sept 30 2008 abante tonite issue

	Ang dupang ni Congressman sa project!
	Rey Marfil
Kung natutong magbasa ng blog si Donya Consuelo, alyas Jamby Madrigal, sa privilege speech...narito ang isa sa blog na mababasa sa www.mgakurimaw.blogspot.com laban sa anak ng namayapang si senador Renato ‘Companero’ Cayetano na isinangkot sa P80 milyong BW Resource scandal -- “Masyadong maputak lang itong tukayo ni Joselito Cayetano na wala pa namang napapatunayan. Si Ping pa ang babanggain na isang beteranong senador at magaling dumiskubre ng mga anomalya. Ang lakas pang sabihin na watusi lang ang pinasabog ni Ping, eh ano naman ang tawag n’ya sa pinasabog n’ya dati kay FG, supot na lusis? Tukayo ni Joselito Cayetano, pwede ba, medyo itikom mo muna ang patalinhaga mong salita. Sayang ka lang sa blue ribbon, walang natatapos na scandal. Ang ZTE scandal, ano ng nangyari? Pakitapos mo muna bago mo ipagtanggol ang amo mo at banggain si Sen. Ping. `Wag mong ipagmalaki ang pagiging abogado. Kayo ngang mga abogado ang nanloloko sa mga Pilipino! Karamihan sa mga malalakas ang loob na magnakaw sa gobyerno eh puro abogado (mga tao sa Kongreso). Dahil alam nila kung papaano nila paiikutin ang batas mailusot lang ang sarili o ang kaalyado nila sa asunto. Sana, sumibol sa mga bagong henerasyong abogado ang pagiging tapat sa tungkulin na tumulong at ituwid ang TAMA at hindi ang MALI. Kaya payo ko lang tukayo ni Joselito Cayetano...`Wag puro salita! More power Sen. Ping... sender:batang_Makati *** Napag-usapan ang blog laban kay Boy Watusi, tila walang kadala-dala sa eskandalong nilikha ng double insertion ang isang congressman mula Visayas region, aba’y bulgaran ang pamba-braso sa iba’t ibang departamento at ginawang palengke ang budget hearing sa Lower House. Kung makahingi ng alokasyon, animo’y meron ipinatagong pera sa mga gabinete at tila nagbabawi sa mga ginastos noong nakaraang 2007 election kung makahirit sa floor. Hindi natin babanggitin ang pangalan subalit kapansin-pansin ang panggigipit ni ‘Congressman T’ sa mga opisyal ng Department of Agriculture (DA), Department of Interior and Local Government (DILG) at Department of Transportation and Communications (DOTC) ng isalang ang annual budget nito. Isang halimbawa ang nangyari kay DA Secretary Arthur Yap, aba’y kinuwestyon ni ‘Congressman T’ kung bakit sa opisina ng kanilang gobernador dumadaan ang mga proyekto para sa kanyang distrito. Take note: Iisang probinsya lang naman ito, as in lone district. Ibig sabihin, hindi mahahati ang pondo at iisa ang kanilang constituents. Ganun din ang nangyari sa DOTC budget hearing, pati pagpapatayo ng airport sa kanilang lalawigan, ito’y kinontra gayong napakalaking tulong sa turismo lalo pa’t isa sa ‘poorest provinces’ ang kinakatawan ng kumag. Hindi kaya ‘naglalaway’ sa malaking ‘komisyon’ si ‘Congressman T’ kaya’t gustong idaan sa kanyang opisina ang lahat ng development sa probinsya. Kahit sinong ‘Tasaday’ at ‘Hagis Nong’ sa pantalan ang tanungin, malinaw ang personal agenda ni Congressman T kung bakit binabraso at tinatakot sa budget hearing ang lahat ng departamento, walang iba kundi makontrol ang daloy ng pondo at pagkakitaan ang mga proyekto bilang preparasyon sa pagtakbong gobernador. Anyway, saksakan ng ‘balimbing’ ang political record ni Congressman T. Mantakin n’yo, nanalo sa tiket (PMP) ni ex-President Joseph ‘Erap’ Estrada subalit unang bumaliktad bago pa man magsimula ang impeachment trial at ngayo’y miyembro ng KAMPI ni Mrs. Arroyo. Kaya’t huwag ipagtaka ng mga taga-Visayasa region kung ‘kangkungan’ ang final destination ni Congressman T sa 2010 election dahil malabo itong tanggapin ng oposisyon kapag sinibak sa administration bloc.(www.mgakurimaw.blogspot.com)

sept 29 2008 abante tonite issue

	Ex-Palace official natangayan ng P30M
	(Rey Marfil)
Sakto sa isang dating opisyal ng Malacañang ang kasabihang ‘tuso man ang matsing, napaglala­ngan din’ matapos maisahan ng kanyang adviser at matangayan ng humigit-kumulang sa P30 mil­yon noong nakaraang kam­panya. Kung anong gulang sa pera ni ex-Palace official, hindi ito umubra sa inarkilang adviser dahil matagal nang niyayari ang mga pondong nakalaan sa ‘special ope­ration’ subalit wala naman ginagawang aksyon ang una, maliban sa puro reklamo at pagmamarakulyo sa harap ng mga kaibigan kapag nagkakainuman. Sa report na nakalap ng TONITE Spy, paulit-ulit na ikinukuwento ni ex-Palace official ang panloloko ng kanyang adviser, partikular ang panraraket at pag-tongpats sa mga ini-isponsorang ‘special operations’, maging ang campaign fund na ibinibigay sa mga kaibi­gang pulitiko. Ang pinakamalupit sa lahat, isang local officials sa Minda­nao region ang nag­reklamo at nagsumbong kay ex-Pa­lace official matapos madis­kubre nitong P5 mil­yon ang ipina­dalang kontribusyon su­balit P250 libo lamang ang nai-deli­ver at ibinigay ng kanyang adviser noong nakaraang kampanya. Sa tindi ng pagkapikon ng isang local official sa pag-aakalang barya lamang ang campaign contributions ni ex-Palace, ipinasoli ang P250,000 at ikinagulat ng magtu­ngo sa Maynila para kausapin ang kaibigan nang malaman nitong P5 mil­yon ang original campaign fund na ipinadaan sa adviser nito. Maliban sa isang local official ng Mindanao, marami pang kapartido at kaibigan ni ex-Pa­lace official ang nagreklamo dahil kakapiranggot ang nakuhang campaign fund at huli ng lahat ng ma­diskubreng ‘tinaga’ ng sari­ling adviser ng ka­nilang amo ang pondo ng mga ito. Clue: Lider ng isang kilalang militanteng grupo ang adviser ni ex-pa­lace official. Ito’y nakisawsaw sa press confe­rence kaya’t nasampolan ng isang kolumnista habang saksakan ng tulis sa tsiks si ex-Palace official. Abangan ang iba pang pakikipagsapalaran ng kanyang adviser. (www.mgakurimaw.blogspot.com

sept 27 2008 abante tonite issue

	Kabit ng ex-official, ibinugaw ng anak sa labas
	(Rey Marfil)
Sa kabila ng ginawang ‘pangba-baboy’ sa kanilang tahanan, hindi pa rin maitago ang pagiging martir ng misis ng kilalang ex-Palace official matapos bumalik ng bahay, sa ngalan ng pagmamahal sa kanyang pamilya at pangambang masira ang reputasyon ng mga anak. Ang pinakamasakit lamang sa lahat, isa sa ‘anak sa labas’ ng kilalang ex-Palace official o ‘love child’ sa ibang babae ang tumayong bugaw para makilala ng kanyang ama ang bagong karelasyong bebot, sa katauhan ng isang bar flanker na tumatayong legal counsel at taga-pagsalita nito. Nakapasok sa kampo ng kilalang ex-Palace official ang bagong karelasyong bebot dahil sa impluwensya ng kanyang “anak sa labas” at mabilis din tinanggap sa trabaho dahil natipuhan lalo pa’t kahawig ng ilan sa mga naikama nito. Sa report na nakalap ng TONITE Spy, malapit sa isa sa mga “anak sa labas” ng kilalang ex-Palace official ang bagong karelasyon nito, as in mismong “love child” mula sa dating sexy star ang nagbitbit sa bebot at nagpakilala sa kanyang ama para irekomendang legal counsel at spokesperson. Bagama’t hindi lite­ral na “ibinugaw” ang bagong karelasyong bebot, walang ibang sinisisi ang mga lehitimong anak o legitimate children ni ex-Palace official kundi ang “kapatid sa labas” dahil nakaiwas sana sa ganitong eskandalo ang kanilang ama kundi pinakilala at ipinagpilitang gawing legal counsel at tagapagsalita ng kanilang pamilya ang kabit nito. Maging lehitimong asawa ng kilalang ex-Palace official, hindi maitago ang sama ng loob sa kanyang step-son dahil dalawang beses nang pinagtaksilan ng mag-ina at ngayo’y nagawa pang ‘babuyin’ ng kanilang ama ang sariling teritoryo nito. Kahit isinusumpa ang ginawang pagtataksil at pang­ba-baboy ng mister at inarkilang tauhan sa kanilang tahanan, napilitan pa rin magbalik-bahay ang misis ng kilalang ex-Palace official, alinsunod sa payo ng mga kaibigan at panghihimok ng mga kapamilya dahil maapektuhan ang imahe ng mga lehitimong anak. Clue: Kung pagiging martir at kabaitan ang pag-uusapan, puwedeng ihanay sa mga bayaning nagbuwis ng buhay ang misis ni ex-Palace official habang ang step-son na nagbugaw sa bagong karelasyon ng kanyang ama, ito’y kamukha ng komedyanteng nagtitinda ng balut. Abangan ang iba pang kaganapan. (www.mgakurimaw.blogspot.com)

sept 26 2008 abante tonite issue

Dyowa ng ex-official, Bar flanker!

