Monday, May 31, 2010

Mayo 31 2010 Abante Tonite

Solon, nanghihimas ng reporter
(Rey Marfil)

Sa halip magbago ng pag-uugali ngayong maituturing ng “matandang hukluban”, mas lumalala ang nakaugaliang paghimas at pananantsing ng isang matandang miyembro ng Kongreso sa mga kababaihang reporter.


Sa isang ambush interview, muling naispatan ng mga kurimaw, sa pangunguna ng TONITE Spy ang “pagpapasimple” ng matandang solon kung saan nanghihimas ng braso at balikat ng lady reporter.


Kung hindi lamang may edad na ang matandang solon at hindi iisiping malabo nang umigkas ang ipinagmamamalaking “barangay tanod”, mapagkakamalan pang “nagpapatigas” ang mokong dahil panay ang himas sa braso at balikat ng mga natitipuhang lady reporter.


Madalas “sinisimplehan” ng paghimas sa braso at balikat ng matandang solon ang mga batang reporter na nag-i-interview, katulad ang pagkunyaring kinakamusta, sabay hapit sa bewang ng bebot upang dumikit sa maselang parte ng katawan nito.


Kung hindi hinihimas-himas ang kamay ng natipuhang lady reporter, pasimpleng inaakbayan ng matandang solon sa buong interview ang bebot o kaya’y pinipisil at nilalambutsing ang muscle ng mga ito.


Hindi lang iyan, kapag napapansing hindi pumapalag ang natitipuhang lady reporter sa nakaugaliang paghimas sa kamay at braso, nagiging routine ng matandang solon ang pumindot ng bilbil, as in pinipisil-pisil ang mga “baby fats” ng reporter, sabay birong tumataba ang bebot upang hindi maakusahang nanantsing ito.


Bagama’t asiwa ang mga reporter na nabibiktima ng matandang solon sa mga pagpapasimple nito, wala naman magawa at hindi rin umaangal ang mga bebot dahil “yakap-lolo” ang turing at pagtanggap dito.

Ang nakakadismaya lamang, mistulang “child abuse” ang ginagawa ng matandang solon dahil walang ibang binibiktima kundi ang mga batang reporter, malinaw ang pagkakaroon ng malisya at agenda sa pananantsing lalo pa’t hindi naman ginaganito ang mga senior reporter na nag-interview, partikular ang mga tumanda na sa beat.


Clue: Madaling mahanap sa session hall ang matandang solon dahil isa sa maingay ngayong magpapalit ng bagong liderato. Kung kongresista o senador, itoy meron letrang “A” sa kabuuan ng apelyido, as in Ang hilig sa mestisang bebot kaya’t kamuntikang mademanda ng sariling staff dahil minanyak sa abroad. (mgakurimaw.blogspot.com)

Mayo 30 2010 Abate Tonite

Napakasimple lang!
Rey Marfil

Sa labanan ng Senate Presidency, hindi isyu kung sino ang mahusay at matino dahil numero ang nagdidikta ng hahawak sa martilyo.

Sa senaryong magbabalik-Se­nate President si Manny Villar Jr. -- ito’y napaka-premature para makaagaw ng headline sa peryodiko dahil hanggang ngayon nagbibilangan sa Kongreso.

Kahit anong pagsasabing ‘independent’ ang Upper House, nananaig pa rin ang kapangyarihan ng Malacañang sa pagpili ng Senate President.

At kahit sinong lumagay sa katayuan ng “Simpleng Pa­ngulo” -- si incoming President Benigno ‘Noynoy’ Aquino III, hindi gugustuhing madiskaril ang legislative agenda ng admi­nistrasyon lalo pa’t ‘mortal enemy’ noong nakaraang eleksyon ang makakatabi sa opening ng session, maliban kung handang magsabi ng ‘check’ sa State of the Nation Address (SONA) ito?
Malinaw ang mensahe ni Aquino sa TV ads patungkol sa ‘Ahas na landas’ -- ito’y patama kay Villar. Naim­bestigahan sa pagda-divert ng C-5 road project si Villar at kung gustong ituwid ni Aquino ang ‘lihis na landas’, isang malaking kalokohan kung sasang-ayon sa kalsadang gustong tahakin ng mga dating kasamahan sa Upper House -- ang maibalik sa kapangyarihan ang gumawa ng ahas na daan. Mismong si President Juan Ponce Enrile, ‘hindi happy’ na makasama si Villar bilang majority at mas gugustuhin pang fiscalizer o minority kesya mabigyan ng committee chairmanship.

Ibig sabihin, napakaimposibleng mahila ng tropa ni Villar ang ibang independent minded, maliban kung ‘pikit-mata’ pa rin sa nilalaman ng committee report ng C-5 road project at manhid sa resulta ng eleksyon?
***
Napag-usapan ang ‘Simpleng Pangulo’ na hindi ‘kasing-Mahal ni Mrs. Arroyo, nakakalungkot isiping hindi nakakaunawa ang ilang Filipino sa sitwasyon.

Subukang dumaan sa Times Street, Quezon City, animo’y Department of Labor and Employment (DOLE) ang ‘ancestral house’ ng Aquino fa­mily, aba’y dumagsa ang humihingi ng trabaho, hindi lamang ang nag-uuntugang paksyon na ‘nagwa-water-water’ sa cabinet post bagkus ordinaryong mamamayan na kabilang sa lumolobong unemployment rate.

Ang hindi naiintindihan ng mga ‘walk-in applicant’, hindi pa naipuproklama si Aquino at walang mandato para ipagkaloob ang ‘special request’ ng mga ito. Magi­ging epektibo lamang ang pagiging Pangulo ni Aquino sa Hulyo 1 at kailangan pang iproklama ng Kongreso bago mag-Hunyo 30, nanga­ngahulugang isa pa rin senador ang posisyon kaya’t huwag ipagtaka kung ire-refer ang lahat ng request sa kanyang opisina sa Senado.


