august 12 2009 abante tonite

	Presidentiable kinuryente ng media handler
	(Rey Marfil)
Sa kagustuhang magpa-pogi sa media, bolta-boltaheng ‘kuryente’ ang natikman ng isang kunyong presidentiable matapos masubuan ng maling impormasyon ng kanyang media handler. Dahil amoy-eleksyon, nauuso ngayon ang ‘pagsakay’ sa isyu ng mga pulitikong tatakbo sa 2010 presidential derby, katu lad sa mga headlines o banner story sa pamamagitan ng pagbibigay ng komento at reaksyon upang mailagay ang kanilang pangalan sa peryodiko. Bagama’t ordinar yong tanawin ang pagsakay ng mga pulitiko sa mga isyu, nasaksihan ng TONITE Spy ang pinakamalaking kabalbalang ginawa ng kunyong presidentiable matapos maglabas ng press statement at pakialaman ang isang ‘historical events’. Ang masakit sa panig ng pamilyang sinagasaan ng kunyong presidentiable, napakaraming pabor na hiningi ang kumag sa kanyang opisina para paba nguhin ang kanyang imahe sa publiko subalit nagawa pang saktan ang kanilang damdamin at pahirapan ang kalooban ng mga ito. Nauna rito, nagkumahog maglabas ng press statement ang kunyong presi­dentiable at pi nanghimasukan ang isang ‘historical events’ kung saan agad ipinamudmod sa mga reporter. Taliwas sa inaasahan ng kunyong presidentiable, may isang pamilyang nasagasaan sa press statement na inilabas nito, malinaw ang katangahan o pagiging ‘bopols’ ng media handler na ‘nag-ponente’ sa kalatas ng mokong, as in hindi man lamang pinag-aralan at sinilip ang family background ng bawat isa. Dahil sa ginawang kabalbalan ng media handler ng presidentiable, lumabas ang pagiging ingrato at kawalan ng utang na loob sa pamilyang nasagsaan sa press statement na inilabas nito. Makalipas ang ilang minuto, nahimasmasan ang kunyong presidentiable at kaagad pinabawi ang press statement inilabas at kasing-bilis din ng kidlat, nagsa-Pontio Pilato matapos ituro ang kanyang media handler bilang mastermind. Clue: Dating kampon ni Mrs. Arroyo ang media handler ng ambisyosong presidentiable at makailang-beses nakuryente sa panahong nagmamayagpag sa Palasyo. Ito’y meron letrang “C” as in Corrupt kaya’t natsugi habang meron letrang “A” ang kunyong presidentiable.

