september 8 2009 abante tonite

	Political prostitute!
	Rey Marfil
Kapag tuluyang ‘nagka-solian ng kandila’ sina Se nator Ping Lacson at ex-President Erap Estrada, walang ibang dapat sisihin kundi mismong tauhan ni Erapsky, aba’y headlines lamang ang binabasa at napakabilis magkomento kaya’t saliwa ang pagkakaintindi kung bakit pinapaatras sa presidential derby. Mantakin n’yo, hindi pa naisusulat ng Senate reporters ang ambush interview kay Lacson, kaagad sumagot ang kampo ni Erapsky via text brigade, gamit ang statement ni Margaux Salcedo at inakusahang walang karapatan ang senador magbigay ng payo dahil promotor ng disunity noong 2004. At pagkatapos, pumaypay pa si Jinggoy kaya’t lalong lumaki ang sunog gayong alam nito ang buong kuwento sa pananabotahe ng ilang malapit sa kanyang ama kaya’t walang unity noong 2004. Katarantaduhan kung walang alam si Salcedo sa tunay na nangyari sa pagitan nina Da King at Da Ping, ma liban kung headlines din lamang ang binasa kaya’t hindi naintindihang inetsapuwera ng Laban ng Demokratikong Pilipino (LDP) si Lacson at ipinapasok si Da King kahit outsider, as in walang proseso sa pagpili ng standard bearer. Ang ikinagulat ng ilang Senate reporters, aba’y staff ni Willy Fernandez ang nagpakalat ng ‘text release’ ni Salcedo gayong handler ni Loren Sinta, as in Loren Legarda ito, maliban kung binubuo ang ‘Erap-Loren tandem’ kaya’t naunang pinapasok si Fernandez sa Erap camp? Ang problema ngayon ni Erapsky, paano pipigilan si Lacson lalo pa’t walang mawawala sa senador dahil hindi naman tatakbo sa 2010 elections? Aba ngan ang speech... *** Napag-usapan ang 2010 elections, walang kasing-lupit ang diskarte ng isang presidentiable. Mantakin n’yo, hindi pa man tumatakbo at nagtatagumpay ang kanilang partido, aba’y kung anu-anong cabinet post ang hinihirit sa kanilang ‘Big Boss’ kaya’t bad trip ang buong miyembro. Hindi lang cabinet post ang kondisyong hiningi ni Presidentiable Plastic, meron pang ‘monetary involved’, as in humihingi ng salapi ang kumag at ipinapa-reimburse ang kabuuang ginastos sa premature campaigning nito, kabilang ang ipinambayad sa TV ads, campaign materials ipinamudmod sa mga probinsya, maging pasahod sa mga inarkilang tauhan, malinaw ang pagiging ‘political prostitute’. Take note: hindi barya ang usapan kundi kalahating bilyon, as in P500 milyon! Kundi nagkakamali ang Spy, limang (5) cabinet post ang hinihirit ni Presidentiable Plastic kay ‘Big Boss’, kapalit ang gagawing pag-atras sa 2010 elections para iendorso ang kandidatura ng kasamahang presidentiable. Ganyan kagarapal ang kampo ni Presidentiable Plastic, sa halip pag-usapan kung paano patitinuin ang gobyernong lugmok sa kahirapan at katiwalian, aba’y pagkakakitaan ang nasa isipan. Kaya’t nagbalik sa alaala ng mga kurimaw ang nangyari sa isang natalong presidentiable, ganito rin ang diskarte ng tumatayong handler ni Presidentiable Plastic, maging noong 1998 presidential election. Ang resulta: napahamak ang kanilang kandidato pero nagkamal ng salapi at namumuhay ng mariwasa ang handler ni Presidentiable Plastic, kasama ang administrasyon. Kung nagpapabayad din lamang si Presidentiable Plastic, kapalit ang pag-atras sa presidenrial race, bakit hindi gastusin sa kanilang ‘manok’ ang multi-milyon pisong ipang-aareglo dito. Kapag nagkamali ng desisyon ang ‘Big Boss’ ng isang partido at kumagat sa ‘horse tra ding scheme’ ni Presidentiable Plastic, ‘di malayong ma­pahamak ang kanilang kandidato lalo pa’t iisang tao ang gumawa ng ganitong raket, simula 1995 senatorial election hanggang 2004 elections. Pansinin ang mga taong nakapaligid kay Presidentiable Plastic, iisang mukha at iisa ang diskarte, alinsunod sa kumpas ni Boy Pag-ibig. Kung sino si Boy Pag-Ibig, ipagtanong kay Atty. Demaree Raval! (mgakurimaw.blogspot.com)

