Friday, October 29, 2010

Sumuko kay PNoy

Sumuko kay PNoy
Rey Marfil


Hanoi, Vietnam --- Isang ‘double whammy’ ang inabot ng Indonesia — magkakasunod ang tsunami at volcanic eruption. Ang masakit sa lahat, nangyari ang dalawang kalamidad, ilang oras pa lamang nakalapag sa Hanoi International Airport ang eroplanong sinakyan ni President Susilo Bambang Yudhoyono para dumalo sa 17th ASEAN Summit na nagka taong iisang hotel ang kanilang tinutuluyan ni Pangulong Noynoy ‘PNoy’ Aquino sa Grand Plaza.
Isang pakikiramay ang kaagad ipinarating ni Pa ngulong Aquino sa Indonesian government, kabilang ang pangakong tutulong sa rescue, recovery at rebuilding, anumang oras kailanganin ang tulong ng Pinoy volunteers— ito’y ginawa ni PNoy sa harap ng Filipino community (Filcom) noong Miyerkules ng tanghali.
Sa huling tala, 154 ang patay, at humigit-kumulang 400 ang missing. Marami ang nawalan ng tira han at kabuhayan kaya’t iginigiit natin ang kahalagahan ng kahandaan ng bawat Pilipino. Hindi natin hinihingi ang ganitong sitwasyon subalit hindi malayong mangyari sa Pilipinas ang sinapit ng mga taga-Indonesia dahil parehong nasa Pacific Rim of Fire. Take note: Wala sa kontrol natin ang galaw ng kalikasan, mas maiging maging maagap sa paghahanda mangyari man o hindi ang mga ganitong kalamidad.
Nabanggit ang kahandaan, pinarangalan ng Civil Service Commission (CSC) ang isang “Anak ng Romblon” dahil sa kanyang advocacy sa disaster preparedness at risk mitigation — Phivolcs director Renato Solidum bilang natatanging kawani ng pamahalaan dahil sa kanyang pagsulong sa pagpapatibay ng mga gusali at kahandaan ng bansa sa panahon ng kalamidad. At balita sa merkado ng Romblon, Romblon na ‘magtutumba’ ng tatlong drum ng ‘tuba’ ang pamangkin nitong si Pareng Sylton Solidum.
***
Napag-usapan ang 17th ASEAN summit, isang malaking agenda ni PNoy, maging sa katatapos na state visit ang regional cooperation kung papano magkakatulungan ang mga bansang magkakapit-bahay sa panahon ng kalamidad, maging sa usapin ng adaptation and mitigation sa climate change.
Malaking papel ang ginagampanan ngayon ni PNoy dahil nakaatang sa bansa ngayon ang liderato sa rehiyon sa mga ganitong usapin. Kung pamumuno lang naman sa ASEAN ang pag-uusapan, hindi tayo binibigo ni PNoy kaya’t abangan na lamang ang magandang balitang ipapasalubong pag-landing sa tarmac sa Oktubre 31.
Isang araw bago sumalang sa kaliwa’t kanang bilateral meeting kahapon, ilang oras nakakuwentuhan ni PNoy ang media delegation kaya’t ‘haping-hapi’ ang mga reporters sa samu’t saring kuwento ng Pangulo. Hindi lamang foreign correspondents ang nagulat at namangha sa kasimplehan ni PNoy kundi ang ilang Malacañang reporters lalo pa’t kabarkada ang trato ng Pangulo sa sinumang mediamen makatabi nito.
Ang pinaka-classic sa lahat, hindi si PNoy ang na ngayaw, as in sumuko sa kuwentuhan kundi ang buong media delegation. Pagkatapos ng mahabang kuwentuhan, meron pang humirit ng interview at pinagbigyan pa ni PNoy, maging ang ‘photo op’ kaya’t kantiyawan ang mga reporter sa press bus habang pabalik ng hotel para matulog. Iyon lang, hindi napiga nina Willard Cheng (ABS CBN-2), Mike Pajatin (GMA7) at Ina Zara (TV5) sa estado ng love life nito. Laging tandaan: “Bata n’yo ko at Ako ang Spy nyo”. (mgakurimaw.blogspot.com)

Wednesday, October 27, 2010

Mahalaga ang kaibigan

Mahalaga ang kaibigan
Rey Marfil


HANOI, Vietnam --- Apat na memorandum of agreements (MOA) ang nilagdaan ni Pangulong Benigno ‘Noynoy’ Aquino sa kauna-unahang state visit na kinapapalooban ng Academic Coope ration, Defense Cooperation, Oil Spill Preparedness and Response, at Search and Rescue at Sea. Ika nga sa Bibliya, ‘walang sinumang nabubuhay para sa sari li lamang’.
Ngayong umaga, isang wreath-laying ceremony sa Monument of National Heroes and Martyrs ang pangungunahan ni PNoy -- ito’y tradisyon, sinumang lider ang dumalaw sa isang bansa kaya’t huwag ipagtaka kung bakit nag-aalay ng bulaklak sa monumento ni Gat Jose Rizal ang mga bumibi sita sa Pilipinas.
Isa pang wreath-laying ceremony sa Ho Chi Minh Mausoleum ang iskedyul ni PNoy, kasunod ang pakikipag-meeting sa mga negosyante at magtatapos ang 2-day state visit ngayong gabi, kasama ang Filipino community, sampu ng overseas Filipino workers (OFWs).
Sa Huwebes, magsisimula ang 17th ASEAN summit at isang ASEAN Working Lunch ang dadaluhan ni PNoy, kasama ang ASEAN Business Advisory Council (ABAC), kasunod ang ASEAN Leaders Retreat at Informal Working Dinner of ASEAN Leaders. Ibig sabihin, napakahalaga ang pakikipag kaibigan sa mga kalapit-bansa, hindi iyong puro kabig lamang.
***
Napag-usapan ang ASEAN summit, ilan pang nakalistang agenda na itutulak ni PNoy ang ASEAN Connectivity; Contributing to a Nuclear Weapons-Free World; ASEAN Centrality; Conservation of Biodiversity; ASEAN Cities of Culture at Competitiveness in ASEAN and the World.
Ang lahat ng ‘key initiatives’ -- ito’y ila-lobby ni PNoy sa 13th ASEAN Plus Three (APT) Summit kung saan makakaharap ang mga lider ng China, Japan, at Korea, maging sa 5th East Asia Summit (EAS), kinabibilangan ng Australia, New Zealand at India.
Isa sa pinaka-highlights sa APT Summit ang kahalagahan ng ASEAN Plus Three Emergency Rice Reserve (APTERR) -- ito’y layuning matugunan ang pangangailangan sa bigas ng bawat rehiyon at maiwasan ang food shortage o magkaroon ng food security.
Sa kaalaman ng publiko, itinatag ang ASEAN noong Agosto 1967 sa Bangkok, Thailand -- dito nilagdaan ang Bangkok Declaration, mas kilalang ASEAN Declaration -- kinabibilangan ng Indonesia, Malaysia, Pilipinas, Singapore at Thailand.
Noong Enero 8 1984, sumama ang Brunei Darussalam sa ASEAN Summit, kasunod ang Vietnam noong Hulyo 28, 1995 habang ang Laos at Myanmar noong Hulyo 23, 1997 samantalang Abril 30, 1999 ang Cambodia.
Sa 5th East Asia Summit (EAS) ngayong Sabado bilang bahagi ng 2010 ASEAN summit, magkakaalaman kung kikilalanin bilang ‘full members’ ang Russia at United Estates of America (USA) sa 2011 ASEAN Summit.
Sa kabuuan, matunog ang senaryong pagiging full members ng Russia at Amerika sa 6th EAS Summit lalo pa’t parehong dadalo sa pagtitipon sina Russian Foreign Minister Sergie Lavrov at US Secretary Hillary Clinton ngayong Sabado. La ging tandaan: “Bata n’yo ko at Ako ang Spy n’yo”. (mgakurimaw.blogspot.com)

