Mistulang nilukuban ng espiritu ni Judiel na kababayan ni Atty. Jobal Balmores ang isang senador matapos ‘mag-aparisyon’ sa session hall taliwas sa nakaugaliang mangampanya ng maaga sa iba’t ibang probinsiya at magwaldas ng pera sa pagbabayad ng infomercial.
Hindi maiwasang masuka ni Mang Teban matapos makitang sumilip lamang sa session hall ang ambisyosong senador gayong napaka-init na isyu ang tinatalakay sa floor, partikular ang madugong sinapit ng mga sundalo sa kamay ng rebeldeng Moro Islamic Liberation Front (MILF).
Ang masakit sa lahat, hindi malaman kung nagpa-check lamang ng attendance ang ambisyosong senador, dahil sumilip lamang sa pintuan ng session hall, as in walang inatupag kundi mangampanya at idaan sa commercial ang pagkukunyaring maka-mahirap o napaka-busy sa trabaho, bilang preparasyon sa 2010 national election.
Naispatan kamakailan ng ambisyosong senador ang isa sa ‘political kingpin’ na nagla-lobby sa cityhood ng isang bayan sa kanilang lalawigan kaya napilitang ‘mag-aparisyon’ ang mambabatas, as in isang malaking himala ang pagtapak sa blue carpet ng session hall.
Ang rason, nakita ito ng ambiyosong senador na naka-upo sa VIP gallery kaya napilitang pumasok ng session hall para kamayan at batiin dahil kailangan nito ang suporta sa 2010.
Pintahan n’yo na: Desperadong makarating sa Malacañang ang ambisyosong senador at idol si Mrs. Arroyo, patunay ang sangkaterbang spokesman.
| 
.jpg){kind=small}
1 comment:
hula,hula
Post a Comment