spy on the job

2012-01-27T09:51:00.000+08:00

Ebidensya ang nagsasalita!
REY MARFIL

Kapuri-puri ang joint project ng administrasyong Aquino sa pamamagitan ng Department of Social Welfare and Development (DSWD), Habitat for Humanity, at lokal na pamahalaan ng Cagayan de Oro City, na gumawa ng matutuluyan para sa mga biktima ng bagyong Sendong.

Lumagda ang kinauukulan sa isang tripartite agreement para sa konstruksyon ng matutuluyan ng mga biktima sa Calaanan, Cagayan de Oro City kung saan ililipat ng DSWD ang P203 milyon sa Habitat for Humanity para sa konstruksyon ng quadruplex houses sa lugar. Take note: makalipas ang 40-days nabigyan ng bahay ang mga pamilyang sinalanta ni Sendong.

Mismong si Pangulong Noynoy “PNoy” Aquino ang nanguna sa pagtatayo ng bahay sa 9.4 ektaryang lote sa Calaanan bilang permanenteng resettlement site. At hindi biro ang P500 milyong donasyon ni San Miguel Corporation (SMC) big boss Ramon Ang.

Hindi lang ‘yan, halos 50% ng 12 bunkhouses na inilaan ng DSWD at ginagawa ng 52nd Engineering Brigade ng Armed Forces of the Philippines (AFP) sa Lumbia, Cagayan de Oro ang natapos at maaaring kumupkop sa 120 pamilya.

Maliban sa resettlement site, mas maraming pamilyang Filipino ang makikinabang sa kuryente lalo pa’t plano ni PNoy na doblehin ang pondo ngayong taon upang maging P5 bilyon para sa rural electrification.

Ngayong taon, naglaan ang pamahalaan ng P2.5 bilyon at karagdagang P2.5 bilyon para sa kabuuang P5 bilyon na malaking bagay sa kampanya ng pamahalaan upang magkaroon ng suplay ng kuryente ang maraming pamilya sa buong bansa.

Makikinabang nang husto ang mga bata sa pagkakaroon ng kuryente dahil inaasahang mapapabuti ang kanilang pag-aaral at makakapagbigay din ng sigla sa negosyo. Rasonable naman para sa kinauukulang mga grupo na suportahan ang magandang programa ng pamahalaan na makapagbigay ng suplay ng kuryente para sa lahat.

***

Anyway, mayroong malakas na basehan para imbestigahan ng Office of the Ombudsman at ilang kinauukulang ahensya ang Supreme Court (SC) na pinamumunuan ni Chief Justice Renato Corona dahil sa umano’y iregularidad sa paggugol sa utang na ibinigay ng World Bank (WB) para sa reporma sa hudikatura.

Dapat nating gabayan ang publiko sa pagdetermina kung ginamit ang pondo para sa personal na kapakinabangan. Naglabas ang WB ng pahayag na nagdedetalye sa hindi nararapat na paraan ng paggugol sa pondo ng $24.4 milyong utang para pondohan ang mga reporma sa hudikatura sa ilalim ng Judicial Reform Support Project.

Habang iginigiit ng Chief Justice at Court Administrator at spokesman na si Midas Marquez ang pagiging inosente sa isyu, pinatutunayan ng mga dokumento na talagang nagkaroon umano ng pag-aaksaya sa pondo at binalewala ang alituntunin sa malinis na pamamahala.

Nakaka-iskandalo talaga ang ibinunyag ng WB lalo’t lumalabas na mistulang naging piggybank umano ng Chief Justice ang judicial reform funds para sa kanyang paglalakbay, regalo, pagkain at paglilibang.

Lumabag sa pangunahing alituntunin sa pamahalaan ang Court Administrator na direktang nag-uulat sa Chief Justice nang tumayo itong nag-iisang taga-aprub sa pondo at pinuno ng subasta ayon sa kanyang paggastos.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-25T10:21:00.001+08:00

Maraming good news!
REY MARFIL
Maraming good news noong nakaraang linggo, maliban kung bad news ang turing ng mga kritiko ni Pangulong Benigno ‘PNoy’ Aquino III sa multi-bilyong pisong kinita ng gobyerno sa Malampaya Deepwater Gas-to-Power Project kaya’t dinedma ang balita?

Sa kaalaman ng publiko, maganda ang kinita ng pamahalaan mula sa Malampaya Deepwater Gas-to-Power Project -- ito’y gagamitin para tustusan ang iba’t ibang mahahalagang proyekto ng pamahalaan.

Sa katunayan, tinanggap ni PNoy ang $1.134 bilyon mula kay Shell Philippines Country Manager Edgar Chua bilang kita ng pamahalaan nitong 2011, isang magandang balita dahil tiniyak ng administrasyong Aquino na makikinabang ang mga Filipino sa joint venture at asahang lalaki pa ang kikitaing pondo mula sa matalinong desisyon na muling mamuhunan para sa Phases 2 at 3 ng proyekto.

Puntirya ng bagong programa na makakuha pa ng mas maraming gas at mapahaba ang suplay dahil nangangahulugan ito ng mas malaking pakinabang ng mga Filipino.

***

Isa pang good news ang pasalubong ng apat na senador mula sa Estados Unidos (US) na mas malaking importasyon ng saging sa ating bansa.

Take note: Meron umiiral na parusang ipinataw sa Iran kung kaya’t hindi pinapapasok ang mga kalakal na labis na nakakaapekto sa mga nagtatanim ng saging sa bansa.

Matapos makipagkita kay PNoy, sumang-ayon rin sina US Senators John McCain, Joe Lieberman, Sheldon Whitehouse at Kelly Ayotte na magkaroon ng mas malakas na kooperasyong militar ang US at Pilipinas.

Nangangahulugan ito na talagang kasama sa prayoridad ng pamahalaan ang interes ng industriya ng saging sa bansa dahil 30% ng kabuuang mga iniluluwas na ani ang napupunta sa Iran na biglang natigil ngayon.

Hindi naman magkakaroon ng base militar sa pagpapalakas ng kooperasyon, ngunit inaasahang mapapabuti ang pagtiyak ng seguridad sa Asya-Pasipiko.

***

Ang pinaka-latest, pinatunayan sa pinakabagong survey ng Social Weather Stations (SWS) na isinagawa nitong Disyembre 3 hanggang 7, 2011 ang maigting na pagsusumikap ng administrasyong Aquino na mapabuti ang antas ng kabuhayan ng mga pamilyang Filipino.

Lumitaw sa survey na patuloy na nababawasan ang bilang ng pamilyang Filipino na ikinokonsiderang mahirap ang kanilang mga sarili.

Natapyasan ng 1.3 milyong pamilyang Filipino ang dami ng mga naghihirap sa nakalipas na tatlong buwan matapos mairehistro na lamang sa 45% ng mga kinapanayam, katumbas ng 9.1 milyong pamilya ang ikinokonsiderang mahirap sila kumpara sa 52% o 10.4 milyong pamilya noong nakaraang Setyembre 2011.

Ito ang pinakamababa sa ilalim ng kasalukuyang gobyerno at nangangahulugang hindi matatawaran ang pagsusumikap ng administrasyong Aquino na maisulong ang pagkakapantay-pantay sa lahat ng bagay, lalo na ang hustisya at kaunlaran.

Asahan nating hindi titigil si PNoy sa implementasyon ng mga reporma para makamit ang pangarap ng bawat pamilyang Filipino na makaahon sa kahirapaan at masugpo ang katiwalian sa pamamagitan ng matinong pamamahala.

Laging tandaan: “Bata n’yo ko at Ako ang Spy n’yo.”(mgakurimaw.blogspot.com)

2012-01-24T11:00:00.000+08:00

Walang bolahan!
REY MARFIL
Nakatuon ang atensyon ngayon ng publiko sa ginagawang paglilitis ng Senate Impeachment Court kay Supreme Court Chief Justice Renato Corona, na inaakusahang nagtaksil sa pagtitiwala ng bayan.

May ilan na nangangamba na baka pati ang pamahalaang Aquino’y nakatutok din sa impeachment ni Corona at mapabayaan ang ibang problema ng bansa gaya ng kahirapan.

Hindi naman lingid sa kaalaman ng publiko na hindi gusto ni Pangulong Noynoy “PNoy” Aquino na manatili sa kanyang puwesto si Corona bilang Punong Mahistrado ng Korte Suprema.

Ang disgusto ni PNoy kay Corona, ito’y hindi dahil sa hindi siya ang nagluklok kay Corona bilang lider ng SC, kundi dahil sa itinuturing na “midnight” appointment ang nangyaring pagtatalaga sa kanya ni dating Pangulong Gloria Arroyo.

Bukod dito, may nakikitang pattern ang administrasyong Aquino na tila kinikilingan at pinoprotektahan ni Corona ang pamilya ni Arroyo, batay na rin sa mga naging desisyon ng SC sa mga kasong may kaugnayan sa dating pangulo.

Mabilis namang pinawi ng pamahalaang Aquino ang pangamba ng ilan na baka mawala sa focus ang gobyerno sa pagharap sa iba pang suliranin ng bayan. At mukha namang totoo ang pahayag na ito.

***

Napag-usapan ang maling pangamba ng publiko at espekulasyon ng mga kritiko, patuloy ang paglakas ng kalakalan sa merkado na indikasyon ng matatag na pulitika sa bansa. Take note: malaki rin ang nabawas sa bilang ng mga Pinoy na naniniwalang mahirap sila, batay naman sa pinakahuling survey na ginawa ng Social Weather Station (SWS) sa huling bahagi ng 2011.

Sa naturang survey ng SWS na ginawa noong December 2011, lumitaw na 45 percent ng 1,200 respondents ang nagsabing mahirap sila -- ito na ang pinakamababang bilang na naitala ng SWS, o dalawang porsyento (2%) lamang ang layo sa all time low (43%) na naitala noong 1987 sa ilalim naman ng termino ni dating Pangulong Cory Aquino -- ina ni PNoy.

Sa kabila ng pagbaba ng bilang ng mga nagsasabing mahirap, nagpahayag naman ang Malacañang na ipagpapatuloy nila ang mga nakalatag na programa sa pagbaka sa kahirapan ng bansa. At isa na diyan ang pagsugpo sa katiwalian, na alinsunod sa slogan ni PNoy na -- “kung walang korap, walang mahirap.”

Bukod sa paglutas sa kahirapan, nakatutok din ang pamahalaang Aquino na bigyan ng “maliwanag na daang matuwid” ang mga mamamayan sa lahat ng barangay sa bansa.

Pero hindi katulad ng nagdaang administrasyong Arroyo na ibinida noon na 95% ng mga barangay sa bansa ang may pailaw, nais ni Aquino na gawin ang programang ito nang walang bolahan, hindi lokohan.

Lumitaw kasi sa ginawang pag-aaral ng Department of Energy (DOE) na kahit isang sitio lamang ang nabigyan ng pailaw ng administrasyong Arroyo, isinasama na ito bilang para sa isang buong barangay.

Ang resulta: 30,000 sitio pa ang walang elektrisidad na naiwan sa pamahalaang Aquino. Gayunman, nais ni PNoy na mabigyan ng kuryente ang 90 porsyento ng lahat ng bahay sa Pilipinas pagdating ng 2017.

Ang pagpapailaw (gamit ang solar power) sa may 3,400 kabahayan sa 15 barangay sa malayong lugar ng Polilio Group of Islands sa pamamagitan ng “Project Heart and Soul” electrification project ng DOE at TeaM Energy Corporation -- ito’y katibayan na desidido ang pamahalaang Aquino sa layunin nito.

At sabi nga ni PNoy, ipapaalam niya sa publiko ang kanyang mga plano sa paglutas ng problema, ipapaliwanag kung papaano maaabot ang mga mithiin sa mga araw na darating o buwan. At kahit bumilang man ng taon, ang mahalaga, sasabihin niya ang totoo at walang mangyayaring bolahan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-20T08:26:00.000+08:00

Dami pang trabaho!
REY MARFIL

Matindi ang pagsusumikap ng administrasyong Aquino para maakit ang mga banyagang mamumuhunan at magkaloob ng karagdagang trabaho sa mga Filipino.

Pinangunahan ni Pangulong Noynoy Aquino ang inagurasyon para sa karagdagang center ng outsourcing provider na ExlService Holdings Inc. sa SM Mall of Asia sa Pasay City.

Magbibigay ng karagdagang benepisyo ang pinalawak na operasyon ng ExlService sa pamamagitan ng trabaho, patunay lamang ng patuloy na paglakas sa kumpiyansa ng mga negosyante na mamuhunan sa ilalim ng administrasyong Aquino.

Malaking bagay rin ang plano ng international logistics group na Kuwait and Gulf Link na maglagak ng karagdagang $500 milyong pamumuhunan sa Pilipinas.

Tumawag mismo kay PNoy si KGL Group of Companies Chairman at Managing Director Saeed Dashti kasama si KGL Group Vice Chairman Marsha Lazareva at Investment Director Mark Williams para personal na ipabatid ang kanilang planong palawakin ang negosyo.

Ipinapakita lamang nito na talagang seryoso ang administrasyong Aquino sa kalagayan ng publiko sa usapin ng pagbibigay ng hanapbuhay.

Anyway, dapat tayong manindigan sa likod ng hakbang ng pamahalaan na papanagutin ang mga lokal na opisyal na posibleng nagpabaya sa kanilang tungkulin sa likod ng pinakabagong pagguho ng lupa na naganap sa Compostela Valley na kumitil sa buhay ng mahigit 30-katao.

Hayaan natin ang isang independent commission na magsagawa ng pagsisiyasat kung nagpabaya sa kanilang trabaho ang ilang mga lokal na opisyal para matiyak ang kaligtasan ng kanilang mga kababayan sa mga lugar ng minahan.

Pansamantalang bubuuin ang grupo ng mga imbestigador ng mga tao mula sa Departments of Interior and Local Government (DILG), Environment and Natural Resources (DENR), Mines and Geosciences Bureau (MGB), Office of Civil Defense (OCD), chairman ng Committee on Environment ng Provincial Board at non-government organization (NGO).

Tama lamang at makatwiran na papanagutin ang mga nagpabaya sa kanilang mga trabaho na mistulang hinayaang mangyari ang trahedya.

***

Napag-usapan ang mga aksyon ng gobyerno, muling pinatunayan ng administrasyong Aquino ang paninindigan nitong magkaloob ng de-kalidad na serbisyong pangkalusugan para sa mga Filipino matapos ilunsad sa Tagum City, Davao del Norte ang nag-iisang cancer treatment center sa Mindanao.

Ang aksyon ng gobyerno’y suporta at tugon sa pangako ni PNoy na isulong at itaas ang kalidad ng serbisyong medikal para sa mga Filipino sa buong bansa. Senyales ang inagurasyon ng Nuclear and Radiotherapy Center sa Mindanao Cancer Center, Davao Regional Hospital.

Noong nakaraang linggo, nagningning ang pag-asa sa mga taga-Apokon, Tagum City, partikular sa mga pasyenteng tinamaan ng kanser, lalung-lalo na ang mga hirap na hirap sa buhay para makakuha ng maayos na serbisyong kalusugan.

Inaasahang matutulungan ng makabagong mga kagamitang medikal ang tinatayang 200 libong residente na tinatamaan ng sakit na kanser kada taon.

Take note: Naglaan ang pamahalaan ng P40 bilyon ngayong taon para pondohan ang imprastraktura, kagamitan at kakayahan ng mga doktor sa pagkakaloob ng mas maayos na serbisyong pangkalusugan.

Kasama rin sa programang pangkalusugan ng administrasyong Aquino ang pagtaas sa pondo ng health insurance ng mga tao sa pamamagitan ng PhilHealth mula P3.5 bilyon noong 2011, ito’y itinaas sa P12 bilyon ngayong taon.

Makakatulong ang karagdagang pondo para sa pagkakaloob ng tulong medikal sa 5.2 milyong mahihirap na tinukoy sa pamamagitan ng National Household Targeting System.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-18T18:38:00.000+08:00

Laging handa!
REY MARFIL

Mapalad ang mga sundalo dahil sa matindi at seryosong paninindigan ni Pangulong Noynoy “PNoy” Aquino na itaas ang kalidad ng kanilang mga buhay at gawing moderno ang mga kagamitan sa propesyon para sa mas maayos at epektibong serbisyo sa publiko.

Kinikilala at binabati rin ng Pangulo ang pagsusumikap at dedikasyon ng bawat sundalo sa pagpapanatili ng kapayapaan at kaayusan sa pagdepensa ng bansa sa kasarinlan nito.

Nakakatuwang nasa likod lagi at todo ang suporta ng pamahalaan sa pag-asenso ng mga sundalo katulad ng pagkakaloob ng mura at disenteng pabahay at pagpapaunlad ng mga kampo ng militar sa buong bansa.

Mula sa pagiging tiwaling institusyon, mabilis na nagkakaroon ng reporma sa Armed Forces of the Philippines (AFP) upang maitaas ang propesyunalismo sa institusyon bitbit ang matinding paninindigan na protektahan ang publiko at labanan ang katiwalian sa militar.

Hindi lang ‘yan, ginagawa ng administrasyong Aquino ang lahat para mabawasan ang epekto ng posibleng kakapusan sa suplay ng mga produktong petrolyo dahil sa pagkaipit ng suplay mula sa Iran matapos ang tensyon sa Strait of Hormuz.

Nakahanda ang pamahalaan sa contingency plans nito para maiwasan ang malaking perwisyo sa mga negosyo sa bansa at hindi opsyon sa ngayon ang pagrarasyon ng langis.

Sa katunayan, binubuhay na ng pamahalaan ang Pantawid Pasada Program (PPP) para pigilan ang negatibong epekto sa pagtaas ng presyo ng mga produktong petrolyo dahil sa mga puwersang hindi kontrolado ng pamahalaan.

Naglaan ang Department of Energy (DOE) ng P200 milyon para mabawasan ang epekto sa pagsirit ng presyo ng mga produktong petrolyo sa tulong ng PPP para sa sektor ng transportasyon na labis na nangangailangan ng tulong.

Nag-iisang daanan ang Strait of Hormuz ng mga barko na nagdadala ng mga produktong petrolyo mula sa mga bansa sa Arabian peninsula na nagluluwas ng langis sa buong mundo.

Kamakailan, itinaas ng Iran ang tensyon sa Estados Unidos (US) kaugnay sa karapatan na makadaan sa Strait of Hormuz na nagsilbing malaking banta sa maayos at mabilis na pagdaan ng mga barkong mayroong dalang langis.

***

Napag-usapan ang langis, kadugtong ang tubig kung saan nakakatuwang marinig na naghahanda na ang pamahalaan ng plano kung papaano sisimulan ang rehabilitasyon at pagpapalakas ng Angat Dam sa gitna ng mga balitang makakaranas ang bansa ng kakapusan sa suplay ng tubig dahil sa nagbabagong panahon.

Ibig sabihin, kumikilos ang administrasyong Aquino bago pa man magkaroon ng kakapusan ng tubig sa Metro Manila at iba pang panig ng bansa.

Pinag-aaralan na ng kinauukulang mga ahensya, kabilang ang Metropolitan Waterworks and Sewerage System (MWSS) ang mga panukala na gamitin ang ilang pinagmumulan ng tubig katulad ng Wawa River sa Marikina; Laiban Dam sa Tanay, Rizal; Sierra Madre at Laguna Lake dahil sa pangamba ng kakapusan, kasama ang kaligtasan ng publiko sa kalidad ng tubig at epekto sa presyo ng serbisyo.

Mapalad tayo sa pagkakaroon ng pamahalaan na mayroong magaling na diskarte sa mga desisyon sa pagharap ng mga suliranin kaya marapat lamang na suklian ito ng publiko sa pamamagitan ng pagpapatindi sa kampanya sa pagtitipid ng tubig.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-16T11:42:00.001+08:00

‘Di porket Mam, magaling!
REY MARFIL

It’s the economy, student! -- ito ang titulo ng isinulat ni dating Pangulong Gloria Macapagal-Arroyo na may pitik sa pamamalakad ngayon ni Pangulong Benigno ‘PNoy’ Aquino III, kalakip ang paghahambing sa lagay ng ekonomiya ng dalawang administrasyon.

Si Mr. Arroyo’y naging guro ni PNoy sa economics. Kaya may tonong pa-lecture ang paninita sa lagay ngayon ng ekonomiya ng bansa at sa umano’y maling pamumulitika nito na naghahati sa bansa.

Ang katotohanan, mas nakakarami ang sasang-ayon kapag sinabi nating hindi lahat ng guro’y mahusay sa kanilang estudyante.

Kung tutuusin, maraming guro ang natutuwa kapag ang bata na kanilang tinurua’y lumabas na mas mahusay sa kanila paglipas ng panahon.

Ibig kasing sabihin, tumanim sa bata ang kanilang itinuro at ginawa nila ang kanilang home works.

Ngunit sa kalagayan ngayon ni Mrs. Arroyo na naka-hospital arrest sa ilalim ng gobyerno ng dati niyang estudyante, mauunawaan na natin siya kung hindi siya matuwa kay PNoy.

Dahil sa pagtupad ni PNoy sa kanyang pangako sa publiko na pananagutin ang mga nagkasala at inaakusahang nagpasasa sa yaman ng bayan, natural lang na may dapat makasuhan at makulong -- kahit pa ito’y dating tinatawag na Mam!

Sa isinulat ni Mrs. Arroyo, ilan sa nabigyan ng higit na pansin ay pagpuna sa pamamalakad ni PNoy sa larangan ng ekonomiya at pulitika subalit hindi napagtuunan ang anti-corruption drive kung saan unang nasampolan ito.

Ang “politics of division” ang kinakapital ni Mrs. Arroyo kaya’t bagsak ngayon ang ekonomiya ng bansa. Ikinumpara ni Mrs. Arroyo ang iniwang economic growth bago bumaba sa puwesto noong June 2010 na nasa 7.9% kumpara sa mahigit 3.2 % economic growth sa pagtatapos ng 2011 sa ilalim ng liderato ni Aquino.

***

Napag-usapan ang libro ni Mrs. Arroyo:

Ang tanong ni Uncle Douglas Diola ng Barangay III, Poblacion, Romblon, Romblon: Tama bang pagkumparahin ang dalawang administrasyon?

Si Mrs. Arroyo’y nasa puwesto sa loob ng mahigit 9 na taon, kumpara sa wala pang dalawang taon ni PNoy. Marahil, puwede pang pagbigyan ang pagkumpara ni Mrs. Arroyo kung ang paghahambingin nito’y ang huli niyang taon sa puwesto at gayundin kay PNoy.

Subalit sa 2016 pa magtatapos ang termino ni PNoy. Marahil, makagagawa lang si Mrs. Arroyo ng panibagong “economic paper” sakaling magtatagal pa siya sa kostudiya ng awtoridad.

Kung may mabuti mang sigurong naibunga ang kanyang “pagkakapiit”, ito’y ang pagkakaroon niya ng panahon na makapagsulat.

Ngunit ang iba pang tanong, totoo bang maganda ang lagay ng ekonomiya noong panahon ni Mrs. Arroyo? Dahil kung talagang maganda, bakit bagsak ang credit ratings noon ng Pilipinas sa mga dayuhang nagpapautang?

Bakit mataas ang antas ng kahirapan at mga walang trabaho na kayang bumuhay ng pamilya? Bakit marami pa rin ang umalis ng bansa at maging OFWs? Bakit sobrang laki ng budget deficit? At higit sa lahat, bakit sadsad sa ilalim ang popularidad ni Mrs. Arroyo.

Siguro kung ang dami ng alegasyon ng katiwalian at paglulustay sa pondo ng bayan ang magiging sukatan ng mahusay na takbo ng ekonomiya, siguro nga’y totoo. Ngunit sino ang nakinabang sa naturang paglago ng ekonomiya?

Silang mga dapat ilagay sa likod ng rehas na bakal kahit pa sabihin na ang kampanyang ito’y tawaging “politics of division”.

Sa pagpapairal ng “tuwid na daan”, dapat lang naman na magkaroon ng malinaw na paghahati sa kung ano ang mabuti at masama.

Walang dapat nasa gitna sa pagpapatupad ng tunay na reporma sa matinong pamamalakad sa pamahalaan na matagal na panahong hinintay ng bayan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-13T10:12:00.001+08:00

Maraming good news!
REY MARFIL

Makatwirang suportahan ng publiko sa lahat ng pagkakataon ang kampanya ng pamahalaan para mapababa ang antas ng kahirapan sa bansa at matigil ang katiwalian.

Aminin o hindi ng mga kritiko, sampu ng mga hindi makapag-move on sa resulta ng 2010 national election, mga nag-aambisyon sa 2013 mid-term election at 2016 presidential election, mapalad tayo sa pagkakaroon ng administrasyong Aquino na determinadong maisaayos ang mga programang ito bilang prayoridad ng gobyerno ngayong 2012.

Katotohanan at hindi pantasya ang adhikain ni Pangulong Benigno ‘PNoy’ Aquino III na magkaroon ng parehas at masaganang buhay ang bawat Filipino subalit napakaimportante ang kooperasyon ng publiko para makamit ang kinakailangang mga reporma na ibinase sa matuwid na daan nito.

Mas maraming trabaho ngayong 2012 at bilang patunay, sisimulan ng Department of Public Works and Highways (DPWH) ang implementasyon ng mga programag nagkakahalaga ng P125.5 bilyon.

Tumaas ng 13.5% ang P125.5 bilyon sa ilalim ng national budget kumpara sa 2011 na pondo na nagkakahalaga lamang ng P110.6 bilyon. Take note: Tututok sa pagpapataas ng kalidad at kaligtasan ng pambansang mga kalsada ang misyon ni Sec.Singson.

Sa 2012 budget ng Department of Public Works and Highways (DPWH), mapupunta ang P29.7 bilyon sa rehabilitasyon at pagmantine ng pambansang mga kalsada at tulay; P15.9 bilyon sa upgrading at pagsemento ng 809 kilometrong national roads; P38.5 bilyon para sa konstruksyon ng 6,229 kilometrong bagong kalsada at 15,292 linear meters sa mga bagong tulay.

Malapit nang ipatupad ang programa dahil naisagawa ang “procurement activities” sa last quarter ng taong 2011. Higit sa lahat, ginawa rin ang maagang pagsubasta sa proyekto upang magamit ang magandang panahon para sa konstruksyon sa unang tatlong buwan ng taon.

Kabaliktaran sa atungal ng mga kritiko, lalo pang mabubuhay o sisigla ang ekonomiya ng bansa, base na rin sa malilikhang mga trabaho para sa mga Filipino.

***

Napag-usapan ang proyekto, asahang mas marami at aktibong negosyo sa Davao Oriental dahil sa natapos na dalawang farm-to-market road projects ng Department of Agrarian Reform (DAR) na nagkakahalaga ng P8.5 milyon.

Good news sa mga magsasaka ng LACAMBITA o La Union, Cambaleon, Bitaogan, Talisay, isang agraryong komunidad sa San Isidro, Davao Oriental ang farm-to-market road. Malinaw na mapapataas ang kita ng mga magsasaka sa pamamagitan ng paglaki ng kanilang mga produksyon.

Mahalaga ang kampanya ng pamahalaan na isulong ang kaunlaran at pagpapayabong sa agrarian reform community (ARC).

Ibig sabihin, mas malaki at maganda ang oportunidad na naghihintay sa mga magsasaka sa kanilang transaksyon sa mga negosyante matapos masemento ang dalawang farm-to-market roads na tinatawag na Junction National Highway hanggang Talisay road at ang Bangkok 1 to Purok Dahlia road.

Makikinabang ang tatlong libong benepisyunaryo ng repormang agraryo mula sa mga kalsada kung saan magiging mabilis ang pagpunta sa mga bukirin at magkakaroon din ng komportableng pagbiyahe ng mga produktong agrikultural at maging ng mga lamang-dagat.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-09T11:11:00.000+08:00

Kuwentas-Claras!
REY MARFIL

Inaasahang mapapadali ang pagpasa ng Freedom of Information (FOI) bill sa Kongreso na malaking tulong para magtuluy-tuloy ang transparency at accountability ng mga pinuno sa gobyerno kahit tapos na ang termino ni Pangulong Benigno ‘PNoy’ Aquino III.

Gaya ng kanyang pangako na irereporma ang pamamalakad sa gobyerno para maging maayos at malinis na pamamahala, nagbigay ng direktiba si PNoy na suportahan ang pagpasa ng FOI bill makaraan ang mga isinagawang pagrepaso sa mungkahi.

Sa pamamagitan ng naturang batas, mabibigyan ng karagdagang kapangyarihan ang publiko na makakuha ng impormasyon sa mga pinapasok na transaksyon ng gobyerno. Gayunman, nilagyan ito ng limitasyon tungkol sa mga usapin ng national security at kung ang nakasalalay ay kapakanan ng higit na nakararami.

Ang pagsasabatas ng FOI bill ay magsisilbing magandang pamana ng Aquino government sa bayan dahil ilalatag nito ang mekanismo ng tuwid na daan. Ibig sabihin, kahit iba na ang nakaupong pangulo, mananatili ang bisa ng reporma maliban na lamang kung magiging malakas ang loob ng panibagong gobyerno at utusan muli ang Kongreso na magpasa ng panibagong batas para pawalang-bisa ang FOI.

Ang direktiba ni PNoy ay umani ng positibong reaksyon maging sa mga mambabatas na sumusuporta sa transparent government o gobyernong walang itinatago.

Katunayan, maaari na umanong isalang ang panukalang batas sa Pebrero.

***

Napag-usapan ang FOI at transparency, posibleng maantala ang pagpasa ng panukala dahil sa nakatakdang impeachment trial ni Supreme Court Chief Justice Renato Corona sa Senado kung saan magiging judge ang mga senador at tatayong tagausig ang mga kongresista.

Si Corona ay inaakusahan ng mga kongresista na hindi transparent sa kanyang mga ari-arian at kinikilingan ang dating pangulong Gloria Macapagal-Arroyo. Dahil dito, 188 kongresista ang pumirma sa impeachment complaint para siya mapatalsik sa puwesto.

Bilang ikaapat sa pinakamataas na opisyal sa Pilipinas, si Corona ay dapat magsilbing magandang huwaran sa publiko na ipakita na wala siyang inililihim.

Hinamon ng mga mambabatas si Corona na ilantad ang kanyang statement of asset, liabilities and networth (SALN) para makita kung talagang mayroon siyang hidden wealth. Pinaratangan ang punong mahistrado na may mamahaling condo na hindi isinama sa kanyang SALN.

Pero sa kabila ng hamon, mas pinili ng kampo ni Corona na manahimik at sa impeachment trial na lamang daw nila sasagutin ang alegasyon. Sinayang na pagkakataon para patunayan na mali ang mga paratang sa kanya.

Kung malihim si Corona, hindi sina Associate Justices Antonio Carpio at Maria Lourdes Sereno. Kapuri-puri ang ginawa ng dalawang mahistrado na kasama ni Corona sa SC dahil boluntaryo silang nagpakita ng kanilang SALN matapos hilingin ng ilang grupo.

Kung walang itinatago ang isang opisyal gaya nina Carpio at Sereno, natural lang na wala silang dapat katakutan. Kung malinis ang kanilang hangarin na magsilbi sa mamamayan, ipakikita nila ito sa publiko at hindi maghahanap ng kung anu-anong dahilan.

Sabagay, sa unang araw pa lang ni Corona bilang punong mahistrado ay natatakan na ito ng pagdududa. Kontrobersyal at inaakusahan na may iregularidad ang paghirang sa kanya dahil ginawa ito ni Gng. Arroyo na umiiral ang “appointment ban” dahil patapos na ang kanyang termino.

At ngayon, pati si Gng. Arroyo ay naka-hospital arrest dahil nahaharap sa mga kaso ng umano’y katiwalaan. At ang naging mahigpit na kalaban noon ni Corona sa posisyon bilang chief justice, walang iba kundi si Carpio.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-06T18:40:00.000+08:00

Malinaw ang survey!
REY MARFIL

Tamang direksyon ang hakbang ni Pangulong Benigno ‘PNoy’ Aquino III na likhain ang inter-agency task force para gawing simple ang pagbabantay sa ulat kaugnay sa naging performance ng iba’t ibang ahensya ng pamahalaan.

Gagawin ang reporma sa pamamagitan ng Administrative Order (AO) No. 25 na nilagdaan ng Pangulo nitong Disyembre 21 para linangin ang tinatawag na “unified and integrated” Results-Based Performance Management System (RBPMS) sa lahat ng mga tanggapan sa gobyerno.

Sinusuportahan nito ang pangako ng pamahalaan na mas maging epektibo ang proseso at sistema sa mga pampublikong tanggapan at ang paninindigan ni PNoy na isulong ang transparency, accountability at paglahok ng publiko sa epektibong pamamahala.

Sa kasalukuyan, mayroong iba’t ibang pamamaraan ang mga ahensya ng pamahalaan sa pag-uulat at pagdetermina ng kanilang performance sa sangay ng Ehekutibo na nagreresulta sa hindi kailangang mga datos, magkakaibang porma ng ulat, naaantalang pagsusumite, hindi tamang resulta at palpak na ebalwasyon sa pagbabantay ng performance at pag-uulat nito.

Sa ngayon, gumagamit ang oversight agencies ng mga sumusunod na sistema sa National Economic and Development Authority (NEDA), Results Matrix (RM); Department of Budget and Management (DBM), Organizational Performance Indicators Framework (OPIF); Civil Service Commission, Strategic Performance Management System (SPMS); at Career Executive Service Board (CESB), Career Executive Service Performance Evaluation System (CESPES).

Sa tulong ng inter-agency task force, isang Common Set Performance Scorecard and Government Executive Information System ang lilinangin para matugunan ang suliranin sa kapalpakan at doble-dobleng proseso sa performance monitoring system.

Gagamitin ang bagong sistema sa pagdetermina kung karapat-dapat pagkalooban ang kawani ng pamahalaan ng performance-based allowances, insentibo o kompensasyon.

Sa ganitong paraan, mapapalakas ang mga pampublikong instistusyon upang muling maibalik ang tiwala ng publiko sa gobyerno. Nais lamang patunayan ni PNoy na mali ang naging malawakang desperadong pananaw ng publiko bago siya manungkulan na imposible ang reporma sa pamahalaan.

***

Anyway, hindi nakakagulat ang pananatili ng “very good” net satisfaction ratings ni PNoy sa pinakabagong Social Weather Stations (SWS) survey. Dahil sa patuloy na matinong pamamahala para makamit ang matuwid na daan alang-alang sa kalagayan ng mahihirap na mga Filipino, inaasahan na mamamantine ang mainit na suporta ng publiko sa kanyang gobyerno.

Isinagawa ang bagong survey ng SWS noong nakaraang Disyembre 3 hanggang 7 kung saan 71% ang satisfied at 13 % ang dissatisfied sa performance ni PNoy, malinaw ang +58 bilang net score -- ito’y napakataas kumpara sa mga dating nanilbihan sa palasyo.

Ipinapakita lamang sa resulta ng survey ang malaking suporta at hindi matatawarang tiwala ng publiko sa liderato ni PNoy at programa nito sa pagsugpo ng katiwalian at pagpapanagot sa mga nagkasala, as in tumaas ang pinakabagong rating ni PNoy ng dalawang puntos mula sa +56 noong Setyembre at 12 puntos mula sa “good” na +46 noong Hunyo.

Tumaas nang husto ang public satisfaction ratings ng Pangulo sa Metro Manila kung saan umangat ito ng 13 points para magkaroon ng “very good” na +54 (70% satisfied at 16% dissatisfied) mula sa “good” na +41 (61% satisfied at 20% dissatisfied) kumpara sa nakalipas na quarter.

Pinakamataas ito sa buong bahagi ng Luzon sa antas na “very good” o +60 (72% satisfied at 14% dissatisfied). Napanatili ni PNoy ang “very good” score na +59 sa Visayas o pitong puntos na mataas kumpara sa naitalang +52 noong Setyembre.

Tumaas din ng bahagya ang puntos ng Pangulo sa Mindanao mula +55 noong nakalipas na Setyembre tungong +56. Naging maganda rin ang satisfaction ratings ni PNoy na may markang “very good” sa urban at rural areas.

Nakakuha ang Pangulo ng +52 (68% satisfied at 16% dissatisfied) sa urban areas at +64 sa rural areas. Naitala rin ni PNoy ng “very good” ratings sa lahat ng socioeconomic classes: +61 (72% satisfied at 11% dissatisfied), 8% pag-angat sa ABC crowd kumpara noong Setyembre; +56 o umangat ng apat na puntos sa class E; at +58 (72% satisfied at 13% dissatisfied) sa class D o masa.

Sa mga kalalakihan, nakakuha si PNoy ng +59 (72% satisfied at 13% dissatisfied) o pagtaas ng 5% habang nakapagtala siya ng +57 (70% satisfied at 13% dissatisfied) sa mga kababaihan.

Laging tandaan: “Bata n’yo ko at Ako ang Spy n’yo.”(mgakurimaw.blogspot.com)

2012-01-04T23:15:00.000+08:00

May aksyon!
REY MARFIL

Sa nangyaring trahedya sa Mindanao, agarang ipinag-utos ni Pangulong Benigno ‘PNoy’ Aquino III ang pagpapalabas ng P150 milyon para sa pagkakabit ng 1,000 automatic water level sensors sa buong bansa upang matulungan ang mga nagtataya sa lagay ng panahon at mabantayan ang antas ng tubig sa mga ilog na dahilan ng pagbaha.

Gagamitin ang pondong pangangasiwaan ng Department of Science and Technology (DOST) para sa 1,000 automatic water level sensors na ilalagay sa 18 river basins. At naging mabilis din ang pagtugon ng administrasyong Aquino sa pagkakaloob ng ayuda sa mga biktima ng bagyong Sendong.

Naging abala rin ang gobyerno sa pagkakaloob ng karagdagang teknolohiya upang mas maging epektibo at maa yos ang sistema sa pagtaya ng lagay sa panahon. Bahagi ang paglalagay ng automatic water level sensors ng aga rang pagtugon sa nangyaring pagbaha sa Visayas at Northern Mindanao.

Nakakalungkot lamang na malaman sa ulat ng DOST na apat na ilog lamang sa bansa ang nakabitan ng water level sensors sapul noong 1980s. Gagawing prayoridad ng pamahalaan ang paglalagay ng water sensors sa Cagayan de Oro River (dalawang sensors upstream, isang downstream), Iponan River, Cagayan de Oro-Iligan, Misamis Oriental (isang sensor), at Iligan City (isang sensor upstream at isang sensor downstream) na sisimulan sa 2012.