Mas matindi pang insulto ang naramdaman ngayon ng misis ng isang dating official ng Malacañang, hindi dahil sa ipinagpalit sa batambatang bebot ng kanyang mister kundi row four ito. Ang rason, nadiskubre ni Mang Teban na tatlong beses bumagsak sa bar examination, as in Bar flanker ang bagong karelasyong bebot ng ex-official na naunang inabandona ng kanyang misis. Sa tindi ng ambisyon sa buhay, nagawang iwanan ng karelasyong bebot ng ex-official ang dating propesyon dahil sa kabiguang sumikat at kawalan ng tsansang mabigyan ng break ng kanilang kumpanya. Hindi naman ikinagulat ng mga miron sa Greenhills San Juan kung naunsyami ang pagsikat ng karelasyong bebot ng ex-official matapos madiskubreng row four sa klase, patunay ang tatlong beses bumagsak sa Bar examination. Ang nakakasuka lamang, umaastang abogada ang bebot sa harap ng media, maging publiko, as in nagpi-feeling chief legal counsel o spokesperson ng karelasyong amo. Hindi sumikat sa isang giant broadcast network ang bebot kaya’t nakapag-isip ng ibang diskarte para kumita at magkaroon ng pangalan, sa pamamagitan ng pag-aktong spokesperson ng ex-official. Katulad ng kanyang ninanais, natupad ang lahat ng pinangarap ng bebot dahil tuluyang ‘ikinama’ at binigyan ng mga malalaking perks at monthly benefits ng ex-official, kapalit ang pagiging lehitimong kabit nito. Pintahan n’yo na: Nawala sa himpapawid ang bebot at biglaang lumutang bilang spokesperson ng kilalang ex-official subalit ngayo’y nahaharap sa matinding eskandalo dahil pinatulan ang kanyang amo kaya’t inabandona ng misis nito. Ang ex-official ay nagbabalak pang makabalik sa poder kaya’t ikot nang ikot.

sept 25 2008 abante tonite issue

	Nagkatalo sa ebidensya!
	Rey Marfil
Tamang huwag patulan ni opposition Senator Panfilo ‘Ping’ Lacson ang ‘pagkakahol’ ng katukayo ni Joselito Ca­yetano -- ito’y pang-divert lamang sa P200 milyong ‘tongpats’ ng C-5 Road project at hindi naman kasali sa double insertion para pansinin sa floor. Iyan ang pagkakamali ng kanyang Tito Mike Arroyo noong 2007 election kaya’t nakakuha ng simpatiya sa publiko kahit malinaw ang ‘pagkagat’ sa leeg nito. Mantakin n’yo, ‘tamang-bente’ na si Lacson, tapos papatol sa ‘bengkong’, as in isang sentimong butas, aba’y napakalaking sugal nga naman ito. Kahit itanong n’yo pa kay birthday boy at Tempo reporter Rolly Carandang. Hindi ba’t ‘watusi’ ang pagkakalarawan ng anak ni dating senador Renato Cayetano na nasangkot sa P80 bilyong BW Resource scandal sa privilege speech ni Lacson, bakit ngayo’y natataranta at kontodo-depensa kay Senate President Manny Villar? Ibig sabihin, kumakalat at nagmamarka sa kalsada ang watusi ni Lacson? Sa sobrang likot sa pulitika ni Boy Watusi, baka malingat sa pagbabantay si Senadora Pia Cayetano at makaligtaang ‘dangerous’ ang watusi, eh napaka-busy pa naman sa pagbibisekleta at foreign trip ni Ate Pia, pinakahuli ang one-week sa US. Kaya’t huwag ipagtaka ni Aling Matet kung makalunok at malason ng watusi si Alan Peter! In fairness kay Alan Peter, ito’y napakahusay dumepensa at walang binatbat si ex-Cavite Congressman Gilbert Remulla bilang spokesman ng Nacionalista, aba’y kung gumawa ng script sa media, animo’y nilukuban ng espiritu nina DOJ Secretary Raul Gonzalez at Atty. Jess Santos kung magsalita. Kung pinatulan ni Lacson ang ‘pagkakahol’ sa floor ni Alan Peter na kanyang iti­nuring bilang nakakabatang kapatid at anak sa panahon ng kampanya -- sa malamang panalo si Villar sa laban. Iyon nga lang, mas advanced mag-isip ang isang pulis at magaling maghanap ng ebidensya sa crime scene. *** Napag-usapan ang ebidensya, sapul si Senador Joker Arroyo sa August 17, 1998 records na nakalkal ni Lacson sa Lower House, aba’y wala sa kalingkingan ang double insertion sa 2008 national budget, as in ‘talagang barya’ ang P200 milyon sa P3 bilyong nautang ng kumpanya ni SP. Huwag nating pag-usapan ang laman ng naunang expose ni Lolo Joker laban kay Villar dahil lumabas naman sa iilang pahayagan. Ang nakaligtaan ni Lolo Joker, evi­dence gathering ang expertise ng mga pulis kaya’t mala­king pagkakamali ang katagang ‘We’re not policemen here’. Ang biro ni birthday boy Senator Ramon ‘Bong’ Revilla Jr. pagkatapos ng 2nd privilege speech ni Lacson noong Lunes ‘Kaya’t huwag silang luluku-loko sa akin, iba magalit ang mga Caviteño’. Ewan lang kung uubra kay Lani Meracado ang litanya ni Birthday Boy? Kapag binalikan ang makapal na talumpati ni Lolo Joker noong 1998 sa Kongreso matapos matalong House Speaker ni Villar, lumalatay sa kaibuturan ng dibdib ng buong pamil­ya ni Villar ang mga hagupit ni Lolo Joker, katulad ang paglabag sa Konstitusyon, anti-Graft Law at conflict of inte­rest. Kaya’t maraming nagtaasan ng kilay nang buuin nina Villar, Lolo Joker, NEDA Sec. Ralph Recto, Francis ‘Mr. Noted’ Pangilinan at Vice President Noli De Castro Jr., ang ‘Wednesday Group’ noong 2001. Ang unang tanong ng mga kurimaw: Paanong magkakasundo sina Lolo Joker at Villar, eh nagka-upakan sa Kongreso at malalim ang iniwang su­gat nang agawin kay dating Pangulong Joseph ‘Erap’ Estrada ang bendisyon bilang House Speaker. Ang boypren ni Korina Sanchez -- si Senador Manuel Roxas II ang buhay na saksi kung paano dinurog ni Lolo Jo­ker sa plenary hall si Villar, kabilang ang kahilingang imbestigahan ng ‘Committee of the Whole’, katulad ng panawagan ngayon ng Solid 8 sa double insertion. Take note: Si Roxas ang nakaupong House Majority leader noong 1998, alinsunod sa kagustuhan ni Erap, hindi ng mga kapartido o mayorya ng Kongreso. Ang rason: Hindi rin magkasundo sina Roxas at Villar kahit sa panahong magkasama sa Lower House. Mismong si Roxas, inaming tinanggap ang pagiging majority leader nang lingid sa kanyang kaalaman na si Villar ang mauupong House Speaker dahil naunang naipangako ni Erap kay Lolo Joker ito. Ngayon, sinong dumi-depensa kay Villar, hindi ba’t ang taong inagawan ng trono sa Kongreso at nag-akusa ng corruption? Ika nga ni Cong. Ompong Plaza sa kainitan ng 1st impeachment ni Mrs. Arroyo “What kind of Congress is this?”(www.mgakurimaw.blogspot.com)

sept 24 2008 abante tonite issue

	Ex-official inabandona ni esmi
	(Rey Marfil)
yon, sa simbahan din ang tuloy’, nauwi sa hiwalayan ang pagsasama ng dalawang dating opisyal at tinitingalang personalidad sa larangan ng pulitika. Ang rason, hindi kinaya ng misis ni ex-official ang lantarang pambabae ng kanyang mister kung kaya’t tuluyang inabandona gayong nagpakamartir sa napakahabang panahon at nilunok ang pride kahit harap-harapang nangangaliwa ito. Sa report na nakalap ng TONITE Spy, naubos ang pasensya ng misis ni ex-official na isa rin dating opisyal ng pamahalaan, kasunod ang pagkakadiskubreng ginawang ‘love nest’ ng kanyang mister ang kanilang bahay. Ang pinakamasakit sa panig ng misis ni ex-official, sariling tauhan ang kinalantari o bagong ‘toy doll’ ng kanyang mister, sa katauhan ng isang batambatang abogada na nagsisilbing legal counsel ng kanilang pamilya. Bago nagkabistuhan, lumabas ng Pilipinas at nagbakasyon ng Europa ang misis ni ex-official para samahan ang kanyang anak na bagong kasal, as in isinama sa biyahe para mag-relaks habang nagha-honeymoon ang mag-asawa. Katulad ng kasabihang ‘habang wala ang pusa, naglalaro ang mga daga’, gumawa ng milagro ang ex-official habang nakabakasyon sa Europa ang kanyang misis at nagawang ‘maglaro ng apoy’ sa sariling tahanan ng mga ito. Lingid sa kaalaman ni ex-official, maraming ‘naitanim’ na spy ang kanyang misis sa kanilang bahay at mabilis nakarating sa Europa ang paglalaro ng apoy ng kanyang mister kaya’t detalyado ang lahat ng mga ginawang kabulastugan ng kanyang esposo at abogadang nagsisilbing legal counsel ng kanilang pamilya. Sa mahabang panahon, hindi pumalag at nakipaghiwalay ang misis ng ex-official kahit harap-harapan ang pagtataksil at pambabae ng kanyang mister subalit hindi matanggap na ‘nababoy’ ang kanilang bahay dahil isa sa kuwarto ang naging saksi sa pagtataksil ng magkalaguyo. Makaraan ang pagbakasyon sa Europa, hindi nagawa pang bumalik sa kanilang bahay ang misis ni ex-official at ipinag-utos sa mga katulong na iimpake ang mga kagamitan kung saan dumiretso sa bahay ng babaing anak at halos isang buwan nang nakikitira rito. Sa unang tingin, hindi makabasag pinggan ang abogada na bagong karelasyon ng ex-official, katulad ng imaheng ipinu-project sa publiko at national television, maging sa mga press statement na ibinibigay sa media subalit ‘bumigay’ sa kanyang amo dahil sa mga binitawang pangako. Clue: Hindi gaanong sumikat ang bagong karelasyon ng ex-official sa dating propesyong pinasukan kung saan nag-resign matapos makapasa sa bar exam at mabilis ding ‘pinirata’ bilang legal counsel ng ex-official. Kung sino ang ex-official at misis na dating opisyal ng pamahalaan, abangan ang susunod na kabanata. (www.mgakurimaw.blogspot.com)

