november 6 2009 abante

Presidentiable, ugaling Juan Tamad

Kapag pinalad manalo, mas masahol pa sa mga naupong Pangulo ang isang ambisyosong presidentiable dahil maagang ipinakita ang ugaling-Juan Tamad, hindi pa man nagsisimula ang presidential campaign. Hindi maiwasang masuka ni Mang Teban matapos madiskubre ang pagiging “Juan Tamad” ng isang ambisyosong presidentiable, patunay ang kawalang interes sumunod sa mga ipinapayo ng mga adviser nito. Pinakamalala sa lahat, tanghali kung gumising ang ambisyosong presidentiable, animo’y nakadikit ang likod sa banig dahil nakakain ng lahat ng pa­nanghalian, hindi pa rin ito bumaba­ngon sa kama. Sa nagdaang ilang buwan, lalo pang lumutang ang pagiging ‘special child’ ng ambisyosong presidentiable dahil palaging atrasado sa mga political gathering at madalas absent o hindi dumadalo sa mga pagtitipon dahil tanghali kung gumising at gustong isinusubo lamang ng mga tauhan ang mga dapat gawin ngayong eleksyon. Pintahan n’yo na: Takot humarap sa mga debate ang ambisyosong presidentiable at walang inatupag kundi magpadala ng substitute, katulad din ng ginagawang pagsangkapan sa ilang kapamilya para ikampanya ito. Kung gabinete o senador, itanong sa mga parents nito.