Siguradong mapapanatili ng programa ang kaligtasan ng mga Filipino at maiiwasan din ang pagkasira ng maraming mga ari-arian at perwisyo sa kapaligiran sa panahon ng na tural na mga kalamidad.

Sa huling bahagi ng taon, inilabas ng Department of Budget and Management (DBM) ang P150 milyon para sa pagbili ng tatlong Doppler radars upang mapalakas ang pambansang pagtaya sa lagay ng panahon, mas eksaktong pagtataya at maagang babala sa pagbaha ng Philippine Atmospheric, Geophysical and Astronomical Services Administration (PAGASA).

Ikakabit ang Doppler radars sa Antique, Palawan at Zamboanga Peninsula. Inaasahang makukumpleto ang tinatawag na real-time coverage ng pagtaya sa lagay ng panahon sa pagkakabit ng Doppler radars sa kanlurang bahagi ng bansa.

***

Anyway, nakakatuwang marinig ngayong Pasko ang magandang balita para sa 40,000 regular pensioners ng Philippine National Police (PNP) at Integrated National Police (INP) nitong nakalipas na Pasko.

Iniutos ni PNoy ang pagpapalabas ng karagdagang P1.125 bilyon para sa lumalaking halaga ng pensyon para sa retiradong mga pulis upang maging masaya ang kanilang pagdiriwang ng holidays.

Ipinapakita nito ang pagtalima ng administrasyong Aquino sa pangako na protektahan ang retiradong mga pulis sa pamamagitan ng pagtiyak na makukuha ng mga ito ang nararapat na benepisyo sa pagtatapos ng taon.

Bahagi ang karagdagang pondo ng adjustment sa pensyon ng mga retirado sa ilalim ng second tranche ng Salary Standardization Law III.

Gagamitin ang ipinalabas na P1.125 bilyon para tustusan ang balanseng P471.01 milyon mula sa kabuuang P12.95 bilyong budyet ng PNP para maabot ang P1.596 bilyon na pangangailangan sa pension adjustment sa second tranche.

Ilalabas din ang karagdagang P675.5 milyon para naman sa tinatawag na transferee at survivorship-beneficiaries sa panahong makuha na ng pamahalaan ang tamang impormasyon kaugnay sa kanilang estado.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2012-01-02T15:23:00.000+08:00

Kumpiyansa!
REY MARFIL

Sasalubungin ng mga Filipino ang 2012 na may pinakamataas na pag-asa, malinaw ang 95% na naniniwala rito, alinsunod sa isinagawang survey ng pinagkakatiwalaang Social Weather Station (SWS).

Ang mataas na pagtitiwala ng mga Pinoy sa mas magandang buhay sa 2012 -- ito’y magsisilbing malaking pagsubok din sa administrasyon ni Pangulong Benigno ‘PNoy’ Aquino III, nangangahulugan na kailangan pang paghusayin ng gobyerno ang trabaho para hindi mabigo ang umaasang mamamayan.

Mahalagang nasa likod ni PNoy ang tiwala ng mamamayan upang maisagawa nito ang mga kritikal na desis yon at kinakailangang programa. May mga desisyon na hindi popular sa publiko ang maaaring samantalahin ng mga kritiko para lamang manggulo.

Pero kung nasa likod ni PNoy ang tiwala ng mamamayan, makukuha pa rin ng Pangulo ang suporta ng publiko dahil batid nila na ito ang kailangan at walang ibang makikinabang kundi ang higit na nakararami.

Sa isang panayam kay PNoy, sinabi nitong isa sa pinakamalaking nagawa ng kanyang administrasyon ang baguhin ang pananaw ng mga mamamayan. Kung dati’y iniisip ng mga Filipino na wala ng pag-asang magbago ang bulok na sistema ng gobyerno, ngayo’y iba na!

***

Napag-usapan ang reporma, sa unang araw pa lang ni PNoy sa Malacañang, itinakda niya ang malinaw na patakaran na buburahin niya ang masamang imahe na iniwan ng nakaraang administrasyon -- ang malawakang katiwalian.

Kasabay ang pagbuhay sa pag-asa ng mga Pinoy, nabuhay rin ang diwa na magkaroon ng pagmamalasakit sa kapwa. Nang maganap ang kalamidad sa ilang bahagi ng Mindanao, bumuhos ang tulong ng ating mga kababayan.

Hindi biro ang ipinagkatiwala ng mamamayan ang kanilang pinansyal na tulong sa iba’t ibang pribadong organisasyon at maging sa gobyerno. Ibig sabihin, kampante ang mamamayan, mahirap man o mayaman na makarara ting sa mga nangangailangan ang tulong na kanilang ibibigay.

Ang pagbabagong ito’y kabaliktaran sa nagdaang panahon kung saan nagdadalawang isip ang mamamayan na magbibigay ng tulong sa mga biktima ng kala midad dahil sa pangambang ibulsa lang ito ng ilang tiwaling nasa gobyerno.

At bukod sa nanumbalik ang pagmamalasakit natin sa kapwa, sabi nga ni PNoy, nagbalik ang dangal natin sa sarili at taas noo natin itong maipagmamalaki. Nagbalik ang kumpiyansa nating mga karaniwang mamamayan na may magagawa tayo para sa ikauunlad ng ating bayan.

Hindi lamang sa ating mga Filipino nagbalik ang ating kumpiyansa at tiwala, maging ang mga dayuha’y kampante na rin sa kakayanan ng ating gobyerno na gamitin ng tama ang pera na kanilang ipahihiram.

Isang patotoo ang aksyon ng World Bank (WB) -- ito’y magpapalabas ng $500 million loan o P22 bilyon para tulungan ang gobyerno na maibangon ang mga lugar na sinalanta ng bagyong Sendong.

Kasabay nito’y ang direktiba ni PNoy na magpalabas din ng mahigit P1 bilyon pondo para naman ipambili ng mga kailangang kagamitan para higit na matutukan ang mga tatamang bagyo sa bansa.

Marahil kung ibang gobyerno ito, marami sa atin ang mangangamba at mag-iisip na kukurakutin lamang ang pe rang gagamitin sa rehabilitasyon ng mga lugar na sinalanta ni Sendong.

Pero dahil sa ito’y panahon ni Pangulong Noynoy, kampante tayo at nagtitiwala na nasa mabuting kamay ang pondo at gagamitin ito sa tama.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-12-23T07:29:00.003+08:00

Utak giveaways at raffle!
REY MARFIL

Walang pinagkaiba sa isang punong hitik sa bunga ang kalagayan ni Pangulong Noynoy ‘PNoy’ Aquino na dahil sa pagkadesperado ng mga kritiko, ito’y pilit sinisilipan o hinahanapan ng butas at pagkakamali ang makatotohanang pangyayari.

Isang patunay ang pagdalo ng PNoy sa Christmas party ng Presidential Security Group (PSG), aba’y inaakusahang nagpapasarap gayong tinamaan ng delubyo ang ilang bahagi ng Mindanao partikular ang Cagayan de Oro at Iligan City at Dumaguete.

Isang pagtitipon sa mismong bakuran ng Palasyo ang dinaluhan ni PNoy -- isang napakahalagang araw sa hanay ng mga kawal at kanilang mga pamilyang nagbibigay ng 24-oras na seguridad sa Pangulo. Take note: Malayo sa kanilang mga pamilya ang sundalo at minsan lamang sa isang taon ang pagtitipon.

Ang tanong ng mga kurimaw, isa bang malaking pagkakamali ang tapunan ng kaunting oras ni PNoy ang mga tauhang nagbibigay ng proteksyon at seguridad, maliban kung sadyang ‘utak talangka’ ang mga nagpalaki ng isyu.

Hindi isyu ang pag-tweet ni Valerie Concepcion sa PSG Christmas party dahil isang paghanga kay PNoy ang mensaheng nai-post. Ang masama, ito’y kinasangkapan ng mga kritiko para intrigahin si PNoy dahil walang makitang dumi sa administrasyon at isa ring biktima ng maduming laro sa pulitika ang pag-appreciate ng actress sa pagiging cool ni PNoy, katulad sa sinapit ng Pangulo.

Kesa sayangin ng mga kritiko ang kanilang oras sa maghapong pagtu-tweeter at facebook upang batikusin si PNoy, bakit hindi gawing makabuluhan ang buhay -- ilaan ang panahon sa pagtulong at i-donate sa mga nasalanta ng bagyong Sendong ang pinanggastos sa pagtambay ng coffee shop at ipinambili ng internet card.

Hindi big deal sa pagpapaunlak ni PNoy sa mga PSG na makasama sa kanilang pagtitipon, katulad din ng mga ‘nagmamalinis’ at ilang maiingay na sektor na walang inatupag kundi lumikha ng mga pagbatikos gayong kaliwa’t kanan din ang pagdalo sa mga Christmas party at ibang pang kasiyahang inihanda ngayong Pasko, mapainuman o raffle.

Sa pananaw ng karamihan, pilit pinapalaki ng mga kritiko ni PNoy ang maliit na pagtitipon ng PSG, isang malinaw kung paano ipinapamalas ang desperadong paggalaw upang sirain ang Pangulo lalo pa’t hindi matibag ang mataas na popularidad nito.

***

Napag-usapan ang mga kritiko, aminin o hindi, gigil ang mga kalaban ni PNoy dahil patuloy ang pag-ani ng malaking tiwala ng taumbayan, patunay ang pinakahuling resulta ng Pulse Asia Survey kung saan naitala sa 72% ng mga Pinoy ang saludo sa performance ng Pangulo.

Ang trust rating naman ni PNoy, ito’y pumalo sa 74% kaya’t hindi maitatangging ‘hilahod’ sa pag-iisip ng mga demolition o black propaganda ang mga kritiko, malinaw ang pagpatol sa napakawalang-kuwentang isyu, gamit ang mga tweeter at facebook o social media para ipintang walang ginagawa ang Pangulo.

Ang napakapositibong resulta sa panig ni PNoy, ito’y epekto ng puspusang kampanya ng kanyang liderato na tuldukan na ang korapsyon at ipursige ang pagsulong ng bansa, gayundin ang pagkakaloob ng pangunahing pangangailangan ng publiko na nagbibigay ng inspirasyon para ipatupad nang mabilisan ang inaasam na reporma para sa ating lipunan -- ito ang hindi matanggap ng mga kritiko.

Bakit ang pagkansela ni PNoy sa Christmas party ng mga gabinete’y hindi nababanggit o napag-uusapan man lang gayong ginawa ng Pangulo ang desisyon bago pa man ang Christmas party ng PSG, as in umaga pa lamang ng Linggo. Ang tanong ng mga kurimaw: ito ba’y naisulat sa blog ng mga nagmamarunong o nai-text blast man lamang para mabasa ng mga followers nito?

Bakit ang minu-minutong paghingi ng update ni PNoy sa mga opisyal ng gobyerno na nakababad sa Cagayan de Oro, Dumaguete at Iligan City gayundin ang pagbibigay ng direktiba sa mga ahensya at departamento ng gobyerno kagaya ng pagbibigay ng lahat ng pangangailangan ng mga nabiktima ni Sendong, ito’y hindi napapansin o inilagay sa tweeter at facebook.

Sabagay, walang magagawa si PNoy sa may ganitong klaseng mentalidad, basta ang mahalaga’y kinakaya ng Pangulong tugunan ang pangangailangan ng mga nagluklok sa kanya sa poder.

Teka lang, naitanong ba sa sarili ng mga blogger na nagkomento sa tweet ni Valerie Concepcion kung sila’y nagdasal para sa mga biktima ni Sendong bago naki-party ngayong Pasko? Sa malamang, puro raffle at giveaways ang laman ng utak ng mga ito.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-12-19T07:07:00.000+08:00

‘Di napapansin!
REY MARFIL
Sa kabila ng ingay na dulot ng banggaan sa pulitika, tahimik at tila walang nakapapansin sa mga positibong balita, katulad ng patuloy na pagdami ng mga may trabaho sa taong 2011.

Sa data ng National Statistical Coordinating Board (NSCB), nasa 6.3% na lamang ang unemployment rate sa bansa -- pinakamababa sa nakalipas na apat na taon, ito’y nangyari sa loob lamang ng wala pang dalawang taon ng administrasyon ni Pangulong Noynoy ‘PNoy’ Aquino.

Simula Enero 2011, naitala ang pababang marka ng mga walang trabaho -- mula sa 7.4% nitong Enero, natapyasan ang bilang ng mga walang trabaho o tambay sa kanto, patunay ang pagbaba sa 7.2% nitong Abril, at nabawasan pa ng nakaraang Hulyo, malinaw ang naitalang 7.1%.

Kung tutuusin, ang pagbaba sa bilang ng mga walang trabaho at pagdami ng mga may trabaho -- ito’y nangyari sa panahong ‘nagpuputak’ ang mga kritiko at inaakusahan ang administrasyong Aquino ng maling taktika sa pamamahala sa ekonomiya bunga ng ginawang pagtitipid sa paggastos ng pondo.

Kaya naman isipin na lamang ang resulta kung gumastos nang todo sa mga proyektong pang-imprastraktura ang gobyerno, marahil mas mababa pa sa 6.3% ang naging unemployment rate ng bansa -- ito’y patunay na mali ang mga kritisismo ng oposisyon na puro pulitika at paghahabol sa nakaraang administrasyong Arroyo ang ginagawa ng pamahalaang Aquino at napapabayaan ang ekonomiya ng bansa.

***

Napag-usapan ang pagtitipid sa paggastos ng pondo -- ito’y kinailangang gawin ni PNoy habang inilalatag ang mga mekanismo para matiyak na maayos at walang ‘tongpats’ ang mga proyektong ipatutupad ng gobyerno.

Sa lalim ng ugat ng katiwaliang inaakusang naibaon ng nakaraang gobyerno sa mga ahensiya ng pamahalaan, kailangan lamang na tiyakin ng bagong liderato na magagamit nang tama ang buwis na binabayaran ng mga tao at hindi sa bulsa ng mga tiwaling pinuno mapupunta.

At dahil nakaayos na ang mekanismo, asahan ang pag-usad ng programa ng pamahalaan na inaasahang lilikha ng mga trabaho -- ang Private-Public Partnership Program (PPP).

Katunayan, nai-award sa nanalong bidder ang kontrata sa paggawa at pagmantine sa 4-kilometer Daang Hari-South Luzon Expressway (SLEX) Link Road -- ito’y napanalunan ng Ayala Corporation.

Ang Daang Hari-South Luzon Expressway (SLEX) Link Road, isa lamang sa napakaraming proyektong pang-imprastraktura ng pamahalaan sa ilalim ng PPP na magkakaloob ng napakaraming trabaho, hindi lamang sa kalunsuran kundi maging sa kanayunan.

Kaya naman may basehan ang resulta ng pinakahuling Pulse Asia survey kung saan 88% ng mga tinanong na Pinoy ang nasabing sasalubungin nila ang 2012 na mataas ang pag-asa.

Mismong si PNoy ang nagsabi nang pirmahan ang 2012 budget, na humihina ang ekonomiya ng mundo, kaya naman hindi tayo dapat umasa sa ekonomiya ng ibang bansa, sa halip ay kailangang palakasin at pasiglahin ang ekonomiya natin sa Pilipinas.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-12-16T07:04:00.001+08:00

Now na!

REY MARFIL

Ipinasa ng Kongreso ang impeachment complaint laban kay Supreme Court Justice Renato Corona, sa bisa ng 188 lagda o 2/3 -- ito’y ‘di hamak na malayung-malayo sa 1/3 lang na kakailanganing numero para ma-impeach ang isang opisyal ng gobyerno.

Nasa Upper House ang bola bilang impeachment court at magbababa ng hatol kay Corona. Ganito rin ang pangyayari kay dating Pangulong Joseph Estrada, ang kaibahan lamang, maagang umaapaw ang numero mula sa Kamara.

Dapat maunawaan ng publiko, sampu ng mga nakaupo rito -- sila ang kinatawan na nagsisilbing boses ng kanilang mga constituents o nirerepresentang sektor. Ang pag-apaw ng suporta sa Kamara para mailarga ang impeachment complaint laban kay CJ Corona -- ito’y patotoo sa suporta ng publiko sa pamahalaang Aquino na masidhi ang kagustuhang lipulin ang mga tiwali sa gobyerno at makamit na ang hustisya laban sa mga nagsamantala sa tiwalang ibinigay ng sambayanan.

Ang suhestyon ni Mang Gusting, kung meron delicadeza, mas makakabuting magbitiw ngayon si Corona kesa hintaying gumulong ang impeach sa Upper House upang maisalba ang imahe ng Korte Suprema at buong hudikatura na tuluyan nang sinira ang integridad at kredibilidad.

Aminin o hindi ni Corona, namamayani ang impresyong hindi nakakamit ng taumbayan ang hinahanap na patas na proseso ng hustisya laban kay Mrs. Arroyo hangga’t nasa poder si CJ Corona lalo pa’t nagsilbing chief of staff at napakahaba ng kanilang pagsasama bilang mag-amo. Take note: iniluklok ni Mrs. Arroyo si Corona sa panahong nalalapit ang pag-upo ng bagong Pangulo.

Ika nga ng mga kurimaw, kung may natitira pang pagmamahal sa bayan si CJ Corona at maginoo, katulad ng kanyang ipinangalandakan sa harap ng mga court employees na nagmartsa sa harapan ng Supreme Court, gawin mo ang nararapat na hakbang na magpapabalik sa tiwala ng publiko sa SC -- ito’y sa pamamagitan ng pagbibitiw sa tungkulin.

Mawawalan lamang ng saysay ang pakikipaglaban sa independensya ng hudikatura kung kumakalas ang pagtitiwala ng sambayanan o mayorya na siyang dinaranas ngayon ng SC mula sa publiko.

Sana’y tuldukan ni Corona ang tensyong ito upang tuluy-tuloy nating maramdaman ang pagbabagong inasam natin, mula nang iluklok si PNoy na naging matapang sa pagpuna sa hindi patas na sistemang ipinaiiral ng SC dahil sa pananatili sa posisyon ng mga kadikit ni Mrs. Arroyo.

***

Napag-usapan si Corona, hindi dapat maging balat-sibuyas ang mga kasapi ng Supreme Court (SC) sa pagpuna at batikos lalo pa’t hindi naman inihalal ng bayan kundi itinalaga lamang sa posisyon.

Dapat manatili ang pananagutan ng mga pampublikong opisyal sa kanilang mga aksiyon sa lahat ng pagkakataon at hindi itratong “sacred cows” ang mga miyembro ng SC bilang bahagi ng “check and balance” sa gobyerno alinsunod sa kampanya kontra katiwalian ni PNoy.

Ipinahahayag lamang ni PNoy ang kanyang opinyon bilang bahagi ng pribilehiyo ng Ehekutibo at imposibleng walang basehan ang pagkuwestiyon ng Pangulo sa hindi pagiging parehas ni Corona sa mga desisyon sa mga kasong kinasasangkutan ni Mrs. Arroyo.

Kahit pagbabaliktarin ni Corona ang angulo, ito’y “midnight appointee” sa tingin ng nakakarami at nakakaduda ang kanilang malapit na relasyon ni Mrs. Arroyo lalo’t minsang naging spokesman ng dating pangulo. Bahagi ng karapatan ng Pangulo ang batikusin nang todo-todo ang Chief Justice lalo’t nakikita ang basehan.

Hindi naman sinasagasaan ng pagbatikos ang co-equal branch ng pamahalaan. Ika nga sa English “give and take” ang kailangan para maging buhay at kapaki-pakinabang ang demokrasya.

Wala dapat pinoprotektahan o sacred cows. Bahagi ng lehitimong katanungan ng publiko ang inihirit ni PNoy.

Itinatanong din ng ordinaryong tao at maging ng aking sarili ang mga ibinato ni Pangulong Aquino. Sa tingin mo ba hindi? Importanteng manatili ang pagiging independence ng SC.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-12-14T06:57:00.000+08:00

Tiwala!
REY MARFIL

Boto ng malaking tiwala sa liderato ni Pangulong Benigno ‘PNoy’ Aquino ang mabilis na ratipikasyon sa P1.816-trilyong General Appropriations Bill (GAB).

Malaking tagumpay ng pamahalaan ang overwhelming vote sa agarang pagpasa ng pambansang badyet na nakabase sa pagtulong sa pangangailangan ng mga mahihirap.

Talagang layunin ni PNoy na agarang matulungan ang mga sektor na labis na nangangailangan ng ayuda ng pamahalaan at paglaban sa katiwalian kaya naman naging mabilis ang pagkilos dito ng kanyang gobyerno.

Dahil sa agarang paglusot ng pambansang badyet sa susunod na taon, matitiyak natin ang agarang implementasyon ng pangunahing mga programa at proyekto ng pamahalaan.

***

Sa pagkaka-impeached ni Supreme Court Chief Justice Renato Corona, sa pamamagitan ng botong 188 sa Lower House, nais kaladkarin pababa ang usapan, as in Constitutional Crisis ang prediksyon at pananakot ng iilan.

Sa mga mulat at masusing nagmamasid sa mga pangyayari ng nakalipas na linggo, hindi tunggalian sa pagitan ng Palasyo at Korte Suprema ang labanan -- ito’y simpleng pagbabalik sa taumbayan ng kanilang karapatang itakda ang uri ng pamumuno sa bansa.

Ibinabalik lamang ni PNoy sa taong bayan ang karapatang matagal nang nabura sa isipan matapos mamayagpag sa pamahalaan ang sistemang nasa kamay ng iilang makapangyarihang nilalang ang resulta ng halalan kung saan hayagang nilapastangan ng mga ito ang sagradong karapatan ng mamamayang pumili ng kanilang nais mamuno sa bansa.

Ngunit kung susundan natin ang kanilang argumento, wala rin talaga sa tamang wisyo ang naglikha ng mga ito. SC vs Pangulong Noy ba kamo? Sino ba ang nagtalaga sa Pangulo kundi ang mayorya ng higit 80 milyong Pilipino? Hindi ba’t, bilang isang Kristiyanong bansa, noon pa natin sinusundan ang argumentong vox populi, vox dei?

Sino ba ang nagtalaga sa 12 sa 15 na kapita-pitaganang mahistrado ng Korte Suprema kundi iisang tao -- ang dating pangulo? -- ito’y si dating Pangulong Gloria Macapagal-Arroyo na “nagreyna” sa loob ng siyam na taon kung saan anim na taong termino ang kuwestyunable dahil sa alegasyong pandaraya noong 2004 election.

Ang nakasampang alegasyong minanipula ni Mrs. Arroyo ang resulta ng halalan noong 2007 senatorial elections upang panalunin ang “12-0” sa Maguindanao ang mga manok nito. Kung papayagang kumaripas palayo si Mrs. Arroyo, sino ang mananagot sa hablang ito?

Kung ito ang kaparaanang pilit nilang paghariin sa Pilipinas, kung trip lang ng iisang tao ang magtatakda sa kinabukasan ng bansa, saan na lang tayo pupulutin nito?

Anyway, si Arroyo ay hindi si Erap. Paglakarin natin ang dalawa, saanmang kalyeng matao at maghintay tayo sa dulo nito. Tingnan natin kung sino ang lalabas na duguan.

Hindi pa nga ganun, tingnan natin kung sino sa dalawa ang makakalabas nang buhay. Ang isa’y lehiyon ang suporta mula sa masa, ang isa nama’y meron akusasyong pera ang ipinantatapat sa masa, ito’y wala pa ring matanggap na suporta!

Bagama’t ginamit nila lahat ng instrumento, paraan, pera at makinarya ng pamahalaan na nasa kanilang kontrol upang mangalap ng simpatiya at suporta, mabilis na dumausdos ang popularidad hanggang sumagad sa negative 60 nang ito’y umalis sa Malacañang. Maging mga kababayan nito sa Pampanga’y hindi makuhang sumuporta. Iyan ang malaking pagkakaiba.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-12-12T07:09:00.000+08:00

Kailangang bunutin!
REY MARFIL

Labing-pitong buwan mula nang maluklok sa Malacañang, nakabuwelo si Pangulong Noynoy Aquino at nailatag ang mga kinakailangang reporma para umarangkada ang ekonomiya ng bansa simula sa 2012.

Tulad sa pagtatanim ng mga bagong halaman, hindi basta-basta mabubuhay ang ilalagay na mga binhi o punla kung may mga damo na dating nakatanim sa lupa. Kailangang alisin ang damo at bunutin ang ugat nito para mabuhay nang maayos ang bagong halaman na itatanim.

Sa nakalipas na mga buwan, ganito ang ginawa ng administrasyong Aquino, binunot ang masasamang damo na naiwan ng nakaraang administrasyong Arroyo, at nilinis ang sinasabing sistema ng katiwalian hanggang sa pinakailalim para matiyak na matatanggal pati ang nakakapit na ugat.

Ibig sabihin, inilatag muna ang mga kinakailangang reporma sa pamamahala sa iba’t ibang ahensiya, partikular sa mga mahahalagang departamento na nagpapatupad ng mga proyektong makatutulong sa paglago ng ekonomiya ng bansa.

Take note: sa mga unang buwan ni PNoy sa Palasyo, nadiskubre ang samu’t saring kuwestiyunableng transaksyon na pinasok umano ng Arroyo government na naging dahilan ng paglobo ng budget deficit ng bansa at pagkabaon sa utang.

Isa na rito ang bilyun-bilyong pisong halaga na ginastos sa pag-angkat ng bigas ng Arroyo government kung saan nadiskubre ng bagong pamunuan ng National Food Authority (NFA) sa ilalim ng PNoy government na marami sa mga inangkat na bigas ang nabubulok lamang sa mga warehouse.

***

Napag-usapan ang pagbubunot ng damo, malaking pera ang nasayang sa pag-angkat ng mga bigas, napabayaan o sadyang pinabayaan ng nagdaang pamahalaan ang mga lokal na magsasaka kaya naging dependent sa imported rice ang bansa, maliban kung nagka-amnesia ang publiko sa isyu ng “fertilizer fund scam” na nangyari rin sa ilalim ng Arroyo government?

Ang usapin ng rice importation ay isa lamang sa mga problemang iniwan ng dating administrasyon na kinailangang hanapan ng solusyon ng kasalukuyang gobyerno. Kailangang takpan ang butas na ginawa ng dating liderato na nagpatagas sa malaking gastusin upang makakilos muli nang maayos ang mga kinauukulang ahensiya na nakatoka rito gaya ng NFA at Department of Agriculture (DA).

At pagkaraan nga ng 17-buwan, inaasahan ng PNoy government na babalik sa normal ang lokal na produksiyon ng palay at kakayanin na ng mga magsasakang Pinoy na pakainin ang kanyang mga kababayan sa pinakamaagang pagsapit ng 2012 o kaya’y pagsapit ng 2013.

Ang resulta nito, hindi na natin kakailanganin na gumastos muli ng bilyun-bilyong halaga sa pag-import ng bigas at hindi na rin mapapabayaan ang ating mga kababayang magsasaka. Kung magpapatuloy ang mahusay na produksiyon ng palay, at maging self sufficient ang Pilipinas, at matitiyak na ang food security ng bansa, malay natin, mangyari sa ilalim ng PNoy government na muli tayong magbebenta ng bigas sa ibang bansa.

Pero maliban sa usapin ng seguridad ng pagkain, inaasahang sisigla ang ekonomiya sa 2012 dahil maipatutupad ang iba’t ibang infra project ng gobyerno sa ilalim ng Public-Private Partnership (PPP) program na makalilikha ng napakaraming trabaho. Kinailangan ding rendahan ang pagpapatupad ng programa para mailatag ang mga mekanismo na titiyak na magiging patas at maayos ang paggamit ng pondo na naaayos sa kampanya ng pamahalaang Aquino para sa “tuwid na daan”.

Madaling mambatikos at mag-akusa ang mga kaalyado ng nakaraang administrasyon na naging mabagal ang paglago ng ekonomiya ng bansa, pero kung makikita naman sa mga susunod na taon ang magandang bunga ng mga inilatag na reporma ng kasalukuyang gobyerno, tiyak na nasa likod pa rin ni PNoy ang suporta at tiwala ng mamamayang Pilipino, patunay ang napakataas na approval at trust rating ng Pangulo, alinsunod sa huling Pulse Asia survey.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-12-09T07:03:00.001+08:00

May nauna!
REY MARFIL

January 27, 2010 ang petsa at State of the Union Address ang okasyon -- ito ang kauna-unahang pagkakataon na harap-harapang sinalubong ng kritisismo ng isang Pangulo ng bansa ang mga kagalang-galang na mahistrado ng Kataas-taasang Hukuman -- si Barack Obama ng Amerika laban sa Chief Justice ng US Supreme Court.

Binira ni Obama ang SC ng America dahil sa desisyon nitong payagang buksan sa dayuhang mamumuhunan ang donasyon sa mga partidong pampulitika sa panahon ng halalan. Isandaang (100) taon ang nakalipas matapos itakda ng batas ng Estados Unidos ang pagbabawal sa mga dayuhang kompanya na impluwensyahan ang resulta ng halalan sa nasabing bansa hanggang ito’y baliktarin ng nasabing hukuman.

Nitong Disyembre 5, 2011, sa okasyon ng kauna-unahang Criminal Justice Summit na binuo upang pag-aralan ang mga hakbang upang mapabuti ang sistema ng katarungan sa bansa, muling sinuong ni Pangulong Noynoy ‘PNoy’ Aquino ang pambihirang pagkakataong ipamukha sa bayan ang kasaliwaan ng mga desisyong ibinababa ng Korte Suprema sa loob ng kanyang panunungkulan.

Mula sa pagbasura ng SC sa probisyon ng Saligang Batas na nagtatakda ng dami ng populasyon bilang rekisito sa pagbuo ng isang Congressional District (Camarines Sur) na naging daan upang umupo bilang kinatawan ang anak ni Mrs. Arroyo (Cong. Dato) hanggang sa pagtalikod ng hukuman sa nauna nitong desisyong itakda ang mga alituntunin ng ibinabang TRO sa watchlist order ng Department of Justice (DOJ) laban sa pagkaripas palayo sa saklaw ng batas ng dating Pangulo, patuloy na humahaba ang listahan ng mga desisyong batbat ng katapatan, hindi sa sinumpaang tungkulin o Saligang Batas, kundi sa taong isiniksik sila sa kasalukuyang puwesto sa Korte Suprema -- ito ang reklamo ni PNoy.

Wasak ang relasyon ng kasalukuyang Pangulo at Chief Justice na pinaupong-pilit ni Mrs. Arroyo. Hindi maitatangging maasim pa sa kamias ang turing ni PNoy kay Chief Justice Renato Corona.

Ang sama ng turingang ito’y hindi lamang kapritso ng Pangulo, hindi rin puwedeng sabihing wala itong basehan.

Ang sabi ng mga pantas, hindi kailanman pumapalag ang Pangulo sa mga ibinababang hatol ng Kataastaasang Hukuman, mula pa noong panahon ni Tita Cory sa panguluhan, kahit na ang mga ito’y sumasalubong sa ninanais ng mga nakaupong liderato.

Totoo marahil ito sa ating bansa. Ngunit sa pangunang imbukada natin, sadyang napatunayang hindi lamang si PNoy ang tahasang pumalag sa mistulang kalabisan sa natatanging karapatang iniatang ng batas, animo’y nagsisimulang sumaliwa sa batayan ng tama.

Hindi lamang si PNoy ang unang pumalag sa mga ito ng hayagan at harap-harapan. Hindi pinagbabawalan ng precedence o maging ng Saligang Batas ang Pangulo upang kwestyunin ang kanilang mga ibinababang kapasyahan.

Utang na loob ang isyu, sino ang may kinauutangan at kanino?

Ang usapin ay ukol sa delicadeza na siyang isa sa mga katangiang hanggang ngayo’y hinahanap pa rin ng bayan sa mga nakaupo sa institusyong dapat ay nangunguna -- ito’y usapin ng batas at katwiran ng pananagutan, ng katotohanan at katapatan sa Saligang Batas.

Ang ehekutibo’y hindi lamang sundalong tagapagpatupad ng mga itinakdang hatol ng hukuman. Hindi ito isang utusang dapat ay sunud-sunuran lamang sa wisyo ng iilang pantas sa hudikatura.

Ang ehekutibong pinangungunahan ng Pangulo’y isang kapantay o kaparehong sangay ng pamahalaan sa mata ng Saligang Batas.

Bagama’t totoong inaasahan ang kooperasyon at pakikipagtulungan, hindi kailanman itinakdang maging tagasang-ayon lamang o tagasunod ng hukuman ang nasa katungkulan sa ehekutibong sangay ng pamahalaan.

Hindi rin nakalupalop sa hukuman ang lubos na kapangyarihang pamunuan o pangunahan ang mga kapantay nitong sangay -- ang ehekutibo man o kahit ang lehislatura.

Ang ginawa ni PNoy sa Manila Hotel noong Lunes sa gitna ng mga kalahok sa kauna-unahang Criminal Justice Summit ay hindi pagmamalabis o paglabag sa takda ng kaugalian maging ng batas, bagkus ito’y pagpapakita ng katapatan o sinseridad na itulak ang adyenda ng mamamayan sa loob ng kanyang katungkulan -- ito rin ay nagsisilbing matibay na patotoo sa kakayahang isulong ang malawakang reporma sa pamahalaan maging sa mga ahensyang dapat ay pangunang halimbawa ng integridad at kalinisan sa panunungkulan.

Maitanong ko lang: Kung ibabaling ninyo ang atensyon sa punong mahistrado, ang kanyang gawi sa publiko ba’y statesmanship, o pawang kamanhiran sa malawakang panawagan sa pagbabago?

Ito ba’y pagiging simbolo ng kalayaan sa impluwensya ninuman o sadyang kakapalang dala ng katapatan, hindi sa Saligang Batas kundi, sa taong napag-utusan lamang ng katungkulang sila’y ihirang?

Maitanong ko rin, sino ba sa tingin ninyo sa mga kasalukuyang institusyon ng pamahalaan ang hanggang sa ngayo’y puno ng mga nalalabing galamay ng panggigipit ng dating pamunuan?

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-12-07T07:01:00.000+08:00


Suspense thriller!
REY MARFIL

Kung hihimayin ang bawat eksena, napakasuwerte ni dating Pangulong Gloria Macapagal-Arroyo nang ibigay ni Pasay City Regional Trial Court (RTC) Branch 112 Judge Jesus Mupas ang kautusang ilipat sa Veterans Memorial Medical Center (VMMC) sa Quezon City mula St. Luke’s Medical Center sa Taguig City sa halip na dalhin sa pangkaraniwang kulungan kung saan nakakulong ang ordinaryong mga kriminal na akusado sa iba’t ibang krimen.

Kung mga kurimaw ang tatanungin, iuutos ko muna ang masusing pagtaya sa kalusugan ni Mrs. Arroyo para malaman ang kondisyon at masuri kung talagang dapat sa VMMC ikulong matapos maharap sa kasong pananabotahe sa halalan.

Kung ibinase lamang ang desisyon sa testimonya ng personal na doktor ni Mrs. Arroyo na dumaranas ng colitis at diarrhea, dapat bigyan din ng katulad na konsiderasyon ang libu-libong ordinaryong mga bilanggo.

Ngunit hindi lang nagdudumilat ang katotohanan na hindi nakakatikim ng ganitong pribilehiyo ang maraming bilanggo. Nananatili silang nakakulong sa pangkaraniwang bilangguan sa kabila ng kanilang mas malalang kalagayan.

Isang halimbawa ang kaso ng bilanggong pulitikal na si Crisanto Fat na isang ordinaryong magsasaka sa Negros na namatay sa atake sa puso habang nakapiit at hindi man lamang napagbigyan ang kanyang kahilingang makapagpagamot.

Habang ipinapatupad ng korte sa Pasay ang hustisya kung saan talagang mabagsik at malupit ang batas, hindi natin maitatago ang katotohanang iba ang pagtrato kay Mrs. Arroyo.

Sa ganitong klase ng trato, malinaw talagang walang basehan ang alegasyon na nais lamang gantihan ni Pangulong Noynoy ‘PNoy’ Aquino si Mrs. Arroyo, sampu ng mga inaakusahang kasapakat sa kalokohan noong 2004 at 2007 elections, maging sa napakaraming eskandalong naimbestigahgan ng Senado.

Sa dulo, dapat ipataw ang karampatang parusa, sinuman ang gumawa nito, katulad ang pagbilanggo sa mga piitang minamantine ng Bureau of Jail Management and Penology (BJMP) sa Metro Manila kung saan mayroong mga babaing bilanggo.

Hindi rin naniniwala si Mang Kanor na lilikha ng negatibong epekto sa buong mundo ang pagpapakulong kay Mrs. Arroyo. Nakita na natin sa iba’t ibang bansa ang pagpapabilanggo sa mga dating Pangulo at iba pang matataas na mga lider. Ika nga ni PNoy -- kung hindi natin hahabulin ang mga tiwali at abusado, siguradong pagtatawanan tayo ng buong mundo sa kabaligtaran.

Sa ngayon, pinakaimportante’y matiyak ng pamahalaan na iginagalang ang kanyang mga karapatan kahit nabibigyan pa ito ng pabor sa kanyang magiging kulungan.

***

Napag-usapan ang paglilipat kay Mrs. Arroyo, hindi dapat magpaloko ang publiko sa spin doctors kaugnay sa umano’y plano ng administrasyon na ‘Put the Little Girl to Sleep’ o planong likidahin ang dating lider dahil isa itong porma ng panibagong drama para maiwasan ang pagpapakulong sa kanya.

Isang malaking kasinungalingan na walang pinagkaiba sa kanyang petisyon na magpasuri sa mga espesyalista sa ibang bansa kahit mismong ang kanyang mga doktor sa pangunguna ni Dr. Mario. Ver, orthopedic spine surgeon ng dating Pangulo, ang tumestigo sa korte sa Pasay na gumagaling na ito at maaari nang makalabas ng ospital.

Ni sa panaginip, ayokong isipin desperado ang kampo ni Mrs. Arroyo na makakuha ang simpatya ng publiko at pinalalabas lamang nila na masama at mapaghiganti ang mga taong naghahangad managot siya sa batas.

Matapos mabigo ang grupo ni Mrs. Arroyo na mapalabas siyang biktima ng pambihirang sakit sa buto, nais naman nilang ipinta na posibleng maging murder victim ito. Malinaw na inililipat ng mga humahawak ng publicity stunt ni Mrs. Arroyo ang script ng telenovela mula sa isang medical drama, ito’y ginawang suspense thriller.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-12-05T07:05:00.000+08:00

May pag-asa!
REY MARFIL

Malinaw pa sa sikat ng araw ang mensaheng dala ni Pangulong Noynoy ‘PNoy’ Aquino sa kanyang talumpati sa mga miyembro ng Makati Business Club (MBC) tungkol sa pananagutan ng mga opisyal ng pamahalaan -- dapat managot ang mga nagkasala sa batas, anuman ang estado sa buhay at posisyong pinanghahawakan, maimpluwensya man o isang tambay sa pundahan.