sept 23 2008 abante tonite issue

	‘Nangamoy-singit’ ang utol ni BW!!
	Rey Marfil
Sa isang demokrasyang gobyerno, maganda ang papel ng militanteng grupo subalit kailangang maingat sa bawat isyu, katulad ng alegasyong nagkaroon ng iregularidad sa mga proyektong pang-agrikultura na pinopondohan ng gobyerno -- ang municipal agricultural officers (MAOs). Mantakin n’yo, kung anu-anong pag-atake kay Department of Agriculture (DA) Secretary Arthur Yap ang isinigaw ng grupo, iyon pala’y ‘na-Joey De Leon’, as in Wow Mali ang mga ito. Kahit itanong n’yo pa sa tinaguriang ‘B1 at B2’ ng Agriculture-sina Undersecretary Bernie Fondevilla at Berna Romulo-Puyat na napakasipag magbungkal ng lupa? Kapag sinuri ang Commission on Audit (COA) report, napaka- misleading ng mga akusasyon kay Yap at lahat ng isyung ipinupukol sa gabinete, ito’y nasagot ng komisyon. Ni sa panaginip, ayokong isiping natutulog sa pansitan at puro pagbubulakbol sa klase ang miyembro ng militanteng grupo, aba’y nakaligtaang wala nang kontrol ang national government sa MAOs, alinsunod sa Local Government Code, maging ang pagbuo ni Yap ng fact finding team para masampahan ng kaso ang mga tiwaling tauhan. Ibig sabihin, inilipat sa local government units (LGUs) ang pamamahala sa mga serbisyong pang-agrikultura, pangkalusugan at iba pang pangunahing serbisyo na naglalayong isulong ang tunay na local autonomy. Kundi nagkakamali ang Spy, mismong si Yap ang umangal at pumuna sa naunang paglilipat ng kapangyarihan sa LGUs lalo pa’t apektado ang rice self-sufficiency program ng departamento. Take note: Ilan buwang nilalakad ni Yap ang pagdi-detail ng mga MAO sa Regional Field Units (RFUs), sa pamamagitan ng Memorandum of Agreement (MOA) ng League of Provinces of the Philippines (LPP) at Department of Agriculture. Ang reklamo ni Yap -- ito’y ‘heneral na walang sundalo’ dahil nakatali ang kanyang mga kamay sa proyekto at kontrolado ng LGUs. Kaya’t maling puno ang tinatahulan ng militanteng grupo! *** Kung maling puno ang ‘tinatahulan’ ng militanteng grupo, mas mahusay mang-amoy ni Boy Watusi sa ‘tongpats scandal’. Ni sa panaginip, ayokong isiping konektado sa multi-bilyon pisong insertion ng ex-wife ni Atty. Ariben Sebastian -- si Juliana Pilar ‘Pia’ Cayetano ang ‘pagkakahol’ ni Alan Peter Cayetano at pag-aktong spokesman ni Senate President Manny Villar Jr. Mantakin n’yo, hindi pa man nakakabalik ng Pilipinas mula sa isang linggong biyahe sa Estados Unidos, kaagad ‘pumutak’ sa P2 bilyong ‘insertion’ ang utol ni Boy Watusi, maliban kung ‘nangangamoy-singit’ din ito? Ika nga ni opposition senator Panfilo ‘Ping’ Lacson sa kanyang 11-page privilege speech noong September 15 -- ‘kung sinong pumiyok, siyang nangitlog’! Sa kaalaman ng sambayanang Pilipino: tanging P1.19 bilyon ang nakalaan sa Family Health at Family Planning ng Department of Health (DOH) noong 2008 subalit itinaas sa P1.514 bilyon habang P137.4 milyon ang formulation ng polisiya sa mga ospital at health facilities kaya’t nauwi sa P237.4 milyon ito, alinsunod sa insertion ni Mam Pia. Ang pinakamalaking ‘additional funding’ ng utol ni Alan Peter- ang P1.5 bilyon sa Philippine Nurses Act at Magna Carta of Public Health Workers gayong ‘zero budget’ ang original copy nito. Anyway, sakto kay Alan Peter ang pagiging Boy Watusi, aba’y ka-initial ang P80 milyong BW Resources scandal ng namayapang amang si senador Renato ‘Companero’ Cayetano. Balikan natin ang insertion, tinabla ng Department of Budget and Management (DBM) Secretary Rolando Andaya Jr., ang P1.5 bilyong isiningit ni Pia Cayetano sa 2008 national budget, kinapapalooban ng P1.01 bilyon sa Magna Carta for Public Health Workers at P586.4 milyon sa Philippine Nurse Act. Ika nga ng mga nagtitinda ng balot at penoy sa Pateros, hindi kailangan graduate ng University of the Philippines (UP) para maintindihan na walang inilaang budget si Andaya, as in hindi kasali sa isinumiteng General Appropriation Act (GAA) ang ‘addition funding’ ng kanyang sister. Ang tanong ni Aling Matet habang nanood ng pelikulang ‘Halimaw sa Banga’: Hindi kaya natatakot si Boy Watusi na maresbakan ang kanilang family kaya’t ‘nagpuputak’ sa P200 milyong tongpats o double insertion ng C-5 Road project, maliban kung feeling-inahing manok kahit roaster ang category kay Saint Peter? (www.mgakurimaw.blogspot.com)

sept 23 2008 abante tonite issue

	Magdyowang solon, nagtampisaw sa US
	(Rey Marfil)
‘Kung naglalaro ang mga daga habang wala ang pusa’, ibang kasabihan ang pinaniwalaan ng magdyowang mambabatas dahil nagawa pang maglaro ng apoy habang nasusunog ang kanilang bahay, patunay ang pagtatampisaw sa kasalanan. Sa halip mairita, natawa ang naglipanang kurimaw sa session hall at hallway sa pangunguna ng TONITE Spy matapos madiskubreng nag-abroad ang magkarelasyong mambabatas sa harap ng kaguluhang nagaganap sa kanilang ‘bahay’. Ang nakakatawa sa lahat, nagkunyari pang magkahiwalay ng biyahe ang magdyowa kung saan pinalabas sa kanilang magkahiwalay na press release ang pagdalo sa malaking gathering sa labas ng bansa. Maliban dito, hiwalay din ang flight ng mag-dyowang solon palabas ng Pilipinas, ilang linggo ang nakakaraan kung saan magkaibang destinasyon ang na­ka­lagay sa kanilang itinerary upang makaiwas sa intriga lalo pa’t sabay nawala. Lingid sa kaalaman ng publiko, iisang venue lamang ang pupuntahan ng magdyowa at lumalabas pang ginawang ‘tapayan’ ang malaking event sa Estados Unidos para masarili ang isa’t isa at makapagtampisaw sa kasalanan. Taliwas sa gustong palabasin ng magdyowa na magkaiba ang kanilang pakay at biyahe, malinaw sa kanilang itinerary na magkalapit lamang ang final destination ng mga ito, as in ‘yellow cab’ lamang ang katapat para magkita ang dalawa sa Amerika. Makaraan ang pagdalo sa iba’t ibang political gathe­rings at imbitasyon ng Filipino community, nadiskubreng magkasama sa Amerika ang magdyowang solon sa buong trip, kasama ang kanilang mga pinagkakatiwalaang alalay at nagkahiwalay lamang nang pauwi sa Pilipinas matapos mag-iba ng flight ang mga ito. Bagama’t hiwalay ang lady solon sa kayang mister, katulad ng matandang solon na ginagawang palamuti at dekorasyon sa mga political gatherings at media event ang kanyang misis dahil hindi na nagsisiping, maituturing pa rin legal ang kanilang marriage dahil walang annulment na isinampa at wala rin diborsyo sa Pilipinas. Clue: Mataas ang pangarap ng lady solon, katulad din ng karelasyong matandang solon subalit parehong luhaan noong 2004 dahil nagkamali ng desisyon. Kung kongresita o senador, abangan sa 2010 national election ang magkarelasyon lalo pa’t magkaiba ang kanilang organisasyon. (www.mgakurimaw.blogspot.com).

sept 22 008 abante tonite issue

	Solon may karelasyong konsehal
	(Rey Marfil)
Bagama’t matagal nang natapos ang bilangan at panibagong eleksyon ang nakaumang sa 2010, hindi pa rin ‘namamatay’ ang isyung ‘AC-DC’ ang isang solon, hindi lamang sa pera kundi sa pakikipagrelasyon matapos masangkot sa isang konsehal na kapareho ang kasarian nito. Sa report na nakalap ng TONITE Spy, hindi lamang kalaban sa pulitika ng solon ang nagsasabing ‘dual citizenship’ ang mambabatas, as in ‘half Filipino at half Filipina’ dahil mismong constituents at alkalde sa kanilang bayan ang nagkukumpirmang ‘nagkukulay berde’ ang dugo nito. Nang tumakbo sa higher position ang solon, isang isyung ikinakabit ng mga kalaban sa Malacañang ang pagiging ‘double blade’, as in nagtataglay ng dalawang kasarian ang mambabatas subalit hindi nagtagumpay sa paghahanap ng ebidensya ang mga ito. Makalipas ang ilang taon, buhay pa rin ang isyung ‘silahista’ at ‘tsikboy’ ang solon, as in puwede sa tsiks at boy kung saan walang ibang itinuturong karelasyon kundi ang staff na dating konsehal. Sa panahong ‘nag-traydor’ ang solon at ‘kinagat’ ang mga taong kumupkop sa pamamagitan ng mga dispalinghadog expose, halos lahat ng butas sa kanyang pagkatao’y sinilip ng Malacañang, kabilang ang ‘special operation’ para kunan ng litratong kaulayaw ang lalaking karelasyon. Hindi nagtagumpay noong nakaraang eleksyon ang mga kalaban ng solon na makunan ng litratong kayakap ang lalaking karelasyon subalit muling nabuhay ang isyu at direktang itinuturo ang dating konsehal bilang ‘papah’ ng mambabatas. Dati-rati’y walang imahe ang lalaking itinuturong ‘lover’ ng solon, maliban sa alegasyong nagtatrabaho sa isang sangay ng hudikatura kung kaya’t walang napala ang mga kalaban. Bagama’t chief of staff (COS) ang katungkulan sa opisina ng solon, mistulang personal secretary kung umasta ang dating konsehal dahil kasama sa lahat ng ‘lakaran’ at daig pang lehitimong misis ng mambabatas at sobrang ‘sweet’ ng dalawa na sabay pang kumakain ng tanghalian. Clue: Hindi matatawaran ang tapang ng solon kung apog ang pag-uusapan. Ito’y numero unong balimbing at taksil sa kaibigan. Kung senador o kongresista, aba­ngan kung sino ang susunod na kakagatin ng mambabatas kapag wala nang butong maibigay ang nagpapakain sa kanya.(www.mgakurimaw.blogspot.com)

