april 30 2009 abante tonite

	Kangaroo o itik court?
	Rey Marfil
Ang sabi ni XP Manny Villar: Wala akong duda sa kakayahan ni Senator Enrile na chairman. In fact, ‘yan lang ang consolation doon. ‘Yun lang ang maganda doon sa Committee of the Whole, na somebody like JPE is the one chairing it.” Kung bilib si Villar sa leadership ni Manong Johnny, bakit inakusahang ‘big kangaroo court’ ang Committee of the Whole? Ni sa pana­ginip, ayokong isiping bara-bara mag-isip ang mga inarkilang ‘advi­ser’ ng mister ni Mam Cynthia, aba’y sumasabog at hindi maru­nong ‘mag-self control’. Pansinin, kapag napi­pikon si Villar, ito’y nagkakandasabit-sabit at napa­pahamak ang bawat katagang lumalabas sa bunga­nga nito. Balikan ang double insertion, sa halip kausapin si Senator Ping Lacson at aminin ang pag-insert ng P200 milyon upang hindi humaba ang isyu, isang press conference ang ipinatawag at siniraan sa mga Caviteño ang senador. Ang ending, lumaki ang ‘sunog’ at nasibak sa trono. Isa pang sabit ni Villar, ito’y tumangging magsumite ng membership sa ethics committee at inintrigang ‘committee report’ ang draft order na pinaikot via Alan Peter Caye­tano, kaya’t na-bad trip si Lacson, sampu ng miyembro nito. Ang gusto ni Villar, ka­tulad ng report ni ABS-CBN reporter Lynda Jumilla, siya ang mamimili kung saan at kailan haharap sa imbestigasyon. Ang tanong ng mga kurimaw: Hanggang kailan maghihintay ng kasagutan ang sambayanang Pilipino kung nakinabang nga ba ang mga pag-aaring subdibisyon o lupain ni Villar sa P1.2 bilyong right of way ng C-5 Road, lalo pa’t pa­nay ang iwas sa imbestigasyon at iba ang pinakahahol? Hindi kaya mas type ni Villar sa ‘itik court’ dahil hindi makikita ang mantsa kapag nababad sa itikan ang polo shirt nito? *** Napag-uusapan ang ethics probe, taong 2008 nabunyag ang double insertion pero hanggang ngayon, walang sagot si Villar sa eskandalo at ginawang spokesman ang anak ni ex-senator Rene Cayetano, naimbestiga­han sa 80 milyon BW scandal at naisalang din sa ethics probe, katulad nito. Ang pinakahuling recruit -- si Senator Nene Pimen­tel at ngayo’y ‘ipinambabala’ sa grupo ni Lacson. Kung hindi nakinabang ang napakaraming subdibisyon ni Villar sa P1.2 bilyong right of way ng C-5 Road, bakit hindi ha­yaang gumulong ang im­bestigasyon at hamunin ng public apology sa national television si Jamby Madrigal kapag mali ang expose nito? Sa lahat ng kapalpa­kan, pinakamalaking sa­bit lahat ni Villar, ang pagkopya sa ‘script’ ng anak-anakang si Pidro, as in Alan Peter Cayetano, aba’y nakigaya sa litan­yang ‘kangaroo court’ ang ethics committee at tina­wag ding ‘big kangaroo court’ ang Committee of the Whole. Napakatalinong tao ni Villar, ito’y hindi lamang nagtinda ng hipon sa palengke at naghalo ng graba kundi UP graduate, naging bilyonaryo sa pagnenegosyo, naupong Congressman, Speaker of the House, Senate President at No. 4 noong 2007 senatorial election, subalit nakakapagtakang walang sari­ling diskarte at nakikigaya lamang sa sasabihin, mali­ban kung sariling script ang hawak ni Alan Peter? Kung naghahangad si Villar maupong Presidente, hindi kailangang iasa sa ka-double ang pagharap sa eskandalo at anong aasa­han ng publiko kung sari­ling bahay, ito’y ayaw pakastigo at hindi sinusunod ang rule of law, katulad ng nakasaad sa Senate rules, ma­liban kung aral kay Mrs. Arroyo? (www.mgakurimaw.blogspot.com)

april 29 2009 abante tonite

	Mediamen na-dehydrate sa palabas ng presidentiable
	(Rey Marfil)
Sa halip makakuha ng simpatiya bilang preparasyon sa 2010 national election, napahamak ang isang presidentiable sa sariling palabas matapos gutumin ang mga bisita at muntikang na-dehydrate ang mga reporter na naimbitahan nito. Katakut-takot na bater­ya at kantiyaw ang natikman ng mga tauhan ng isang presidentiable matapos mauwi sa telenovela ang bawat eksena, patunay ang matinding pagkadismaya ng mga bisita at mediamen na naimbitahang mag-cover. Nasaksihan ng TONITE Spy kung paano ginutom ng presidentiable ang mga bisita, sa pangu­nguna ng mga mediamen matapos ma-delay ng tatlong oras ang pananghalian at kamuntikan pang na-dehydrate ang mga nag-cover dahil laway ang ipinakain nito. Nagsimula ang palabas, alas-otso ng umaga at nakaiskedyul magtalumpati ang presidentiable, ganap na alas-10:00, kasunod ang pananghalian, kasama ang lahat ng inimbitahang delegasyon subalit walang inihaing pagkain, maliban sa isang basong tubig. Taliwas sa inaasahan ng mga mediamen, na-delay ang lahat ng palabas dahil saksakan ng haba ang talumpati ng mga guest speaker at mas lalo pang tumagal nang maisalang ang presidentiable kung saan halos isang oras nagsalita. Ganap alas-12:00 ng tanghalin, hindi pa rin natatapos ang talumpati ng presidentiable kung saan napakadrama ng pag-akyat sa entablado at astang best actor nang magsalita sa harap ng mga inimbita­hang delegado. Ang malupit sa lahat, sumapit ang ala-una, hindi pa rin nakakain ng tanghalian ang mga naimbitahang delegado, maging mga mediamen at hindi napigilan ang pagkagutom kung kaya’t nagawang iwanan ang coverage dahil kumalam ang sikmura. Hanggang sumapit ang alas-dos ng hapon, wala pa ring naihahain na tanghalian sa mga delegado at mediamen kung kaya’t nabusog sa laway ang mga nagpaiwang reporter dahil walang inatupag kundi lunukin ang naipong laway sa kanilang bibig para maibsan ang pagkagutom ng mga ito. Clue: Hindi matatawaran ang husay ng nagkukunwaring presidentiable subalit palaging sumasabit dahil sa sobrang kadaldalan. Ito’y meron letrang ‘D’ as in Daldalero. (www.mgakurimaw.blogspot.com)

april 28 2009 abante tonite

	Arroyo vs Cayetano: 4-4, minus 1 sa series!
	Rey Marfil
Sa pagdami ng Arroyo sa Lower House, bakit naka-zipper ang bunganga ng katukayo ni Joselito Cayetano gayong napaka-busy na umaktong ‘spokesman’ ni Manny Villar Jr., sa ethics probe, maliban kung napagod sa kakakahol o takot makita sa salamin ang sariling buntot? Sa simpleng explanation, walang pinag-iba ang pagdami ng Arroyo at Cayetano sa Kongreso dahil deadlock o tabla sa 3-3 score, as in ngayon lamang nakalamang ng isang puntos ang pamilya ni Mrs. Arroyo. Katulad ng basketball game, mala-buzzer-beater sa natitirang 9 months na pagrereyna ni Mrs. Arroyo ang Supreme Court (SC) ruling, aba’y pasok ang huling tira at panalo ang First Family. Suriin ang bawat numero, kung dalawang anak at dalawang presidential in-laws ni Mrs. Arroyo ang nakaupo sa Lower House, ganito rin ang sitwasyon ng Cayetano, as in isang malaking ‘family affair’, aba’y mala-Sharon Cuneta at Judy Ann Santos sa pelikulang ‘Magkapatid’ ang eksena sa session hall. Mabuti na lang, hindi nagpang-abot ng amang si Senador Renato ‘Companero’ Cayetano na nasangkot sa P80 milyong BW scandal kundi kulang na lamang, pati driver at yaya ng Cayetano family maging Senate employee. Ibig sabihin, hindi rin patas na isentro sa Arroyo ang pagkuwestyon sa political dynasty lalo pa’t maraming pulitiko sa Kongreso ang magkakamag-anak at magkauri. Si Taguig/Pateros Congw. Lani Cayetano, ito’y misis ng katukayo ni Joselito Cayetano at seat mate ang nakakatandang kapatid -- si Senadora Juliana Pilar ‘Pia’ Cayetano sa Senate. At kapag idinaan sa alphabetical at walang ‘cheating arrangement’ sa Congress, iisang lamesa rin ang ‘Arroyo brothers’ -- sina Mikey at Datu, katabi ang dalawa pang “Arroyo siblings’ -- ang kapatid ni FG, sina Iggy at Marilou. Ang pinag-iba lang, isang Cayetano ang pa­kalat-kalat sa Congress at asahan ding tatakbong congressman ang isa pang kapatid ni Joselito Cayetano sa 2010 dahil magmi-Mayor si Lani sa Taguig. Kaya’t kapag nagkaanak si Pidro, asahang ito’y mag-SK chairman kapag nag-18 ito! Sabagay, hindi kaila­ngan ng maraming Arroyo sa Se­nate, maliban kay Se­na­tor Joker nanindigang kamag-anak si Jose Pidal kahit walang ‘first blood affi­liation’ dahil nagkalat sa hall­way ang mga spokesman at tagapagtanggol ng First Family. Hindi natin babanggitin ang pa­ngalan suba­lit mas masahol pa sa lehitimong kapatid, anak o kaya’y hipag ni Mrs. Arroyo kung dumepensa ang ibang senador. Subukan n’yong huba­rin ang kanilang Amerikana at Barong, aba’y naglalakihang letra ng ‘Arroyo’ ang naka­pinta sa kanilang costume dahil malaking negos­yo ang pulitika rito! *** Napag-usapan ang political dynasty, si Bukidnon Cong. Joey Zubiri, ito’y kapatid ni Senator Migz at tatay ni Senador Chiz si Cong. Salvador Escudero. Kung nanalong senador ang matandang Escudero noong 2004 election, sa malamang binubuliglig ngayon si Chiz ng mga kritiko dahil magpapang-abot sa Senate ito, katulad din ni Senador Nene Pimentel kung naupo si Atty. Koko. Anyway, substitution ang naganap sa mag-amang Escudero noong 2007 at walang pinag-iba sa mag-amang Biazon nga­yong 2010, aba’y napaaga ang deklarasyon ni Senador Pong Biazon, kapalit ng kanyang anak -- si Muntinlupa Cong. Ruffy Biazon na tatakbong senador. Ang tanong lamang: manalo kaya ang mag-amang Biazon? Kaya’t hindi nakakagulat kung bakit namamaos sa kadedepensa ang katukayo ni Joselito Cayetano kay Manny, aba’y kapareho ng sitwasyon ang dalawa, hindi ba’t esmi ni Manny si Las Piñas Congw. Cynthia Villar. At parehong na-ethics sina Cayetano at Villar, magkaiba nga lamang ng House! (www.mgakurimaw.blogspot.com)