Anyway, isang mala­king sampal sa mga nang-iintrigang hiwalay sina Noynoy at Shalani dahil sabay ang magboypren nanood sa premiere night ng pelikulang “Noy” sa Rockwell noong Biyernes ng gabi (May 28) -- ito’y pinagbidahan ni Coco Martin.

Kumpleto ang Aquino family na nanood ng Noy film at hila-hila ni Jo­shua palabas ng sinehan ang tiyuhin.

Sa ambush interview ng embedded media, halos ilang minutong karga ni Noynoy si Baby James at napilitan lamang ipasa sa aide dahil nagyayang umuwi.

Hindi rin nakitaan ng iri­ngan sina Kris Aquino-Yap at Shalani dahil mismong TV host ang umakay sa girlfriend ng kanyang Kuya, as in hawak ang kamay ng lady councilor papalayo sa media.

Take note: magkasama sa sasakyan sina Noynoy at Shalani ng umalis sa Rockwell. Ang hindi nga lang malinaw kung saan dumiretso ang magboypren para mag-dinner.


At habang naghihintay ang embedded media na lumagpas si Noynoy sa red carpet dahil exclusive ng ABS-CBN ang buong event at animo’y nabili ng mga ipi­nadalang security personnel ang buong Rockwell, nagbiro si Sandra Aguinaldo (GMA-7 reporter) sa umpukan ng mga embedded media na hindi kailanman sasabay sa convoy ni Noynoy dahil hindi gumagamit ng ‘wang-wang’ sa kalye at nagtatiyagang pumila kaya’t nagkanda-traffic patungong Rockwell.

Ang pagiging simple ang isa sa ugali ng papalit kay Mrs. Arroyo, hindi abusado at gustong maranasan ang hirap ng mga ordinaryong mamamayan, ka­tulad ng ginawang pagpila ng 4-oras sa botohan noong Mayo 10.

Maging sa panahong kongresista at bagong upong senador, isa lamang si Noynoy sa sumusunod sa pila kaya’t madalas sermon ang inaabot ng mga ‘police escort’ kapag sumasalubong sa kalsada.

Higit sa lahat, mas mahal pa ang pantalon ng kanyang ‘top aide -- si “Asec Zaldy Dela Yola” dahil naka-Levi’s. (mgakurimaw.blogspot.com)

Saturday, May 29, 2010

Mayo 29 2010 Abante Tonite

Senatoriable, masama ang loob sa ama
Rey Marfil

Sa halip tumatatag ang samahan at relasyon sa panahon ng kampanya, mas nagkaroon ng gap ang pagtitinginan ng mag-ama matapos sumama ang loob ng anak dahil pinabayaan sa kampanya.

Sa impormasyong natanggap ng TONITE Spy, merong kinikimkim na sama ng loob sa kanyang ama ang isang natalong senatoriable dahil pakiramdam nito'y pinabayaan siya sa pangangampanya.

Maging naglipanang kurimaw sa campaign headquarters ng partidong kinabibila­ngan ng talunang senatoriable, ito'y nagtataka kung bakit mas madalang pa sa patak ng ulan sa tag-araw ang pagsama sa kampanya ng ama nito.

Sa loob ng tatlong buwang kampanya, minsan lamang sumama sa kampanya ang ama ng talunang senatoriable kung saan nagsilbing substitute lamang, as in pamalit dahil merong dinaluhang meeting ang anak.

Sa katatapos na eleksyon, magkaiba ang posisyong tinakbuhan ng mag-ama kung saan nagkumpiyansa ang anak sa magandang ratings sa iba’t ibang survey, kalakip ang paniniwalang maililipat sa kanyang pangalan ang popularidad ng kapamilya.

Kung susuriing mabuti ang sitwasyon ng dalawa, napakalayo sa popularidad ng ama ang tinatamasa ng talunang senatoriable kaya’t kailangan ang matinding suporta at tulong para maiangat ang imahe nito.

Sa kabuuan ng kampan­ya, walang ibang inatupag ang ama ng talunang senatoriable kundi ang tumambay sa kanilang lugar gayong higit kaila­ngan ng anak ang suporta.

Sa pagkatalo ng anak ngayong eleksyon, isa sa nakikitang butas ng mga political analyst ang mahinang suportang ipinagkaloob ng ama dahil mas sikat at popular ito.

Mismong talunang senatoriable, meron umanong kinikimkim na sama ng loob sa kanyang ama dahil pakiramdam nito'y napabayaan at mas pinahalagahan ng una ang sariling propesyon gayong mas importante ang posisyong kanyang tinakbuhan.

Katulad ng inaasahan at prediksyon ng mga kurimaw, nanalo ang ama at maaaring napabilang sa Magic 12 ang anak kung tumodo lamang sa suporta ang una lalo pa’t mas maraming kaibigan ang natulungan.


Clue: Madaling makilala ang talunang senatoriable dahil barado ang eskinita sa lapad ng katawan. Kung bagong salta sa pulitika o kongresista, ito’y meron let­rang "B" sa kabuuan ng pangalan at apelyido, as in Bardagol.

(mgakurimaw.blogspot.com)

Thursday, May 27, 2010

Mayo 27 2010 Abante Tonite

Nagpapataas-presyo!
Rey Marfil

Kahit anong ‘high-tech’ ng eleksyon, mapa-hologram o virtual pre­sence na pinag-aawayan ng ABS-CBN at GMA-7, iisa pa rin ang pag-uugali ng mga kongresista -- ito’y ‘iyakin’ kapag talunan, patunay ang canvassing sa Batasan, aba’y sariling draft reso­lution ang in-adopt ng Upper House, sangka­terba pa rin ang ‘rekla­mador’ kapag nakakakita ng camera at live cove­rage ng media gayong tatlong (3) oras nag-caucus para buuin ang panuntunan sa bila­ngan.

