Tuesday, July 8, 2008

july 8 2008 spy on the job column

SIBAKIN SI DUQUE!

Hindi 'sorry' ang kailangan ng mga taga-Romblon sa iresponsableng deklarasyon ni Department of Health (DOH) Sec. Francisco Duque tungkol sa pagbabawal kainin ang mga isda kundi resignation, aba'y paulit-ulit ang kapalpakan ng kampon ni Mrs. Arroyo. Kung puro 'alarmist' ang nakukuhang gabinete, katulad ni Duque, hindi nakakapagtakang nagkakasabit-sabit ang administrasyon. Mantakin nyo, nasa Sibuyan Romblon lumubog ang MV Princess of the Star, isinama lahat sa ban ang dalawa (2) pang major island- ang Tablas at Romblon, Romblon.

Sa kaalaman ng publiko, dalawang (2) oras ang biyahe mula Sibuyan Island patungong Romblon, Romblon- ang capital ng lalawigan. Hindi rin naglalayo ang distansya sa Tablas . Katarantaduhan kung tatawid ng tatlong (3) isla ang mga isda, maliban kung kasing dunong ni Duque gumawa ng senaryo ang mga lapu-lapu sa Sibuyan Island . Sa madaling salita, pinalala ni Duque ang paghihirap ng aking mga kababayan na kamuntikan pang kinalimutan sa relief operation, as in 'tira-tira' lamang ang ibinigay ng gobyerno kumpara sa malalaking lalawigang sinalanta ni Frank. Sabagay, mas malaki nga naman ang registered voters sa Iloilo . Kahit itanong nyo pa kay Ninang Ching Suva nagdiriwang ng kaarawan noong Hulyo 6.

Ika nga ni Paranaque Cong. Roilo Golez na tubong Looc Romblon, anong aasahan kay Duque, eh makailang-beses nang pumalpak ang gabinete. Isang halimbawa ang Guimaras oil spill, hindi ba't kung anu-anong pananakot ang natikman ng mga residente kaya't lumawak ang problema. Balikan ang Guimaras Island ngayon, ito'y nanunumbalik sa normal at hindi tumama ang mga prediksyon ni Duque. Ibig sabihin, hindi nakakatulong ang pagiging 'alarmist' ni Duque kaya't mas makakabuting sibakin ni Mrs. Arroyo at palitan ng matinong gabinete. Subukan kaya ni Duque tumira ngayon sa Romblon, ewan lang kung tatagal sa pagkain ng ‘gamos’ (bagoong) at balinghoy (kamoteng kahoy) dahil ipinagbawal nitong kainin ang mga lamang-dagat dito!

@@@

Bago ang Guimaras oil spill, sumikat ang pangalan ni Duque sa pag-divert ng OWWA fund noong 2004 election- ito'y kinasangkapan ni Mrs. Arroyo sa Philhealth card, gamit ang pondo ng overseas Filipino workers (OFW's) kaya't nabiyayaan ng napakagandang puwesto sa gobyerno, katulad din ng ilan pang 'Garci generals' ngayo'y nag-i-enjoy sa 'lucrative department' at bingi sa mga batikos. Talagang ganyan ang buhay, nabibiyayaan ang mga mababait at masunurin kay Mam. Anyway, pagkatapos ng termino ni Mrs. Arroyo, magiging mabenta ang 'ENT Doctors' dahil dumami ang bingi, umikli ang dila at nagsihabaan ang ilong ng mga gabinete ni Mrs. Arroyo para takpan ang mga eskandalong naganap.

Ni sa panaginip, ayokong isiping bahagi ng propaganda ni Duque ang maging alarmist tungkol sa kalagayan ng mga taga-Romblon upang pag-usapan sa media lalo pa't matunog bilang senatoriables ng Malacanang sa 2010 election. Hindi malayong ambisyunin ng gabinete ang ma-jamming si Leon Guerrero sa Upper House, eh pati diskarte ni dating senador Juan Flavier, katulad ang pag-astang kenkoy sa infomercial, ito'y ginagaya ng opisyal para lamang mag-marka ang kanyang pagmumukha. Sa malamang, laking pasalamat ni Duque ng mauso ang dengue, aba'y araw-araw lumalabas ang kanyang commercial!