april 27 2009 abante tonite

	Baguio mansion, binalasubas ng esmi ng solon
	(Rey Marfil)
Hindi lamang gilagid bagkus abot hanggang ngala-n­gala ang pagiging makapal ng isang mestisu­hing miyembro ng Kongreso matapos balasubasin ng kanyang misis ang Baguio mansion at ariin ang pasilidad ng gobyerno. Bagama’t makailang-beses nang nalagay sa ‘Hulaan Blues’ ang pagsasamantala at pang-aabuso ng mestisuhing solon sa resources ng gobyerno, hindi pa rin nagbabago ang mokong dahil mismong misis ngayon ang nagtitimon at bumababoy sa Baguio mansion. Sa report na nakalap ng TONITE Spy, dalawang linggong pinagpasasaan ng mga kabarangay ng misis ng mestisuhing solon ang Baguio mansion, hindi pa kabilang ang mga naunang paggamit sa government facilities, ilang buwan ang nakakaraan. Upang mapagtakpan ang pananamantala sa go­vernment facilities, kinakasangkapan ng mestisuhing solon ang mga tauhan, as in pangalan ng mga staff ang ginagamit para makapagpareserba sa Baguio mansion. Taliwas sa ina­akala ng caretaker, hindi tauhan ng mestisuhing solon ang gumagamit at nagpapasasa sa government facilities, maging sa resources kundi mga constituent ng kumag, alinsunod sa pakiusap ng kanyang misis. Ang rason, tatakbo sa local election ang misis ng mestisuhing solon kaya’t matinding ‘panuhol’ sa mga botante ang ginagawa ng mag-asawa bilang preparasyon sa 2010 national election dahil mabigat ang makakalaban nito. Maliban sa mga constituents, lahat ng barangay offi­cials, simula barangay chairman hanggang utusan ng barangay tanod, ito’y pinatitira ng mestisuhing solon sa Baguio mansion, gamit ang pangalan ng mga staff. Kapag sinuring mabuti ang listahan ng mga nagpa-reserve sa Baguio mansion, kapansin-pansin na isang tao lamang ang nakalista mula sa opisina ng mestisu­hing solon gayong okupado ang buong lugar, as in hindi mahulugang karayom sa dami ng mga nagkalat sa naturang lugar. Maging public school teachers na magsisilbing election officer sa araw ng botohan at bilangan sa darating na 2010 election, animo’y sinusuhulan ng mestisuhing solon dahil nag-excursion sa Baguio mansion at ipinagpasalamat lamang ng caretaker dahil hindi nagsama ng mga estudyante ang mga guro. Clue: Dual personality ang mestisuhing solon dahil kung anu-anong nakasulat sa bibliya ang pinangangaral sa mga kasamahan gayong kasing-kahulugan ng salita ni Taning ang lumalabas sa bunganga kapag talikuran. (www.mgakurimaw.blogspot.com)

april 25 2009 abante tonite

	Lady solon nambunggo na, nagtaray pa
	(Rey Marfil)
Lalo pang lumabas ang ‘pagka-krung-krung’ ng isang bruhildang miyembro ng Kongreso matapos magtaray sa hallway gayong sariling kapalpakan at kapabayaan ang ginawang pagbunggo sa photographer habang papasok ng session hall. Nasaksihan ng TONITE Spy kung paano umastang nakuryenteng pusa at nagtayuan ang buhok ng bruhildang lady solon sa tindi ng pagkapikon matapos banggain ang isang photographer, animo’y electric wire na nasunog ang hairdo nito dahil sa galit. Bago nagtaray ang bruhildang lady solon, naglalakad ang in-house photographer ng kasamahang mambabatas sa gilid ng hallway, papasok sa session hall kung saan eksakto namang nakabuntot sa likuran ang nabanggit. Dahil maraming bisita at nagkalat ang mga estudyanteng nag-o-observe sa regular session, nagkabuhul-buhol ang daloy ng tao papasok sa magkabilang gallery at nagkataong naglalakad ang photographer, kabuntot ang bruhildang lady solon at isa pang senador. Sa puntong ito, umiwas ang photographer sa mga taong nakasalubong at napahinto dahil maraming pakalat-kalat na bisita sa hallway kung saan aksidenteng nabunggo ito ng bruhildang lady solon, sabay tulak sa balikat nito. Hindi pa nakuntento sa pagtulak sa balikat ng photographer, huminto sa harapan ang bruhildang lady solon at tiningnan ng masama sa kanyang likuran ang photographer, animo’y sinipat at sinuri ang buong pagkatao nito. Nang mapansing photographer ang nabunggo at naitulak, pinagbalingan ng bruhildang lady solon ang dalawang bodyguard, sabay sermon na trabaho ng mga ito na tiyaking maayos ang kanyang lalakaran. Gamit ang katagang ‘That’s your job’, hinarap ng bruhildang lady solon ang kawawang bodyguard kung saan hindi nakahuma nang duruin ang mga ito, as in umigkas ang isang daliri ng mambabatas, sabay sermon sa kanilang kapabayaan. Maging ang naglipanang kurimaw sa hallway, sa pangunguna ng kasamang mambabatas at iba pang reporter ay napaatras at napailing dahil sa pagtataray ng kumag. Clue: Hindi kuwestyon ang husay ng bruhildang lady solon sa paglikha ng batas, maliban sa kanyang kaisipan tuwing magwawala at masarap itong kakampi, depende sa halaga. Kung senadora o congresswoman, ito’y meron letrang “N” sa apelyido, as in nakukuha sa pera-pera bilang kakampi. (www.mgakurimaw.blogspot.com; reydspy@gmail)

april 24 2009 abante tonite

Solon namakyaw ng airtime sa radyo

Sa hangaring maibangon ang bumabahong imahe at mapagtakpan ang eskandalong kinasasangkutan, isang ambisyosong miyembro ng Kongreso ang namakyaw ng ‘airtime’ sa iba’t ibang radio station, hindi lamang sa Metro Manila bagkus sa mga liblib na lugar sa Pilipinas. Hindi maiwasang panghinayangan ni Mang Teban ang salaping ibinubuhos ng ambisyosong solon dahil napakaraming naghihirap at matinding krisis ang tumama sa bansa subalit winawaldas lamang para matakpan ang kanyang pagkakasala sa taong bayan. Bagama’t hindi kuwestyon ang kakakayahang gumastos ng ambisyosong solon, hindi maiwasang pagduduhang nagmula sa mga proyektong nagkaroon ng kuwestyunableng pagpondo ang mga pinapakawalan nito, as in ibinabalik lamang ang salaping ninakaw sa publiko. Ang matinding revelation sa lahat, namakyaw ng airtime o oras sa radyo ang solon upang maisahimpapawid ang kanyang boses bilang depensa sa eskandalong kinasasangkutan, patunay ang pagpapakawala ng P5 milyon kada sampung (10) minuto sa iba’t ibang himpilan, hindi pa kabilang ang P50 libong buwanang payola sa bawat kakamping komentarista nito. Pintahan n’yo na: Napa-praning ang ambisyosong solon sa kalalabasan ng eskandalong kinakaharap nito. Ito’y napaka-segurista, as in namamangka sa dalawang ilog. Kung senador o kongresista, abangan sa 2010 election.(www.mgakurimaw.blogspot.com; reydspy@gmail.com)