Kaya’t asahang abutin ng tatlong (3) araw bago mabuksan ang kauna-unahang election returns (ERs) at certificates of canvass (COCs).

Take note: mismong si Speaker Prospero Nograles -- ito’y talunang mayoralty bet sa Davao kaya’t hindi nakakapagtakang puro talunang kandidato sa Lo­wer House ang avid fan ni Koala Bear at ipini­pinta ang failure of elections upang makahirit ng pa­nibagong botohan, sa pag-aakalang mananalo sa replay.

Ni sa panaginip, ayokong isiping ‘huling-hirit sa tag-init’ ang pinaggagawa ng mga talunang kongresista, as in ‘nagpapataas-presyo’ at gustong ‘magpa-areglo’ kung kaya’t umaastang ‘askal’ sa kaliwa’t kanang pagtahol sa Lower House.

Hindi ba’t noong 2004 canvassing, bumaha ng salapi sa Batasan Complex kaya’t nauwi sa “noted” ang reklamo ng kampo ni Da King. Kahit itanong n’yo pa kay Senador Francis Pangilinan.

Ang pagkakaiba ngayon, peoples campaign ang puhunan ni President Noynoy Aquino kaya’t walang maaasahang pondo ang mga nagga-grandstan­ding sa Batasan.

Ni sa panaginip, ayokong isi­ping nagpaparamdam sa bagong administrasyon ang mga “iyakin” at pasaway sa bilangan upang mabigyan ng posisyon sa Malacañang lalo pa’t tambay sa loob ng tatlong (3) taon at walang gagatasang pork barrel dahil talunan.

Anyway, isang natatalong kandidato ang bumubuhos ngayon ng pondo sa canvassing at umabot sa media center hanggang desk ang special operations.


At kung hindi ba naman saksakan ng ‘kinamote’ ang ilang tauhan ni Erap Estrada, aba’y paniwala pa ring mana­nalo ang kanilang amo laban kay Aquino gayong tambak ng 6 milyon sa exit polls, maging sa final tally ng PPCRV at Comelec partial result.

Sa unang araw ng canvassing, ipinapakalat ng ilang tauhan ni Erapsky ang senaryong mananalo ‘via 200 thousands votes’ kapag naetsapuwera o naideklarang imbalido ang maraming presinto -- ito’y hindi kailangang ipagtanong kina Angel Gonong at Ferdie Ramos.

Sa halip pa­tulan ang pakulo ni Koala Bear, mas makakabu­ting gumising sa katotohanan ang mga bataan ni Erapsky at ipagpasa­lamat ang panalo ng mga anak (JV at Jinggoy) at dating karelasyon (Guia Gomez).

Mantakin n’yo, kahit kuwestyunable ang pagtakbo at na-convict sa plunder case, ito’y nakapang-uto pa ng 8 milyong Pinoy ngayong eleksyon, maliban kung may
“amats” ng Johnnie Walker Blue at napana­ginipang pinulot lamang sa basurahan ng PPCRV at Comelec ang resulta ng eleksyon?
***
Napag-usapan ang bagong administrasyon, hindi dapat pagdudahan ang diskarte ni Aquino sa pagpili ng mga makakasama sa palasyo, malinaw ang deklarasyon sa ambush interview, ‘mali-mali’ ang pangalang nagsusulputan sa peryodiko, maging sa text brigade -- ito’y pakulo lamang ng mga ‘atat’ makapuwesto.

Mismong embedded media, natatawa sa pakulo ng ilang naglalaway sa cabinet post, aba’y mahirap nga naman makalimutan ni Aquino nga­yong dumarami ang nagsusumite ng resume.

Ibig sabihin, huwag magpapaniwala sa ‘sabi-sabi’ at huwag ding ‘magtuturo’ dahil siguradong marami ang manununo sa hanay ng Hyatt 10. Tandaan: ang pagiging ‘low-key legislator’ o pagiging simple ni Aquino ang isa sa rason kung bakit minahal at ibinoto ng humi­git-kumulang 15 milyong Pinoy ngayong eleksyon.

At hindi rin lingid sa kaalaman ni Aquino ang katotohanang nagtraydor kay Mrs. Gloria Arroyo ang tinaguriang “Hyatt 10”. Hi­git sa lahat, peoples campaign ang nagpanalo kay Aquino at kung hindi nagkakakamali ang Spy, nawindang ang kam­panya ni Aquino sa
‘amateur handling’ ng Hyatt 10 members sa campaign matters at aroganteng-asal sa mga volunteers group (Pinoy Lawyers) na tahimik nagtrabaho para kay Noynoy, kahit walang bayad ito.

Uhaw sa pagbabago ang mga Filipino -- ito ang simbolo ni Aquino, isang malinis at matuwid kaya’t nanalo kahit samu’t sa­ring demolition job at black propaganda ang pinakawalan ng mga katunggali nito.

‘Ika nga ni Mon Samson, paano pagkakatiwalaan ang mga taong minsang tinalikuran at nagtraydor sa kanilang amo -- ito’y posible nga namang maulit sa panahon ni Aquino kung ibabalik sa posisyon. (mgakurimaw.blogspot.com)

Wednesday, May 26, 2010

Mayo 26 2010 Abante Tonite

Solon, nag-trip sa buhok
(Rey Marfil)

Sa tindi ng naramdamang sama ng loob at pagka-bad trip ngayong eleksyon, pinag-tripan ng isang miyembro ng Kongreso ang kanyang sarili at pinagbuntunan ang buhok nito.

Hindi maiwasang kaawaan ng mga kurimaw ang solon, sa pangunguna ng TONITE Spy matapos makitang nanlumo sa kanyang sarili ang mambabatas, animo’y sinakluban ng langit at lupa ito.