Sa pagkakataong ito, hindi lamang mga karaniwang empleyado at opisyal sa gobyerno ang nais ni PNoy masampolan. Kung nais nga naman niyang malakas na maihatid sa lahat ang mensahe na seryoso ang kanyang kampanya kontra katiwalian, dapat na malaking isda ang lambatin -- hindi pawang “gurami” lamang na nagiging isang “malaking palabas” sa nagdaang panahon upang ipakitang merong ginagawa ang pamahalaan.

Bukod sa mga malalaking negosyante na hinahabol at kinakasuhan ng Bureau of Internal Revenue (BIR), ipinakita ng pamahalaan na seryosong papanagutin si dating Pangulong Gloria Arroyo na inaakusahang nagsamantala sa kaban ng bayan sa ilalim ng kanyang siyam na taong pamumuno -- ito’y bukod pa sa kasong pananabotahe sa halalan noong 2007 na isinampa na sa korte.

Sa kabila ng alegasyon ng kampo ni Mrs. Arroyo na paghihiganti at panggigipit ang ginawa ng pamahalaang Aquino, sa marami ito’y pagtupad sa kanyang pangako sa bayan sa nakaraang kampanya na papanagutin ang mga nagkasala at aayusin ang maling sistema ng pamamalakad sa gobyerno na naging institusyon sa mahabang panahon.

***

Napag-uusapan ang naitalang katiwalian sa nagdaang gobyerno, hindi naman nasasayang ang pagsisikap ni PNoy na walisin ito. Sa pinakabagong pahayag ng anti-corruption watch group na Transparency International, lumitaw na tumaas ang puwesto ng Pilipinas sa 2011 Corruption Perception Index (CPI) sa paglaban sa katiwalian.

Sa listahan ng 183 bansa, nasa 129 ang Pilipinas sa 2011 Corruption Perception Index, mas mataas ng limang baitang kumpara sa nakaraang taon. Ang paghabol kay Mrs. Arroyo’y pinapaniwalaang isa sa mga rason kaya’t tumaas ang puwesto ng Pilipinas -- ito’y pagpapakita na seryoso ang pamahalaang Aquino tungkol sa matinong gobyerno.

Nakabuti rin sa pagbuti ng pananaw ng Pilipinas ang mahusay na paghahatid ng serbisyo ng pamahalaang Aquino at pagbawas sa red tape sa pamahalaan.

Bukod sa magandang pananaw ng mga negosyante at mga anti-corruption watch group sa gobyernong Aquino, malaki rin ang pag-asang nadarama ng mga Pilipino sa mas magandang buhay sa 2012 -- na siyang pagpasok ng ikalawang taon pa lamang ng liderato ni PNoy.

Batay na rin sa resulta ng pinakabagong survey ng Social Weather Station (SWS) noong Setyembre, naitalang 39% ng mga tinanong ang naniniwala sa mas magandang buhay sa susunod na taon, kumpara lamang sa 9% na negatibong pananaw para sa +30% na net rating ng gobyerno.

Kasabay nito, 35% naman ng mga tinanong ang naniniwala na patungo sa mas maganda ang pagbabagong magaganap sa ekonomiya sa 2012, kontra sa 14% na negatibong pananaw para sa +22 net positive rating na ibinigay ng mga Pilipino sa gobyernong Aquino. Ibig sabihin, malaki ang tiwala ng publiko at nararamdaman ang pagbabagong ipinapatupad ni PNoy.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

2011-12-02T07:01:00.002+08:00

Nasa hudikatura

REY MARFIL

Kapuri-puri ang personal na partisipasyon ni Pangulong Noynoy ‘PNoy’ Aquino na labanan ang climate change, aba’y sa kabila ng kanyang abalang iskedyul, personal niyang pinangunahan ang inagurasyon ng Climate Change Academy ng Albay nakaraang Biyernes bilang bahagi ng kampanya kontra climate change at masamang epekto nito sa ekonomiya ng bansa.

Layunin ng Climate Change Academy na itinayo sa loob ng campus ng Bicol University sa Legazpi City, na makatulong sa hakbang ng national government na makasabay sa nagbabagong klima, lalung-lalo na ang lokal na pamahalaan.

May kapangyarihan ang akademya na sanayin ang mga lokal na pamahalaan sa disaster risk management, pagtaya ng climate risk hazards at adaptive capabilities, planning, at programming.

Tayo’y umaasa na maraming local government units (LGUs) ang susunod kay PNoy na nanguna para gawing institusyon ang paglaban sa nagbabagong klima sa pamamagitan ng public awareness, katuwang ang media.

***

Napag-usapan ang aksyon ng gobyerno, hindi matatawarang adhikain ng administrasyong Aquino na maibigay ang hustisya sa pamilya ng mga biktima ng Maguindanao massacre na ginunita ang ikalawang taong kaganapan nitong Nobyembre 23.

Desidido si PNoy na maibigay ang hustisya para sa mga biktima ng isang araw na pinakamadugong patayan sa kasaysayan ng halalan sa bansa bilang bahagi ng reporma ng administrasyon sa sistema ng kriminal na hustisya.

Sa katunayan, todo-kayod ang pamahalaan upang pag-isahin ang halalan sa Autonomous Region in Muslim Mindanao (ARMM) sa eleksiyon sa 2013 upang matigil na ang kultura ng karahasan at political dynasty sa rehiyon.

Bilang proteksyon sa mga residente, patuloy na ipinapatupad ng pamahalaan ang state of emergency sa Maguindanao para matiyak ang kapayapaan at kaayusan sa lalawigan.

Alam ni PNoy ang mga hinaing ng mga kapamilya ng mga biktima ng Maguindanao massacre at nananatili ito sa kanyang paninindigan na pagkalooban ng proteksiyon ang mga saksi at kamag-anakan ng mga nasawi.

Katulad ng pamahalaan, magpareho ang agam-agam ng inyong lingkod na talagang tumatagal ang pagdinig sa Maguindanao massacre at umaasa tayong titingnan mabuti ito ng hudikatura para mapabilis ang pagkakaloob ng hustisya sa mga biktima.

Sa kabuuan, kailangan nating maunawaan na nasa eksklusibong kamay ng hudikatura ang pagpapabilis sa paglilitis ng kaso at hindi sa sangay ng ehekutibo o palasyo, katulad ng ipinagsisigawan ng ilang kritiko.

Sa halip na batikusin si PNoy, dapat manatili tayong matatag sa pagsuporta sa pamahalaan na mapalakas ang sistema ng hustisya sa bansa at saluduhan ang nasawing mga mamamahayag at iba pang biktima ng Maguindanao massacre.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-11-30T06:59:00.000+08:00

Nasa hudikatura!
REY MARFIL

Kapuri-puri ang personal na partisipasyon ni Pangulong Noynoy “PNoy” Aquino na labanan ang climate change, aba’y sa kabila ng kanyang abalang iskedyul, personal niyang pinangunahan ang inagurasyon ng Climate Change Academy ng Albay ng nakaraang Biyernes bilang bahagi ng kampanya kontra climate change at masamang epekto nito sa ekonomiya ng bansa.

May kapangyarihan ang akademya na sanayin ang mga lokal na pamahalan sa disaster risk management, pagtaya ng climate risk hazards at adaptive capabilities, planning, at programming.

***

Sa katunayan, todo-kayod ang pamahalaan upang pag-isahin ang halalan sa Autonomous Region in Muslim Mindanao (ARMM) sa eleksyon sa 2013 upang matigil na ang kultura ng karahasan at political dynasty sa rehiyon.

Bilang proteksyon sa mga residente, patuloy na ipinapatupad ng pamahalaan ang state of emergency sa Maguindanao para matiyak ang kapayapaan at kaayusan sa lalawigan.

Alam ni PNoy ang mga hinaing ng mga kapamilya ng mga biktima ng Maguindanao massacre at nananatili ito sa kanyang paninindigan na pagkalooban ng proteksyon ang mga saksi at kamag-anakan ng mga nasawi.

Katulad ng pamahalaan, pareho ang agam-agam ng inyong lingkod na talagang tumatagal ang pagdinig sa Maguindanao massacre at umaasa tayong titingnan mabuti ito ng hudikatura para mapabilis ang pagkakaloob ng hustisya sa mga biktima.

Sa kabuuan, kailangan nating maunawaan na nasa eksklusibong kamay ng hudikatura ang pagpapabilis sa paglilitis ng kaso at hindi sa sangay ng ehekutibo o Palasyo, katulad ng ipinagsisigawan ng ilang kritiko.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-28T06:56:00.000+08:00

Sarili ang sisihin!
REY MARFIL

May katwiran si Pangulong Noynoy “PNoy” Aquino sa pagsasabi na tanging ang korte lalung-lalo na ang sala ni Judge Jesus Mupas ng Pasay City Regional Trial Court (RTC) Branch 112 ang meron pinal na desisyon kung dapat bang isailalim sa house o hospital arrest si Pampanga Rep. Gloria Macapagal-Arroyo matapos makasuhan ng pananabotahe sa halalan.

Bagama’t hindi magiging maganda sa ngalan ng pagkakapantay-pantay at hustisya na ikulong si Mrs. Arroyo sa kanyang magarbong mansion sa La Vista, Quezon City, dapat ipaubaya ng publiko ang desisyon sa mga korte katulad ng ipinahayag ni PNoy.

Sa ngayon, tama munang dalhin ng kapulisan si Mrs. Arroyo sa isang lokal na kulungan sa Southern Police District (SPD) mula St. Luke’s Medical Center (SLMC) matapos tumestigo ang sariling doktor -- si Dr. Mario Ver, orthopedic spine surgeon ni Mrs. Arroyo, sa korte at nagsabing gumagaling na ang kongresista at maaaring gamutin bilang outpatient at magkakaroon ng ganap na kagalingan matapos ang ilang linggo.

Subukang i-flashback ang nakaraan, bago payagan ng Sandiganbayan ang house arrest ni dating President Joseph Ejercito Estrada, ito’y pansamantalang dinala sa Veterans Hospital at inilipat sa isang pasilidad ng militar sa Tanay, Rizal at kinalaunan sa kanyang rest house sa Rizal.

Sa ngayon habang wala pang desisyon ang korte, hindi tama at malinaw na pagkakaloob ng special treatment ang pananatili ni Mrs. Arroyo sa ospital. Maaaring mukhang may sakit si Mrs. Arroyo, ngunit ang hindi maganda dito, hindi naniniwala ang mga tao sa kanya na dumaranas siya ng seryosong karamdaman at nangangailangang komonsulta sa mga eskpertong medikal sa ibang bansa.

Dahil sa kanyang track record ng pag-iwas sa mga isyu, nagiging malaking problema nito ngayon ang kanyang kredibilidad. Hindi siya pinaniniwalaan at pinagkakatiwalaan ng mga tao. Ngunit, siya lamang naman ang dapat sisihin dahil sa hindi pagtupad sa kanyang mga pangako. Naaalala n’yo pa ba ang kanyang pangako sa national television na hindi tatakbo noong 2004 elections -- hindi ba’t nagsinungaling at tumakbo?

***

Sa ating naudlot na usapang APEC (Hawaii) at ASEAN (Bali, Indonesia), hindi lahat ng oras ay maaaring makukwenta sa aktuwal na halaga o numero ang mga kapakinabangang inaani ng bansa mula sa mga biyahe ng Pangulo upang dumalo sa mga diplomatikong pagpupulong.

Kung noo’y pawang pagsasang-ayon lamang sa mga ideya at payak na konseptong pangkaunlaran, sa ganitong okasyon naisasapinal at nasesemento ang mga detalyadong kasunduan.

Kagaya ngayon, napagkasunduan at pormal na napabilang ang bansa sa pandaigdigang inisyatibo sa climate change, terorismo, ekonomiya, proteksyon ng ating mga kababayan sa ibayong-dagat at mga kasunduan sa kalakalan. Meron ding impormal na pagpupulong, leveraging, negosasyon at pagpoposisyon sa interes ng ating bansa.

Sa kasalukuyan, isinusulong ng Pilipinas na makapag-upo ng isang hukom sa International Court of Justice sa ilalim ng United Nations (UN). Patunay sa pagiging epektibo ng mga okasyong ito ang pagkakapanalo natin ng isang seat sa Security Council at iba pang komite ng UN ilang taon na ang nakalipas.

Sa 19th ASEAN Summit and Related Summits naman sa Bali, Indonesia pagtutuunan ng pansin ng mga delegado ng Pilipinas sa pangunguna ni Pangulong Noy ang isyu sa kinikwestyong jurisdiction at pagmamay-ari ng mga teritoryo sa West Philippine Sea at Scarborough Shoals.

Sa isang may kaliitang bansa na nahaharap sa ganitong isyu, malaking bagay ang magkaroon ng solidong kaalyadong kapit-bahay. Bagama’t nagki-claim din ang ilang bansang kasapi sa ASEAN, hindi maipagpapalit ang mapasang-ayon ang mga ito na hanapin ang solusyon sa mahinahon at diplomatikong paraan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-25T07:08:00.001+08:00

Patas lang!
REY MARFIL

Isang malaking tagumpay sa ngalan ng hustisya ang kautusan ng Pasay City na arestuhin si dating Pangulong Gloria Macapagal-Arroyo dahil sa kasong pananabotahe sa halalan dahil napigilan itong makalabas ng bansa at maiwasan ang posibleng pagtakas.

Malinaw na tagumpay sa ngalan ng hustisya at pananagutan ang pangyayaring ito dahil ipinapakita ng pamahalaan na seryoso sa kampanya na habulin ang malalaking mga isda na sangkot sa umano’y malawakang maanomalyang transaksyon at malakihang katiwalian sa nakalipas na administrasyon.

Dapat ding purihin ang ipinapakitang parehas at makataong pagtrato ng administrasyong Aquino kay Mrs. Arroyo. Kung tutuusin, napakabait ng kasalukuyang administrasyon nang hindi tumutol sa desisyon ng kapulisan na isailalim si Mrs. Arroyo sa hospital arrest sa St. Luke’s Medical Center bago pa man ito payagan ni Judge Jesus Mupas ng Pasay City Regional Trial Court (RTC) Branch 112.

Dapat din nating bigyang pagkilala ang pagtiyak ng pamahalaan na magkaroon ng parehas at walang kinikilingang paggalang sa bawat karapatan ng dating pangulo bilang akusado na ginagarantiyahan ng Konstitusyon.

Kumpara sa nakalipas na gobyerno, naniniwala akong maghahari ang paggalang sa karapatan ni Mrs. Arroyo sa due process sa panahon ng palilitis.

Ang masamang balita lamang para sa mga Arroyo, solido ang suporta ng publiko sa hakbang ng pamahalaan na isulong ang prosekusyon at nananawagan ng kanyang conviction.

***

Anyway, nakakatuwang makita ang patuloy na tagumpay ni Pangulong Noynoy “PNoy” Aquino sa pagtanggap ng malaking paghanga at respeto ng makapangyarihang mga lider sa mundo dahil sa kanyang itinataguyod na makatotohanang reporma tungo sa matuwid na daan.

Kamakailan lang, mismong si United States President Barack Obama ang pumuri kay PNoy sa isang bahagi ng 19th Association of Southeast Nations (ASEAN) Summit sa Bali, Indonesia dahil sa malawakang reporma na ipinapatupad ng kanyang pamahalaan.

Sa pagbisita naman ni Republic of Korea President Lee Myung Bak, ipinaabot nito ang kanyang malalim na paghanga kay Pangulong Aquino dahil sa mga polisiya nitong ipinatupad para manatili ang pag-asenso ng ekonomiya sa bansa habang nagaganap ang pandaigdigang krisis.

Dahil sa paghanga ni President Obama, lalong maigting ang paniniyak ng US na magpapatuloy ang suporta ng kanilang pamahalaan sa mga repormang itinataguyod ni Pangulong Aquino sa buong bansa.

Malinaw na lubhang epektibo ang malinis na pamamahala ni Pangulong Aquino sa pagsugpo ng kahirapan na isa sa kanyang mga pangako noong nakalipas na kampanya. Binigyang puntos ni President Lee ang 7.6% paglago ng ekonomiya sa ilalim ng administrasyong Aquino na kanyang tinitingnan na “outstanding number” na labis na inaasam ng ibang mga bansa.

Pinuntuhan din ni President Lee ang malaking tagumpay ni PNoy, base sa maigting nitong pananaw at kagustuhan na maisulong ang kaunlaran sa lahat ng mga tao at magkaroon ng magandang kinabukasan.

Take note: panlima sa pinakamalaking trading partner ng Pilipinas ang Republic of Korea na merong $6.08 bilyong pamumuhunan at ikatlo sa nangungunang mamumuhunan ng nakaraang taon na umabot sa $693.1 milyon.

Dahil sa magandang lideratong ipinapakita ni PNoy, inaasahan nating lalago pa nang husto ang bilateral relations ng Pilipinas at Republic of Korea sa larangan ng negosyo matapos lagdaan ang ilang mga kasunduang mayroong kinalaman sa agrikultura at enerhiya ng dalawang bansa.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-24T07:01:00.000+08:00

May pinatunguhan!
REY MARFIL

Papaano natin masisisi si Pangulong Noynoy “PNoy” Aquino sa serye ng kanyang mga biyahe sa Estados Unidos (US) at Asya kung nagresulta ito sa paglago ng pamumuhunan ng bansa at nagsulong ng interes ng mga Filipino?

Pawang obligasyong internasyunal ang kanyang pinakahuling mga biyahe bitbit ang maliit na delegasyon, alinsunod sa programang pagtitipid ng kanyang pamahalaan.

Kabilang dito ang pagtungo sa Hawaii kung saan dumalo si PNoy sa 19th Asia Pacific Economic Cooperation (APEC) Leaders’ Meeting at ASEAN Summit sa Bali, Indonesia na naglalayong patatagin ang ekonomiya at pulitikal na kalagayan ng bansa.

Take note: imbitasyon ng iba’t ibang mga bansa ang kanyang mga paglalakbay, isang magandang indikasyon ng pagkilala ng banyagang mga lider sa maayos at magandang pamamalakad ng liderato nito para repormahin ang bansa.

Isang halimbawa ang imbitasyon ni Prime Minister Julia Eileen Gillard kay PNoy na bisitahin ang Australia sa kalagitnaan ng 2012, maging si United States President Barack Obama ipinaabot ang imbitasyon sa pamamagitan ni Secretary of State Hillary Clinton nang bumisita sa Pilipinas, pinaka-latest ang harapang imbitasyon ni Barack sa APEC summit sa Hawaii at ASEAN summit.

Malinaw ang paghanga ng makapangyarihang mga lider ng bansa kay PNoy base sa mga imbitasyon dahil sa mga magaganda at makatotohanang repormang ipinapatupad nito, kabaliktaran sa “ex-occupant” ng Malacañang kung saan halos ipagduldulan ang sarili at mag-amazing race sa paghahabol para maimbitahan, as in “invite me”.

Sa kaalaman ng publiko, napaka-importante ang mga biyahe ng sinumang Pangulo -- ito’y isang paraan upang maiparating nito sa iba’t ibang mga bansa ang matinong pagbabago na inilatag ng kanyang pamahalaan para isulong ang kagalingan ng mga Filipino at maging ang mga ipatutupad pang mga programa.

At hindi rin naman kaila sa publiko ang matinding pagtitipid ni PNoy at tanging “working staff” ang bitbit. Higit sa lahat, mabibilang sa daliri ang biyahe kada taon, kabaliktaran sa nagdaang panahon kung saan dalawang (2) foreign trip kada buwan ang average ng nakaupo sa Palasyo.

Kung walang kuwentang lider si PNoy at isang tiwali, sa tingin ba ninyo iimbitahan nina President Obama, Prime Minister Gillard at iba pang mga lider na magpunta sa kanilang mga bansa? Natural hindi ang kasagutan.

Malaking katibayan ang mga imbitasyon na nasa tamang landas ang bansa sa ilalim ng pamumuno ni PNoy at ipinapakita rin ng mga pagbatikos sa biyahe ng Pangulo na walang maibatong isyu ng katiwalian ang mga kalaban o kritikong hindi matanggap ang resulta ng 2010 presidential election.

***

Napag-usapan ang foreign trip, bilib ang international community sa nakamit ni PNoy sa usapin ng pagkakaroon ng sapat na suplay ng bigas sa unang tatlong (3) buwan ng taong 2011 nang hindi mangangailangan ng pag-aangkat ng bigas.

Sa katunayan, iprinisinta ni PNoy ang magandang balita sa isang diskusyon kasama ang chief executive officers (CEO) ng malalaking mga kompanya sa ika-19th APEC Leaders’ Meeting sa Hawaii kamakailan -- ito’y resulta ng pro-farmers campaign ng pamahalaan para makamit ang sapat na suplay ng bigas, bagay na hindi nagawa ng dating administrasyon dahil ginawang pambansang polisiya ang pag-aangkat ng bigas.

Ibig sabihin, makatwirang papurihan ang administrasyong Aquino sa pagkakaloob ng mga binhi, kailangang inputs, pagtulong sa marketing campaign sa mga magsasaka at pagtataguyod ng pagtatanim bilang mura at kapaki-pakinabang na paraan kumpara sa pag-aangkat ng bigas.

Sa ganitong polisiya ni PNoy, matitiyak natin na hindi na mangyayari muli ang nasayang at nabubulok na tone-toneladang bigas sa ilalim ng dating administrasyon.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-21T07:04:00.001+08:00

Sa kauna-unahang pagkakataon, inilabas ng mga kritiko ang linyang benggatibo si Pangulong Benigno ‘PNoy’ Aquino III at ginagantihan ang dating inaakusahang “kapit-tuko” sa palasyo. Hindi Marcos ang middlename ng mga Arroyo. Lalong hindi Marcos si Mrs. Arroyo.

Walang motibo si PNoy na paghigantihan ang mga dating namayagpag sa palasyo.

Kung gumaganti man ang kasalukuyang administrasyon, tanging para sa mamamayang Filipino ang maaaring motibasyon sa posisyon ng Pangulo na pursigihin sa tamang proseso’t paraan ang mga taong minsa’y pinaglaanan ng tiwala ng bayan ngunit siya namang nagkait sa mga ito ng matuwid na pamamahala at marangal na buhay.

Hindi natin papakialaman ang mga bagay na legal at nararapat lamang pagdebatehan ng mga eksperto sa batas at hukuman. Ang malinaw sa publiko, sila mismo ang gumawa ng kapahirapang nangyari sa kanila -- ito ang namutawi kay MIAA Chief Angel Honrado.

Ang naka-fax na request, ito’y hindi gawa-gawa lang. Ang pirmadong hiling, ito’y hindi nagmula sa Malacañang. Noong Martes, saktong 7:19 ng gabi ang request ng mga Arroyo na gamitin ang ramp ng NAIA kasama ang mga pasilidad na nauukol lamang sa mga dignitaryo at VIPs, ito’y natanggap ng MIAA public affairs office at agad na naaprubahan. Katunayan nito, isang liaison ng mga Arroyo ang personal na nag-ayos upang hindi sila mahirapang dumaan sa proseso.

Sa planong inilatag ng pamunuan ng MIAA, papasok ang mag-asawang Arroyo sa ramp gate kung saan may lagusan diretso sa isang lounge para sa mga VIP. Dito, kumportable silang maghihintay habang pinuproseso ang kanilang mga dokumento sa pag-alis ng bansa.

Ngunit dahil nga ang nakatagong misyon ay ang kumalap ng habag, pinili o pinilit nilang sa passenger entrance dumaan. Doon, libre ang publisidad. Sabayan pa ng linyang, “maawa naman kayo”, hindi ba’ “Ayos talaga ang buto-buto”?

***

Napag-usapan ang biyahe, pabagu-bago ang travel plan, pabagu-bago ang pupuntahan. Limang bansa ang nakaiskedyul sa loob ng iilang linggo. Sa isipan ng taumbayan, kakayanin kaya ng merong dinaramdam na katawan? Ang totoong may sakit, ito’y namamahinga at nagpapagamot, hindi lamang nagpapaospital at “tuma-timing” na makasakay ng eroplano!

Hindi lang pabagu-bagong travel plan. Pati ang totoong kondisyon, ito’y pabagu-bago rin. Kapag ganito ang humihiling ng permisong umalis, inyo bang papayagan? Take note: “binomba” ang publiko ng paulit-ulit na mga katagang ‘di mahagip ng ating kamalayan.

Mula “spondylosis” hanggang “cervical arthritis”. Mula. “bone mineral disorder” hanggang.

“hypoparathyroidism”. Mula “bone degeneration”, ang pinakabago’y “glandular disease”. Ano ba talaga, Ma’am?

Pinalululon sa atin ang mga termino ng mga dalubhasa’t aral sa siyensya’t medisina upang hindi natin maintindihan ang totoong kalagayan at ibaling ng masa ang atensyon sa nais ng kanilang kampong pagtuunan, walang ibang misyon kundi sila’y kahabagan na hindi ipinaramdam sa sambayan sa nagdaang 9-taon habang naghahari sa Malacañang.

Puwede ba talagang mangyari ito sa gitna ng ginawa nilang walang habas na pagpapahirap sa bayan at mga kaaway ng kanilang pamumuno?

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Ayos na ang buto-buto!
REY MARFIL

2011-11-18T07:22:00.000+08:00

Teleserye!
REY MARFIL

Mala-soap opera ang mga pangyayari ng lumipas na mga araw -- kumpleto ang elemento, as in alta-sociedad ang bida, may pansamantalang tagumpay, may trahedya, may pagkalugmok sa masaklap na kinasapitan.

Kung hindi mag-iisip, siguradong tutulo ang luha. Kung hindi magmamatyag, pihadong madudurog ang puso. Lahat ay dramang idinerehe ng mga “spin doctors” ng dating “kapit-tuko” sa Malacañang.

Suriin ang mga eksena -- dalawang (2) linggo bago ang nasabing media blitz, trabahong kalabaw na umikot ang mga handlers ng mga ito sa lahat ng istasyon, mapa-radyo at telebisyon, as in “Operation Mercy” ang arrive. Ang target, umani ng habag sa publiko sa sinapit na kalagayan ng dating pangulo.

Bago pa maisampa sa Kataas-taasang Hukuman ang petisyong pigilan ang implementasyon ng Circular No. 41 na nagbibigay ng kapangyarihan sa kalihim ng DOJ na maglagay ng mga taong nasasakdal o masasakdal sa batas sa immigration Watchlist Order, naglabasan ang mga picture ni Mrs. Gloria Arroyo sa lahat ng media outlets -- maging print o broadcast.

Ang nakakatawa, noong una’y bawal kunan ang dating pangulo’t “bising-bisi” ang mga “Hawi boys”, mapigilan lamang ang mga cameraman na kumu-cover sa mga ito, ngayo’y halos mag-iyakan at ipagdikdikan ang mukha, maipalabas lamang ang kunwari’y kalunus-lunos na kalagayan ng kanilang amo.

Nakaraang Martes, hindi pa man lumalabas ang TRO ay nakaumang na ang “bookings” sa eroplano.

Una’y sa Clark lulan ng Tiger Airways papunta raw ng Singapore, anunsyo ng inupahang tagapagsalita. Alam naman ng mga nagmamasid na dibersyon lamang ito. ‘Yun nga at kinahapuna’y sa NAIA pala at PAL na ang sasakyan patungong bayan ni Lee Kuan Yew.

***

Napag-usapan din lang ang pagmamadali ng kampo ni Mrs. Arroyo na makalabas ng bansa, aba’y nang hindi umubra ang unang plano, hayun at lumabas na ang totoo -- Dragon Air ang eroplano at Hong Kong pala ang punta.

Ibang klase rin itong “malubha ang kalagayan”. Lamyerda at shopping ang unang nakaprograma sa adyenda.

Paiba-iba ngunit hindi na bago sa uri ng plot ng teleseryeng pang-uga ng puso.

Alam naman nilang matatag ang paninindigan ng kalihim ng katarungan. Hindi patitinag sa modus ad hominem. Alam na alam naman ng mga ito na hindi papayag ang pamahalaan na ganun-ganun na lang at hahayaang kumaripas ang matagal na nagliwaliw sa ligayang dulot ng pandarambong sa bayan.

Gayunpaman, itinuloy ang drama. Libre nga naman ang coverage, e ‘di sagarin na lang. ‘Yun nga ang nangyari. Convoy ng magagarang SUV at dahil ipinagbawal ni Pangulong Noynoy “PNoy” Aquino ang sirena sa kalsada -- ang kumumpleto sa drama ang ambulansyang “de-wangwang”. Pansinin ang mga eksena, animo’y hinintay na magsidatingan ang mga camera, sabay baba na walang kulang sa nakaplanong costume at props.

Ayos nga ang butu-buto, hindi iilang mata ang naglawa. Meron ang nangilid ang luha at tila nakalimutan ang katiwaliang ipinupukol sa pamilya. Gagawin ng pamahalaan ang lahat hindi lamang masuway ang marubdob na pagnanais ng lipunan na panagutin ang may kagagawan ng halos isang dekadang pagpapahirap sa bayan.

Bago pa natin tuluyang makalimutan, sana’y sariwa pa sa alaala ni Mrs. Arroyo, maging sa sambayanang Filipino na nagoyo sa resulta ng 2004 elections ang katotohanang -- ang inihingi nilang TRO ay ang mismong Circular na sila rin mismo ang may likha nito -- ito’y inilimbag at inisyu sa panahong si Mrs. Arroyo ang may hawak ng timon at ginamit upang ipitin ang mga kaaway o taga-oposisyon.

Ang pangyayaring ito ang buhay na patotoo sa kasabihang “kung anong itinanim, siya rin ang aanihin.”

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-16T07:02:00.000+08:00

Buhos sa edukasyon!

REY MARFIL

Lalo pang ipinakita ni Pangulong Noynoy “PNoy” Aquino ang paninindigan nitong isulong ang magandang kalidad na edukasyon, patunay ang kautusang ipalabas ang karagdagang P1.15-bilyon para pondohan ang iba’t ibang proyekto ng Department of Education (DepEd).

Malinaw na layunin ng karagdagang pondo na mapabuti ang pagkakaloob ng pangunahing serbisyo sa mga estudyanteng Filipino upang makamtan ang mithiin ng pamahalaan na magkaroon ng tinatawag na “Education for All” at maabot ang Millennium Development Goals (MDG) sa sektor ng edukasyon sa 2015.

Gagamitin ang pondo sa pagpapalakas ng non-teaching personnel at iba pang national English proficiency program, kabilang ang pagkumpuni at rehabilitasyon sa elementary at secondary school buildings sa iba’t ibang lokasyon na labis na mahalaga sa pag-aaral ng mga estudyante.

Sa kabuuang P1.15 bilyong ilalabas ng Department of Budget and Management (DBM), P500 milyon ang mapupunta sa maintenance and other operating expenses, kabilang ang pagbili sa school supplies na kailangan sa pagtuturo.

Mapupunta naman ang P483.8 milyon sa pagsasanay ng mga guro, scholarship at fellowship grants, pagpapalakas ng non-teaching personnel at iba pang human resourced development activities.

Kukunin ang ilalabas na pondo sa P1.157-bilyong badyet ng Human Resources Training and Development.

Sa kabuuang P483.8 milyon, mapupunta ang P179 milyon sa National English Proficiency Program habang P74.7 milyon ang ilalabas para sa Madrasah Education Program ng DepEd sa Autonomous Region in Muslim Mindanao.

Gagamitin naman ang P104 milyon sa pagkumpuni at rehabilitasyon ng mga gusali sa elementary at high school sa iba’t ibang lokasyon.

Ilalaan naman ang P60 milyon sa pagbili ng 52,630 upuan at 1,169 na lamesa ng mga guro at 1,169 silid-aralan o 725 para sa elementarya at 444 sa sekondarya mula sa kabuuang 1,430 kuwarto na itatayo mula sa P1-bilyong pondo ng DepEd School Building Program ngayong taon.

Mula naman sa P192-bilyong regular na badyet ng DepEd para sa 2011, P171.2 bilyon na ang nailabas ng DBM sa ahensya sapul noong Setyembre 30, 2011.

***

Anyway, binabati natin ang administrasyon sa pakikiisa nito sa paggunita ng mga Filipinong Muslim sa Eidul Adha o pista ng sakripisyo, isa sa kapita-pitagang pista ng Islamic community.

Ipinakita ni PNoy ang tahimik nitong pagrespeto sa kagawian ng mga Filipinong Muslim para palakasin ang pananampalataya sa pagsusulong ng tunay na Islam na kinabibilangan ng kapayapaan at pagkakaisa.

Ipinapaalala ng Eidul Adha sa mga Filipinong Muslim na magsakripisyo bilang pagsubok sa prinsipyo sa gitna ng mapanghamong buhay.

Ipinapakita rin ng okasyon ang aral ng katapangan at pagtanggap sa mga pagsubok bilang bahagi ng kaliwanagan ng kaisipan. Isang magandang senyales kaugnay sa pagrespeto ng mga Muslim ang ipinakitang pakikiisa ni Pangulong Aquino.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-14T06:56:00.001+08:00

Husay ng Pinoy!
REY MARFIL

Dahil sa kawalan ng katiwalian sa pamahalaan, napipilitan ang mga kritiko ni Pangulong Benigno ‘PNoy’ Aquino III na lumikha at magtagni-tagni ng walang basehang mga reklamo, as in kung sinu-sino ang inaarkilang “script writer”, makaresbak lamang sa palasyo.

Hindi natin masisisi ang kanyang mga kalaban na gumawa ng walang kuwentang mga isyu mula sa kawalan lalo’t nararamdaman nila ang init ng matuwid na daan na nakabase sa matinong pamamahala at kampanya laban sa malawakang katiwalian.

Tinutukoy natin ang walang basehang banta na magsampa ng impeachment complaint laban kay PNoy na nag-ugat sa ibinigay na P5 milyon ng pamahalaan sa Moro Islamic Liberation Front (MILF).

Katulad ng isinampang impeachment complaint ni Atty. Oliver Lozano laban kay PNoy sa pamamagitan ng registered mail dahil sa pagtanggi ng huli na mabigyan ng state honors ang paglilibing kay dating Pangulong Ferdinand Marcos, inaasahan na sa basurahan din mapupunta ang panibagong reklamo.

Nag-ugat ang walang basehang plano ng isang kongresista sa P5 milyong pondo ng MILF para lumikha ng Bangsamoro Leadership and Management Institute.

Ang kawalan ng anumang alegasyon ng katiwalian sa kasalukuyang pamahalaan ang nagbibigay ng mataas na pagtingin ng publiko kay PNoy -- ito ang rason kung bakit nagtatahi ng kuwento ang mga kritiko.

Tunay na mas maramng importanteng bagay na dapat asikasuhin ang Kongreso sa halip na ubusin ang panahon sa pagtalakay sa walang basehang isyu. Kaduda-duda rin kung makakalusot sa pamantayan ng House committee on justice ang anumang reklamo.

Sa kabila ng malawak na sakop ng pagkakanulo sa tiwala ng publiko, hindi lubos maisip ng mga kurimaw kung saan pumapasok ang isyung ito kaugnay sa pagkakaloob ng P5 milyon sa MILF. Papaano na ang isang magandang mithiin na magkaroon ng wagas na kapayapaan sa bansa ay ikokonsiderang pagkakanulo sa tiwala ng publiko?”

***

Anyway, nakakatuwa ang pagkilala ng Malacañang sa nagawa ng mga batang Filipino math wizards na tinalo ang ibang mga kalahok sa international math competition na isinagawa sa China kamakailan.

Isang magandang balita na pagmumulan ng hindi matatawarang karangalan ang tagumpay ni Farrell Eldrian Wu kasama ang anim na iba pang mag-aaral sa elementarya nang manguna sa pangunahing dibisyon ng individual contests sa 2011 World Mathematics Team Championship na isinagawa sa Beijing, China mula Nobyembre 2 hanggang 6.

Isang Grade 6 na mag-aaral si Wu mula Taguig na nanalo ng gold medal at nasa ikaunang ranggo sa pangunahing dibisyon ng individual contests.

Sa pangkalahatan, nasa ikalawang puwesto ang grupong Philippine Team 1 ni Farrel kasama ang iba pang mag-aaral -- sina Clyde Wesley Ang, Miguel Lorenzo Ildesa, Andrea Jaba, Sedrick Scott Keh at John Aries Ceazar Hingan.

Ipinapakita ng matinding kompetisyon ng paligsahan na kayang-kaya ng mga Filipino na makipagpaligsahan sa larangan ng talino.

Nakakatuwa rin ang papuri ng Malacañang sa tagumpay na nakamit ni Miss Philippines candidate Gwendoline Ruais na naging first runner-up sa katatapos na 2011 Miss World beauty pageant sa Earls Court Two sa London, United Kingdom.

Sa kanyang opisyal na Twitter account (@PresidentNoy), pinuri ni PNoy ang tagumpay ng 21-anyos na Filipino-French -- si Ruais.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-11T07:05:00.000+08:00

“Like Ramona”
REY MARFIL

Nagsalita na ang Department of Justice (DOJ) na hindi papayagan si ex-President at ngayo’y Pampanga Rep. Gloria Macapagal-Arroyo na mangibang-bansa para raw magpagamot ng kanyang sakit sa gulugod.

Hindi natin masisisi si Justice Sec. Leila de Lima na magduda sa tunay na pakay ni Mrs. Arroyo na mag-abroad dahil na rin sa mga nangyari noon at sa update sa tunay na lagay ng kanyang kalusugan.

Hindi pa rin nakakalimutan ng mga Pinoy ang sinabi noon ni Mrs. Arroyo sa Baguio na hindi siya tatakbong Pangulo sa 2004 elections pero tumakbo. Ang malupit, naging kontrobersyal ang resulta ng halalan dahil sa alegasyon ng mga dayaan.

At pagkatapos manalo, naglabasan ang mga whistleblower tungkol sa Hello Garci scandal at ginawa na nga ni Mrs. Arroyo ang pamosong anunsyo niya sa television na, “I am sorry.”

Kung tutuusin, ang pinagbatayan ng desisyon ni Sec. De Lima na pagbawalan si Arroyo na lumabas ng bansa dahil sa kinakaharap nitong mga kaso ay resolusyon na ginawa ng DOJ noong panahon mismo ni Mrs. Arroyo -- at nagamit din noon sa mga kritiko ng Arroyo government para hindi makabiyahe gaya ng ilang militanteng kongresista.