april 23 2009 abante tonite

	Takot ma-’Gus Abelgas’?
	Rey Marfil
May bahid-pulitika man o wala, hindi ‘two things’ kundi isang bagay lang dapat gawin ni Manny Villar -- sagutin ng harapan ang reklamo ni Jamby Madrigal sa ethics committee para matapos na ang lahat. Kung walang itinatago sa C-5 road project at hindi nakinabang sa P1.2 bil­yong right of way ang mga pag-aaring subdibisyon, bakit hindi patunayang mali si Donya Consuelo, at least malinis na haharap sa mga botante sa 2010. Ika nga ‘the truth will set you free’ na nagpahamak naman kay Jinggoy Estrada. Ang biruan tuloy sa media center, tila hindi matanggap na tawaging ‘anghel’ sa pag-leak ng draft order kaya’t umamin. Anyway, abangan ang ‘Katas ng Saudi Part 2’ at sa malamang ‘Angel Estrada’ ang ‘screen name’ ni Jinggoy! Matatapang ang kataga ng bawat isa. Ang resbak ni Senator Ping Lacson kay Villar dahil sa walang katapusang ‘pagkahol’ ng katukayo ni Joselito Cayetano na pilit idina-divert ang draft order bilang committee report. “Huwag magtago sa pundilyo ng iba.” Ang sagot ni Villar, “hindi ako duwag, hindi ako natatakot kaninuman, sasagutin ko iyan sa tamang panahon.” Ang tanong ng mga kurimaw: Kailan ang ‘tamang panahon’, hindi ba’t nilikha ang committee on ethics para bigyan ng pagkakataon ang bawat senador at kongresista na maipagtanggol ang sarili, maliban kung takot-ma-Gus Abelgas dahil hindi nagsisinungaling ang ebidensiya? Hindi lang si Villar ang naisalang sa ethics probe, mismong si Senate President Juan Ponce Enrile, kinasuhan sa panahong magkasama sa minority bloc ni Erap subalit kinompronta sa hearing ang mga accu­sers. Si Sonny Trillanes, inireklamo ni Aling Miriam sa Peninsula siege, bakit hindi umiiyak ng foul, mali­ban kung nakasanayan ang mabilanggo sa PNP Custodial. Maging si Dick Gordon, inireklamo ng ‘double job’ ni Dante Liban, bakit hindi ‘pinag-aksaya ng laway’ ang ibang katropa? *** Napag-uusapan ang ethics probe, pinakamatinding halimbawa si Lacson, hindi pa nag-iinit ang puwet sa session hall, ito’y pinagtutulungang gibain ng mga kaporal ni Mrs. Arroyo at katropa ni Jose Pidal sa Palasyo. Imposibleng nakalimutan ni Villar ang ethics probe kay Lacson, alinsunod sa reklamo ni Ador Mawanay. Bakit mag-isang hinarap ni Lacson ang mga accuser at walang tuma­yong spokesman o ka-double para ituwid ang humahabang baba ni Ador tuwing magsisinungaling sa Upper House? Take note: Si Frank Drilon ang Senate President sa panahong iyon at ka-term sharing si Villar bago nagtuluy-tuloy ang paghahari sa Upper House. Ang depensa ni Villar, gustong pa-imbestigahan ang BW scandal na ikina­kabit sa double murder case kay Lacson. Ang nakalimu­tan ni Villar, ama ng nagsisilbing ‘mikropono’ sa double insertion at ethics probe ang nasampolan ng Upper House. Mabuti na lang, hindi nalusaw si Alan Peter Cayetano sa kanyang kinauupuan. Teka lang, naitanong kaya ni Pidro sa sarili kung saan napunta ang kinita ng ama sa BW resources na laway lamang ang puhunan habang naghahamon ang bagong ‘ama-amahan’? Mabuti na lang, naka-zipper ang bibig ni Juliana Pilar ‘Pia’ Caye­tano, kaya’t hindi nadamay sa gulo. Sa mga nalilihis ang landas at nakalimutan ang kasaysayan ng Upper House, balikan ang ethics probe kay Lacson, hindi ba’t si Francis Pangilinan, alyas Mr. Noted na ka­tropa ni Villar sa Wednesday Club ang nakaupong chairman noon? Sa panahon din ni Pangilinan naganap ang ‘pagkula’ sa P80 mil­yong BW scam ng namayapang si Rene ‘Compañero’ Ca­yetano kahit nakapag-prisinta ng solidong ebidensiya ang spokesman ni Erap -- si Atty. Boying Remulla, ngayo’y Cavite Congressman at katropa ni Villar sa Nacionalista Party? At ang nakababatang kapatid ni Cong. Boying -- si ex-Cong. Gilbert Remulla, ito ngayon ang spokesman ni Villar. Napaka-ironic ‘di ba, sila-sila rin ang nagkikita-kita sa finals? (www.mgakurimaw.blogspot.com)

april 22 2009 abante tonite

	Solon, naubusan ng laway, idinaan sa pagluha!
	(Rey Marfil)
Sa sobrang daldal ng isang miyembro ng Kongreso, mistulang idinaan sa pagluha ang mga namuong laway sa kanyang bunga­nga, patunay ang makailang-beses na pag-iyak habang kainitan ng talumpati. Bagama’t hindi literal na laway ang lumabas sa mga mata ng daldalerong solon, hindi maiwasang matawa ng TONITE Spy sa mga eksenang naganap sa session hall, dahil naubusan ng laway ang mambabatas sa kadidiskusyon. Bago nagkaubusan ng laway sa debate, halos ilang minutong hawak ng daldalerong solon ang buong session hall, as in mag-isang binalikat ang pakikipagtagisan sa interpellation at walang kapa­gurang sinasagot ang mga isyung ipinupukol dito. Maliban dito, ilang oras ding naglitanya sa mga radio interview ang dalderong solon at nagawa pang mag-ikot sa iba’t ibang himpilan, maging sa television station, hindi pa kabilang ang press conference na dinaluhan sa labas ng GSIS compound. Kinahapunan, muling napasabak sa debate at diskusyon ang daldalerong solon kung saan nagmistulang sirang plaka na inulit ang mga naunang pinagsasabi sa press conference at radio interview. Sa tagal ng pagdadaldal sa loob ng session hall, big­lang natigalgal ang boses ng daldalerong solon at wala ng iba pang katagang lumabas sa bibig, sa halip, luha ang umaagos sa mag­kabilang mata nito. Sa puntong ito, hindi maiwasang magtawanan ng mga kurimaw sa session hall dahil likas sa dalda­lerong solon ang maghasik ng laway. Isa lamang sa mga biruan ng mga reporter ang alegasyong naubusan ng laway o natuyuan ang lalamunan ng daldalerong solon kung kaya’t idinaan sa dalawang mata ang laway at nauwi sa luha ito. Clue: Hindi matatawaran ang husay ng dalda­lerong solon subalit napaka-imposibleng makarating sa pinupuntiryang posis­yon, lalo pa’t kulelat ito sa mga survey. Ito’y isa sa tinaguriang “Mulaway”, as in talsik nito’y lumalaway, kaya’t nababato ng tinapay ng kanyang amo. (www.mgakurimaw.blogspot.com).

april 22 2009 abante tonite

	Daldalerong solon nambato ng 2 staff
	(Rey Marfil)
Katulad ng kasabihang ‘galit ang magnanakaw sa kapwa magnanakaw’, nasampolan ang dalawang daldalerong staff ng isang miyembro ng Kongreso matapos batuhin ng sariling amo nito. Ang rason, ayaw pa­talo ang isang daldalerong solon sa dalawang tauhang maingay sa loob ng kanyang kuwarto habang kahuntahan ang ilang mediamen na humingi ng interbyu dito. Nasaksihan ng TONITE Spy kung paano ma-bad trip ang daldalerong solon matapos makita at maulinigang mas maingay ang dalawang staff habang on going ang interbyu sa kanyang kuwarto. Dalawang reporter, kinabibilangan ng isang lady radio broadcaster at isa pang lady reporter mula sa kilalang broadsheet newspaper ang humingi ng interbyu sa daldalerong solon. Katulad ng inaasahan, nagpa-importante ang daldalerong solon at feeling-sikat, kaya’t walang ibang choice ang dalawang lady reporter kundi magtungo sa opisina ng mokong, alinsunod sa pakiusap ng media relation officer (MRO) nito. Likas sa pag-uugali ng daldalerong solon ang pagiging maingay at walang preno ang bunganga, as in halos magka-landslide at abot-tuhod ang baha sa dami ng laway na pinakakawalan sa interbyu, kung kaya’t expected ng dalawang lady reporter na magkakaubusan ng tape. Sa kasagsagan ng interbyu, dalawang staff ng daldalerong solon ang nang-agaw eksena at mas nangibabaw ang kanilang boses kesa sa kanilang amo, kung kaya’t nagalit ang kumag. Habang kausap ang dalawang lady reporter, dumampot ng papel ang daldalerong solon at ni­lamukos, sabay bato sa dalawang maingay na staff para patahimikin ang mga ito kung saan labis na ikinagulat ng mga tauhan. Hindi malaman ng dalawang maingay na tauhan ng daldalerong solon kung sino ang nambato ng papel at nagawa pang sipatin ang kapaligiran at natauhan lamang nang makitang nag-ala-Victoria Court sign ang kanilang amo, simbulo na dapat itikom ang kanilang bibig o manahimik ang mga ito. Clue: Bagama’t hindi matatawaran ang husay ng daldalerong solon sa paglikha ng batas, ito’y madalas overacting sa floor at bastusin ang palayaw kung saan isa sa tinaguriang ‘Mulaway’, as in talsik nito’y lumalaway. (www.mgakurimaw.blogspot.com).

