ng talunang presidentiable.


Katulad ng napag-usapan, kinaumagahan (June 3) nagpatawag ng press conference sa isang ‘historical restaurant’ ang organizer at inaakusahang nandaya si Aquino subalit walang kumakagat sa gimik ng talunang presidentiable dahil walang mediamen ang pumapatol sa alegasyong ‘digi­tal President’ ang utol ni Kris Aquino.

Kaya’t asahang guguluhin ang araw ng proklamasyon ni Aquino ngayong linggo, sa pamamagitan ng paghahakot ng mga demonstrador sa labas ng Kongreso.

Take note: unang ikinunsiderang mag-concede ng talunang presidentiable subalit pinigilan ng asawa dahil ipina-feng shui at sinasabing mananalo kahit kakapiranggot ang boto, ayon sa galaw ng mga planeta at bituin.


Hindi nag-iisa ang talunang presidentiable, ito’y meron pang dalawang kasapakat sa hanay ng mga natalong presidentiables, isa rito’y kumalas sa ‘blood compact’ dahil na­kitaan ng sapak sa pag-iisip ang isang kasamahan, as in wala sa hulog ang mga deklarasyon sa media.

Maliban sa dalawang kasamahang presidentiables, kabahagi ng special ope­rations ang dalawa pang mayoralty candidates, sa katauhan ng isang kongresista at dating alkalde ng isang lungsod, malapit sa Metro Manila.


Ang pinaka-classic sa lahat, nakita lamang ng talunang pre­sidentiable na pakalat-kalat sa session hall ang isang mai­ngay na abogado, ito’y kaagad kinausap at kinuha ang serbisyo.

Ang misyong ibinigay ng talunang presidentiable sa maingay na abogado: guluhin ang takbo ng canvassing dahil ayaw sumunod ang mga inarkilang election lawyer na gumawa ng eksena para i-delay ang proklamasyon ni Aquino.

Lingid sa kaalaman ng isa pang natalong presidentiable, pangalan nito ang ikinakalat bilang promotor. Ganyan kadesperado ang talunang presidentiable dahil sa paniniwala sa feng shui.

(mgakurimaw.blogspot.com)

Monday, June 7, 2010

Hunyo 07 2010 Abante Tonite

Graduating lady solon, humihirit ng ekstensyon
(Rey Marfil)

Hindi lamang “one of a kind” bagkus pang-Guinness Book of Records ang pagkakaroon ng sapak sa ulo ng isang graduating lady solon matapos humirit ng extension sa term of office nito.


Halos maglupasay sa katatawa ang mga naglipanang kurimaw sa session hall, sa pangunguna ng TONITE Spy matapos mabalitaang nagpapa-extend ng termino ang isang graduating lady solon gayong limitado ang taon ng kanilang paninilbihan, alinsunod sa Saligang Batas.


Sa kaalaman ng publiko, limitado lamang ang termino ng isang deputado o mambabatas at kapag napaso ang termino, ito’y hindi kailangan pang palawigin, hindi katulad ng madalas ginagawa sa ilang presidential appointees kapag kakampi ang nahahalal sa Malacañang.


Sa pag-aakalang presidential appointee at hindi elective position ang tinakbuhan, pinapa-extend ng graduating lady solon ang kanyang termino ng anim na buwan, animo’y nainggit kay Philippine National Police (PNP) Chief Jesus Verzosa matapos mabalitaang palalawigin ni incoming President Benigno Simeon ‘Noynoy’ Aquino III ang termino hanggang magretiro sa katapusan ng taon.


Mas lalo pang pinag-usapan sa bawat sulok ng hallway at session hall ng Kongreso ang pagkakaroon ng “amats” o sapak sa ulo ng graduating lady solon dahil malinaw sa batas na hanggang Hunyo 30 ang termino nito.


Ang matinding revelation sa lahat, ayaw lisanin ng graduating lady solon ang inookupang opisina, as in nagmamatigas na lumayas at iligpit ang mga kalat dahil sa paniwalang puwede pang palawigin ng nakaupong “bossing” ng Kongreso ang kanyang termino.