sept 18 2008 abante tonite issue

	Ex-official dinadaga sa road scam
	(Rey Marfil)
Sa harap ng gulong nilikha sa P200 milyong ‘tongpats’ sa C-5 road project, matinding daga sa dibdib ngayon ang nararamdaman ng isang dating mataas na opisyal ng pamahalaan. Sa report na nakalap ng TONITE Spy, hindi kasinglaki ng bubuwit ang nagpapalipat-lipat sa katawan ng isang dating opisyal bagkus kasinglaki ni Garfield ang daga sa dibdib ng kumag, as in kinakabahan sa posibleng pagkakadawit sa kanyang pangalan. Ang rason, mismong dating opisyal ng Malacañang ang mastermind o promotor kung bakit siksik, liglig at umaapaw ang ‘tongpats’ sa road project sa C-5 na naeskandalo ang double entry sa 2008 budget. Sa panahong namamayagpag sa kapangyarihan ang dating opisyal naganap ang multi bilyong ‘tongpats’ sa proyekto, patunay ang pagbabayad ng napakalaking ‘right of way’ sa isang maimpluwensyang grupo. Kung P200M ang nabistong double entry sa 2008 national budget, ito’y barya lamang sa P1 bilyong ibinayad ng dating opisyal ng Malacañang sa lider ng maimpluwensyang grupo. Mismong dating opisyal ng Malacañang ang nagpalusot sa mga ‘tongpats’ ng ‘right of way’ kung saan hindi lamang doble ang presyo o ibinayad kundi triple ang siningil at ibinayad sa gobyerno. Bagama’t P5 libo lamang ang value kada metriko kuwadrado ng lupa, napag-alamang pumayag ang dating opisyal na ‘tongpats’ hanggang P15 libo ang bentahan dahil sa special request o kadupangan sa pera ng lider ng maimpluwensyang grupo. Humigit kumulang sa P2 bilyon ang ibinayad sa ‘right of way’ ng dating opisyal sa lider ng maimpluwensyang grupo kung kaya’t natatakot itong masabit sa eskandalo o mabanggit sa road project na iniimbestigahan ng Senado. Sa ngayon, kung sinu-sinong senador ang kinakausap ng dating opisyal ng Malacañang upang marendahan ang imbestigasyon sa upper house, patunay ang telephone brigade sa mga mambabatas. Clue: Idinadaan sa papunas-punas ng panyo at pagbili ng itlog ang raket ng isang lider ng maimpluwensyang grupo kung kaya’t siksik, liglig at umaapaw ang bulsa nito. Habang nangangarap pa rin makabalik sa poder ang dating opisyal. (www.mgakurimaw.blogspot.com)

sept 18 2008 abante tonite issue

	Si Boy Watusi!
	Rey Marfil
May anomalya o wala, ‘two things’ kung bakit dumikit kay Senate President Manny Villar ang P200 milyong ‘tongpats’ o double entry sa C-5 Road project na nasilip ni opposition Senator Ping Lacson sa 2008 national budget -- ito’y epekto ng ‘mishandling’ sa press conference noong September 9 (Martes) at matinding pagkapikon sa mga pag-atake ng boypren ni Senator Mar Roxas sa dzMM. Ang resulta: hindi lang putok sa kanang kilay ang natikman ni Villar bago pa man naganap ang showdown noong September 15 (Lunes) kundi bugbog-sarado sa radio program ni Korina Sanchez. Mabuti na lang, protektado ng majority bloc kundi na-knock out sa 1st round. In fairness kay Villar, sadyang nakakainsulto ang pag-atake ni Ate Koring sa dzMM at maaaring naipon lahat ng nararamdamang galit kaya’t sumambulat sa press confe­rence. Mantakin n’yo, pati pagtatago sa ibang saya ni Roxas, napagdiskitahan ni Villar sa sobrang galit. Ang talo lang ni Villar, ito’y walang radio program at hindi lamang taga-Farmers Market ang nakikinig, as in maramin­g listener ang girlfriend ni Mr. Palengke. Kahit napakala­king ‘kabawasan’ kay Roxas ang pagtatalak ni Ate Ko­ring sa hanay ng mga intellectual voters, abot-lalawigan pa rin ang airwaves ng dzMM. Ang pinakamalaking problema ngayon ng mister ni Las Piñas Cong. Cynthia Villar kung paano lilinisin ang kanyang imahe kahit inirarasong ‘human error’ ni Senador Juan Ponce Enrile ang pagpapasingit sa P200-mil­yong C-5 Road project, siguradong nakadikit hanggang 2010 ang katagang ‘singit at taga’. Sa madaling salita, hindi dapat humaba ang isyu at lumawak ang eskandalo sa ‘double entry’ kung kaagad inamin ng Office of the Senate President (OSP) ang pagkakamali. Ang tanong lamang ng mga kurimaw: kung si Villar ang nagpa-insert, bakit nawawala sa eksena si Lolo Johnny gayong chairman ng finance committee, maliban kung naghahangad ng Senate Presidency? *** Napag-usapan ang mishandling, isa pang pagkakamali ni Villar ang ‘pagkakahol’ ni Alan Peter sa ‘double entry’ gayong wala namang buntot para matapakan ni Lacson, maliban kung imaginary at invisible ang paghaba ng kanyang tail? Mantakin n’yo, inilarawang ‘watusi’ ng katukayo ni Joselito Cayetano ang privilege speech ni Lacson. Ang tanong tuloy ng alagang aso ni Aling Matet, ‘Nagpalit na ba ng spokesman si First Gentleman Mike Arroyo sa katauhan ni Alan Peter?’ Aba’y balikan ang Jose Pidal scandal, hindi ba’t ‘supot na kuwitis’ ang paglalarawan ni Atty. Jesus ‘Jess’ Santos sa exposé ni Lacson kaya’t nabiyayaan ng silya sa GSIS? Hindi lang iyan, sukdulan hanggang Amerika ang pagkapikon ni Alan Peter sa katagang ‘Ang unang pumiyok, ang siyang nangitlog’, isama natin ang round trip sa Europa, pamamasyal sa Nile River hanggang pagtawid ng Pasig River sa panahong nagmamano kina Mrs. Arroyo at ‘Tito Mike’ ang tawag kay First Gentleman na si Boy Watusi. Teka lang, kailan pa naging manok si Cayetano, maliban kung hawak ang ‘susi’ ng C-5 Road kaya’t napaka-affected sa isyu at nagpapanggap itong katukayo ni San Pedro o kaya’y nainsulto dahil ‘kahol’ ang alam nito? Sabagay, ano nga naman ang aasahan kay Boy Watusi kung mismong amang si Senador Renato Cayetano na-ethics committee, as in naimbestigahan ng Senado sa P80 milyong BW Resources scandal. Sinadya o hindi, parehong ‘abogado at pinagpala’ ang given name nina Alan Peter Cayetano at Atty. Jesus Santos. Ang pagkakaiba lang, mas mahusay mag-isip ng pangbaterya ang makatang si Atty. Jess kumpara sa little brother ni Pia Cayetano dahil ‘minor injuries’ lamang ang tama ng kuwitis, katulad ng sugat at matusok ng stick. Ang nakaligtaan ni Alan Peter, nag-iiwan ng marka sa semento ang watusi at nakakamatay kapag nakain. Higit sa lahat, paitaas ang takbo ng kuwitis habang kumakalat ang watusi kapag sinindihan at ikiniskis sa pader. Kaya’t huwag ipagtaka kung lumawak ang eskandalo sa double entry at magmarka o makalason hanggang 2010, katulad ng watusi. (www.mgakurimaw.blogspot.com)

sept 17 2008 abante tonite issue

	Senador napaglaruan ng magkumpare
	(Rey Marfil)
Katulad ng kasabihang ‘tuso man ang matsing, napag­lalalangan din’, nalansi at naisahan ng magkumpareng senador ang isang kampon ni Pangulong Gloria Macapagal-Arroyo sa ginagawang ‘pagpuputok ng butse’ sa loob ng session hall. Hindi maiwasang pagtawanan ng mga naglipanang kurimaw sa Upper House, sa pangunguna ng TONITE Spy ang pagkakalansi ng magkumpareng senador sa isang administration senator para tumigil sa kapuputak at pag-iingay tungkol sa nakabinbing mosyon bilang depensa sa ka-tropa nito. Nang magkainitan kung sino ang legal na tatayo sa floor, nauwi sa sigawan ang mga magkakatunggaling solon kung kaya’t kaagad sinuspendi ng presiding Senate President ang sesyon upang pakalmahin ang mga ito. Sa puntong ito, napakinabangan ang husay ng isa sa kampon ni Mrs. Arroyo kahit paulit-ulit na kinukuwestyon ang kapasidad bilang senador matapos umaktong ‘reperi’ sa gulo at matagumpay nitong napahupa ang tensyon. Isa-isang hinimas ng kampon ni Mrs. Arroyo ang magkakatungga­ling senador kung kaya’t muling nag-resume ang session, makalipas ang humigit-kumulang tatlumpong minuto. Taliwas sa inaasahan ng lahat, biglaang tumayo ang administration senator at nagmarakulyo kung kaya’t muling sinuspendi ang sesyon, kasabay rin ang paglapit ng kampon ni Mrs. Arroyo para rendahan at pakiusapang huwag nang magsalita dahil nakaiskedyul mag-adjourned. Higit sa lahat, napaniwala ng kampon ni Mrs. Arroyo ang administration senator na ‘nakaisa’ o naka-puntos sa opposition senator kaya’t hindi kailangan pang rumesbak dahil kapag nasobrahan ang pagmamarakulyo sa floor, ito’y posibleng masilat at mapasama sa publiko. Lingid sa kaalaman ng administration senator, magkumpare ang opposition senator at kampon ni Mrs. Arroyo, patunay ang pagiging magka-jamming sa VIP lounge, maging sa floor bago magbukas ang sesyon. Maging ang administration senator, hindi maiwasang matawa nang malaman nitong magkumpare ang dalawang kasamahan lalo pa’t paulit-ulit nitong ipinagmamalaking mahusay na ‘reperi’ ang kampon ni Mrs. Arroyo, kasabay ang pag-aming ‘naisahan’ ng dalawa. Clue: Kung walang takot ang opposition senator na labanan ang mga corrupt, kasing-tapang din sa pagta-tumbling ang kampon ni Mrs. Arroyo habang nawala ang tapang ng administration senator kapag kakampi at taga-Malacañang ng inaakusahang bad ng lipunan. (www.mgakurimaw.blogspot.com)

