Bumabaha ng proyekto! REY MARFIL

Bumabaha ng proyekto!

REY MARFIL

Magandang balita ang patuloy na pagtataguyod ni Pangulong Noynoy ‘PNoy’ Aquino III sa Japan-Phi­lippines Economic Partnership Agreement (JPEPA).

Sa ilalim nito, isasagawa ng Japan Embassy ang isang job fair para sa mga nagbabalik na Filipino nurses at caregi­vers sa darating na Agosto 28, 2015 na pansamantalang gagawin sa Ascott Bonifacio Global City (BGC) sa Taguig City.

Tinatayang 400 na Filipino nurses at caregivers ang nakabalik na sa bansa mula sa Japan at posibleng makinabang sa programa. Kabilang sa benepisyunaryo ang mga nagbalik na nurses at caregivers na hindi nakakuha ng Japanese licensure at maging sa mga nanatili sa bansa matapos ang kanilang trabaho sa Japan.

Mayroon silang karanasan sa ospital at caregiving facility sa Japan sa ilalim ng direktang superbisyon ng Japanese staff at mayroong kaalaman sa nasabing bagay.

Nagkaroon rin sila ng edukasyon sa lengguwaheng Japanese sa pamamagitan ng language training na ibi­nibigay ng pamahalaang Hapon na nananinirahan na sa naturang bansa sa loob ng tatlo hanggang limang taon.

Nagsasagawa ang Japanese Embassy ng taunang job fair sa mga kompanyang Hapon at medical institutes para tulungan ang mga nagbabalik na Filipino nurses at caregivers upang lalong mahasa ang kanilang kasanayan at karanasan sa Japan.

Bukod dito, lalo pang napapatibay ang magandang relasyon ng Japan at Pilipinas. Noong nakaraang taon, tinatayang 50 JPEPA returnees at 26 na mga kompanya ang lumahok sa job fair.

***

Isa pang magandang balita na umabot sa 1,549 kilometro ang kalsadang natapos na mula sa P60 bilyong pondo ng pamahalaan para sa Tourism Road Infrastructure na magpapabuti ng turismo sa bansa dahil sa tulong ng matuwid na daan ni PNoy.

Inihayag ni Department of Public Works and Highways (DPWH) Sec. Rogelio Singson na 463 proyekto sa loob ng limang taon mula 2011 hanggang 2015 ang ginawa na may kinalaman sa konstruksiyon, upgrading, rehabilitasyon at pagpapabuti ng mga kalsada at tulay.

Kinuha ang pondo para sa mga proyekto mula sa Department of Tourism (DOT)-DPWH Convergence Program na nagkakahalaga ng P47.58 bilyon habang nanggaling naman ang P12.91 bilyon sa DPWH infra program para sa mga kalsada na kailangan sa turismo.

Isinama rin ni Aquino ang P24 bilyon para makumpleto ang 1,200 kilometrong kalsada na kritikal sa pagsulong ng turismo sa ilalim ng P3.002 trillion General Appropriations Bill (GAB) sa susunod na taon.

Sa Northern Luzon, natapos na ng DPWH Region 1 ang apat kilometrong konstruksyon at pagpapabuti ng Junction Ilocos Norte-Abra Road na magsisilbing daanan patungo sa ecotourism spots ng mabundok na munisipalidad ng Nueva Era, Ilocos Norte.

Kabilang ang Tubeg Viewdeck, Imelda Park, Hercules Mines Access patungong Mt. Sicapo Camp Site sa ecotourism spots sa Nueva Era na naidugtong dahil sa P91 milyong halaga ng proyektong kalsada.

Tinutukan ni Aquino ang programa sa kalsada para lalong maging mabilis ang pagbiyahe ng mga turista dahil batid nitong malaki ang kontribusyon ng turismo sa kaunlaran at trabaho sa bansa.

“Laging tandaan: “Bata mo ‘ko at Ako ang Spy n’yo.”

(Twitter: follow@dspyrey)

http://www.abante-tonite.com/issue/aug3115/edit_spy.htm

Repasuhin ang patakaran REY MARFIL

Repasuhin ang patakaran

REY MARFIL

Dapat na mapalitan na ng tuwa ang kalooban ng mga kababayan nating nasa ibang bansa kaugnay ng kontrobersiyang nilikha ng plano ng Bureau of Customs (BOC) na halungkatin ang mga balikbayan box.

Minsan pa, ipinakita ni Pangulong Noynoy ‘PNoy’ Aquino na nakikinig siya sa hinaing ng kanyang mga ‘boss’ nang atasan niya ang BOC na huwag ituloy ang planong random inspection sa mga kahon na ipinapadala ng mga migranteng Pinoy sa kanilang mga mahal sa buhay na nasa Pilipinas.

Ang planong paghalungkat sana sa mga balikbayan box ay ipatutupad ng BOC bilang bahagi ng kanilang kampanya laban sa smuggling at makolekta ang tamang buwis sa mga ipinapalusot na produkto ng ilan sa mga kahon na itinuturing “katas” ng pagsisikap at pagmamahal ng mga Pinoy sa abroad.

Hindi rin naman biro ang pagsusuri sa mga dumarating na balikbayan boxes. Sa kasalukuyan, tinatayang nasa 1,500 containers ng balikbayan boxes ang dumarating sa bansa bawat buwan. Katumbas ito ng 18,000 containers bawat taon, o 7.2 milyong kahon. 

Kaya kung may magsasamantala para magpalusot ng produkto o may masamang plano, talagang maaaring mangyari kaya dapat ding gawin ng BOC ang kanilang trabaho nang mabuti.

At dahil sa matinding pagtutol ng mga OFWs sa naturang plano, inatasan ni PNoy ang BOC na ipatupad ang ilang patakaran sa mga balikbayan box tulad ng pagsalang sa mga ito sa x-ray machines at K-9 (dogs). Sa ganitong paraan, ang mga kahon na may kahina-­hinalang laman na lang ang bubuksan at susuriin.

Ang mga kahon na bubuksan, dapat may saksi at kukunan ng video para matiyak na walang kalokohan na magaganap. Layunin nito na maalis din ang hinalang ninanakaw ng mga tiwaling tauhan ng BOC ang padala ng mga OFW na kanilang pinaghirapan.

Ngunit maliban sa hindi natuloy ang pagpapatupad ng random inspection, good news din sa mga OFW ang hakbang ng Kongreso na repasuhin na ang kautusan tungkol sa patakaran sa pagkakaloob ng tax exemption sa laman ng mga balikbayan box.