april 21 2009 abante tonite

	Ibalik si Bataoil!
	Rey Marfil
Kung si General Leopol­do ‘Pol’ Bataoil ang nakaupong hepe ng National Capital Region Police Office (NCRPO), hindi sasapitin ni Ted Failon ang ‘ikalawang trahedya’ sa kamay ng Quezon City Police. Nakakagalit ang harassment na natikman ng pamilya at kaanak ni Ted, malinaw sa video kung bakit mabaho at bagsak ang imahe ng PNP, ito’y kabaliktaran sa panahon ni Senador Ping Lacson. Sa madaling salita, kahit ilang ‘Santino’ ang humipo, ‘walang bukas’ na naghihintay sa publiko kung pini-personal ng QC Police ang bawat katagang lumalabas sa bibig ni Ted kapag nagpu-programa sa radyo, maliban kundi naiintindihan ang katagang “To Serve and Protect’ dahil English ang pagkakasulat? Sa nangyari kay Ted, nga­yon ang tamang panahon upang gumawa ng ‘himala’ si General Boyzie Rosales at ipakitang karapat-dapat maupong NCRPO chief. Ilang insiders ang nagkumpirmang ‘bad trip’, as in galit na galit ang pamunuan ng Iglesia Ni Cristo (INC) sa inasal ng QC Police habang kritikal ang asawa ni Ted sa New Era Hospital at isa sa sinampolan si Col. Franklin Moises Mabanag, hepe ng QC Criminal Investigation and Detection Unit (CIDU) -- ito ang nanga­ngasiwa sa imbestigasyon ng kaso. Take note: Pag-aari ng INC ang New Era Hospital, katabi lamang ng Tierra Pura Homes Subdivision. Kahit itanong niyo pa kina Jeff Ofracio at David Sagun ng Spy Barber Shop! Sa kaalaman ng publiko, saradong Iglesia ni Cristo (INC) ang dating hepe ng Quezon City Police District (QCPD) -- si Gen. Magtanggol ‘Tangol’ Gatdula. Kung sa panahon ni Ta­ngol nangyari ang trahedya sa pamil­ya ni Ted, hindi mauuwi sa karambola ang imbestigasyon. Napakalungkot na kabanata sa buhay ng isang broadcaster ang nangyari kay Ted at nakakalungkot ding kabanata sa ating kapulisan ang inasal ng Quezon City Police. Ang tanong ng mga kurimaw: Nasaan ang galing ni Gen. Boyzie Rosales para maupong NPCPO chief? Kundi nagkakamali ang Spy, dumating si Rosales para mag-supervise, isang araw makaraan ang insidente. Sob­ra naman yatang trapik mula NCRPO headquarters sa Bicutan papuntang Quezon City. Kaya’t malaking palai­si­pan kung bakit nilimitahan sa grupo ng QC Police ang pagsibak gayong responsibi­lidad ng NCRPO chief ang lahat? Ni sa panaginip, ayaw isipin ng mga kurimaw na konektado sa trabaho ni Ted ang natikmang harassment, aba’y inilagay pa sa ‘watch list’ ng ‘Sir Raul ko’ si Ted gayong ‘watch’ lang ang ginawa ng tropa ni DOJ Sec. Raul Gonzalez sa pag-eskapo nina Jocjoc Bolante at Virgilio Garcillano. Anyway, miyembro ng PMA Class 78 si Rosales, nangangahulugang ‘mistah’ ang adopted member si Mrs. Arroyo. Sa simpleng explana­tion, bantay sa National Capi­tal Region (NCR) ang ‘role’ ng nakaupong NCRPO chief, subalit nasaan si Rosales habang nasa Basilan ang kanyang bossing at inaasikaso ang development sa ICRC kidnappings. Mabuti na lang, naglabas ng direktiba si Versoza na imbestigahan ng PNP Internal Affairs Service ang New Era incident. Ang tanong lamang: Makakaba­ngon pa kaya ang QC Police, maging ang pamunuan ng PNP kung katulad ni Rosales ang in-charge officer? Kaya’t nakakapanghinayang ang katulad ni Bataoil. *** Napag-uusapan ang buhay-brodkaster, gusto lang pasalamatan ng ‘Escalera Boys’ ang milyong sumubaybay sa pilot episode ng ‘Kartada Escalera’ sa pangunguna nina Dangerous Drugs Board (DDB) chief at ex-senator Tito Sotto III, Senator Ping Lacson at PNR administrator Mike Defensor. Kaya’t abangan tuwing Sabado, ganap na alas-11:00 ng umaga hanggang alas-12:00 ng tanghali ang ‘Kartada Esca­lera’ sa dzXL radio, RMN-Manila, kasama sina NPC director Marlon Purificacion (Journal), IBC-13 repor­ter Jeffrey Zaide at Inqui­rer reporter Gil Cabacungan bilang guest co-host. (www.mgakurimaw.blogspot.com)

april 20 2009 abante tonite

	Lady solon reyna ng elevator
	(Rey Marfil)
Kung meron napaka-gentleman, saksakan naman ng siga sa loob ng elevator ang isang bruhildang miyembro ng Kongreso, patunay ang pag-astang reyna at pag-aari ang buong gusali kapag umaakyat sa kanyang kuwarto gayong pagkakautang ang posisyon sa publiko. Makailang-beses nasaksihan ng TONITE Spy kung paano magpaka-reyna sa loob ng elevator ang isang lady solon, katulad ang pagtangging magkaroon ng kasabay na sinumang empleyado, gayong kahit koronang tinik, hindi nababagay sa ulo ng mokong. Bagamat hindi ‘crowned queen’ at wala sa lahi ang pagkakakaroon ng dugong bughaw, astang-reyna ang bruhildang lady solon kapag nakakatuntong ng office ito, animo’y nabili ang buong gusali dahil bad trip kapag meron gustong makisabay. Sa nagdaang taon, halos iisa ang eksena sa loob ng elevator kapag pasa­hero ang lady solon, ito’y iniiwasan ng mga empleyado at awtomatikong pinapatakbo ng elevator girl kapag nakasakay ito. Higit sa lahat, awtomatiko din isinasara ng elevator girl ang pintuan kahit dumaan ng 1st floor at iba pang palapag dahil nagagalit ang lady solon, as in nagtatayuan ang mala-electric wiring na hairdo kapag merong nakikisabay, paakyat sa opisina nito. Lahat ng masamang katangian ng bruhildang lady solon, ito’y kabaliktaran sa karamihan ng mga mambabatas dahil napaka-gentleman at mapagbigay sa sinumang nakakasabay paakyat ng gusali. Dahil naging routine ng bruhildang lady solon ang pagiging reyna sa loob ng elevator, mabibilang sa darili ang mga empleyadong nakikisabay paakyat ng gusali at madalas nabibiktima ang mga bagong salta o bumibisita sa Kongreso dahil nasisita ng mga bodyguard nito. Para maiwasang magalit at mapraning ang kanilang amo kapag merong sumasabay sa elevator, mismong bodyguard ng bruhildang lady solon ang nakaabang sa pintuan at maagap na hinaharang ang sinumang nagtatangkang pumasok. Clue: Hindi matatawaran ang husay ng lady solon sa paglikha ng batas subalit bad trip ang mga kau­ring mambabatas dahil ‘bobo’ ang tingin sa bawat isa. Ito’y meron letang “N” sa kabuuan ng apelyido, as Numero unong balimbing at napakahusay na kakampi basta’t nakikinabang ang buong pamilya at depende sa bigay ng Malacañang. Kung sino ang lady solon, aba­ngan kung magre-reeleksyunista. (www.mgakurimaw.blogspot.com)

april 17 2009 abante

Solon, nagtago sa ibang palda!

Kung anong eksperto sa pagni-negosyo, ganito rin kahusay magtago sa ibang palda ang isang miyembro ng Kongreso, patunay ang pag-iwas sa mga eskandalong kinasasangkutan at ginagawang ‘pansalag’ ang mga galamay. Hindi maiwasang masuka ni Mang Teban tuwing mapag-uusapan ang pangalan ng isang ambisyosong solon dahil walang inatupag kundi magtago ng magtago, as in sobrang duwag para sagutin ang mga ipinupukol dito, animo’y idolo ang ‘juke box king’ sa Pilipinas. Maging kasamahang mambabatas, pinagtatawanan ang diskarte ng ambis- yosong solon dahil napaka-segurista sa bawat isyu at ngayong naeskandalo, iisa pa rin ang formula para mapagtakpan ang mga kabulastugan nito. Tanging nakakatawa lamang, nagpapagamit ang mga kaporal ng solon para pagtakpan ang isyu kahit napakaraming mahihirap ang pinahirapan ng kanilang kasamahan at kaibigan. Pintahan n’yo na: Dati-rati’y hinangaan ang pagyaman ng solon subalit ngayo’y namimi- ligrong maglaho lalo pa’t mga dating kauri ang pinagkakitaan nito. Kung senador o kongresista, abangan sa 2010 polls.

april 16 2009 abante tonite

	Iisa ang mastermind!
	Rey Marfil
Napakahirap nang walang asawa, katulad ni Loren Legarda, ito’y inakusahang girlfriend ni East Timor President at Nobel Peace Prize awardee Jose Ramos-Horta, gamit ang isang nagpakilalang news magazine. Ang headline: ‘Senator Loren Legarda is in love again: Will Only Marry Head of State’. Ang depensa ni Loren Sinta, ito’y naimbitahan lamang sa East Timor bilang state guest. Sabagay, walang masama kung mag-asawa sa ikatlong pagkaka­taon, ito’y legally separated o walang bisa ang kasal sa unang asawa, maging kay convicted murder at ex-Batangas Gov. Tony Leviste. Hindi kailangang magtinda sa palengke at maghalo ng graba para maintindihang may karapatang lumigaya si Loren Sinta. Ang tanong lamang: Papayag bang taga-abot lamang ng tsinelas ni Ramos-Horta si Loren Sinta bilang papel ng isang asawa? In fairness kay Loren Sinta, napaka-imposibleng patulan si Ramos-Horta, lalo pa’t nung nakaraang kampanya, inamin ng lady solon na idinispatsa ang isa sa mga nagpaparamdam. Kundi nagkakamali ang Spy, meron isang mayamang Chinese businessman ang umaaligid sa lady solon at naka-base sa East Timor. Sa malamang, namali ng pagsipat ang kalaban ni Loren Sinta at napagkamalang si Ramos-Horta. Anyway, ‘sounds familiar’ ang Ramos-Horta kay Loren Sinta, hindi ba’t si ex-President Fidel Ramos ang ‘pumirata’ sa lady solon bilang se­natorial candidate noong 1995 elections? Ang resulta: Naun­­­syami ang pangarap ni DOF Sec. Gary Teves makarating ng Upper House, as in ipinagpalit ni Tabako at ibinigay ang natitirang slot kay Loren Sinta kahit napaka-loyal ni ‘Gary T’ sa Lakas-NUCD party. *** Napag-uusapan ang demolition job, hindi nag-iisa si Loren Sinta sa biktima. Bago pa man kumalat ang pag-iibigang ‘Loren at Jose’, unang binuliglig ng kahalintulad na operasyon ang kasamahang si Senator Panfilo ‘Ping’ Lacson. Katulad ng ‘special opera­tions’ kay Loren Sinta, isang pekeng tabloid ang kinasangkapan at ipinakalat sa slum area para wasakin ang imahe ni Lacson -- ito’y kainitan ng ‘Mancao story’ ni Sir Raul Ko. Take note: ipimudmod ang 2-page tabloid sa mga taga-Tondo, maging sa mga residente sa Port Area at iba pang mataong lugar sa National Capital Region (NCR). Gamit ang ‘Bukol Express’ bilang company name, pawang kasiraan ni Lacson ang naka-imprenta sa 2-page tabloid, animo’y ‘resur­rection’ ng demolition job nina ex-ISAFP chief Victor Corpus, ex-General Reynaldo Berroya, Ador Mawanay, Rosebud at Blanquita Pelaez, as in ‘xerox’ o photo copy sa naunang script ang pag-atake. Kung maagang ipinanganak si Lacson at nabuhay sa panahon ng mga Kastilalo’y, sa malamang, naituro pang pumatay kina Gat. Jose Rizal at Andres Bonifacio. Kaya’t masuwerte si Loren Sinta, aba’y head of state ang boypreng iniintriga, kesa naman tambay ng inuman o kaya’y manyakis sa staff? Ang ma­tinding revelation sa lahat, iisa ang pinagmulan ng ‘Bukol Express vs Lacson’ at ‘Spybiz magazine vs Loren Sinta. Kaya’t asahan ni Boy Padyak, as in Mar Roxas, ito ang susunod na biktima! Hindi tinukoy ni Lacson kung sino ang nagpondo, subalit ibinistong nakabase sa Sta. Cruz, Maynila ang printing firm na nagpatakbo ng istorya. Ibig sabihin, iisa ang mastermind at walang choice ang printing firm kundi tanggapin ang working job. Sabagay, kahit pag-imprenta ng bold, papatulan ng printing firm, lalo pa’t krisis ang buong mundo at mahirap kumita ng pera. Mantakin niyo, pati Sogo Hotel, inirerekla­mong nagpapalabas ng bold para makahikayat ng costumer, aba’y isang text message ang natanggap ng kurimaw at meron daw ‘triple X’ sa bawat kuwarto ng Sogo Hotel at tumatanggap ng estudyanteng costumer. Kung ganito ang kalakaran, posibleng mauwi sa drug den ng kabataan. Kaya’t dapat banta­yan at imbestigahan ang Sogo Hotel, maliban kung namali ng channel o nagha-hallucinate sa ‘excitement’ ang sender! (www.mgakurimaw.blogspot.com)