Sukdulan hanggang Visayas region ang pagka­dismaya ng solon sa resulta ng eleksyon kung kaya’t pinagdiskitahan ang sarili para ilabas ang nararamdamang sama ng loob, hindi lamang sa hanay ng mga kaibigang nagsilipatan ng sinuportahang manok.


Dala ng matinding depression, napagdiskitahan ng solon ang kanyang sarili, sa pamamagitan ng pagtabas sa kanyang buhok, as in kulang na lamang magpakalbo at sundan ang “pambansang hairdo” na nais ipauso ni incoming President Benigno Simeon ‘Noynoy’ Aquino III.


Kung hindi lamang iniisip ang magiging kalalabasan ng kanyang hitsura, posibleng pina-upaw ng solon ang buhok o pinatanggal ang lahat ng hibla sa ulo para ipakita at iparamdam sa buong mundo ang ma­tinding pagkadismaya at sama ng loob nito.


Hindi nagustuhan ng solon ang kinalabasan ng eleksyon dahil kumpiyansang makukuha ang pinupuntiryang dami ng boto subalit iba ang resulta ng automation at hindi matanggap ang kamalasang sinapit ngayong eleksyon.


Tanging ipinagpasalamat ng mga tauhan, sampu ng mga kaibigang tapat sa solon, bumagay sa mambabatas ang bagong style ng gupit o hairdo kaya’t nakahinga nang maluwag pagkalabas ng salon.


Maging malalapit na tauhan at kaibigan ng solon, harapang inamin sa mga mediamen na sinadya ng mambabatas ang magpagupit at ibahin ang “looks” dahil sa matinding depression at gustong ipakita ang pagrerebelde sa nakuhang boto nito.


Clue: Bagama’t hindi kuwestyon ang husay ng solon, sadyang hindi para sa kanya ang tinakbuhang posisyon dahil dalawang beses nang sumemplang sa eleksyon. Kung kelot o bebot, ito’y meron letrang “A” sa kabuuan ng pangalan at apelyido, as in Ang hirap ng buhay kapag natalo (mgakurimaw.blogspot.com)

Tuesday, May 25, 2010

Mayo 25 2010 Abante Tonite

Tunay na maginoo
Rey Marfil

Ilang government officials sa ilalim ng Arroyo administration ang posibleng mabigyan ng trabaho, ito’y naka-base sa magandang performance at track record, malinaw ang pagiging “Healing President” ni incoming President Benigno Simeon ‘Noynoy’ Aquino III -- isang indikasyong “independent thinker” na marunong kumilala sa merito at talento, as in hindi idinaan sa emosyon ang paghuhusga sa mga tao.

Ang pagpapanatili sa mga matitinong “Arroyo appointees” ang nagpapatunay ng sinseridad sa paglilingkod at nagbibigay pag-asa sa publiko bilang “Unifying President” -- isang lider na nagbibigay-halaga sa merito at performance, hindi sa anumang konsiderasyon, katulad ng koneksyon at impluwensya sa pagpili ng mga gabinete o makakatulong upang maisakatuparan ang ipinangakong pagbabago.


Sa dami ng nagsusulputang pangalan bilang bagong gabinete, ilan sa “Arroyo appointees” ang naisasama sa ‘long list’ ni Aquino na pananatilihin sa kapangyarihan -- sina Health Sec. Esperanza Cabral, Energy Sec. Jose Ibazeta at presidential adviser on peace process Ging Deles, maliban kung makitaan ng ‘dumi’ sa kanilang opisina at hindi maayos ang pagkakawalis ng mga basura dahil nagmamadali lalo pa’t paalis ang kanilang Mam (Gloria) sa Malacañang? Take note: maraming aplikante ang nakapila sa labas ng Time Street, maging sa Balai, Cubao (Mar Roxas headquarters) at Samar Avenue, hindi pa kasama riyan ang tambay sa iba’t ibang coffee shops.

Kaya’t asahan ang matinding ‘sikuhan’ -- ito ang maingat na binabantayan at sinusuri ngayon ni Aquino sa pagpili ng mga makakasama sa presidential palace dahil kailangang iisa ang kumpas at synchronized ang pagkilos kapag pumasok ng Malacañang.


***
Napag-usapan ang “Arroyo appointees”, magandang sen­yales kay Philippine National Police (PNP) chief Jesus Verzosa ang posibleng pagpapalawig ng termino hanggang magretiro sa Disyembre.

Kahit nasampolan ng Kongreso sa ‘Euro General scandal’ sa unang buwan bilang PNP chief, nasubukan ang katapatan sa Konstitusyon at ipinakita ang husay upang protektahan ang kagalingan at interes ng mga mamamayan.

Ibig sabihin, puwedeng mabigyan ng ibang posisyon o security-related portfolio sa pagpasok ng Aquino administration.

Mantakin n’yo, kahit dumating sa puntong nameligro ang PNP career, ito’y nanindigan sa pinaniniwalaang posisyon.
Hindi lingid sa kaalaman ng publiko, naging target si Verzosa ng mga pagkilos upang masibak sa puwesto, aba’y pinag-init ang ulo ni Mrs. Arroyo nang sabihin nitong “Hindi susuporta ang PNP sa anumang balaking labag sa Saligang Batas at labag sa kalooban ng publiko” -- ito’y nangyari sa kasagsagan ng mga espekulasyong magkakaroon ng ‘failure of election’ na walang ibang agenda ang Malacañang kundi palawigin ang termino ng misis ni Jose Pidal.

Sa galit ni Mrs. Arroyo, hindi ba’t inisnab ang commencement exercises ng Philippine National Police Academy (PNPA) -- isang okasyong tradisyunal na dinadaluhan ng Pangulo.