september 7 2009 abante tonite

	Presidentiable nag-imbento ng textmate
	(Rey Marfil)
Kahit anong uri ng plastic kapag tinunaw, ito’y plastic pa rin, katulad din sa pag-uugali ng isang presidentiable na na ga wang mag-imbento ng kuwento at ka-textmate para mapansin lamang ng mga reporter. Hindi maiwasang matawa ng mga kurimaw, sa pangunguna ng TONITE Spy matapos mag-feeling closed ang isang presidentiable habang kausap ang isang grupo ng mga reporter habang abala sa ambush interview sa ibang pulitiko ang pulutong ng mga mamamahayag. Bago gumawa ng ek se na ang presidentiable, napaka-busy sa pag-ambush interview ang karamihan sa mga repor ter, as in isa-isang kinukunan ng soundbite ang mga pulitikong nakakasalubong ng mga ito. Sa kasagsagan ng interbyu, eksaktong pumasok sa venue ang isang presidentiable at wala kahit isang reporter ang nagkainteres kunan ng soundbite ang mokong kaya’t nagpapansin ito. Sa ‘di kalayuan, natanaw ng presidentiable ang isang reporter at media relation officer (MRO) ng isang opposition senator at kaagad nilapitan upang makipag­huntahan, as in gustong makipagtsikahan at nanga ngamusta ito, sabay tanong kung anong balita. Mabilis naman tumugon ang reporter subalit ikinagulat ang opening statement ng presidentiable matapos mag-sorry, as in ipinaghingi ng paumanhin ang hindi nakakasagot sa text nito. Hindi sumagot ang reporter at tumaas ang kilay dahil walang matandaang oras o araw nakipag-text sa presidentiable para hi ngan ng komento lalo pa’t wala naman isyung dapat itanong dito. Higit sa lahat, hindi naging ka-textmate ang presidentiable kung kaya’t lalo pang lumutang ang senar yong nagpapapansin lamang dahil gustong magpa-interview at maisama ang kanyang pa ngalan sa mga write ups sa peryodiko. Sa hangaring hindi mapahiya ang presidentiable ‘to the rescue’ ang MRO ng isang opposition senator, as in sinalo ang mokong, sa pamamagitan ng depensang napaka-busy ng reporter kung kaya’t nakalimutan ito. Hindi naman kinagat ng mga kurimaw ang palusot ng presidentiable dahil sadyang nakaugalian ang mag-imbento ng kuwento para lamang makasali sa usapan at magkunya ring super closed sa mga reporter ito. Clue: Kung pagiging ‘plastic’ ang pag-uusapan, walang tatalo sa presidentiable, mapa-media o ordinaryong tao ang kausap nito. Ito’y meron letrang ‘A’ sa kabuuan ng pangalan at apelyido, as in Ang hilig sa matandang karelasyon. (mgakurimaw.blogspot.com.