Halos lahat ng natalong kandidato at kasamahang mambabatas na ga-graduate ngayong Hunyo 30, ito’y nag-alsa balutan na at mabibilang sa daliri ang mga kagamitang naiwan sa kanilang opisina, kabaliktaran sa ginagawa ng graduating lady solon.


Kahit anong pakiusap ng mga staff na simulan ang pagliligpit ng mga kagamitan, ayaw makinig ng gra­duating lady solon at pinagagalitan ang mga tauhan dahil paniwalang mabibigyan ng term extension hanggang 6 months.


Maging staff ng graduating lady solon, hindi maitago ang matinding kahihiyang inaabot sa kamay ng mga kauring empleyado mula sa iba’t ibang tanggapan ng mga mambabatas dahil kapit-tuko sa puwesto ang kanilang amo at paniwalang meron pang pag-asang mapalawig ang termino nito.


Sa tindi ng kahihiyang inabot ng mga staff, ilan dito’y hindi maiwasang maiyak kapag nakakakuwentuhan ang mga kaibigan dahil hindi “makawala” sa poder ng graduating lady solon matapos pagbantaang sasaulalain ang kanilang clearance.


Clue: Pakalat-kalat sa Batasan Complex ang gradua­ting lady solon ngayong canvassing at pilit gumagawa ng eksena sa bilangan. Kung senadora o congresswoman, ito’y maraming letrang “A” sa pangalan, as in Ang tindi ng Amats kaya’t iniiwanan ng mga staff kahit mataas magbigay ng monthly allowance at maraming salapi ang pamilya.

(mgakurimaw.blogspot.com)

Sunday, June 6, 2010

Hunyo 06 2010 Abante Tonite

Tagilid pa rin si Baham
Rey Marfil


Bagama’t nanalong go ber nador, may kalabuan pa ring makaupo si Palawan Cong. Baham Mitra at hanggang ngayon, nalalagay sa balag ng alanganin ang pla nong pamunuan ang lalawigan lalo pa’t marami ang nakakaalam na labag sa batas ang pagtakbo sa nakaraang halalan -- ito’y malinaw sa deklarasyon ni Mary Ann Tejada, spokesman ng Partidong Pagbabago ng Palawan (PPP), ang namumukod-tanging local political party sa lalawigan na kinikilala ng Commission on Elections (Comelec), as in hindi kinikilala si Mitra bilang gobernador at inaakusahang walang karapatang tumakbo.

Kung hindi nagkakamali ang Spy, nagsumite ng supplemental comment sa Supreme Court (SC) sina PPP founding member at incumbent San Vicente, Palawan Mayor Antonio Gonzales at Orlando Balbon Jr. -- ito’y naglalayong pabulaana n ang petition for certiorari bilang kasagutan sa request ni Baham na ipawalang-bisa sa mga mahistrado ng Korte Suprema ang unang hatol ng Comelec na nagbabasura sa kanyang kandidatura o Certificate of Candidacy (COC) dahilan sa kabiguan nitong patunayan ang pagiging lehitimong residente ng Aborlan, Palawan, katulad ng nakasulat sa kanyang COC.

Ang isyu ngayon: gustong malaman ni Tejada, sampu ng mga taga-Palawan kung ano ang nangyari sa desisyon ng Comelec, aba’y sa kabila ng pagbasura sa COC noong Mayo 4, 2010, ilang araw bago ang eleksyon, bakit pinayagan pang makatakbo si Papa Baham at naiproklama pang gobernador, aba’y paanong mananalo ang isang taong hindi naman kandidato?