august 11 2009 abante tonite

	Babaha ng luha sa 2010!
	Rey Marfil
Habang nalalapit ang 40th birthday ni Senador Francis ‘Chiz’ Escudero III ngayong Oktubre 10, lumalabo rin ang tsansa ni Sinta, as in Senadora Loren Legarda na maging standard bearer ng Nationa list Peoples Coalition (NPC). Ayokong isipin na itinakda ng tadhana ang pagtakbong Presi dente ni Chiz sa 2010, aba’y nasusulat sa number 10 ang Oktubre at 40 days din bago sumapit ang deadline ng Comelec, simula sa Oktubre 10 hanggang November 30. Take note: Room 2010 din ang inukupahang headquarters ni Chiz sa President Tower sa Timog, Quezon City. Sabagay, merong Laban ng Demokratikong Pilipino (LDP) na ‘maaakyatan’ si Sinta, anumang oras kapag naputol ang sanga. Siguradong ‘to the rescue’ ang boss ni Atty. Demaree Raval lalo pa’t ‘matalik na magkaibi gan’, as in handang ipaubaya ni Kuya Edong Angara ang kanyang balikat para gawing iyakan ni Sinta? Kaya’t hindi nakakapagtakang nagsasagawa ng ‘hakot-brigade’ ang kampo ni Sinta sa NPC, aba’y kung sinu-sino ang ipinapasok sa partido, kalakip ang hanga­ring madagdagan ang kanyang delegasyon kapag nagkaroon ng party convention. Ang problema ni Sinta, ito’y ‘saling-pusa’ sa NPC at ka sing-labo sa sabaw ng pusit kung pipiliing standard bearer ni Boss Danding Cojuangco, lalo pa’t 90% ng party members ang solid kay Chiz. Habang maaga, mas maka kabuting tanggapin ni Sinta ang tawaging ‘running mate’ o bise ni Chiz kesa magkaroon ng ‘take two’ sa pagiging ‘Crying Lady’, katulad ng nangyari sa Erap impeachment, maliban kung ‘mag-ober da bakod’ sa PMP dahil posible nga namang ipalit ni Erap kapag ipina-diskuwalipika ito ng Comelec? Kundi nagkakamali ang Spy, naunang tumalon sa kampo ni Erap ang media handler ni Sinta si Mr. W, maliban kung preparasyon ito sa paglipat ng kanyang Mam? *** Kung anong sikip ng pre sidential derby, walang sisikip pa sa lahat na nag-aambisyong tumakbong senador ngayong 2010. Take note: 12-seats lamang ang paglalabanan at 7-senador ang reelectionist -- sina Jinggoy Estrada, Bong Revilla, Pia Cayetano, Miriam Santiago, Lito Lapid, Jamby Madrigal at Senate President Johnny Enrile. Ibig sabihin: Nagkalat ang karatulang ‘no vacancy’ dahil 5-seats lamang ang bakante, ma liban kung tumuloy si Donya Consuelo sa pagka-Presidente at mag-Governor ng Pampanga si Leon Guerrero. Hi git sa lahat, napaka-busy ni Aling Miriam sa foreign trip ni Mrs. Arroyo kaya’t napa kalabong tuparin ang pangakong magpapahinga sa pulitika dahil hanggang ngayon hindi magawang tumalon sa eroplano at barilin ang sarili, katulad ng kanyang sumpa. Sa ngayon, kasado ang Nacionalista Party (NP) ni Manny Villar, Liberal Party (LP) ni Mar Roxas, Puwersa ng Masang Pilipino (PMP) ni Erap, at NPC ni Escudero plus BAKLA, as in Bagong Kampi at Lakas. Alangan tumakbong mag-isa at hindi man lamang maglalagay ng se natorial line-up sina MMDA chairman Bayani Fernando, Eddie Gil, Elly Pamatong at Madrigal? Sa ka tegorya ng ‘ba yaning isinusuka ng mga sidewalk vendor’, ito’y hindi papayag mabura ang ‘MMDA Party’ sa pre sidential derby lalo pa’t pa ngunguna sa sa riling presidential survey ang nakatatak sa isipan. Kapag nauwi sa 6-corner fight, may kabuuang 72-senatoriables at nakakata wang isiping 12-seats lamang ang paglalabanan kaya’t asa hang babaha ng luha sa 2010 dahil 60-senatoriables ang talunan at magrereklamong nadaya pagkatapos ng halalan. *** Napag-uusapan ang presi dential derby, hindi lamang pa-guwapuhan ang laba nan sa 2010, pati pagandahan ng ‘First Lady’, aba’y merong Korina Sanchez si Boy Ba­wang at hindi rin magpa pahuli sina Dra. Loi Ejercito at Marikina Mayor Marides Fernando. Ang pinakamagandang match-up sa lahat ng ‘commander-in chief’, walang iba kundi sina DND Sec. Gilbert ‘Gibo’ Teodoro Jr., at Chiz Escudero. Sigu­radong mapapalingon ang mga head of state kina Tarlac Congw. Nikki Prieto-Teodoro at Christine Flores-Escudero kapag isinama sa state visit. Iyong ibang presidentiables, ilista n’yo sa itikan, sabay namnam ng Chocolate! (mgakurimaw.blogspot.com)