Maliban sa planong pagtakbong senador, si Duque ang 'hinihimas' ni Mrs. Arroyo na ‘pamato’ sa Pangasinan upang pabagsakin ang pamilya ni ex-House Speaker Jose De Venecia Jr. Kaya’t sinuman kina Manay Gina at Joey De Venecia ang ilalarga ni Tenga, kailangang paghandaan ang pagbuhos ng pera ni Mam. Ang kagandahan lang, mapapaaga ang pag-goodbye ni Duque sa DOH dahil kailangang mag-concentrate sa congressional district ni De Venecia at mapapadali ang pag-upo ni ex-senator Tessie Aquino-Oreta (TAO) sa DOH na ipinagpasalamat at hindi nagsisimula sa letrang ‘E’ ang napangasawa!


Monday, July 7, 2008

hulaan blues july 7 2008 issue abante tonite

BIKTIMA NG KALAMIDAD, GINAWANG 'DAING' NG SENADOR


Katulad ng kasabihang 'mahirap ituwid ang matandang sanga' muling nang-agaw eksena sa isang relief operation ang isa sa tinaguriang 'The Late Senator' matapos paghintayin ng kahalating oras ang mga residenteng naghahangad ma-ambunan ng konting tulong mula sa opisina nito.


Sa report nakalap ng Tonite Spy, hindi lamang namuti ang mga mata ng mga residente sa isang lalawigang binisita ng daldalerong senador bagkus nabilasa sa init ng araw at kamuntikan pang naibenta sa palengke at nailako sa kalsada dahil nagmukhang daing ang mga ito.


Ang nakakalungkot sa lahat, lalo pang nagmukhang timawa, as in hampas lupa ang mga residente ng isang lalawigan sa Region 4 dahil ilang oras pumila sa gitna ng matinding sikat ng araw para lamang makakuha ng relief goods, katulad ng sardinas at ilang kilong bigas na isasaing upang pagsasaluhan sa hapag kainan ng buong pamilya.


Sa orihinal na iksedyul, nakakatakdang lumapag ang sinasakyang chopper ng daldalerong senador, ganap alas 8:00 ng umaga kung saan maaga itong nagpa-anunsiyo sa gagawing relief operation, hindi lamang sa mga residente ng munisipalidad kundi sa mga radyo at telebisyon, maging sa print media.


Sa hangaring mauna sa pila at makasiguro sa relief goods, halos alas 6:00 ng umaga, dumagsa sa aplaya ang mga residente ng munisipalidad subalit habang tumatakbo ang oras, hindi pa rin nasilayan kahit isang pakpak ng helicopter na sinasakyan ng daldalerong senador.


Pasado, alas 12:00 ng tanghali, hindi pa rin dumarating sa lalawigan ang daldalerong senador at karamihan sa mga residente, idinadaing ang pagkagutom lalo pa't hindi nakapag-almusal at ilang oras nang nakabilad sa sikat ng araw kung saan ilan dito'y nagsi-uwian para kumain at bumalik lamang sa pila.


Katulad ng pagkakabansag bilang 'the late senator', halos tapos nang pananghalian ng ilang mga residente sa munisipalidad nang lumapag ang helicopter ng daldalerong senador kung kaya't malapit nang magmukhang daing at tinapa ang mga residenteng nakapila para sa kakapirangot na relief goods.


Maging sa text messages, kumalat din ang pagiging 'the late senator' ng daldalerong senador matapos mapikon ang mga reporter nag-cover sa event kung saan hindi maitago ng mga mamamahayag ang matinding awa sa mga residente ng lalawigang binisita ng mga ito.


Clue: Nagtatalsikan ang laway ng daldalerong senador kahit saang debate at diskusyon. Ito'y hindi lamang binansagang 'the late senator' kundi Mulaway ng Upper House, as in talsik nito'y lumalaway.

Sunday, July 6, 2008

hulaan blues july 5 2008 issue abante tonite

ASAWA NG SENADOR, NAG-SORRY SA PAGWALA NG BIYENAN!

Lalo pang napatunayang mapagmataas at may angas sa katawan ang ina ng isang bagitong miyembro ng Upper House matapos i-asa sa manugang ang paghingi ng ‘sorry’ sa misis ng guwapitong solon na kanyang tinalakan at pinagmumura sa entrance lobby ng isang mall sa Alabang noong Hunyo 30.

Sa report nakalap ng Tonite Spy, walang direktang paghingi ng paumanhin ang ina ng bagitong senador sa misis ng kasamahang mambabatas bagkus idinaan sa kanyang manugang ang pagsasabi ng katagang ‘sorry’ gayong wala naman kasalanan at kinalaman sa gulo ito.