***

Napag-usapan si Papa Baham, ating i-flashback ang kaganapan: Kinansela ng Comelec ang COC ni Mitra matapos madiskubreng hindi umabot sa ‘resi dency requirements’. Ang ipinagmamalaking tirahan ni Mitra sa isang feed mill sa bayan ng Aborlan, ito’y lumabas na ‘scripted’, as in imbento lamang, animo’y idol sina Isaac Newton at Albert Einstein? Take note: wala ni isang kubeta at kusina ang inaangking bahay ni Mitra sa Aborlan gayong nalalaman ng buong Pilipinas kung gaano kayaman at kaimpluwensiya ang mga Mitra sa Palawan. Mantakin n’yo, kahit tatlong pira so ng bato para pagsaingan, hindi nakitaan ang bahay, maliban kung dating pinaglalarua n ng ‘bahay-bahayan’ ang Aborlan? Ang tanong lamang: sino ang umaaktong tatay at nanay sa paglalaro ni Papa Baham ng bahay-bahayan?

Hindi kaila sa buong Palawan ang katotohanang taga-Puerto Princesa ang pamilya ni Mitra. Ibig sabihin, simula nang magka-isip at magbinata si Papa Baham, isama natin ang ilan pang naitalang kapil yuhan, iisang lugar ang tinira han hanggang mag-congressman. Ang problema ni Mitra, naging highly-urba nized city noong 2007 ang Puerto Princesa at natanggal ang karapatan ng mga taga-lungsod na makilahok sa mga political affairs ng lalawigan, kabilang ang political elections.

Ang pinakamala king sakit ng ulo ngayon ni Mit ra, ayaw palampasin ng grupo ni Tejada ang panloloko sa mga taga-Palawan -- ito’y napilitang u malma at inaakusahang sinungaling si Papa Baham. At nainsulto kay Mitra ang grupo ni Tejada dahil pinapalabas pang hindi kaila ngan ang isang palikuran para makatira sa isang bahay gayong nalalaman ng buong mundo kung gaano kahalaga sa buhay ng isang tao ang kubeta. Hindi lang iyan, sabit din ang sedula ni Mitra, aba’y pinapalabas pang 2008 nakatira sa Aborlan gayong malinaw sa address ang Sta. Monica, Puerto Princesa, katulad din ng nakapaloob sa isinumiteng statement of assets and liabilities (SAL) sa Congress noong April 2009, nangangahulugang taga-Aborlan.

Ang argumento ni Mit ra, ito’y lehitimong taga-Palawan kaya’t may karapatang tumakbong gobernador ng lalawigan gayong hindi naman isyu sa korte ang pagi­ging Palaweño kundi ang katanungan kung nasunod ang isinasaad ng batas, ito’y maliwanag sa Comelec decision na ipinapawalang-bisa ang certificate of candidacy. Kung walang makikialam sa Comelec, posibleng mauupo sa Hulyo 1 ang mahigpit na katunggali -- si Cong. Jose Alvarez.

(mgakurimaw.blogspot.com)

Saturday, June 5, 2010

Hunyo 5 2010 Abante Tonite

Senatoriable, papansin sa presscon
(Rey Marfil)

Hindi lamang mala­king dekorasyon kundi papansin sa bawat press conference ang isang natalong senatoriable, kalakip ang hangaring makunan ng sound bite ito.


Nasaksihan ng mga kurimaw, sa pangunguna ng TONITE Spy kung paano nagpapansin sa bawat press conference ng natalong presidentiable ang isa sa labindalawang senatoriables, katulad ang pagtawa ng malakas o kaya’y pagpakalat-kalat sa likurang bahagi ng venue.


Bagama’t parehong talo ang mag-amo, nagagawa pa ring magpatawag ng press conference ang natalong presidentiable kung saan patuloy na “umeepal”, as in pumapapel at nang-aagaw eksena ang talunang senatoriable.


Sa hindi mabilang na pagkakataon, mapakampanya hanggang ngayon, ayaw pa ring tantanan ng talunang senatoriable ang pagpapa-cute sa media, katulad ang pagpapapansin sa presscon.


Walang nagtitiyagang kumausap at mag-interbyu sa talunang senatoriable kaya’t nakaisip ng bagong gimik sa presscon, sa pamamagitan ng pagala-gala sa venue para mapansin.


Kapag hindi umubra ang pagpakalat-kalat sa venue, nakikitawa ng malakas ang talunang senatoriable kahit hindi naman nakakatawa ang joke o biro ng natalong presidentiable kaya’t hindi maiwasang ma-bad trip ng mga mediamen lalo pa’t nakakaistorbo ito.