Ibig sabihin, biktima si Mrs. Arroyo ng patakaran na nabuo sa panahon ng kanyang administrasyon. Kaya tama lang na dalhin ng mga Arroyo sa korte ang usapin para malaman kung illegal o hindi ang naging desisyon ni Sec. De Lima.

***

Napag-usapan ang pagtabla ng DOJ sa request ni Mrs. Arroyo, hindi lang plunder at electoral sabotage ang isyu bagkus meron pagdududang nakikita si Sec. De Lima sa tunay na lagay ng kalusugan ng dating pangulo, maging sa mga bansang pupuntahan nito.

Makailang ulit inanunsyo ng mga inarkilang spokesman ang gumagandang kalagayan ni Mrs. Arroyo at mismong mga doktor ng dating pangulo sa Saint Luke’s Medical Center ang nagsabing bumubuti ang kalusugan nito.

At kung pagbabatayan ang mga litratong lumabas ni Mrs. Arroyo, hindi naman siya pumayat nang husto. Nagmukhang kahabag-habag lamang si Mrs. Arroyo dahil hindi siya inayusan, as in hindi sinuklay ang buhok. Sinadya kaya iyon para magmukha siyang kawawa at makakuha ng simpatiya sa publiko?

Iyon ang hindi natin alam, maliban sa mga miron sa photo op!

Nagduda rin ang DOJ dahil sa dami ng makakasama ni Mrs. Arroyo sa biyahe. Bukod pa sa dami ng bansa na balak puntahan na aabot sa tatlo (3) hanggang lima (5). At sa nabanggit na mga bansa, isa lang ang may extradition treaty ang Pilipinas -- ito’y sa Amerika na wala sa prayoridad ng kampo ni Mrs. Arroyo.

Ibig sabihin, kung magpunta si Mrs. Arroyo sa bansa na wala tayong tratado at naisin nitong magtago na roon, walang habol ang Pilipinas. Tingnan na lang natin ang nangyari sa kaso ni Ramona Bautista na idinadawit sa pagpatay sa kapatid niyang si Ramgen Revilla, as in tali ang kamay ng pamahalaan na ibalik si Ramona sa bansa dahil walang extradition treaty ang Pilipinas sa Turkey na bansang kinaroroonan daw ni Ramona.

Dagdag pa sa pagdududa na nagsimulang lumakas ang suwestiyon na mag-abroad si Mrs. Arroyo mula nang ianunsyo ni Pangulong Noynoy “PNoy” Aquino na sisimulan ng pamahalaan ang pagsasampa ng kaso ngayong Nobyembre.

Kung tutuusin, suwerte pa rin si Mrs. Arroyo, aba’y handa naman si PNoy na gastusan ng pamahalaan ang pagbiyahe ng mga dayuhang doktor na mapipili at dadalhin sa Pilipinas para dito siya magamot.

Dapat balanse ang lahat, as in kailangan ding pangalagaan ni PNoy ang tungkulin niya sa bansa na papanagutin ang mga nagkasala sa bayan -- dahil ‘yan ay ipinangako niya sa mga mamamayan.

At kay Mrs. Arroyo, ito’y pinayuhan ni Delfin Pasaway na habang hinihintay ang magiging desisyon ng korte, mabuting basahin muna niya ang pambatang kuwento na may titulong, “The Boy Who Cried Wolf”.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-09T06:59:00.000+08:00

Buti na lang!
REY MARFIL

Malinaw ang kahanga-hangang determinasyon ng administrasyong Aquino na pulbusin ang masasamang mga elemento sa Mindanao sa pamamagitan ng all-out justice policy sa kabila ng pagbasura sa all-out war na nag-ugat sa karahasang inihasik ng ilang pasaway na mga elemento ng Moro Islamic Liberation Front (MILF) na nagresulta sa kamatayan ng mga sundalo at pulis.

Tama si Pangulong Noynoy “PNoy” Aquino sa paninindigan nitong hulihin ang masasamang mga elemento sa Mindanao at nagbabalang mananagot sa hustisya ang sinumang magkakanlong sa mga ito.

Ipinapakita ng pamahalaan ang determinasyon na hulihin ang masasamang mga elemento, ngunit hindi bilang MILF. Dapat nating ilagay sa ating isipan na mangyayari lamang ang wagas na kapayapaan sa pamamagitan ng pag-uusap at hindi ng digmaan.

Sa ganitong bagay, importante sa magkabilang panig na magpatuloy ang pormal at hindi pormal na pag-uusap at laging maging bukas ang linya ng mga ito sa isa’t isa.

Makatwiran ang pag-obliga ng pamahalaan sa MILF na makiisa o hayaan na lamang ang kinauukulan na gawin ang kanilang trabaho na arestuhin ang masasamang mga elemento ng rebeldeng grupo.

Dapat ding papurihan ang administrasyong Aquino matapos tiyakin na hindi papayag na makialam ang banyagang mga bansa sa isinusulong na usapang pangkapayapaan sa MILF matapos ang balitang posibleng manghimasok ang Malaysia.

***

Napag-usapan ang all-out justice, hindi na tayo magmamagaling sa tunay na detalye ng engkuwentro dahil wala naman tayo roon. May bersyon ang mga sundalo, at may bersyon din ang MILF.

Ang malinaw dito, may naganap na bakbakan at may namatay, sa kabila ng umiiral na ceasefire dahil sa isinusulong na peace talks sa magkabilang panig.

Ngayon, may mga urot at mainit ang pamato na nag-uudyok sa gobyerno na itigil na ang peace talks at giyerahin na ang MILF… in short -- all-out war daw. Pero silang nang-uurot ng all-out war -- ito’y wala sa Mindanao at milya-milya ang layo sa pinangyayarihan ng bakbakan.

Silang mga nang-uurot na hindi naman pinagpapawisan ang kilikili dahil laging naka-aircon sa bahay, kotse at opisina. Mga hindi napuputukan ang paa dahil sementado ang bahay, ang kalsadang dinadaanan ng kotseng magara at pati na ang kanilang opisina ulit.

At habang nag-uurot ang mga urot, ang mga sundalo natin at mga mandirigma ng MILF ang gusto nilang magpang-abot ulit. Gusto ng mga urot na dumanak uli ang dugo at luha ng mga mauulila.

Bukod pa ang mga sibilyan na madadamay at mapipilitang umalis ng kanilang bahay para hindi tamaan ng mga bala na may pasabi na, “to whom it may hit.”

Madaling mang-urot ng gulo pero mahirap mamagitan para mapagbati ang mga nag-aaway. Ilang dekada na ang giyera sa Mindanao pero magulo pa rin, kaya dapat na suportahan lang ang posisyon ng Pangulo na ituloy ang usapang pangkapayapaan habang naghahanap ng hustiya sa mga biktima ng karahasan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-07T07:03:00.000+08:00

Tamang proteksyon!
REY MARFIL

Dapat suportahan ang desisyon ng administrasyon na ipagbawal ang mga Filipino na magtrabaho sa 41-bansa dahil sa kabiguan ng mga ito na maging kaaya-aya ang kanilang mga nasyon para sa interes ng banyagang mga manggagawa.

Sa kabila ng deployment ban na ipinalabas ng Philippine Overseas Employment Administration (POEA), nakapaloob sa Amended Migrant Workers and Overseas Filipinos Act of 1995 na dapat payagan naman ng pamahalaan ang pagpapadala ng OFWs sa mga kompanyang merong international operation na sumusunod sa pandaigdigang pamantayan na itinataguyod ng POEA sa pangangalaga ng mga manggagawa.

Dapat nating balansehin ang pagkakaloob ng seguridad at kabuhayan sa ating OFWs dahil hindi natin sila ipinapadala sa isang bansa para gahasain, saktan o abusuhin ng kanilang mga amo. Ipinapakita dito ang matinding pagmamalasakit ni Pangulong Noynoy “PNoy” Aquino sa kagalingan at interes ng overseas Filipino workers (OFWs).

Dapat tingnan ang pagbabawal bilang oportunidad sa 41-bansa na amyendahan nila ang kanilang batas sa paggawa para protektahan ang interes ng banyagang mga manggagawa, lalung-lalo na ang OFWs.

Mismong Department of Labor and Employment (DOLE) ang nagsabing 200 OFWs lamang ang maaapektuhan ng pagbabawal at tutulungan ng mga programa ng pamahalaan ang mga boluntaryong uuwi na lamang ng bansa. Higit sa lahat, hindi paboritong puntahan o destinasyon ng manggagawang mga Filipino ang 41 bansa.

Sa kasalukuyan, merong pagbabawal ang Pilipinas sa pagpapadala ng OFWs sa mga bansang Somalia, Syria, Nigeria, Lebanon at bahagyang pagbabawal sa Iraq at Afghanistan. Dapat nating tandaan na higit na mas mahalaga ang pagpapanatili ng buhay ng mga tao na siyang pangunahing obligasyon ng pamahalaan sa ilalim ng Konstitusyon.

***

Napag-usapan ang aksyon at proteksyong ipinagkakaloob ng gobyerno, kapuri-puri ang pagsuporta ng administrasyong Aquino sa paninindigan ng United Nations Educational, Scientific and Cultural Organization’s (UNESCO) kaugnay sa promosyon ng kalayaan sa pamamahayag.

Indikasyon ng malaking pagmamahal at malasakit ng pamahalaan ang pahayag ng suporta ni Communications Sec. Herminio Coloma, Jr. sa opening ceremonies sa pulong ng CI (Communication and Information) Commission -- isinagawa ang 36th UNESCO Conference sa Paris, France ng nakaraang linggo.

Ipinakita rito na nakahanda ang pamahalaan na protektahan ang mga tao, partikular ang mga mamamahayag sa paggampan ng kanilang tungkulin. Tama ang pamahalaan sa posisyon na palakasin ang promosyon ng kalayaan sa pamamahayag at impormasyon na bahagi ng tinatawag na Social Contract ng gobyerno sa mga Filipino sa ilalim ng liderato ni PNoy.

Ipinapaliwanag din ng suporta ang paninindigan ng pamahalaan na isulong ang pagsasabatas ng Witness Protection, Security and Benefit Act na naglalayong palakasin ang karapatan ng mga nagbubunyag ng katiwalian sa pamahalaan.

Inaasahang lilikha ang pahayag ng suporta ni Coloma kaugnay sa paggamit ng pamahalaan sa UNESCO-inspired communication for development (C4D) framework ng aktibong partisipasyon ng mamamayan sa gawain ng gobyerno.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-04T06:59:00.001+08:00

Common sense!
REY MARFIL

Malinaw ang pagsuporta ni World Bank Group President Robert Zoellick sa Pantawid Pamilyang Pilipino Program (4Ps) o Conditional Cash Transfer (CCT) program ng administrasyon -- isang patunay na epektibo at matagumpay ang kampanya ng gobyerno sa pagtulong sa mga mahihirap.

Dahil sa “daang matuwid” ni Pangulong Noynoy “PNoy” Aquino, meron inilaang $100-milyong pasilidad ang World Bank sakaling mangailangan ng pondo ang gobyerno para sa programang CCT na kinukuwestyon ng mga kritiko subalit wala namang mailatag na solusyon upang tapyasan ang bilang ng mga nagugutom.

Isang napakagandang bagay ang pagsuporta ni Zoellick sa kampanya ng administrasyong Aquino laban sa katiwalian. Kailangan natin ngayon na suportahan ang anti-poverty at anti-corruption campaign ng pamahalaan upang maramdaman ang kaunlaran maging sa ilang mga lugar sa bansa.

***

Kapuri-puri rin ang pagtiyak ni PNoy sa malakas na bilateral relations ng Pilipinas at Vietnam sa kabila ng kontra-alyansa ng superpowers noong Cold War, as in pinalalim sa pagbisita ni President Truong Tan Sang ng Socialist Republic of Vietnam ang pagkakaibigan, ekonomiya, negosyo at bilateral relations ng dalawang (2) bansa.

Positibong bagay ang presensya sa Pilipinas ni President Sang sa gitna ng tensyon sa West Philippine Sea dahil sa pinag-aagawang mga isla. Higit na kailangan ngayon ng bansa ang malakas na samahang pulitikal, ekonomikal at seguridad para sa kapayapaan at kaunlaran -- ito’y pagmumulan ng matinding kasiyahan sa pagsusulong natin ng kaunlaran at mga hamon sa iba’t ibang nasyon.

Dahil sa magandang pangyayaring ito, umaasa tayong matatamasa ng mga bansang kasapi ng ASEAN ang kapayapaan, kaunlaran at kooperasyon.

Manatili sana tayong nakatindig para sa pagsusulong ng magandang kinabukasan ng mga nasyon sa Asya.

Sa pagbisita ni President Sang, lumagda ang Pilipinas at Vietnam sa bilateral agreements na naglalayong palakasin ang kooperasyon sa karagatan, coast guard at turismo at maging ang kasunduan sa bilateral projects na ipatutupad sa 2016.

***

Napag-usapan ang biyahe, hindi masisisi ang Malacañang kung pagdudahan ang tunay na motibo sa planong pagpapagamot ni dating Pangulong Gloria Macapagal-Arroyo dahil sa sandamakmak na destinasyong nais puntahan, katulad ng Singapore, Spain, Germany, Italy at US.

‘Ika nga ng mga kurimaw, “sentido kumon” lamang ang kailangan para malaman na nakakapagod kahit sa isang taong malusog ang bumiyahe sa iba’t ibang bansa sa loob lamang ng maikling panahon.

Mas lalo na kung isang maysakit ang bibiyahe, maliban kung sadyang walang “common sense” ang mga “taga-tahol” nito?

Hindi rin masisisi ang mga anti-Gloria na ilutang ang senaryong tatakas ang dating pangulo lalo pa’t kaliwa’t kanan ang mga iskandalong nagsisingawan. Alangang magpikit-mata na lamang ang mga dating nasagasaan o kaya’y magbulag-bulagan sa kanyang pananagutan?

Dapat lamang balansehin ng pamahalaan ang kanyang karapatan na makapagpagamot sa ibang bansa para maisalba ang kanyang buhay at ang obligasyon nito sa batas na harapin ang mga imbestigasyon at prosekusyon.

Ang suggestion ni “Boy G”, bakit hindi na lamang papuntahin sa Pilipinas ang mga doktor na gusto nitong sumuri sa kanyang kalusugan?

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-02T07:04:00.000+08:00

Mahalaga ang mga bata!
REY MARFIL

Makatwirang suportahan ang panawagan ni Pangulong Noynoy “PNoy” Aquino sa mga kabataang Filipino na magkaisa, tumulong sa pagsusulong ng matinong pamamahala at magpakita ng sinseridad bilang epektibong sandata para magtagumpay kontra kahirapan.

Dahil sa kanilang potensyal sa pagbuo ng bansa, tama lamang na tugunan ng mga kabataan na kumakatawan sa 30% ng populasyon ng bansa ang hamon ni PNoy na mabuhay sa mga katangiang nabanggit na likas naman sa mga Filipino kesa gamitin ang pagiging malikhain sa paggawa ng kabulastugan o makakasira sa buhay.

Kailangan ang kooperasyon para makamit ang tuluy-tuloy na progreso at malaki ang magiging kontribusyon dito ng mga kabataan. Ibig sabihin dapat tayong makilahok sa magandang ginagawa ng gobyerno sa pamamagitan ng iba’t ibang social projects na nagpapalakas hindi lamang sa mga kabataan kundi maging sa ilang mga kasapi ng lipunan.

***

Napag-usapan ang mga kabataan, hindi ba’t nakakabilib ang pagpapahalaga ni PNoy sa promosyon ng interes at karapatan ng mga bata, patunay ang pangunguna ng Pangulo sa paggawad ngayong taon ng Child Friendly Municipalities and Cities.

Sa kaalaman ng publiko, tumanggap ang limang (5) nanalo ng Presidential Trophy at tig-P300,000 cash prize -- kinabibilangan ng mga munisipalidad ng Villaverde, Nueva Vizcaya; Mariveles, Bataan; Vigan City, Ilocos Sur; Santiago City, Isabela; at Mandaluyong City, isang patunay na ginagawa ng administrasyong Aquino ang lahat ng paraan upang protektahan ang buhay at karapatan ng mga bata na siyang kinabukasan ng bansa.

Kabilang sa tulong ng pamahalaan sa mga bata ang kampanya laban sa kahirapan katulad ng Pantawid Pamilyang Pilipino Program (4Ps) at pambansang programa sa kalusugan sa pamamagitan ng PhilHealth na nakakatanggap ng mas malaking pondo para maparami ang mga benepisyunaryo.

Nakaraang Setyembre, tinatayang 2.23 milyong pamilyang Filipino ang nakinabang na sa 4Ps habang 5.2 milyong pamilya naman sa serbisyong kalusugan. At pangunahing prayoridad ni PNoy ang edukasyon na pinatingkad ng Counter-Parting for Classroom Construction Program na gagawa ng 1,300 silid-aralan sa buong bansa.

Hindi lang ‘yan, lumahok din ang Pangulo sa UNICEF Philippines at Department of Social Welfare and Development para sa paglulunsad ng libro tungkol sa mga batang lansangan ng nakaraang linggo.

Tinatalakay ng librong A Journey with Children: Living and Working on the Streets of the Philippines ang mga kuwento ng 45-batang kalye, kalakip ang mga larawang kuha ni UNICEF photographer Giacomo Pirozzi.

Ipinakita ng libro ang kalagayan ng mga batang lansangan at ang pag-asang maaayos ang kanilang kalagayan na siyang pinagsusumikapang isulong ng administrasyon.

At nanawagan si PNoy sa pribadong mga kumpanya na ipagpatuloy ang pagsuporta sa mga programa ng pamahalaan upang protektahan ang mga bata.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-11-02T07:03:00.000+08:00

Si Miriam ang nagsabi niyan!

REY MARFIL

Suportado ng mga kongresistang Muslim ang posisyon ni Pangulong Noynoy “PNoy” Aquino na ipagpatuloy ang peace talks sa pagitan ng Moro Islamic Liberation Front (MILF), kalakip ang “all-out justice campaign” sa halip na all-out war ang ipatupad laban sa masasamang elementong namumugad sa kabundukan ng Zamboanga Sibugay at Al-Barka, Basilan.

Sa pangunguna ni Basilan Rep. Jim Hataman at Confederation of Provincial Governors, City Mayors and Municipal Mayors League Presidents of Mindanao (CONFED MINDANAO) na pinamumunuan ni Davao del Norte Gov. Rodolfo del Rosario, umayon sa ideneklarang “all-out justice” ni PNoy ang grupo sa halip na pumasok sa isang magastos at mapinsalang digmaan. Pansinin: tanging taga-Luzon at residenteng hindi nakakaranas ng giyera at kaguluhan ang “mainit” sa all-out war!

Hindi lang tama bagkus matalino at makatwirang posisyon ang naging tugon ni PNoy sa serye ng mga atake laban sa masasamang elemento o ilang pasaway na kasapi ng Moro Islamic Liberation Front (MILF).

Ang panawagan para sa hustisya ang nararapat na gawin bilang pagkilala sa karangalan ng mga nasawing sundalo na matapang na idenepensa ang bansa kapalit ng kanilang buhay.

‘Pag babaliktarin ang anggulo, malinaw ang mensahe ni PNoy na habulin, parusahan at papanagutin ang mga nasa likod ng pag-atake at ipagkaloob sa mga biktima ang hustisya.

Bagama’t ayaw aminin ng mga kritiko, ilalagay ng “all-out war” sa alanganin ang usapang pangkapayapaan at hindi rin mareresolba ang ugat ng ilang dekadang rebelyon ng mga Moro at inaasahang lalaki ang pinsala sa buhay at ari-arian ng lahat ng grupong masasangkot sa digmaan.

Hindi ba’t libu-libong pamilya ang napilitang lumikas nang abandonahin ang kanilang mga tahanan para magtago sa ligtas na lugar nang ilunsad ng isang dating administrasyon ang all-out war policy?

Maaaring nagresulta ang all-out war policy laban sa rebeldeng mga Moro sa pagkakabawi ng iba’t ibang mga kampo, ngunit wala naman itong naitulong para maresolba ang ugat ng kanilang pakikibaka.

Ibig sabihin, hindi lunas sa insureksiyon ang digmaan. Sa halip, pinalalakas nito ang kanilang armadong pakikipaglaban. Bukod dito, malaki ang magiging pinsala ng digmaan sa buhay at kapaligiran kung saan inaasahang libu-libo na naman ang refugees at grabeng mapipinsala ang kagubatan dahil sa bakbakan.

Ang kailangan natin ngayo’y pamahalaang magsusulong ng hustisya para sa mga nabiktima ng karahasan, hindi para magpasulsol sa init ng ulo ng iilan. Kahit itanong n’yo pa kina birthday boy Vic Somintac (dzEC) at Willard “Mr. Ambassador” Cheng (ABS-CBN)!

***

Napag-usapan ang matibay na posisyon ni PNoy, mismong si Senadora Miriam Defensor-Santiago, tinaguriang “Kampeon ng Konstitusyon” -- ito’y hanga sa paninindigan ng Pangulo at hindi kailanma’y pinagdudahan ang kagalingan sa pagdi-desisyon, katulad sa usapin ng Charter Change (ChaCha).

Sa programang Krusada ni Henry Omaga-Diaz sa ABS-CBN, pagkatapos ng Bandila noong nakaraang Oktubre 21, malinaw ang mga binitawang salita ni Santiago kung anong klaseng lider si PNoy. Narito ang kumpletong transcript sa naging panayam.

Issue: Charter Change

Henry O. Diaz: Hindi naman naniniwala si Sen. Santiago na may agenda si PNoy pagdating sa ating Saligang Batas.

Sen. Miriam Santiago: 1987 pa lang ‘yung Konstitusyon na ‘yun at gusto na nating palitan. We haven’t even fully implemented some of its provisions. At sa tingin ko, ‘di ‘yan papalitan ni Presidente Noynoy dahil sa pagmamahal sa ina niya.

Eh identified ‘yan sa isip niya kay Mommy niya. Pinaghirapan ‘yan ng nanay niya eh. Ngayon papalitan ‘yan ng maski kanino at hindi naman maliwanag ang rason.

Henry O. Diaz: Kung meron mang pinagdududahan ang senadora, ‘yun ang mga nakapaligid sa Pangulo.

Sen. Miriam Santiago: ‘Yun ang problema ng mga galamay ng maski sinong Presidente. Kasi akala nila Presidente rin sila. Isa lang ang nahalal, ang daming nangangarap kung anong gagawin nila, sa buong bansa pa? Hindi sila nakontento sa na-assign sa kanilang jurisdiction.

Akala nila mga “junior presidents” na rin sila. Maaari nga ganu’n ang isipan ng ibang kasamahan. Pero si Presidente Aquino, sa pagkaalam ko sa kanya nu’ng magkasama pa kami sa Senado, ay hindi mo siguro basta-basta mabulungan ‘yan. Ayaw niya ng bulong brigade eh. May sarili siya, he has a mind of his own.

Take note: si Senator Miriam ang nagsabi niyan, hindi ang sinumang malapit kay PNoy, siguro naman walang kritiko at grupong hindi makapag-move on sa resulta ng 2010 national election ang mag-aalburoto sa blog at Facebook!

Laging tandaan: “Bata n’yo ‘ko at Ako ang Spy n’yo”. (mgakurimaw.blogspot.com)

2011-10-28T07:01:00.001+08:00

May row four pa rin!
REY MARFIL

Sa 3rd survey ng Social Weather Stations (SWS), ipinapakitang mas marami ngayon ang nakakakita at nakakaintindi sa ginagawang reporma ni Pangulong Benigno ‘PNoy’ Aquino III, maliban kung sadyang mutain o kaya’y “row four”, malapit sa basurahan ang mga kritiko nito.

Lumabas sa survey ang malaking pagtaas sa public satisfaction rating ng administrasyong Aquino -- ito’y napakalayo sa nagdaang survey kahit pa ikumpara sa mga naunang naupo sa puwesto.

Take note: Nakakuha ang administrasyong Aquino ng positibong 56% net satisfaction rating mula sa hanay ng 1,200 respondents na tinanong ng SWS mula Setyembre 4 hanggang 7.

Nakakuha ang pamahalaan ng 11 points na pagtaas kumpara sa nakalipas na yugto na umabot lamang ng positibong 45% at isinalarawan ng SWS ang +56-net satisfaction rating na “very good” -- ito’y panibagong magandang balita sa pamahalaan at pagkilala sa magandang ginagawa ng administrasyon na sinusugpo ang kahirapan at katiwalian.

Kung manatili tayong nakatayo at nagkakaisa na suportahan ang magandang ginagawa ng pamahalaan at imintina ang paglahok sa mga programa tungo sa kaunlaran, hindi malayong maihanay ang Pilipinas sa mga kalapit-bansang tinitingala, katulad ng Singapore.

Ipinapakita rin ng survey na nanatiling pinakamataas ang kasalukuyang net satisfaction rating ng pamahaalan kumpara sa nakalipas na mga administrasyon sapul nang simulan ng SWS ang survey noong Pebrero 1989.

Malinaw na mahihimok ng magandang resulta ang pamahalaan na lalo pang pagbutihin ang kanilang trabaho para maisulong sa buong bansa ang inaasam na kaunlaran.

***

Napag-usapan ang reporma at pagbabago, masuwerte ang sambayanang Filipino sa pagkakaroon ng katulad ni PNoy -- isang lider na merong malakas at hayagang posisyon na isulong ang ‘Pantawid Pamilyang Pilipino Program’ o 4Ps sa kabila ng samu’t saring pag-iingay ng mga “neverheard senatoriables” bilang preparasyon sa 2013 elections.

Makatwirang suportahan ng publiko, sampu ng miyembro ng Dalawang Kapulungan ng Kongreso ang programa -- ito ang pangunahing kapital ng bansa upang matulungan ang mga mahihirap at tanging pagpapatuloy sa programa ang solusyon para bawasan ang kahirapan sa Pilipinas.

Sa hindi pa rin makaintindi sa programa, sa pangunguna ng mga nagbabalak tumakbong senador sa 2013 elections -- isang paraan sa pagsugpo ng kahirapan ang 4Ps at nagsusulong ng kaunlaran sa pamamagitan ng pagbibigay ng conditional cash grants sa labis na mahihirap at pagpapabuti ng kanilang kalusugan, nutrisyon, edukasyon, partikular sa mga bagong panganak hanggang 14-anyos.

Ibig sabihin, inisyal na sagot sa pangngailangan ng mga mahihirap ang “Pantawid program” -- ito ang magsisiguro sa magandang kinabukasan ng maraming mga Filipino, maliban kung gusto ng mga kritiko ni PNoy na sila lamang ang kumakain ng tatlong beses kada araw?

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-10-27T06:58:00.000+08:00

Sumakto ang mga mahistrado!
REY MARFIL

Sa gitna ng karahasang naganap sa Mindanao, ‘good news’ ang desisyon ng Korte Suprema, pabor sa pagpapaliban ng eleksyon sa Autonomous Region in Muslim Mindanao (ARMM) at pagtatalaga ng mga opisyal na pansamantalang mangangasiwa rito -- isang panimula para wakasan ang katiwalian at kahirapang nag-uudyok ng kaliwa’t kanang kaguluhan at terorismo sa rehiyon.

Sa desisyon ng mga mahistrado na magbibigay ng kapangyarihan kay Pangulong Noynoy ‘PNoy’ Aquino na magtalaga ng bagong mga opisyal sa ARMM, sa pamamagitan ng 8-7 votes -- ito’y magreresulta ng epektibong reporma sa rehiyon at maiiwasan ang karasahan, katulad ng nangyayari sa ilang bahagi ng Mindanao.

Nakakatiyak ng bagong pag-asa para sa mga kababayan natin sa ARMM ang deklarasyong legal ang Republic Act (RA) No. 10153 o batas na nagsuspinde sa halalan sa ARMM, as in isasabay sa 2013 mid-term election sa halip Augusto 8 ngayong taon.

Napakalaking bagay sa isinusulong na reporma ni PNoy ang pagpapaliban sa ARMM elections dahil tiyak na mahusay at matinong lider ang itatalaga, sinuman ang mapili nito. Ipinapakita sa desisyon ng mga mahistrado na kumapit sa hudikatura ang repormang ipinaglalaban ni PNoy at positibong impluwensiya ng administrasyong Aquino sa Supreme Court (SC), partikular ang ‘Daang Matuwid’.

Higit sa lahat, makikita rin ito bilang suporta ng hudikatura sa reporma ni PNoy sa kabila ng bangayang namagitan sa mga spokesman nito. Sa dulo nito, umaasa ang publiko na magiging mas maganda ang relasyon ng Korte Suprema at Palasyo na magpapatatag din sa pamamahala sa ARMM.

***

Napag-usapan ang good news, dapat suportahan ng publiko ang paninindigan ni PNoy na ibasura ang alok na muling bilhin ng gobyerno ang Petron Bataan refinery lalo pa’t hindi mapaglilingkuran ang interes ng nakakarami dahil higit na mas mura ang umangkat ng mga produktong petrolyo katulad ng ginagawa ng maliliit na mga kompanya sa halip na imintina ang mahal na operasyon ng processing plant.

Ibig sabihin, mas makakaperwisyo sa halip na makatulong ang muling paghawak sa refinery at hindi mabibigyan ng solusyon ang patuloy na pagtaas sa presyo ng mga produktong petrolyo sa bansa.

At hindi maiwasan ang senaryong plano ng Petron na mang-angkat na lamang ng mga produktong petrolyo sa halip na isailalim sa proseso ang krudo sa mahal nilang refinery. Ganito ba ang corporate responsibility na nais ipakita ng Petron sa publiko? Nakakagalit at dapat kondenahin ito.

Makatwirang manatili rin ang gobyerno bilang tagabantay sa halip na magpatakbo ng refinery alang-alang sa interes ng publiko. Naniniwala ang inyong lingkod na magreresulta ang muling pagbili sa Petron sa karagdagang pasanin ng publiko. Ika ng mga kurimaw: kung kumikita ang negosyo, ito ba’y ibebenta mo, maliban kung nabubutas ang iyong bulsa sa kaaabono?

Aminin o hindi ng mga top executives ng Petron, malinaw ang katotohanang hindi na masaya ang kanilang kumpanya sa kasalukuyang sitwasyon kaya’t nais nitong dispatsahin ang Bataan refinery.

Dapat maging sensitibo ang pamunuan ng Petron sa sentimiyento ng mga tao at hindi dapat na ipasa sa publiko ang bigat na mistulang kanilang dinadala ngayon.

Laging tandaan: “Bata n’yo ko at Ako ang Spy nyo”. (mgakurimaw.blogspot.com)

2011-10-24T06:58:00.001+08:00

Damay ang makialam!
REY MARFIL

Tama si Pangulong Noynoy “PNoy” Aquino na ibasura ang pagsusulsol na maglunsad ng todong digmaan o all-out war laban sa Moro Islamic Liberation Front (MILF) subalit hindi nangangahulugang palulusutin ng gobyerno ang ginawang kabuktutan ng grupong responsable sa pagkamatay ng labing-siyam (19) na sundalo sa Al-Barka, Basilan.

Makaraang makaharap ang pamilya ng mga sundalong minasaker sa Basilan noong Biyernes ng gabi sa Libingan ng mga Bayani, Fort Bonifacio, Taguig City, binigyaang diin ni PNoy ang paghahanap ng hustisya. Malinaw ang mensahe ng Pangulo, damay ang sinumang makikialam sa pagtugis ng pulisya at militar sa grupong promotor sa madugong ambush, as in matitikman ang lupit ng estado.

“‘Yung mga akalang makakalusot dito, palagay ko madadama nila kung ano ang ibig sabihin kapag nakatutok ang estado sa pagtutugis sa kanila. Hindi ko ipapangako sa inyo na bukas, makalawa, ibig sabihin in 24 hours, in 48 hours, hindi ko po istilo ‘yun, hindi ko po usong manloko. Pero ginagarantiya ko po na lahat ng tutugusin ng estado, makukuha po natin.”

“`Yun naman ho sa gustong makihalo pa dito sa kaguluhan na ito, hindi ho rin kayo sasantuhin maski sino pa kayo. ‘Pag kayo po ay tumulong doon sa mga hinahabol ng estado, kasama na rin po kayo sa kumakalaban sa estado at tutugisin rin kayo” -- ito ang banta ni PNoy sa ilang bugok na miyembro ng MILF.

Kailangang balansehin ng gobyerno ang bawat panig at sitwasyon, as in makatwirang i-abot ni PNoy ang kamay sa rebeldeng grupo sa halip na makipagbakbakan na magreresulta upang lumala ang problema sa bansa. ‘Ika nga ng mga kurimaw: bakit naman idadamay ang malaking bahagi ng MILF na naghahangad ng kapayapaan o gustong pumasok sa peace agreement?

Hindi ba’t mas makakabuti sa pamahalaan na imbestigahan muna ang puno’t dulo ng pangyayari sa halip na agarang magkaroon ng konklusyon? Take note: sumailalim na sa ilang siglo ng digmaan ang bansa kung saan nananatili pa rin ang mga suliranin. Sa pagkakataong ito, bakit hindi subukan ang usapang pangkapayapaan bilang solusyon para maisalba ang pagkasira ng maraming buhay at mga ari-arian?

Tiniyak ni PNoy na maibibigay ang nararapat na hustisya para papanagutin ang ilang mga bulok na mga kasapi ng MILF at naiintindihan ng husto ng Pangulo ang sitwasyon dahil siya lamang ang nakakatanggap ng lahat ng mapagkakatiwalaang impormasyon na hindi nakukuha ng mga tao.

Mas malaking larawan ang nakikita ni PNoy kumpara sa sinumang nagsusulsol ng all-out war at maganda ang tiyansang makamit ang kapayapaan sa MILF kung hindi bibitiwan ang usapang pangkapayapaan dahil sa pangyayari. Kung magiging padalus-dalos, masasayang ang mahabang panahon ng paghihintay at paghahanap ng kapayapaan kung digmaan ang itataguyod ng pamahalaan.

***

Napag-usapan ang matalinong posisyon ni PNoy, makatwirang papurihan ang Pangulo dahil sa kanyang patuloy na paninindigan na maitalaga ang mahuhusay at hindi makasariling mga opisyal na magtataguyod ng kanyang mga reporma sa gobyerno, as in tamang italaga lamang ang magagaling, prinsipyado at hindi maiimpluwensiyahang mga opisyal sa pamahalaan para itayo ang malalakas na mga institusyon sa kapakinabangan ng mga tao.

Makakatulong ang matigas na paninindigan ni PNoy para walisin sa gobyerno ang tiwaling mga lider na nakakasira sa tungkulin at mandato na paglingkuran ang mga tao. Magsisilbi naman talagang susi sa reporma ang pagtatalaga ng mga magagaling na mga lider at kitang-kita ang sinseridad ng administrasyong Aquino na isulong ang mga reporma.

Makikita rin natin na nagresulta sa positibong mga pagbabago ang reporma ni PNoy sa pananaw ng publiko sa pamamahala dahil sa mas aktibong pakikisangkot ng mga tao sa kampanya laban sa katiwalian.

Laging tandaan: “Bata n’yo ‘ko at Ako ang Spy n’yo.” (mgakurimaw.blogspot.com)

2011-10-21T07:07:00.000+08:00

Pamana sa NAIA!
REY MARFIL

Dapat suportahan ng publiko ang aksyon ng Department of Transportation and Communications (DOTC) na imbestigahan ang P2 bilyong hindi awtorisadong “interconnectivity fees” na kinolekta ng Stradcom bilang kabayaran para sa tinatawag na government-owned data.

Bagama’t paksa na ito ng litigasyon, tamang isapinal ng DOTC ang legal nitong posisyon laban sa maling paniningil kaya’t makatwirang papurihan ang determinadong kampanya ng administrasyong Aquino na pigilan ang hindi tamang nakagawian.

Sa kaalaman ng publiko, ipinasa ng Commission on Audit (CoA) ang ulat nito sa legal na grupo ng DoTC na pinamumunuan ni Undersecretary Jose Perpetuo Juju Lotilla para sa masusing imbestigasyon at tamang aksyon ng kinalaunan, as in dapat merong parte ang pamahalaan sa kinita ng Stradcom sa interconnectivity fees, ngunit wala namang nakuha kahit isang sentimo.

Hindi naman madetermina ng Land Transportation Office (LTO) ang eksaktong interconnectivity fees na nakuha ng Stradcom dahil pribado ang naging transaksyon. Ngunit base sa koleksyon noong 2007 hanggang 2011, umabot sa tinatayang P2 bilyon ang nakolekta base na rin sa ulat ng CoA.

Hindi lang ‘yan, dapat matuwa ang publiko sa ipinalabas na datos ng Asia 2020 Report -- isa sa pinakamalaking financial services groups DBS Group Holdings Ltd, nagsasabing maaaring lumago ang ekonomiya ng 80% sa 2020 kung saan posibleng maging P6% ang GDP growth.

Nangangahulugang tama ang mga pundasyon sa ekonomiya ni Pangulong Benigno ‘PNoy’ Aquino III na nakabase sa pagsugpo ng katiwalian, alinsunod na rin sa natatanggap na magandang pagkilala ng gobyerno para sa respetadong institusyon.

Kinilala ng ulat ang reporma sa pananalapi ng pamahalaan at pamumuhunan sa public-private partnerships, kabilang, ang sobrang kampanya sa transparency at accountability.

***

Napag-usapan ang pagtutuwid ng DOTC, hindi kailangan maging Harvard graduate para maintindihan kung bakit binansagang “worst airport” ang Ninoy Aquino International Airport (NAIA) -- ito’y Nababasa at Nasusulat, aba’y balikan ang mga kaganapan sa nagdaang taon, meron bang ginawang aksyon ang gobyerno?

Kung ikumpara ang kalagayan ng NAIA ngayon, ‘di hamak malaki ang nabago. Take note: Mismong si Ted Failon ang nagpapatotoo kung paano unti-unting inaayos ni General Manager Honrado ang pasilidad sa paliparan.

Bagama’t mali ang mabuhay sa nakaraan, hindi maiwasang balikan ng mga kurimaw ang nagdaang 9-taon. Kung meron ginawang aksyon ang nagdaang gobyerno, sana’y hindi “worst airport” ang NAIA ngayon?

Sa ocular inspection ni PNoy sa NAIA, ilang buwan makaraang maupo sa Malacañang -- hindi naitago ng Pangulo ang madismaya at mairita nang makitang bungi-bungi ang mga urinal at toilet bowl, walang tubig, sira ang gripo at bakbak ang tiles -- ito ang isa sa misyong napagtagumpayan ni Hondrado sa NAIA subalit paano pagagandahin at gagawing moderno ang paliparan kung sadyang luma at hindi inaalagaan ng mga dating namamahala?