Monday, October 25, 2010

‘Biyaheng matipid’ ni PNoy!

‘Biyaheng matipid’ ni PNoy!
Rey Marfil


Alas-7:20 ng umaga bukas, naka-iskedyul si Pangulong Noynoy ‘PNoy’ Aquino lumipad patungong Vietnam -- ito ang kauna-unahang state visit simula ng maupo sa Malacañang, alinsunod sa imbitasyon ni Vietnam Presi dent Nguyen Minh Triet, na ngangahulugang kargo ng dayuhang bansa ang gastusin ng Philippine delegation, ma liban sa 17th ASEAN summit.
Kung tutuusin, puwedeng magbitbit ng sangkaterbang delegasyon si PNoy lalo pa’t ‘sagot’ ng Vietnam government ang state visit subalit suriin ang listahang kasama sa biyahe -- ito’y nanati ling kakapiranggot at mahigpit ang tagubilin ng Pangulo -- kailangang magtipid at tanging working staff and offi cials ang lilipad sa Hanoi. Take note: dalawang opisyal lamang ng Presidential Communication Operations Office (PCOO) ang representatives -- isang Assistant Secretary (Asec) at Director III.
Sa US trip ni PNoy nakaraang Setyembre, tanging P25 milyon ang ginastos ng gobyerno subalit 43 libong trabaho at $2.4 bilyong investment para sa loob ng tatlong taon ang naiuwi ng Pangulo -- ito’y napakalayo sa P80 milyong winaldas ng pinalitan sa puwesto sa kaparehong event noong 2009 United Nations (UN) General Assembly sa New York.
Maliban sa state visit, napakahalagang makaharap ni PNoy sa ASEAN summit ang iba’t ibang lider -- isang paraan upang maitulak ng Pilipinas ang ‘key initiatives’, katulad ang maritime security, promotion of human rights, climate change, pangangalaga sa migrant workers, paglaban sa tero rismo at transnational crimes, maging ang disaster management lalo pa’t paboritong pas yalan ng bagyo ang Pilipinas.
***
Napag-usapan ang state vi sit, isang arrival ceremony sa Noi Bai International Airport (Hanoi) ang naka-iskedyul sa pagdating ni PNoy bukas (Martes), ganap alas-12:00 ng tanghali -- ito’y sasalubungin ng Vietnamese Cabinet members, sa pa ngunguna nina Deputy Minister of Foreign Affairs Dao Viet Tung, Chief of State Protocol Mai Phuoc Dzung, External Relations Department Director-General Nguyen Vu Ha Le, at Department of Southeast Asia director-general Tran Hai Hau.
Pagkatapos ng arrival rites sa Hanoi airport, isang arrival honors o welcome ceremony ang ipagkakaloob kay PNoy sa Vietnam Presidential Palace -- ito’y magkakaroon ng photo session, kasama si President Nguyen Minh Triet, alas-2:40 ng hapon, kasunod ang official bilateral meeting (3:00 p.m.), at panghuli ang singing ceremony (4:00 p.m.).
Mula Presidential Palace, makikipag-meeting si PNoy kay Prime Minister Ngu yen Tan Dung sa Government House (4:15), at panghuli ang meeting kay Secretary Gene ral Nong Duc Manh ng Central Committee of the Communist Party of Vietnam sa Gene ral Secretary Office, 5:30 ng hapon. Ibig sabihin, ‘trabahong-kalabaw’ si PNoy sa buong mag hapon pagka-tuntong ng Vietnam dahil tatlong lider ang ‘bubusinahan’ sa isang lakaran.
Pagkatapos ang bilate ral meeting sa tatlong Vietna mese leader, kailangang bumalik ni PNoy sa Grand Plaza Hotel upang maghila mos, as in ‘mag-refresh’ -- dito pa lamang makakapag-relaks ang Pa ngulo dahil meron inihandang state banquet si President Ngu yen Min Triet sa Banguet Hall, Government Guest House, nangangahulugang alas-10:00 ang pinakamahinang oras ng uwi ni PNoy sa tinutuluyang hotel at kinabukasan -- ito’y kailangang gumising ng alas-8:00 ng u­maga dahil meron wreath-laying ceremony sa Ho Chi Minh Mausoleum, alas-9:00 ng umaga. Laging tandaan: “Bata n’yo ko at Ako ang Spy nyo.” (mgakurimaw.blogspot.com)

Friday, October 22, 2010

Hinagupit ni PNoy!