Hindi lang iyan, animo’y meron pang sakit na tuberculosis (TB) ang talunang senatoriable dahil umuubo ng malakas para mapansin ng media kahit wala naman itong sipon o hindi nagkaka-running nose.

Sa kabila ng mga drama ng talunang senatoriable, hindi pa rin umubra sa mga mediamen ang pag-ubo at pagtawa ng malakas dahil abot sa kanilang kaalaman na nagpapapansin lamang ang kumag.


Clue: Isa sa tinaguriang “trapo” ang talunang senatoriable dahil kinagat sa leeg ang natalong presidentiable at bumalik lamang sa poder ng dating amo ngayong eleksyon nang walang masilungan. Kung dating senador o bagong salta sa pulitika, ito’y meron letrang “K”, as in “Kita, kits” sa bawat pag-ingay.(mgakurimaw.blog­spot.com)

Friday, June 4, 2010

june 4 2010 abante

Natalong kandidato, nabaon sa utang

Hindi lang dobleng black eye ang inabot ng isang natalong kandidato matapos magkabaun-baon sa utang at posibleng mailit ng bangko ang mga ari-arian kapag sumablay sa pagbabayad.


Hindi maiwasang maawa ni Mang Teban sa sinapit ng natalong kandidato dahil nabaon sa utang, hindi katulad ng ilang senatoriables at vice presidentiable na naging campaign slogan ang katagang “talo na, kumita pa”.


Noong nakaraang kampanya, ayaw pautangin ng kilalang bangko ang natalong kandidato kung kaya’t naghanap ng padrino sa katauhan ng isang maimpluwensyang nilalang sa Malacañang dahil untouchable at bagyo ang arrive.


http://www.abante.com.ph/issue/june0410/kartada5.htm


Dahil maimpluwensya ang tumayong padrino, pinayagan ng bangko na pautangin ng P5 bilyon ang natalong kandidato, kalakip ang kondisyong babayaran kapag natalo.


Kung nanalo ang natalong kandidato, naging kondis­yon naman ng maimpluwensyang nilalang sa Malacañang na “tablado” ang kanyang utang dahil gobyerno ang kakargo rito.


Dahil natalo, sumasakit ngayon ang ulo ng natalong kandidato kung paano babayaran ang P5 bilyong inutang sa bangko dahil naka-collateral ang mga ari-arian sakaling sumalto sa buwanang responsibilidad o hindi makapagbayad ito.


Pintahan n’yo na: Isa sa pinakamaginoo ngayong canvassing ang natalong kandidato. Kung tumakbo sa presidential o vice presidential race, ito’y meron letrang “A” sa apelyido, as in Ang lihis na landas.

Thursday, June 3, 2010

Hunyo 03 2010 Abante Tonite

Wala sa hulog!
Rey Marfil

Kung marami ang umaastang ‘computer experts’ sa Batasan, ‘di hamak na mas marami ang nagpi-feeling medical doctor at anti-smoking advocates upang pagbawalang manigarilyo si incoming President Noynoy Aquino.

Sa dami ng problema ng Pilipinas, mas pinagkakaabalahan at ginagawan ng ingay ng mga kumag ang paninigarilyo ni Aquino gayong hindi naman sagabal sa kanilang trabaho.


Ika nga ni Manong Johnny Enrile, kung saan ‘happy’ si Noynoy, hindi dapat pinagbabawalan sa kanyang bisyo hangga’t walang piniperwisyo at iniistorbo.

Bagama’t may punto ang grupong nag-iingay dahil masama sa kalusugan ang paninigaril­yo at posibleng mapadali ang buhay ng isang tao, ito’y ‘noted’ naman kay Noynoy.

Higit sa lahat, hindi naman nanghihingi ng pangyosi si Noynoy sa mga kritiko at lalong hindi nangungutang sa tindahan upang tustusan ang bis­yo o kaya’y nakikisindi sa kanilang posporo.