Kung inaalagaan ang NAIA sa nagdaang 9-taon, hindi lalaki ang sira at lalong hindi lalaki ang gastos ng gobyerno para sa rehabilitasyon at pagkukumpuni nito. Kaya’t ang hamon ng mga kurimaw:

Ngayon mag-ingay at magmagaling ang mga kritiko ni PNoy, sampu ng mga nakinabang sa nagdaang administrasyon para magkaalaman kung bakit “pagka-pangit” ang paliparang pinagbuwisan ng buhay ni dating senador Benigno ‘Ninoy’ Aquino Jr., na nagsilbing simula ng pagbabago.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-10-19T07:16:00.000+08:00

May kuryente!
REY MARFIL

Sa laki ng problema sa power sector, simula ng mauso ang gobyerno, kahit sinong maupong Pangulo -- ito’y isang malaking adobeng nakapasan sa balikat ng Department of Energy (DOE) kaya’t makatwirang papurihan si Secretary Jose Rene Almendras, aba’y naninindigan sa resonableng singil ng kuryente sa Pilipinas lalo’t masyadong kumplikado at masalimuot ang usaping ito.

Lagi tayong nahaharap sa katanungan kung talagang tumataas o bumababa ang singil sa kuryente. Nasa tamang panahon para ipakita ng DOE ang mandato nito para tiyaking mababa at tuluy-tuloy ang serbisyo ng kuryente sa buong bansa -- ito ngayon ang pinagkakaabalahan ni Sec. Almendras, alinsunod sa direktiba ni Pangulong Noynoy ‘PNoy’ Aquino.

Lingid sa kaalaman ng nakararami, dinedetermina ang singil sa kuryente, base sa generation charge, transmission charge at distribution charge. Kaya’t tinitiyak ng administrasyong Aquino na merong sapat na suplay ng kuryente at maipatupad ang mga programa para pahinain ang epekto ng mataas na singil sa kuryente.

Kasalukuyang nire-review ng DOE ang bilateral contract structures na magtatatag ng reward system para mas maging epektibo ang generators service. Nakapaloob ito sa rewards generators na magiging savings ng mga konsumer kinalaunan.

Pangalawa, iginiit ni Sec. Almendras ang pangangailangan kaugnay sa tuluy-tuloy na pagtutol sa Wholesale Electricity Spot Market (WESM) para matiyak na tama ang presyo ng kuryente base sa umiiral na mga panahon.

Layunin na maging independent market ito. Pangatlo, inulit ni Sec. Almendras ang maigting na pagrebyu ng DOE sa aplikasyon para sa Universal Charge (UC) at posibleng mga pamamaraan upang mabawasan ang epekto nito.

Pang-apat, magkaroon ng kuryente sa malalayong mga lugar sa bansa. Pinakahuli, masigasig ang hakbang ng kalihim ng DOE na harapin ang mga hamong kinakaharap ng electric cooperatives at itinutulak ng DOE ang amyenda sa National Electrification Administration (NEA) Charter para mas maging epektibo ang operasyon ng electric cooperatives sa buong bansa.

***

Napag-uusapan ang kuryente, kabahagi ng P72 bilyong stimulus fund na ipapalabas ni PNoy ang P6.5 bilyong nakalaan sa LGUs na labis na dumedepende sa kanilang Internal Revenue Allotment (IRA) -- ito’y gagamitin sa konstruksyon ng arterial roads na magkokonekta sa national road; kuryente sa mga barangay at sitio; at iba pang prayoridad na mga programa na merong agarang epekto sa buhay ng mga mahihirap.

Ilalaan rin ang P750 milyon sa paglinang sa Quezon province, alinsunod sa pag-aayos sa utang sa buwis ng National Power Corporation (Napocor) habang tatanggap ng P11.05 bilyon ang National Housing Authority (NHA) para sa iba’t ibang programang pabahay, kabilang ang P10 bilyon para sa pabahay ng mga taong nakatira sa delikadong mga lugar at P500 milyong pabahay ng mga kasapi ng Bureau of Fire Protection (BFP) at Bureau of Jail Management and Penology (BJMP) personnel.

Upang suportahan ang premium subsidies ng mga mahihirap sa ilalim ng National Health Insurance Program, P1.5 bilyon ang ilalaan na kabayaran sa mga obligasyon ng national government at makakatanggap ng P249 milyon ang Department of Health (DOH) para sa pagkuha ng nurses at kumadrona na magsisilbi sa malalayong mga lugar sa bansa.

Mabibiyaaan naman ng P1.1 bilyon ang Technical Education and Skills Development Authority (TESDA) at ibang ahensya para makapareha ang iba’t ibang industriya, lalung-lalo na ang Business Process Association of the Philippines for Human Resource Development.

Umaabot sa P425 milyon ang maibibigay sa pagpapabuti ng kapasidad ng Philippine Atmospheric, Geophysical and Astronomical Services Administration (PAGASA), partikular sa paglinang ng Doppler radar network at pagtatatag ng National Meteorological and Climate Center, gamit ang makabagong mga kagamitan sa pagtaya ng lagay ng panahon.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

2011-10-17T06:58:00.000+08:00

Tamang pagtitipid!
REY MARFIL

Dahil sa matalinong pamamaraan ng paggugol ni Pangulong Noynoy ‘PNoy’ Aquino sa pampublikong pondo na malayo sa nakagawian ng mga dating nakaupo sa puwesto, multi-bilyong piso ang natipid ng gobyerno at hindi kailangang magmakaawa sa mga dayuhan o mangutang sa tuwing nagkakaaberya ito.

Kung tutuusin, hindi nakakapagtaka ang magagandang nangyari dahil matagumpay ang kampanya ni PNoy sa pagsupil sa katiwalian sa gobyerno. Kaya’t ang tanong ng mga kurimaw: Bakit hindi matanggap ng mga kritiko ang pagbabago at repormang ginagawa ni PNoy, maliban kung “believers” ng maling pamamahala sa nagdaang panahon?

Hindi ba’t kapuri-puri ang desisyon ni PNoy na ipatupad ang karagdagang P72.11 bilyong “stimulus package” para sa mga proyekto kung saan mabilis ang implementasyon para mapalago ang ekonomiya ng bansa sa gitna ng nangyayaring paghina ng pandaigdigang ekonomiya na pinalala ng nakalipas na natural na mga kalamidad.

Nakikita ni PNoy na hindi sapat ang paggugol ng pamahalaan sa pampublikong pondo kaya’t agarang nagdesisyong ipalabas ang P72.11 bilyon para lalong lumago ang ekonomiya. Nakapaloob ang mabilis pero matalinong paggasta ng pampublikong pondo sa importanteng mga proyekto sa Disbursement Acceleration Plan para sa 2012.

Kahit walang tubo ang pangungutang kapag naideklarang state of calamity ang isang lugar, hindi kailanman sumagi sa isipan ni PNoy ang manghiram ng pera sa World Bank (WB) para sa rehabilitasyon ng mga lalawigan at bayang sinalanta ng dalawang bagyo -- ito’y kabaliktaran sa nagdaang panahon.

Dati-rati’y konting ulan lang at pagbaha dahil nabarahan ng mga basura o plastic ang kanal at estero, “ngising-aso” ang mga nakaupo sa puwesto, aba’y merong pagkakakitaan ang mga ito, as in awtomatikong nangungutang kung kaya’t nagkabaun-baon ang gobyerno, mapapera o utang na loob sa kung sinong Pontio Pilato. Ika nga, “may tubo o wala -- ito’y utang pa ring babayaran”.

***

Napag-uusapan ang pondo, kabilang sa mga proyekto ang ilang kritikal na public works at imprastraktura sa agrikultura, pabahay, relokasyon at resettlement projects, karagdagang pondo para suportahan ang local government units (LGUs), rehabilitasyon ng rail systems, proyekto para sa usapang pangkapayapaan, insurance ng kalusugan ng mga mahihirap at human resource development training, at iba pa.

Sa kabuuang P72.11 bilyon, nakapaloob ang P37.92 bilyong ibibigay sa mga ahensiya ng pambansang pamahalaan; P7.25 bilyon sa LGUs; at P26.90 bilyon sa government-owned and controlled corporations (GOCCs).

Kukunin ang pondo sa pinagsama-samang natipid na mga pera sa hindi nagamit na salapi sa ilalim ng kasalukuyan at maging ang 2012 na pambansang badyet. At maglalaan ang Department of Agriculture (DA) ng P1.62 bilyong halaga para sa pagpapanatili ng irigasyon, farm-to-market roads at ibang imprastraktura.

Ipapalabas rin ang karagdagang pondo para sa Mindanao Rural Development Project sa halagang P919 milyon at Agno River Integrated Irrigation Project na umaabot sa P411 milyon.

Magsasagawa naman ang Department of Budget and Management (DBM) katuwang ang National Statistics Office, DA at Department of Agrarian Reform (DAR) ng National Survey of Farmers and Fisherfolk -- ito’y nagkakahalaga ng P625 milyon.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

2011-10-14T06:57:00.001+08:00

Epekto ng sinturon!
REY MARFIL

Sa latest survey ng Social Weather Station (SWS), isang panibagong sampal sa mga kritiko ni Pangulong Benigno ‘PNoy’ Aquino III ang satisfaction rating -- ito’y umangat ng 10%, kabaliktaran sa inaasahan ng grupong nangangarap pabagsakin ang imahe ng Punong Ehekutibo, sa pamamagitan ng “pagtahi-tahi” nang kung anu-anong kwento at walang kwentang intriga, mapa-facebook o tweeter account ng mga ito.

Hindi nagsisinungaling ang numero, umakyat sa 56% ang satisfaction rating ni PNoy, ‘di hamak mas mataas sa naunang naitalang 46%. Kung ibabatay sa “grading system”, nakakuha ng “very good” ang Pangulo.

Ang tanong ng mga kurimaw: Ito ba’y naiintindihan ng mga kritiko ni PNoy, maliban kung sadyang manhid sa pulso ng publiko o kaya’y likas sa dugo ang ugaling “alimango” kung kaya’t pilit sinisira ang magandang diskarte nito?

Kapag ikinumpara ang “very good” rating ni PNoy sa iba pang government officials, malinaw ang katotohanang “angat” sa liderato nina Senate President Juan Ponce Enrile at House Speaker Sonny Belmonte.

Ang good news lamang, tila nahawa sa magandang liderto ni PNoy ang lahat ng institusyon, aba’y umangat ng 3% ang Senado -- mula 47% noong nakaraang Hunyo, ito’y nakapagtala ng 50%.

Maging House Leadership, nakapagtala ng bahagyang pag-angat sa satisfaction rating -- ito’y nakakuha ng 31%, mas mataas kumpara sa 30% noong nakaraang June survey ng SWS.

Ang bad news, nabawasan ng 3% si Vice President Jojo Binay -- ito’y bumaba sa 63% mula 69% ang satisfaction rating kaya’t hindi maiwasang magtanong ng mga kurimaw sa gilid ng Sofitel Hotel kung may kinalaman sa maagang deklarasyon na tumakbong Pangulo sa 2016.

Kung good news din lang ang pag-uusapan, siguro naman mananahimik ang mga kritiko ni PNoy, sampu ng grupong hindi matanggap ang resulta ng 2010 presidential elections ang inanunsiyong P72 bilyong stimulus package ng Pangulo -- ito’y naglalayong gamitin sa public works at poverty reduction projects.

At malaking kalokohan kung “kakainin” ng mga kritiko ni PNoy ang mga salitang binitawan laban dito, katulad ang akusasyong mabagal ang mga proyekto at walang pondong inilalabas ang palasyo.

Kung naging ura-urada si PNoy at walang pakundangan sa paggastos o hindi ipinatigil ang mga kontratang pinamugaran ng kaliwa’t kanang komisyon, katulad ng nakasanayan sa nagdaang panahon, hindi makakatipid ang gobyero.

Take note: Kahit binaha ang buong Central Luzon, hindi nangutang si PNoy upang pondohan ang rehabilitasyon at konstruksyon ng nasirang imprastraktura ng bagyong Pedring at Quiel kahit pa idineklarang state of calamity ng local officials ang mga balwarte nito. Ang rason: May pagkukunan ng pondo.

Ang P72 bilyong package plan na nakalaan sa public works at poverty reduction projects -- ito’y hindi rin inutang ni PNoy sa dayuhang gobyerno o financial institutions bagkus epekto sa “paghihigpit ng sinturon” na naunang kinukuwestyon ng mga kritiko at oposisyon na walang inatupag kundi mang-intriga sa tweeter at facebook.

***

Makatwirang papurihan ang administrasyong Aquino sa matagumpay na pagkumbinsi sa Yokohama na maglagak pa ng $650 milyong pamumuhunan sa pagpapalawak ng kanilang pasilidad sa Clark -- ito’y resulta ng mabungang pagbisita ni PNoy sa Japan noong nakaraang buwan.

Sa kaalaman ng publiko, lumagda ang Clark Development Corporation (CDC) at Yokohama Tire Philippines Inc. (YTPI) sa isang memorandum of understanding (MOU) para sa $650 mil- yong expansion project para sa pasilidad sa Clark Freeport Zone, Pampanga.

Ang Yokohama Tire Philippines Inc. (YTPI) ang subsidiary sa bansa ng Yokohama Rubber Co. (YRC) Ltd. Katulad ng pagdami ng mga banyagang mga turista, nangangahulugan ng maraming trabaho at oportunidad sa mga Filipino ang papalawaking operasyon ng Yokohama, maliban kung “kinamoteng arithmetic” ang natutunan sa elementarya ng mga kritiko ni PNoy kaya’t nagiging negative ang addition?

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-10-12T06:52:00.000+08:00

Aksyon o photo-op
REY MARFIL

Kahit anong pag-iingay ang gawin ng mga kritiko, hindi maitatanggi ang mabilis na pagresponde ng administrasyong Aquino para tugunan ang pangangailangan ng mga Pilipino na sinalanta ng mga bagyong Pedring at Quiel.

Ang pinakamalinaw sa lahat, walang drama at photo-ops katulad ng tradisyunal na nasasaksihan at ginagawa ng mga opisyal sa mahabang panahon -- ito marahil ang rason kung bakit nagdadaldal ang mga kritiko, aba’y nasanay sa photo-op!

Mas pinili pa nga ni Pangulong Noynoy ‘PNoy’ Aquino na tutukan ang mga pangyayari sa halip na umagaw ng eksena sa media at magpa-cute -- ito’y ugali ng Pangulo na sadyang ikinasama ng loob ng mga kritiko. Take note: Nasa Japan pa lamang, harapang pinakiusapan ni PNoy ang Japanese businessmen na iklian ang pagtatanong dahil tinututukan ang pananalasa ng bagyo.

Noong nakaraang Oktubre 5, 2011 binisita ni PNoy ang mga lugar sa Gitnang Luzon na tinamaan ng mga bagyong Pedring at Quiel para personal na makita ang kondisyon ng mga pamilya na naapektuhan ng bagyo at makapagsuri para sa rehabilitasyong isasagawa ng mga lokal at pambansang pamahalaan.

Kung ura-uradang bumisita si PNoy, ito’y magiging pabigat pa sa kapulisan at sundalong nagsasagawa ng rescue operations dahil ida-divert ang tropa sa security nito. Ewan lang kung naiintindihan ng mga kritiko ito?

Mas mahalaga sa ngayon ang katotohanan na binibigyan tayo ng pamahalaan ng positibong pananaw sa pagharap sa mga bagyo at iba pang trahedya dahil laging nandiyan ang gobyerno.

Dahil dito, asahan natin na mas magiging handa ang pagharap ng pamahalaan sa mga susunod na trahedyang posibleng tumama sa bansa.

Hindi lang ‘yan, mabilis na inihayag ni Social Welfare and Development Sec. Corazon Soliman ang donasyon ng Lina Group of Companies para sa 86 portalets na makakatulong sa mga taong tinamaan ng bagyong Pedring.

Pinabilis rin ng Department of Agriculture (DA) sa pamamagitan ng Philippine Crop Insurance Corp. (PCIC) ang pagpapalabas ng P334 milyon para sa mga magsasaka sa Luzon na nasira ang mga pananim dahil sa dumaang trahedya.

Ipinataw naman ng Department of Trade and Industry (DTI) ang price freeze sa pangunahing mga bilihin sa iba’t ibang lugar para protektahan ang mga residente laban sa mapagsamantalang mga negosyante.

Iniulat naman ni Assistant Secretary Eric Tayag ang pagsasagawa ng Department of Health (DOH) ng mabilis na pagtaya sa lagay ng kalusugan ng mga residente ng binahang mga barangay sa Bulacan, Nueva Ecija, Pampanga at Tarlac.

Nagdeklara rin ang Pag-IBIG Fund (Home Development Mutual Fund) ng tatlong buwang pagsuspinde sa pagbabayad ng housing loan sa mga miyembrong apektado ng dalawang bagyo at nagkaloob sa mga miyembro na naapektuhan ng bagyo sa pamamagitan ng calamity loan program.

Nagsagawa rin ang Department of Tourism (DOT) ng “emergency relief operation” para matulungan ang mga nabiktima ng mga bagyo sa Gitnang Luzon. Siguro naman, mas mahalaga ang aksyon kesa “photo ops”.

***

Napag-uusapan ang aksyon, hindi matatawaran ang pagsisikap ng administrasyong Aquino sa pagkumbinse sa mga banyaga na bisitahin ang bansa kung saan talagang nakuha ng Pilipinas ang tinatarget na 2.6 milyong turista mula Enero hanggang Agosto 2011.

Naitala naman nitong Hulyo ang pinakamalaking karagdagang turista na umabot sa 360,784 habang nakapagrehistro ang buwan ng Pebrero ng pinakamalaking “growth rate” na 18.52%.

Pinakamarami sa dumating na mga turista ang Koreans na umabot sa 23.63% o 615,218 habang nakapagtala ng 16.49% ang Estados Unidos (US) o 429,280 at 9.74% naman ang Japanese.

Binabati natin ang administrasyong Aquino sa pamamagitan ng DOT dahil sa kanilang magandang ginagawa.

Laging tandaan: “Bata niyo ko at Ako ang Spy niyo”. (mgakurimaw.blogspot.com)

2011-10-10T07:04:00.000+08:00

Mas pinalakas!
REY MARFIL

Hindi ba’t kapuri-puri ang determinasyon ni Pangulong Noynoy ‘PNoy’ Aquino na idepensa ang mga teritoryo ng buong bansa at siguradong malaki ang asensong makikita sa kakayahan ng Armed Forces of the Philippines (AFP) para tiyakin ang seguridad sa desisyong ipalabas ang P4.95 bilyon.

Aminin o hindi ng mga kritiko, sampu ng mga hindi makapag-move on sa resulta ng 2010 national elections, napapanahon ang pagpapalabas ng P5 bilyon para mapalakas ang kakayahan ng AFP, kabilang ang pagbibigay ng proteksyon sa Malampaya Natural Gas and Power Project.

Walang duda ang bawat aksyon ni PNoy at nakakasiguro ang publiko na mapupunta ang bawat pisong ginugugol ng AFP sa pagbili ng mga kagamitan at ibang pangangailangan sa operasyon nito sa ngalan ng transparency at accountability.

Sa Japan trip, mas lalo pang pinalakas ni PNoy ang seguridad ng Pilipinas -- patunay ang bilateral relations na isinusulong sa pagitan ng pamahalaang Hapon, partikular ang promosyon ng kooperasyon sa seguridad at isyung pampulitikal. Kahit itanong niyo pa kay birthday boy -- Senator Chiz Escudero na nagdiriwang ng kanyang kaarawan ngayong araw, maging kina Malacañang reporters Joel Guinto (Bloomberg) at Marie Ruiz (Radyo ng Bayan)!

Kabilang ang palitan ng kaalaman ng Philippine Navy at Japanese Maritime Self Defense Forces at Philippine Coast Guard. Pinagtibay nina PNoy at Prime Minister Noda ang alituntunin sa diplomatikong pagharap sa pinag-aagawang isla sa West Philippine Sea lalo’t mahalagang magpatuloy ang kalayaan sa nasabing karagatan.

Ipagpapatuloy rin ng pamahalaang Japan ang pagtulong sa Mindanao Young Leaders Invitational Program at “Rice-based Farming Technology Extension Project” para sa Autonomous Region in Muslim Mindanao (ARMM).

Nagkasundo rin ang mga lider ng dalawang bansa na suportahan ang palitan ng mga tao sa Japan at Pilipinas, partikular sa larangan ng turismo at kabataan upang malinang ang kultura at matiyak ang tuluy-tuloy na magandang bilateral relations sa darating na hinaharap.

Iba pang kasunduan na nakamit -- ang tulungan sa disaster prevention, lalo na sa kahalagahan na magbigayan ng kaalaman at kahalagahan na resolbahin ang epekto ng nagbabagong klima, denuclearization ng North Korea at pagpapatibay sa inter-Korean dialogue sa Korean Peninsula, suporta sa iba’t ibang aktibidad ng United Nations, kabilang ang UN Security Council Reform at UN Peacekeeping Operations.

***

Napag-uusapan ang langis, makatwirang suportahan ang desisyon ng pamahalaan, sa pamamagitan ng Bureau of Customs (BOC) na idemanda ang ilang oil companies dahil sa illegal transactions na nagresulta sa P4.1 bilyong obligasyon sa gobyerno. Ganyan kalaki ang kinupit ng kawatang oil firms sa publiko!

Hindi lang mga opisyal ng oil companies ang kinasuhan ng gobyerno, bagkus, ilang kawani at indibidwal sa Customs na sangkot sa illegal transactions o nakipagsabwatan sa maling deklarasyon ng importasyon ng diesel at unleaded fuels, isang patunay na walang sinasanto ang pamahalaan.

Sa report ng BOC, malakas ang ebidensya ng Run-After-The-Smugglers (RATS) Team laban sa isang oil company dahil umano sa paggamit ng mga diskarte na nagresulta upang mawala sa pamahalaan ang malaking halaga ng buwis.

Sa datos, lumabas noong Hunyo 2010 hanggang Hunyo ngayong taon na nagkaroon ng importasyon ng mga produktong petrolyo ang isang oil firm na may pinagsamang dutiable value na P4.1 bilyon -- ito’y ikaanim na kasong technical smuggling na sinampa ng BOC laban sa mga kumpanya ng langis sa nakalipas na 15 buwan.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

2011-10-07T07:04:00.000+08:00

Mabuting ehemplo!
REY MARFIL

Tanging nagbubulag-bulagan at nagbibingi-bingihan ang hindi nakakaalam sa malaking tiwalang ibinibigay ng buong mundo sa administrasyon ni Pangulong Noynoy ‘PNoy’ Aquino -- isang patunay ang parangal kina Finance Secretary Cesar Purisima at Bangko Sentral ng Pilipinas (BSP) Governor Amado Tetangco Jr.

Kinilala bilang “Finance Minister of the Year for Asia 2011” si Purisma habang isa sa “World’s Best Central Bankers for 2011” si Tetangco ng New-York based publication Global Finance magazine.

Kaya’t ngayon, mag-ingay ang mga nag-aakusa ng “kaklase, kaibigan at kabarilan” o “KKK ng Pangulo”, maliban kung sadyang nakasanayang makita at makasama ng mga kritiko sa mahabang panahon ang mga “kotongero, kasabwat at kurakot”?

Sa simpleng explanation, ang parangal kina Purisma at Tetangco -- ito’y ilan lamang sa mga tagumpay na inaani ng Pilipinas sa pandaigdigang komunidad dahil sa “matuwid na daan” ni PNoy.

Kung sablay ang nakaupong Pangulo, kahit magta-tumbling sina Purisma at Tetangco, hindi mapapansin ng international community ang kanilang “effort” at siguradong hindi rin magtatrabaho ng matino dahil nakasalalay sa leadership ang bawat pagkilos.

Sa kaalaman ng publiko, kinilala ng London-based magazine Emerging Markets si Purisima bilang “Finance Minister of the Year for Asia 2011” na tinawag ring positibo dahil sa paniniwalang kayang bawasan ang pambansang kakulangan sa pondo nang hindi nagtataas ng buwis.

Take note: Si Purisima rin ang malaking rason kung bakit maayos ang promosyon ng Pilipinas sa mga foreign investors at kung bakit gumanda ang pagtiyak ng kaunlaran.

Nang italaga si Purisima noong Hunyo 2010, minana nito ang inaasahang P345 bilyong budget deficit sa pagtatapos ng taon subalit naibaba sa P315 bilyon, ‘di hamak na mas maliit pa ng P10 bilyon sa kanyang tinayang P325 bilyon sa pagtatapos ng taong 2010.

Kinialala naman si Tetangco dahil sa pagkakakuha ng “A grade” sa ikatlong sunod na pagkakataon sa loob ng anim na taon. Isa si Tetangco sa 6 na mga mahuhusay at magagaling na central bankers na binigyan ng parangal, kabilang ang mga opisyal sa Australia, Israel, Lebanon, Malaysia at Taiwan.

***

Napag-uusapan ang mga papuri at parangal, makatwirang batiin si PNoy sa pagbibigay ng karangalan sa bansa, isang halimbawa ang huling pagbisita sa Amerika -- ito’y pinagkalooban ng “doctor of laws” sa Fordham University noong nakaraang Setyembre 20, kahanay ang mga magagaling at tinitingalang lider sa buong mundo.

Aminin o hindi ng mga kritiko, pinili si PNoy ng Fordham University dahil sa kanyang hindi makasarili at matinding paninindigan na isulong ang demokrasya, alituntunin sa batas at pagkalinga sa mahihirap na mga tao para maisulong ang mga reporma sa bansa.

Saksi ang inyong lingkod, sampu ng 23-media delegation, matinding palakpakan at standing ovation ang respetong ibinigay kay PNoy, kinabibilangan ng mga opisyal ng Fordham University, mga Filipino-American at banyagang mag-aaral, mga magulang at iba pa -- ito’y nangyari sa pagsisimula hanggang sa pagtatapos ng programa.

Higit sa lahat, kasama ang pangalan ni PNoy sa tinatawag na alamat ng mga lider sa mundo, katulad nina dating United States Presidents John F. Kennedy, Harry Truman at Franklin Roosevelt, at iba pa sa “41-elite group” na mga pinuno ng iba’t ibang bansa na nakakuha ng kaparehong parangal sa Fordham University.

Nakasama rin ni PNoy ang mga dating lider ng bansa na nakakuha ng parehong parangal sa Fordham University -- ang inang si dating Pangulong Corazon ‘Cory’ Aquino, dating Pangulong sina Elpidio Quirino, Ramon Magsaysay, Carlos Garcia at tatlong iba pa.

Inukit ang pangalan ni PNoy sa 19 steps na “Terrace of the President” sa loob ng Fordham University katabi ng pangalan ng kanyang ina.

Laging tandaan: “Bata niyo ko at Ako ang Spy niyo.” (mgakurimaw.blogspot.com)

2011-10-05T06:57:00.000+08:00

Ang ‘KJ’ ni Pedring!
REY MARFIL

Aminin o hindi ng mga kritiko ni Pangulong Noynoy ‘PNoy’ Aquino, sa pangunguna ng mga ambisyoso at ambisyosang mag-senador sa 2013 mid-term elections, gamit ang media mileage kahit wala sa ayos ang mga argumento sa bawat sinasakyang isyu, napakalaki ang pinagbago ng pagtataya sa lagay ng panahon, maliban kung sadyang “followers” ng “bali-balikong daan” dahil patuloy na pinakikinabangan ang dating amo kaya’t bulag at bingi sa mga reporma at pagbabago?

Ipinakita ng pamahalaan ang kahandaang iwasan ang mas maraming trahedyang dulot ng mga kalamidad dahil sa mga pagbabagong inilunsad sa weather bureau.

Sa pamamagitan ng kautusan ni PNoy, masusing binantayan ng Philippine Atmospheric, Geophysical and Astronomical Services Administration (PAGASA) ang lagay ng panahon para matiyak ang tamang pagtataya bilang bahagi ng kanilang responsibilidad na protektahan ang mga Pilipino.

Bagama’t “zero” ang love life ni PNoy, “sakto” ang mga pagtataya ng bureau (PAGASA) kaya naman maganda ang naging responde ng National Disaster Risk Reduction and Management Council (NDRRMC), Department of Social Welfare and Development (DSWD), Metro Manila Development Authority (MMDA) at Department of Interior and Local Government (DILG) sa sitwasyon at pangangailangan ng publiko sa panahon ng bagyo at matinding pag-ulan.

Malinaw ang ebidensiya, matindi ang ipinakitang dedikasyon ng administrasyon ni PNoy upang gawing moderno ang pagtataya sa lagay ng panahon. Ang problema lamang, mas matigas pa sa adobe ang ulo ng ilan nating kababayan kaya’t hindi maaabot ang “zero casualty” tuwing hinahagupit ang Pilipinas ng sangkanterbang bagyo.

Suriin ang pagbahang dulot ng bagyong Pedring at Quiel -- katigasan pa rin ng ulo ang rason kung bakit nauwi sa malaking bedroom ang bubungan ng mga bahay nito. Ibig sabihin, hangga’t hindi natututo ang publiko, nagsasayang lamang ng laway ang gobyerno at walang katapusan ang pagmamakaawang lumikas ang mga ito.

***

Napag-uusapan si Mang Pedring, hindi lang mga taga-Central Luzon, Northern Luzon at Metro Manila ang winasiwas ng bagyo, bagkus, ang buong sambayanang Pilipino, as in numero unong biktima si PNoy, aba’y sinira ang lahat ng pinaghirapan sa Japan kaya’t hindi napansin ng publiko ang kaliwa’t kanang good news at naiuwing foreign investment.

Matagumpay ang 4-day working visit ni PNoy sa Japan at napakainteresado ng mga Hapong magnegosyo sa Pilipinas, patunay ang naiuwing $1.4 bilyong puhunan at suporta sa multilateral solution sa pinag-aagawang Spratly Islands subalit “napaka-KJ” (kill joy) ni Mang Pedring, aba’y nang-agaw ng eksena at tinakpan ang headlines, sa pamamagitan ng pananalasa sa Metro Manila at pagkalubog ng US Embassy sa Roxas Boulevard.

Walang duda -- isang malaking tagumpay ang biyahe ni PNoy sa Japan -- ito’y ginastusan lamang ng P20 milyon at maituturing na “bengkong” o mas mababa pa sa barya kapag ikinumpara sa $1.4 bilyong nasungkit ng mula sa sektor ng enerhiya, manufacturing at serbisyo para sa bansa.

Take note: Resulta ng “36 meetings” ang foreign investment na bitbit ni PNoy pabalik ng Pilipinas -- iyan ba ang walang ginagawa?

Sa $1.4 bilyong naiuwi ni PNoy, nakapaloob ang P5.87 bilyong disaster management project -- ito’y napakalaking tulong lalo pa’t “favorite destination” ng mga bagyo ang Pilipinas.

Ang good news sa lahat, tuloy ang multi-bilyong development assistance at mismong si Prime Minister Yoshihiko Noda ang nag-announce.

Mantakin niyo, kahit nilindol at tinamaan ng tsunami, hindi nabasawan ang financial assistance. Ngayong taon lang, umabot sa $3 bilyong ODA aid ang ipinagkaloob ng Japan.

Higit sa lahat, napakaimportante ang Japan trip ni PNoy, aba’y bibihirang tao ang makasama sa pananghalian si Emperor Akihito -- ito’y nangyari sa Imperial Palace at hindi nararanasan ng ibang mga lider ng iba’t ibang bansa!

Laging tandaan: “Bata niyo ko at Ako ang Spy niyo.” (mgakurimaw.blogspot.com)

2011-10-03T07:05:00.000+08:00

‘Wrong mistake’
REY MARFIL

Ipinakita ng pinakabagong resulta ng Pulse Asia at Social Weather Stations (SWS) survey ang malakas na suporta ng publiko kay Pangulong Noynoy ‘PNoy’ Aquino dahil sa maaayos nitong pamamalakad sa pagsusulong ng mga polisiya sa ekonomiya at programa ng pamahalaan.

Nangangahulugang nagsisimula nang maramdaman ng mga tao ang positibong resulta ng magagandang mga polisiya, lalung-lalo na ang mga mahihirap. Take note: Nakakakuha rin ng magandang suporta ang Conditional Cash Transfer (CCT) at iba pang pro-poor programs ni PNoy dahil sa matuwid nitong pamamalakad sa bansa.

Sa kabuuan, hindi nakakapagtakang tumaas ang ratings ni PNoy lalo’t matindi ang kampanya nito laban sa katiwalian, transparency at magandang pamumuno na kitang-kita namang sinusuportahan ng mga tao. Ika nga ng mga naglipanang kurimaw sa Batasan Complex, isang malaking “wrong mistake” ang pag-atake kay PNoy.

Positibong mga bagay ang ipinahahayag ng resulta ng dalawang surveys tungo sa isang progresibong Pilipnas habang naghihingalo naman ang ekonomiya ng buong mundo. Ipinapakita rin ng surveys ang malakas na pananalig at pagtitiwala ng mga tao sa liderato ni PNoy na hindi humihina kundi lalong lumalakas.

Sa resulta ng Pulse Asia survey na tinawag na Ulat ng Bayan at isinagawa mula Agosto 20 hanggang Setyembre 2, lumilitaw ang mataas na approval rating ni PNoy -- ito’y pumalo sa 77% habang 75% ang trust rating, mas mataas kumpara sa naitalang resulta ng parehong survey mula Mayo 21 hanggang Hunyo 4 kung saan 71% ang approval at trust ratings.

Sa SWS survey naman na isinagawa nitong Setyembre 4-7, tumaas ang net satisfaction rating ni PNoy mula 46%, ito’y umakyat sa 56% noong Hunyo, sapat upang tumaas ang klasipikasyon nito mula “Good” tungong “Very Good”. Ang problema lamang, hindi kayang tanggapin ng mga kritiko ang pagtaas ng approval rating at trust rating ni PNoy, sampu ng mga hindi makapag-move on sa resulta ng 2010 national elections kaya’t kaliwa’t kanan ang pagkahol.

***

Napag-uusapan ang “wrong mistake”, hindi natin binubusalan ang karapatan ng mga empleyado ng PAL na ihayag ang kanilang mga hinaing. Makikipaglaban tayo sa kahit kaninong magkakait sa kaninuman ng karapatang ihayag ang saloobin. Ang punto lamang, may mga tamang paraan at angkop na pagkakataon upang gawin ito.

Kapag ang pagpapahayag ng hinaing ay nag-umpisa nang sumaklaw sa karapatan ng ibang ipagpatuloy ang daloy ng buhay at unti-unti nang napaparalisa ang patuloy na pag-inog ng kalakalan at pambansang ekonomya -- ito’y ibang usapan.

Ang strike ng PALEA sa kasagsagan ng pagdaluyong ng bagyong Pedring ay hindi simpleng pananabotahe sa management ng PAL -- ito’y pagpapakita ng kalyo’t kamanhiran sa sentimiyento ng iba’t karamihan.

Sa panahong bawat Pilipino dapat sana’y nagkakapit-kamay upang itawid ang mga nasalanta sa mas maayos na kalagayan, may mga kababayan tayong tinahak ang landas ng mga makasarili’t gahaman.

Hindi naibsan ng strike ang sinapit ng buong Luzon ng sinabay nila ito sa pananalasa ng bagyong Pedring. Maikukumpara pa nga ito sa asing pinahid sa sugat, lalong nagpaibayo ng kirot sa bansa habang itoy binabagyo’t may sinat dala ng virus ng Eurozone financial collapse. Tamang kaparaanan sa maling pagkakataon.

Itaga niyo sa bato at ito’y sigurado. Nakikinita na naman nating malinaw pa sa bolang kristal na uulit-ulitin na naman ng mga kritiko ni PNoy ang walang habas na pag-upak sa mga aktibidades nito sa ibayong-dagat nang mga nagdaang araw. Sa palagay nila’y aaray ang panguluhan sa mga punang walang basehan.

Ang hindi nila maaaring pasubalian ay ang mga buting naidulot ng mga inisyatibong ito ni PNoy upang patibayin ang mga depensa ng bansa laban sa krisis pang-ekonomiya na halos lahat ng bansa sa mundo ay apektado ngayon. Dagdag investment sa negosyo’t kalakal mula sa Japan -- iyan ang habol ng tropa ni PNoy sa Japan.

Gumastos man sa isang biyaheng pinatipid, ito’y kakapiranggot sa maiuuwing gana para sa bansa. Ika nga’y nangangapital lamang tayo ng may ibayong pag-iingat. Sa laki kasi ng potensyal na benepisyong matatamasa ng bayan mula sa investment market ng Japan, katangahan na ang magpahuli sa mga ekonomiyang humahakot ng pamumuhunan mula sa bansang ito.

Ang isa pang hindi nila maaaring itanggi o pasinungalingan ay ang maagang pagkilos ng Pangulo upang pangunahan ang mga preemptive measures upang maibsan ang pinsala ng dalawang kalamidad na dadaan sa ating bansa.

Hindi lihis o may disconnect ang mga hakbang ng pamahalaan sa pangunguna ni PNoy gaya ng ipinagpipilitan ng mga alipores at bataan ng mga kawatan. Ang katotohanan dito’y sakto, walang aling at swak na swak sa tawag ng panahon ang mga hakbangin ng Pangulo.

Ganito maisasalarawan ang panguluhan ngayon. Kung noon ay naghihintay ng sakuna bago magkumahog ang pamahalaan, ngayon ay pinagsusumikapang walang maperwisyong mga kababayan sa kalkulado ngunit maagang paghahanda at bagong kaparaanan.

“Pre-emptive at Proactive” kumpara sa “Relaxed at Reactionary”. Hindi ba napakalaki nitong kaibahan?

Laging tandaan: “Bata niyo ko at Ako ang Spy niyo.” (mgakurimaw.blogspot.com)

2011-09-30T07:02:00.001+08:00

Pasalubong!
REY MARFIL

Tulad ng isang nakakatandang kapatid na nagpupunyagi sa ibayong dagat, mataas man ang morale ng isang Pangulo dahil napagsisilbihan nito at naibibigay ng sapat ang pangangailangan ng pamilya, hindi maiiwasang magdamdam tuwing malagay sa balad ng alanganin ang mga mahal sa buhay. Kung ‘di lamang kay Pedring, uuwi sana si Pangulong Benigno ‘PNoy’ Aquino III na may ngiti.