Napag-alaman pang nagkayayaang manoob ng sine ang mag-asawa sa Town Center, partikular ang guwapitong solon at kanyang misis kung saan eksaktong pasakay ng service vehicle nang ma-traffic ang ina ng bagitong senador sa entrance lobby na dahilan upang magwala ito.

Isang araw makaraang lumabas sa ‘Hulaan Blues’ ang pagwawala ng ina ng bagitong senador sa lobby ng Town Center noong Hunyo 30, alas 5:30 ng hapon kung saan pinagmumura ang mga guwardiya, maging asawa ng gueapitong solon, kaagad tumawag sa kampo ng kasamahang mambabatas ang una.

Natakot ang kampo ng bagitong senador sa mga negatibong epekto sa kaniyang opisina kapag lumaki ang isyu lalo pa’t ipinangalandakan ng kanyang ina sa looby ng hotel ang katagang ‘I’m the mother of Senator......’ sabay balibag sa pintuan ng kaniyang sasakyan

Likas naman sa bagitong senador ang kaibaitan kaya’t katakot-takot na sorry ang hiningi sa kampo ng guwapitong solon, kasabay ang depensang inoperahan sa ulo ang kanyang ina at posibleng apektado ng gamot ang pag-iisip nito.

Katulad ng bagitong senador, wala naman masamang tinapay sa guwapitong solon at hindi lamang kaibigan kundi kapartido ang kasamahan mambabatas sa Upper House kung kaya’t mabilis tinanggap ang pag-sorry sa inasta ng kanyang ina.

Maliban sa pag-sorry ng bagitong senador, mabilis din tinawagan ng kanyang misis ang kasamahan sa Senate Spouses, partikular ang commander-in-chief ng guwapitong solon na tinalakan at pinagsisigawan ng ina nito.

Bilang pagpapakita ng senseridad, isang cake ang ipinadala ng manugang ng bagitong senador sa bahay ng guwapitong solon sa Alabang Makati kung saan naka-address sa pangalan ng kanyang misis at kaagad naman tinanggap ang pakikipag-kiss and make-up ng mga ito.

Clue: Hindi naman matatawaran ang kakayahan ng bagitong senador sa paglikha ng batas bago pa man nakarating sa Upper House at mala-Zorro ang ‘arrive’ ng political ads habang kilalang personalidad ang mag-asawang tinalakan ng kanyang ina. Meron letrang ‘V’ ang ina ng bagitong senador habang letrang ‘A’ ang misis nito.

Friday, July 4, 2008

july 4 2008 abante issue

ANAK, NAHAWA SA KABADINGAN NG AMANG SOLON

Katulad ng kasabihang ‘kung anong puno, siya ang bunga’ at ‘hindi maaring mamunga ng santol ang punong mangga’, nagkahawa-hawa sa kabadingan ng ama ang kanyang anak.

Bagamat lalaking-lalaki at umaalingawngaw ang boses kapag nagsasalita ng katagang ‘Pre’, nag-iiba ang tono ng mag-ama kapag mga kauri sa pederasyon ang kausap at hindi malayong makipag-unahan sa pila para i-avail ang same-sex marriage, katulad nangyayari sa Amerika.

Hindi maiwasang masuka ni Mang Teban matapos madiskubreng nahawa sa kabadingan ng ama ang kanyang anak, patunay ang pagkakaroon ng karelasyong lalaki sa kanilang probinsiya.

Ang matinding revelation sa lahat, nagawa pang pondohan ng anak ng daldalerong solon ang kandidatura ng isang local officials noong 2007 election upang ipakita ang matinding pagmamahal sa karelasyong kelot subalit sumadsad sa final tally ito.

Bago pa man nadiskubreng ‘Badinger-Z’ ang anak ng daldalerong solon, makailang-beses naging laman ng blind items ang pakikipag-relasyon ng mambabatas sa ilang hunks, kabilang ang dalawang (2) nalaos na action star.

Deklaradong ‘dual citizenship’ ang daldalerong solon, as in Half-Filipino at Half-Filipina kung kaya’t pinagduduhang naimpluwensiyahan lamang ang anak sa kasabihang ‘kung anong ginagawa ng matanda, ito’y nagiging tama sa mata ng bata’.

Pintahan nyo na: Dating konsehal sa kanilang lalawigan ang anak ng daldalerong solon subalit natalo at nag-desisyun itong patakbuhin at pondohan ang karelasyong kelot habang saksakan ng ingay sa floor ang mambabatas at madalas nagkaka-flash flood ng laway sa mga deliberation.