Ang sablay lamang, pinupuwersa si Noynoy at gawing ora-mismo ang aksyon gayong kahit sinong doktor, hindi ipapayo ang biglaang pagti­gil sa paninigarilyo dahil merong epekto ito.

Hindi lingid sa kaalaman ng mga taga-Tarlac ang paninigaril­yo ni Noynoy, ma­ging sa 15 milyong Pinoy na bumoto kay Noynoy nga­yong eleksyon kaya’t hindi dapat gawing ‘big issue’ ng mga grupong nagmamalinis sa sarili ang paninigarilyo ni Noynoy kung mismong sarili hindi marendahan na magnakaw ng pondo at iba pang makamundong bisyo.


Sa mismong campaign sortie sa Cebu, nakunan ng Freeman -- isang local newspaper ang panini­garilyo ni Noynoy subalit hindi itinago ng utol ni Kris Aquino, malinaw ang pagiging totoo sa sarili, hindi katulad ng ilang natalong presidentiables at vice presidentiables, animo’y model ng Tupperware sa sobrang plastic.


Ngayong pinag-iinitan ang paninigarilyo, katulad ang alegasyong ‘adik sa yosi’ ang susunod na Pangulo, alin ba ang masama sa mga Pilipino -- ang maging adik sa kapangya­rihan o adik sa paninigarilyo?

Lingunin ang kasalukuyang administrasyon, hindi ba’t kaliwa’t kana­n ang ‘midnight appointment’ at ‘midnight fund releases’?


Hindi lang iyan, kahit sinong hardinero ang tanungin sa palasyo, nalalaman kung sino ang ‘adik sa alak’, as in magdamagang tumutungga kapag pinuputakte ng problema ang kanilang administrasyon dahil pansamantalang nakakalimutan ang pressure, kahit itanong n’yo pa kina Gloria at Erap.

Ibig sabihin, mas masahol ang pagiging lasinggero ng isang Pangulo kaysa sa panini­garilyo. Take note: walang ibang bisyo si Noynoy -- ito’y hindi umiinom, maliban sa pagkahilig sa Coke. At lalong hindi pagnanakaw ng pondo at pagka-casino ang dibersyon kapag walang trabaho kundi makipagtumbukan sa billiard table at pagsali sa shooting competition.
***

Napag-usapan si Noynoy, nakakalungkot isiping hindi pa napapa­ngalanan ang ire-retain sa posisyon, ito’y pinagtutulungang gulpihin ng ilang grupong uhaw at atat sa kapangyarihan, katulad ni Department Foreign Affairs (DFA) Sec. Bert Romulo, ni minsan hindi pa nabanggit ni Noynoy sa press conference subalit pinag-uupakan ng isang grupong naghahangad sa kanyang posisyon.

Matindi ang insecurity kay Romulo ng isang grupo dahil malaki ang tsansang ma-retain sa DFA. Tandaan: nag-offer ng resignation at pinasisibak si Romulo dahil namumukod tanging gabinete ni Mrs. Arroyo ang harapang sumuporta kay Noynoy sa panahong nagbabalak pa lamang tumakbong Pangulo ito.


Mantakin n’yo, pati closeness ng mga anak ni Manong Bert sa Aquino sisters, ito’y binigyang-kulay ng isang grupo dahil merong gustong ipasok sa departamento.

Sa kaalaman ng publiko, ina­anak sa binyag ni ex-Presi­dent Cory Aquino ang isa (Lupe) sa mga Romulo at nagsimula ang political career ni Mang Bert sa panahon nito.


Take note: parehong lumaki ng Tarlac sina Mang Bert at Ninoy Aquino at magkakilala, simula 1960’s.

Hindi lang iyan, isa pang anak ni Mang Bert ang malapit kina Ballsy at Pinky -- si Agriculture Usec. Berna Romulo-Puya­t.

At nagtrabaho sa RTVM ang isa pang anak ni Mang Bert -- si Mons -- sa pana­hon ni Cory.