april 15 2009 abante tonite

	Solon nagselos sa pagpapakasal ng ex
	(Rey Marfil)
Sa halip na ikatuwa, tamang-selos ngayon ang isang matapobreng lady solon matapos maba­litaang binabalak pakasalan ng dating boypren ang bagong karelasyon, patunay ang ginagawang pang-iintriga gayong meron ng sariling buhay ito. Bagama’t matagal nang nag-asawa, halos ‘ma­matay’ sa selos at ing­git ang matapobreng lady solon nang mabalitaang lalagay sa tahimik ang ex-boyfriend at walang ibang masuwerteng babae kundi ang kasalukuyang karelas­yon, as in pinagsisihan kung bakit nag-break ang mga ito. Nasaksihan ng TO­NITE Spy kung paano kaiinggitan ng matapobreng lady solon ang karelasyong bebot ng ex-boyfriend ngayong nagkakalinaw ang pagmartsa patungo sa altar, patunay ang ginawang pang-iintriga sa harap mismo ng mga reporter at kasama­hang mambabatas. Bagama’t walang announcement at hindi pa naman napag-uusapan ng bawat pamilya ang pagpapakasal o wala pang pa­mamanhikan nagaganap, animo’y spokesman at ‘wedding planner’ ng mag-syota ang matapobreng lady solon. Ang rason, mismong matapobreng lady solon ang nagkukuwento sa nalalapit na pag-iisang dibdib ng mag-syota at me­ron pang nalalamang ‘wedding reception’ ang kumag, gayong deny to death ang ex-boyfriend sa isyu ng pagpapakasal. Sa harap ng mga kasamahang mambabatas, ikinuwento ng matapob­reng lady solon ang nakatakdang pagpapaka­sal ng ex-boyfriend bago sumapit ang 2010 elections, partikular sa kila­lang personalidad na ka­relasyon nito. Ang nakakatawa lamang, sadyang likas sa matapobreng lady solon ang pagiging spoiled brat o bratinela dahil walang pakialam sa damdamin ng kausap at kaharap, as in patay-malisyang ikinukuwento ang pagpapakasal ng ex-boyfriend sa isang kasamahan na naunang nakarelasyon ng bebot. Hindi naman kinagat ng mga kurimaw ang senar­yong ‘patay-malisya’ ang matapobreng solon sa pagkukuwento dahil likas sa kumag ang pagiging alaskador at makailang-beses nang napatunayang pinagseselosan nito ang babaing karelasyon ngayon ng kanyang ex-boyfriend, kung kaya’t pinaniniwalaang sinadya ang pagkakataon para asarin ang kasama­han na naunang nakare­lasyon ng bebot. Clue: ‘Mag-Kuya’ ang ex-boyfriend ng matapobreng lady solon at kasamahang solon, as in unang naging girlfriend ng kasamahang solon ang napabalitang pakakasalan ng ex-boyfriend ng matapobreng lady solon. Kung senador o kongresista, ipagtanong sa mga taga-Dos, maging sa mga ‘dayuhang pulis-patola’ na nagkunyaring ‘dugong-bughaw’. (www.mgakurimaw.blogspot.com)

april 14 2009 abante tonite

	Iba si Miro Quimbo!
	Rey Marfil
Kahit 250 libo ang population requirement sa bawat congressional district, ipinipilit ng Arroyo administration ang 170 population, as in pinahahati ang distrito ni Cong. Dato Arroyo sa 1st at 2nd district, gamit si Senator Joker Arroyo. Mismong si Senator Noynoy Aquino, chairman ng local government committee, plakado ang hidden agenda ng Palasyo -- maaaring gamitin ni Mrs. Arroyo ang isa sa distrito sa CamSur, hindi ang Pampanga kapag lumusot ang Con-Ass. Kundi uubra ang ChaCha, at least secured ang anak, aba’y paano kung bumalik si DBM Sec. Nonoy Andaya sa 2010 polls? Take note: Si Andaya ang nakaupo sa 1st district at ipinaubaya kay Dato, kapalit ang cabinet post. Ganyan kadesperado at kalupit mag-isip ang Palasyo. Kahit itanong niyo pa kay birthday boy Gerry de Belen! Ang nakakalungkot, nada­may ang Cavite province sa ‘re-districting’. Mantakin niyo, 3-congressional seat lamang ang Cavite gayong 3 milyon ang population, ito’y napakalayo sa 6-congressional district ng Bulacan. Ang nakakatawa lang, nag-iiwasan sa kalaban ang mga proponent, katulad ni retiring Governor Ayong Maliksi, puntirya ang lone district ng Imus para maiwasan si Cong. Barzaga sa 2nd district. Take note: Anak ni Ayong si Imus Mayor Manny Maliksi. Maging si Cong. Boying Remulla, pinahati ang 3rd district at ipinasa sa 4th at 5th district. Anyway, expected ang pagpalag ng Tagaytay City na maisama kay Boying dahil kalaban ang grupo ni Mayor Tolentino. Kapag lumusot ang ‘extra district’ sa Cavite, isang option ng kampo ni Senator Bong Revilla ang pagtakbuhing Congresswoman sa lone district ng Bacoor ang kanyang esposa -- si Lani Mercado. Ang posibleng makabangga ni Lani si ex-Cong. Praridel Abaya -- ang tatay ni Cong. Jun Abaya na kumakatawan sa 1st district. Nakakatawa ‘di ba, sila-sila ang nagkikita sa finals. Ang malinaw lang sa deklarasyon ni Senator Bong, hindi ipipilit si Lani kapag malabong manalo, aba’y mahirap nga naman madalawahan ng talo. Iyon nga lang, napakaganda ng performance ni Mayor Strike Revilla, as in isang ‘Bagong Bacoor’ ang sasalubong pagpasok ng Cavite, siguradong click ang tandem ng mag-hipag kapag naupo dahil buhos ang proyekto sa Bacoor! *** Napag-uusapan ang congressional race, kung katulad ni ex-Pag-IBIG President Miro Quimbo ang lahat ng mga nakaupong gabinete ni Mrs. Arroyo, matagal nang nabura ang mga sipsip at walang delicadeza sa gobyerno. Iyong ibang opisyal, sagaran kung gamitin ang makinarya at government funds upang paba­nguhin ang imahe bilang preparasyon sa pulitika. Ibahin niyo si Miro Quimbo, ito’y nag-resign upang mapaghandaan ang pagtakbong Congressman sa 2nd district ng Marikina. Ang rason: Ito’y merong delicadeza sa katawan, as in ayaw maakusahang ginagamit ang kapangyarihan at government funds para mapaboran ang political ambitions, katulad ng ginagawa ng mga ulupong sa Palasyo at ganid sa gobyerno. Sabagay, napapanahon ang pagtakbo ni Miro sa Marikina bilang Congressman, hindi lamang hinog kundi subok sa public service. Sa daming naupo sa Pag-ibig, walang katulad si Miro, ito’y napaka-matulungin at madaling kausap basta’t bahay ang problema. Sa lahat ng tropa ni ex-presidential chief of staff Mike Defensor na dinala sa Malacanang, wala nang titino pa kay Miro Quimbo bilang public servant. At ang pinakamagandang mangyayari sa mga taga-Marikina, hindi katatakutang ‘ma-food poison’ ang kanilang Congressman dahil siguradong hindi ‘mapapanisan ng laway’ sa session hall si Miro dahil meron itong ibubuga sa paglikha ng batas. Kahit itanong niyo sa mga senador kung sino ang may likha ng Pag-IBIG charter at lehitimong ‘think thank’ sa housing project ng Malacanang! (www.mgakurimaw.blogspot.com)