Sinasabing masyado nang luma ang naturang patakaran na BOC Memorandum Circular No. 7990, kung saan hanggang $500 lang ang tax exempt sa halaga ng laman ng kahon. Pero dahil nga sa kontrobersiyang nilikha ng plano ng BOC, may mga mungkahi na itaa­s na ang tax exemption hanggang $2,000.

***

Maging ang Malacañang ay walang tutol sa naturang mungkahi dahil naniniwala rin ang pamahalaang Aquino na panahon na para repasuhin ang naturang kautusan nang naayon sa kasalukuyang panahon.

At dahil sa ipinakitang pakikiisa ng gobyerno sa hinaing ng mga OFW at maging ng mga kababayan nating naninirahan sa abroad, siguro ay dapat na hindi na rin ituloy ang ano mang planong protesta gaya ng sinasabing “remittance holiday” o tigil sa pagpapadala ng remittance.

Kung tutuusin, hindi lang ang gobyerno natin ang masasaktan kapag nagkaroon ng remittance holiday kung hindi maging ang mga mahal nila sa buhay na baka kakailanganin ng kanilang tulong na padala.

Dapat maging mapagmatyag din ang ating mga kababayan na baka may grupo lamang o politiko na magsasamantala sa emosyon ng mga OFW upang makakuha sila ng atensiyon at maisulong ang kanilang politikal na kapakinabangan.

Mismong ang Malacañang na rin naman ang nagsabi na binibigyan ng pahalaga at pagkilala ng pamahalaang Aquino ang sakripisyo at pagsisikap ng mga Pinoy na nagtatrabaho sa ibang bansa, at ipinakita muli ito ni PNoy sa usapin ng balikbayan box. 

“Laging tandaan: “Bata mo ‘ko at Ako ang Spy n’yo.” (Twitter: follow@dspyrey)

http://www.abante-tonite.com/issue/aug2815/edit_spy.htm

Ang laman ng kahon... REY MARFIL

Ang laman ng kahon...

REY MARFIL Parang sakit ng ngipin na naramdaman ng buong katawan ng mga kababayan nating overseas Filipino workers (OFWs) ang isyu sa plano ng Bureau of Customs na buksan ang mga ipinapadalang balikbayan box para masawata ang mga nagpupuslit ng mga produkto at masi­ngil ang mga kaila­ngang buwis. Kung tutuusin, may katwiran na maghinanakit ang mga migranteng manggagawa. Aba’y tinagurian natin silang mga bagong bayani pero mistulang napagdududa­han lahat sila na nagpupuslit ng kung anumang kontrabando. Bukod pa diyan, lalabas na mauuna pa ang mga taga-BOC na magbukas ng padala nilang regalong nasa kahon kaysa sa mga pinaglaa­nan nilang mga mahal sa buhay. Sa atin pa namang mga Pinoy, espesyal at may halong sentimental kapag naglalaan tayo ng regalo sa ating mga minamahal. Kaya nga kahit sa magkakamag-anak, bad trip kung ang regalo na para sa iyo ay bubuksan ng iba. Hindi ba kahit naman sa sulat, ayaw mong binabasa ng iba ang sulat na para sa’yo. Kaya naman nang lumabas ang balita tungkol sa plano ng BOC na magkaroon ng bagong patakaran sa sistema ng pagpapadala ng mga balikbayan box, tila naghimagsik sa paraan ng social media ang ating mga OFW. Pero higit sa usapin ng posibleng dagdag na singil o bayarin sa mga ipadadalang kahon, mas ininda nila ang posibi­lidad na basta na lamang bubuksan ang kanilang padala para lang matiyak ng BOC na walang iligal na produkto na makalulusot, o kaya naman ay may mga mamahaling gamit na hindi masisingil ng tamang buwis. Sa panig naman ng BOC, dapat ding isipin na trabaho nila na tiyakin na wala ngang iligal o mamaha­ling produkto na makalulusot sa kanila. Masakit mang aminin, mayroon naman talagang iilan na sinasamantala ang pribilehiyo ng mga OFW sa pagpapadala ng balikbayan box.  At may ilang insidente na rin na ginamit ang pribilehiyong ito para makapagpuslit ng mga bahagi ng armas at iligal n a gamot, at iba pang kalokohan. Ngunit hindi naman siguro tama na tila pagdudahan natin ang lahat ng OFW kung may magsasamantala sa pribilehiyo ng balikbayan box. Para bang problema ito sa isang bahay na may nawawalang ulam at hindi mo alam kung daga, pusa o aso ang nagnanakaw ng ulam; na sa halip na gumawa ka ng paraan para malaman mo kung sino ang may sala sa paraan ng paglalagay ng bitag, ang ginawa mo ay pinarusahan mo na lang ang tatlo. At ang pinakamatindi pa, pati ang bahay ay ipinagiba pa. *** Kaya naman maganda ang ginawang pasya ni Pa­ngulong Noynoy “PNoy” Aquino na ipatigil ang pla­nong random ins­pection ng mga balikbayan box. Sa halip, ina­tasan niya ang BOC na idaan ang mga container van na nagla­laman ng mga balikbayan box sa X-ray machine at ipa­amoy sa mga aso para malaman kung may iligal na produkto. Ang mga kahon lamang na kahina-hinala ang laman ang bubuksan sa harap ng kinatawan ng isang ahensya ng gobyerno, at idodokumento sa CCTV ang proseso para matiyak na walang nakawan na mangyayari. Pero isa pang dapat marahil na pag-aralan ng BOC ay plano na singilin ng buwis ang mga balikbayan box na walang kasamang uuwing OFW. Dapat isipin at ikonsidera na hindi naman lahat ng OFW ay nakakauwi na kahit isang beses lang isang taon. Ang iba sa kanila, nanghihinayang sa gagastusin sa pamasahe kaya sa halip na umuwi ng bansa ay bibili na lamang ng mga bagay na maipapadala sa mga mahal sa buhay, o kaya naman ay perang panggastos sa pag-aaral ng mga anak. Ngunit lagi sana nating tandaan na higit sa anumang produkto o halaga, ang laman ng kahon na ipinapadala ng mga mahal nating bagong bayani ay sakripisyo, pagmamahal at biyaya para sa kanilang mga mahal sa buhay na iniwan sa Pilipinas na dapat igalang at pangalagaan. Laging tandaan: “Bata mo ko at Ako ang Spy n’yo.” (Twitter: follow@dspyrey)  http://www.abante-tonite.com/issue/aug2615/edit_spy.htm

‘Di nagpapabaya! REY MARFIL

‘Di nagpapabaya!