september 5 2009 abante tonite

	Presidentiable, ‘name your price’ sa demolition job
	(Rey Marfil)
Hindi lamang desperado kundi halos ‘magpakamatay’ sa pagpapabango ng pangalan ang isang ambisyosong presidentiable matapos madiskubreng nagpatupad ng ‘name your price’ sa lahat ng demolition job na inilunsad laban sa mga katunggaling presidentiables. Sa impormasyong nakalap ng TONITE Spy, walang ibang mastermind sa lahat ng demolition job at black propaganda na natitikman ng mga nagsusulputang presidentiable kundi iisang tao lamang, sa katauhan ng ambisyosong presidentiable. Mapa-text brigade o media operation, katulad ang pagbili ng mga headline o banner stories sa maliliit na tabloid, walang ibang may pakana kundi ang ambisyosong presidentiable, patunay ang ‘pera-pera formula’ para maiangat ang imahe nito. Gamit ang ‘pera-pera formula’, hindi pang-palengke ang diskarte nga yon ng ambisyosong presidentiable dahil walang tawarang nagaganap kapag namamakyaw, as in name your price ang bagong polisiya ng mokong kung kaya’t milyones ang pinapakawalan kada araw. Kung dati-rati’y isang headline ang pinapakyaw ng ambisyosong presidentiable, ngayo’y dalawa hanggang tatlong istorya ang binibili nito, kalakip ang hangaring wasakin ang imahe ng mga kalabang kandidato, malinaw ang pagpapakawala ng P2 milyon kada araw. Matapos wasakin ang isa sa umatras na presidentiable, nakatuon naman ngayon ang demolition job department ng ambisyosong presidentiable sa umuusbong na presidentiable. Maliban sa posibleng katunggaling presidentiable, inu-operate din ng demolition job department ng ambisyosong presidentiable ang iba pang kauring pulitiko na nagsisilbing tinik sa lalamunan nito, partikular ang mga taong nagbubun yag ng katiwalian laban dito. At kahit hindi pa deklaradong tatakbo ang isa sa presidentiable, ito’y inumpisahan nang wasakin ng ambisyosong pre sidentiable at ipinapako ang pangalan ng pulitiko bilang running mate o ka-tandem kahit suntok sa buwang sumama sa kanya ito. Clue: Pera ang panapat ng ambisyosong presidentiable sa bawat eskandalo, maging sa paghahanap ng senatoriables. Ito’y meron letrang “JR” sa kabuuan ng pangalan at apelyido. (mgkurimaw.blogspot.com)

september 4 2009 abante

Senatoriable ‘nabili’ ng presidentiable

Lalo pang lumutang ang pagiging desperado ng isang ambisyosong presidentiable na makarating ng Malacañang matapos bilihin ang isang senatoriable, kalakip ang hangaring makakumpleto ng senatorial line-up sa 2010 national election. Sa halagang P10 mil yon, walang patumanggang tumango ang isang ‘rebel senatoriable’, as in ka sing-bilis ng mga sasakyang dumadaan sa C-5 road ang pagkagat sa ‘special offer’ ng presidentiable. Hindi maitago ni Mang Teban ang matin ding pagkadismaya dahil nakilala ang ‘senatoriable’ bilang makatwiran at sumisigaw ng reporma o pagbabago sa gobyerno subalit madaling nasilaw sa pera. Ang matinding re velation sa lahat, mismong misis ng senatoriable ang nag-udyok sa kanyang mister na tanggapin ang alok, as in ‘bumigay’ sa offer ng ambisyosong presidentiable dahil sa matinding panghihinayang nito. Ang tanging nakakatawa, hindi man lamang naghintay ng mas mataas na offer ang senatoriable dahil umabot sa P30 milyon ang alok ng ambisyosong presidentiable sa iba pang senatoriable. Pintahan niyo na: Idinadaan sa ‘pera-pera’ ng presidentiable ang eskandalong kinasasangkutan at puro takbo ang diskarte, gamit ang mga spokesman habang ang senatoriable ay nasadlak sa kamalasan.