Ang pinakamalupit sa lahat, hindi rin binanggit, as in “in-acknowledge” ni Mrs. Arroyo sa kanyang talumpati sa Philippine Army (PA) anniversary celebration ang presensya ni Verzosa, malinaw ang matinding pagka-bad trip dito.

At ngayong malinaw ang panalo ni Aquino, pinakamagandang ginawa ni Verzosa -- ito’y naghain ng courtesy resignation at epektibo sa June 30 kahit Disyembre magreretiro, kalakip ang pagsumite ng 15-point road map na magsisilbing gabay sa paghubog sa PNP bilang ‘world-class police force’ pagsapit ng 2030.

Simple lang ang gustong mangyari ni Verzosa, bigyang-laya si Aquino na makapili ng bagong PNP chief at hindi maipit ang bagong administrasyon sa dokumentong kanyang pinanghahawakan upang maisagawa ang reorganisasyon.

Ibig sabihin, tunay na maginoo si Verzosa -- ito ang isa sa kailangan ni Aquino kung nais itulak ang ‘high moral ground’, hindi lamang bilang PNP chief kundi sa ibang sangay o ahensya ng pamahalaan lalo pa’t malalim ang karanasan sa pagharap sa mga problemang pangseguridad na kinakailangan ng dagliang solusyon. (mgakurimaw.blogspot.com)

Mayo 23 2010 Abante Tonite

Bias sa ‘kamag-anak Inc.’
Rey Marfil

Hindi pa man naipu-proklamang Pangulo, maagang hinuhusgahan ng mga ‘talunang kritiko’ ang lide­rato ni incoming President Benigno ‘Noynoy’ Aquino III, malinaw ang ‘crab mentality’ kaya’t walang asenso dahil nadikit sa katawan ng bawat Pinoy ang matinding inggit.

Bagama’t paalala ang gamot sa taong nakakalimot, hindi napapanahong ‘singilin’ si Aquino sa mga sinumpaang pangako noong nakaraang kampanya lalo pa’t hindi pa nakakatapak ang kahit hinliliit sa Malacañang.

Hanggang ngayon, meron ginagawang ‘last minute effort’ ang mga kaporal ni Mrs. Arroyo para idiskaril ang pag-upo ni Aquino, pinaka-latest ang ‘no proclamation scenario’ ni House Speaker at out going Davao Congressman Prospero Nograles Jr., animo’y naghahanap ng damay dahil hindi lang durian ang pinakain ng mag-amang Duterte sa mayorality race kundi alikabok.


Sa kasagsagan ng kampanya, ginawang pang­wasak kay Aquino ang “Kamag-anak Inc.” -- ito’y kaparte sa demolition job na pinakawalan ng katukayo ni Joselito Cayetano, gamit ang TOPAK (trapo, oportunista at kamag-anak inc.).

At ngayong pinag-uusapan ang bubuo sa gabinete ni Aquino, balik sa dating gawi ang pag-atake ng mga kritiko, hindi lamang sa social networking sites, mapa-chat room sa Yahoo Messenger o Facebook bagkus sa iba’t ibang media forum na dinadaluhan ng mga talunang kandidato, katulad ang alegasyong magbabalik ang ‘Kamag-anak Inc.’ sa palasyo -- ang cabal ng mga malalapit na kamag-anak ni dating Pangulong Cory Aquino na sangkot sa graft and corruption. In fairness kay Aquino, malinaw ang kanyang deklarasyon, hindi puwedeng humawak ng posisyon ang sinumang kamag-anakang nasa 4th degree.

Kung Spy ang tatanungin, napaka-bias ang ganitong panuntunan, paano kung sobra-sobra sa kakayahan ang isang kamag-anak, ito ba’y mananatiling tambay na lamang habang-buhay?


Lingid sa kaalaman ng publiko, meron isang salita at lalaking kausap si Aquino kaya’t asahang pagtitibayin ang malaking tiwalang ibi­nigay ng humigit-kumulang 15 milyong Pinoy nga­yong eleksyon, partikular ang seryosong pagtupad sa campaign slogan -- “Kung walang corrupt, walang mahirap” maging ang catch phrase “Hindi ako magnanakaw” na nagtakda ng tenor sa kanyang matagum­pay na kampanya. Madaling sabihin pero mahirap gawin ngunit para kay Aquino, ito’y isang campaign rhetoric na madaling lapatan ng karampatang aksyon dahil malinis ang kanyang record sa buong panahong nakaupo sa Kongreso, bilang kongresista at senador sa loob ng 12-taon, malinaw ang kolektibong imahinasyong nabighani sa campaign mantra ang mga Pinoy.

Ibig sabihin, si Aquino ang “the real thing” sa “Good vs Evil campaign theme”.
***
Napag-usapan ang “Kamag-anak Inc.”, bakit isinesentro lamang kay Aquino ang ganitong pagbatikos gayong sangkaterbang pulitiko ang ginagawang ‘pamana’ sa mga anak, apo hanggang manugang at balae ang posisyon sa gobyerno.

Hindi kailangang magpa­kalayu-layo ng tingin ng mga nagpapakilalang matuwid na kongresista at senador, aba’y katabi lamang ng upuan ang mga ito.

Kung hindi pa minalas ang kapatid ng katukayo ni Joselito Ca­yetano -- si Taguig congressional bet Ren-ren Cayetano ngayong eleksyon laban kay Congressman-elect Freddie Tinga, tanging si Lino Ca­yetano (director) ang naiba ng propesyon.

Mantakin n’yo, hindi man lamang kinikilabutang ‘tumahol’ ng ‘kamag-anak inc.’ si Alan Peter gayong ka-seat mate sa Upper House ang Ate Pia nito.