sept 16 008 abante tonite issue

	Aksaya-tarpaulin si Fernando!
	Rey Marfil
May isang truck driver ng Pepsi Cola na nakasagasa ng kambing at tinakbuhan ang may-ari. Makalipas ang isang minuto dumaan ang delivery truck ng Coca-Cola -- ito’y hinarang ng may-ari ng sinasagaang kambing at pilit pinagbabayad ng damages. Ang sagot ng driver, ‘Hindi po ako nakasagasa sa kambing, taga-Pepsi-Cola po iyon’. Ang rason ng may-ari ng kambing in Muslim dialect ‘Ki Pipsi-Cula o Cuca-Cula, pareho din iyon. Magkamag-anak kayo, parehu kayu ng apelyidu... Cula’. Nakakatawa pero balikan ang P200 milyong ‘tongpats’ sa C-5 Road project, ito’y inilarawang ‘barya lamang’ ng katukayo ni Joselito Cayetano para pagkainteresan ni Se­nate President Manny Villar. Alisin natin ang pangalan ni Villar at alam ng karamihan, napakaraming pera ng kanyang pamilya, as in i-concentrate ang isyu sa ‘tongpats’ o ‘double insertion’, hindi kaya tamaan ng kidlat si Alan Cayetano sa mga pinagsa­sabi sa media interview gayong anti-corruption ang campaign advocacy at isinisigaw sa entablado noong 2007 election kaya’t nanalong senador, maliban kung nabingi ang mga kurimaw sa deklarasyon nitong ‘Kahit singko o piso, basta’t may katiwalian, dapat imbestigahan?” Kung susuriing mabuti ang anti-corruption advocacy ni Alan Cayetano, ito’y walang karapatang magwalis ng ibang bakuran, aba’y sariling tahanan, hindi ba’t dinumihan ng kanyang ama? Balikan ang P80 milyong BW Resources scandal ng namayapang si ex-Senator Renato ‘Companero’ Cayeta­no, hindi ba’t laway lang ang puhunan subalit kumita ng milyones sa kumpanya ni Jaime Dichavez at umabot sa Senate committee on ethics ang kontrobersya? Ito’y pinaimbestigahan ni Cavite Cong. Boying Remulla su­balit mahusay ang pagkaka-‘washing machine’ at ‘pagkakakula’ ni Mr. Noted, as in majority leader Prancaceus Francis Pangilinan kaya’t naabsuwelto ang ama nina Alan at Pia. Sa panahong iyon, hindi pa Congressman si Bo­ying kundi spokesman ni ex-President Joseph ‘Erap’ Estrada pero ngayo’y kasama sa Nacionalista Party (NP) ni Alan. Small world ‘di ba? *** Mapa-presidential o senatorial survey, kasing-pus­yaw sa blue at pink uniform ng mga traffic enforcers ang pag-asang maging seat mate nina Mulaway at Boy Kornik sa Upper House ang ‘bayaning isinusuka ng mga vendor’ -- si MMDA chairman Bayani Fernando, aba’y ‘aksaya-pera’ lang sa pagpagawa ng mga tarpaulin at poster. Mantakin n’yo, kulelat pa rin sa 2nd quarter senatorial survey ng Social Weather Station (SWS) gayong puro mukha ang naglipana along the highway, eh hindi naman deklaradong American territory ang Pilipinas kahit nagpaka-tuta sa Kano para magkaroon ng 50 senador. Kahit itanong n’yo kay birthday boy Trevor Montojo ng Court of Appeals? Ibig sabihin, mamamaos lang ang boses ni Fernando sa sinalihang singing contest, katulad ng ‘Celebrity Duet’ sa GMA-7 subalit napakalabong umangat ng popularidad dahil mas maraming bad trip sa kanyang polisiya. At kahit magta-tumbling sa national television para mapansin, iisa pa rin ang resulta ng survey, maliban kung tatakbong barangay captain sa tabi ng Marikina River -- ito’y ‘sure hit’ dahil misis ang nakaupong alkalde. In fairness, labing-tatlong senatoriables ang hinakbangan ni Fernando sa survey mula No. 36 hanggang No. 45. Mabuti lang, isinama ng SWS sina Mayor Sonny Belmonte, GSIS President Winston Garcia, DILG Sec. Ronnie Puno, Speaker Boy Nograles at DOE Sec. Angelo Reyes, at least may tinalo si BF! Kapag pinagbatayan ang senatorial list ng SWS, napaka­laking problema ang kinakaharap ni Fernando, aba’y 19 ang kailangang sipain pababa para makapasok sa Magic 12, eh hindi naman sidewalk vendors ang mga senatoriables para magpapatadyak lamang sa mga tauhan ni Fernando. Higit sa lahat, nakapuwesto sa No. 20 si Mayor Jojo Binay kaya’t bago ma-penetrate ni Fernando ang No. 12 slot, ito’y baldado kay Rambotito, eh paano pa kung magdeklara at tumakbo si Cong. Roilo Golez, ‘di hamak naman nasa itaas ito! (www.mgakurimaw.blogspot.com)

sept 15 2008 abante tonite issue

	Senador nangangati kapag ‘di tinatamaan ng flash ng camera
	(Rey Marfil)
Katulad ng kasabihang ‘hindi nalalayo ang puno sa bunga’, may pinagmanahan kay Pangulong Gloria Macapagal-Arroyo ang isang mestisuhing kampon sa Upper House matapos tularan ang pagiging obsessed sa photo opportunity, as in photo ops. Bagama’t maagang bumababa ng session hall bago sumapit ang alas-tres ng hapon, katulad ng itinakda ni Senate President Manuel ‘Manny’ Villar Jr., nakahiligan ng mestisuhing senador ang magpa-picture sa mga bisita, animo’y nangangati ang katawan kapag walang makitang flash ng camera na nagkikislapan sa kanyang harapan at pakiramdam nito’y hindi buo ang maghapong trabaho kung walang picture-taking sa mga bisita. Nangunguna sa limang miyembro ng Upper House na tinaguriang ‘the late senator’ ang mestisuhing senador, patunay ang pinakamaraming naitalang late sa attendance report ng Senate Secretariat subalit saksakan ng ‘Reklamador’, as in inangalan ang sistema sa roll call at nagawa pang pagdudahang pinagkakaisahan ito. Taliwas sa pagdududa ng mestisuhing senador na pinagkakaisahan, walang ibang dapat sisihin kundi mismong sarili dahil paulit-ulit itong nali-late at hindi magawang baguhin ang pag-uugali sa pagdalo ng sesyon, katulad ang sobrang obsessed sa photo ops at pangangating magpakuha ng litrato sa tuwing nakakasalubong ng mga kabataang estudyante sa 2nd floor habang papasok ng session hall. Halos ilang minutong pakalat-kalat sa labas ng hallway ang mestisuhing senador at pinapatulan ang lahat ng mga estudyanteng nagpapa-picture at kung sinu-sino pang miron kung kaya’t madalas itong inaabutan ng national anthem at opening prayer. Ang malupit sa lahat, kahit nasa loob ng session hall, hindi pa rin mapigilan ng mestisuhing senador ang pangangati sa photo ops dahil pinupuntahan ang mga estudyanteng nagpapa-picture sa magkabilang gallery kaya’t kapag nagsimulang mag-roll call, pagkatapos ng national anthem at opening prayer, ito’y nasa labas pa rin ng session hall. Clue: Hindi matatawaran ang kabaitan ng mestisuhing senador subalit maraming nagtaas ng kilay kung lehitimong nanalo. Ito’y meron letrang ‘L’ sa kabuuan ng pangalan at apelyido, as in Laganap ang dayaan kaya’t nakaupo. (www.mgakurimaw.blogspot.com)