september 3 2009 abante tonite

	Graceful exit o na-kudeta?
	Rey Marfil
Kung bakit mainit ang ulo ni Miriam Santiago sa TV ads, ito’y kasing-li naw ng mga turnilyong ibi nebenta sa hardware ang katotohanang naririndi ang tainga ng lady solon kapag naririnig ang katagang ‘Kapag maganda ang Puno, maganda ang bu­nga’. At sa malamang, hindi nanonood ng ‘May Bukas Pa’ ang mi sis ni Manong Jun Santiago, aba’y theme song sa TV ads ni DILG Sec. Ronnie Puno ang original composition ni Rico J. Puno, animo’y sinasadya kung bakit puro ‘Puno’ ang nakikita ng lady solon, simula pagkagising sa umaga hanggang pagpasok ng Senado, maliban kung ipinakalbo ni Lola Miriam ang buong garden at ipinaputol ang mga puno sa kanilang subdibisyon? Aminin o hindi ni Lola Miriam, si Puno lamang ang target sa TV ads probe. Mantakin n’yo, halos 17-taon ang nakalipas, hindi pa rin makalimutan ang pagkatalo kay Fidel Ramos noong 1992. Sabagay, mas nakabuti ang pagkapanalo ni Tabako keysa iba ang naupo sa palasyo. Kung matapang si Lola Miriam at walang kinikilingan o pinuprotektahan, as in serbisyong totoo lamang, katulad ng imaheng ipinu-project sa media, bakit hindi sampolan si XP Manny Villar, hindi ba’t bilyones ang ginagastos sa pre-campaign ads at No. 1, hindi lamang sa sariling survey kundi No. 1 highest spender sa commercial, maliban kung tumatanaw pa rin ng utang na loob dahil naambunan ng campaign fund ito? Aba’y ayaw ni Bro ng ganyan! *** Nangyari ang prediksyon ng Spy at naging pangarap ng fiancé ni Ate Koring ang makarating ng Malacañang, katulad ng nakapaloob sa ‘Padyak commercial’. Kawa­wang Nene, hanggang pangarap ang pag-aartista, maging ang pagsi-seaman ni Boy. Kaya’t ang malaking tanong ng mga kurimaw: Magiging pangarap din lang ba ni Ate Koring ang makasal nga yong umatras si Mar? Hindi lang iyan, paano babawiin ng pa milya Araneta-Ro xas ang multi-milyon pisong winaldas sa TV ads, alangang i-reimburse kay Kuya Noynoy. Kaya’t abangan ang bagong TV ads ni Roxas, hindi na “Lala ban Tayo” kundi “Atras Tayo”, sabay bigkas ng ‘Anak, itabi mo, baba Ako, si Noynoy ang dapat sakay mo’ at huwag din ikagulat magsabing ‘Ramdam ko kayo pero si Noynoy na ang pambato’! Sa malamang, balde-baldeng luha ang umagos sa mata ng mga kapamilya ni Roxas, sampu ng mga staff na nangangarap makatapak ng presidential garden. Anyway, walang masama kung iyakan ni Ate Koring ang pag-atras ni Bunsong Mar, aba’y mahirap magpigil sa pag luha dahil kapag tumigas, ito’y nagiging muta. Ngayong naudlot ang pagiging First Lady ni Ate Koring, siguradong balik-dzMM ang broadcaster -- iyan ang malaking tinik sa sinumang presidential wannabes, alangang manahimik si Ate Koring? Higit sa lahat, meron magandang pinagsamahan sina Kuya Noynoy at Ate Koring, ala ngang pabayaan ang kanyang ‘ex-boyfriend’? Ni sa panaginip, ayokong isiping sinisisi ng mga alipores ni Roxas si Tita Cory dahil kundi nga naman pumanaw ang ina ni Kuya Noynoy, hindi magkakaroon ng subs titution. Ang pinakamasakit sa lahat, maagang nagbalimbingan ang tinaguriang ‘shadow cabinet’ ni Roxas, as in iniwanan at ibinigay ang suporta kay Kuya Noynoy nang makitang sadsad sa survey ito. Ang tanong ng mga kurimaw: Sino ang may balat sa puwet o malas sa kampo ni Roxas, ala ngang si ex-Usec Bobby Capco? Ang tanong: Graceful exit o na-kudeta si Mar? Kaya’t malaking ha­mon kay Kuya Noynoy bilang presidential bet, paano isu-sustain ang “Cory’s ma­gic” hanggang May 10, 2010 lalo pa’t 3-months lang nagtatagal ang ‘awa effect’, kahit itanong n’yo kay Ms. Susan Roces? (mgakurimaw.blogspot.com)