august 10 2009 abante tonite

	2 solon ang nag-date kahit engaged ang isa
	(Rey Marfil)
Katulad ng kasabihang ‘naglalaro ang mga daga habang wala ang pusa’, nagsa-daga ang isang kunyong miyembro ng Kongreso matapos makipag-date sa kasamahang lady solon habang busy ang girlfriend ng kelot sa trabaho. Hindi maisawang kaawaan ng mga kurimaw, sa pangu nguna ng TONITE Spy ang mahaderang personalidad na karelasyon ng kunyong solon, kasunod ang pagkakadiskubreng ginagawang ‘tapayan’ lamang ang kanilang pag-iibigan o relasyon in aid for 2010 national elections, as in kinakasangkapan at isinangkalan sa pulitika ang pag-iibigan ng mga ito. Sa kabilang banda, meron ding nagtatanggol sa kunyong solon, katulad ang alegasyong parehong naggagamitan ang magkarelasyon, lalo pa’t kapwa nag-aambisyon ng kapangya rihan sa gobyerno, as in parehong makikinabang kapag natupad ang kanilang misyon. Tanging ikinalulungkot ng mga kurimaw, subsob sa trabaho ang mahaderang personalidad nang maganap ang paglalaro ng kanyang boypren. Ang masakit sa lahat, lantaran pang inamin ng kunyong solon sa lady solon ang katotohanang hindi mahal ang karelasyon kaya’t malaking sampal sa mahaderang personalidad ang tinuran ng mokong, kabilang ang pag-aming mas kinikilig kapag kasamahan sa trabaho ang ka-date nito. Isa pang malungkot na katotohanan sa relasyon ng kunyong solon at mahaderang personalidad, malapit nang lumagay sa tahimik ang dalawa suba lit meron pa ring pag-aalinlangan ang mambabatas. Unang niyayang mag-date ng kunyong solon ang kasamahang lady solon at naganap ang isang ‘group date’, kasama ang mga kaibigan ng bebot hanggang nauwi sa ‘solo flight’ ang kanilang paglabas. Mismong naglipanang kurimaw sa hallway ang nagsabing ‘nagkatikiman’ ang dalawa, lalo pa’t sobrang sweet ng kunyong solon sa kasamahang lady solon at madalas pang sinasadya ng bebot na idikit ang kanyang dibdib sa katawan ng kelot kapag nagkikita sa session hall. Maliban dito, kilalang liberated ang kasamahang lady solon at paulit-ulit nagpapari­nig na napaka-importante sa kanyang buhay ang magka-boypren, as in priority ang magkaroon ng lalaking kayakap sa gabi kesa pag-usapan ang reelection bid sa 2010 election. Clue: Nanalo ang lady solon dahil nagpaawa effect at ngayo’y gusto pang humirit ng isang termino gayong wala naman ginagawa kundi mag-ribbon cutting habang ang kunyong solon ay kinakatakutan sa kanyang propesyon ang mahaderang bebot. Kapwa meron letrang ‘A’ sa kabuuang ng apelyido ang dalawang solon. (mgakurimaw.blogspot.com)