Sa katatapos na eleksyon, kung hindi Ortega ang namayani sa La Union, “Ganito rin sa Makati at buong bansa ngayon”, mapa-Vice President (Jojo), Congresswoman (Abigail) at pagka-alkalde ng lungsod (Junjun), hindi ba’t puro Binay ang apelyido? Walang pinag-iba rin sa mga Ejercito-Estrada -- kung nanalo si Erapsky, simula pagka-Presidente, senador (Jinggoy), kongresista (JV) at mayor (Guia Gomez), iisa ang surname.

Kung meron naiba -- si Guia Gomez dahil ex-girlfriend at hindi puwedeng palitan si Dra. Loi bilang first lady. Hindi lang iyan, balik din sa tatlo ang mga Cayetano, hindi ba’t asawa ng katukayo ni Joselito ang nanalong alkalde ng Taguig -- si Lani Cayetano na dating staff ng namayapang si senador Renato Cayetano na nasangkot sa BW resource scandal at naimbestigahan ng committee on ethics? Take note: laway lang ang puhunan ng ama ni Alan Peter subalit kumita ng P80 milyon.

Ika nga ni First Gentleman Mike Arroyo sa ‘voice clip’ na madalas iparinig sa radio patungkol kay Pidro, hindi ba’t humirit pa ng dagdag ang senador, gamit ang katagang “Kulang pa Tito”? (mgakurimaw.blogspot.com)

Mayo 20 2010 Abante Tonite


Tatlong itlog!
Rey Marfil

Nakakasukang isi­ping isa si Donya Consuelo, alyas Jamby Madrigal-Va­lade, sa sumisigaw ng dayaan gayong walang a­ngal nang ipasa ang poll automation sa Upper House.

Ang hirap kay Donya Consuelo, pala­ging naka-headphone sa session hall at kung sinu-sino ang kausap sa cellphone kaya’t nakakaligtaang bantayan ang mga ipinapasang legislative measures.

Hindi lang iyan, dalawa pang talunang presidentiables ang nauto -- sina JC delos Reyes at Nicanor Perlas, animo’y ‘tatlong itlog’ ang drama nang humarap sa publiko, siguro naman hindi pa nabubugok? Ni sa panaginip, ayokong isiping sinapian ng masamang espiritu ang misis ni Eric Valade kaya’t ina­kalang aabot ng milyones ang boto at hindi matanggap ang katotohanang 40 libong Pinoy lamang ang nabola ngayong eleksyon, maliban kung kaparte na rin sa ‘sinister plot’ ng Malacañang o meron nagdidikta para maideklarang failure of elections dahil tagilid ang standing sa tinatakbuhang posisyon?
Kesa kuwestyunin ang resulta ng poll automation, dapat pang magpasalamat si Donya Consuelo, aba’y kahit paano meron nautong botante at nagtiyagang ‘bumilog’ sa kanyang pangalan.

Kung nagkataong ma­nual counting pa rin ang sistema, sa malamang mas mababa ang nakuhang boto ni Donya Consuelo dahil posibleng mailipat sa ibang kandidato lalo pa’t naglipana ang mga katropa ni Garci sa Min­danao. Bago mag-elek­syon, malinaw ang resulta ng survey, ‘naka-pako’ sa 0.1% ang rating ni Donya Consuelo, as in kapiraso lamang ang makukuhang boto sa final count.

Ibig sabihin, walang kapag-a-pag-asang manalo ang ex-boss ni Atty. Gary Jimenez kaya’t mas makakabuting tigilan ang pagsisigaw ng dayaan kung puro affidavit ang ipinipresintang ebidensya.

Bago nakisawsaw sina Perlas at Delos Reyes sa pakulo ni Donya Consuelo, dapat kinausap si Boy Abunda at hiniram ang mahiwagang salamin para matauhan at hindi magmukhang ‘iyaking bata’.

Mantakin n’yo, feeling-mananalong pangulo si Delos Reyes at umaasang tatalunin ang mga nangu­ngunang presidentiables gayong mismong mga kababayan sa Olongapo, pinagtatawanan ang pagtakbong pangulo.

Ewan lang kung nakahipo ng kahit pakpak ng eroplano si Delos Reyes ngayong eleksyon, as in nagkaroon ng campaign sortie sa labas ng Olongapo? Maging si Perlas, nagpakasira sa pulitika at nagmumukhang ‘crying baby’ gayong hinahangaan ang magandang credentials, maliban kung nasemento na rin ang utak, katulad ng mga hollow blocks ng Gawad Kalinga kaya’t napaniwala ang sarili na uub­ra ang kandidatura? Kahit pa pagsama-samahin ang boto nina Donya Consuelo, Perlas at Delos Reyes, ma­ging boto nina Erap Estrada at Manny Villar, pa­nalo pa rin si Noynoy Aquino sa bilangan!
***


Napag-usapan si President Noy, sangkaterba nga­yon ang nag-apply sa gabinete, mapa-director, undersecretary (usec) at assistant secretary (asec). Ang nakakasuka lang, kung sino pang hindi nakatulong sa kampanya at palihim nagtatrabaho sa ibang kampo, ito pa ang pinakamasipag ma­ngulit para mabigyan ng posisyon sa Malacañang.

Li­ngid sa kaalaman ng publiko, sa panahong malaki ang agwat ni Noynoy sa survey, marami ang tumatambay sa headquarters ng Pinoy Lawyers sa Samar Avenue, Quezon City (likod ng GMA-7) at naglahong parang bula nang mauwi sa ‘statistically tied’ ang dalawa, as in tanging 3-sister ni President Noy, media team ni Senator Chiz Escudero at ilang Pinoy lawyers ang natira sa Samar Avenue.


Ang nakakatawa sa lahat, nang magbago ang standing at malaki ang ina­ngat ni President Noy kay Manny V sa SWS Pulse Asia, biglaang dumami ang tao sa Samar headquarters at nagsibalikan ang mga nag­lahong kumag.

