Kung ginawang ‘diversionary tactic’ ang pag-a-abroad ni Senator Ping Lacson upang ilihis ang C-5 road committee report nagrekomendang isoli ni Manny Villar ang P6.2 bilyon, mas malupit ang sabayang pag-a-abroad ng mga guro, principal at ilan pang Department of Education (DepEd) officials ng Muntinlupa City.
Mantakin niyo, humigit-kumulang tatlumpu ang sabayang nagbakasyon at iisa ang destinasyon. Ang nakakagulat, iisang eroplano ang sinakyan ng mga guro patungong Hong Kong noong Enero 27, araw ng Miyerkules at kasabay si Muntinlupa Mayor Aldrin San Pedro.
Take note: Malaki ang papel ng mga guro tuwing eleksyon at walang ibang nagbabantay sa bawat precinct, canvassing hanggang proclamation kundi puro tauhan ni DepEd Sec. Jesli Lapus. Ni sa panaginip, ayokong isiping konektado sa May 10 national election ang sabayang bakasyon ng mga guro at DepEd officials ng Muntinlupa City, maliban kung peke ang manifesto na nakuha ng Spy.
Ang mga nakalistang pasahero (Source: Passenger Manifesto L air 76 PR0300 GMT 28Jan10):
1. Dominico Idaman (DepEd Superintendent),
2. Estrella Aseron,
3. Rosalie Alviar,
4. Carmelita Aquisap,
5. Angelita Abella,
6. Emilia Alvarez,
7. Aurora Bartolaba,
8. Roberto Bunyi,
9. Marietta Babera,
10. Dominga Carol Chavez,
11. Myrna Dullavi,
12. Madeline Ann Diaz,
13. Carmen Hicap,
14. Jojo Dimaano,
15. Eleanore Deang,
16. Celia Espina,
17. Concesa Faustino,
18. Fe Faz,
19. Raul Felix,
20. Marilou Gorospe,
21. Antonio Gagala,
22. Rhodora Mandap,
23. Florante Marmeto,
24. Verna Obias,
25. Norma Polon,
26. Angelita Pelagio,
27. Francis Pagkalinawan,
28. Wilson Pascual,
29. Armando Romero,
30. Meredith Romero,
31. Carmelita Rongavilla,
32. Noli Rapsing,
33. Christian Santos
24. Aldrin San Pedro.
Malinaw ang pangalan ni San Pedro na lumipad patungong Hong Kong, kasabay sa eroplano ang mga guro, maliban kung ‘manok’ ang ipinadalang sugo?
Kung walang ‘dagdag-bawas’ ang passenger manifesto, isang malaking palaisipan ngayon kung sino ang nagpondo o sumagot sa ‘bakasyon-grande’ ng mga guro at DepEd officials sa Hong Kong lalo pa’t naghihikahos ang departamento, malinaw ang pag-angal ng mga guro sa pagkaka-delayed ng bonus noong nakaraang Pasko. Kahit itanong niyo pa kay Sec. Lapus, maliban kung sariling bulsa dinukot ni San Pedro, katulad ang pambayad sa hotel accommodation at pasahe sa eroplano?
At malaking kalokohan din kung walang pocket money na iniabot si mayor kung pinabiyahe ang mga guro? Sabagay, maraming option si San Pedro, ito’y puwedeng ipasa sa mga contractor o kaya’y ‘charge to experience’, as in ipinakargo sa city hall ang ginastos sa Hong Kong?
***
Napag-uusapan si San Pedro, hindi ba’t lutang ang pangalan ni Simon Paz bilang isa sa campaign contributor? At kung hindi nagkakamali ang mga kurimaw, nakopo ni Mang Simon ang P129 milyon garbage contract noong 2009 at ngayong 2010, umabot sa P168 milyon ang garbage budget at pangalan pa rin ni Mang Simon ang naka-umang -- ito’y nasa 2nd reading at inaasahang maaaprubahan ngayong linggo.
Teka lang, hindi ba’t kaibigang matalik ni Mang Simon si Atty. Mark Jalandoni -- ang spokesman ni Ombudsman chief Merceditas Guttierez na ka-classmate ni Jose Pidal, as in First Gentleman Mike Arroyo?
Hindi lang iyan, si Mang Simon din ang itinuturong contractor ng bagong Muntinlupa City Hall. Take note: Maraming nagduda kung bakit nasunog ang lumang city hall, kahit itanong niyo kay ex-Mayor Fresnedi.
Kundi rin nagkakamali ang mga kurimaw, nalagay sa headline ang pangalan ni Mang Simon noong nakaraang taon dahil binugbog ng mga tauhan ni ex-Presidential Anti-Smuggling Group (PASG) chief Bebot Villar sa Dusit Hotel, Makati City, maliban kung nagka-amnesia at nakalimutan ni Mr. Jalandoni ang upakan sa comfort room?Nakakatawa ‘di ba, aba’y sila-sila pa rin ang nagkita sa finals? (mgakurimaw.blogspot.com)
http://www.abante-tonite.com/issue/feb0410/opinions_spy.htm
.jpg){kind=small}
1 comment:
ANO INGGIT KAYO??????????? DI KC KAYO ISINAMA,!!!!!!!!!!!!!!!! HAYAAN NYO NEXT TIME .......... ISASAMA NA KAYO............. SA KANGKONGAN AT ISAMA NYO PA C "TWEETY BIRD"
Post a Comment