Kung sakaling bigyan ng panibagong puwesto ang mga Romulo, walang masama kung tapusin ang career sa isa pang Aquino lalo pa’t mahalaga sa bawat Pangulo ang kung sino ang pinagkakatiwalaan sa trabaho. (mgakurimaw.blogspot.com)

Wednesday, June 2, 2010

Hunyo 02 2010 Abante Tonite


Natalong kandidato, nagka-black eye

(Rey Marfil)


Hindi lang isang black eye kundi dobleng dagok ang inabot ng isang kilalang pulitiko matapos mabangasan ng mukha, ilang linggo makaraang matalo sa sinalihang halalan.


Sa halip kaawaan, hindi maitago ng mga kurimaw ang matawa, sa pangunguna ng TONITE Spy matapos makitang nagka-black eye ang natalong kandidato, animo’y dalawang sakit ng katawan ang natikman nito.

Ngayong eleksyon, hindi lamang simpleng pagkatalo ang naranasan ng natalong kandidato dahil inilampaso nang todo-todo ng mga nakatunggali nito, as in pinakain ng alika­bok at kakapiranggot ang nakuhang boto kumpara sa winning candidate.


Sa panahon ng kampanya, ni wala sa isipan ng natalong kandidato na mamalasin dahil sobrang bilib sa sarili na mananalo at kumpiyansang maaabot ang ina­ambisyon.


Kabaliktaran sa kanyang pangarap, abot-Central Luzon at Amerika ang kamalasan ng natalong kandidato kung kaya’t biglang nawala sa hulog at natahimik sa isang tabi ito.


Makalipas ang ilang linggo, biglang lumutang ang natalong kandidato at ikinagulat ng mediamen ang napakalaking pasa sa kaliwang mukha, animo’y nakipagboksing kay People’s Champ at Sarangani Congressman-elect Manny ‘Pacman’ Pacquiao.


Hindi simpleng pasa ang inabot ng natalong kandidato sa kaliwang pisngi kundi abot hanggang mata ang naiwang bakat sa pagmumukha, as in nalamog at nagka-black eye.


Hindi naman itinanggi ng natalong kandidato ang dobleng kamalasang natikman at inirasong nagpakabayani sa kanyang apo kaya’t nagkapasa sa mukha.


Napag-alamang ipinangsalo ng natalong kandidato ang kanyang mukha sa semento ng makitang babagsak ang kanyang apo kung kaya’t nagmukhang na-uppercut ni Pacman ito.


Clue: Isa sa solusyon ngayong El Niño ang kapabilidad ng natalong kandidato dahil bumabaha ng laway kapag nagkukuwento. Kung natalong senador o presidentiable, ito’y meron letrang “D” as in Dehins tumitigil sa pagsasalita kapag nakakakita ng mic­rophone. (mgakurimaw.blogspot.com)

Tuesday, June 1, 2010

Hunyo 01 2010 Abante Tonite

Anak ng reklamador!
Rey Marfil

Sa nangyayaring canvassing sa Batasan, ngayon ang tamang panahon para gamitin ang katagang “noted”, aba’y puro pasaway ang mga itinalagang miyembro ng National Board of Canvassers (NBOC) at lahat nagpi-feeling computer expert gayong hindi malaman kung paano gamitin ang mouse -- ito ang malaking rason kung bakit napakabagal ng bilangan.

Ayokong isiping hindi ‘makapag-move on’ si outgoing Cong. Teddy Locsin sa pagkatalo ng kanyang misis sa congressional race, aba’y gusto pang ibalik sa manual ang eleksyon sa 2013 gayong ito mismo ang promotor ng poll automation.

Ang ipinagtataka ng mga kurimaw, isang matalinong tao si Locsin kaya’t nakakapagtakang pinatulan ang script ni Koala Bear, sampu ng ‘crying babies’ na nagrereklamo ng election fraud dahil talunan sa gubernatorial at congressional race, maliban kung pinalitan ni Locsin ng ‘committee on crying and suffering’ ang chairmanship?