Hinagupit ni PNoy!
Rey Marfil


Sa pananalasa ng bagyong Juan, hindi lang ‘winalis at hinagupit’ ni Pangulong Noynoy ‘PNoy’ Aquino ang mga kritiko at ‘fanatics’ ni ex-PAGASA chief Frisco Nilo kundi napahiya sa kaliwa’t-kanang pagbatikos sa Malacañang, aba’y napatunayang nadiskubreng mas agresibong mag-trabaho at accurate ang pagtaya sa bagyo ng mga batang empleyado.
Kung walang nasampolan sa Philippine Atmospheric Geophysical and Astronomical Services Administration (PAGASA), ayokong isiping mas kalunos-lunos ang sinapit ng mga taga-Isabela sa pananalasa ni Juan (international name: Megi), aba’y sablay ang international weather forecast dahil Cagayan province ang sinasabing tutumbukin ni Juan — dito nasubukan ang husay at pagta-tiyaga ng mga batang ‘weather man’.
Ngayong umeskapo sa Philippine area si Juan, pinakamamagandang gawin ng mga taong sumasakay sa pagkakasibak ni Nilo — ito’y manahimik at i-zipper ang kanilang bunganga kung wala rin lang magandang sasabihin lalo pa’t napatunayang mas epektibo ang pagpapalabas ng weather bulletin kada oras.
Sa mga naunang nagduda sa aksyon ni PNoy — kung hindi pinabago ang makalumang sistema sa PAGASA at patuloy tayong umaasa sa weather bulletin kada anim na oras, hindi nabantayan ang pagbago ng direksyon ni Juan. At kung nagkataon, hindi nakalikas ang mga taga-Isabela.
Siguro naman hindi kalabisan at lalong hindi kabawasan ng pride o pagkalalaki sa hanay ng mga kritiko ni PNoy kung papurihan ang national government at local government units (LGU’s) dahil epektibo ang ginawang paghahanda kay Juan, maliban kung sadyang ‘utak-talangka’?
Ang nakakalungkot, hindi pa rin maiwasang magbuwis ng buhay ang ilan natin kababayan, gaano man kahanda at kahaba ang preparasyon ng pamahalaan kay Juan. Sa panibagong pagsubok at kalamidad, tayo’y umaasa sa ‘zero casualty’ na pinapangarap ng bawat isa. Ika nga ni PNoy: “Bawat buhay ay mahalaga, ito’y kailangang pag-ingatan at pahalagahan’.
***
Napag-usapan si PNoy, naging laman ng balita ang alegasyong ‘no show’ sa 9:00 am meeting ng National Disaster Risk and Reduction Management Council (NDRRMC) noong Lunes. Ang katotohanan, hindi kailangang dumalo sa meeting si PNoy lalo pa’t 2:00 p.m. ang ‘arrival’ ni Juan sa Pilipinas.
Sa kaalaman ng publiko, wala sa original schedule ni PNoy ang pagdalo sa NDRRMC meeting — ito’y nakalistang ‘posible lamang’. Ibig sabihin, walang katiyakang dumalo lalo pa’t meron naka-iskedyul na 10:00 a.m. sa Malacañang. Ika nga ni Mang Gusting na kapitbahay ni Mang Juan, paano makakabalik ng sakto sa oras si PNoy upang pangasiwaan ang Anti-Poverty Cabinet Cluster Meeting kung bawal ‘mag-wangwang’?
Dahil naipagbigay-alam sa Malacañang Press Corps (MPC) ang posibleng pagdalo ni PNoy sa 9:00 a.m. NDRRMC meeting — ito’y isinama sa text brigade at nag-request ng press vehicles ang MPC. Take note: ‘mortal sin’ sa isang reporter ang ma-iskupan ng istorya kaya’t kailangang tumambay ng Camp Aquinaldo — ganito lang kasimple ang nangyari sa ‘no show story’ ng ilang media. Laging tandaan: “Bata n’yo ko at Ako ang Spy nyo.” (mgakurimaw.blogspot.com

Wednesday, October 20, 2010

Binawasan ni PNoy ang gutom!

Binawasan ni PNoy ang gutom!
Rey Marfil


Bagama’t marami pa rin ang nagdarahop sa buhay, hindi maitatangging nabawasan ng tatlong milyon ang bilang ng mga kababayan natin na nagsasabing ‘walang makain’ sa loob ng isang araw, malinaw ang resulta ng Social Weather Station (SWS) noong nakaraang buwan.
Sa loob ng tatlong buwang panunungkulan ni Pa ngulong Noynoy ‘PNoy’ Aquino, naging positibo ang pagtingin ng mga Pinoy sa bawat aksyon ng gobyerno at nabawasan ang bilang ng mga pamilyang walang maialmusal o maisubong pagkain, pagsapit ng dapit-hapon, maging sa pananghalian.
Bagama’t nanatiling milyones o mataas ang ‘hunger and poverty rate’ ng bansa, kailangang tanggapin ng mga kritiko, sa pangunguna ng mga ‘remnants’ ng nagdaang administrasyon, ang katotohanang naibaba ni PNoy ang bilang ng mga ‘walang makain’, katumbas ang tig-isang milyong pamilya kada buwan, simula Hulyo 1 hanggang Setyembre 30.
Mula 21.1%, bumaba sa 15.9% ang pamilyang nagrereklamong “gutom at walang makain”, malinaw ang pagkabawas ng 3% -- nangangahulugang tatlong milyong pamilya ang maikukunsiderang umangat ang estado sa buhay dahil nakakain ng tama sa oras at hindi sumasala sa tatlong kainan -- ito’y epekto ng gumagandang ekonomiya at daang matuwid na tinatahak.
Maging ang pamilyang nagsasabing ‘mahirap’ -- ito’y nabawasan ng 2% dahil bumaba sa 48% nakaraang tatlong buwan kumpara sa 50% bago bumaba si Mrs. Arroyo sa Malacañang. Take note: ‘above 20% average’ ang Pilipinas sa hunger and poverty rate sa loob ng tatlong buwan, as in pinakamababang naitala ang 15.9% -- isang pagtutuwid na ginawa ni PNoy.
Kahit double-digit ang hunger figures ng Pilipinas, simula Hunyo 2004, naging katamtaman o ‘moderate’ ang bawat numero. Ang bilang ng mga pamilyang kumakain lamang ng isang beses kada araw -- ito’y bumaba sa 12.9% mula 17%, katumbas ang 2.4 milyong pamilya. Maging ang pamilyang nagsabing ‘madalas walang makain’ -- ito’y nabawasan ng 3.1% (575,000 families).
***
Napag-usapan ang hunger and poverty rate -- sa kabuuan ng geographical areas, pinakamalaking pagbabago ang numero sa Mindanao region -- mula 26%, ito’y naibaba sa 16.3%, as in ‘nakakain na ngayon’ ang 700 libong pamilyang naunang na-survey ng SWS at nagrereklamong gutom.
Katulad ng Mindanao, nabawasan ng 6% ang nagsasabing ‘gutom at walang makain’ sa Visayas region dahil bumaba sa 15.3% (580,000 families), maging sa Balance of Luzon -- bumaba sa 14.7% (1.2 million families) o natapyasan ng 4% habang 20.3% (507,000 families) sa Metro Manila na nabawasan ng 2% ang nagrereklamong hindi makapag-avail ng 3-times meal.
Ang suma-tutal ng ‘moderate hunger’, bumaba sa 13.3% mula 21% sa Mindanao region; 11.7% mula 27.3% sa Visayas; 12.3% mula 14% sa Balance Luzon at 15.7% mula 19% sa Metro Manila. Maging ang tinatawag na ‘self-rated poverty’ sa Luzon, ito’y bumaba sa 40% mula 44% at bumaba sa 53% mula 56% sa Mindanao. Ibig sabihin, nakakasapat ngayon ang buwanang kinikita ng mga pamilya nito. Laging tandaan: “Bata n’yo ko at ako ang Spy n’yo”. (mgakurimaw.blogspot.com

Monday, October 18, 2010

Jinggoy sa 2016?