Pagtuunan ninyo ang listahan ng mga pasalubong sa bansa: Una, nakakuha ng isang kaalyado ang Pilipinas sa bansang Japan sa usapin ng Spratlys. Sinabi ni Prime Minister Yoshihhiko Noda na susuportahan nila ang mapayapang solusyon sa isyu ng pagmamay-ari sa bahaging iyon ng West Philippine Sea. Nasa interes ng buong mundo ang kapayapaan sa nabanggit na teritoryo dahil pangunahing daanan ito ng kalakal at negosyo sa rehiyon;

Pangalawa, tutulungan tayo ng Japan Coast Guard upang epektibo nating mabantayan ang napakahaba nating mga baybayin. Magtatalaga ng mga tauhan ang Japan na magsasanay sa mga Pinoy sa bagong mga kaparaanan at makabagong kagamitan;

Pangatlo, pauunlarin nang husto ang pakikipagtulungan at kooperasyon ng mga ahensyang namamahala sa kani-kanyang tanggulang pambansa; Pang-apat, pag-iibayuhin ang pakikipag-ugnayan ng Japan at Pilipinas sa loob ng mga napagsang-ayunan sa ilalim ng JPEPA kabilang na ang pagdadagdag ng mga nurses at ibang trabaho sa kalusugan;

Panglima, ang P5.87 bilyong Official Development Assistance mula sa Japan para sa Forest Management Project at tulong sa pagsasaayos ng apat na malalaking ilog na naitakdang kritikal sa kakayahan ng bansang ibsan ang epekto ng Climate Change;

Maliban dito, pasalubong ng Pangulo ang mga bagong investment sa iba’t ibang industriya na nagkakahalaga ng 1.1 bilyong dolyar. Kabilang dito ang pamumuhunang ilalagak sa bansa ng 30 Japanese businessmen at mga kasapi ng Japan-Philippine Economic Coordinating Committee and the Philippine-Japan Economic Coordinating Committee na kausap ng Pangulo sa Tokyo Kaikan Hotel;

At panghuli, maging ang Toyota ay magdadagdag ng kanilang pamumuhunan na nagkakahalaga ng P3.6 bilyon at magdadagdag ng limanlibong manggagawa sa plantang itatayo na nagkakahalaga ng $170 milyong dolyar.

Magtatayo rin ang Murato Manufacturing Company ng isang paktorya sa Laguna sa 2012. Ang Marubeni Corporation naman ay aambag sa pasalubong ng Pangulo sa pamamagitan ng expansion projects nito sa kanilang power plant sa Pagbilao, Sual at Subic at sa Leyte-Mindanao interconnection project.

***

Napag-usapan si Pedring, habang nasa kalagitnaan ng isang pagpupulong si PNoy kaharap ang mga mamumuhunang Hapon, balisa itong nasa telepono sa bawat pagkakataon -- kausap ang mga naiwang taumbahay ng pamahalaan. Sinigurong angkop ang kahandaan ng mga local government units sa harap ng delubyong si Pedring.

Umani man kasi ng laksa-laksang bagong negosyo’t pamumuhunan para sa bansa, hindi tatapat ito sa kahit isang buhay o kabuhayang nanakawin ng nagngangalit na panahon.

Kung hindi sinayang ng nakaraang pamamahala ang pagkakataong maglingkod ng buong katapatan sa bayan kabilang na ang pagsasagawa ng mga proyekto sa climate change mitigation at adaptation, mas maliit sana ang bilang ng mga naapektuhan ng mga kalamidad na tumatama sa atin.

Alam naman nating limitado lamang ang magagawa ng pamahalaan sa panandaliang paghahanda sa gitna ng mga ganitong kalamidad.

Mas malaking pakinabang ang mangyayari kung makikiisa ang mga komunidad, information dissemination at isang gobyernong nagpapatupad ng long-term na mga programa.

Sa huli kong nasabi, nakapanlulumo ang ginawa ng mga dating nakaupo sa puwesto. Imbes na dagdagan ang kahandaan sa mahahabang baybayin ng bansa, tanging kanilang bulsa ang napunan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-28T06:59:00.000+08:00

Dapat lang!
REY MARFIL

TOKYO, Japan --- Ginugunita ng bayan ang dagok at pinsalang dala ni Ondoy, saktong dalawang (2) taon na ang nakakalipas.

Sa isang bansang tanyag sa buong mundo ang resiliency, matatag man tayo bilang isang lahi’t lipi, mapait pa rin ang alaala na nagpamukha sa atin ng pagsasawalang-bahala. Isang bangungot itong nagpamulat sa atin sa kakulangan ng forward-looking vision na pangunahing obligasyon ng bawat pamahalaan.

Nagising ang kamalayan ng publiko sa kabuktutan ng nakalipas na administrasyong nagpasasa sa pandarambong sa kaban ng bayan. Baul na sanang bukal ng mga proyekto’t programang tutukod sa taumbayan upang dumating man at lumipas ang daluyong ng kalamidad -- nakabigkis at nakatayo pa rin tayong susuong sa hamon ng darating na panahon.

Bangungot man ang Ondoy, mapait man ang alaalang iniwan nito, hindi kailanman nanlumo ang pananampalataya natin sa kakayahan ng mga Pinoy na gumawa ng hakbang upang baguhin ang noo’y siguradong kalulugmukan.

Natuto na ang bayan. Nagsimula ang manipestasyon nito ng isang bansa tayong nagdesisyong iiwan na ang nakasanayang katiwalian sa katungkulan at iwaglit ang isinubong baluktot na kalakaran sa pamahalaan.

Itinalaga natin bilang isang bansa ang lideratong nakasimangot sa tiwaling kaparaanan. Iniluklok natin ang isang panguluhang mangunguna ng pagbabago at pagtahak ng buong bansa sa tuwid na daan at hindi maitatangging maayos ang Pilipinas sa kamay ni Pangulong Noynoy “PNoy” Aquino.

***

Napag-usapan ang tamang pamamalakad, agarang umuwi ng Pilipinas si PNoy matapos ang matagumpay na biyahe sa Estados Unidos upang siguruhing nasa tamang estado ang kahandaan natin sa pagdaluyong ng dalawang (2) kalamidad -- ang epekto ng paggewang sa ekonomiya ng Europa at ang bagyong si Pedring.

Naiwan man ang economic managers ng pamahalaan sa US, hindi naman nagpahuli ang kani-kanilang mga bataan sa paghahanda. Habang abala ang ilang kalihim natin na kumukumbinsi sa mga bossing ng ahensya ng pandaigdigang pamumuhunan na muling balangkasin ang rating ng ekonomiya at hikayatin ang mga itong ilagay na sa Investment Rating ang Pilipinas, naka-focus namang gumagana ang lahat ng ahensya upang patuloy na paghandaan ang epekto ng pandaigdigang krisis pinansyal.

Pansinin ninyo -- nadapa man nang saglit ang stock exchange, hindi halos naramdaman ng ating mga kababayan dahil agad naman itong nasolusyunan. Dahil ‘yan sa kahandaan. Ganu’n din si DND Undersecretary Benito Ramos -- pinakilos ang mga instrumento ng pamahalaan at mga ahensyang nakapaloob sa NDRRMC upang agad na i-deploy ang mga tao ng gobyerno sa mga nai-project na dadaanan ni Pedring.

Malayo pa man ito, nasa mga probinsya na ang mga trak ng Armed Forces of the Philippines (AFP) at nakikipagtulungan sa DSWD at pamahalaang local. Pinapatunayan ng mga pagkilos na ito na wala talagang kapalit ang masusing paghahanda.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-26T07:05:00.000+08:00

Exodus!

TOKYO, Japan --- Matapos ang matagumpay na biyahe sa Amerika, bansang Japan naman ang takbo ni Pangulong Benigno ‘PNoy’ Aquino III para himukin ang mga Hapong maglagak ng puhunan sa ating bansa at unang salvo ng official working visit ang pagharap sa Filipino community kahapon, isang oras makaraang lumapag ang eroplano mula Pilipinas.

Sinimulan ni PNoy ang 4-day official working visit, sa pakikipagdaupang palad sa mga overseas Filipino workers (OFWs), alas-kuwatro kahapon (Japan time) sa Japan Education Center (main auditorium), halos isang oras lamang ang pahinga ng Pangulo makaraan ang arrival sa Haneda Airport (3:00 p.m.).
At ngayong umaga (Lunes), bibisitahin ni PNoy ang Kadonowaki Evacuation Center sa Ishinomaki City na tinutuluyan ng mga biktima ng trahedya, kasunod ang kaliwa’t kanang business meeting. Take note: Anim hanggang pitong oras ang biyahe mula Tokyo patungong Sendai at Ishinomaki City kaya’t via bullet train ang buong delegasyon -- ito’y lalakbayin ng dalawang oras.

Sa kabuuan, hindi kaila ngayon sa hanay ng mga mamumuhunan sa sektor ng industriya at manufacturing ang lumalawak na sentimiyento, maging ang planong umalis at mag-alsa balutan patungo sa ibang bansang mura ang overhead sa labor at iba pang pagkakagastusan sa pamumuhunan lalo pa’t sunud-sunod ang dagok ng kalamidad dulot ng bagyo, baha, tsunami at lindol ang dumating dito.

At hindi rin kaila ang krisis sa enerhiya at kalusugan dulot ng pagkasira ng mga pasilidad sa kuryente na adik sa panggatong-nuclear, natural na lumakas ang tulak palabas sa mga ito dala na rin ng napakataas na labor cost, buwis at upa na lapad ang katapat na kabayaran.

Dikta ng panahon ang kasalukuyang balyahan, tulakan at agawan sa hanay ng mga ekonomiyang Asiano upang makopo ang exodus ng investment mula sa Japan. Alam kasi ng lahat na hindi lamang maliit ang kaakibat na capital sa mga negosyong kakaripas mula sa Japan. Malalaking pera ito -- big ticket investments ang taguri ng mga ekonimista. Kung ikaw ang Pilipinas, magpapahuli ka ba? Uupo ka lamang ba sa gitna ng mala-feeding frenzy?

***

Napag-usapan ang Japan trio, madiin ang bawat mensahe ni PNoy -- hindi siya magdadalawang-isip na itaya ang resources ng pamahalaan makasungkit lamang ng proyekto mula sa hitik na investments market ng Japan at buong mundo. Napakalaki ng potensyal na umani ang Pilipinas dito.

Bagama’t napasama ang bansa sa corruption index, karahasan at burukrasyang di-makatugo’t ‘di angkop sa pangangailangan ng pumapasok na negosyo’t pamumuhunan, lahat nang ito’y pawang bahagi ng nakaraan na lamang -- ito’y unti-unti ngunit patuloy na napapawi ng matuwid na pamamalakad at pinatinong mga patakaran, as in ‘di maglalaon, makukumbinse ng pamunuan ni PNoy ang Kongreso at Hudikatura na gawing consistent ang batas at hubuging ‘di-nagpipingkian ang mga polisiya.

Gabundok man ang mga ito, nakakapanliit man ang mga kinakailangang gawin, hindi kailanman nakakapagod pagkayuran kung ito’y makakabuti sa mamamayan.

Sa pagtalaga ng bagong hepe ng kapulisan, siniguro ni PNoy na walang bahid ang mamumuno ng ahensyang pangunahing tutuon ng pansin sa krimen at karahasan. Pinatitino ang burukrasya, lalo pang pinaiksi ang mga proseso, pinaliit ang bilang ng mga rekisitos, pinadami ang safety-nets upang bawasan ang pagkakataong gumawa ng raket, kotong at pandarambong.

Naglalawa ang mata ng mga investors sa bansa natin, lalung-lalo na ang mga Hapon. Take note: Tone-toneladang yamang-mineral, istratehikong pinagkakalagyan sa Timog Silangan at Hilagang Asya at lumalaking bilang ng mamamayang bihasa sa Ingles. Dalawang oras lang ang layo ng Hong Kong. Higit sa lahat, 7,107 dito ang luntiang mga islang pinapalibutan ng puting buhanginan at mala-kristal na karagatan. Saan ka pa? Pupunta ka pa ba sa iba?

Sumang-ayon ang lahat sa tinuran ni PNoy -- “Wala tayo sa dapat nating kalagyan.” Ngunit sa ganang akin, walang imposible sa mamamayan na sabay-sabay na nagsabing “ayaw na namin sa pamahalaang batbat ng katiwalian” -- ito’y ipinamalas ng mga Filipino noong May 10, 2010 election. Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-23T06:57:00.000+08:00

Maraming napahiya! (Last part)

Pinagsisikapan ng liderato ni Pangulong Benigno ‘PNoy’ Aquino III na maiangat ang kabuhayan ng mahihirap kung kaya’t umangat ang performance rating. Hindi man nagiging laman ng mga slogan ng pamahalaan ang sektor ng maralita, hindi lingid sa kaalaman ng publiko ang mga programang naitutulay ng mga taong gobyerno upang mapabuti ang kanilang kalagayan.

Malinaw sa resulta ng Pulse Asia survey ang epekto ng pagkalinga ng Panguluhan, sa pamamagitan ng programang PPPP o CCT kung saan direktang ibinabahagi ng gobyerno ang maliliit na alokasyon sa pambansang budget.

Wala mang billboard o naglalakihang anunsyo, walang tatalo sa pagpapahayag na pumapawi sa kalam ng sikmura -- ito’y indikasyon lamang sa matandang kaalaman na nagsasabing “ang taong busog, ‘di kailanman mag-iisip mambugbog” as in. Hindi gagawa ng masama ang taong sapat ang laman ng sikmura.

Dulot din nito ang pagbabago ng pananaw sa kinabukasan maging ang pagtingin sa sarili. Sa ganitong mindset ng ating mga kababayan, madali silang maengganyong magtrabaho upang kumita. Isang pagpapasinungaling sa madalas na argumento laban sa CCT na ito’y isang dole-out o limos, aba’y paano nga naman lalakad at maghanap ng pagkakakitaan ang taong gutom at walang pamasahe man lamang?

Alalahanin din nating ang sektor na ito ang nag-alsa sa pinakamadugong episode sa kasaysayan ng EDSA. Kung ikaw ang pamahalaan, nanaisin mo bang pabayaan at magbulag-bulagan sa pagdudusa ng mga maralita?

***

Napag-usapan ang survey, sa loob lamang ng tatlong buwan, mula Mayo hanggang Agosto ngayong taon, tumalon ng double digits ang numerong nagsasaad ng pagsang-ayon at tiwala sa Pangulo. Kung 12% ang itinaas ng mga sumasang-ayon kay PNoy sa Visayas, aba’y 15% ang itinaas ng mga tumango sa mga programang isinulong nito sa Metro Manila.

Sa parehong panahon din o yugto, 18% ang inilundag ng numero ng mga nagtitiwala kay PNoy sa Metro Manila.

Sa mga pigurang inilabas ng Pulse Asia sa Ulat ng Bayan Survey, ipinapakita lamang na unti-unti nang nagigiba ang impresyong kinakatawan ng katagang “Imperial Manila”.

Bagama’t dito ang sentro ng mga tanggapan ng pamahalaan, ramdam sa buong bansa ang sinseridad ng lideratong maitulay sa mga kanayunan ang mga proyekto’t programang naglalayong ibsan ang kahirapan.

Totoo nga namang “kung matuwid ang puno, sanga at bunga’y hindi nalalayo.”
Dahil na rin marahil sa laki ng mga usaping bumalagbag sa kamalayan ng Pinoy ng mga panahong kinalap ang mga numerong nakapaloob sa survey na ito, umabante nang husto ang performance rating ng Pangulo.

Kung 75% ang pasadong marka -- ang karaniwang markang ibinigay kay PNoy ng 1,200 kababayan nating napagtanungan ng survey sa buong bansa -- 75% sa poverty reduction hanggang 80% sa delivery of basic services sa mga nangangailangan. Sa 11 isyu na naitanong sa survey, 80% ang markang ibinigay ng mga kababayan natin kay PNoy kung performance lang naman ang pinag-uusapan. Kadalasan, lalung-lalo na sa panahon ng halalan, ang mga survey ay isinasagawa sa udyok ng salaping galing sa mga kampo-pulitika at mga organisadong samahang tumaya sa kani-kanyang kalahok sa pampulitikang sabong.

Kinukumisyon o binabayaran ang mga survey outfit upang mangalap ng opinion, pananaw at saloobin at inilalabas bilang numerong panukat na nagiging batayan ng pagbabalangkas ng mga estratehiyang pampulitika.

Ngunit dito sa partikular na survey na inilabas kamakailan ng Pulse Asia, walang nagbayad o nag-commission sa naturang survey firm. Sadyang regular na ginagawa ang ganitong pagsisiyasat isang buwan matapos mag-deliver ang pangulo ng kanyang State of the Nation Address o SONA.

Isang direktang panukat sa sentimento ng bayan sa Pangulo at sa pananaw sa kalagayan ng bansa. Kung walang interes sa likod ng survey, naiibsan ang impresyong manipulado ang pagkalap nito. Kung walang nagbayad, humuhupa ang pananaw ng pagkiling.

Sa resultang ito, masasabi nating hindi kailanman nagsisinungaling ang numero at ebidensya sa pagbuti ng kalagayan ng bansa. Patunay sa pagbabago ng pananaw sa pamahalaang buong tapang na pinangungunahan ng pangulong tumatanggi sa pang-aakit ng balikong landas. Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-21T07:06:00.001+08:00

Maraming napahiya!
REY MARFIL

Hindi nagsisinungaling ang ebidensya -- sa korte man o paboritong pagupitan, laging lamang ang posisyong nakaangkla sa katibayan o matatag na basehan. Dalawang buwan matapos ang unang taon ni Pangulong Benigno ‘PNoy’ Aquino III sa panunungkulan, inilabas ng Pulse Asia ang resulta ng kanilang pinakahuling survey sa pulso ng bayan.

Madalas ipangalandakan ng mga masinsinang bumabanat kay PNoy ang diumano’y mistulang pelikulang pagpapalabas ng mga isyung pinag-uusapan upang pumabor ang resulta sa kasalukuyang pamunuan. Ngunit, may katotohanan man o wala, hindi naman kayang gibain ang kahit na kapirasong impormasyong bitbit ng mga numero sa resultang ito.

Dalawa ang punto ng pinakabagong survey ng Pulse Asia Ulat ng Bayan National Survey na isinagawa mula August 20 hanggang September 2, gamit ang mala-Face to Face na ni Tyang Amy sa 1,200 na Filipino na nasa edad 18 pataas: ang Approval sa Performance ng Pangulo at ang Tiwala sa kanya ng bayang minsang pinagkaitan ng matuwid na panunungkulan.

Malinaw ang ebidensya, 77 sa 100 katao ang sumasang-ayon sa performance ng Pangulo (Approval) at 75 sa 100 katao ang patuloy na nagtitiwala sa kanya (Trust).

Sa kabilang banda, apat lamang sa 100 Filipino ang hindi sang-ayon sa mga programa ni PNoy, lima sa 100 ang hindi nagtitiwala at 18 sa 100 ang hindi matanto ang pananaw.

Ang mga numerong nabanggit, ito’y nagsasabi lamang na dumami ng anim na porsyento ang sumasang-ayon sa performance ni PNoy mula sa mga pigurang nakuha ng pangulo noong Mayo ngayong taon.

***

Napag-usapan ang mga numero, halos katulad din dito ang mga naidagdag na bilang sa mga kababayan nating nagtitiwala kay PNoy mula sa mga nakuha nitong bilang sa nasabing buwan (4 percentage points).

Kung pagbabasehan ang mga isinagawang programa ng Pangulo sampu ng kaliwa’t kanang imbestigasyon sa Dalawang Kamara ng Kongreso na humahabol sa katiwaliang namayagpag ng nakalipas na dekada ng mga taong nagpasasa sa pandarambong sa kaban ng bayan, patunay lamang ang mga detalyeng ito na lalo pang nakumbinsi ng Pangulo, maging yaong mga dati ay hindi naniniwala sa kanya, kabilang na ang mga walang pakialam sa performance ng pamahalaan.

Suriin ang mga pigura base sa socio-economic class at paghambingin natin ang mga saloobin at pananaw ng ating mga kababayan sa iba’t ibang estado ng pamumuhay -- sa Ulat ng Bayan Survey ng Pulse Asia na inilabas noong isang linggo, mas mataas ang pagsang-ayon at pagtitiwala sa pangulo ng mga kababayan nating nasa Class E -- yaong mga mahihirap at maralita.

Base sa nasabing datos, 86% sa kanila ang nagsasang-ayon sa Pangulo at 82% sa kanila ang nagtitiwala sa kanya, as in halos 20% ang lamang ng mga numerong ito kung ihahambing sa mga middle-class -- yaong may mga permanenteng hanapbuhay at mga maayos ang buhay.

Kung dami lang din naman ang pinag-uusapan, ang saloobin ng mga mahihirap ang importante sa isang lider ng bansa. Unang-una, sila ang mas nakararami. Pangalawa, sila rin ang mas nangangailangang pagsilbihan ng pamahalaan at sila rin ang kailangang paglaanan ng pansin, atensyon at resources ng gobyerno. Abangan ang karugtong.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-19T07:02:00.000+08:00

May malasakit!
REY MARFIL

Muling ipinakita ni Pangulong Benigno ‘PNoy’ Aquino III ang kanyang malasakit sa kalusugan ng mga Filipino sa pagsilang ng alyansa ng Philippine Health Insurance Corporation (PhilHealth) at pribadong mga kompanya.

Maganda ang paglulunsad ng PhilHealth kamakailan sa public-private partnership (PPP) schemes kasama ng ilang malalaking pangalan sa negosyo bilang suporta sa “Kalusugan Pangkalahatan” as in Universal Health Care ng Department of Health (DoH).

Tinatawag na Kalusugan Pangkalahatan ang “health reform agenda” ng DoH at pangunahing layunin nito ang magkaloob ng tulong pinansyal sa mga Filipino, lalung-lalo na sa mga mahihirap sa pamamagitan ng pagtiyak sa Universal PhilHealth coverage at pagpapaunlad ng benepisyo ng PhilHealth.

Idinesenyo ang inisyatibo ng PPP para matulungan ang PhilHealth na himukin ang mas maraming mga tao na maging bahagi ng PhilHealth at tulungan ang mga miyembro sa pagkakaloob ng serbisyo.

Ipinapakita lamang nito ang pagtiyak ni PNoy na mabibigayn ng serbisyong kalusugan ang mga mayayaman at mahihirap na mga Filipino, partikular ang insurance law.

Sa tulong ng PPP, magkakaroon ng diskuwento sa medisina at iba pang serbisyong pangkalusugan ang lahat ng mga miyembro ng PhilHealth.

***

Napag-usapan ang aksyon, hindi ba’t kapuri-puri ang pagpapalabas ni PNoy ng P1.62 bilyon para matulungan ang National Power Corporation (NPC) na mapigilan ang napipintong kakapusan ng kuryente sa ilang malalayong mga lugar sa buong bansa.

Sa pamamagitan ng P1.62 bilyon, mapapalakas nito ang kakayahan ng NPC na magbigay ng matatag na suplay ng kuryente sa mga lugar na nakakaranas na ng manaka-nakang pagkawala ng kuryente dahil sa kakapusan ng suplay.

Senyales din ito ng paghahanda ng pamahalaan sa pagtiyak ng matatag at mas mababang halaga ng suplay ng kuryente sa malalayong mga lugar kung saan pinoproseso na ang electrification project.

Sa P1.62 bilyon, P1.32 bilyon dito ang magagamit para sa fuel requirements ng Small Power Utilities Group (SPUG) ng NPC; P162.5 milyon o kalahati ng capital expenditure ngayong 2011 ng NPC para sa pagbili ng ekstrang SPUG plants; at P140 milyon para sa renta ng generator sa SPUG areas. Kukunin ang pondo sa Malampaya Fund.

Umabot naman sa kabuuang P3.6 bilyon ang naipalabas para sa NPC-SPUG ngayong taon. Isang missionary electrification arm ng NPC ang SPUG na nasa likod ng operasyon ng 317 generating units na mayroong kabuuang capacity na. 147.675 MW sa 86 na mga lugar.

Sa ilalim ng ganitong operasyon sa buong bansa, umaabot sa 78 island grids at 8 isolated grids ang nabibigyan ng serbisyo na kumakatawan sa 3,330 barangays sa 192 munisipalidad sa buong bansa.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com

2011-09-16T07:04:00.000+08:00

Kawawang ARMM!
REY MARFIL

Sa bisa ng temporary restraining order (TRO) inilabas ng Korte Suprema noong nakaraang Setyembre 13 (Martes), naharang ang paglilipat ng halalan sa 2013 at pagtalaga ng mga officer-in-charges (OICs) sa Autonomous Region of Muslim Mindanao (ARMM).

Ang malinaw, hindi nagtatapos sa isang TRO ang pagnanais ni Pangulong Benigno ‘PNoy’ Aquino III na maituwid ang nakagisnang katiwalian sa ARMM, mapa-ghost roads, ghost school o ghost teachers.

Anuman ang katwirang pinagbasehan ng mga mahistrado ng Korte Suprema para panigan ang punto de vista ng kontra sa pagpapaliban ng ARMM elections noong nakaraang Agosto, nawa’y magsilbing salamin ang mga kaganapan sa ilang lalawigang sakop ng autonomous region, katulad ang pambobomba sa convoy ni Maguindanao Governor Ismail Mangudadatu -- isang patotoo kung gaano kaseryoso ang problema sa Mindanao.

Pinaka-latest ang dalawang magkasunod na pambobomba sa convoy ni Department of Interior and Local Government (DILG) Secretary Jessie Robredo. Take note: Hindi pa kasama ang sangkaterbang kaso ng kidnapping at patayan sa rehiyon, Maguindanao massacre na bumandera sa lahat ng peryodiko, mapa-international at Timbukto, maging ang nawawalang multi-bilyon pisong nadiskubre ng Commission on Audit (COA)..

Sa kabilang banda, hindi pa huli ang lahat upang maituwid ang pagkakamali sa pagkalikha ng ARMM -- meron pang tsansang mabago ang desisyon ng Korte Suprema, gamit ang motion for reconsideration na ihahain ng palasyo. Kaya’t ipagdasal nating lukuban ng magandang espiritu ang ilan sa mahistrado.

***

Napag-usapan ang ARMM election, narito ang pahayag at damdamin ni PNoy makaraang ilabas ng Korte Suprema ang TRO. Kayo ang humusga sa punto de vista ng Pangulo kung bakit napakaimportante sa isang “matuwid na daan” ang pagsibak sa kasalukuyang opisyal ng ARMM.

“Nitong hapon (Martes), nakarating sa atin ang balitang nagpalabas ng Temporary Restraining Order ang Korte Suprema laban sa pagpapaliban ng halalan sa ARMM sa 2013, gayundin sa pagtatalaga natin ng mga Officer-in-Charge na pansamantalang mamamahala sa ARMM.

Simple lang naman po ang isyu: Natutuwa ba tayo sa sitwasyon sa ARMM? Natutuwa ba tayo sa report ng COA tungkol sa pagkawala ng walumpung porsyento ng pondo na dapat sana ay napunta sa taumbayan? Ganoon po ba kadaling malimot ang limampu’t pitong taong walang-awang pinaslang sa Maguindanao?

Risonable bang asahan na may pagbabagong mangyayari kung ang tatakbo at mananalo kapag natuloy ang eleksyon ay mga pulitikong walang ibang tututukan kundi ang pananatili nila sa kapangyarihan?

Hindi lamang ARMM ang naaapektuhan sa mga travel advisories, o sa mga bomb threats o sa malawakang kultura ng karahasan. Malaking dagok din ito sa pangkalahatang imahe ng Pilipinas sa buong mundo.

Kailangan nating putulin ang sistema ng pang-aabuso na tila naging kultura na sa ARMM. Kaya naman reporma ang tanging magiging tuon ng ating mga OIC: Totoong ospital, totoong paaralan, totoong mga serbisyo, at hindi mga multong pinagkakakitaan. Sa sistemang umiral, ni walang katiyakan o kasiguruhan ang mga datos na nakakalap natin, tulad ng sa DPWH at sa NSO.

Mahihinto lamang ang kalakarang ito kapag nakapagtalaga tayo ng mga OIC na magiging tapat na katuwang natin sa pagbagtas sa tuwid na daan. Sinisiguro namin sa loob ng dalawampu’t isang buwan na panunungkulan ng mga OIC, magkakaroon ng radikal na pagbabago na magbibigay ng tunay na serbisyo sa mga mamamayan ng ARMM.

Maaaring walang katapusan ang mga pagtatalo natin ukol sa usaping ito, ngunit sa huli, tayo ay huhusgahan ayon sa positibong ipagbubunga ng mga ipinupunla nating reporma.

Habang hinihintay natin ang pag-usad ng kaso sa Korte Suprema, gaya ng dati, nakatutok pa rin ang inyong pamahalaan para magdulot ng pagbabago sa ARMM at ang pagbabalik sa mga mamamayan nito ng tunay na kapangyarihan.

-President Benigno S. Aquino III

Laging tandaan: Bata n’yo ko at Ako ang Spy n’yo.” (mgakurimaw.blogspot.com)

2011-09-14T07:01:00.000+08:00

Sakripisyo!
REY MARFIL

Kung tutuusin, mapalad ang mga Filipino dahil nagkaroon ng isang lider na katulad ni Pangulong Noynoy “PNoy” Aquino, aba’y sobra-sobra ang sakripisyong ginagawa sa buhay.

At kahit binata na malayang makapanligaw o makipag-date, sinuman ang mapusuan, nauwi pa rin sa “zero” ang love life gayong pwedeng “family-size” o litro.

Isang patunay ang paglikha ng trabaho sa mga benepisyunaryo ng programang Conditional Cash Transfer (CCT) o Pantawid Pamilyang Pilipino Program (4Ps) -- isang magandang balita ang alyansa ng ilang ahensya ng pamahalaan, kalakip ang layuning matulungan ang mga pamilyang mahihirap at mabawasan ang bilang ng mga tambay sa kanto tuwing dapit-hapon, sampu ng mga kumukuya-kuyakoy.

Upang magkaroon ng bagong mga trabaho, lumagda ang Department of Public Works and Highways (DPWH) sa isang memorandum of agreement (MoA), sa pagitan ng Department of Social Welfare and Development (DSWD) para simulan ang programa sa pagmimintina ng gilid ng mga kalsada.

Nangangahulugan ng karagdagang pagkain sa lamesa ng bawat pamilyang Filipino ang “Trabahong Lansangan ng Programang Pantawid Pamilyang Pilipino.” Ang good news -- siguradong trabaho ang maibibigay ng programa, maging sa mga benepisyunaryong walang sapat na kakayahan bilang manggagawa dahil kabilang lamang sa mga gagawin ang paglilinis ng daluyan ng tubig at pagwawalis.

Sa ilalim ng kasunduan, responsibilidad ng DSWD ang pagkakaloob ng “priority list” ng mga benepisyunaryo, kabilang ang pagsagawa ng organisasyon sa komunidad at sosyal na paghahanda sa imbentaryo ng mga kakayahan at pagpapaunlad nito, at pagsagawa ng regular na pagbabantay at pag-uulat sa operasyon ng proyekto.

Sa kabilang banda, magkakaloob naman ang DPWH sa DSWD ng listahan ng taunang pangangailangan sa skilled at unskilled workers, paglalaan ng 20% ng labor requirement para sa mga benepisyunaryo at tiyakin ang implementasyon ng kinauukulang batas sa paggawa.

Kaya’t hindi nakakagulat ang huling survey ng Social Weather Station (SWS) na nagsasabing mas dumami ang bilang ng mga Pinoy na tiwalang gaganda ang kanilang buhay sa ilalim ng administrasyon ni PNoy, maliban kung sadyang mutain at sandamakmak ang tutuli ng mga kritiko?

***

Napag-usapan ang good news, ating batiin ang administrasyong Aquino sa seryosong pagsusumikap nitong resolbahin ang mga kakulangan sa silid-aralan sa mga pampublikong paaralan sa buong bansa.

Ang “latest recruit” ng pamahalaan sa pagtutok ng Department of Education (DepEd) para resolbahin ang kakapusan sa mga kuwarto -- ang pamahalaang panlalawigan ng Ilocos Norte.

Nakaraang linggo, lumagda sina Education Sec. Armin Luistro at Ilocos Norte Gov. Imee Marcos sa isang counter-parting agreement sa paggawa ng 44 silid-aralan sa Paoay Lake National High School at Paoay Elementary School sa halagang P50 milyon.

Sa ngayon, siyam (9) na lalawigan at siyam (9) ding lungsod ang lumagda sa kasunduan sa DepEd. Take note: may kabuuang 1,347 ang bagong silid-aralan para sa kabuuang P616 milyong ambag ng mga lokal na pamahalaan at umabot naman ang kontribusyon ng DepEd sa kabuuang P1.129 bilyon.

Sa kaagahan ng taon, lumagda ang DepEd sa isang memorandum of agreement, sa pagitan ng League of Cities, League of Municipalities, League of Provinces of the Philippines, at Department of Budget and Management (DBM) para sa implementasyon ng paggawa ng mga kuwarto sa ilalim ng counter-parting scheme.

Tutulong ang tanggapan ni DBM Secretary Butch Abad sa pagtukoy kung saan kukunin ang kakailanganing pondo at pagpapalabas ng kaukulang salapi para sa programa.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-12T07:18:00.000+08:00

Aminin o hindi ng mga kritiko, sampu ng mga hindi makahulagpos sa liku-likong daan sa mahabang panahon, napakalayo ng nabago sa gobyerno -- isang patotoo ang kahandaan ng administrasyong Aquino sa tuwing nagkakaroon ng kaguluhan sa ibang bansa at nalalagay sa balag ng alanganin ang buhay ng mga overseas Filipino workers (OFWs).

Hindi man kasing-kapangyarihan at ka-moderno ang sistema, katulad ng Estados Unidos, Britanya at iba pang Kanluraning bansa, maituturing pa ring epektibo ang gobyerno sa paglilikas ng mga OFWs.

Lahat ng kaparaanan, ginagawa ni Pangulong Benigno ‘PNoy’ Aquino III kahit mala-adobe sa tigas ng ulo ang ilan nating kababayan na ayaw lisanin ang pinagtatrabahuhan -- ito’y isang patunay kung paano pinapahalagahan ng Pangulo ang kapakanan at interes ng mga nasasakupan lalo pa’t bawat buhay ay mahalaga.

Simula ng maupo, laging handa ang administrasyong Aquino sa agarang paglilikas ng OFWs na naiipit sa ibang bansa, mapa-Libya o Syria at laging katuwang ng Malacañang sa pagtulong ang Philippine Airlines (PAL) para ilikas ang mga nagbabalik nating kababayan -- ito’y makailang beses nasubukan.

Sa ilalim ng pagtutulungan, kinakargo ng Malacañang ang gastos sa gasolina at cabin crew ng PAL -- ito’y magsilbing ehemplo sa ilang air lines company, as in hindi puro kita o balik sa bulsa ang isipin kundi ang makatulong sa gobyerno, maging sa mga kababayan nating nangangailangan ng responde sa panahong naiipit sa gulo, maliban kung nahawa sa buwayang si Lolong?

Hindi ba’t magandang marinig na meron katuwang ang gobyerno para ilikas ang libu-libong OFWs na naiipit sa giyera, katulad nang nangyari sa Libya at Syria?

Sa kaalaman ng publiko, kapag isinailalim sa crisis alert level 3, sasagutin ng gobyerno ang boluntaryong paglikas sa OFWs.

***

Napag-usapan ang aksyon ng gobyerno, hindi ba’t nakakabilib ang diskarte ni PNoy sa pagtulong sa sektor ng agrikultura upang mapababa ang mga produktong inaangkat ng ating bansa?

Aba’y, mula Hulyo 2010 hanggang Mayo 2011, umabot sa kabuuang 1,814 kilometro (kms) ng Farm-to-Market Roads (FMRs) ang nagawa ng gobyerno, gamit ang pondo ng Department of Agriculture (DA).

Hindi lang ‘yan, umabot din sa 687 kms na FMRs ang nagawa sa ilalim ng locally-funded at foreign assisted projects sa parehong panahon. At sa kabuuan, umabot na sa 2,501 kms ang natapos na FMRs na magkakaloob ng mabilis at maayos na serbisyo sa pagdadala sa kinauukulan ng mga ani mula sa taniman.

Tanging mutain at sandamakmak ang tutule ang hindi nakakaalam na ngayong taon naitala ang pinakamataas na produksyon ng palay at nabawasan ang tone-toneladang bigas na nakaugaliang angkatin ng mga dating opisyal -- isang patunay kung paano naitutuwid ang maling patakaran na naging institusyon sa nakaraan.

Maliban sa mga kalsada, nakagawa rin ang administrasyong Aquino ng kabuuang 65 tramlines na nagkokonekta sa mga lugar na mayroong FMRs mula Hulyo 2010 hanggang Hunyo 2011.

At sa tulong ng tramlines, naibaba ang ratio sa pag-aangkat ng produkto, aba’y ang dating P2, ito’y naging P1 kada kilo at minuto na lamang ang biyahe mula sa dating ilang oras.

Isa sa magandang halimbawa ang 400-meter tramline sa Twin Peaks sa Tuba, Benguet na nagresulta para mapababa sa limang minuto ng biyahe -- ito’y napakalayo sa dalawang oras na ginugugol sa pagbiyahe ng mga produkto.

Kung hindi pa rin nakikita at naririnig ng mga kritiko ni PNoy ang pagbabagong ito, aba’y maghilamos kada minuto at sandok ang ipangtutule sa tainga nito.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Laging handa!
REY MARFIL

2011-09-09T07:04:00.000+08:00

Mahalaga ang kalusugan!
REY MARFIL

Sa dami ng tambay at kumukuya-kuyakoy sa kanto, isang napakalaking good news ang pagkuha ng administrasyong Aquino sa serbisyo ng karagdagang 12 libong nurses, midwives at doctor sa ilalim ng Registered Nurses for Health Enhancement and Local Service (RN-HEALS).

Para sa kaalaman ng nakakarami, ang RN-HEALS -- ito’y programa ng Department of Health (DOH) para matulungan ang mahihirap na mga komunidad na magkaroon ng access sa tamang serbisyong pangkalusugan.

Magbibigay ng magandang balita sa graduates ang pahayag ni Health Sec. Enrique Ona kaugnay sa magandang balita ni Pangulong Benigno ‘PNoy’ Aquino III, malinaw ang paglikha ng bagong trabaho -- ito’y hiwalay sa naunang 10 libong health workers na kinuha ng gobyerno sa nakalipas na anim na buwan.