august 6 2009 abante tonite

	Isipin si Tita Cory!
	Rey Marfil
Ngayong nailibing si dating Pangulong Corazon Aquino, balik sa dating gawi ang mga kaporal ni Mrs. Arroyo, maging kapwa taga-oposisyon. Ang malungkot, hindi puwedeng iburol hanggang May 2010 ang mga labi ni Mrs. Aquino para walang away sa gobyerno. Hanggang sa huling sandali ng kanyang buhay, pagkakaisa ang iniwang legacy o pamana ni Mrs. Aquino, malinaw ang unti-unting paghilom sa mga nilikhang sugat ng Martial Law, patunay ang pagtanggap sa dalawang anak ni dating Pangulong Ferdinand Marcos sa kanyang burol - sina Imee at Bongbong, maliban kung in aid for senatorial bid ang motibo ng isa sa mga anak ni Macoy? Sa isang probinsiyanong hindi naramdaman ang hagupit ng Martial Law, katulad ng Spy, madaling magpatawad subalit paano ang mga taong pinahirapan, pinagmalupitan at inabuso ni Marcos simula 1972 hanggang magka-EDSA 1, katulad ng Aquino family at iba pang biktima ng human rights violation o summary execution, hindi uubra ang paboritong ‘sorry’ ni Mrs. A­rroyo kapag nasasabit sa eskandalo. Anuman ang motibo ng pamilya Marcos, ito’y magandang senyales sa isang reconciliation. Na­ging sibil ang kapaligiran, walang bastusan sa kabila ng katotohanang ipinapatay ni Macoy si Ninoy Aquino - marahil huling misyon ni Tita Cory sa lupa ang paghilumin ang mga sugat at pawiin ang galit sa dibdib ng bawat isa. *** Katulad din sa misyon ni Francis Magalona sa awiting ‘Mga Kababa­yan’, kung hindi pa namayapa si Tita Cory, walang balak ang mga alipores ni Mrs. Arroyo na itigil ang pagtutulak sa Charter Change (ChaCha) at pagkatapos ng libing, asahang magsu­sulputan ang kaliskis at rabies ng mga ‘buwaya at tuta’ sa Congress, mali­ban kung kinilabutan si Spea­ker Nograles, sampu ng occupant sa presidential residence lalo pa’t nagkulay dilaw ang Manila Cathedral at Greenhills. Ang tanong ng mga kurimaw: Sumagi kaya sa isipan ni Mrs. Arroyo ang senar­yong ma-convert sa malaking rally ang mil­yun-milyong nagbigay-pugay sa kadakilaan ni Tita Cory? Ika nga ni Sen. Ping Lacson sa kanyang tri­bute kay Tita Cory- ito lamang ang ‘First and Last Woman President’. Sabagay, pang-Guinness Book of Record ang boto ni Garci dahil ‘isang milyon’ ang bilang ng tropa ni ex-Comelec chairman Ben Abalos kaya’t nanalo si GMA! Ang nakakatawa lamang, kapag anti-Gloria rally sa Makati, bagsak sa Arithmetic ang mga tauhan ni NCRPO chief Boyzie Rosales na ka-mistah ni Mrs. Arroyo sa Class 78, aba’y limitado sa kanilang darili ang mga sumasali, as in naka-pako sa 5-libo ang crowd estimate, ito’y napakalayo sa 120 libong kalkulasyon ng PNP nang ilipat ang mga labi ni Tita Cory mula Greenhills. Anyway, kung me­ron dapat katakutan si Mrs. Arroyo, kahit magkaiba ng sitwasyon nina Ninoy at Tita Cory kundi ang kinikimkim na galit ng publiko lalo pa’t walang katapusan ang katiwalian at eskandalo sa gobyerno- ito’y maa­ring sumambulat, anumang oras kapag pinalawig ang kanyang termino. Nawa’y magsilbing leksyon kay Mrs. Arroyo ang bilang ng mga sumi­lip sa burol at naghatid kay Tita Cory sa Manila Memorial Park, sa pamamagitan ng pagsa-puso sa ‘simpleng babae’ ng dating lider. At kapag napag-iisa sa kanyang opisina, bakit hindi mag-ala Boy Abunda, humarap sa salamin at kausapin ang sarili kung anong legacy ang iiwa­nan sa mga kabataan. Higit sa lahat isiping may hangganan ang lahat at isipin si Tita Cory habang me­ron pang pag-asang maituwid ang kamalian sa pamamalakad! (mgakurimaw.blogspot.com)

august 5 2009 abante tonite

	2 senatoriables nangampanya sa burol ni Cory (Part 1)
	(Rey Marfil)
Dahil nalalapit ang 2010 national elections, sadyang walang patawad ang dalawang senato riables matapos samantalahin ang pagpanaw ni dating Pangulong Corazon Aquino, patunay ang ginawang pangangampanya sa burol. Sa nagdaang tatlong araw, nasaksihan ng TONITE Spy kung paano gawing ‘tapayan’ ng dalawang senatoriables na tinaguriang ‘tropang mangga’ as in manggagamit ang burol ni Mrs. Aquino sa La Salle-Greenhills at sa Manila Cathedral. Ilang oras makaraang mailagak ang mga labi ni Mrs. Aquino sa La Salle-Greenhills, kaagad umek sena ang isang naka ka lbong senatoriable, ani mo’y super-close at lehitimong kapamilya ng dating lider, patunay ang kaliwa’t-kanang interbyu sa mga radyo at telebisyon. Ang malupit sa lahat, tumambay sa entrance gate o labas ng La Salle-Greenhills ang ‘tropang mangga’, sa pangunguna ng nakakalbong senatoriable, hindi para salubungin at alalayan ang mga naulila ni Mrs. Aquino kundi magpa-interbyu sa mga reporter na naka-standby dito. Maging sa paglilipat ng mga labi ni Mrs. Aquino mula La Salle-Greenhills patungong Manila Cathedral Church, muling gumawa ng eksena ang ‘tropang mangga’ matapos samantalahin ng nakakalbong senatoriable ang funeral convoy, sakay ng isang public utility vehicle (PUV). Bagama’t nagbubuhay-hari at ordinaryong routine ang mag-golf, gamit ang resources ng isang ahensiyang nagbibigay proteksyon, sumakay ng PUJ (jeep) ang nakakalbong senatoriable para magmukhang makamahirap at kinamayan ang mga nakakasalubong. Ang malupit sa lahat, hindi sumabay sa convoy ng mga sasakyan na naghatid sa mga labi ni Mrs. Aquino ang PUJ na ginamit ng nakakalbong senatoriable, bagkus ku malas sa pila at halos tumabi sa bangketa para makamayan ang mga taong nag-aabang sa kalsada. Clue: Nagtatago sa dalawang mukha ang nakakalbong senatoriable, patunay ang pagkukunyaring malinis gayong nabubuhay sa imoralidad at nagbubuhay-hari. Ito’y meron letrang ‘D’ sa kabuuan ng apelyido at pangalan, as in Dugong Tsekwa. Abangan sa Sabado ang karugtong. (mgakurimaw.blogspot.com)