april 13 2009 abante tonite

	Solon nag-date ng staff sa NY
	(Rey Marfil)
Katulad ng kasabihang ‘mahirap ituwid ang matandang sanga’, wala ng pag-asa pang magbago ang pagiging manyakis ng isang matandang miyembro ng Kongreso, patunay ang pagbitbit ng staff upang maka-date sa Amerika. Sa report na nakalap ng Tonite Spy, hindi pa rin tumitigil sa kamanyakan ang matandang solon at kahit nanga­ngamoy-lupa ang balat, feeling-tinedyer ang kumag, animo’y nagmumurang kamyas kapag nakakakita ng tsinitang bebot. Hindi kumukuha ng pangit na tauhan ang matandang solon at kadalasan, ito’y tsinita at mestisahin kung saan magkakahawig ang mukha, katulad din sa mga naunang staff na natikman ng kumag at na-asembolan. Halos lahat ng mga magagandang staff sa opisina ng matandang solon, ito’y ‘nalawayan’ ng mambabatas, kabilang ang mga mestisahing legal staff. finance officer, inarkilang nurse at executive assistant. Kamuntikang nakasuhan ng sexual harassment ang matandang solon subalit nahiya ang staff sa eskandalong lilikhain kapag sinampa­hang ng kaso ang amo kaya’t napilitang makipag-ayos at patuloy na nagtatrabaho sa opisina ng kumag kahit nangagalaiti sa galit ang buong angkan sa mambabatas. Dahil sadyang manyakis ang matandang solon, hindi maitatago sa kanyang balat ang pagkahilig sa laman kung saan hindi magawang bitawan ang isa sa kinakalantaring staff na nagsisilbing labasan ng init kapag hindi umubra ang mga hirit sa ibang staff. Makailang-beses nasangkot ang matandang solon sa pangma-manyak ng tauhan at hindi maiwasang nagtatampo o magse­los ng isa sa kinakalanta­ring staff dahil meron ibang pinapaboran ang mam­ba­batas at walang ibang choice ang kumag kundi suyuin at isama sa foreign trip ang bebot upang hindi ma-eskandalo ito, katulad sa kamuntikang sexual harassment na natikman. Sa huling biyahe sa Amerika, isinama ng ma­tandang solon ang karelasyong staff sa New York at expected ng mga kurimaw ang pagpupulot-gata ng dalawa dahil nagsimulang pagselosan ng bebot ang napapabalitang minamanyak ng mambabatas sa kanilang opisina. Sa ibang opisina ng matandang solon pumapasok ang karelasyong staff at sadyang hiniwalay ng mambabatas upang maiwasan ang iringan sa pagitan ng iba pang minamanyak at pinupuntiryang tauhan. Clue: Hindi matatawaran ang husay sa batas ng matandang solon subalit numero unong balimbing at nagbebenta ng kapartido. Ito’y meron letrang “N” sa kabuuan ng palayaw, as in ‘Nakayari’ ng isang lady solon na ‘20% discount’ ang criteria sa pagpili ng karelasyon. (www.mgakurimaw.blogspot.com

april 9 2009 abante tonite

	Magtika ka, Sir Raul ko!
	Rey Marfil
Ngayong Semana Santa, bakit hindi magtika ang mga kampon ni Mrs. Arroyo, katulad ni Jocjoc Bolante, aba’y pagkatapos pagkakitaan ang pondo ng mga magsasaka noong 2004 elections, ito’y tatakbo pang gobernador at walang ibang napiling lugar kundi ang lalawigan ng boypren ni Ate Koring -- ang Capiz. Kapag nagkataon, hindi lang abono ang aanurin, baka Office of the Governor mailista sa tubig. Ang tanong lamang, bakit ‘no comment’ ang office ni Boy PI, as in Mar Roxas gayong napakalakas ng loob magmura at mag-sumigaw ng P... Ina sa harap ng media, maliban kung takot mawalan ng boto at suporta sa sariling bayan? Hanggang ngayon, shock si Ronald Peral, isa lamang sa constituent ni Roxas kung anong mukhang ihaharap ng mga taga-Capiz sa buong mundo kapag naupong gobernador si Bolante. Sa isang baranggay fiesta noong Marso 17, ‘special guest’ ang tinaguriang ‘grand master’ sa pagda-divert ng multi-bilyong fertilizer fund at ipinakilala pang ‘next Governor’ ng isang alkalde. Ika nga ni Ronald, ‘I was surprised when he was introduced by our mayor as the next governor of Capiz. I can’t imagine that he is our next governor.’ Maaaring ‘na-surprise’ si Ronald pero hindi ang mga kurimaw, rebyuhin ang mga nakapalibot sa misis ni Jose Pidal, hindi ba’t kasapakat sa dayaan at nasangkot sa iba’t ibang katiwalian? *** Sa lahat ng gabinete ni Mrs. Arroyo, malamang kapos ang tatlong (3) araw, simula Huwebes Santo hanggang Linggo ng Pagkabuhay para pagnilayan ni DOJ Sec. Raul Gonzalez ang pagkakamali sa buhay, hindi lamang ang demolition job, nagiging almusal ni Senator Ping Lacson, simula pagbuhay sa Kuratong Baleleng hanggang script ni Cezar Mancao, kundi sa iba pang taong pinahiya at pinahirapan. Balikan ang nakaraan, hindi ba’t pati kasal nina Cesar Montano at Sunshine Cruz, ito’y pinakialaman, kesyo magastos at bongga ang handaan sa Coconut Palace, gayong kahit isang singkong duling, hindi naman hiningan ng mag-asawa, maliban kung nagpapa-imbita? Maliban sa ‘Buboy-Sunshine wedding’, hindi rin pinatawad ni ‘Sir Raul ko’ ang dalawang (2) biyuda-sina ex-President Cory Aquino at Susan Roces. Mantakin bang pagsabihan ang misis ni Da King na ‘sobrang maganda para makulong’ gayong nagpakatotoo lamang sa deklarasyong ‘You cheated the Presidency, Not once but twice’ maliban kung tatlo ang bilang ni ‘Sir Raul ko’, kasama ang ‘Maguindanao magic’ noong 2007 polls? Maging si Kris Aquino, idinamay ni ‘Sir Raul ko’ sa ‘katalasan’ ng kanyang dila para lamang maresbakan si Tita Cory at ‘feeling-stage father’ nang pagsabihang hindi magawang rendahan ang anak. Hindi man lamang inisip ni ‘Sir Raul ko’ na utang sa Aquino administration ang pagkaka-upong Tanodbayan, iyon nga lang nasibbak sa eskandalong sinabitan! Pinakahuling biktima ni ‘Sir Raul ko’ ang umano’y tatlong (3) reporter na inutusan ni Lacson magbitbit ng US$100 libong piyansa ni ex-Col. Glenn Dumlao sa Amerika. Ni sa panaginip, ayokong isiping nagha-hallucinate si ‘Sir Raul ko’, aba’y nangangailangan ng sampung (10) tao para mailusot sa US immigration ang salaping ito, as in US$10 libo lamang ang allowed bawat pasahero. Kung pamilya ni ex-AFP comptroller Rodolfo Garcia nasabat, iyon pa kayang pinagbibintangang mediamen? Hindi lang iyan, animo’y merong pinanghahawakang ebidensiya kung magsalita at napakalakas pang pangalanan si Raymond Burgos. Kung nag-aaral lamang ng homework ang mga kaporal ni ‘Sir Raul ko’ sa Bureau of Immigration and Deportation (BID), hindi sana ‘nakuryente’ at nadiskubreng paso ang US visa ni Raymond. Kung nagkataong bebot si text message, sa malamang, ito’y matagal nang nanganak at nagka-apo, aba’y ‘pinapatulan’ ni ‘Sir Raul ko’ ang mga malisyosong text message na kumakalat. At sa malamang, naisama sa intriga at nilagyan ng malisya ang Christmas vacation naming mag-asawa sa Texas na nakakahiya sa aking hipag na kumargo sa lahat. Sabi ng namayapa kong ina ‘Ang taong naniniwala sa sabi-sabi, ito’y walang bait sa sarili’. Siguro naman ‘present’ si ‘Sir Raul ko’ nang ituro sa Grade One ang kasabihang ito, maliban kung ‘tulo-laway’ na natutulog sa bangko o kaya’y umeskapo para kainin ang baon sa likod ng classroom na sa tingin ng Spy, ito’y hindi magagawa nang ‘Sir Raul ko’. (www.mgakurimaw.blogsot.com)

april 8 2009 abante tonite

	Daldalerong solon nang-away ng reporter
	(Rey Marfil)
Kung meron dapat sisihin sa natitikmang kritisismo sa publiko, ito’y sariling kapalpakan ng isang miyembro ng Kongreso dahil sobrang sawsaw sa bawat istorya at inaakalang tauhan ang mga mediamen na nakakausap kaya’t napapaaway nang live. Hindi maiwasang magtaasan ng kilay ng mga kurimaw, sa pangunguna ng TONITE Spy matapos umastang station manager ng isang kilalang radio station sa Metro Manila ang daldalerong solon, patunay ang ginawang pag-sermon sa anchor person. Tinawagan ng lady anchor ang daldalerong solon upang hingan ng komento at maipagtanggol ang sarili sa natitikmang pag-atake sa kamay ng mga kaporal ni Pangulong Gloria Macapagal-Arroyo, maging sa sariling kasamahan at iba pang sektor ng lipunan. Taliwas sa inaasahan ng lady anchor, naglitanya sa himpapawid ang daldalerong solon, animo’y block timer o nagbabayad ng oras sa radio station dahil kulang na lamang mag-programa, as in kamuntikan pang inagawan ng trabaho ang komentarista. Ang matinding revelation sa lahat, nagawa pang awayin sa ere, as in on air pinag-uupakan ng daldalerong solon ang mga kalaban at nadamay ang lady anchor, gayong wala namang kinalaman ang komentarista sa natitikmang pagbatikos sa hanay ng ilang sektor ng lipunan. Tanging nakakatawa lamang, hindi umubra ang mala-armalite na bunganga ng daldalerong solon sa lady anchor matapos resbakan at harap-harapang supalpalin ang paninisi, maging ang ginawang pag-sermon sa himpapawid, as in katakut-takot kaya’t mabilis din nag-I am sorry sa kausap. Kapag nasusukol ang daldalerong solon sa ginagawang paninisi sa media, kaagad nag-ala Pontio Pilato ang kumag dahil mabilis naghuhugas ng kamay at walang ibang depensa kundi i-etsapuwera sa mga ina­akusahan ang kausap at itinuturo ang ibang reporter na bias ang komentaryo sa isyu. Clue: Mula sa “Kapuso network” ang lady anchor nagsisimula sa letrang “R” habang pang-Guinness Book of Record sa katabilan ang daldalerong solon at madalas nabubulol sa interpellation at debate dahil nauunahan ng isip ang buka ng kanyang bibig. Nagiging letrang “M” initial ng kanyang campaign slogan at commercial kapag binaliktad, as in Mulaway. (www.mgakurimaw.blogspot.com)