Thursday, July 3, 2008

july 3 2008 spy on the job column

PUWESTUHAN PA LANG!

Napakaaga ang labanan sa media operation ng ilang presidentiables, katulad ng text brigade para pabanguhin ang imahe ng kanilang amo. Ang nakakatawa lamang, maaga din nagkakaturuan kung sino ang suspek sa demolition job- isang halimbawa ang komprontasyon sa pagitan ng dalawang (2) PR group. Bago pa man nanalasa si Lolo Frank, laman ng text brigade ang kabayanihan ng isang presidentiable. Ang nakakasuka lang, sobrang adelantada ng presidentiable at maagang kini-claim ang panalo sa 2010 election. Nang lumabas ang nakaka-insultong 'counter-text', ito'y labis ikinapikon ng presidentiable.

Sa puntong ito, pinagbintangan ng adelantadang presidentiable ang kampo ng isa pang presidentiable. Ang rason: ilang news editor at columnist ang nagkaroon ng forward messages mula sa isa sa mga media handler ng kalabang presidentiable kaya't inakalang 'ponente' ng demolition job ito. Mas lalo pang nanggagalaiti sa galit ang adelantandang presidentiable at pinabitangan ang kalabang presidentiable dahil malapit ang isang bagitong senador sa mga taong binabangit sa text brigade. Ganyan ka-praning ang kampo ni 'Mr. W' kahit forward messages lamang ang ipinadala ni 'Manong J'. Anyway, namakyaw ng SIM card ang kampo ng adelantadang presidentiable para sa text brigade kaya't huwag ipagtaka kung wala nang maibenta sa Greenhills!

@@@

Malayo pa ang 2010 kaya't marami pang pagbabago sa listahan ng mga presidentialbe, katulad ng boypren ni Korina Sanchez-si senador Manuel Araneta-Roxas II, as in MAR for short- ito'y dalawang (2) beses umatras sa senatorial race, partikular noong 1998 at 2001. Ibig sabihin, mahina ang loob sa pulitika at mahirap paniwalaan kung itutuloy ang plano lalo pa't lagapak sa alinmang presidential survey gayong matatag ang partidong Liberal. Kapag nagkamali ng desisyon si Mr. Palengke, ito'y tatlong (3) taong pahinga. Sabagay, mas 'type' ni senate pro-tempore Jinggoy Estrada tumakbong Presidente si Roxas, aba'y mababawasan ang kalaban sa No. 1.

Katulad ni Roxas, malabo din 'kagatin' ni Jinggoy ang pagiging running mate ni Senate President Manuel Villar Jr. Sa ngayon, maituturing na 'runaway winner' si Chiz Escudero sa Vice President at huwag lang lumaki ang kanyang ulo para ambisyunin ang Presidente, ito'y siguradong makakarating ng palasyo sa 2016. Kapag natalo si Jinggoy, ito'y pahinga din ng tatlong (3) taon at binigyan lamang ng ‘pases’ na maka-upo sa highest position ang kanyang half-brother-si San Juan Mayor JV Ejercito. Take note: mas malalim pa sa pinaglubugan ng MV Princess of the Star ang away ng magkapatid. Sa tingin nyo, papayag si Jinggoy na maisahan at masingitan sa Upper House, eh di pinagtawanan ang senador ng mga kalaban sa San Juan . Kahit itanong nyo pa kay Cong. Ronnie Zamora !

@@@

Napag-usapan ang partido, mas makakabuting huwag nang ituloy ni senador Ping Lacson ang pagpasok sa PDP-Laban dahil malalagay lamang sa alanganin ang pagtakbo sa 2010. Napaka-loyal ni Mayor Jojo Binay kay ex-President Joseph 'Erap' Estrada, katulad din ni Mayor Fred Lim. Kung anong sasabihin ni Erap sa pulitika, ito'y susundin ng dalawa, eh paano susuportahan si Lacson ng PDP-Laban kung iba ang manok ni Erap? Take note: gusto rin tumakbong Presidente ni Erap at sino si Lacson sa buhay ni Binay para paboran. Kung si senador Nene Pimentel ang masusunod, siguradong si Lacson ang kakampihan. Iyon nga lang, si Binay ang may pera at 'siga' sa PDP-Laban!