august 4 2009 abante tonite

‘Secret caucus’ ng NBI official

Rey Marfil

Kesa puro reklamo, bakit hindi gayahin ng ilang nagpapakilalang administration presidentiables ang pagpapakatotoo ni DILG Sec. Ronnie Puno -- ito’y nagdeklarang vice presidentiable at isinu mite ang sarili sa partido. Ibig sabihin, hindi lang sarili ang gustong iangat pagdating ng eleksyon kundi matiyak ang kredibilidad ng proseso sa pagpili ng standard bearer. Ang tanong ng mga kurimaw: Kaya bang i-submit ni MMDA chairman Bayani Fernando ang sarili, mali­ban kung takot ‘mabambo’ ng mga sariling ka-tropa sa Bagong Kampi at Lakas, as in BAKLA, katu lad ng mga natikman ng mga sidewalk vendor sa Baclaran? Napag-uusapan si Puno, napakalaki ang utang na loob ni ex-President Joseph ‘Erap’ Estrada sa gabinete, hindi lamang sa pagkapanalo noong 1998 kundi ng makalabas ng bilangguan. Hindi ba’t noong 2001, marami ang kabado sa pag-aalburuto ng mga followers ni Erap, patunay ang pagsugod sa Malacañang? Kung walang Puno na nakatayo sa tabi ng mi sis ni Jose Pidal nang ibaba ang life imprisonment sa plunder case, sa malamang nagkaroon ng pani bagong kaguluhan at hindi nabigyan ng full pardon ang tatay ni Senate pro-tempore Jinggoy Estrada. Maraming nagulat dahil napakahirap paniwalaang ipa-pardon ng ina ni ‘Lion King’ ang mortal enemy sa pulitika. At hanggang ngayon, nananatili ng close ang pamilya Puno at Estrada kaya’t huwag ikagulat kung palihim na tulu ngan ni Erap! *** Bistado ang “secret meeting” na ipinatawag ng isang opisyal ng National Bureau of Investigation (NBI) sa hanay ng mga nagsisilbing ‘collector’ sa illegal gambling, as in sumambulat sa intelligence community ang ginawang ‘secret caucus’ noong nakaraang linggo sa Manila Pavillion. Take note: Isang NBI official na binansagang ‘Boy Kirat’ ang nakipag-meeting sa kanyang mga ‘collector’ -- sina alyas Edwin, Noel at Ogie. At isang nagngangalang Atay ang nagpakilalang ‘sugo’ ng Malacañang ang present sa ‘closed-door-meeting’. Kundi nagkakamali ang Spy, layunin ng ‘secret caucus’ ang pagpapalakas sa ‘payola collection’ ng NBI sa illegal gambling sa Metro Manila hanggang Luzon area. Ni sa panaginip, ayokong isi ping merong bendisyon ni NBI director Nestor Mantaring ang illegal activities ni Boy Kirat, lalo pa’t wala sa mukha ng opi syal ang gumawa ng ganitong kabu lastugan, mali ban kung ‘nagsa-langgam’ kaya’t nag-iipon bilang preparasyon sa pagkawala ni Mrs. Arroyo sa Malacañang? Ang masakit lamang, mali ban sa illegal gambling, pati lehitimong small town lottery (STL), ito’y ‘tinarahan’ ng grupo ni Boy Kirat para magbigay ng buwanang payola sa NBI. Sa report, isang Atty. Santos ang nakipag-usap sa mga gambling lords at ginagawang ‘receptionist’, as in front bilang ‘collector’ sina Edwin, Noel at Ogie sa monthly payo la, malinaw ang paghahanda ng Malacañang sa 2010 elections dahil ipinagmamalaki ni Atay ang mahalagang papel na ipinagkaloob ng Palasyo para mangalap ng pondo. Mantakin n’yo, high profile case lamang ang hinahawakan ng NBI, subalit pinapatulan ang mga pasugalan. At kahit ilan pang Gus Abelgas ang magsabing ‘hindi nagsisinungaling ang ebidensiya’, hindi pa rin mareresolba ang mga kasong nakatengga kung totoong payola ang inuuna ng isang NBI official! (mgakurimaw.blogspot.com)