REY MARFIL

Magandang balita ang pamamahagi ng tulong sa mga kapos-palad na ginawa ni Social Security System (SSS) President at Chief Executive Officer Emilio S. de Quiros Jr.

Bilang pagtalima na rin sa kahilingan ni Pangulong Benigno ‘Noynoy’ Aquino III, ilang charitable institutions na nangangalaga sa mga may sakit, mahihirap, matatanda at mga batang mayroong espesyal na pa­ngangailangan ang nakinabang sa pagtulong na ginawa ng SSS na ginanap sa SSS Gallery sa SSS main office sa Diliman, Quezon City.

Nanggaling ang pondo sa donasyon mula sa pa­ngako ng mga opisyal at kawani ng SSS na kabahagi ng taunang pamimigay ng mga regalo na kadalasang nagsisimula sa panahon ng Kapaskuhan.

Kabilang sa mga benepisyunaryong institusyon ang Philippine General Hospital Medical Foundation, Inc. (PGHMFI), White Cross, Bahay ni Maria Home for the Elderly, UP-PGH Alfredo T. Ramirez Burn Center, Haven for the Elderly, Craniofacial Foundation of the Philippines, Inc. at Center for Excellence in Special Education Foundation, Inc.

Kabilang sa mga dumalo sa seremonya sina Econom Sr. Aurelia Nuñez at Caregiver School In-Charge Sr. Felicity Gabutero ng Bahay ni Maria Home for the Elderly; Chairman Dr. Luz Burgos ng Craniofacial
Foundation of the Philippines, Inc.; Chairman Dr. Gregorio Alvior at Executive Director Dr. Dione Suter ng PGHMFI; President at Chief Executive Officer Chinita Quirino-Abad ng Craniofacial Foundation of the Philippines, Inc.; Trustee Ann Aspinall ng Center for Excellence in Special Education Foundation, Inc.; at Board of Trustees Member Edgardo Abad ng Craniofacial Foundation of the Philippines, Inc.

Napakahalaga ng ginawang pagtulong ng SSS upang ipakita na hindi manhid ang pamahalaan sa pangangailangan ng mga kapos-palad.

***

Isa pang magandang balita ang pamamahagi ng 21 makinarya sa bukid ng Department of Agrarian Reform (DAR) para sa mga kooperatiba ng magsasaka sa Ilocos Norte na nagkakahalaga ng P3.7 milyon.

Alinsunod sa kautusan ni PNoy siguradong malaki ang magagawa ng ayudang ito ng DAR upang mapabuti ang produksyong agrikultural ng mga magsasaka.

Kinabibilangan ang farm machines ng 13 hand tractors, anim na rice threshers at dalawang rice reapers kung saan 20 kooperatiba ang nabiyayaan para sa tinatayang 3,000 mga benepisyunaryo ng repormang agraryo.

Magaling ang programa dahil siguradong lalaki ang ani ng mga magsasaka sa ibinahaging tulong na ito ng DAR sa pamamagitan ng kahilingan ni PNoy na tulungan ang sektor ng agrikultura.

Sa ilalim ng programa, ipinamahagi ang makinarya bilang ‘equipment grant’ na patatakbuhin ng mga koope­ratiba bilang isang negosyo kung saan magagamit ang kita para na rin sa kapakinabangan ng mga magsasaka at pagmintina ng makinarya.

Nasa ilalim ang programa ng Agrarian Reform Community Connectivity and Economic Support Services (ARCCESS) ng DAR na naglalayong maging mga negosyante ang tinatawag na agrarian reform beneficiaries o ARBs sa pamamagitan ng pagkakaloob sa kanila ng makina at teknolohiya para lumaki ang kanilang mga ani at madagdagan ang kanilang kaalaman.

Tinuturuan rin sa pamamagitan ng ARCCESS ang mga magsasaka ng tinatawag farmers agri-business technologies para mas maging matatag at malakas ang kanilang hanapbuhay.

“Laging tandaan: “Bata mo ‘ko at Ako ang Spy n’yo.”

(Twitter: follow@dspyrey)

http://www.abante-tonite.com/issue/aug2415/edit_spy.htm

‘Wag ipagpabukas pa! REY MARFIL

‘Wag ipagpabukas pa!

REY MARFIL

Mula nang magbukas muli ang sesyon ng Kongreso noong Hulyo 27, wala pa ring katiyakan hanggang nga­yon kung magagawa ba ng mga mambabatas na talakayin kung ipapasa ba nila o ibabasura lang ang panukalang Bangsamoro Basic Law na hinihintay ng mga ka­patid nating Muslim sa Mindanao.

Sa Senado, nagsumite ng bagong himay na panukalang BBL si Senador Bongbong Marcos Jr., chairman ng komite na tumatalakay sa nabanggit na panukalang batas.

Gayunman, hindi pa umuusad sa plenaryo ang natu­rang bagong bersiyon ng BBL kaya hindi pa lubos na malinaw kung ano ang ipinagkaiba nito sa orihinal na BBL na unang sinuportahan ng Palasyo.

Ngunit higit na nakalulungkot ang sitwasyon sa Kamara de Representantes dahil ang dahilan ng hindi pag-usad ng panukalang BBL ay hindi tungkol sa detalye kung hindi kakulangan ng mga pumapasok na kongresista.

Bagaman mayroong mga probisyon na binago ang komite sa Kamara na humimay sa BBL, nanatili naman itong orihinal na bersiyon at hindi gaya ng nangyari sa bersiyon na hinimay ng mga senador.

Iyon nga lamang, ang kawalan ng quorum o sapat na bilang ng mga “present” na mga kongresista sa plenaryo ang dahilan kaya hindi matalakay sa plenaryo ng Kamara ang panukalang batas. 

Sinasabi ng ilang lider ng kapulungan na sadyang mahirap umanong makakuha ng quorum sa ganitong panahon dahil marami sa kongresista ang nananatili sa kanilang distrito bilang paghahanda sa darating na halalan sa May 2016.

***

Pero hindi ba mahalaga sa mga absenerong kongresista ang kinabukasan ng Mindanao? Hindi ba nila naisip na makikinabang din naman ang kanilang distrito at lalawigan kung sakaling ang BBL nga ang susi sa kapayapaan sa Mindanao gaya ng paniwala ng administrasyong Aquino?