september 2 2009 abante tonite

	Palace girl, niregaluhan ng P450M lupain!
	(Rey Marfil)
Sadyang masidhi ang obsession ng isang kampon ni Pangulong Gloria Macapagal-Arroyo sa alindog ng kauring palace official matapos regaluhan ng milyon pisong halaga ng lupain sa Metro Manila. Napakalaking palai sipan ngayon sa hanay ng mga kurimaw, sa pangu nguna ng Tonite Spy kung saan kumuha ng multi-milyon pisong ipinambayad sa humigit-kumulang 3,0000 ektaryang lupain sa Global City ang isang palace girl . Hindi biro ang halaga ng lupain sa Fort Bonifacio, Global City sa Taguig dahil P150,000 kada metriko kuwadrado suba lit nagawang makabili ng 3,000 ektarya ni Palace girl, malinaw ang katotohanang P450 milyon ang halaga nito. Bagama’t hindi maituturing na mahirap ang pa milya ni Palace girl, maging ang dating asawa nito, ikinagulat ng naglipanang kurimaw sa presidential garden, sampu ng tambay sa Global City kung paano na kabili ng P450M halaga ng lupain ang bebot lalo pa’t simpleng presidential adviser ang papel kay Mrs. Arroyo. Sa kabilang banda, lumutang ang senar yong ‘regalo’ ng gabinete ang P450M lupain dahil karelasyon ni Palace girl ang opisyal at matindi ang obsession sa bebot dahil ‘bagyo’ ang arrive nito sa kabuuan ng aura kahit nagkaka-edad ito. Simula ng maging ka relasyon ng gabinete si Palace girl, halos lahat ng malalaking kontratang nasa pangangasiwa ng opisyal, partikular ang mga ahensyang kontrolado ay pinagkakakitaan ng bebot kaya’t lalo pang lumutang ang senaryong regalo ang P450M lupain mula sa naipong komis yon ng mga ito. Ang matinding revelation sa lahat, mismong si Palace girl ang nagya yabang sa mga kaibi gan kung magkano ang ha laga ng lupaing nabili sa Global City. Naging laman ng intriga, mapa-coffee shops at iba pang media forum ang pakikipagrelasyon ni Palace girl sa tigasing gabinete dahil napabalitang sinugod ng ‘commander-in-chief’ ng opisyal, kasama ang babaing anak matapos ma­diskubreng kinakalantari ang kanyang mister. Clue: Binansagang ‘Romeo’ ang tiga sing ga-binete dahil natu ringang senior citizen, ito’y tsikboy pa rin habang si Palace girl ay simpleng adviser at miyembro ng isang ahensyang nagtutulak sa Charter Change. Ito’y meron letrang “BR” sa kabuuan ng pangalan at apelyido, as in Bebot ni Romeo. (mgakurimaw.blogspot.com)