Layunin ng RN-HEALS ang kumuha ng nurses para sa mahihirap na mga komunidad na makapagbigay ng maayos na serbisyong pangkalusugan sa lahat ng mga Filipino, katuwang ng DOH ang Department of Social Welfare and Development (DSWD).

Magtutulungan ang lokal at national government sa programang tutugon din sa kakulangan ng mga skilled at experienced nurses, partikular sa 1,221 rural areas at mga lugar na hindi nabigyan ng serbisyo o kulang sa serbisyong pangkomunidad -- ito’y puntiryang matugunan sa loob ng isang taon.

Simula ngayong buwan, ipapatupad ng Philippine Health Insurance Corp. (Philhealth) ang tinatawag na “case-rate system” kung saan bahagi ng programa ang reporma sa insurance system para mabigyan ang publiko ng oportunidad sa serbisyong pangkalusugan.

Sa ilalim ng programa, gagamutin ng walang gagastusin sa mga pampublikong ospital ang mga kasapi ng Philhealth-sponsored programs, partikular ang mga mahihirap na pamilyang nasa ilalim ng conditional cash transfer (CCT) program ng DSWD.

Upang maging epektibo ang “universal health care” na inisyatibo ng pamahalaan, malaki ang maitutulong ng middle-income families, sa pamamagitan ng pagkuha ng Philhealth upang mapakinabangan ang Philhealth insurance coverage. Umaabot sa P1,200 ang taunang kontribusyon na maaaring sumakop sa isang pamilya.

Isa pa sa programa ng DOH ang pagbabawas sa maternal deaths sa bansa. Sa ngayon, umaabot ang maternal mortality ng bansa sa 95 hanggang 163 bawat 100,000 bagong panganak habang naitala naman ang infant mortality sa 25 bawat 1,000 ipinapanganak.

***

Napag-usapan ang good news, ipinag-utos ni PNoy na ilabas ang P6 bilyong pondo para sa pagpapaunlad, pagkumpuni at pagmantine ng iba’t ibang lokal na paliparan, kabaliktaran sa “kiyaw-kiyaw” ng mga “mutaing kritiko”, sampu ng hindi makapag-move on sa resulta ng 2010 presidential elections!

Malinaw sa kautusan ni PNoy na mapapabuti ang kalagayan ng mga paliparan sa bansa para matiyak ang magandang serbisyo lalo na sa inaasahang pagpasok ng mga banyagang eroplano sa open skies policy ng gobyerno.

Magsasagawa ang gobyerno ng pagkumpuni at rehabilitasyon ng mga paliparan sa Pilipinas upang mabawasan ang masikip na eskedyul sa pag-alis at pagdating ng mga eroplano.

Inaasahang positibo rin ang magiging bunga nito sa pagsusulong ng turismo ng bansa, partikular ang pagdami ng mga dayuhang magtatampisaw at mamasyal sa magagandang tanawin ng Pilipinas, mapa-dalampasigan, hanggang sinaunang istraktura na punung-puno ng kasaysayan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-07T07:09:00.002+08:00

P25M vs $13B!
REY MARFIL

Aminin o hindi ng mga kritiko, sampu ng grupong hindi makapag-move on sa resulta ng 2010 presidential elections, naging mabunga at malaking tagumpay ang pakikipagpulong ni Pangulong Benigno ‘PNoy’ Aquino III sa mga matataas na opisyal ng China.

Sa pagsalubong ni Wu Bangguo (Standing Committee Chairman ng National People’s Congress), sinabi nitong magpapalakas sa pagkakaisa ng Pilipinas at China ang pagbisita ni PNoy -- isang patunay kung paano pinapahalagahan ang pagpapabuti sa relasyon ng dalawang bansa.

Mahalaga ang malalim na palitan ng pananaw kaugnay sa bilateral relationship at mga isyung meron parehong pakinabang ang dalawang bansa para masulong ang kaunlaran.

Nakipagkita rin si PNoy kay Chinese Premier Wen Jiabao na tinitingnan ang kahalagahan ng pangmatagalang pananaw ng pamamahala sa bilateral relations tungo sa kaunlaran ng Pilipinas at China.

Pinuri rin ni Premier Wen ang produktibong pakikipag-usap ni PNoy sa kanyang counterpart -- si Chinese President Hu Jintao sa Great Hall of the People kung saan nilagdaan nila ang ilang mga kasunduan na naglalayong palakasin at patatagin ang bilateral ties ng dalawang bansa.

Tama rin si Premier Wen sa paggiit ng kahalagahan na ayusin ng mabuti ang pagdadala sa mga bagay at isyung hindi napagkakasunduan alang-alang sa pagpapatatag ng bilateral relations.

***

Napag-usapan ang China trip, dapat lamang batiin at papurihan si PNoy sa pagkakakuha ng malaking porsiyento ng Association of Southeast Asian Nations (ASEAN) China Investment Fund para sa bansa.

Bagama’t walang eksaktong halaga, inaasahang makakakuha ang Pilipinas ng mas mahigit sa 10% ng pondo na umaabot na ngayon sa $1 bilyon. Ibig sabihin, mas malaki ang naiuwing pakinabang sa mga Filipino sa China trip, maliban kung “row four” sa mathematics ang mga kritiko ni PNoy kaya’t hindi makuwenta ang nauwing package nito?

Kung ikukumpara ang P25 milyong ginastos sa China trip -- ito’y “bengkong”, as in baryang maituturing sa humigit kumulang $13 bilyon ang naiuwing negosyo ni PNoy, nangangahulugang karagdagang trabaho sa Pilipinas. Take note: dollars at hindi peso ang usapan!

Para sa kaalaman ng publiko, isang pribadong equity fund ang ASEAN China Investment Fund na nagkakaloob ng kapital para sa small at medium sized na mga negosyo sa ASEAN at People’s Republic of China. Tumatayong sponsors/investors ng pondo (ASEAN China Investment Fund) ang Swiss Government, Asian Development Bank at United Overseas Bank.

Tunay na isang malaking tagumpay ito kay PNoy na galing sa limang araw na pagbisita sa China at talagang humigit sa kanyang inaasahan ang natamong tagumpay sa biyahe.

Higit sa lahat, tama rin si PNoy sa pagsasabing nakikita ng mga tagapangalaga ng ASEAN China Investment Fund ang paborableng mga programa ng pamahalaan ng Pilipinas katuwang ang lokal at internasyunal na mga komunidad na maitaas ang antas ng buhay ng mga Filipino.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-05T07:09:00.001+08:00

Mabungang biyahe!
REY MARFIL

FUJIAN --- Makatwirang suportahan ng publiko ang P600 milyong intelligence funds na hinihingi ng Office of the President (OP) sa ilalim ng P1.816 trilyong pambansang badyet sa 2012 para matiyak ang kapayapaan at kaayusan at makuha ang kailangang mga impormasyong hindi basta-basta nakukuha ng ordinaryong mga Filipino.

Maunawaan sana ng mga kritiko na Commander-in-Chief ng bansa ang Presidente at kailangang magkaroon ng sapat na makinarya para makuha ang lahat ng kailangang mga impormasyon upang protektahan ang pambansang interes.

Kailangang-kailangan naman talaga ang pondo para tiyakin ang pambansang interes at matiyak na makukuha ni Pangulong Benigno ‘PNoy’ Aquino III ang lahat ng impormasyong kailangan nito sa mga krusyal na desisyon base sa makukuhang mga datos.

Napakalaki ang responsibilidad ni PNoy bilang pinakamataas na lider ng bansa at kailangan nito ang lahat ng suporta para epektibo at maayos na magampanan ang kanyang tungkulin, as in hindi lamang naman kasi ang pagmantine ng kapayapaan at kaayusan ang kanyang obligasyon bilang lider ng bansa.

Hindi lang iyan, meron kritikal na isyung may kinalaman sa pambansang seguridad na magagampanan lamang sa pamamagitan ng sapat na pondo at wala namang duda, labis na mapagkakatiwalaan ang liderato ni PNoy na hindi mawawaldas ang intelligence fund.

***

Napag-usapan ang seguridad, saludo ang publiko sa mabunga at kapaki-pakinabang na limang araw na state visit ni PNoy sa China kung saan muli silang nanindigan nina Chinese President Hu Jintao na mapayapang resolbahin ang gusot sa teritoryo sa West Philippine Sea. Makakatulong ang kanilang paniniyak ng pagkakaisa para mapanatag at maging matatag ang rehiyon. Higit sa lahat, malinaw ang headlines “P-Noy back with $13-B package”.

Pinasasalamatan natin ang kahanga-hangang istilo ng liderato ng dalawang mga lider upang maging maayos at mapayapaa ang paghahanap ng solusyon sa pinag-aagawang mga isla at pagpapaunlad sa rehiyon ng Asya.

Maging si House Deputy Minority Leader at Zambales Rep. Ma. Milagros ‘Mitos’ Magsaysay, isa sa nangungunang mga kritiko ng administrasyong Aquino, napabilib sa naging performance ni PNoy matapos matiyak ang pagsusulong ng mapayapang solusyon sa pinag-aagawang mga isla at pagkakaroon ng pagpapaunlad sa ekonomiya ng bansa.

Tama si Magsaysay nang sabihing magandang pagkakataon sa ilalim ni PNoy ang pagkakaroon ng China ng mataas na kumpiyansa sa bansa at nakahanda silang palakasin ang mga programa sa negosyo at imprastraktura sa kabila ng pandaigdigang krisis pinansyal.

Tunay na mapalad ang bansa sa matagumpay na pagbalik ni PNoy mula China. Isang grupo ng mga isla ang Spratlys sa West Philippine Sea na pinaniniwalaang naglalaman ng malaking deposito ng langis at gas na inaangkin ng buo o bahagi ng Pilipinas, China at apat pang mga bansa.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-09-02T07:06:00.000+08:00

Kapartner!
REY MARFIL

SHANGHAI --- Bago umalis ng Beijing ang delegasyon ni Pangulong Benigno ‘PNoy’ Aquino III, ito’y nakipagkita kina Chairman Wu Bangguo ng Standing Committee of the National People’s Congress at Premier Wen Jiabao.

Bitbit ang mayamang kasaysayan sa kultura, negosyo’t kalakalan sa pagitan ng Pilipinas at ng Tsina, mistulang rickshaw driver si PNoy na hila-hila ang mga pambansang karanasang ito upang itulak ang patuloy na kalinangan ng kanya-kanyang bansa sa loob ng diplomatikong pakikipagkaibigan.

Limang araw ang bubunuin ni PNoy upang isulong ang interes ng bansa at buksan ang daang matuwid na landas ng kalakalan sa ikatlo sa pinakamalaking “trading partner” ng Pilipinas sa buong mundo at isa sa pinakamalaking merkado ng mga produktong nagmumula sa Pilipinas.

Iisa lamang ang maaaring patutunguhan ng isang agresibong pakikitungo ng Pilipinas sa Tsina sa larangan ng kalakalan at kultura na kakapalooban ng pag-iwas sa taghiyawat ng masalimuot na tagisang dala ng isyu sa Spratlys at Scarborough Shoals upang lalo pang paglapitin ang dalawang bansa sa pamamagitan ng paglinang sa masiglang mukha ng ugnayang diplomatiko.

Puyat man sa kaliwa’t kanang pi–ging at pulong, siguradong kaabang-abang ang baong dalang good news ng Pangulo sa susunod na linggo.

***

Napag-usapan ang China trip, hindi man hingin ni PNoy, ramdam ang suportang pabaon sa kanya ng higit na nakararami sa ating mga kababayan habang ito’y nakikipagkita sa mtataas na pinuno ng China. Ito ang katotohanan sa gitna ng mga kinakaharap na isyu-diplomatiko sa pagitan ng dalawang bansa.

Nakakataba ng puso ang mga pahayag ng mga kababayan natin bago pa man tumulak papuntang Beijing upang susugan ang misyon ni PNoy sa ating karatig-bayang tinuturing na ngayong isang global economic power.

Hindi lamang ito isang mainam na batayan ng isang mamamayang umaangat ang pambansang kamalayan -- ito’y senyales sa tiwalang handog ng mga kababayan nating positibo ang tingin sa pamahalaang hayag ang bawat hakbang upang paunlarin ang pangsosyal at pang-ekonomikong kalagayan ng lahat.

Higit sa lahat, batid ni PNoy ang pagkauhaw ng bayan sa mga pasalubong na milyun-milyong bagong investment at pagpasok ng negosyong nagpapabilis ng pag-inog ng ekonomiya ng bansa tuwing ito’y bumabalik mula sa isang matagumpay na biyahe sa ibayong dagat.

Sa Beijing, napansin natin ang kakaibang mood ng ating mga kababayang dito na naninirahan at nagpupunyaging maiahon ang kabuhayan sampu ng mga naiwang kaanak sa Pilipinas.

Masayang sinalubong ng mga overseas Filipino workers (OFWs) ang delegasyon ng Pangulo noong Miyerkules ng gabi.

***

Nagiging kalakaran sa mga opisyal na biyahe ni PNoy ang pagtitipid sa gastos, maging ang mga inihahandang salu-salo ay simple. Popular ang Pangulo sa mga OFWs dito.

Sa piging kasama ang mga OFWs, payak mang maituturing ang mga inihaing salu-salo, hindi mapapasinungalingan ang init ng pagtanggap ng mga ito sa pinunong buong tatag na pinapangunahan ang pamahalaan sa pagtahak sa tuwid na landas.

Sa kanya marahil nakikita ng mga OFWs ang katuparan ng kanilang mga pangarap na nakapaloob sa kanilang boto noong May 2010 kung saan alikabok ang tinira sa mga katunggali sa Overseas Absentee Ballots mula sa China.

Marami nang nagtatanong sa mga kasamahan natin sa press kung magkano na sa kasalukuyan ang suma ng fresh investments na maiuuwi ng Pangulo. Ang sagot natin dito: sa dami ng Memorandum of Agreements na napirmahan at inaayos ng delegasyon ni PNoy sa larangan ng information, media, communications at trade and commerce, hindi malayong maabot ang mga naisulat na targets.

Talagang aabangan na naman ng mga kababayan natin ang pahayag ng Pangulo sa pagtatapos ng biyaheng ito.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-08-31T07:01:00.001+08:00

Biyaheng PNoy!
REY MARFIL

BEIJING, China --- Hindi maikakaila ang magarbong paghahanda ni Chinese President Hu Jintao sa pagbisita ni Pangulong Noynoy ‘PNoy’ Aquino -- ito’y bakas sa mga malalaking pulong sa iba’t ibang sektor, mapa-investors at kultura, maging sa overseas Filipino workers (OFWs).

Ngayon at sa hinaharap, parehong may pakinabang ang dalawang bansa kung ipagpapatuloy ang mga inisyatibong magpapayabong sa kasalukuyang ugnayan, as in taghiyawat lamang na maituturing ang mga isyung pangdiplomatiko na kinasasangkutan kung titingnan ang mukha ng mabungang pakikipagkaibigan sa isa’t isa, mapanegosyo at kultura na opisyal na sinimulan noong June 9, 1975.

Hindi malikmata o typographical error ang inyong nabasa -- taong 1975 lamang nagsimula ang opisyal na relasyong diplomatiko ng Pilipinas sa Tsina subalit napakalayo ng narating ng pagkakaibigan. Malapit man sa ating mga dalampasigan ang teritoryo ng mga Tsino, marami mang kalahi ni Ma Mon Luk ang nauna nang umapak sa teritoryo ng Lahing Kayumanggi -- mas nauna pang opisyal na nagsimula ang diplomatic relations ng Pilipinas sa France, India, Israel at Mexico kesa Tsina.

Kasama ang piling miyembro ng gabinete at humigit-kumulang 300 negosyanteng Pinoy, tinahak ni PNoy ang tuwid na landas patungong Tsina at sasalubungin ang Pangulo ni Assistant Foreign Minister Liu Zhenmin, Chinese Ambassador to the Philippines Liu Jianchao, Deputy Director-General of Protocol Department Xie Bohua (Ministry of Foreign Affairs) at mga opisyal ng Philippine Embassy sa Beijing.

Diretso si PNoy sa Diaoyutai State Guesthouse na magsisilbing tirahan sa buong linggo. Unang iskedyul ni PNoy ang isang pagtitipon na inihanda para sa kanya ng mga negosyanteng Tsino sa China World Hotel, kasama ang mga opisyal ng Energy World, State Grid of China, China Trend, China Investment Corporation, China Petroleum at ang mga Pinoy na mamumuhunan sa larangan ng imprastraktura, enerhiya at pangangalakal.

Kasunod nito, ang pulong kasama ang Vice Premier ng Tsina -- si Wang Qishan. Susundan ng pulong ang talumpati ni PNoy sa mga delegado ng Philippines-China Economic Trade Forum at babalik sa Diaoyutai State Guesthouse upang harapin sa isang talakayan, sa pagitan ng mga political analyst ng CCTV media.

***

Napag-usapan ang China trip, opisyal ding sasalubungin si PNoy sa Great Hall of the People ni Chinese President Hu Jintao na susundan ng isang bilateral meeting ng dalawang lider at personal na sasaksihan ang paglagda sa mga kasunduan sa larangan ng kalakalan, ekonomiya at technical cooperation, sa industriya ng pamamahayag, sports, kultura at impormasyon.

Sa gabi, babalik si PNoy sa Tiananmen Square upang dumalo sa State Banquet na inihanda para sa kanya ni President Hu Jintao. At pangungunahan din ng Pangulo, kasama ang piling myembro ng Gabinete ang pakikisalamuha sa mga Pinoy na nasa Beijing upang tiyaking maayos ang kanilang kondisyon sa kani-kanilang mga pinagtatrabahuan.

Sa kaalaman ng publiko, humigit-kumulang tatlong libo ang mga kababayan natin sa Beijing na nagtatrabaho’t naninirahan, katulad ng kapatid natin sa pamamahayag na si Ericson Baculinao ng ABC News at marami pang Pinoy na nagpupunyagi sa iba’t ibang larangan. Dito rin ihahayag ng Pangulo ang mga positibong hakbang sa tuwid na landas na nasimulan ng administrasyon sa pamamahala.

Higit sa lahat, dito rin sa Beijing mangyayari ang inaabangang pakikipagpulong ng Pangulo sa iba’t ibang grupo ng investors gaya ng mga opisyal ng Lee World, China ASEAN Fund, Dong Feng at Shandong Sanli Tires. Labas pa rito ang hiwalay na business forum na inihanda ng mga Filipino business leaders at ang kanilang counterparts sa China.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-29T06:53:00.000+08:00

Sa tama lang!
REY MARFIL

Aminin o hindi ng mga kritiko, kapuri-puri ang malakas na political will ni Pangulong Noynoy ‘PNoy’ Aquino na isulong ang kontrobersiyal na reproductive health (RH) o responsible parenthood (RP) bill na naglalayong bawasan ang kahirapan sa bansa, sa pamamagitan ng pagtuturo sa mga Pilipino ng tamang pagpapamilya.

Sa kabila ito ng pag-alis ni PNoy ng ilang mga probisyong hindi naman kailangan. Kabilang sa mga tinanggal na detalye ang probisyon sa paglimita ng bilang ng mga anak sa dalawa at pagbabago ng edad para maituro ang sex education sa mga bata at iba pa.

Maganda ang ginagawa ni PNoy para mapagbigyan ang kahilingan ng mga kritiko at ilang pumapalag sa panukalang batas.

Hindi lang ‘yan, tama si PNoy pagsasabing dapat mapunta ang karagdagang kokolektahing buwis sa sin products para tustusan ang gastusin sa universal health care program.

Habang inaasahan ng pamahalaan ang P60 bilyong buwis sa sigarilyo at alak, plano rin ng panukala na mabawasan ang pagsuporta ng mga Pilipino sa mga bisyong ito. Ika nga, mas mabuting mapunta ang karagdagang buwis sa sin taxes para sa pagtiyak ng kalusugan ng mga Filipino.

Kinikilala ni PNoy ang malaking benepisyo sa ekonomiya ng karagdagang buwis sa sin taxes habang nahaharap sa paghina ng ekonomiya ang Estados Unidos (US) at Europe.

At ipinakita rin ni PNoy ang kanyang kooperasyon at pakikiisa sa mga kapatid nating Muslim sa paglalabas ng Proclamation No. 234 na nagdedeklara sa Agosto 30, 2011 bilang regular holiday sa buong bansa bilang paggunita sa Eid’l Fitr o Feast of Ramadhan -- ito’y inilabas, alinsunod sa Republic Act (RA) No. 9177 na nagdedeklara sa Eid’l Fitr bilang regular holiday sa Pilipinas.

Ginugunita ang Eid’l Fitr ng mga Muslim sa buong mundo tatlong araw matapos ang buwan ng pag-aayuno. Isinusulong nito ang promosyon ng cultural understanding sa mga Filipino na nangangailangan ng oportunidad.

Importanteng madala sa pambansang kamalayan ang religious at cultural significance ng Eid’l Fitr. Sa buwan ng Ramadan, nag-aayuno ang mga Muslims sa loob ng 12-oras araw-araw mula sa pagsikat ng araw hanggang gabi.

***

Napag-usapan ang mga kritiko, nakakalungkot ang pang-iintriga kay PNoy sa hindi pagkakasama ng Freedom of Information (FOI) bill sa mga panukalang batas na kabilang sa prayoridad sa ikalawang Legislative, Executive Development Advisory Council (LEDAC).

Walang duda at malinaw na nais ni PNoy na palakasin ang transparency at labanan ang katiwalian sa pamahalaan. Inaprubahan naman sa prinsipyo ng Pangulo ang pagpasa ng FOI bill at kailangan lamang maresolba ang ilang usapin na sa tingin nito ay dapat munang pag-aralang mabuti.

Nais ni PNoy na likhain ang independent Information Commission na mayroong badyet at quasi-judicial functions katulad ng pagkakaroon ng kapangyarihan na maglabas ng subpoena. Magsisilbing tagapamagitan ang komisyon sa pamahalaan at anumang partido na mayroong tanong sa pagpapatupad ng panukala.

Umaabot sa 13 FOI bills ang pinag-aaralan nang husto na kinabibilangan ng mga ipinatupad sa United States, Canada, United Kingdom, Australia, at South Africa kung saan kabilang din ang exemption sa classified information at dokumento na krusyal sa pambansang seguridad.

Nais ng panukalang FOI na tugunan ang probisyon sa Konstitusyon na nagbibigay garantiya sa karapatan ng mga tao na magkaroon ng impormasyon at dokumento na nasa posisyon ng mga pampublikong opisyal at mga tanggapan.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-26T07:07:00.000+08:00

Nakakatuwa’t nakakalungkot!REY MARFIL

Determinado si Pangulong Noynoy ‘PNoy’ Aquino na dalhin sa progreso ang bansa, patunay ang karagdagang 13 panukalang batas na kasama sa prayoridad nito sa ikalawang Legislative Executive Development Advisory Council (LEDAC), kabilang ang anim sa naunang tinukoy ng Pangulo sa kanyang State of the Nation Address (SONA) nakaraang Hulyo 25.

Kabilang sa 13 panukalang batas ang sapat na proteksiyon para sa mga kasambahay, pagpapalawig ng scholarship sa siyensiya at teknolohiya, amyenda sa Rural Electrification Law, sin tax, amyenda sa Human Security Act at Data Privacy Act at Responsible Parenthood (RP).

Kasama rin sa mga panukala ni PNoy ang expanded consumer protection, reorganization ng statistical system ng bansa, amyenda sa batas sa PTV-4, probisyon sa limitasyon ng partikular na kagubatan at public domain, mabigat na parusa sa pagnanakaw at pagbabago sa government risk reduction at preparedness equipment, at amyenda sa Lina Law o Urban Development Housing Act of 1992.

Sa 22 panukalang ito, tatlo ang ganap nang batas, kinabibilangan ng GOCC Governance Act of 2011 o Republic Act No. 10149, Rationalizing the Night Work Prohibition on Women Workers o Republic Act No. 10151 at Resetting and Synchronizing the ARMM Elections with the National and Local Elections in 2013 o Republic Act No. 10153.

Umaasa ang inyong lingkod, sampu ng naglipanang kurimaw sa Kongreso na agarang maipapasa ang P1.816-trilyong 2011 national budget upang magtuluy-tuloy ang pagsusulong ng kaunlaran. Take note: Nais ni PNoy na maipasa ang priority measures na isinumite sa unang LEDAC.

***

Napag-usapan ang kaunlaran, nakakatuwa at nakakalungkot isipin ang ilang kaganapan sa usapang pangkapayapaan, partikular ang pagtabla sa proposal ng pamahalaan at bakbakan ng magkalabang paksyon sa liderato ng Moro Islamic Liberation Front (MILF) lalo pa’t seryoso si PNoy sa adhikaing ipagkaloob ang tunay na kapayapaan at kaunlaran sa Mindanao.

Sa kabilang banda, nakakatuwang mayorya ng mga Pilipino ang sumusuporta sa usapang pangkapayapaan na isinusulong ng pamahalaan sa MILF.

Base sa survery ng Social Weather Station (SWS), may petsang Hunyo 3 hangang 6, malinaw ang ebidensiya na 83% ng mga Pilipino ang naniniwalang malakas ang usapang pangkapayapaan sa pagitan ng MILF.

Isang positibong indikasyon na naniniwala ang malaking bilang ng mga Pilipino sa isinusulong na mga polisiya ni PNoy para makamit ang kapayapaan sa Mindanao at magkaroon ng pantay-pantay na hustisya sa mga Moros, Kristiyano o Lumads.

Lumabas na “hopeful” ang 83% ng mga Pilipino na matutuloy ang peace agreement sa MILF kung saan 38% ang “very hopeful” at 45% ang “somewhat hopeful”.

Tanging 17% ng mga Filipino ang hindi “hopeful”, at 8% ang “somewhat not hopeful” at 9% ang “not hopeful at all”. Kahit itanong n’yo pa kay birthday boy at Media Relations Director Paolo Espiritu!

Kaya’t sayang kung mauuwi lamang sa “wala” ang pagpapakahirap ng mga nakaupo sa negotiating table lalo pa’t mismong si PNoy -- ito’y bumiyahe ng Tokyo, Japan nakaraang Agosto 4 upang nakipagkita kay MILF chairman Al Haj Murad Ibrahim para ipakita ang sinseridad ng pamahalaan sa peace talks.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-24T06:59:00.003+08:00

Karapatan ng mga bata!
REY MARFIL AUGUST 24, 2011

Hindi ba’t kapuri-puri ang paglalabas ni Pangulong Noynoy ‘PNoy’ Aquino ng Executive Order No. 53 na naglalayong palakasin ang inisyatiba ng pamahalaan na protektahan ang mga bata laban sa paglabag sa kanilang karapatan at iba pang pang-aabuso?

Sa pamamagitan ng EO 53, siguradong mapapatibay ang kampanya ng gobyerno na protektahan ang kalagayan ng mga bata at mapabuti ang pagkakaloob ng legal na tulong sa mga biktima.

Inamyendahan ang Executive Order (EO) No. 275 na inilabas noong 1995 na lumikha sa Committee for the Special Protection of Children (CSPC), malinaw ang malaking pagpapahalaga ni PNoy sa implementasyon ng batas na susi para protektahan ang mga bata.

Sa ilalim ng bagong EO, inorganisa ni PNoy ang CSPC, isang inter-agency body na nagpapatupad ng Republic Act (RA) No. 7610 o Anti-Child Abuse Act at iba pang polisiya ng pamahalaan para kilalanin ang karapatan at kagalingan ng mga bata. Inatasan din ang CSPC na tulungan ang mga batang kabilang sa indigenous people, Muslim, at iba pang naiipit sa armadong labanan.

Nais lamang ni PNoy na bantayang mabuti ng CSPC ang imbestigasyon at prosekusyon ng mga kaso na kinabibilangan ng Anti-Child Abuse Act at iba pang child-related criminal laws -- ito’y magandang balita lalo pa’t tinitiyak ng Punong Ehekutibo ang direktiba para sa legal na proteksiyon ng mga bata na siyang biktima ng pang-aabusong pisikal, sekswal, trafficking, prostitusyon, child labor, kapabayaan at exploitation.

***

Napag-usapan ang pag-aruga ng gobyerno, maganda ang ipinapakitang pagtugon ni PNoy sa kampanya laban sa dengue sa pamamagitan ng panawagan nito sa local government units (LGUs) na tulungang ikalat ang “dengue traps”, kalakip ang hangaring mapababa ang bilang ng mga kaso ng dengue sa bansa.

Isang positibong balita sa interes ng publiko ang walang humpay na pagpapaalala sa LGUs at komunidad na kumuha ng dengue traps o Mosquito Ovicidal/Larvicidal trap o OL Trap sa Department of Science and Technology (DOST). Hindi ba’t nakakabilib ang nadiskubreng napakamurang dengue trap ng DOST?

Nakaraang Pebrero 19, sinimulan ng DOST at Department of Health (DOH) ang pamimigay sa buong bansa ng OL Trap sa Balyuan Convention Center sa Tacloban City para mapababa ang bilang ng mga tinamaan ng dengue sa bansa. Layunin ng OL Trap na mapababa ang bilang ng “dengue-carrying female Aedes aegypti” na lamok sa pamamagitan ng paghalina sa mga ito na magpunta sa kit at mapuksa ang kanilang mga itlog.

Kaya’t tama ang Malacañang sa pagsasabing malaki ang papel ng LGUs sa pagpapakalat ng bagong teknolohiya kontra lamok na namemerwisyo ngayon nang husto.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-23T07:09:00.000+08:00

World Bank nagsabi niyan!
REY MARFIL AUGUST 22, 2011

Nakamit ng administrasyong Aquino ang malaking positibong pagbabago sa pagpapaunlad ng edukasyon, maging sa kabuhayan ng mga mahihirap matapos ang halos 14-buwan sa kapangyarihan, sa pamamagitan ng conditional cash transfer (CCT) program at seryosong programa ng Department of Education (DepEd).

Malapit nang makamit ng DepEd ang 1:1 textbook-to-student ratio sa lahat ng antas ngayong Disyembre -- kinabibilangan ng mga paksang English, Science, Math, Social Studies at Filipino.

Sa usapin ng suweldo, umaabot sa P17,099.00 ang basic salary ng Teacher 1 nitong Hulyo kung saan merong 2,807 kindergarten teachers na nasa regular na posisyon ang tumatanggap ng P17,099.00 kada buwan at P25,868.00 kada buwan ang volunteer teachers na kumikita ng P3,000.00 (per month) sa isang sesyon hanggang P6,000.00 kung dalawang sesyon.

Iniulat rin ng DepEd ang 22,015 bagong silid-aralan sa unang taon ng administrasyong Aquino kung saan 4,155 ang naipagawa, simula Hulyo 2010 hanggang Mayo 2011 at 11,169 classrooms ang malapit nang matapos habang 6,691 ang sumasailalim sa rehabilitasyon.

Sa ilalim ng administrasyon ni Pangulong Noynoy ‘PNoy’ Aquino, naitala ang 1:39 sa elementarya ang classrooms-to-students ratio at 1:53 sa high school habang umabot naman sa 691,494 ang benepisyunaryo sa Government Assistance to Students and Teachers in Private Education (GASTPE) na nakatanggap ng P10,000.00 bawat isa sa National Capital Region at P5,000.00 sa labas ng Metro Manila, simula 2010 hanggang 2011.

Hindi lang ‘yan, tumaas pa ito sa 757 libong benepisyunaryo sa ilalim ng GASTPE education service contracting scheme para sa SY 2011-2012 kung saan nakakuha ng karagdagang P500.00 ang bawat benepisyunaryo sa labas ng Metro Manila.

Sa usapin ng food for school program, sumandal ang DepEd sa CCT program ng gobyerno. Take note: Malinaw sa joint report ng World Bank (WB) at Australian Agency for Development (AusAID) ang malaking tulong ng CCT program sa indigent families -- ito’y magpapaangat ng 12.6% sa annual incomes, as in 6.2% ang ibababa ng poverty, maliban kung sadyang “mutain at lugain” ang mga kritiko ni PNoy?

***

Anyway, nakakatuwang marinig na mismong si PNoy ang naguna nitong nakalipas na Biyernes sa pagsindi ng mga ilaw sa Burnham Park sa Baguio City para lamang palaguin ang turismo at itaas ang pampublikong kamalayan kaugnay sa paggamit ng tinatawag ng energy saving lights.

Sa kabila ng napakaabalang iskedyul sa pagtugon sa sandamukal na mga problema ng mga Pilipino, ipinapakita ni PNoy na isa siyang “working President” na tinitiyak ang mga programa ng gobyerno at kitang-kita sa video kung paano pinu-promote ng Pangulo ang turismo sa Baguio -- ito ang isa sa katangiang dapat makita sa magiging kapalit ni Department of Tourism (DOT) Secretary Albert Lim, pagsapit ng Setyembre 1.

Sa programang inilunsad ng mga local officials ng Baguio City, pinalitan ang lahat ng mercury lights sa parke ng energy efficient light na kinabibilangan ng high pressure sodium vapor lamps at fluorescent lamps. Ibig sabihin, makakatipid ang lungsod ng P1.5 milyon na konsumo sa kuryente.

Hindi maitago ng mga residente ang mapabilib at mamangha, aba’y nagbabad si PNoy at ilang minutong naglibot sa Burnham Park kahit nabasa ng ulan. Higit sa lahat, nag-speech pa ang Pangulo kahit wala sa scenario ang magsalita kaya’t masaya ang Baguio media dahil busog sa balita.

Laging tandaan: “Bata niyo ako at Ako ang Spy niyo.” (mgakurimaw.blogspot.com)

2011-08-19T07:04:00.000+08:00

Tunay at makatwiranREY MARFIL

Tunay na tinatrabaho nang husto ni Pangulong Noynoy ‘PNoy’ Aquino ang pagkakaroon ng wagas na kapayapaan sa buong bansa, isang patotoo ang kanyang pakikipagpulong sa lider ng Moro Islamic Liberation Front (MILF) sa Japan at paglagda sa usapang pangkapayapaan ng pamahalaan at Cordillera People’s Liberation Army.

Sa pamamagitan ng mga bagay na ito, ipinakita ng administrasyong Aquino ang kanilang lakas at obligasyon na resolbahin ang anumang kaguluhan na siyang dahilan ng patuloy na paghihirap ng maraming mga Pilipino.

Mismong si dating peace adviser Jesus Dureza kinilala ang magandang hakbang ng pamahalaan at MILF alang-alang sa kapayapaan. At positibong kinilala rin ang pulong nina Bayan Muna partylist Rep. Teddy Casiño at Cotabato City Vice Mayor Muslimin Sema, chair ng isang paksiyon ng Moro National Liberation Front (MNLF).

Maraming iba pa ang nagpahayag ng pag-asa na matatapos na ang mga armadong pakikibaka sa tulong ng “political masterstroke” ng Pangulo, maliban sa ilang kritiko na walang inatupag kundi “magkiyaw-kiyaw” upang mabigyan ng soundbite sa 6 o’clock news.

Anyway, tama ang posisyon ni PNoy na dapat magkaroon ng pagrebyu ang kinauukulang mga opisyal ng Cultural Center of the Philippines (CCP) kaugnay sa mga polisiya nito matapos ang pagpapatigil sa kontrobersiyal na art exhibit na “Kulo”.

Magaling ang pahayag ni PNoy na walang “absolute freedom” sa bansa dahil tayo ay ginagabayan ng umiiral na mga batas. Ipinatigil ng CCP ang “Kulo” exhibit na nagtatampok ng iskandalosong religious images ni Hesukristo at iba pang religious icons matapos magpalagan ang iba’t ibang sektor sa exhibit hanggang bantaan na kakasuhan ang CCP Board members.

Sinuportahan ng Pangulo ang pagsasara ng exhibit lalo na at talagang hindi niya nagustuhan ito. Nakakalungkot lamang dahil hindi man lamang kinonsulta ng CCP ang Pangulo sa kontrobersiyal na art exhibit nang ilabas ang “Kulo”.

***

Mapag-usapan ang “good news”, binabati natin ang Department of Labor and Employment (DOLE) sa mga ipinatupad nitong reporma sa sektor ng paggawa na nagresulta upang isang welga lamang ang maitala sa unang pitong buwan ng 2011 na malayo sa walong pag-aaklas na nangyari sa parehong mga buwan noong 2010.

Responsable rito ang mapayapang pamamaraan na ipinapatupad ng pamahalaan sa pagresolba ng mga problema sa paggawa na malaking bagay upang tumaas ang tiwala ng mga pamumuhunan na maglagak ng kapital upang makalikha ng karagdagang pondo.

Sa report ng National Conciliation and Mediation Board (NCMB), nangyari ang kaisa-isang welga sa unang pitong buwan ng taon noong nakalipas na Enero nang mag-aklas ang union ng Supreme Steel Corporation sa Region 3 (Central Luzon) dahil sa umano’y hindi parehas na labor practice lalung-lalo na ang hindi pagpapatupad ng collective bargaining agreement (CBA) sa pamunuan.

Kung magpapatuloy ang magandang relasyon sa sektor ng paggawa, makikilala ang 2011 bilang pinakamapayapang taon sa kasaysayan ng industriya na kabaligtaran sa mga nangyari sa nakalipas na mahigit dalawang dekada.

Ang isa pang magandang balita, umabot sa 119 notices of strikes ang agarang naresolba na kinakatawan ng 121,008 manggagawa sa parehong panahon.

Laging tandaan: “Bata n’yo ko at Ako ang Spy nyo” (mgakurimaw.blogspot.com)

2011-08-17T06:55:00.000+08:00

Hiwaga ng niyog!REY MARFIL

Hindi ba’t kapuri-puri ang muling pagtiyak ni Pangulong Noynoy ‘PNoy’ Aquino sa malaking suporta ng pamahalaan para sa mga kasapi ng kapulisan at militar upang tugunan ang kanilang pangangailangan sa modernong kagamitan at mga baril para lalo nilang magampanan ang kanilang trabaho?

Tama ang pahayag ni PNoy na maglaan ng puhunan sa pagkakaloob sa ating awtoridad ng kanilang pangangailangan mula sa barkong pandigma hanggang helicopters at modernong mga armas -- ito’y isang malaking “good news”, hindi lamang sa liderato ng Philippine National Police (PNP) at Armed Forces of the Philippines (AFP) bagkus sa sambayanan.

Bilang patunay sa malaking suporta ni PNoy sa AFP ang Hamilton Class Cutter mula Estados Unidos. Sa pagdating ng bagong barko, siguradong bubuti ang kakayahan ng bansa para bantayan ang ating teritoryo sa katubigan.