sept 11 2008 abante tonite issue

	May ‘pinagpalang-tao’ sa C5 road!
	Rey Marfil
Sa latest survey ng Pulse Asia, may petsang July 1-14, hindi pa rin nagbabago ang pulso ng publiko sa mga kampon ni Mrs. Arroyo -- ito’y walang pinag-iba sa final tally noong nakaraang 2007 mid-term election. Sa ranking ng 23-mi­yembro ng Upper House, alinsunod sa performance and trust rating, puro kampon ni Mrs. Arroyo ang nangulelat sa ranking -- sina Lito Lapid (36%), Dick Gordon (41%) Migz Zubiri (41%), Manong Johnny Enrile (44%), Lolo Joker Arroyo (44%), Kuya Gringo Honasan (44%) at Lola Miriam Defensor-Santiago (46%). Never mind si Pong Biazon (44%), ito’y magreretiro sa 2010. Ibig sabihin, ‘kiss of death’ kapag nagpaendorso sa misis ni Jose Pidal sa 2010 national election ang sinumang reeleksyunistang senador. Ang pinakamasakit sa panig ng pitong kampon ni Mrs. Arroyo, ito’y tinalo ni Sonny Trillanes (50%) sa trust ra­ting. Ika nga ni Jerome Tang, ‘partida pa iyan’ -- ito’y nakabilanggo, eh paano pa kung binigyan ng ‘passes’ patu­ngong Senado ng Supreme Court? Hindi lang iyan, namu­mukod tanging si Bong Revilla (53%) sa administration bloc ang nasa tuktok, kasama sina Chiz Escudero III (79%), Loren Legarda (78%), Mar Roxas (74%), Manny Villar, (72%), Mr. Noted Pangilinan (67%), Noynoy Aquino, Alan Cayetano (64%), Ping Lacson (63%), Jinggoy Estrada (63%), Pia Cayetano-Sebastian (61%), Nene Pimentel (57%), Jamby Madrigal (52%), Edgardo Angara (50%). Take note: 53% ang passing grade dito. *** Sa wakas, matutupad din ang pangarap ni Chavit Singson na makarating ng Senado dahil ipinatawag ni Biazon sa reward system, aba’y gustong ‘ibalato’ sa MILF members ang P25 milyong pabuya sa ulo nina Kumander Bravo at Kuman­der Umbra Kato. In fairness, maganda ang suhes­tyon ni Singson laban kina Kato at Bravo lalo pa’t ‘pera-pera’ ang laba­nan sa mga halang ang bituka. Kaya’t magkaka­alaman kung gaano kalakas ang ‘Boses ng mga taga-probinsya’ nga­yong nagkasabit-sabit si Chavit. At kahit ‘hot seat’ ang uupuan ni Lolo Chavit sa Senate, at least nakatabi nito ng upuan ang mga ‘sey-ney-tors’, ika ni ex- Comelec chairman Ben Aba­los samantalang si Water Boy Prospero Pichay, nanati­ling pa­ngarap ang maitanim sa Senado. Pakatandaan ng publiko, kahit lumalawa sa tubig ang Local Water Utilities Administration (LWUA), walang katiyakang mabubuhay ang isang tanim at kapag nasobrahan sa dilig ang petsay, ito’y mamamatay. Kaya’t mas makakabuting huwag nang pangarapin pang tumubo ni Pichay sa Upper House. Sa huling Pulse Asia survey, 16% lamang ang trust rating ni Water Boy, katabla si Mang Inton, as in GSIS chairman Winston Garcia -- ito’y napakalayo sa 21% ni Jun Lozada nagkumpirma sa ‘Sec. may 200 ka dito’. At habang may panahon, bakit hindi mag-ala Lozada keysa muling malanta sa senatorial election. Mabuti pa nga si DA Secretary Arthur Yap (23%), mas pinagkakatiwalian ng publiko kumpara kina Mrs. Arroyo (19%), Boy Nograles (22%) at Joe De Venecia (22%). Naka-half rice pa iyan! *** Walang pinag-iba sa ‘3-1 instant coffee’ ang press conference ni Villar sa P200 milyong ‘tongpats’ ng C-5 Road, aba’y tatlong presidentiables ang ‘tinuhog’ nang humarap sa Senate media. U­nang binakbakan si Lacson, kasunod ang magdyowang Mar Roxas at Ate Koring, pinakahuli si Chiz Escudero. Ang nakaka­gulat sa lahat, pati si Dick Gordon sumawsaw at nakipirma sa resolus­yon -- ito ba’y konektado sa ‘Senate coup’ o gustong madamay sa away in aid for reelection at masabing ‘Presidentiable din?’ Anyway, dedma si Roxas nang tanungin ni dzRH radio repor­ter Florante Rosales sa session hall kung siya ba ang tinutukoy ni Villar na ‘nagtatago sa ibang saya’. Katulad ng pelikulang pinagbidahan nina KC Concepcion at Richard Guttierez, ‘For the First Time’ nasaksihan ng Se­nate media kung paano namula ang tainga at napikon si Villar, pati press release ni Escudero sa performance at trust ra­ting, ito’y binaterya. Ang hindi pa alam ng publiko, eh kung sinong Pontio Pilato mula sa mala­king religious group ang makikinabang sa ibang parte ng C-5 Road extension -- ito’y hiwalay sa double entry ng P200 milyong napondohan ng Department of Budget and Management (DBM). Mantakin n’yo, P1 bilyon ang hinihinging bayad sa right of way ga­yong P390 milyon lamang ang kabuuang halaga ng proyekto. Sad­yang ‘pinagpala ang taong ito’ at posibleng magkahimala lalo pa’t ‘siksik, liglig at umaapaw’ ang pabor na nakukuha kay Mrs. Arroyo.(www.mgakurimaw.blogspot.com)

sept 10 2008 abante tonite issue

	Presidentiable nagselos sa interbyu!
	(Rey Marfil)
Kung namamalimos ng interbyu sa mga mamamahayag ang isang kunyong miyembro ng Upper House, mas malupit ang inugali ng isang presidentiable matapos pagselosan ang mga kapwa mambabatas na paboritong kunan ng sound bite. Nasaksihan ng TO­NITE Spy kung paano magselos ang presidentiable matapos makitang pinagkakaguluhan ng mga mediamen sa loob ng session hall ang ilang kasamahan habang bokya sa ambush interview ito. Bago nagbukas ang sesyon, kanya-kanyang diskarte ang mga mediamen kung sinong senador ang kukunan ng sound bite sa loob ng session hall at ‘pinakamabenta’ ang dalawang bagitong solon. Sa maikling sandaling inilagi ng mga mediamen sa loob ng session hall para maghanap ng ma-interbyu, nilalagpasan lamang sa kanyang upuan ang presidentiable. Nakaramdam ng ma­tinding inggit at selos sa katawan ang presidentiable dahil kung anong init ng mga kasama­hang mambabatas sa interbyu, ito’y bokya at luhaan sa media exposure kung kaya’t nakapag-isip ng diskarte para mapansin ng Senate reporters. Ang nakakasuka lamang, hindi nakiusap sa Senate reporters ang presi­dentiable para mainterbyu at mahingan ng komento sa mga naglalakihang headlines sa peryodiko bagkus nangonsensya ang solon, animo’y meron itinagong tape recorder at camera sa mga mamamahayag. Nang mapadaan sa kanyang upuan ang Se­nate media, sa pangunguna ng mga television reporters, diretsahang nagparinig ang presidentialbe tungkol sa ginawang ‘pagtabla’ ng mga mamamahayag, gamit ang li­tanyang ‘mahina na ako sa inyo’ subalit hindi pa rin nabola para kunan ng sound bite ito. Bagama’t hindi pa-suwelduhan ng presidentiable, mismong mamamahayag ang nahiya kung kaya’t kaagad dumepensa at inirasong ibang isyu ang itinanong sa dala­wang bagitong senador, kasabay ang paghingi ng sorry upang ipakita ang pagkadiyahe rito. Clue: Lahat ng diskarte para maiangat ang popularidad, kabilang ang pagkunyaring matapang sa mga isyu, ito’y ginagawa ng presidentiable kahit takbuhin sa mga laban. Masunurin sa ate at ina ang presidentiable, as in Mama’s Boy. (www.mgakurimaw.blogspot.com).

sept 10 008 abante tonite issue

	Dream Team: Ping-Mar!
	Rey Marfil
Sa pinakabagong Social Weather Station (SWS) survey, nakapagtala ng 52% net approval si Senate President Manny Villar Jr., sa hanay ng ‘Top 5 government officials’, malinaw din ang pagiging consistent ng mister ni Mam Cynthia sa presidential survey ng nakaraang Hulyo -- ito’y nakakuha ng 22% at kakapiranggot lamang ang abante ni Vice President Noli De Castro Jr., (26%), maging sa Pulse Asia survey, nadagdagan ng 12% gayong 9% ang huling tala nito. Kaya’t hindi nakakapagtaka ang maagang pagsiksik ni dating House Speaker Jose de Venecia Jr., aba’y mahirap nga namang mapagsarhan ng pintuan, ito’y mababasa at mauulanan sa labas ng bahay ni Villar. Malinaw ang deklarasyon ni Villar sa birthday party ng anak ng namayapang si Da King: walang urungan ang pagtakbo sa 2010. Sabagay, kahit walang makuhang ‘sponsor’ o campaign donors, barya kay Mam Cynthia ang P3 bilyon hanggang P10 bilyon at hindi kailangang galawin ang mga lupaing minana sa mga magulang sa dami ng subdivision na ipinatayo sa buong Pilipinas. Iyan ang malaking problema ng boypren ni Korina Sanchez, ito’y kailangang magpaalam sa kanyang ate at ina bago makapagbuhos ng pera. Kahit ‘rich girl’ at miyembro ng alta-sociedad ang kaibigang si Donya Consuelo, alyas Jamby Madrigal-Valade, malabong ilista sa tubig ang utang at kalokohan kundi maghahanap ng OR (official receipt) si Mam! ‘Two things’ kung bakit umangat ang popularity rating ni Villar, ito’y nakuha sa ‘Sipag at Tiyaga’, katulad ang pagtulong sa mga minaltratong overseas Filipino workers (OFWs), pagtugon sa mga nasalanta ng kalamidad, at matinding exposure sa larong billiards. Ang malaking problema ni Villar, ito’y maagang nagdeklara ng giyera sa hanay ng mga presidentiables kaya’t asahang ikakabit sa pamumulitika ang bawat galaw at aksyon. Higit sa lahat, maraming maghahangad sa pagbibitiw ni Villar bilang timon ng Upper House. *** Kung merong ‘Redeemed Team’ sa Beijing Olympics, maituturing na ‘Dream Team’ ang ‘Ping-Mar tandem’ sa 2010. Imposible subalit posibleng mangyari ang pagsasanib-puwersa nina opposition Senator Panfilo ‘Ping’ Lacson at Senador Mar Roxas II. Kung nag-iisip ng panalo at ‘long term power’ ang ina at magulang ni Mr. Palengke, maging girlfriend na si Ate Koring, bakit hindi paghandaan ang 2016? Take note: 51 years old si Roxas ngayon at kapag nanalong Vice President, ito’y 59-anyos lamang sa 2016, as in 65 years magreretiro bilang Presidente. Higit sa lahat, malabong humirit ng ‘extra-term’ si Lacson lalo pa’t 67 years old sa 2016 at merong isang salita at paninindigan, hindi katulad ng mga bolerong pulitiko kaya’t nakakasiguro ng endorsement si Mr. Palengke. Kapag natuloy ang ‘Ping-Mar tandem’ -- ito ang ‘team to beat’ at siguradong pupusta lahat ng negosyante. Hindi kailangang magpagka-praning sa demolition job at paglabas ng press releases si ex-Usec. Bobby Capco na inaakusahang adik ni ex-PCSO media consultant Robert Rivero sa Senate hearing para maiangat ang image ni Mr. Palengke. Sa ngayon, napakalaking problema ang peace and order, economy, corruption at palakasan system sa government offices. Ibig sabihin, napakadaling ibenta sina Lacson at Roxas sa botante kahit hindi magbayad ng media coverage dahil kumpleto ang ingredients upang solusyunan ang mga problemang ito. Higit sa lahat, magkatropa sa Solid 8 ang dalawa at hindi kumplikado ang pagsasanib-puwersa lalo pa’t independent si Lacson at maraming kaibigang taga-Liberal. Sa huling SWS survey, may petsang June 27-30, inokupahan ni Lacson (16%) ang No. 4 habang No. 5 si Roxas (13%) at kapag pinagsama ang kanilang puwersa, halos ga-hibla ang kalamangan ni De Castro (31%). Take note: bumababa ang rating ni Uncle Vice, maging si Loren Sinta habang umaakyat si Lacson kahit wala pang pera at hindi maagang nangangampanya sa probinsya.(www.mgakurimaw.blogspot.com)