august 3 2009 abante tonite

	Anak ng cabinet official, agaw-eksena sa Malacañang
	(Rey Marfil)
Katulad ng kasabihang ‘hindi maaa ring mamunga ng santol ang mangga’, may pinagmanahan sa pag-uugali ng primadonang ina ang anak ng isang ambisyosong cabinet official matapos mang-agaw ng eksena sa Palasyo ng Malacañang. Sa report na nakalap ng TONITE Spy, lumabas na nakataas ang kilay ng mga bisita at miron sa presidential resi dence makaraang gumawa ng eksena ang lalaking anak ng ambisyosong cabinet official. Ang rason, nagtatakbo sa loob ng Malacañang ang lala king anak ng ambisyosong cabinet official kaya’t ikinagulat ng mga bisita, sampu ng mga inimbitahan ni Pa­ngulong Gloria Macapagal-Arroyo sa pagtitipon. Hindi naman ikinagulat ng mga kurimaw sa presidential residence ang pang-aagaw eksena ng anak ng ambisyosong cabinet official dahil mahilig magpa-center of attraction ang ina, as in may pinagmanahan ang bata sa magulang. Nang minsang magpunta sa Malacañang ang pamilya ng ambisyosong cabinet official, hindi pa man nakakapasok, kaagad nagsisigaw ang lalaking anak, sabay takbo papasok ng presidential residence. Sa reception line pa lamang ni Mrs. Arroyo, nagsisigaw ang anak ng ambisyosong cabinet official ng katagang ‘Where’s my Uncle, Where’s My Uncle’ kung saan inakala ng mga taga-Protocol, sampu ng mga miron sa loob ng presidential residence, na hinahanap ng bata ang nawawalang tiyuhin. Ang matinding revelation sa lahat, hindi lehitimong tiyuhin ang hinahanap ng anak ng ambisyosong cabinet official, si First Gentleman Mike Arroyo dahil pinaniwala ang bata ng mga magulang na kamag-anak ang mister ng Pangulo. Dahil sa inuugali ng bata, hindi maiwasang isisi sa ina o asawa ng ambisyosong cabinet official ang pang-aagaw eksena ng anak sa reception line habang nakatayo si Mrs. Arroyo, partikular ang kawalan ng GMRC, as in good manners and right conduct at etiquette. Sa kabila ng ginawang pagsisigaw ng anak ng ambis yosong cabinet official, dinedma lamang ng mga taga-Procotol ang bata, maging ni Mrs. Arroyo, subalit pagkatapos ng event, nakatatak sa isipan ng mga bisita kung bakit ‘Uncle’ ang tawag kay Atty. Mike gayong hindi magkamag-anak ang mga ito. Clue: Nang-agaw eksena din sa Independence Day ang ina ng bata, patunay ang pa-center of attraction sa kasuotan habang baterya ang commercial ng ambisyosong cabinet official. Kung tatakbong Presidente o senador, itanong kay Atty. Nelson Victorino. (mgakurimaw.blogspot.com)