Kung gagawin lang ng mga kongresista ang kanilang tungkulin na dumalo sa sesyon ng Kamara, malamang na matapos ng may 20 kongresista ang kanilang mga katanungan sa BBL at mapagpasyahan nila kung ipapasa o hindi ang BBL bago matapos ang Setyembre.

Hindi gaya sa Kamara, mas madaling makakuha ng quorum ang 24 senador at mas madali nilang matapos ang deliberasyon sa kanilang bersiyon ng BBL. Hindi gaya sa Kamara na 289 ang mga kongresista at kaila­ngang matiyak na “present” sa kanila ang 146 na kongresista para maideklara ang quorum.

Kailangan ng mga senador at kongresista na mapagdesisyunan ang BBL bago matapos ang Setyembre dahil pagkatapos nito ay magiging abala naman ang mga mambabatas sa paghimay sa panukalang pondo ng pamahalaan para sa 2016, na inaasahan din na magiging mabusisi.

At kung sakaling kapwa maaprubahan ng Kamara at Senado ang kani-kanilang bersiyon ng BBL, kailangan pa rin itong isalang sa bicameral conference committee para ayusin at pagtugmain ang mga magkakaibang probisyon para makabuo ng iisang bersyon ng BBL na kanilang pagtitibayin sa papipirmahan kay Pangulong Noynoy “PNoy” Aquino.

May mga nagtatanong kung bakit kailangang ihabol pa at maipasa sa panahon ng administrasyon ni PNoy ang BBL? Bakit hindi na lang ipaubaya sa susunod na administrasyon ang pagtalakay nito?

Kung si Lola Nidora sa kal­yeserye ng AlDub sa Eat Bulaga ay mahilig sa linya na, “sa tamang panahon”, marahil ay puwedeng sabihin ng admi­nistrasyong Aquino na ngayon na ang “tamang panahon.”

Kailangan lamang gawin ng mga mambabatas sa Senado at Kamara ang kanilang tungkulin na humimay at gumawa ng batas.

Konting sakripisyo lamang ang kaila­ngan nilang gawin para sa kinabukasan ng bayan.
Laging tandaan: “Bata mo ko at Ako ang Spy n’yo.”

http://www.abante-tonite.com/issue/aug1915/edit_spy.htm

May napupuntahan!

May napupuntahan!

REY MARFIL

Magandang balita ang pamamahagi ng tulong sa mga kapos-palad na ginawa ni Social Security System (SSS) President at Chief Executive Officer Emilio S. de Quiros Jr.

Bilang pagtalima na rin sa kahilingan ni Pangulong Benigno ‘Noynoy’ Aquino III ilang charitable institutions na nangangalaga sa mga may sakit, mahihirap, matatanda at mga batang mayroong espesyal na pa­ngangailangan ang nakinabang sa pagtulong na ginawa ng SSS na ginanap sa SSS Gallery sa SSS main office sa Diliman, Quezon City.

Nanggaling ang pondo sa donasyon mula sa pa­ngako ng mga opisyal at kawani ng SSS na kabahagi ng taunang pamimigay ng mga regalo na kadalasang nagsisimula sa panahon ng Kapaskuhan.

Kabilang sa mga benepisyunaryong institusyon ang Philippine General Hospital Medical Foundation, Inc. (PGHMFI), White Cross, Bahay ni Maria Home for the Elderly, UP-PGH Alfredo T. Ramirez Burn Center, Haven for the Elderly, Craniofacial Foundation of the Philippines, Inc. at Center for Excellence in Special Education Foundation, Inc.

Kabilang sa mga dumalo sa seremonya sina Econom Sr. Aurelia Nuñez at Caregiver School In-Charge Sr. Felicity Gabutero ng Bahay ni Maria Home for the Elderly; Chairman Dr. Luz Burgos ng Craniofacial Foundation of the Philippines, Inc.; Chairman Dr. Gregorio Alvior at Executive Director Dr. Dione Suter ng PGHMFI; President at Chief Executive Officer Chinita Quirino-Abad ng Craniofacial Foundation of the Philippines, Inc.; Trustee Ann Aspinall ng Center for Excellence in Special Education Foundation, Inc.; at Board of Trustees Member Edgardo Abad ng Craniofacial Foundation of the Philippines, Inc.

Napakahalaga ng ginawang pagtulong ng SSS upang ipakita na hindi manhid ang pamahalaan sa pangangailangan ng mga kapos-palad.

***

Isa pang magandang balita ang pamamahagi ng 21 makinarya sa bukid ng Department of Agrarian Reform (DAR) para sa mga kooperatiba ng magsasaka sa Ilocos Norte na nagkakahalaga ng P3.7 milyon.

Alinsunod sa kautusan ni PNoy siguradong malaki ang magagawa ng ayudang ito ng DAR upang mapabuti ang produksyong agrikultural ng mga magsasaka.

Kinabibilangan ang farm machines ng 13 hand tractors, anim na rice threshers at dalawang rice reapers kung saan 20 kooperatiba ang nabiyayaan para sa tinatayang 3,000 mga benepisyunaryo ng repormang agraryo.

Magaling ang programa dahil siguradong lalaki ang ani ng mga magsasaka sa ibinahaging tulong na ito ng DAR sa pamamagitan ng kahilingan ni Aquino na tulungan ang sektor ng agrikultura.

Sa ilalim ng programa, ipinamahagi ang makinarya bilang ‘equipment grant’ na patatakbuhin ng mga koope­ratiba bilang isang negosyo kung saan magagamit ang kita para na rin sa kapakinabangan ng mga magsasaka at pagmintina ng makinarya.

Nasa ilalim ang programa ng Agrarian Reform Community Connectivity and Economic Support Services (ARCCESS) ng DAR na naglalayong maging mga negosyante ang tinatawag na agrarian reform beneficiaries o ARBs sa pamamagitan ng pagkakaloob sa kanila ng makina at teknolohiya para lumaki ang kanilang mga ani at madagdagan ang kanilang kaalaman.

Tinuturuan rin sa pamamagitan ng ARCCESS ang mga magsasaka ng tinatawag farmers agri-business technologies para mas maging matatag at malakas ang kanilang hanapbuhay.

“Laging tandaan: “Bata mo ‘ko at Ako ang Spy n’yo.”

(Twitter: follow@dspyrey)

http://www.abante-tonite.com/issue/aug1715/edit_spy.htm

Cybercrime REY MARFIL

Cybercrime

REY MARFIL

Habang abala ang marami sa pagsubaybay kung magkikita na sina Alden Richards at Yaya Dub o ‘Aldub’, tila hindi napansin -- o sadyang deadma lang ang netizens sa pinakabagong pangyayari sa kontrobersiyal na anti-cybercrime law.