sept 6 2008 abante tonite issue

	Senador, namalimos ng interbyu
	(Rey Marfil)
Kung anong kunat sa buhay, siya namang galante magpainterbyu ng isang kun­yong miyembro ng Upper House matapos umastang pulubi sa harap ng media para makunan ng sound bite, as in namalimos ito ng atensyon. Sa halip kaawaan, pinag­tawanan ng mga naglipanang kurimaw sa Upper House ang “pamamalimos” sa interbyu ng kunyong senador, kalakip ang hangaring maiangat ang popularidad matapos ikunsiderang presidentiable ang kumag. Nasaksihan ng TONITE Spy, kung paano namalimos ng interbyu ang kunyong senador, ilang minuto bago magbukas ang sesyon kung saan mistula itong pulubing nakatambay sa ilalim ng Quiapo underpass at ta­nging pagkakaiba lamang ng porma, ito’y naka-Amerikana at air conditioned ang puwesto. Bago magbukas ang ses­yon, naispatan ng kunyong senador ang isang lady radio reporter mula sa Kapuso network kung kaya’t kaagad nagparamdam ng interbyu ang mambabatas, gamit ang katagang “Anong balita natin ngayon?” Taliwas sa inaasahan ng kunyong senador, isang katagang “Wala po Sir” ang kasagutan ng lady radio reporter, sabay salang ng tape recorder sa ibang senador na pinagkakaguluhan ng Se­nate reporters, as in tinabla at nilampasan lamang dahil walang isyung maaaring maitanong sa mokong. Ilang segundo pa, isa naman television lady reporter mula sa “Team Kapamilya” ang napadaan sa kinatatayuan ng kunyong senador at mabilis din nagparamdam nang interbyu ang solon, kasabay ang pag-uulit sa naunang itinanong nito. Katulad ng kasagutan ng lady radio reporter, ganito rin ang nawika ng television lady reporter at nilagpasan ang kunyong senador para makisali sa mediamen na nag-interbyu sa ibang senador. Ang ikinagulat ng lady radio reporter, ito’y muling nilapitan ng kunyong senador at muling binati, kasabay ang pag-uulit sa naunang tanong, as in nagmamakaawa itong tanungin sa isyung panlipunan. Dahil magulo magbigay ng statement ang kun­yong senador at wala rin sa isyu para kausapin ng mga reporter, sablay ang pagpaparamdan sa Senate reporters, as in luhaan sa interbyu ang kumag. Higit sa lahat, ipinagbabawal ng Office of the Sergeant at Arms (OSAA) ang mga haosiao o pekeng reporter na pakalat-kalat sa hallway o gallery, o sa loob ng session hall kaya’t bokya sa interbyu ang kunyong senador. Clue: Saksakan ng kunat ang kunyong senador subalit naging galante matapos ikunsidera ang pangalan bilang isa sa presidentiable. Ito’y nakapasok sa pulitika, gamit ang isang kapamilya at meron letrang ‘C’ sa gi­ven name, as in Corn.(www.mgakurimaw.blogspot.com)

sept 4 2008///abante tonite issue

	Sino ang tunay?
	Rey Marfil
Hindi maagang nagkainitan kundi matagal nang nag-uupakan ang mister ni Las Piñas Congw. Cynthia Villar at boypren ni Ate Korina Sanchez. Ang nakakalungkot, kung kailan nagsimulang pumasok ang ‘Ber Month’, mas lalong umiinit ang banggaan nina Senate President Manuel ‘Manny’ Villar Jr., at Senador Manuel ‘Mar’ Roxas II gayong parehong ipinagpala at sumisimbulo ng kapanganakan ni Jesus Christ ang given name. Hindi lang isyu sa 2010 presidential race ang topic, aba’y tuloy ang pasiklaban kung sino ang lehitimong tambay ng palengke, maliban kung magpakilala rin kargador sa pier ni ex-Usec Bobby Capco kahit inaakusahang adik ni ex-PCSO media consultant Robert Rivero sa Senate hearing? Sa interview ni Mareng Nimfa Ravelo sa dZBB radio noong nakaraang Linggo, animo’y kakapiranggot ang paglalarawan ni Villar sa Liberal Party (LP) ni Roxas kumpara sa Nacionalista Party (NP). Sabagay, kasya sa isang bus ang buong Liberal kasi presidential chopper ang pangsundo ni ex-presidential chief of staff Mike Defensor. Ang eksaktong ‘quote’ ng mister ni Mam Cynthia ‘Well sa akin syempre mas malaki ang NP kaysa LP at mas malaki ang Kampi sa aming lahat.’ Ang resbak ni Roxas nang makausap sa cellular phone ng Spy ‘Hayaan mo siyang managinip.’ Ito’y sinundan noong Lunes sa session hall ng katagang ‘tatlo ang Ramon Magsaysay awardee’ ng Liberal.’ Ang tinutukoy ng boypren ni Ate Koring -- sina Naga Mayor Jessie Robredo, Isabela Gov. Grace Padaca, at ex-Senate President Jovy Salonga. Maging mediamen, nalito nang magbilang sa daliri kung sino ang mas maraming miyembro sa pagitan ng Liberal at Nacionalista lalo pa’t nahati sa dalawang paksyon ang itinitimon ni Roxas nang tumugtog ang ‘Hello Garci CD’ ni GMA at ilan dito’y libreng namamangka sa Ilog Pasig. Hindi ba’t napalusutan si Roxas ni ex-Cabinet secretary Silvestre ‘Yoyong’ Afable sa pagtayong legal adviser ni Atty. Camilo ‘Bong’ Montesa sa GRP-MILF peace panel gayong director general ng Liberal Party? Ang problema ni Roxas, hindi naman padamihan ng medals ang labanan sa 2010, katulad ng ipinagmamalaking ‘Ramon Magsaysay awardees’ at masyado pang malayo ang 2012 Olympic games! *** Napag-usapan ang banggaan ng dalawang Manuel, malulupit ang text messages na umikot, katulad ang mensaheng ‘This morning on dzMM, after non stop of mocking and attacking the administration, Korina ended by saying ‘Tuwang-tuwa sigurado ang mga taga-Malacañang at nagdadasal silang huwag na tayong babalik Ted (Failon). Korina, please be reminded that in 1995. GMA was the No. 1 Senator and in 1998 as Vice President. She got more votes than Erap. If you believe Mar don’t need the support of all administration people their relative, friends and allies, then you’re wrong! Mar cannot get solid opposition vote because Villar, Loren (Legarda) and Ping (Lacson). Please pass this to Mar’. Take note: hindi pa nagpa-file ng certificate of candidacy ang mga iyan pero grabe kung mag-upakan! Ang nakakatawa lang, pasiklaban din sina Villar at Roxas kung sino ang ‘original tambay’ ng palengke at isa sa nai-save ng Spy ang mensaheng ‘Galit si Korina sa kampanya ni Senator Villar na nasa palengke siya. Bakit, eh kasi si Villar talaga ay nagmula sa palengke! Si Mar kaya lang naman tinawag na Mr. Palengke kasi may-ari ng palengke ang kanilang pamilya sa Farmers’. Sabagay, ‘Ko-Recto’ ang nagpadala ng message at pangsosyal nga naman ang Farmers Market kumpara sa Divisoria at talipapang tinambayan ng bossing ni Miss A. Kahit hindi balikan ang family background ng dalawa at isentro ang pagkukumpara sa Mr. Palengke at ST commercial, malinaw na pagtitinda ng isda ni Villar habang si Roxas nagsasayaw lang sa palengke. Mantakin n’yo, pati paghalo ng graba pinasukan ni Manny at sa malamang ‘namulutan pa ng askal at tumira ng gin’ noong tinedyer. Iyon nga lang, litaw ang kampo ni Villar bilang ‘suspetsado’ sa text brigade kahit ipagpalagay pang meron ‘third party’ na nag-operate para pagsabungin ang dalawang Manuel at makinabang ang ipinu-push nitong standard bearer. (www.mgakurimaw.blogspot.com)