Suriin ang listahan ng mga ‘reklamador’ sa Batasan Complex, kahit araw-araw pang magpatawag ng eleksyon si Comelec chairman Jose Melo, isang malaking kalokohan kung mananalong alkalde ng Quezon City si Congw. Annie Susano -- ito’y paulit-ulit ding pakakainin ng alikabok ni Bistek, as in Mayor-elect Herbert Bautista.

Bago pa man mag-eleksyon, malabo pa sa sabaw ng pusit ang popularity ratings ni Susano, katulad din ni ex-presidential chief of staff Mike Defensor, maging ng kanyang amang si Cong. Matt Defensor.

Kung tutuusin, dapat kasuhan ng Comelec si Susano dahil nasa kostudya nito ang ilang piraso ng flash card, isang ebidensyang magpapatunay na pinakialaman ang PCOS machine sa araw ng botohan.

Ibig sabihin, alam ng kahit sinong kandidato ang estado ng kampanya at ramdam ang kahihinatnan ng karera, maliban kung puro ‘utu-uto’ kaya’t paniwalang naisahan?


Isa pang nagpapatawa sa Lower House -- si ex-DENR Sec. Joselito ‘Lito’ Atienza Jr., aba’y feeling mananalo kay Manila Mayor Alfredo Lim kaya’t sumisigaw ng dayaan.

Kahit lunurin sa bulaklak ni Atienza ang mga taga-Maynila, hindi mangangamoy bagong pitas lalo pa’t matagal nang nalanta.

Hindi ‘bopols’ ang mga botante sa Maynila kung inakalang makakalimutan ang pagiging ‘political butterfly’ ni Atienza.

Mantakin n’yo, pagkatapos abandonahin si Erap Estrada at magpa-appoint sa misis ni Jose Pidal sa Malacañang, hindi pa kasama diyan ang walang katapusang pag-aktong spokesman ni Mrs. Gloria Arroyo, mapa-government policy o kaya’y ZTE scandal, ito’y balik sa poder ni Erap dahil walang masilungan at itiniwalag sa Liberal.

Kahit rugby boys sa ilalim ng Arroceros LRT Station, naiintindihan kung paano nagpalipat-lipat ng bakuran si Atienza pagkatapos simsimin ang talulot ng administrasyong Arroyo at Estrada.

Kaya’t payong reporter kay Atienza, mas makakabuting tanggapin ang hatol ng mga taga-Maynila!
***
Napag-usapan ang mga ‘iyakin’ sa Lower House, ganito rin ang sitwasyon ni Surigao Governor Ace Barbers, hindi matanggap na mas tigasin ang pamilya Matugas.

Isang malaking kalokohan ang reklamong dayaan gayong incumbent official.

Hindi kailangang Mapua graduate para maintindihan ang pagkatalo ng ‘Barbers Brothers’, ito’y kinapos sa numero at sobrang kumpiyansa kaya’t umuwing luhaan, hindi sa anumang rason at kadahilanan.

Ibig sabihin, kailan pa nagpadaya ang mga kampon ni Mrs. Arroyo at sino’ng may hawak ng makinarya o resources kapag election fraud ang isyu, simula sa paghawak ng pondo hanggang command votes, hindi ba’t administrasyon?


Bilangin ang mga kongresistang uma-attend sa public hea­ring ng ‘committee on crying and suffering’ ni Locsin, ito’y puro talunan, as in 4% lamang ang nanalo.

Ayokong isiping napaka-bias ng Lower House, kung patas ang imbestigasyon, bakit hindi pagsalitain at ipatawag sa public hearing ang mga tumalo sa nagrereklamong kongresista at gobernador, maliban kung sinadya ni Locsin ang imbestigasyon upang i-delay ang proklamasyon sa vice presidential race lalo pa’t hindi si ‘Naybi’ ang kanyang manok? Lingid sa kaalaman ng nakakaraming Filipino, ‘nagkasolian ng kandila’ ngayong eleksyon ang magkaibigan dahil nilagyan ni Mayor Jejomar Binay ng kalaban ang misis ni Teddy Boy ! (mgakurimaw.blogspot.com)