At ngayong panalo si President Noy, alam n’yo bang halos magbanggaan ang balikat ng mga tao sa headquarters kaya’t naghigpit ng seguridad.

Take note: meron pang isang taga-Villar camp ang nakapasok sa headquarters kaya’t tatlong gate ang pino­postehan ng blue guard at mahigpit ang polisiyang “No ID, No entry” sa bawat pintuan.

Subukan n’yong pumasyal sa Samar headquarters, mismong Team Chiz na nagpapatakbo sa media campaign ni President Noy, nagtatanungan kung sino ang mga tumatambay sa pool side? Kaya’t aba­ngan kung meron iskerol ang mabibigyan ng kapangyarihan. (mgakurimaw.blogspot.com)

Monday, May 24, 2010

Mayo 24 2010 Abante Tonite

Staff ng solon, mala-zombie noong eleksyon
(Rey Marfil)

Sa sobrang daldal ng isang miyembro ng Kongreso, nagkakasakit ang mga tauhan at karamihan dito’y nangangalumata o lumalalim at kumakapal ang eye bug dahil gabi-gabing pinupuyat noong eleksyon ng kanilang amo kahit walang campaign sorties.

Bagama’t nakakatawa ang eksena sa loob ng headquarters ng daldalerong pulitiko kapag nakikitang mala-zombie ang hitsura ng bawat isa, hindi pa rin maiwasang maawa ng mga kurimaw, sa pangunguna ng TONITE Spy dahil sobra-sobra sa trabaho at harapang pinapahirapan ang mga ito.


Sa loob ng ilang buwang kampanya, halos inuumaga ng uwi ang mga staff ng daldalerong pulitiko gayong tanghali pa lamang wala ng dinadaluhang campaign sorties o rally ang mga ito.


Ang rason, ipinapatawag ng daldalerong pulitiko ang mga staff upang i-meeting kung saan inaabot ng madaling- araw sa kadadaldal ang mokong at puro sermon lamang ang pinaggagawa ng kanilang amo.


Hindi lang iyan, kung hindi pagsermon ang ina­atupag ng daldalerong pulitiko, walang katapusang pagbubuhat ng bangko, as in pinapupurihan ang sarili sa harap ng mga staffer gayong matagal ng kumbinsidong iboboto ito.


Sa panahon ng kampanya, madalas natatapos ng alas-kuwatro ng hapon ang pakikipagkamay ng daldalerong pulitiko su­balit pasado alas-dos ng madaling-araw o kaya’y alas-kuwatro ng umaga pinakakawalan ang mga staff dahil walang katapusang meeting ang ibinibigay rito.


Sa unang tingin, magdududahan pang ibinubuhos ng daldalerong pulitiko sa mga tauhan ang lahat ng dapat sasabihin sa kampanya dahil hindi pinakikinggan sa entablado at walang pumapansin sa kalsada.


Maging kasamahan sa partido ng daldalerong pulitiko, ginawang pampalipas-oras ang pagkanta sa kanilang service vehicle habang nagsasalita sa entablado ang kumag dahil paulit-ulit ang pagbubuhat ng bangko at madalas na inaagawan pa ng oras.


Dahil mas marami pang oras sa pagsermon ang daldalerong pulitiko at madalas inuumaga kapag nagpapatawag ng meeting, karamihan sa mga staff nito’y nangangalumata o lumalalim ang eyebug, animo’y ilang linggong nakipaglamay sa patay.


Kung makakasalubong lamang sa alanganing lugar ang mga staff ng daldalerong pulitiko, ito’y posibleng kahintakutan ng mga batang paslit sa kalsada dahil mala-zombie ang aura sa kapal ng eye bug at lalim ng nangingitim na magkabilang mata.


Clue: Hindi kuwestyon ang husay ng daldalerong pulitiko at isa sa nakakapanghinayang ngayong eleksyon subalit ipinagpapasalamat din ng nakakara­ming mediamen, maging kauring pulitiko dahil mababawasan ang oras sa diskusyon at makakatipid sa tape ang mga reporter. Kung kongresista o senador, ito’y meron letrang “D” sa kabuuan ng pangalan at apelyido, as in Dehins umubra sa automation kaya’t sumisigaw ng recall. (mgakurimaw.blogspot.com)

Saturday, May 22, 2010

mayo 23 2010 abante

Bata ng presidentiable, ‘nag-self proclaim’ sa cabinet post

Kung marami ang nahihiyang magpa-appoint, kabaliktaran sa pag-uugali ng isang abogadong bataan ng presidentiable dahil “nagwa-water-water” na maitalaga sa palasyo.


Hindi maiwasang masuka ni Mang Teban matapos mabalitaang napakaadelantado ng isang abogadong bataan ng presidentiable, patunay ang pagsi-self proclaim bilang gabinete gayong mismong amo nito’y hindi pa napoproklama ng Kongreso.


Sa isang interview, biglaang isiningit ng abogadong bataan ng presidentiable ang pag­hirang ng kanyang amo bilang gabinete, sabay pakiusap na isulat subalit huwag lamang i-quote ito.


Hindi pinatulan ng mga reporter ang pagsi-self proclaim ng abogadong bataan ng presidentiable bilang bagong gabinete dahil mismong amo nito’y walang kumpirmasyon.


Mismong mediamen ay pinagduduhan ang pagsi-self proclaim ng abogadong bataan ng presidentiable, katulad ang senaryong pinapa­lutang lamang ang kanyang pangalan para hindi makalimutang i-appoint ng kanyang amo.


Ang pinaka-classic sa lahat, dati-rati’y tuwang-tuwang nadidikit ang pangalan sa grupo ng mga dating gabineteng nagtraydor kay Pangulong Gloria Macapagal-Arroyo subalit ngayo’y inilalayo ang sarili at harapang inilalaglag ang mga dating katsukaran dahil sumama ang image ng mga ito.