Hindi pa huli ang lahat kay Lacson upang mag-back out, bakit hindi ikunsidera ang Reporma Party ni dating Defense Sec. Renato De Villa o kaya'y Aksyon Demokratiko ni Inang Guro Sonia Roco- ito'y maaring palakasin at magkaroon ng coalition, katulad ng Lakas-Kampi merger. Ibig sabihin, isa rin ang 'suma-tutal' kapag pumasok sa bagong partido si Lacson-ito'y gagastos bilang timon at kapareho din ang expenses kahit mapunta sa PDP-Laban. At least, si Lacson ang siga sa Reporma at hindi nakasandal sa balikat ni Erap!


Wednesday, July 2, 2008

hulaan blues july 1 issue abante tonite

NANAY NG SENADOR, NAGWALA SA LOBBY NG MALL!

Bagamat ipinagmamalaki ang pagiging miyembro nag alta-sociodad, katulad ng mga naglalabasang report sa blog, hindi maitatago pagiging butangera at kawalan ng breeding ng ina ng isang miyembro ng Upper House matapos magwala sa mall.

Nasaksihan ng Tonite Spy kung paano mag-ala Dina Bonavie sa pelikulang ‘Ang babaing nawawala sa sarili’ ang ina ng bagitong senador matapos magwala sa mall at pagdiskitahan ang mahabang pila ng mga sasakyang sumusundo sa entrance lobby.

Naganap ang pagwawala ng ina ng bagitong senador sa Town Center, Alabang Makati City noong Hunyo 30, araw ng Lunes, ganap alas 5:30 ng hapon matapos mairita sa mahabang pila ng mga service vehicles na sumusundo sa entrance lobby.

Bago nagwala ang ina ng bagitong senador, apat (4) na sasakyan ang nakapila sa harapan ng kanyang service vehicles upang sumundo sa kanilang amo kung saan hindi nagustuhan ang mabagal na daloy ng trapiko.

Isa sa pinag-initan ng ina ng bagitong senador ang unang sasakyan sa entrance lobby kung saan lingid sa kaalaman nitong service vehicles ng isa sa kasamahang mambabatas ng kanyang anak sa Upper House.

Ipinagtataka naman ng mga kurimaw sa lobby ng Town Center kung bakit kailangang magwala at magmumura ng ina ng bagitong senador gayong tatlo (3) pang sasakyan ang nasa harapan ng kanyang service vehicle na dapat nitong pag-initan dahil naka-balandra sa entrance lobby.

Ang matinding revelation sa lahat, nagawa pang pagsalitaan ng masama o pagmumurahin ng ina ng bagitong senador ang may-ari ng unang sasakyan gayong driver ang may dala nito.

Hindi pa nakuntento ang ina ng bagitong senador, ito’y bumababa sa sasakyan at pinagmumura ang amo ng driver kung saan hindi inalintana nitong misis pala ng isang senador ang sinusundo ng driver.

Kahit nakilala ang may-ari ng sasakyan, tuloy pa rin ang ginawang pagmumura ng ina ng bagitong senador, katulad ng mga katagang ‘fuck you’ subalit hindi pinatulan ng misis ng isang senador dahil halos kasing-edad ng nanay nito.

Pinagtitinginan sa entrance ng Town Center ang ina ng bagitong senador dahil mistulang reyna itong nais latagan ng red carpet at takot mapawisan gayong tatlong (3) dipa lamang ang layo ng kanyang sasakyan sa lobby.

Pagkababa ng sasakyan, inihagis pa ng ina ng bagitong senador ang pintuan at nagtatalak habang naglalakad papasok ng Town Center habang pakumbaba naman humingi ng dispensa ang misis ng isang senador kahit wala naman kinalaman sa pag-init ng ulo ng nabangit.

Clue: Kilalang personalidad ang misis ng kasamahang senador at napa-martir na kabiyak habang kontrobersiyal ang bagitong senador kaya’t pinagduduhang nag-init ang ulo ng ina lalo pa’t namimiligrong matalo sa kaso ang anak nito. Meron letrang ‘V’ sa kabuuan ng pangalan ang ina ng bagitong senador habang mas mataas sa excellent ang name ng neophyte solon.

Tuesday, July 1, 2008

spy on the job column july 1 2008 issue

NAPULITIKA NA, NAKALIGTAAN PA!

Sa paglubog ng MV Princess of the Star, walang ibang pinag-uusapan kundi ang retrieval operation gayong mas malaking problema ang kinakaharap ng mga taga-Sibuyan Romblon. Ngayong kumpirmadong naglalaman ng 10 toneladang pestisidyo ang barko, mas lalong inilublob sa kumunoy ng may-ari ng Sulpicio Lines ang pamumuhay ng mga taga-Romblon, aba'y saan mangingisda kung kontaminado ng nakakalasong kemikal? Take note: 75% ng residente sa Sibuyan Romblon ang umaasa sa pangingisda, as in livelihood ang mangawil at sumisid sa karagatan upang mapakain ang pamilya. Sa nangyayaring pagtuturuan, sa malamang masisi pa ang mga taga-Romblon kung bakit nagkaroon ng bahura sa Cresta de Gallo!