Magkakaroon din ng “capability upgrades at modernization” ng kagamitan ang PNP at AFP katulad ng pagdating ng bagong choppers, patrol craft, at mga armas na bahagi rin ng pagkilala ng Pangulo sa malaking nagagawa ng mga pulis at sundalo sa pagtiyak ng kapayapaan.

Ibig sabihin, walang saysay ang mga teyoryang pinag-aaralan sa mga eskuwelahan kung mananatiling salat sa bagong kagamitan ang mga pulis at sundalo. Hindi naman pwedeng payabangan na lamang ng kuwento kapag nagkasalubong sa daan ng mga taong-gobyerno ang masasamang elemento.

***

Napag-usapan ang good news, gagamitin ng pamahalaan ang “bio-engineering solution” upang labanan ang pagbaha at paguho ng lupa -- ito’y gawa sa balat ng niyog. Sa simpleng explanation, binubuhay ang natural na fiber na napipiga sa balat ng niyog na tinatawag na “coir” para mabawasan ang pagbaha at pagguho ng lupa sa daanan ng mga tubig sa Metro Manila.

Sa ilalim ng programa ng Department of Public Works and Highways (DPWH), gagamitin ang bio-engineering solution para makapiga ng “coconut coir fiber” para sa rehabilitasyon ng mga nagbabarang mga estero sa Metro Manila sa halip na gumamit ng konkretong istruktura sa creeks at iba pang daluyan ng tubig.

Mismong si DPWH Secretary Rogelio Singson ang nagpapatunay na maganda ang epekto ng coconut sa paglinya ng creekside dahil may kakayahan itong humigop ng tubig para makatulong kontra sa pagbaha. Kung “walang himala” ang sigaw ni Nora Aunor, merong hiwagang bumabalot sa bawat hibla at balat ng niyog.

Sa pakikipagtulungan ng iba’t ibang ahensiya ng pamahalaan at civic organizations, nangunguna ang DPWH South Manila District Engineering Office sa rehabilitasyon ng Estero de Paco gamit ang coconut laban sa pagguho ng lupa, slope protection/stabilization, embankment at shore protection.

Bahagi ang Estero de Paco Rehabilitation Project na bumabaybay mula Pedro Gil patungong Pasig River ng kampanya ng pamahalaan laban sa pagbaha. Take note: makakalikha ng panibagong oportunidad at kita sa hanay ng mga magniniyog ang bagong tuklas ng gobyerno dahil hindi masasayang ang balat ng niyog.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-15T07:07:00.000+08:00

Nakakalason!
REY MARFIL

Hindi ba’t nakakatuwang marinig ang determinadong aksiyon ni Pangulong Noynoy ‘PNoy’ Aquino na pagkalooban ang mga Pilipino ng malinis na kapaligiran sa pamamagitan ng isang pambansang programa na magbabawas sa nakalalasong carbon sa sektor ng transportasyon?

Sa pakikipagtulungan sa Asian Development Bank (ADB), ipinapatupad ng pamahalaan ang National Electric Vehicle Strategy (NEVS) para maisulong ang paggamit ng alternatibong gasolina sa mga sasakyan. Nanguna ang Mandaluyong City sa mga lokal na pamahalaan sa pagtanggap at paggamit ng 20 electric tricycles (or e-tricycles) para masubukan ang mga ito.

Sa kaalaman ng publiko, makakatipid ang mga tsuper ng e-tricycles mula sa salaping dapat sanang ipambili ng tradisyunal na gasolina at makakabawas din sa lason na ibinubuga sa kapaligiran.

Take note: Nangako rin ang ADB ng $500 milyong suporta para sa e-tricycle project. Kaya’t mas makakabuting itikom ng mga kritiko ang kanilang bibig kesa makadagdag sa “noise pollution” lalo pa’t nakakalason ng isipan ang maniwala sa kasinungalingan.

Isinusulong din ng pamahalaan ang Fueling Sustainable Transport Program (FSTP) upang magamit ng mga pampubliko at pribadong sasakyan sa pamamagitan ng alternatibong gasolina. Sa dulo nito, inaasahan ng pamahalaan na mababawasan ng 30% sa 2020 ang mga sasakyan na gumagamit ng gasolina at diesel.

Hindi lang ‘yan, makatwirang papurihan si PNoy sa malaking nagawa nito para makamit ang matatag at tuluy-tuloy na suplay ng enerhiya sa Visayas -- ito’y isa sa maraming magagandang ginagawa ni ‘ES Almendras’, as in Energy Secretary Jose Almendras.

Sa report ng Department of Energy (DOE), labis na maliit noon ang suplay ng kuryente kumpara sa pangangailangan ng Visayas sa ilalim ng nakalipas na pamahalaan -- ito ang malaking dahilan kung bakit nagkakaroon ng pagkawala ng kuryente na nakaapekto sa negosyo sa rehiyon.

Bago nakakuha ng serbisyo ng bagong mga planta ng kuryente ang administrasyon ni PNoy, umaabot lamang sa 1,043 megawatts (MW) ang power supply capability ng Visayas kumpara sa pangangailangan na 1,164 MW. Pero dahil sa tatlong bagong power plants, tumaas ang nakuhang suplay ng kuryente sa Visayas sa 610 MW o surplus ng kuryente na umaabot sa 600MW.

Bunsod ito ng kuryente na nagmula sa mga planta katulad ng 246 MW coal-fired power plant ng Cebu Energy Development Corporation (CEDC), 164 MW clean coal-fired power plant ng Panay Energy Development Corporation (PEDC), at 200 MW coal-fired power plant ng KEPCO Salcon Power Corporation. Higit sa lahat, naibaba rin ng DOE ang singil sa kuryente sa tulong ng Wholesale Electricity Spot Market (WESM) at ipinapakita ang pagsusumikap ng administrasyong Aquino sa paghahanap ng sapat at maaasahang suplay ng kuryente.

***

Napag-usapan ang aksyon, hindi rin matatawaran ang pagkakaloob ng tulong ng administrasyong Aquino sa libu-libong overseas Filipino workers (OFWs) na naapektuhan ng krisis pulitikal at sa natural na kalamidad sa iba’t ibang panig ng mundo.

Sa lahat ng mga lugar, aktibo ang Department of Foreign Affairs (DFA) sa pagtulong ng OFWs sa pamamagitan ng pagpapabalik sa kanila sa Pilipinas, consular missions at Assistance to Nationals (ATN) fund -- ito’y konkretong patotoo sa seryosong pagtulong at pagtutok ni PNoy sa nangangailangang OFWs na katuwang ng bansa sa pagpapanatili ng masiglang ekonomiya.

Sa kasagsagan ng krisis sa Gitnang Silangan, lindol sa New Zealand at nuclear disaster sa Japan, naibigay ng pamahalaan ang mahigit P281 milyon sa pamamagitan ng ATN fund para sa mga naipit na OFWs.

Take note: Kinargo rin ng pamahalaan ang pagkain, gastos sa papeles at pagpapabalik ng kabuuang 10,369 OFWs mula sa mga bansang nagkaroon ng kaguluhan mula Enero hanggang Hunyo ngayong taon.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-12T07:01:00.000+08:00

Saludo sa Dragon!
REY MARFIL

Tama ang panawagan ng Malacañang na magbigay ng patuloy na suporta sa Philippine Dragon Boat Team na nag-uwi ng karangalan sa bansa matapos manalo ng limang ginto at dalawang pilak sa International Dragon Boat World Championships sa Tampa, Florida.

Pinuri ni Pangulong Noynoy ‘PNoy’ Aquino ang grupong nakapagtala ng bagong world record. Mantakin n’yo, tinalo sa world title ang mga bigating kalahok, katulad ng Australia at Hungary. Sa kaalaman ng publiko, kasapi ng Armed Forces of the Philippines (AFP) ang karamihan sa 12-kasapi ng Philippine Dragon Boat Team.

Importanteng magtulungan ang pamahalaan at mga pribadong sektor para masuportahan ang mga laban ng Philippine Dragon Boat Team. Aminin o hindi ng mga sports analyst, sampu ng mga “pulitiko” sa Philippine Sports, hindi kakayaning mag-isa ng gobyerno ang gastos sa lahat ng mga atletang sumasabak sa international competition kung walang suporta ang private sector -- hindi makukuha sa dasal ang panalo.

Sa kabila ng samu’t saring intriga, malinaw ang suporta at pakilala ni PNoy sa tagumpay ng Philippine Dragon Boat Team -- isang heroes’ welcome ang ipagkakaloob ngayong ala-una ng hapon at isasagawa sa Heroes Hall, patunay ang kawalang interes ng Pangulo sa “pamumulitika” ng ilang sports officials dahil mas mahalaga kung sino ang nakapagbibigay ng karangalan sa Pilipinas.

Anyway, nakakatuwang marinig din ang suporta ni PNoy sa pagpapabuti pa ng industriya ng business process outsourcing (BPO) upang lalong makalikha ng mas maraming trabaho. At bilang konkretong hakbang, inatasan ni PNoy ang mga ahensiyang may kinalaman sa edukasyon at paglinang ng kakayahan na tutukan ang mga kailangang trabaho sa BPO.

Ibig sabihin, sasanayin ang mga magsisipagtapos base sa mga trabahong kakailanganin sa halip na magkaroon ng graduates para sa industriyang hindi naman nangangailangan ng trabaho, as in mas maganda ngayon ang tsansa ng mga magsisipagtapos sa ilalim ng kasalukuyang administrasyon -- isang pagtutuwid sa maling nakasanayan sa mahabang panahon.

***

Napag-usapan ang nakaraan, dapat suportahan ng publiko ang kampanya ni PNoy laban sa maanomalyang mga transaksiyon na inaprubahan ng nakalipas na administrasyon na kontra sa interes ng publiko. Kaya’t tama ang panawagan ni PNoy na kanselahin ang 66-kontrata para sa konstruksiyon ng roll-on roll-off (Ro-Ro) ports na hindi naman kailangan.

Lumabas sa pag-aaral na anim lamang sa kabuuang 72 Ro-Ro projects na inaprubahan ng nakaraang administrasyon ang talagang kailangan ng mga Pilipino. Take note: gagastos din ng karagdagang pondo ang pamahalaan sa pagkumpuni ng mga itatayong pier sakaling masira ang mga ito.

Kung hindi natuklasan ang problema, tinatayang P15 bilyon ang posibleng masayang para sa mga proyektong hindi naman kailangan -- ito’y nangangahulugang karagdagang pondo na magagamit para sa pagkakaloob ng serbisyo sa naghihirap.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-10T06:54:00.000+08:00

Walang duda!

REY MARFIL

Malinaw ang ebidensiya, ipinakita ni Pangulong Noynoy ‘PNoy’ Aquino ang pagiging lider ng bansa at pinakamataas na sensiridad para mapabilis ang pagkamit ng tunay na kapayapaan matapos ang sikretong pakikipagkita kay Moro Islamic Liberation Front (MILF) chair Al Haj Murad Ibrahim sa Tokyo, Japan.

Hindi nakakapagtaka ang kaliwa’t kanang papuring inaani ngayon ni PNoy mula sa iba’t ibang grupo matapos bigyan ng panibagong pag-asa na maghari ang kapayapaan sa Mindanao. Hayaan natin ang magandang istilo ng pakikipag-usap ni PNoy sa MILF. Sa dulo, naniniwala akong walang magaganap na under the table na pag-uusap at hindi na mangyayari ang kontrobersiya ng MOA-AD.

Magaganap ang usapang-pangkapayapaan nang mayroong transparency. Umaasa akong mapapabilis ang progreso ng mapayapaang pag-uusap para makamit ang wagas na kapayapaan sa ating mga kapatid na Muslim. Kapuri-puri ka, Pangulo. Mismong si dating Pangulong Fidel Ramos ang nagsabing “hayaan at huwag pangunahan sa kanyang diskarte si PNoy”.

Hindi lang ‘yan, dapat puruhin natin ang malakas na pinansiyal na posisyon ng administrasyong Aquino dahil sa matalinong paggugol nito -- isang patunay ang naitalang maliit na budget deficit o kakapusan sa pondo na P17.231 bilyon mula sa ceiling na P152.128 bilyon sa unang anim na buwan ng taon. Kahit itanong n’yo pa kay Finance Sec. Cesar V. Purisima.

Dahil ito ay mas epektibong paniningil ng buwis ng pamahalaan kung saan tumataas ang nakokolektang buwis nang hindi nagkakaroon ng bagong batas sa pagbubuwis at pagbasura sa maling paggasta ng pampublikong pondo. Take note: umabot sa P681.640 bilyon mula Enero hanggang Hunyo ng 2011 ang tax collection, as in mas mataas ng 15.12% kumpara sa parehong panahon noong 2010 -- ito’y resulta sa magandang ipinapakita ng Bureau of Internal Revenue (BIR), Bureau of Customs (BOC) at Bureau of Treasury (BTr).

Maganda rin ang resulta ng programa ng BIR -- ang Run After Tax Evaders (RATE) na nasa likod ng pagsasampa ng mga reklamo sa coffee concessionaire dahil sa kabiguan na magbayad ng P59 milyong buwis sa kabila ng kanilang malaking kinita at tunay na maganda ang tinatahak ng matuwid na daan ni PNoy, nangangahulugang mas maraming serbisyo sa publiko ang mga pondong natitipid mula sa maling paggugol at tamang koleksiyon sa buwis.

***

Napag-usapan ang pondo, matindi ang paninindigan ng pamahalaan na maramdaman ang kaunlaran sa buong bansa sa pamamagitan ng paglalaan ng pondo para sa Payapa at Masaganang Pamayanan or Peaceful and Resilient Communities o Pamana, isang programa ng pamahalaan tungo sa kapayapaan at kaunlaran.

Sa katunayan, naglaan ang administrasyong Aquino ng P2 bilyon para sa kapayapaan at kaunlaran sa ilalim ng P1.816-trillion General Appropriations Act (GAA) 2012. Bukod sa pondo para sa PAMANA, makakakuha rin ang Government Peace Negotiating Panel ng P100 milyon para sa pakikipag-usap sa MILF at National Democratic Front (NDF).

Layunin ng PAMANA na makabuo ng mga programa para matulungan ang mga komunidad na apektado ng rebelyon at ilapit ang pamahalaan sa mga tao sa pamamagitan ng agresibong pagkakaloob ng pangunahing mga serbisyo para sa potensiyal na kabuhayan ng mga tao.

Target ng PAMANA na makabuo ng mapayapang komunidad sa 1,921 na malalayong mga barangay na apektado ng kaguluhan sa 171 munisipalidad na nasa 34 na mga lalawigan sa buong bansa.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-08T06:58:00.000+08:00

Samantalahin habang mainit!
REY MARFIL

Dapat samantalahin ng publiko lalung-lalo na ang mga anak ng magsasaka ang oportunidad sa “scholarship grants” na inaalok ng administrasyong Aquino para sa pagkuha ng kursong agrikultural sa mga kolehiyo at ibang eskuwelahan -- ito’y isang bihirang pagkakataong ipinagkakaloob ng gobyerno na hindi napag-isipan sa mahabang panahon.

Maganda ang layunin ng programa ni Pangulong Noynoy Aquino, partikular ang pagtiyak sa kahalagahan na linangin ang kaalaman ng mga kabataan sa usapin ng agrikultura kung saan maganda ang hinaharap dito.

Positibo ang panawagan ni PNoy sa mga magsasaka na pag-aralin ang kanilang mga anak sa mga kolehiyo at eskuwelahang nagsusulong ng kursong agrikultural para makakuha ng scholarship program.

Kaya’t suportahan ang programa ng pamahalaan para matulungan ang mga magsasaka sa pagpapalakas ng kanilang ani at pamamaraan sa pagkakaloob ng suporta ng gobyerno.

Tama ang pamahalaan sa paggiit ng pangangailangan na sumailalim ang mga magsasaka sa pest management, promosyon ng paggamit ng organic farming at iba pang serbisyo para sa sustainable management ng kanilang mga tanim at alagang mga hayop.

Isang patunay kung gaano kaseryoso ang pamahalaan sa pagpapalakas ng agrikultura -- ang pagkakaloob ni PNoy kay Aklan Gov. Carlito Marquez ng certificates of award nakaraang Hulyo 12 -- ito’y nagkakahalaga ng P26 milyon bilang alokasyon sa iba’t ibang proyektong agrikultural sa lalawigan.

Kabilang dito, ang micro-income generating projects, rice program, tramline at pitong proyektong irigasyon, livelihood assistance, high-value crops development, rehabilitation ng bio-fertilizer facility at organic vegetable production.

Hindi lang ‘yan, tinatrabaho rin ng Cabinet cluster on Climate Change ang mga bagay na maaaring makabawas sa epekto ng lumalalang global climate change na maaaring makasira sa agricultural productivity ng bansa. Bigyan natin ng pagkilala ang matagumpay na hakbang ng pamahalaan na ibaba ang polusyon sa hangin at tubig at matigil ang ilegal na pamumutol ng mga puno na ugat sa matinding pagbaha.

***

Napag-usapan ang “good news”, tayo’y humahanga sa paninindigan ni PNoy na tapusin ang problema ng human trafficking sa Pilipinas at makatwirang suportahan ang kanyang posisyong -- hindi dapat nabibiktima ng human traffickers ang mga taong naghahangad lamang ng magandang kinabukasan sa ibang bansa.

Magandang senyales ang pagkilala ng Pangulo sa mga grupo at indibidwal na lumalaban kontra sa trafficking kung saan iprinisinta nito ang Presidential Citation kay Zamboanga City Assistant City Prosecutor Darlene Pajarito na kinilala rin kamakailan ng US State Department sa parangal na Global Trafficking in Persons Heroes for 2011.

Nakatanggap si Pajarito ng presidential citation dahil sa kanyang pinakamaraming kasong matagumpay na naisulong sa korte na nagresulta sa conviction ng mga akusadong sangkot sa human trafficking.

Umabot din sa 12 organisasyon at indibidwal ang binigyan ng Pangulo ng special citations dahil sa kanilang mga programa kontra sa human trafficking sa bansa.

Sa katunayan, nagresulta ang koordinasyon ng pamahalaan at mga organisasyon sa pagkakaalis ng bansa mula Tier 2 Watchlist ng the 2011 Trafficking in Persons Report na inilabas ng pamahalaan ng Estados Unidos (US) noong nakalipas na buwan.

Dito kinilala ang malaking kontribusyon ng bansa para sugpuin ang problema sa human trafficking, kabilang ang halos 200 porsiyentong pagtaas sa convictions ng traffickers.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-05T07:04:00.000+08:00

Reporma sa Mindanao!
REY MARFIL

Hindi ba’t kapuri-puri ang pagbuwag ni Pangulong Noynoy ‘PNoy’ Aquino sa Presidential Task Force on Mindanao River Basin Rehabilitation and Development (PTFMRBRD) na nakabase sa Cotabato City, aba’y nagkakaroon ng duplication, as in ginagawa ng ibang ahensiya ang kanilang trabaho.

Ipinakita ni PNoy ang matalinong paggugol sa pondo ng gobyerno sa pamamagitan ng isinasagawang “streamlining”. Ibig sabihin, bawas-gastos at wala nang pakuya-kuyakoy sa kanilang opisina, katulad ng nakaugaliang maghintay ng kinsenas at katapusan para kumubra ng suweldo o kaya’y lingguhang allowances.

Nilagdaan ni PNoy ang Executive Order (EO) No. 50 nakaraang Hulyo 28, 2011 na naglilipat ng obligasyon at trabaho ng Task Force sa Mindanao Development Authority (MinDA), River Basin Control Office (RBCO) of the Department of Environment and Natural Resources (DENR), at National Disaster Risk Reduction Management Council-Office of Civil Defense (NDRRMC-OCD).

Nilikha ang PTFMRBRD noong 2008 para gumawa ng master plan sa pangmatagalang solusyon kaugnay sa matinding pagbaha sa Mindanao at direktang nag-uulat sa Office of the President.

Take note: hindi ba’t “nagngawngaw” pa sa national television ang isang alkalde sa Mindanao kesyo walang tulong ang pamahalaan sa nagsulputang water lily gayong sa mahabang panahon, ito’y walang ginawa para ilayo sa baha ang mga nasasakupan?

Tama ang desisyon ni PNoy na buwagin na ang PTFMRBRD dahil ginagaya lamang nito ang trabaho ng iba pang mga ahensiya ng pamahalaan. Sa ganitong sistema, hindi na makakapagturo ang mga “reklamador” na local officials, partikular ang mga mahihilig gumawa ng pera o pinagkakakitaan ang kalamidad sa kanilang lugar.

***

Napag-usapan ang Mindanao, dapat ibigay ng mga residente ang buong suporta sa administrasyong Aquino laban sa Abu Sayyaf Group (ASG) matapos masawi ang pitong sundalo sa Sulu nakaraang linggo.

Nakakalungkot at kasuklam-suklam ang nangyari subalit nakakatuwa pa ring marinig sa Pangulo ang pagtulong sa mga naulila ng mga sundalong nasawi na siyang tunay na mga bayani.

Bagama’t mangangailangan ng panahon, magiging positibo ang resulta ng kampanya laban sa terorismo kung merong kooperasyon ang mga residente sa programa ng pamahalaan para agarang maiharap sa hustisya ang mga terorista.

Bilang mga taong nagmamahal sa kapayapaan at mayroong takot sa Diyos, dapat nating kondenahin ang kawalanghiyaan ng mga bandido na naglalagay sa alanganin sa usapang-pangkapayapaan, kaunlaran sa buong bansa at iba pang positibong bagay.

Hindi lang ‘yan, pinanindigan ni PNoy ang pagreporma sa Autonomous Region in Muslim Mindanao (ARMM) kung saan isasabay ang halalan dito sa mid-term 2013 election -- ito’y isang konkretong hakbang ng reporma, pinaka-latest ang pagtalaga ng mga personalidad na lalahok sa screening committee na magrerekomenda sa Pangulo ng uupong OICs (officers-in-charge) para pansamantalang mamuno sa ARMM.

Malinaw na kinokonsulta ng pamahalaan ang publiko sa mga itatalagang mga opisyal sa ARMM na bahagi ng demokrasya at transparency na itinataguyod ng gobyerno.

Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

2011-08-03T07:04:00.000+08:00

May hangganan!
REY MARFIL

Tamang magkaroon ng katapusan ang mga alegasyon ng dayaan noong 2004 at 2007 elections upang hindi na maulit ang ganitong kahindik-hindik at karima-rimarim na mga pangyayari, maliban kung takot ang oposisyon na “mabocobo”, sampu ng mga kasapakat sa switching kaya’t kinokontra ito? Ika nga ng mga kurimaw, kung may simula, dapat may ending!

Walang basehan ang pahayag ng mga “ex-palakpak boys” na panlilito ang pakay ng pagkabuhay sa isyu matapos maglabasan ang mga taong sinasabing merong nalalaman sa umano’y dayaan.

Sa paglabas ng mga taong ito, umaasa ang publiko na magkakaroon ng masusing imbestigasyon at maisulong ang mga kaso laban sa mga responsable ng dayaan.

Anyway, isang magandang hakbang ang pagkakahirang kay ex-Supreme Court (SC) Justice Conchita Carpio-Morales bilang Ombudsman upang maibalik ang integridad ngayong nagsimulang “kumanta” ang ilang kinasangkapan sa dayaan noong 2004 national elections.

Umaasa ang publiko na maipapatupad ni Morales ang kailangang reporma sa anti-graft body matapos masira sa nagdaang administrasyon.

Tama ang desisyon ni Pangulong Noynoy ‘PNoy’ Aquino na maging kapareha ng kanyang kampanya laban sa katiwalian si Morales. Take note: Hindi tayo dapat magpalito sa black propaganda na tanging si Mrs. Arroyo lamang at dating mga opisyal nito ang target ng pagkakatalaga kay Morales.

Malinaw naman na inilagay si Carpio-Morales sa pinakamataas na posisyon sa Office of the Ombudsman dahil kaya nitong maghasik ng sindak sa mga lumalabag sa batas at makakuha ng respeto at suporta sa mga tao sa loob ng anti-graft body.

***

Tumpak ang obserbasyon ni Miguel Varela -- kilalang lider-negosyante at corporate lawyer practitioner na tatabo nang husto ang administrasyong Aquino sa usapin ng ekonomiya dahil sa inilatag na mga reporma at pagkakabalik ng tiwala ng publiko sa pamahalaan.

Walang progreso na mangyayari kung hindi nagtitiwala ang mga tao sa mga lider at mapalad tayong naibalik ni PNoy ang nawalang integridad ng gobyerno.

Dahil sa matinding political will at paulit-ulit na maigting na panawagan ni PNoy sa matinong pamumuno, handang-handa na ang mga ahensiya ng pamahalaan na sumulong.

Walang duda, inaasahan ang pagpasok ng mga negosyante sa bansa para mamuhunan bilang resulta ng kanilang mataas na pagtitiwala sa maayos na pamamalakad ng administrasyong Aquino at inaasahan ng publiko na magsusulong ang Kongreso ng mga mahahalagang panukalang batas na magpapabilis sa progreso ng bansa.

Naging presidente at chairman si Varela ng Philippine Chamber of Commerce and Industry o pinakamalaking organisasyon ng mga negosyante sa bansa at naglingkod ding presidente ng Employers Confederation of the Philippines o pinakamalaking asosasyon ng employers sa Pilipinas.

Hindi lang ‘yan, kapuri-puri ang posisyon ni PNoy kontra sa pagpasa ng Kongreso ng bagong batas sa pagbubuwis dahil siguradong mahihirapan dito ang ordinaryong mga tao.

Para magkaroon ng pondo, nanawagan ang Malacañang sa mga tao na suportahan ang pinaigting na kampanya ng Bureau of Internal Revenue (BIR) sa pagbabayad ng tamang buwis para makalikom ng salapi na magagamit sa iba’t ibang mga proyekto na pakikinabangan ng mga Pilipino.

Tama ang apela ni Executive Secretary Paquito Ochoa, Jr. sa mga propesyunal na magdeklara ng kanilang tamang kita. Dahil sa tiwala ng publiko sa pamahalaan, naniniwala akong tatalima ang publiko sa naging panawagan.

Sa datos ng BIR, merong 1.7 milyong self-employed at professional taxpayers na kinabibilangan ng mga abogado, doktor at mga negosyante at iba pa na nakapagbayad ng 9.8 bilyon noong 2010.

Ipinapakita ng datos na nagbayad ang bawat isa sa mga ito ng average na P5,783 bilang kanilang income taxes at kung mapapatunayan, lumalabas na kumikita lamang sila ng buwanang P8,500.

Laging tandaan: “Bata n’yo ko at Ako ang Spy nyo”. (mgakurimaw.blogspot.com)

2011-08-01T07:05:00.000+08:00

Manahimik na lang!
REY MARFIL

Sa nakaraang State of the Nation Address (SONA), kasing-linaw ng “gin” ang posisyon ni Pangulong Noynoy “PNoy” Aquino na ipaglaban ang karapatan ng Pilipinas sa pinag-aagawang teritoryo sa Spratlys Group of Islands -- ito’y kanyang dadalhin sa International Tribunal on the Law of the Sea.

Take note: umani ng pinakamalakas na palakpak ang tinuran ng Pangulo, maliban kung sadyang bingi o kaya’y puno ng tutuli ang tenga ng mga kritiko?

Tamang marinig ang ganitong mga salita sa pinakamataas na lider ng bansa na siyang dapat manguna sa hakbang na ipagtanggol ang teritoryo ng Pilipinas.

Bagama’t hindi naman tayo makikipagdigma, hindi natin dapat kalimutang idepensa ang ating mga teritoryo at alisin ang pandaigdigang pananaw na mahina ang ating kakayahan na ipaglaban ang mga bagay na nasa loob mismo ng ating bakuran.

Sa halip batikusin, bakit hindi kilalanin ang pagsusumikap ni PNoy na palakasin ang seguridad ng bansa, katulad ang modernisasyon ng Forces of the Philippines at Philippine National Police (PNP). Sa halos isang dekada, animo’y walang modernisasyong natikman ang militar at pulisya -- kung meron man, ito’y naiimbestigahan pa ng Upper House. Kung hindi dispalinghadong magazine ng baril at bala, aba’y naging brand new ang “secondhand” o kaya’y “ipinang-rescue” ang chopper sa tumitestigo laban sa katiwalian.

Sa tulong ng malinis na pamamahala, lalawak pa ang programa sa pagbili ng helicopters, patrol crafts, at ibang mahahalagang mga kagamitan. Pero sa dulo, tama si PNoy -- ang mapayapang resolusyon sa problema ang dapat pa ring mangibabaw, as in hindi kailangang makipagbarilan subalit hindi rin pwedeng “binabatuk-batukan” lamang.

At nakaraang SONA, maigting din ang posisyon ni PNoy na itigil ang kultura ng “wang-wang” o pang-aabuso sa kapangyarihan sa pamahalaan. Ibig sabihin, tayo’y mapalad dahil malinis na pamamahala ang isinusulong ng gobyerno, lalung-lalo na sa paglaban sa katiwalian.

Naging simbolo ang pagbabawal sa paggamit ng “wang-wang” para matigil ang mga pagsasamantala at determinado ang gobyerno na maging parehas ang laban, matigil ang pang-aabuso at tiyakin na pakikinabangan ng ordinaryong tao ang benepisyo sa pagsulong ng bansa.

Sa paglaban sa katiwalian, napababa ang bilang ng mga Filipino na nagugutom, tumaas ang tiwala ng mga mamumuhunan at napadali ang pagkakaloob ng pangunahing serbisyo sa publiko.

Hindi lang iyan, natigil ang maanomalyang kontrata na pinasok ng ilang tiwaling opisyal at pribadong indibidwal -- isang rason kung bakit nanumbalik ang tiwala ng publiko.

***

Napag-usapan ang SONA, dapat suportahan ng Kongreso ang kahilingan ni PNoy para sa karagdagang pondo ng palalawaking Pantawid Pamilyang Pilipino Program (4Ps) kung saan puntiryang matulungan ang tatlong (3) milyong mahihirap.

Malaki ang naitulong sa mga mahihirap kaya’t kailangan talagang ipagpatuloy ng pamahalaan ang Pantawid Pamilyang Pilipino Program na naglalayong gawing tatlong (3) milyon ang mabibiyayaan ng tulong sa 2012.

Naniniwala ang inyong lingkod sa katalinuhan ng programang ito ng Pangulo na kumbinsidong maipatutupad ng maayos ng Department of Social Welfare and Development (DSWD) ang pagkakaloob ng ayuda sa mga mahihirap, sa ilalim ng Conditional Cash Transfer (CCT) program.

‘Ika nga ng mga kurimaw, kung wala namang maibibigay na anumang alternatibo ang mga kritiko, aba’y, suportahan na lamang ang programa na direkta at agarang makakapagbigay ng tulong sa mga Filipino.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-07-29T06:59:00.000+08:00

Sa totoo lang!
REY MARFIL

Hindi ba’t kapuri-puri ang sinseridad ng administrasyong Aquino sa pagresolba ng ilang dekadang armadong pakikibaka ng mga komunista at iba pang rebeldeng grupo, aba’y isang taon pa lamang sa kapangyarihan, nakumbinse ng gobyerno ang Cordillera People’s Liberation Army (CPLA) na lumagda sa pinal na usapang-pangkapayapaan. Take note: siyam (9) na buwan lamang ang pag-uusap.

Mula sa pagiging kalaban, katuwang na ngayon ng pamahalaan ang CPLA sa pagsulong ng kapayapaan at progreso sa Northern Luzon. At maganda rin naman ang resulta ng mga negosasyon sa mga komunista at rebeldeng Muslim.

Base sa ulat ng Department of National Defense (DND), bumaba ang bilang ng mga insidente ng paglusob na isinasagawa ng New People’s Army (NPA) dahil sa isinusulong na usapang-pangkapayapaan sa Communist Party of the Philippines-New People’s Army-National Democratic Front (CPP-NPA-NDF).

Sa parehong ulat, bumaba rin ang bilang ng mga pag-atake ng Moro Islamic Liberation Front (MILF) mula 97 sa unang semestre ng 2010 tungong 42 sa parehong panahon ngayong taon. Kitang-kita naman ang masigasig na pagpupursige ni Pangulong Noynoy “PNoy” Aquino sa pagkakaroon ng wagas na kapayapaan sa ating bansa.

***

Anyway, walang katotohanan ang alegasyong pinababayaan ng administrasyong Aquino ang problema sa extra-judicial killings (EJKs).

Sa katunayan, maigting ang pagpupursige ng gobyerno sa pagkakaloob ng hustisya sa mga biktima sa pamamagitan ng pagtatag sa espesyal na Task Force na rerebyu at magpapabilis sa imbestigasyon at resolusyon ng mga kaso -- ito’y bahagi ng pagtupad sa pangako nitong tapusin ang karahasan sa bansa.

Simula nang ito’y itatag, sa ilalim ng Department of Justice (DOJ) noong Disyembre 2010, umabot sa kabuuang 187 kaso ng EJKs ang narebyu ng Special Task Force on Extrajudicial Killings and Enforced Disappearances.

Kasalukuyang hinahawakan nito ang 69 kaso kung saan 63 dito ang naisampa na sa korte habang preliminary investigation naman ang nalalabing anim (6). Base sa DOJ, merong 178 napaulat na kaso ng hindi maipaliwanag na pagpatay bago pumasok ang administrasyong Aquino.

Mula Hulyo 1, 2010 hanggang Mayo 31, 2011, umabot sa kabuuang 15 kaso ng EJKs ang naitala.

Sa nasabing bilang, naisampa ang mga kaso laban sa mga salarin sa walong (8) insidente ng EJKs habang pito (7) ang iniimbestigahan ng Task Force. Habang hinahawakan naman ng Task Force Usig ng Philippine National Police (PNP) ang 162 kaso -- ito ang inatasang magrebyu sa mga kaso, simula noong 2001.

Nabatid na 102 kaso dito ang naisampa na sa korte at 59 naman ang sumasailalim sa imbestigasyon at isang kaso ang ikinokonsiderang sarado na. Ibig sabihin, hindi nagpabaya si PNoy, sa pangunguna ng kapulisan.

Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

2011-07-27T06:58:00.000+08:00

‘Kuwentas-claras’
REY MARFIL

Kung tutuusin, dapat magpasalamat ang mga kritiko sa matalinong paggugol ni Pangulong Noynoy “PNoy” Aquino sa kaban ng bayan, aba’y nakapagtipid ang gobyerno ng P12 bilyon na nagamit para pondohan ang iba pang mga proyektong hindi kasama sa nabigyan ng alokasyon sa ilalim ng pambansang badyet ngayong taon.

Tinukoy at ibinasura ng administrasyong Aquino ang mga programang hindi na pakikinabangan at inilaan na lamang ang pondo sa mga proyektong higit na kailangan ng mga Filipino katulad ng ayuda sa sektor ng edukasyon at kalusugan.

Ibig sabihin, malayo sa nakagawian ng mga dating nakaupo sa Philippine Amusement and Gaming Corporation (PAGCOR) na “nangalumata” sa kaka-kape.

Malinaw ang ebidensya, napunta ang P12 bilyong natipid sa mga sumusunod:

•P2 bilyon sa National Power Corporation (NAPOCOR) para sa pangangailangan sa gasolina ng Small Power Utilities Group upang maiwasan ang kakapusan sa gasolina sa mga isla sa buong bansa;

•P450 milyon para sa fuel subsidy ng public utility jeepneys at tricycles upang bawasan ang epekto ng mataas na presyo ng mga produktong petrolyo;

•P850 milyon para sa suweldo ng 10,000 rehistradong nurses na nagsisilbi sa mga malalayong lugar sa bansa;

•P4.2 bilyon para sa paggawa ng 20,000 mga bahay ng mga sundalo at pulis;

•P727 milyon para sa transportasyon ng 86 rail carriages na ibinigay ng pamahalaang Japan sa Philippine National Railways (PNR) Corporation at rehabilitasyon ng PNR line mula Maynila hanggang Naga City;

•P423 milyon para sa pagbili ng US Hamilton class cutter na magpapalakas sa depensa ng bansa sa Malampaya area;

•P2.8 bilyon para sa implementasyon ng third tranche ng Salary Standardization III (SSL 3) ng mga kawani ng pamahalaan.

•P99.92 milyon bilang bayad sa suweldo ng mga huwes bilang resulta ng SSL 3;

•P568 milyon para sa implementasyon ng PAMANA program na pakikinabangan ng mga lugar na mayroong kaguluhan.

Ipinapakita lamang ng administrasyong Aquino ang matinong pamamahala na pakikinabangan ng mga Filipino. Ang tanong ng mga kurimaw: ito ba’y nangyari sa halos isang dekadang administrasyon o kaya’y naging “kuwentas-claras” ang mga dating nakaupo sa trono?

***

Napag-usapan ang “good news”, hindi ba nakikita ng mga kritiko ang matinding determinasyon ni PNoy na makamit ang rice self-sufficiency, maliban kung sadyang “mutain” at hindi nakikita ang pag-ukol ng panahon ng administrasyong Aquino sa Food Staples Self-Sufficiency Roadmap (FSSR) para sa mga taong 2011 hanggang 2016 -- ito’y magsisilbing pangunahing programa para sa seguridad ng bansa.

Hindi ba kabilib-bilib ang ulat ng Department of Agriculture (DA) kaugnay sa umasensong ani ng sektor ng agrikultura na dahilan kaya hindi na masyadong umangkat ang bansa ng bigas sa ibang mga nasyon?

Take note: umangat ng 4.2% ang sektor ng agrikultura mula sa first quarter ng 2011.

Naitala naman ang negative growth na 1.08% sa first quarter ng 2010.

Sa report ng Bureau of Agricultural Statistics (BAS), ang 4.04 milyong metric ton (MT) ng produksyon ng palay nitong Enero hanggang Marso 2011, mas mataas sa 3.49 milyong MT na naani noong nakalipas na taon, katumbas ang 15.6% increase -- ito’y nag-ugat sa malawakang programa sa irigasyon at maigting na implementasyon ng DA ng kanilang Rapid Seed Supply Financing Project na nagkakaloob ng magandang klase ng buto sa mga kuwalipikadong mga magsasaka ng palay.

Hindi lang ‘yan, bumaba ng 80% ang importasyon ng bigas, as in mula 2.02 milyong MT mula Hulyo 2009 hanggang Hunyo 2010, ito’y naging 386,243 MT mula Hulyo 2010 hanggang 2011.

Noong 2010, umabot lamang sa 2.38 milyong MT ang inangkat na bigas. Sa taong 2012, inaasahang lalo pang bababa ang pag-angkat ng bigas, puntirya ang 500,000 MT.

Laging tandan: “Bata n’yo ko at Ako ang Spy n’yo.” (mgakurimaw.blogspot.com)