april 7 2009 abante tonite

	‘Noli-Jinggoy’ ang ipinupunla ni Puno!
	Rey Marfil
Noong nakaraang Abril 2, naudlot ang ‘big announcement’ ng Lakas, maging ang Senate reporters ay nasorpresa sa paglalahong parang bula ni Migz Zubiri gayong walang puknat ang text brigade. Ang ending: Isang nakakapanlumong ‘announcement’ ang ibinigay ni Speaker Boy Nograles, aba’y itina­lagang spokesman ang talunang senatoriable ng Team Unity (TU) -- si Prospero Pichay gayong hindi nga magawang tumubo sa Senado at hindi maipaliwanag ang collusive bidding scheme, alinsunod sa World Bank (WB) report. Sabagay, paano mananalo si Pichay kung hanggang ngayon hindi malaman ng mga taga-palengke kung tao o gulay ito. Kahit itanong n’yo pa kay Ninang Shiela Policarpio na nagdiriwang ng kaarawan ngayon! Hindi natin babanggitin, isa sa Lakas stalwart ang nagkumpirmang ‘big announcement’ ni Zubiri ang pagpili kay Vice President Noli De Castro bilang standard bearer kaya’t mala­king palaisipan ngayon kung sino ang humarang. Kundi nagkakamali ang Spy, isang nagpakilalang ‘opposition presi­dentiable’ ang nagmanipula, gamit ang mga kaporal sa loob ng Lakas dahil puntir­yang mahamig ang suporta ng misis ni Jose Pidal at kampo ni Erap, as in bihasang ‘mamangka sa dalawang ilog’. Ika nga ng mga naghahalo ng graba at nagtitinda ng hipon, aba’y ‘pera-pera lang iyan’ at hindi nakakapagtakang nabibili pati pagiging oposisyon. Anyway, isa lang ang malinaw ngayon, meron bagong abogado sa opisina ni De Castro -- si Mareng Dale Zapata, media division chief sa Office of the Vice President (OVP) kaya’t magbu-blowout si Mommy Josie! *** Napag-uusapan si Uncle Noli, kahit saang coffee shops at forum, maingay ang pangalan ni DILG Secretary Ronnie Puno bilang promotor sa ‘Noli-Jinggoy tandem’. Maging si political affairs advi­ser Gabby Claudio, isa sa tatlong (3) itina­lagang spokesman ng Lakas, aba’y itinuturong kasapakat sa “Noli-Jinggoy scenario”. Hindi kailangang UP graduate para maintindihan ang senaryong ito, kalokohan kung nakalimutan ni Puno ang ambisyong matawag bilang ‘Executive Secretary’, lalo pa’t napako sa DILG? Hindi malayong ‘bumigay’ si Erap sa offer dahil suntok sa buwan kung maka­balik sa puwesto, lalo pa’t merong kuwestyon sa legalidad ng pagtakbo. Sapantaha ng ilang GMA boys, maiko-convert ang boto ni Erap kay Jinggoy. Kahit sinong ama, walang ibang iniisip kundi kabutihan ng anak. Sa kalagayan ni Erap, asahang magbabago ng tono si Manong Ernie Maceda at abangan ang ‘unification and reconciliation spin’ sa media. Tandaan: Magkaibigan sina Erap at Noli, patunay ang ‘pag-ampon’ nang tumakbong senador noong 2001. Iyon nga lang, ibang tropa (Wednesday group) ang sinamahan ni De Castro, kaya’t hindi makakalimutan ni Nene Pimen­tel kung bakit natalong Senate President laban kay Frank Drilon. Sa huling pakikipag-usap ng Spy, isa lang ang tinuran ni De Castro “Bakit ako tatakbong Bise, eh Bise na ako ngayon’, maliban kung namali ng dinig at ‘busy’ ang ibig sabihin ni Uncle Noli? At hindi rin itinago ni De Castro ang sama ng loob sa mga nagpapakalat ng senar­yong ‘done deal’ ang mu­ling pagtakbong Vice President, maging ang isyung binayaran para makipag-tandem kay Villar. Hindi natin babanggitin kung sino ang itinuturong mastermind ni De Castro suba­lit malinaw sa kanyang pana­nalita ang katagang ‘Ganyan talaga, wala naman kaibi-kaibigan sa pulitika. Kung kami nga ni Loren na kumare ko pa, kung anu-anong paninira ang inabot ko’. Ni sa panaginip, ayokong isiping pinarurungitan ni Noli si Villar, maliban kung meron iba pang itinutu­ring na kaibigang presidentiable, lalo pa’t hindi naman miyembro ng Wednesday group sina Mar Roxas, Ping Lacson at Chiz Escudero? Kung ganito ang deklarasyon ni Noli, abay’ huwag nang umasa ng himala ngayong Semana Santa si Villar, bagkus, paghandaan ang ethics probe sa double insertion at conflict of interest ng C-5 road project dahil naka-iskedyul ang hearing makaraan ang Linggo ng Pagka­buhay! (www.mgakurimaw.blogspot.com

april 6 2009 abante tonite

	Manyakis na ex-cabinet official, sumailalim sa marriage counseling!
	(Rey Marfil)
Hindi nagtatapos ang kuwento sa simpleng pag-I’m sorry ng isang dating gabinete sa harap ng mga tauhan dahil sa ginawang kamanyakan sa isang magandang staff matapos sumailalim sa marriage counseling, kasama ang kanyang misis. Sa report na nakalap ng TONITE Spy, bago nag-ala Gloria sa ‘Hello Garci scandal’ si ex-Cabinet Secretary, ito’y napraning matapos umikot sa text messages ang pangmamanyak sa magandang staff at lumutang ang senaryong kakasuhan ng pamilya, lalo pa’t maimpluwensiya at angkan ng mga abogado de kampanilya ito. Sa tindi ng naramdamang takot at ‘pagka-aning-aning’ ni ex-Cabinet official, ito’y kaagad tumalilis, as in umeskapo patungong Amerika, kasama ang kanyang misis, kalakip ang pangambang maeskandalo at habulin kapag sumambulat sa media ang ginawang kabulastugan. Ang nakakatawa lamang, kinasangkapan ni ex-Cabinet official ang isyung sasailalim sa marriage counseling kung kaya’t kailangang mag-file ng vacation leave. Makalipas ang ilang linggo, gamit ang rasong sumailalim sa marriage counseling sa Amerika, bumalik si ex-Cabinet official at mistulang nahimasmasan sa ginawang kamanyakan dahil kaagad hinarap ang buong pamilya ng babaing pinaghihipuan, as in humingi ng meeting upang humingi ng tawad, kasama ang misis nito. Sa harap ng pamilya ng babaing minanyak matapos paunlakan ang hininging dinner, kasama ang kanyang misis, nag-ala US President Bill Clinton na nasangkot sa elicit affair kay Monica Lewinski si ex-Cabinet official para ihingi ng paumanhin ang pang-aabuso at hindi mapigilang pagka-uhaw sa laman. Naging mapagpatawad naman ang pamilya ng babaing minanyak ni ex-Cabinet official subalit humingi ng kondisyon, kabilang ang paghingi ng ‘sorry’ sa harap ng mga empleyado at aminin ang ginawang kabulastugan. Katulad ng inaasahan, humingi ng sorry si ex-Cabinet official sa mga tauhan, kasabay ang pagbibitiw dahil nabigyan ng panibagong puwesto. Clue: Hindi matatawaran ang husay ni ex-Cabinet official subalit mahina ang pagtitimpi sa init ng katawan, patunay ang pagpatol sa anak ng kanyang kumpare kaya’t nasasapak sa loob ng comfort room. Ito’y meron letrang ‘M’ sa kabuuan ng pangalan at apelyido, as in Manyakis. (www.mgakurimaw.blogspot.com)

april 4 2009 abante tonite

	Adelantadong vice presidentiable
	(Rey Marfil)
Sa halip na makakuha ng suporta at ikatuwa ang maagang pagdeklara, pinagtatawanan ng sariling kasamahan sa organisasyon ang isang nagpakilalang ‘vice presidentiable’ dahil umiral ang pagiging adelantado at ‘feeling super-sikat’, katulad ng pagkakalarawan sa sarili nito. Sa report nakalap ng TONITE Spy, hindi lamang nagtaasan ang kilay ng mga kasamahan sa organisasyon matapos magpaka-adelantado ang isang nagpakilalang ‘vice presidentiable’, bagkus nasamid habang kumakain ng singaw na popcorn sa harap ng telebisyon. Kahit saang kuwentuhan, mapa-Spy Barbershop o kaya’y Chupopoy’s Manukan and Restaurant, pinagtatawanan ang pagka-adelantado ng nagpakila­lang vice presidentiable dahil walang sinumang kasamahan sa organisasyon ang nagkaka-interes dito. Kaagad pinagduduhan ng mga naglipanang kurimaw sa Pasay at Pampanga ang senaryong pinaghahandaan ng nagpakilalang vice presidentiable ang tulu­yang paglilipat-bakuran at inu­unahan lamang ang posibleng pagka-itsapuwera sa selection process, lalo pa’t bad trip sa kanya ang mga kasa­mahan sa orga­nisasyon. Kamuntikan pang mag­lupasay sa kusina habang nagluluto ng binatog ang isa sa kapitbahay ng kasamahan sa organisasyon ng nagpakilalalang vice presidentiable dahil suntok sa buwan kung makakuha ito ng suporta sa mga katropa nito. Bagama’t hindi kalbo, maraming napatawa sa loob ng organisasyon ang nagpakilalang vice presiden­tiable nang ideklara nito ang sarili bilang isa sa conten­der sa 2010 national election, ga­yong wala pang napag-uusapan ang mga ito, as in nauwi sa ‘I nominate myself’ ang drama ng mokong. Puntirya ng adelantadong vice presidentiable ang bendis­yon ng kaibigan at makuhang running mate, hindi ang ‘green light’ na mag­mumula sa sariling orga­­nisasyon kung kaya’t ipinaramdam ang pagli­lipat-bakuran at gagamitin ang pagka-itsapuwera para magmukhang inapi ng mga kasamahan. Clue: Mahilig mag-solo flight ang adelantadong vice presidentiable at beterano sa gimik, patunay ang paggamit sa isang kapamilya para masungkit ang inaambisyong posisyon sa pamahalaan. Ito’y saksakan ng kunat at balitang naka-asembol sa mestisahing staff. (www.mgakurimaw.blogspot.com)