sept 3 2008 abante tonite issue

	Senador, nagmistulang maamong tupa sa tauhang sinibak
	(Rey Marfil)
Dati-rati’y sinisigawan at minumura ng matandang senador ang isang tauhang sinibak at inaakusahang bopols sa pamamalakad ng kanyang opisina, ngayo’y nabaliktad ang mundo ng dating mag-amo dahil matinding pagsisipsip ang ginagawa ng mambabatas dito. Sa report na nakalap ng TONITE Spy, kontodo-sipsip ngayon ang matandang senador sa dating chief of staff, kasunod ang pagkakadiskubreng makakatulong sa kanyang political career ang opisina ng huli, maging sa karelasyong personalidad na nag-ambisyong makapag-state visit sa iba’t ibang bansa. Kung astang-tigre ang matandang senador sa panahong pinapasahod at pinapakain sa kanyang palad ang dating chief of staff, animo’y maamong tupa ang mambabatas kapag nakikipag-usap sa dating utusan, as in napa­kamalumanay magsalita at hindi makabasag pinggan ang kumag. Sa panahong hawak sa leeg ng matandang senador ang dating chief of staff, halos hindi makain ng hayop kung magmura ang mambabatas at madalas umaalingawngaw sa kanilang opisina ang katagang ‘bobo at tanga’ ang tauhan. Higit sa lahat, walang patawad ang matandang senador dahil simula ulo hanggang paa kung sabunin ang dating chief of staff kapag nagkakamali ng diskarte sa pagpapatakbo ng kanilang opisina, as in sobrang perfectionist ang mambabatas. Kung anong sama ng ugali sa nagdaang panahon, sobrang amo ngayon ng matandang senador sa dating chief staff at kapag nakakausap sa Upper House, ito’y meron pang kasamahang tapik sa balikat, sabay bigkas ng katagang ‘Ayos Bata’ gayong “Ang bobo mo talaga at Ang tanga-tanga mo” ang madalas litanya ng mambabatas sa dating tauhan. Ang nakakadismaya lamang, hindi nakikita ng matandang senador ang magandang ginagawa o kontribusyon ng dating chief of staff bago tuluyang sinibak matapos magkaaberya noong 2004 election ang kanilang kampanya. Ilang taon namalagi sa ibang bansa ang dating chief of staff at nakahanap ng magandang trabaho makaraang bumalik ng Pilipinas, kasama ang isa pang nagsilbing chief of staff kung saan konektado sa pulitika ang linya ng kanilang opisina. Clue: Hindi matatawaran ang husay ng matandang senador sa paglikha ng batas, maging sa pangtitsiks, patunay ang pakikipagrelasyon sa kapwa-mambabatas. Ito’y meron letrang ‘E’, sa palayaw, as in Engot mag-Tagalog habang merong let­rang ‘V’ ang chief of staff, as in Victory ang publiko kapag nalinis sa 2010 ang halalan, sa pamamagitan ng kumpanyang itinitimon ng dating tauhan. (www.mgakurimaw.blogspot.com).

sept 2 2008 abante tonite issue

	Namali ng dinig si Pichay!
	Author
Nakaraang linggo, inilabas ng Lakas-CMD Party ang labingwalong (18) pangalan sa senatorial list, kinabibilangan nina Senator Bong Revilla, Senator Lito Lapid, DA Sec. Arthur Yap, Health Sec. Francisco Duque, MMDA chairman Bayani Fernando, Quezon City Mayor Sonny Belmonte, Parañaque Cong. Ed Zialcita, Albay Cong. Edcel Lagman, Bacolod Cong. Monico Puentevella, NEDA Sec. Ralph Recto, ex-Cong. Prospero Pichay, Iloilo Cong. Art Defensor, ex-Ilocos Norter Gov. Chavit Singson, OMB chairman Edu Manzano, Palawan Cong. Abraham Baham Mitra, Pampanga Cong. Mikey Arroyo, DAR Sec. Nasser Pangandaman, DepEd Sec. Jesli Lapus at ex- presidential chief of staff Mike Defensor. Sa kaalaman ng publiko: talunan si Lagman noong 1998 election sa ilalim ng Erap-Edong ticket. Hindi ba’t Presidente ang gustong takbuhan ng ba­yaning isinusuka ng mga vendor -- si Fernando, eh bakit isinama sa senatorial list ng partido. Ibig sabihin, kahit sariling kasamahan sa organisasyon, walang kabilib-bilib kay Fernando bilang presidentiable at naiintindihan ang masamang estado sa survey nito. Ang tanong lamang: Magawa kayang makapasok sa ‘Magic 12’ ni Fernando kung bokya sa presidential survey lalo pa’t dumarami ang binabambo ng mga taga-MMDA. Partida pa iyan, lagpasan hanggang probinsya ang tarpaulin ni Fernando pero kahit isang letra ng pangalan at apelyido, hindi binanggit ng respondents sa SWS survey. Pansinin ang labingwalong (18) senatoriables ng Lakas-CMD, kundi talunan, walang ‘kabuhay-buhay’ sa mga botante, maliban kina Revilla at Lapid. In fairness, malaki ang tsansang makabalik ni Recto at kailangan ng Pilipinas ang katulad ni Yap sa Senado. Ang problema lamang, kung paano manalo lalo pa’t lubog sa kumunoy ang imahe ng kanilang amo. Teka lang, bakit wala ang pangalan ni Lakas-CMD Secretary General at Senador Juan Migz Zubiri sa senatorial list, eh siya pa naman ang nag-anunsyo sa Dusit Hotel, sigurado bang hindi mapapatalsik ni Atty. Koko Pimentel bago mag-2010? *** Napag-usapan si Pichay, higit ipagpasalamat sa mi­sis ni Jose Pidal ang ‘pagkakatanim’ sa Local Water Utilities Administration (LWUA) keysa umangal. At least si­guradong tutubo dahil puro tubig ang LWUA. Ang problema lamang ni Pichay, paano matutupad ang pangarap nitong maitanim sa Senado ngayong ‘never heard’ sa mga botante ang opisinang ibinigay ni Mrs. Arroyo at ‘barya-barya’ ang pondo kung ikukumpara sa Bureau of Custom (BOC) na sinasalok ang kita sa mga kontrabando at palusot. Iyon lang, pinagpasa-pasahan ni Mrs. Arroyo at isang ‘pakunsuelo de bobo’ ang pagkakaroon ng puwesto sa gobyerno. Sa lahat ng talunang senatoriables ng Team Unity (TU), si Pichay ang pinakamaingay subalit pansinin ang pagtitiwalang ibinibigay ni Mrs. Arroyo, ‘di hamak mas bilib ang Pangulo kina ex-senator Ralph Recto, ex-senator Vicente ‘Tito’ Sotto III, at ex-senator Tessie Aquino-Oreta (TAO). Si Recto ang bagong National Economic Development Authority (NEDA) Secretary, si Sotto sa Dangerous Drugs Board (DBB) na may kapangyarihan bilang gabinete habang si Oreta, inihahanda sa Department of Education (DepEd). Ibig sabihin, kailangan ni Pichay maging ‘ex-senator’ bago mabigyan ng magandang puwesto. Ang problema, hindi tumubo noong 2007 election. Ang pinagtatawanan ng mga kurimaw, sobrang taas ng ambisyon ni Pichay sa buhay subalit sa ‘kangkungan’ din bumagsak. Hindi ba’t unang pinuntirya ang silya ni Lolo Ed Ermita bilang Executive Secretary at kasunod na pinag-interesan ang Department of Public Works and Highways (DPWH), Department of National Defense (DND), Department of Interior and Local Government (DILG), Department of Transportation and Communications (DOTC), Bureau of Custom (BOC), pinakahuli ang Overseas Workers Welfare Administration (OWWA). Hindi kaya barado lamang ng tutule o madumi ang tainga ni Pichay kaya’t nagkamali ng dinig sa LWUA? Kaya’t huwag ipagtaka ng publiko kung gawing ‘kangkong’ ng mga taga-palengke ang palayaw ni Pichay. At least, gulay pa rin! (www.mgakurimaw.blogspot.com)

sept 1 2008 abante tonite issue

	Boy Kornik naging galante sa b-day party
	(Rey Marfil)
Kung anong kunat sa nagdaang taon, katulad ang ginawang pagpapa­kain ng mais sa kanyang birthday party, nagbabagong-bihis ngayon ang tinaguriang ‘Boy Kornik’ ng Mataas na Kapulungan matapos maging galante at magpabaha ng pagkain sa Media Center. Sa pinakahuling birthday celebration, nasaksihan ng Tonite Spy kung paano nagbabagong-anyo ang kunyong senador, patunay ang malaking piging na ibinigay sa Senate reporters taliwas sa mga nagdaang panahon kung saan ‘paiyakan’ kung makapag-isip itong maghanda sa kanyang kaarawan. Maliban sa pagbaha ng pagkain sa Senate media at birthday celebration, kasama ang buong kapamilya, ilan pang hiwalay na paggunita sa kanyang kaarawan ang inisponsoran ng kunyong senador, katulad ang party sa mga kaibigan at tauhan kaya’t maraming nagulat sa pagiging galante ng kumag. Bilang patunay sa pagbabagong-anyo ni Boy Kornik, wala na rin nagbabantay sa litsong baboy na inihanda sa Senate media katulad sa nangyari noong 2006 kung saan bantay-sarado ng dalawang staff ang handang litson habang tinatadtad, animo’y Presidential Security Group (PSG) na nag-aabang sa pag-atake ng mga kriminal. Higit sa lahat, mara­ming putaheng ipina­handa ang kunyong senador sa catering services na inar­kila at wanto-sawa sa soft drinks, maging sa panghimagas kung kaya’t maraming mediamen ang naglintayang natauhan ang mambabatas sa kantang ‘Himala’ ng River Maya. Nabansagang ‘Boy Kornik’ ang kunyong senador, hindi dahil napaka-corny mag-joke sa umpukan bagkus saksakan ng kunat at kuripot sa paggastos, pinakamalupit ang pagpakain ng popcorn sa kanyang birthday bash nang unang tumuntong sa Upper House. Sa kabilang banda, pinagduduhan ng mga kurimaw sa Upper House ang intensyong nagpa-pogi lamang ang kunyong senador at gustong ibangon ang imaheng makunat sa harap ng media lalo pa’t nag-aambisyon tumakbong Vice President sa 2010 national election ang mokong. Clue: Numero unong balimbing ang kunyong senador sa panahon ni Erap at kinasangkapan ang isang kapamilya para maabot ang ambisyon sa pulitika. Ito’y nagpapakabakya sa press release, gamit ang kanyang palayaw at meron letrang “C” sa pangalan, as in Corn. (www.mgakurimaw.blogspot.com)