Rey Marfil


Mas matitindi pang pagbatikos at demolition job ang kahaharapin ni Pangulong Noynoy ‘PNoy’ Aquino nga yong sisimulan ng Truth Commission ang pagkalkal sa mga duming iniwan ng nagdaang administrasyon lalo pa’t pakalat-kalat pa rin sa iba’t ibang departamento at sangay ng gobyerno ang mga ilang remnants nito.
Kaya’t maghanda si ex-Supreme Court (SC) chief Hilario Davide Jr., hindi lang almeres kundi gilingan ng palay ang inihanda ng mga kalaban upang durugin at tanggalan ng krebililidad bilang timon ng Truth Commission, anumang oras magsimula ang imbestigasyon.
Maliban kay Davide, kailangang ‘get ready to rumble’ ang iba pang miyembro ng Truth Commission -- sina Carlos Medina Jr., Flerida Ruth Romero, Romeo Callejo at Menardo Guevarra. Sa ngayon, dalawampu’t-tatlong kaso ang nasa initial list ng komisyon, nangangahulugang maraming maimpluwensyang nilalang ang tatamaan sa paggulong ng imbestigasyon.
Sa pag-usad ng imbestigasyon, masusubukan kung gaano katibay ang dibdib ng isang “Hilario Davide Jr.” lalo pa’t itinuturong susi sa legalidad ng presidency ni Mrs. Arroyo at nagsilbing ambassador nakaraang admi nistrasyon — ito ang binabantayan ni Senate pro-tempore Jose ‘Jinggoy’ Estrada Jr.
Kundi nagkakamali ang mga kurimaw, No. 1 list ng Truth Commission ang NBN-ZTE deal kaya’t abangan ang pagbabalik ni ex-Comelec chairman Benjamin Abalos sa hot seat, malay n’yo, mas malinaw ang pagsabi ng “Sec, may P200 (milyon) ka dito”.
***
Napag-usapan si Jinggoy, maraming mediamen ang nakapansin sa kakaibang porma ng senador -- ito’y nagmukhang tinedyer at naglahong parang bula ang mga bilbil, animo’y naghahanda sa mas malaking laban sa 2016. Kantiyaw ang inabot ni Jinggoy sa 25th induction ceremony ng mga opisyal ng CAMANAVA Tri-Media Press Corps, ginanap sa Manila Pavilion Hotel nakaraang Oktubre 15, Biyernes ng gabi.
Si Jinggoy ang guest speaker ng CAMANAVA Press Corps at isang karangalang makasama ang senador sa induction ceremony lalo pa’t kauna-unahang regular beat assignment ng inyong lingkod ang Caloocan, Malabon, Navotas at Valenzuela noong 1994. Ang biro nga ni Mang Gusting ‘ang hindi marunong lumingon sa pinanggalinan, kung matinik ay malalim’.
Nakakatuwang isipin, makalipas ang 16-taon, edad lamang ang nabago sa hanay ng mga mediamen nagko-cover sa CAMANAVA area at hindi pa rin kumukupas si Arlie Calalo -- ito’y balik-Presidente ng press corps, maging si Tiyong Grande Del Prado (Journal) pinaka-senior sa beat, aba’y buhok lang ang nabawas dito. Ang anak ni Tyong Grande - si Rommel, ngayo’y last termer baranggay councilor, ito’y kumpare at classmate sa Lyceum of the Philippines.
Sa induction rites, makailang-beses binirong “Next President” si Jinggoy sa 2016. Sabagay, may katwiran ang kantiyaw ni Arlie lalo pa’t dalawang anak ng ex-Pre­sident ang naupong Pangulo - sina Mrs. Arroyo at PNoy. Maging inyong lingkod, hindi rin nakaligtas kay Jinggoy at binalikan ang naisulat na blind item.
In fairness, sadyang matulungin si Senator Jinggoy, katulad ng amang si ex-President Joseph ‘Erap’ Estrada. Sa kaalaman ng publiko, hindi nagdalawang-isip ang senador nang ilapit ang hinihinging covered court ng
aking mga kanayon sa Barangay Agnipa, Romblon, Romblon -- ang namumukod tanging covered court sa Romblon province. Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Friday, October 15, 2010

Ang magandang pamana ni Gloria!

Ang magandang pamana ni Gloria!
Rey Marfil


Hindi kailangang magsalamin ng mga kritiko ni Pa ngulong Noynoy ‘PNoy’ Aquino para mabasa at maintindihan kung gaano kalaki ang pagtitiwala ng publiko, kabaliktaran sa nakuhang grado ni ex-President Gloria Macapagal-Arroyo -- ito’y malinaw sa latest survey ng Social Weather Station (SWS).

Sa SWS survey na kinomisyon ng Business World, may petsang September 24-27, may kabuuang 44% ng mga Pinoy ang naniniwalang tutuparin ni PNoy ang sinumpaang pangako sa kanyang State of the Nation Address (SONA) nakaraang Hulyo 26, nangangahulugang kahalati ng humigit-kumulang 90 milyong Pilipino, as in 50% ang nagtitiwala sa Pangulo.

Ikumpara ang 44% ni PNoy, ito’y napakalayo kay Mrs. Arroyo dahil tanging 19% ang naniwala sa kanyang kauna-unahang SONA noong Hulyo 23 2001, ilang buwan matapos mapatalsik si Erapsky. Ibig sabihin, sa si mula pa lamang ng maupo sa Palasyo, bad trip ang mga Pinoy kay Mrs. Arroyo.

Ngayong kinuwestyon ang DSWD budget, hindi nakakagulat kung mainit ang ulo ng mga Pinoy, mapa-text brigade o radio comment lalo pa’t kaliwa’t-kanan ang ginawang imbestigasyon ng Philippine Senate. Mantakin n’yo, hanggang ngayo’y patuloy ang accounting at hindi makapagsimula ang Truth Commission ni ex-SC chief Hilario Davide.

Hindi lang iyan, lumalabas pang ‘deadma’ ang mga Pinoy, anuman ang sabihin ni Mrs. Arroyo, animo’y isang hanging dumaan sa magkabilang tainga ang mga binibitawang pangako, aba’y 44% lamang ang ‘aware’ sa SONA ni Mrs. Arroyo noong 2001 at milya-milya ang layo sa naitalang 78% ni PNoy.

***

Napag-usapan ang SWS survey, ang pinakamagandang resulta sa lahat, mas maraming Pinoy ang nagsasabing kapakanan at interes ng mahihirap ang tinatahak ni PNoy — ito’y nakapagtala ng 48%, ‘di hamak napakalayo sa 25% ni Mrs. Arroyo noong 2001 at 19% noong 2007.