september 1 2009 abante tonite

	Tayong dalawa!
	Rey Marfil
Kapag nagkataon, minu-minutong magmumura ang ‘husband-to-be’ ni Ate Korina, aba’y luma lakas ang ‘Noynoy mania’ bilang standard bearer ng Liberal Party. In fairness, hindi kailangang magpraktis ni Mar Roxas sa pagsigaw ng ‘P…I’ -- ito’y nasubukan sa kanto ng Ayala. Kaya’t ang tanong ng mga kurimaw: ‘Ramdam’ din kaya ni Roxas ang pag-slide down, lalo pa’t hindi umaangat sa survey at mas marami ang nakikisigaw sa bayaw ni James Yap? Take note: Halos pumantay si Roxas kay XP Manny Villar sa premature campaig ning, alangang singilin kay Noynoy Aquino ang multi-milyon pisong winaldas sa TV ads gayong aksidente lamang ang paglutang ng kanyang pangalan bilang presidential wannabe? Ayokong isiping aatras si Roxas sa presidential derby, mapa-Presidente o Vice President at puntir yahin ang pagiging Senate President kung magtutuluy-tuloy ang pag-angat ni Kuya Noynoy sa survey. Sabagay, mas ramdam ng boyren ni Ate Ko­ring ang panalo sa re-election bid, ito’y No. 2 sa huling sena torial survey kum para sa presidential survey dahil kulelat si Mr. Palengke, kabuntot ang mga ‘never heard’. At bago sumapit ang November 30 deadline ng Comelec, sa malamang maabutan ng ‘baya ning isinusuka ng mga vendor’ -- si MMDA chairman Bayani Fernando ang po pularity rating ni Roxas kahit pupugak-pugak sa 1%. Kung magpapakapraktikal si Roxas at ramdam ang matinding kahihiyan, hindi malayong i-take over ni Kuya Noynoy ang pre sidential bid at maghanap ng ibang running mate -- ito ang magbubukas ng pintuan sa isa pang taga-‘kapamilya network’ na miyembro ng Liberal Party -- si Mr. Noted, as in Francis Pangilinan bilang vice presidential candidate. Kahit matalo, meron pa ring babalikang silya sa Se nate ang utol ni Kris at mister ni Ate Shawie dahil naupo noong 2007, ka­baliktaran sa boypren ni Ate Koring, ito’y ‘bakasyon-grande’ ng tatlong taon bago makatakbong senador sa 2013. *** Napag-uusapan ang 2010, biruan sa mga coffee shop kung sino ang ikakasal bago mag-November 30, lalo pa’t napakahalaga sa Presidente ang pagkakaroon ng First Lady. Mantakin niyo, pati ‘Kasalang Bayan’ nina Roxas at Ate Koring, ito’y pinagpipiyesta han sa mga media ga therings, katulad ang espe kulasyong walang wedding rites sa Oktubre 23 dahil mauuwi sa tele-ser yeng “Tayong Da lawa” ang boypren ni Ate Koring. Hindi ba’t umatras sa araw ng kasal ang karak ter ni Jake Cuenca gayong kontodo-bihis ang lahat ng ‘participante’? Kaya’t ang tanong ng bayan: Kaka yanin bang ‘mag-Audrey’ ni Ate Koring kapag nagdesisyon ang kanyang fiancé na huwag nang tumakbong Pre sidente at mag-back out sa wedding ceremony, katulad ng karakter ni Kim Chiu sa teleserye? Take note: Bukas sa publiko na nakarelasyon ni Ate Koring sina Kuya Noynoy at Bunsong Mar, nauna nga lang ang utol ni Kris! At dahil ‘Sukob’ nga yong taon ang pagpanaw ni Tita Cory, katulad ng horror movie ni Kris Aquino, puwedeng pakasalan ni Kuya Noynoy si Valen zuela Councilor Shalani Soledad bago mag-May 10, 2010, maliban kung type ang presidential wedding sa presidential garden? Kung mahusay ang ‘handler’ ni Kuya Noynoy, pinaka-da best magpakasal, tatlo o da lawang linggo bago ang ‘Big Day’ dahil walang ibang laman ng peryodiko kundi ang pagkikipag-isang dibdib. Kapag nangyari ito, daig pang tinamaan ng suntok ni Pacman ang lahat ng presidential wannabes! (mgakurimaw.blogspot.com)