Pintahan n’yo na: Madaling makilala ang abogadong bataan ng presidentiable dahil pala­ging nagsasalita kahit hindi kasali sa forum. Kung bagito sa trabaho, ito’y meron letrang “D” sa pangalan at apelyido as in Delikado lalo pa’t merong “suicidal tendency” ang hugis ng mukha nito.

Friday, May 21, 2010

Mayo 19 2010 Abante Tonite

Presidentiable, may sapak
(Rey Marfil)

Sa halip ipagtanggol sa media, mismong legal staff ng isang presidentiable ang nag-text brigade sa mga mediamen upang ipamalita ang pagkakaroon ng sapak sa ulo ng kanyang amo, pagkatapos ng kampanya.


Hindi maiwasang matawa ng mga kurimaw, sa pa­ngunguna ng TONITE Spy matapos mag-text brigade ang pinagkakatiwalaang legal staff ng presidentiable para ipabatid sa mga kaibigang mediamen ang pagkakaroon ng sapak nito.


Sa panahon ng kampanya hanggang mag-concede ang ilan sa presidentiable, hindi iniwanan ng legal staff ang kanyang amo subalit nagbago ang lahat ng makitang sinasapian ng ibang espiritu ang mokong.


Ang rason, kung anu-anong pinagsasabi ng presidentiable sa mga interview at mistulang nilukuban ng masamang espiritu dahil nagha-hallucinate sa mga kaganapan ngayong eleksyon.


Sa panahong magkasama sa kampanya ang mag-amo, halos himurin ng legal staff ang tumbong ng presidentiable para ipagtanggol sa mga taong bumabatikos kahit pa puro sablay ang pinaggagawa nito.


Kabaliktaran ngayong nalalapit ang pag-proklama sa nanalong Pangulo, nag-iba ang tingin ng legal staff sa kanyang amo at agarang nagbitiw dahil nagbabago ng kilos ang hinahangaan at ipinagtatanggol nitong boss.


Sa text brigade ng legal staff ng presidentiable, mistulang kinumpirmang may “uyot”, as in sapak sa ulo o kulang sa turnilyo dahil ginawang rason sa pagre-resign ang pagiging maligalig ng kanyang amo kung saan wala sa wisyo ang mga galaw at kilos nito.


Maliban dito, harapan din inamin ng legal staff na hindi pinagsisihan ang umalis sa poder ng presidentiable, kabaliktaran sa mga naunang press release na mahusay ang kanyang amo.


Clue: Nagsilbing chief of staff ng presidentiable ang legal staff at palaging kaututang dila, mapa-telepono o kaya’y oras ng trabaho at office hours. Kung bagong salta sa pulitika o miyembro ng Kongreso, itoy meron letrang “A” sa palayaw ang presidentiable, as in Ang hilig makipag-away at matapobre sa tunay na buhay. (mgakurimaw.blogspot.com)

Tuesday, May 18, 2010

Mayo 17 2010 abante tonite




Alalay ng vice presidentiable, astang-VIP at nanghawi sa presscon
(Rey Marfil)

Nagmukhang ‘maliit na langaw’ sa isang press conference ang alalay ng isang vice presidentiable matapos mang-agaw eksena at umastang-VIP o very important person kahit “papel de hapon”, walang papel ito.


Sa isang napakahalaga at malaking press conference na pinangunahan ng isang presidentiable, nasaksihan ng TONITE Spy kung paano umastang-VIP ang alalay ng isang vice presidentiable, animo’y maliit na langaw na dumapo sa long table gayong wala naman pakpak ito.


Unang nakapansin sa pag-astang langaw ng alalay ng vice presidentiable ay ang mga mediamen na nagku-cover sa campaign sorties kung saan kamuntikan pang natanong sa isyu ang mokong sa pag-aakalang government official ito.


Hindi maiwasang masuka ng mga embedded media matapos malamang hindi public official ang alalay ng vice presidentiable na sumali sa press confe­rence, katabi ng mga kilalang personalidad.


Sa original plan, tanging presidentiable, vice presidentiable at isang kongresista ang kasali sa press conference o uupo sa long table para himayin ang mga mahahalagang isyu.


Ang isa pang nakakatawa, nagawa pang manghawi ng reporter ng alalay ng vice presidentiable at dalawa sa kanyang nabiktima’y taga-radyo at broadsheet newspaper.


Nang magsimula ang presscon, mapagkakamalan pang lehitimong persolinalidad ang alalay ng vice presidentiable dahil umupo katabi ng isang kongresista habang nasa kanan ang presidentiable.
Sa kasagsagan ng presscon, nagsimulang magkislapan, as in nag-flush ng camera at nag-roll video ang mga taga-TV kung saan aksidenteng natabingan ng ilang reporter ang alalay ng vice presidentiable dahil nagkasiksikan sa tagiliran sa dami ng nagko-cover sa event.


Ang ikinagulat ng lahat, sinita ng alalay ng vice presidentiable ang mga reporter at galit pang pinagsabihang lumayo dahil natatabingan ng camera at hindi makukunan ng litrato.


Pagkatapos ng presscon, ipinagtanong ng mga reporter kung ang pangalan ng congressman na nanita, sa pag-aakalang lehitimong mambabatas ito at laking-gulat ng malamang alalay lamang ng isang vice presidentiable.


Clue: Naging tauhan ni Mrs. Arroyo ang alalay ng vice presidentiable at naupo, gamit ang impluwensya ng kapatid subalit ngayo’y nagsisipsip sa ibang kampo dahil nangangarap mabigyan ng puwesto. Ito’y isa sa nagpabagsak sa imahe ng vice presidentiable at sumira sa kampanya ng amo kung saan meron letrang “D” as in Dupang sa Power, as in Pagcor ang expertise. (mgakurimaw.blogspot.com)