Ni sa panaginip, ayaw isipin ng mga kurimaw na ‘puro kuwento at walang kuwenta’ ang bawat SONA ni Mrs. Arroyo, aba’y 25% lamang ang nagka-interes manood — ito’y napakalayo sa 56% na nag-abang kay PNoy sa telebisyon, hindi pa kabilang ang 8% nakinig ng live co verage sa radyo.

Maging sa September 2003 survey, lumabas pang 59% ng mga Pinoy ang naniniwalang kapakanan ng mga ma yayaman at maimpluwensyang tao sa lipunan ang pinag lilingkuran ni Mrs. Arroyo, hindi pa kabilang ang 33% nagsabing ‘middle class’ ang pinagsisilbihan nito.

At hindi nagsisinungaling ang ebidensya, tanging 25% ang nagsabing maka-mahirap ang ina ni Cong. Mikey -- ngayo’y nagpapakilalang sugo ng mga jaguar. Kaya’t ang payo ni Mang Gusting, mas makakabuting manahimik ang mga natitirang remnants ni Mrs. Arroyo kesya magmagaling.

Sa dami ng eskandalong naimbestigahan ng Kongreso, galit ang iniwang pamana ni Mrs. Arroyo sa mga Pilipino. Maging sa one-on-one interview ni Jessica Soho kay PNoy nakaraang Miyerkules, isa lang ang binanggit ng Pangulo na magandang minana sa Arroyo government, walang iba kundi ang katotohanang masarap mag­luto ang iniwang catering. Laging tandaan: “Bata n’yo ko at Ako ang Spy n’yo.” (mgakurimaw.blogspot.com)

Wednesday, October 13, 2010

‘Di ma-gets’ si Simple President!

‘Di ma-gets’ si Simple President!
Rey Marfil


Hindi kailangang Ateneo o UP graduate para maintindihan ang ‘lovelife’ ni Pangulong Noynoy ‘PNoy’ Aquino -- ito’y malayang makipagrelasyon at hayag sa publiko ang estado ng buhay bago pa man tumakbong kongresista, maupong senador hanggang manalong Pangulo, as in sinuman ang matipuhan nito’y puwedeng diskartehan, maliban kung binago ang kahulugan ng katagang bachelor, soltero o single.
Kahit sino pa sa hanay ng mga obispo at kapariang ‘napaso’ sa Reproductive Health (RH) bill, walang magagawa kung makitang kumakain sa restaurant si PNoy at may babaing ka-holding hands o kahit pa ka-kissing scene. Take note: Higit na may karapatang manligaw at maki pag-date si PNoy kumpara sa mga kalalakihang nagkukunyaring binata at itinatago sa bulsa ang wedding ring pagkalabas ng gate.
Ang malaking problema lamang ni PNoy, ito’y hindi makakatipid, as in mas magastos ngayong nakaupong Presidente kaysa panahong nag-opisina sa Batasan Complex at Senate, aba’y sangkaterba ang pakakaining Presidential Security Group (PSG) kapag meron ka-date, ala ngang puro tubig ang order ng mga security lalo pa’t ba wal kay PNoy ang hindi kumain?
Anuman ang nangyari sa pagitan ni Valenzuela Councilor Shalani Soledad, ito ba’y cool off o break, siguro nama’y kailangan din ni PNoy ng ‘media break’ sa lovelife. Iyon nga lang, mas makakaagaw ng banner ang pakikipag-date kaysa anumang government policy lalo pa’t kakambal ng bawat Pinoy ang intriga at tsismis.
***
Napag-usapan ang break-up, ngayong humihingi ng konting konsiderasyon at pang-unawa si PNoy kung hindi masagot ang isyu sa ‘love story’ lalo pa’t ayaw magsalita ni Shalani, hindi marahil kalabisan kung pagbibigyan ng media o ibalato ang ‘simple request’ ng tinaguriang Simple President, maliban kung mismong Pangulo ang magboluntaryo ng mga details?
Lantad sa kaalaman ng nakakarami, mapa-embedded reporters at closed friends, maging Malacañang Press Corps (MPC) na kahit apat na buwang pa lamang nakakasalamuha ni PNoy sa coverage, ito’y walang itinatago sa katawan, hindi marunong magsinungaling at napaka-transparent, anuman ang topic.
Kaya’t madalas ‘lumalaki ang tainga’ ng mga reporter kapag nagpapatawag ng ‘get together’ o dinner si PNoy, mapa-out of town o foreign trip, aba’y pang-isang linggo ang topic at siguradong headline ang mga ibinubo luntaryong detalye. Ibig sabihin, napakadaling mabasa sa ‘body language’ kung ‘in-love’ o bad trip.
Mula noon hanggang ngayon, napaka-transparent ni PNoy sa sarili, walang nabago sa pag-uugali, maliban sa bagong salamin at magandang tabas ng formal wear, hindi kagaya sa nakaraang campaign sorties na bumababa ang pantalong maong kapag nasa stage.
Naroon pa rin ang ‘killer smile’ ni PNoy kahit sandamakmak ang problema at gabundok ang pinipirma hang papeles sa office. Hangga’t maaari, ayaw ni PNoy na makasakit ng damdamin, gaano man kababa o kataas ang estado sa buhay ng ka-deal -- ito sana’y ‘ma-gets’ ng ilang taong nagmamagaling at nagpapakunsumi kay Simple President. Laging tandaan: “Bata n’yo ko at Ako ang Spy n’yo”. (mgakurimaw.blogspot.com)

Monday, October 11, 2010

Walang napala!

