aug 24 2009 abante tonite

	Project ng senador puro karatula
	(Rey Marfil)
Kapag nagkataon, mababansagang ‘Boy Karatula’ ang isang senador, kasunod ang pagkakadiskubreng mas naunang nagpauso ng billboard sa kanyang distrito bago pa man na-appoint ang bayaning isinusuka ng mga vendor sa Metro Manila Development Authority (MMDA) office. Sa impormasyong nakalap ng TONITE Spy, kung saan nagmana at kung sino ang pinagmanahan, posibleng mas nauna ang mestisuhing senador kumpara kay MMDA chairman Bayani Fernando na inirereklamo ng mga motorista dahil sa dami ng tarpaulin sa kahabaan ng EDSA. Hindi maiwasang masuka ng mga kurimaw matapos madiskubreng puro karatula lamang ang ipinagmamalaking proyekto ng mestitushing senador, patunay ang mga naiwang bakas sa kanyang distrito kung saan pagmumukha ng mambabatas ang nakahambang sa kanto. Kapag inikot ang buong lugar, partikular ang ipinagmamalaking distrito ng mestisuhing senador, wala ni isang proyektong natapos ang mokong bagkus, tig-kakalahati ang ipinagawang kalsada, maging gusaling ipinangako sa mga constituent nito. Ang masakit lamang, napaka-ingay ng mestisuhing senador para ipangalandakan ang kalinisan ng kanyang kalooban, maging ang pagpapa kilalang maka-Diyos ga­yong numero unong ‘komis yuner’ sa multi-milyong pork barrel subalit walang nakumpletong proyekto, maliban sa naglalakihang karatula at tarpaulin. Hindi lang iyan, mas mahaba pa ang hallway ng bahay o pag-aaring mansyon ng mestisuhing senador kesa naipagawang kalsada sa kanyang distrito kung kaya’t bad-trip ang mga nasasakupan nito. Clue: Napakahusay ‘kumahol’ ng mestisuhing senador, depende sa presyo ng butong ipinapakain ng kanyang amo. Ito’y meron letrang “A” sa kabuuan ng pangalan at apelyido, as in Asal-doggie. (mgakurimaw.blogspot.com)