april 3 2009 abante

Sustento sa anak, tinitipid

Kung anong dami ng perang naisusubi at kinita sa gobyerno, kabaliktaran lahat sa sustentong natatanggap ng nag-iisang anak ng isang kampon ni Pangulong Gloria Macapagal-Arroyo, patunay ang pagkakuripot at mala-tiyaning halagang natatanggap nito Bagama’t kayang buhaying mag-isa ng ina ang anak kahit walang suporta si undersecretary, hindi maiwasang maawa ni Mang Teban sa bata lalo pa’t nag-iisang tagapagmana at nagdadala sa apelyido, as in lehitimong anak at mayaman ang opisyal. Hiniwalayan ni Usec ang kanyang misis matapos ma-in love sa sariling staff na inarkila, partikular sa isa sa tatlong babaeng umaastang ‘Charlie’s angel’ sa kanyang opisina. Hindi maayos ang pagkakahiwalay ng mag-asawa at nauwi sa usapang magbibigay ng sustento si Undersecretary subalit ‘nakaka-iyak’ ang buwanang parating sa nag-iisang anak dahil pambayad lamang ng electric bill ang halaga gayong sandamakmak ang kinikita at buhay-reyna ang kanyang kabit o kinakasama. Halos barya lamang ang buwanang sustentong ibinibigay ni Usec sa nag-iisang anak, patunay ang P10 libo kada buwan gayong sandamakmak ang salaping kinita at naususubi sa Malacanang at gumagastos ng malaki sa foriegn trip, maging sa pagtatambay sa mga night club. Maliban dito, saksakan din ng takaw sa pagkain si Usec at lumalabas pang bengkong lamang ang P10 libong sustento sa kanyang anak lalo pa't libu-libo kung gumastos sa pananghalian at hapunan kaya't nabansang "Boy Tsibog" ng Malacanang. Pintahan n’yo na: Neverheard ang pangalan ni Undersecretary subalit sobrang lakas sa Malacañang at napasok lamang sa trabaho dahil kalaro ng basketball ang isa sa anak ni Mrs. Arroyo. Ito'y meron letrang "C", as in corrupt.(www.mgakurimaw.blogspot.com)

april 2 2009 abante tonite

	False Asia at MWSS survey?
	Rey Marfil
Sa resulta ng Social Weather Stations (SWS) survey, nangunguna pa rin si Vice President Noli De Castro, (27%), kasunod sina Manuel Villar, (26%), Loren Legarda (25%), Chiz Escudero (23%), Mar Roxas (15%), Ping Lacson (14%), at Erap Estrada (13%). Sa pitong (7) presidentiables, pinaka- masuwerte sina Noli, Chiz at Ping, aba’y wala pang pondong inilalabas, ito’y nasa survey, hindi katulad ng ‘bayaning isinusuka ng mga vendor’ -- si MMDA chairman Bayani Fernando na malapit nang magtayo ng hardware dahil ginawa nang lahat ng gimik at kulang na lang ay mag-madyik sa kalye, puro pako pa rin ang rating. Ikumpara sina Noli, Chiz at Ping sa ibang presidentiables, kalokohan kundi umabot sa bilyones ang pre-campaign ads ni Mr. Two Things Villar sa nagdaang ilang buwan upang matakpan ang ‘double insertion’ sa C-5 project? Mantakin n’yo, halos kausapin ni Villar bawat minuto ang itik sa TV commercial para iangat ang popularidad subalit na-gutter pa rin, as in natapyasan ng 1%, hindi bale si Uncle Noli kahit 4% ang natanggal, libre at sariling palo ng gobyerno ang Pag-IBIG infomercial. Maging si Mr. Palengke, umuusok ang TV ads, oras-oras nagpapa-interbyu sa Legacy scam at halos araw-araw din ipinapatawag si Celso delos Angles sa Upper House subalit 5% lang ang ‘tinubo’ gayong humigit-kumulang P80 milyon ang puhunang inilagay sa isang television station pa lamang! *** Napag-uusapan ang survey, hindi kailangan pang kumuha ng 1,200 respondents ng Pulse Asia at SWS upang ipa-intindi sa publiko ang katotohanang napakalaking katarantaduhan ang sariling presidential survey. Kahit sinong rugby boys sa ilalim ng LRT station, mababa-bad trip sa kanilang questionnaire. Mantakin n’yo, meron bang tatlong (3) Presidenteng ibinoboto, katulad ng katanungan kung sino ang ipapalit sa misis ni Jose Pidal ngayong 2010 election. Hindi naman si ex-House Speaker Jose de Venecia Jr., ang nag-o-opisina sa Palacio del Governador kundi nangangalang Jose Melo, kaya’t napakalabong magkaroon ng Deputy President for Mindanao, Visayas at Luzon, katulad ng pinauso sa Lower House ng mister ni Manay Gina sa mahabang panahon. Sa pinakahuling SWS survey, simula Pebrero 20 hanggang 23, ganito ang katanungan ng grupo ni Mahar Mangahas sa respondents: “Sinu-sino sa palagay ninyo ang mga magagaling na lider na dapat pumalit kay Pangulong Arroyo bilang Presidente? Maaari po kayong magbanggit ng hanggang tatlong sagot,” Hindi ba’t kataranduhan ang tanong, kahit sa actual voting, isa lang ang inilalagay sa balota bilang Presidente? At hindi lang 1,200 ang botante para paniwalaan ang nagsusulputang survey. Balikan ang resulta ng 2007 election, bakit nanalo si Senador Antonio Trillanes IV gayong idineklarang matatalo sa exit polls. Higit sa lahat, sablay ang prediksyon ng 2 survey firm kung sino ang Top 3 senators! Kung tamang pulso ng publiko ang hanap ng Pulse Asia at SWS, bakit kailangang maglagay ng tatlong (3) presidentiables, bakit hindi hayaan ang mga respondents mag-isip nang ibobotong Presidente, maliban kung nakasanayan ang mga nagsusulputang akusasyong “False Asia” at “MWSS” ang dalawang (2) survey firm, aba’y ‘nawa-wow mali’ at inililista sa tubig ang resulta ng survey?(www.mgakurimaw.blogspot.com)

april 1 2009 abante tonite

	Ex-Cabinet umaming nangmanyak ng staff
	(ReyMarfil)
Katulad ng mga aral sa Bibliya na hindi mananaig ang kasamaan sa kabutihan, napuwersang mag-I am sorry sa harap ng mga tauhan ang isang dating gabinete at ihiningi ng paumanhin ang pagiging manyakis sa nagagandahang staff. Sa report na nakalap ng TONITE Spy, natakot ang dating gabinete sa magiging resbak ng pamilya ng isa sa babaeng staff na kanyang minanyak kaya’t napuwersang mag-sorry, kasabay ang pagbibitiw sa kapangyarihan, partikular sa isang sequestered firm. Bago nag-resign si ex-Cabinet official, ito’y nasangkot sa isang sex scandal, as in kamuntikang nasampahan ng kasong sexual harassment matapos manyakin at paghihipuan ang magandang staff sa loob mismo ng ahensyang pinangangasiwaan nito. Sa tindi ng trauma sa kamay ni ex-Cabinet official, kaagad naghain ng resignation ang magandang staff subalit pinigilan ng isa sa mga bossing ng kanilang opisina kaya’t nauwi lamang sa vacation leave at ngayo’y nakabalik sa trabaho ang bebot. Nagmula sa maimpluwensyang pamilya ang magandang staff at de-kalibreng abogado de kampanilya ang karamihan sa mga kamag-anakan kaya’t natakot si ex-Cabinet official sa magiging resbak ng mga ito. Dahil naeskandalo si ex-Cabinet official sa sequestered firm, ito’y iniwas ng Malacañang sa sexual harassment na kinasasangkutan at kaagad inilipat ng ibang opisina ang kumag, as in muling nabiyayaan ng reward bilang kabayaran sa kabayanihan noong Edsa Dos. Kasabay ang pagre-resign sa sequestered firm at paglilipat-opisina, nagpatawag ng general assembly si ex-Cabinet official kung saan harapang inamin ang sexual harassment o eskandalong kinasasangkutan sa pagitan ng magandang staff. Naging makabagbag-damdamin ang pamamaalam ni ex-Cabinet official sa mga staff subalit ikinagulat ng lahat ng mga dumalo sa general assembly nang deretsahang kumpirmahin ng kumag ang sexual harassment na usap-usapan sa kanilang opisina at laman ng text messages na kumalat. Clue: Mala-REA rubbing alcohol ang polisiya ni ex-Cabinet official, as in walang patawad sa mikrobyo na kahit poste ng Meralco’y papatusin basta’t naka-palda ito. Kung sino si ex-Cabinet official, ipagtanong kay Senador Jinggoy Estrada kung sino ang umakyat sa entablado noong Edsa Dos, as in kasing-kahulugan ni ‘Mr. Palengke’ ang katawagan ng mga tauhan. (www.mgakurimaw.blogspot.com)