Walang napala!
Rey Marfil


Sa halip makakuha ng kakampi, pagkainis at matin ding pagka-bad trip ang kabayaran sa pang-aagaw eksena ng ilang estudyante ng University of the Philippines (UP)-Manila sa La Concolacion College — ito’y inimbitahang makinig sa ‘100 days report’ ni Pangulong Noynoy ‘PNoy’ Aquino at maayos naman tinanggap ng organizer subalit naging pa saway sa event.
Sa pagwawala ng mga estudyante, hindi masisisi ang karamihan sa dumalo sa town hall meeting na magkomentong “Walang GMRC”, as in good manners and right conduct ang mga bata — isang malaking sampal sa mga magulang lalo pa’t hindi naman tinuruan na maging bastos at walang modo sa kapwa.
Bagama’t kinikilala ng estado ang karapatan ng bawat indibidwal at bahagi ng demokrasya ang malayang makapagsalita, kahit rugby boys, aaminining wala sa hulog ang pang-aagaw eksena ng mga estudyante lalo pa’t hindi naman pinipigilang mag-ingay at sumigaw ng anti-Aquino sentiments sa labas ng Mendiola at Liwasan.
Sa kultura ng mga Pinoy — ‘kung tao kang inimbitahan sa isang pagtitipon, ika’y dapat magpaka-tao’. Ika nga ni Mang Gusting na kapit-bahay ni Fred Garcia sa Tondo Maynila. “Subukan n’yong mangulo sa Fiesta ng Tondo, baka hindi lang sa kalye nanghiram ng mukha ang mga ito’.
Pinakamasakit sa lahat, tinaguriang ‘Iskolar ng Ba yan’ ang mga batang nagwala, as in buwis ng taumba yan ang pang-matrikula, nangangahulugang higit na may katwirang umangal ang mga nasa pribadong kolehiyo at eskuwelahan lalo pa’t walang tigil ang tuition fee hike.
***
Napag-usapan ang gulo, isang malaking pagkakamali ng mga ‘nagwalang UP students’ ang pagiging ‘de-kahon’ at hindi sukat akalaing nabasa ni PNoy ang ending. Ang resulta, hindi umubra ang inihandang script at ‘wa epek’ ang pagpapa-center of attraction sa La Concolacion College kaya’t nagkasya sa news brief at hindi nakaagaw ng banner story.
Kung nagkataong pinatulan ni PNoy at kinaladkad ng mga tauhan ng Presidential Security Group (PSG) ang mga ‘nagwalang UP students’, sa malamang pinag-uusapan pa hanggang ngayon sa mga kolum ang nangyaring gulo at kaliwa’t-kanan ang pagkondena sa Palasyo. Kapag minalas pa si PNoy, sandamakmak ang resolusyong nagpapa-imbestiga sa Kongreso.
Hindi lang iyan, walang ikinulong kahit isa sa ‘nagwalang UP students’ — ito’y mahinahong pinalabas at pinauwi ng bahay subalit mas piniling manatili sa labas ng unibersidad para samahan ang mga ka-tropang sumi sigaw ng pagkontra sa ‘budget cut’.
Ni sa panaginip, ayokong isiping organisado ang galaw ng mga ‘nagwalang UP students’, aba’y mabilis pa sa alas-kuwatrong nagbigay ng reaksyon at pagsaludo ang mga ‘katuto’, animo’y gustong ituro sa mga bata ang maling inasal ng mga kabataang ito.
Walang ‘bopols’ sa UP — ito’y unibersidad ng mga matatalinong estudyante kaya’t nakakalungkot isiping hindi nag-research tungkol sa Higher Education Modernization Act of 1997. Kung nagkaroon lamang ng oras magbasa, sana’y naintindihan ang socialized scheme sa tuition fee. Take note: Noong 2009, umabot sa P19.1 bilyon ang cash balance ng state universities, pinakamalaki ang P11.9 bil yon ng UP. Kaya’t kahit bawasan ang annual budget sa general fund, ito’y meron pagkukunan, partikular ang tui tion fee na sinisingil. Laging tandaan: “Bata n’yo ko at Ako ang Spy n’yo” (mgakurimaw.blogspot.com)

Friday, October 8, 2010

Tinadyakan ng SWS!

Tinadyakan ng SWS!
Rey Marfil


Hindi lang sampal kundi napakalakas na tadyak ang inabot ng mga kritiko ni Pangulong Noynoy ‘PNoy’ Aquino sa resulta ng Social Weather Station (SWS) survey, aba’y kung sinong napaka-henyo kung magbigay ng pulang marka sa 100 days gayong hindi pa nasubukang magsilbi sa bayan kahit baranggay captain.
Kahit bulag, hindi magogoyo sa net satisfaction rating ni PNoy, malinaw ang SWS survey (Sept. 24-27) nagsasabing “pito sa bawat sampung Pilipino ang kuntento sa performance”. Mismong si senador Joker Arroyo — kilalang ka-diskusyon ni PNoy sa maraming isyu, mapa-session hall hanggang palasyo, ito’y paunang sumaludo.
Bagama’t mas mataas ang 83% satisfaction rating ni PNoy bago ang oath-taking nakaraang June 30, isang napakagandang panimula ang 60% net satisfaction rating bilang Pangulo, aba’y 71% ang kuntento sa kanyang leadership. Malay ba natin kung ilan sa ‘midnight appointees’, katulad ng presidential advisers, presidential assistant at consultants na sinibak ni PNoy, ito’y naisama sa 11% diskuntento?
Sa Metro Manila, isang malaking ‘very good’ ang net satisfaction rating ni PNoy, ito’y nakapagtala ng positibong 66% (77% satisfied, 10% dissatisfied), as in ‘wa epek’ o hindi gaanong naramdaman ang hostage drama sakabila ng sangkaterbang bunganga ang nagko-kondena at umaastang experts sa pag-iimbestiga.
Sa Luzon area, nakapagtala ng 65% si PNoy (73% satisfied, 6% dissatisfied); 54% sa Visayas (68% satisfied, 14% dissatisfied) at 52% sa Mindanao (67% satisfied, 15% dissatisfied). Take note: wala pang ‘honeymoon’ ipinagkaloob ang mga kritiko, maging ilang media organization kaya’t kasinungalingan ang ‘pulang grado’.
***
Napag-usapan ang SWS survey, nanatiling mataas ang marka ni PNoy sa socio-economic class, nangangahulugang naiintindihan at nararamdaman ng mga mahihirap ang pagbabagong ipinapatupad ng Malacañang, partikular ang ‘matuwid na daan’. Kaya’t napakalaking kalokohan ang ‘pulang gradong’ ibinigay ng mga estudyante kay PNoy kung sila mismo’y hindi pumapasok ng klase at puro ‘pag-iskul bukol’ ang inaatupag, kasama ang mga ‘pulahan’ sa Mendiola at Liwasang Bonifacio.
Sa Class E, nakapagtala si PNoy ng 64% (73% satisfied, 9% dissatisfied) at 59% sa Class D (71% satisfied, 11% dissatisfied) habang 49% sa Class ABC (65% satisfied, 16% dissatisfied). Kahit pagbabaliktarin ng mga nagrereklamong sektor ang numero, sa pangunguna ng ilang Obispo na umaastang banal sa condom, ‘very good’ pa rin ang score ni PNoy.
Ang malaking problema lamang ni PNoy, kahit anong milagro ang gawin para maituwid ang sanga-sangang daan, kilalang ‘sala sa init at sala sa lamig’ ang mga Pinoy, depende kung sino ang personalidad nagsasalita sa national television, aba’y subukan n’yong ibigay ang kaliwang kamay, siguradong pati magkabilang paa at buong katawan, hihingin ng mga kumag.
Mantakin n’yo, sa halip ikatuwa ang 43 libong trabahong naiuwi ni PNoy mula Estados Unidos, mas pinag-usapan ng kaparian o simbahan ang condom gayong wala pa naman nailalatag sa session hall at hindi pa rin makapag-move on sa hostage-taking ang mga mokong gayong mismong China nagsasabing kuntento sa imbestigasyon, maliban kung sad yang ‘utak-talangka’ ang mga Pinoy. Laging tandaan: “Bata n’yo ko at Ako ang Spy n’yo” (mgakurimaw.blogspot.com)