Gaya ng dati, mainit na namang sinubaybayan at pinag-usapan ng netizens kaya naging trending topic muli ang sinasabing kalyeserye sa Eat Bulaga! Pero kung anong init ng pagsubaybay ng publiko sa love story nina Alden at Yaya Dub, siya naman yatang lamig ng pagtutok ng netizens sa development ng cybercrime law.

Halos tatlong taon kasi mula nang maaprubahan ni Pangulong Benigno ‘Noynoy’ Aquino III ang naturang batas, ngayon lang napirmahan ang implemen­ting rules and regulation o IRR nito. Ang IRR ang maging ‘user’s manual’ o kodigo ng mga awtoridad, ahensiya ng gobyerno at maging ng mga magre­reklamong netizen, kaugnay sa mga krimen na nakapaloob sa anti-cybercrime law.

Bakit nga ba dapat at mas mahalagang malaman ng netizens ang laman ng IRR kaysa love story nina Alden at Yaya Dub; dahil ang IRR at krimen na nangyayari sa internet o cyberspace ay totoo, at lahat ng netizens ay maaaring maging biktima. Habang ang Aldub love story sa TV at internet lang.

Sa ulat ng Department of Justice (DOJ) mula sa datos ng Philippine National Police (PNP), tinatayang 33.6 milyong Pinoy na ang gumagamit ng internet. At noong nakaraang taon, nasa 614 cybercrime incidents ang naitala, higit na mataas sa 288 kaso noong 2013.

Pero iyan ay datos ng mga nagreklamo at hindi kasama ang mga taong piniling manahimik na lang at hindi na nagsumbong sa mga awtoridad.

*** 

At dahil dumadami ang investment scam at mga mapang-engganyong post sa social media na nang-aakit ng madali at malaking kita, dapat malaman ng netizens na 22 porsiyento ng mga naitalang cybercrime noong 2014 ay may kaugnayan sa scam o panloloko. Uso rin ang mga sex scandal kaya siguro 11 porsiyento ng kaso ay voyeurism at pitong porsiyento naman ay sextortion.

May mga kaso ng libelo o paninira, panggigipit, identity theft at iba pa.

Sa pamamagitan ng IRR, maaaring malaman ng netizens kung ano ang mga kaso na maaari nilang idulog sa awtoridad at saang ahensiya sila maaaring lumapit. Kasama kasing niresolba sa IRR ang posibleng ‘sapawan’ o overlapping ng mga ahensiya ng gobyerno na hahawak o dapat kumilos sa kaso ng cybercrime.

Pero dahil limitado pa sa ngayon ang laang pondo ng binuong Cybercrime Investigation and Coordinating Center o CICC, pakiusap ng DOJ sa mga magre­reklamo, tiyakin na mahalaga ang kanilang idudulog na problema. Aba’y huwag na nga namang isumbong o paabutin pa sa demandahan ang away ng mga mag-syota o magkakamag-anak dahil sa tsismis na post sa social media.

May mga kaso na sadyang dapat mabigyan ng mabilis at lubos na pag-aksyon ng gobyerno tulad ng identity thief, hacking, mga scam at cybersex na karaniwang ang mga biktima ay mga kabataan.

Sa mabilis na paggulong ng modernong teknolohiya ng internet, hindi nagpapahuli ang mga kriminal sa pagsabay sa uso para maghanap ng kanilang pagkakakitaan at mabibiktima. Kaya mabuti rin na hindi nagpadala si Aquino sa mga protesta noon laban sa pagkakaroon ng anti-cybercrime law para maprotekthan ng gobyerno ang netizens na abala sa kakikayan sa internet tulad ng Aldub fever. 

“Laging tandaan: “Bata mo ‘ko at Ako ang Spy n’yo.” (Twitter: follow@dspyrey)

http://www.abante-tonite.com/issue/aug1415/edit_spy.htm#.Vc85zPlViko

Good news pa more!

Good news pa more!

REY MARFIL

Kumpara sa nakalipas na administrasyon, domoble nga­yon nang umabot sa 700,000 na mga mag-aaral sa buong bansa ang nakinabang sa pansamantalang trabaho para sa mga mahuhusay na estudyante sa nakalipas na limang taon alinsunod sa kautusan ni Pangulong Noynoy ‘PNoy’ Aquino.

Inihayag ni Labor Sec. Rosalinda Dimapilis-Baldoz na umabot sa 691,333 na mahihirap na mga mag-aaral ang nakinabang sa Special Program for Employment of Students o SPES sa loob ng nakalipas na limang taon.

Batid ni PNoy ang kahalagahan na magkaroon ng pansamantalang kabuhayan ang mga mag-aaral na maaa­ring magamit na pandagdag sa kanilang edukasyon hanggang makatapos ng pag-aaral para sa kanilang magandang kinabukasan.

Sa ilalim lamang ng administrasyon ni PNoy pina­lakas ang programang SPES kaya naman lumaki ang bilang ng mga mag-aaral na nakinabang at natulungan ang kanilang mga buhay.

Sa nakalipas kasing administrasyon, umabot lamang sa 353,746 na mga mag-aaral ang nakinabang sa programa kaya naman naitala ang 95% pagtaas sa bilang ng mga nakinabang sa SPES.

Noong 2015, itinaas ang ng pamahalaan ang pondo ng SPES sa P697 milyon o 41.96% mataas kumpara sa P491.48 milyong badyet nito noong 2014 na malaki naman ng 5.21% sa 2013 na pondo na nagkakahalaga ng P467.13 milyon.

Kumpara noong 2012, umabot ang pondo ng SPES sa P340.31 milyon na mas malaki ng 107.50% sa P164 milyong pondo noong 2011 na mas mataas ng 8.6% sa P151 milyong badyet noong 2010.
Sa kabuuan, lumaki ng 361.58% ang pondo ng programa pagpasok ni Pangulong Aquino kumpara sa naka­lipas na pamahalaan.

Base sa ulat ng Bureau of Local Employment ng tanggapan ni Baldoz, 84,786 na mga estudyante lamang ang nakinabang sa programa noong 2010 na umabot sa 120,312 noong 2011, 138,635 noong 2012 at 167,569 nitong 2013; hanggang umabot sa 182,573 noong 2014.