Subukan nyong ikutin ang tatlong (3) major island ng Romblon province, kinabibilangan ng Sibuyan, Tablas at Romblon, eh baka tumulo ang inyong luha kapag nakita nyo ang sinapit nang aking mga kababayan sa labing-pitong (17) munisipalidad. Ibig sabihin, kasing-lupit sa sinapit ng mga taga-Iloilo ang natikman mga taga-Romblon. Masuwerte lamang, ito'y maagang nabigyan ng babala kaya't naka-alis sa baybayin bago pa man nanalasa si Lolo Frank subalit lingid sa kaalaman ng nakakarami halos tatlong (3) libong pamilya ang nawalan ng tahanan o winalis ang kanilang bahay ng mala-bundok na alon.

Ang masakit, walang pakialam ang Sulpicio Lines sa hinaing ng mga taga-Romblon, katulad din ng pagtalikod sa responsibilidad sa mga biktima ng paglubog sa nagdaang 21-taon. Kung may kapangyarihan lamang ang local government units (LGU's), ito'y matagal hinarang sa karagatan ng Romblon lalo pa't puro delubyo at trahedya ang ibinibigay sa publiko.Keysa paulit-ulit ang katangahan sa operasyon, bakit hindi 'ipa-baradero' ng misis ni Jose Pidal ang lahat ng pag-aaring barko ng Sulpicio Lines. Kundi magawa ni Mrs. Arroyo na rendahan lalo pa't kaibigan ang may-ari ng Sulpicio, mas makakabuting iboykot at huwag sumakay sa kanilang barko sa 2018, aba'y kada 10-taon, ito'y nasasangkot sa paglubog.

@@@

Ang isa pang nakakalungkot, hinahaluan ng pulitika ang trahedya, katulad nangyari kay Romblon Cong. Leandro 'Budoy' Madrona, aba'y ini-report ng isang a certain Beng Solis, umano'y reporter ng Radyo Natin (RN)-Romblon ang paglamyerda ng kongresista sa Macau, kasama ang tatlong (3) mayor ng Sibuyan habang binabayo ni Lolo Frank ang lalawigan gayong mas nauna pa yatang nakarating sa pinaglubugan ng MV Princess of the Star si Budoy keysa kay Solis nasa Looc Romblon lang. Mabuti lamang, hindi napagkalamang multo ni Solis sina Budoy at San Fernando Mayor Nanette Tansingco nang ma-interbyu nang live sa Sibuyan Island.

Kundi nagkakamali ang Spy, miyembro ng Sanguniang Bayan (SB) sa Looc Romblon si Solis at nagmamay-ari ng Radyo Natin-Romblon. Alam nyo naman, maraming 'mangyan' sa probinsiya kaya't nanalong konsehala. Ang katotohanan, deklaradong kaalyado ni ex- Cong. Eduardo 'Lolong' Firmalo si Solis. Ni sa panaginip, ayokong isiping hindi matanggap ang pagkatalo ng kanyang amo kaya't idinadaan sa pang-intriga ang pagre-report sa Maynila. Mabuti lang, patas ang dzRH radio ni Mareng Milky Rigonan kaya't kaagad naituwid ni Budoy ang maling akusasyon sa kanya.

Ang reklamo ng mga kurimaw, sa halip unahin ang kapakanan ng mga taga-Romblon lalo pa't napakalaki ng damage sa lalawigan, as in halos burahin sa mapa ang ilang komunidad, katulad ng Brgy. Sablayan, Romblon, Romblon- ito'y hinahaluan ng pulitika. Bakit hindi mag-trabaho si Solis keysa gumawa ng dispalinghadong script sa media. Anyway, pinaka-latest na pag-atake ni Solis, ayon kay Budoy, ito'y inakusahang nasa Amerika at nanood ng laban ni Manny Paquiao sa Mandalay Bay, Las Vegas gayong kasama nang kongresista si Vice President Noli De Castro noong Linggo para i-ocular ang probinsiya. Talagang ang dumi ng pulitika, kahit itanong nyo pa kay birthday boy Little Mike Defensor nagdiwang ng kaarawan kahapon!