Wednesday, October 6, 2010

‘Row four sa Grade 1’

‘Row four sa Grade 1’
Rey Marfil


Hindi mahalaga kung anong kulay ng ballpen ang ipangmamarka ng mga kritiko sa class card ni Pangulong Noynoy ‘PNoy’ Aquino kundi kung anong aksyon at pagbabago ang ipinatupad ng bagong administrasyon sa unang 100-araw ng panunungkulan nito.
Gaano man kamahal ang ballpen ng mga anti-Aquino na nakikisabay sa pag-iingay ng mga nagmamagaling na sektor, mapa-lapis o pluma ang gamit nito, higit na mahalaga ang damdamin ng nakakaraming Pilipinong naniniwala sa liderato ni PNoy at nakaramdam ng pagbabago sa maikling panahon.
Hindi kailangan maging ‘prayer warriors’ ng isang religious group o ‘lay minister’ ng Simbahang Katoliko upang maintindihang merong separation of power ang simbahan at estado sa usapin ng condom at iba pang uri ng contraceptives na nasasakop ng Reproductive Health (RH) bill sa ilalim ng ‘couples choice policy’ ng gobyerno, maliban kung sadyang pakialamero ang mga obispo?
At kahit freshman student sa isang criminology school, mauunawang police matters ang madugong hostage taking sa Qurino -- ito’y kapalpakan ng Manila Police District (MPD) at hindi ‘leading man’ si PNoy para umaktong negotiator. Ang malaking problema lamang, likas sa kultura ng mga Pilipino ang manisi sa bawat kamalasang inaabot upang masabing mas magaling mag-isip ito.
Balikan ang lahat ng kaganapan sa 100-araw ng panu nungkulan ni PNoy, kahit singkong duling, wala ni isang balitang nagnakaw ang kasalukuyang administrasyon -- ito’y kabaliktaran sa nagdaang panahon, hindi ba’t ‘natusta’ sa multi-bilyong power deal. Take note: nakaka-4 days (January 24, 2010) pa lamang si Mrs. Arroyo ay pumutok si Million Dollar Man sa peryodiko.
***
Napag-usapan ang 100 days ni PNoy, naghirap ba ang gobyerno sa gitna ng mainitang diskusyon sa hostage taking? Anong nangyari sa pera ng Washington, hindi ba’t humina ang palitan sa merkado, pinaka-latest ang P43.00 kontra dolyares ng mga Kano -- ito’y napakalayo sa P46.80 sa nagdaang administrasyon.
Kung sablay ang 100-araw ni PNoy, hindi sana magpapa-photo op si State Secretary Hillary Clinton sa Waldorf Astoria Hotel (New York) habang hawak-hawak ang $434 bilyong US aid check. Hindi ba’t ilang taong ‘nag-water-water’ sa multi-bilyong US aid ang mga ex-Housemate sa Malacañang at pilit ini-spin ang senaryong sila ang nagpakahirap para malimusan ng Amerika?
At kung wala pa ring nagawa si PNoy, bakit pumalo sa $1 bilyon ang peso bond offer sa Philippine Stock Exchange (PSE), as in nakapagbenta ng P44 bilyon ang Pilipinas at gumaganda ang ekonomiya? Sa simpleng paliwanag: tinanggap ang Philippine peso bilang katiyakan sa pambayad-utang at kinikilala sa international market, hindi puro euro at dolyar.
Kung hindi pa kuntento ang mga kritiko, maraming pagbabagong ipinatupad si PNoy -- binuo ang Truth Commission (EO 1); nilusaw ang lahat ng midnight appointment (EO 2); ipinatigil ang multi-milyong perks sa government owned and controlled corporations (GOCCs) at government financial institutions (GFIs), sa bisa ng Executive Order No. 7.
Higit sa lahat, ideklarang bakante ang lahat ng puwestong inuokupahan ng mga co-terminus officials (MC 01 at MC 02) dahil sandamakmak ang undersecretaries (Usec’s), assistant secretaries (Assec’s), presidential assistant at kung sinu-anong ‘konsuhol-tant’ ang inabutan ni PNoy sa palasyo -- ito’y malaking katipiran sa gobyerno. Ang tanong: paano magiging pula ang marka ni PNoy, maliban kung ‘row four sa Grade 1’ at malapit sa basurahan ang magbibigay ng grado? Laging tandaan: ‘Bata n’yo ko at Ako ang Spy n’yo”. (mgakurimaw.blogspot.com)