Katuwang ni PNoy ang lokal na pamahalaan at priba­dong sektor sa ilalim ng SPES kung saan karaniwang nakakapasok sa trabaho ang mga mag-aaral bilang food service crews, customer touch points, office clerks, gasoline attendants, cashiers, sales ladies, “promodizers”, at iba pang posisyon.

Itinatalaga rin ng lokal na pamahalaan ang mga mag-aaral sa clerical, encoding, messengerial, computer at programming jobs.

***

Magandang balita na naman ang hatid ni PNoy dahil sa ibibigay na ang malaking umento ng Social Security System (SSS) sa benepisyo sa pamilya ng mga namatay na kasapi simula ngayong Agosto 2015.

Matapos aprubahan ni Pangulong Aquino ang benefit enhancement package, inilabas na ang SSS Circular No. 2015-009 kung saan itataas ang kasalukuyang P20,000 burial benefit mula sa pinakamababang P20,000 hanggang P40,000 depende sa naging kontribusyon ng mga miyembro at average monthly salary credit (AMSC).

Inihayag ni SSS Vice President for Benefits Admi­nistration Agnes San Jose na magsisimula ang umento sa lahat ng funeral benefit claims sa petsang Agosto 1, 2015 pataas.

Batid kasi ng Pangulo ang emosyunal at pinansiyal na hirap na karaniwang dinadanas ng pamil­yang namamatayan.

Patunay na interes at kagalingan ng pa­milya ng mga miyembro ang pangunahing konsideras­yon ni Pangulong Aquino sa ilalim ng matuwid na daan. La­ging tandaan: “Bata mo ‘ko at Ako ang Spy n’yo”.

(Twitter: follow@dspyrey)

http://www.abante-tonite.com/issue/aug1215/edit_spy.htm#.VcyN9vlViko

May napupuntahan! REY MARFIL

May napupuntahan!

REY MARFIL

Sa pamamagitan ng matuwid na daan ni Pangulong Benigno ‘Noynoy’ Aquino III, lumobo ng P15.43 bil­yon o 16.39 porsiyento ang koleksiyon ng Bureau of Internal Revenue (BIR) nitong nakalipas na Hunyo kumpara sa parehong buwan ng 2014.

Umabot kasi ang koleksiyon ng BIR nitong Hunyo 2015 sa P109.55 bilyon na nangmula sa P107.09 bilyon sa operasyon at P2.46 bilyon para sa tinatawag na non-BIR operations.

Umabot naman ang koleksiyon ng regional offices sa halagang P39 bilyon o P5.81 bilyon o 17.49% na mas mahigit sa koleksiyong nakuha noong Hunyo 2014.

Naitala rin ang koleksiyon sa tinatawag na large taxpayers service sa halagang P68.04 bilyon o mas mataas ng P9.65 bilyon o 16.52% kumpara sa nakolekta noong Hunyo 2014.

Sa nakalipas na unang anim na buwan ng taon, umabot ang koleksiyon ng BIR sa P705.87 bilyon na mas malaki ng P62.66 bilyon o 9.74% kumpara na nakolekta sa parehong panahon noong 2014.

Base ito sa naitalagang P687.29 bilyong buwis mula sa operasyon ng BIR na mas mataas ng P62.58 bilyon o 10.02% kumpara sa unang anim na buwan ng 2014 at P18.58 bilyon mula sa non-BIR na operasyon na mas mataas rin ng P83.64 milyon o 0.45% kumpara sa nakolekta noong unang semestre ng nakaraang taon.

Humataw rin ang koleksiyon ng regional offices sa u­nang kalahati ng 2015 base sa naitalagang P257.26 bil­yon o P25.4 bilyon o 10.96% na mas malaki kumpara sa naitala sa parehong panahon ng 2014.

Lumaki rin ang koleksiyon sa large taxpayer service na nagkakahalaga ng P430.03 bilyon o P37.17 bilyon o 9.46% na mas mataas kumpara sa naitala sa unang anim na buwan ng 2014.

Hindi naman nakakapagtaka ito sa ilalim ng matuwid na pamamahala ni PNoy na sinisigurong mayroong pondo para sa pangangailangan ng maraming Filipino.

***

Hindi naman nakakapagtaka ang naging pahayag ni Speaker Feliciano ‘Sonny’ Belmonte Jr. na pinakamahusay na lider si PNoy sa hanay ng naging mga Pangulo ng bansa.

Pero siyempre mahusay rin ang ina nitong si dating Pangulong Corazon ‘Cory’ Aquino na nagsilbing gabay sa mga desisyong isinasagawa ni Pangulong Noynoy Aquino.

Talaga namang si PNoy ang dahilan at naging susi sa lahat ng magagandang pakinabang na natamasa ng bansa ngayon sa larangan ng ekonomiya at katatagang politikal dahil sa malinis na pamamahala nito.
Maihahalintulad nga si PNoy sa maayos na pagdadala nito sa bansa kina Lee Kuan Yew ng Singapore, Park Chung Hee ng Korea at kahit maging si Dr. Mahathir Mohamad ng Malaysia.

Sinisiguro rin ni PNoy na naayon sa umiiral na mga batas at probisyon ng konstitusyon ang lahat ng desisyon ng kanyang pamahalaan.

Nakakabilib naman talaga ang matuwid na daan ng Pangulo kaya naman hindi nagtagumpay ang mga tiwali sa pamahalaan.

Matikas at matatag ang political will ni PNoy para ipa­tupad ang mga reporma at patakaran na makakatulong sa interes at kagalingan ng mahihirap na mga sektor ng lipunan.

Kabilang sa mga panukala na hindi nakalusot sa nakalipas na pamahalaan ngunit naisabatas sa kasalukuyang panahon ay ang sin tax law,
kompensasyon para sa mga biktima ng Batas Militar at reproductive health law.

Tunay na matinong lider si PNoy na nakapagdulot ng ka­ginhawaan sa napakaraming mga Filipino.

“Laging tandaan: “Bata mo ‘ko at Ako ang Spy n’yo.”

(Twitter: follow@dspyrey)

http://www.abante-tonite.com/issue/aug1015/edit_spy.htm

Kumpiyansa sa hinaharap

Kumpiyansa sa hinaharap

REY MARFIL

Kung may isang bagay na dapat ikatuwa ang administrasyon ni Pangulong ‘Noynoy’ Aquino III sa pagtatapos ng kanyang termino sa Hunyo 2016, ito ay patuloy na kumpiyansa ng kanyang mga boss na mamamayang Filipino sa mas magandang hinaharap ng kanilang buhay.