Monday, October 4, 2010

Walang pulitika sa card

Walang pulitika sa card
Rey Marfil


Sa nagdaang 9-taon, tanging 8% ang nasakop ng Philhealth cards, as in apat lamang sa bawat limampung (50) pas yente ang masuwerteng nakinabang sa programa ng gobyerno, ito’y kabaliktaran sa 3-buwang administrasyon ng “Simpleng Pangulo” dahil limang milyong mahihirap ang paunang nakinabang sa ipinangakong pagbabago at daang matuwid ni Pangulong Noynoy ‘PNoy’ Aquino sa nakaraang eleksyon.
Kahit balwarte ng kalaban sa pulitika ang Baseco Compound — ito ang unang binagsakan ni PNoy ng 800 piraso ng Philhealth card. Ibig sabihin, walang pulitika kay PNoy kahit pa sinuportahan ng mga taga-Tondo sina ex-President Joseph ‘Erap’ Estrada at ex-Senate President Manuel ‘Manny’ Villar Jr., dahil mas mahalaga ang interes at kapakanan ng nakakaraming Pilipino.
Nakaraang kampanya, naging ‘battle cry’ ni PNoy ang pagkaloob ng Philhealth card sa lahat ng pamilyang mahihirap. Take note: ‘Bawal magkasakit’ sa Pilipinas dahil lahat ng perang naitatago, ito’y nailalabas— isang katotohanang hindi makayanan ng pamilyang hilahod sa buhay dahil walang perang mailalabas at umaasa lamang sa himala kung gaga ling ang kanilang anak na kahit pambili ng aspirin, ito’y ipapangutang sa tindahan.
Keysa pag-initan ang Reproductive Health (RH) bill at posibleng pamumudmod ng condom ng estado, bakit hindi tulungan ng mga nagkukunyaring ‘righteous sector’ na ipain tindi sa publiko kung bakit namimigay ng Philhealth card si PNoy at huwag nagbubulag-bulagan sa katotohanang konektado sa paglobo ng populasyon, maliban kung sasagutin ang pagpapagamot?
Nakakalungkot isiping umapaw ang garapon ng mga ‘ex-officials’ sa kananakaw sa nagdaang 9-taon subalit hindi man lamang napag-isipang amutan ng konting pondo ang Philhealth card — ito’y napakalayo kay PNoy dahil sa maikling panahon, unti-unting tinutugunan ang health benefits ng mga mahihirap. Mantakin n’yo, tanging 50% ng Philhealth members na pumapasok sa private hospitals ang nakakapag-avail, mas malala sa public hospital dahil 24% lamang ito.
Ang pinakamasakit sa lahat, kinasangkapan ang Philhealth card noong 2004 election upang ligawan ang mahihirap, maliban kung nagka-amnesia ang ‘ex-Housemate’ ng Malacañang at ilan pang remnants. Kahit itanong n’yo pa kay ex-Philhealth President Francisco Duque, ngayo’y chairman ng Civil Service Commission (CSC). Kaya’t manahimik ang mga nang-iintriga sa pagkain ng hotdog at burger ni PNoy sa Amerika dahil bahagi ng $434 bilyong US aid ang $2.7 bil yong nakalaan sa health program.
***
Napag-usapan ang Philhealth card, magulo ang data sa actual non-insured indigent population kaya’t mismong si PNoy, hindi maintindihan kung 53% o 80%. At meron pang nagsasabing 30%. Gaano man kakaunti o kadami ang mahirap, iisa lang ang malinaw, ito’y ‘na-excommunicate’ sa health services at nalihis sa bulsa ng mga corrupt officials ang pambili ng Biogesic at Tuseran.
Mapakampanya, State of the Nation Address (SONA) at hanggang ngayon, hindi nagbabago ng tono si PNoy, hindi magagamit sa anumang kabulastugan ang pondo ng gobyerno at magkakaroon ng Philhealth card ang 5 milyong Pinoy sa unang 3-taon, nangangahulugang 10 milyong mahihirap ang makakaranas ng “Alagang PNoy” bago tuluyang magtapos ang termino sa Hunyo 30 2016.
Sa kabuuan, ‘leadership by example’ pa rin ang susi kung bakit naumpisahan ang “Philhealth Sabado program’ ng Departments of Health, Philippine Health Insurance Corporation (PhilHealth), local government units (LGUs) at volunteer organizations, ito’y alinsunod sa kumpas ni PNoy. La ging tandaan: ‘Bata n’yo ko at Ako ang Spy n’yo’ (mgakurimaw.blogspot.com)

Friday, October 1, 2010

No time for love!

No time for love!
Rey Marfil


Kahit magta-tumbling sa kahabaan ng Edsa ang lahat ng kritiko ni Pangulong Noynoy ‘PNoy’ Aquino III para mapansin ng publiko, sa pangunguna ng mga nasanay sa likong daan ng nakaraang administrasyon, ito’y magpapagod lamang lalo pa’t gumaganda ang ekonomiya sa maikling panahon.
Pinaka-latest development ang pagkakabura ng Pilipinas sa ‘gray list’ ng Organization for Economic Cooperation and Development (OECD) -- ito’y listahan ng mga tinaguriang ‘tax havens’, nangangahulugang epektibo at pinagtitiwalaan ng buong mundo ang aksyon ni PNoy sa money laundering activities at tax evaders.
Sa nagdaang administrasyon, isang malaking kahihiyan sa Pilipinas ang mapabilang sa ‘gray list’ ng OECD -- ito’y bunga ng kaliwa’t kanang katiwalian sa gobyerno. At makalipas ang tatlong buwan, umangat sa list of jurisdiction. Ibig sabihin, nakatugon sa pandaigdigang pamantayan sa buwis ang administrasyong Aquino at epektibo ang paghihigpit nito.
Sa ikalilinaw ng isyu, nagawang baligtarin o baguhin ng administrasyong Aquino ang domestic legal restriction -- ito ang pangunahing daan upang maging bukas sa lahat ng bangko ang pagkuha at pagpapalitan ng impormasyon tungkol sa mga pinaghihinalaang bank transactions. Take note: Nakaka-3 months pa lamang si PNoy kaya’t mas marami pang ‘pagtutuwid ng daan’ ang asahan ng publiko.
Makailang-beses sumumpa at nangako ang Pilipinas na aayusin at ipapatupad ang tax standard o pandaidigang pamantayan sa pagbubuwis subalit napako ang lahat, patunay ang walang katapusang illegal transactions at pagkakasangkot sa eskandalo ng mga taong-gobyerno at puro ngiti lamang ang ginagawa ng ‘ex-House mate’ sa palasyo.
***
Napag-usapan si PNoy, nakakatuwang isiping hindi man lamang tinamaan ng ‘jet lag’ mula Estados Unidos, ito’y kaagad sumabak sa trabaho, pinaka-latest ang pagdalaw sa tatlong law students na biktima ng pagsabog sa De La Salle University noong nakaraang Linggo, kasama sina Presidential Communications Operations Office Sec. Herminio ‘Sonny’ Coloma at Presidential Communications Development and Strategic Planning Office Sec. Ramon ‘Ricky’ Carandang.
Ang tatlo sa 47 biktima ng La Salle blast -- sina Raissa Laurel (San Sebastian); Joana Ledda (San Beda) at Camille Villasin (San Beda), ito’y personal na dinalaw ni PNoy at hindi man alintana ang pagod sa 7-day trip sa New York at San Francisco. Iyan ang advantage ng binatang Pangulo dahil 24-oras bukas sa trabaho at posible rin pag-selosan ng esmi dahil puro overtime ito. Kaya’t huwag ikagulat kung iwanan ng girlfriend lalo pa’t simula July 1, ‘kasal sa Inang Bayan’ si PNoy at hindi pa kailangan ang presidential wedding sa loob ng 6-year term nito.
Sa dami ng trabaho, hindi nakakagulat kung ‘no time for love’ si PNoy at manatiling binata ito, aba’y mahirap madagdagan ng kapamilya, kapatid at kapuso -- ito ang pinag-uugatan ng intriga sa palasyo lalo pa’t ‘pumapapel’ sa maraming government transaction ang mga kamag-anakan ng nakaupong First Couple, katulad noong nakaraang administrasyon. Kaya’t ang tanong ng mga kurimaw: Gugustuhin n’yo bang manatiling ‘Bachelor President’ si PNoy at ipako sa pangarap ang magtira ng esmi sa Bahay Pangarap na inuuwian nito? Laging tandaan: “Bata n’yo ko at Ako ang Spy n’yo.” (mgakurimaw.blogspot.com)