Sa pinakahuling survey kasi na ginawa ng Social Weather Station (SWS) nitong nagdaang Hunyo 5-8, tungkol sa pananaw ng mga respondent sa magiging buhay nila sa susunod na 12 buwan, lumitaw na 42 porsi­yento ang nagpahayag ng kumpiyansa ng mas magandang buhay. Higit itong mataas kontra sa anim na porsiyento lamang na naniniwalang sasama pa ang kanilang buhay. 

Sa kabuuan, nakapagtala  ng ‘very hight’ na positive 36 ang pagiging optimistic ng mga Filipino hanggang sa bumaba si PNoy sa kanyang posisyon sa susunod na taon, Hunyo 30, 2016.

Bukod sa kumpiyansa ng mga tao sa mas maganda ang kinabukasan, naniniwala rin ang mga taong tinanong sa survey na mas gaganda ang lagay ng ekonomiya hanggang sa pag-alis ng Pangulo.

Sa naturang survey, 31 porsiyento ng mga respondent ang nagsabi na tiwala silang mas gaganda ang ekonomiya, kontra sa 15 porsiyento na naniniwalang sasama ang lagay ng ekonomiya. Sa kabuuan, nakakuha rin ng ‘very high’ positive 15 net optimism sa ekonomiya ang pamahalaang Aquino.

Puna ng ilang tagamasid, karaniwan naman daw na mataas ang pagiging optimistiko o kumpiyansa ng publiko kapag nagpapalit ang liderato ng pamahalaan bunga ng gaganaping halalan sa darating na taon.

Pero kung susuriin ang resulta ng survey ng SWS, tila sadyang mataas lang talaga ang pagtitiwala nila sa daang matuwid na pamamahala ni PNoy. Nang magsimula ang kanilang panunungkulan noong Hulyo 1, 2010, nagsagawa ng survey ang SWS tungkol sa pananaw ng publiko sa kung ano ang inaasahan nilang mangyayari sa hinaharap.

***

Sa resulta ng survey na ginawa noong Setyembre 2010, lumitaw na 38 porsiyento ng mga respondent ang positibo ang pananaw, kontra sa anim na porsiyento na pessimistic o net satisfaction rating na +32.

Sa margin of error na positive/negative 3 (+/-3), halos hindi nagbabago ang pananaw na ito ng mga boss ni PNoy hanggang sa June 2014 survey. Batay sa datos, lumitaw din na ang net satisfaction ratings ng optimism ng mga Pinoy na very high na +31.

Samantala, kung ikukumpara ang marka na nakuha ng pinalitang administrasyon ni PNoy, nagsimula lamang ang liderato nito ng +4 noong Enero 2001. Sumadsad ang pag-asa ng bayan sa pinakamababang -6 noong Hunyo 2008. Nakamit lamang ng nagdaang administrasyon ang pinakamataas na +36 pagsapit ng Hunyo 2010, isang buwan matapos maideklarang panalo sa May 2010 elections si PNoy.

Samantala, sa ilalim ng pamamahala ng daang matuwid ni PNoy, kapuna-puna ang malaking pagbabago sa numero ng survey ng SWS makalipas ng isang taon. Kung noong Hunyo 2014 ay +2 lang ang naniniwalang mas gaganda ang ekonomiya ng bansa, tumaas ito sa +15 ngayong Hunyo 2015.

Positibo rin ang pananaw hanggang sa susunod na 12 buwan ng mga respondent sa Hunyo 2015 mula sa iba’t ibang bahagi ng bansa kumpara sa survey noong Hunyo 2014. Sa resulta ng bagong survey, lumitaw na tumaas sa +36 porsiyento ang pagiging optimistic ng mga mamamayan sa Metro Manila mula sa dating +33; mula sa +32 ay naging +37 sa Balance of Luzon; habang mula sa +27 ay naging +29 sa Visayas ; at mula sa +33 noong Hunyo 2014 ay naging +40 sa Mindanao ngayong Hunyo 2015.

Kaya naman sadyang magiging mabigat ang hamon sa papalit na liderato kay PNoy na panatiling buhay at matatag ang pag-asa ng mga Pilipino para sa mas magandang buhay ng mga boss ng bayan.

Laging tandaan: “Bata mo ‘ko at Ako ang Spy n’yo.” (Twitter: follow@dspyrey)

http://www.abante-tonite.com/issue/aug0715/edit_spy.htm

Huling hirit!

                                                           Huling hirit!

                                                                      REY MARFIL

Ilang mahahalagang panukalang batas ang hiniling ni Pangulong Noynoy “PNoy” Aquino na ipasa ng Kongreso bago matapos ang kanyang termino sa June 2016 -- kabilang na rito ang kontrobersyal na anti-dynasty bill at ang popular sa mga mamamahayag na freedom of information o FOI bill.

Kasama sa binanggit ni PNoy sa kanyang huling State of the Nation Address ang pagpasa sa anti-dynasty bill, na tiyak na dadaan sa butas ng pinakamaliit na karayom dahil ang maaapektuhan nito ay mga pulitiko -- kabilang na ang mga kongresista at senador na silang mag-aapruba ng naturang panukalang batas.

Kung tutuusin, nakasaad sa 1987 Constitution na ginawa sa panahon ng namayapang si dating Pangulong Cory Aquino, ina ni PNoy, ang anti-dynasty. Pero hindi ito naipatutupad dahil sa kawalan ng enabling law o kaukulang batas na dapat ang Kongreso ang gagawa.

Pero dahil ang layunin ng panukala ay maiwasan ang mga magkakapamilya o magkakamag-anak na humahawak sa iba’t ibang posisyon, talaga namang magiging pahirapan at kung hindi man ay suntok sa buwan kung maisabatas ito.

Aba’y maraming kongresista na ang asawa o anak o magulang ang nakaupong gobernador, bise gobernador o kung hindi man ay mayor sa kanilang lalawigan.

Sa Senado naman, ilan din sa mga nakaupo ang magkakadugo at may mga kaanak ding humahawak ng lokal na posisyon. Kaya kung makapasa man sa Senado ang anti-dynasty law, baka mabigo naman ito sa Kamara o vice versa; ang bottom line, good luck.

***

Samantala, makikita naman sa usapin ng FOI bill kung gaano kahirap pasayahin ang mga kritiko ng administrasyong Aquino. Nang hindi mabanggit ni PNoy ang nabanggit na panukala sa kanyang SONA, may mga pumuna at bumira.

Iyon pala, nakareserba ang kahilingan ni PNoy na ipasa ng Kongreso ang FOI bill kasabay ng pagsusumite ng Malacañang sa Kongreso ng 2016 national budget. 

Dahil ang layunin ng FOI bill ay transparency sa paggamit ng gobyerno sa pondo kaya marahil ay minabuti ng Pangulo na itaon ito sa pagsusumite niya ng 2016 budget.

Pero sa halip na matuwa ang mga kritiko at mga ta­gasuporta ng FOI bill, hinanapan pa nila ito ng butas. Mas maganda raw kung isinama ito ni PNoy sa kanyang SONA para mas malakas ang dating ng pag-endorso.

Ngayong inihayag na ni PNoy ang kahilingan niya sa Kongreso na ipasa ang FOI bill, ang dapat gawin ng mga organisasyon sa media na sumusuporta sa panukala ay maglunsad ng kampanya para ma-pressure ang mga mambabatas na aprubahan ito sa lalong madaling panahon upang mapirmahan ni PNoy at maging batas.

Kung sakaling kapusin talaga sa panahon, maaari namang humanap ng paraan ang mga pro-FOI bill at igiit sa Kongreso na magpasok na lamang ng mga probisyon sa 2016 budget o General Appropriation Act, na nagtatakda at nag-oobliga sa mga ahensya ng gobyerno na maging bukas sa pagsasapubliko ng kanilang gastusin. 

Gaya ng Bangsamoro Basic Law o BBL na matagal nang hinihiling ni PNoy sa Kongreso na ipasa para sa kapayapaan ng Mindanao, wala na sa kamay ng Pangulo ang bola sa pagpasa ng anti-dynasty bill, FOI bill at BBL.

Ang mata ng mga mamamayan ay nakatuon na dapat sa mga mambabatas na siyang may hawak ng bola kung ididribol ba nila ito nang matagal o gagawa ng assist para maka-three points bago matapos ang termino ng Pangulo. Laging tandaan: “Bata mo ko at Ako ang Spy n’yo.”

(Twitter: follow@dspyrey)

http://www.abante-tonite.com/issue/aug0515/edit_spy.htm#.VcNsNflViko

Bumabaha ng proyekto! REY MARFIL

Bumabaha ng proyekto!

REY MARFIL

Muling umarangkada ang pagkakaloob ng scholarship grants para sa mahihirap na mga anak ng ating overseas Filipino workers (OFWs) alinsunod sa kautusan ni Pangulong Benigno ‘Noynoy’ Aquino III.

Ipinakilala na ng Overseas Workers Welfare Administration-Regional Welfare Office I (OWWA-RWO I) ang latest batch ng mga iskolar sa ilalim ng OFW Dependent Scholarship Program (OFWDSP).

Tinipon ang mga iskolar nitong nakalipas na Hul­yo 13, 2015 sa Max’s Restaurant sa San Fernando, La Union para sa pormal na orientation at agreement signing.

Matapos ang masusing pagsusuri ng OWWA-RWO I sa aplikasyon ng mga iskolar, 48 na incoming college freshmen ang naging kuwalipikado sa OFWDSP para ngayong pasukan.

Makikinabang ang bawat benepisyunaryo ng scholarship sa buong panahon ng kanilang kurso.

Sa ilalim ng programa, aabot sa P20,000 kada taon ang pinansiyal na tulong ng OFWDSP sa bawat kuwa­lipikadong dependent ng OFW na sumasahod lamang ng buwanang hindi lalampas sa US$400.

Maaring makapasok sa ano mang four year o five year na baccalaureate course sa kolehiyo o unibersidad sa Region I ang sino mang benepisyunaryo.

Sa hanay ng 48 na bagong scholars, 13 dito ang nagmula sa Pangasinan, tiga-12 naman sa La Union at Ilocos Norte, at 11 sa Ilocos Sur.

Batid ni PNoy ang kahalagahan ng edukasyon para sa magandang kinabukasan ng bawat Pilipino kaya naman kasama lagi ito sa prayoridad ng kanyang matuwid na daan.

***

Maganda ang naging desisyon ni PNoy nang aprubahan ng National Economic and Development Authority (NEDA) Board na pinamumunuan nito ang ilang mahahalagang mga proyektong imprastraktura na siguradong magpapaunlad lalo sa bansa at makakapagbigay ng trabaho.

Kabilang sa mga inaprubahang mga proyekto sa nakalipas na 18th NEDA Board meeting ang Phase II ng Ninoy Aquino International Airport (NAIA) Expressway Project.

Ipatutupad ang programa ng Department of Public Works and Highways (DPWH) na kinatatampukan ng paglilipat ng alignment sa isang seksyon ng Domestic Road ng Parañaque River/Electrical Road patungo sa isinasagawang proyekto.

Manggagaling sa pambansang badyet ang P2.04 bilyong pondo na kailangan sa proyekto. Kabilang rin sa inaprubahan sa pulong ang P223 milyong Daang Hari-SLEX Link Road Project ng DPWH. Layunin nitong pagbutihin ang access road network ng Daang Hari Project na malapit na ring matapos.

Inaprubahan rin ng NEDA Board ang P1.58 bil­yong Civil Registry System Information Technology Project Philippine Statistics Authority (PSA).

Itinatampok sa proyekto na sasailalim sa masu­sing subasta ang computerization ng civil registry operations ng PSA at dinisenyo para komolekta at magmintina ng civil registry na mga dokumento at specimen signatures ng lahat ng city at municipal registrars gamit ang tinatawag na imaging technology.

Kabilang rin dito ang produksyon ng mahahala­gang estadistika at magiging available sa buong bansa ang serbisyo ng civil registry sa pamamagitan ng Civil Registry System outlets at iba pang mga awtorisadong katuwang.

Isasalang naman ng NEDA Board para talakayin pa nang husto ang Bonifacio Global City at Ortigas Road Link Project na magpapaluwag sa daloy ng trapiko sa Epifanio de los Santos Avenue (EDSA) at C5 Road.

Sigurado tayong lalong aasenso ang bansa sa mga programang inaprubahang ipatupad ni PNoy kung saan pangunahing prayoridad ang kalidad at pagtiyak na hindi masasayang ang kahit isang sentimo ng pampublikong pondo.

 “Laging tandaan: “Bata mo ‘ko at Ako ang Spy n’yo.”

(Twitter: follow@dspyrey)

http://www.abante-tonite.com/issue/aug0315/edit_spy.htm