Friday, January 30, 2009

jan 30 2009 abante

Presidentiable, kinotongan ni ex-palace official

Katulad ng kasabihang ‘mahirap ituwid ang matandang sanga’, sadyang wala nang pag-asa pang magbago ng pag-uugali at diskarte ang isang dating kampon ni Pangulong Gloria Macapagal-Arroyo matapos ‘kotongan’ ang isang pre­sidentiable.


Hindi maubos-maisip ni Mang Teban kung bakit napakagahaman at garapal sa pera ang dating kampon ni Mrs. Arroyo, sa katuahan ni ex-undersecretary (Usec) matapos ‘tirahin’ ang nakalaang pondo sa media operations ng bagong amo nito, kasapakat ang isa pang ‘dugyuting media handler’ na nasibak sa isang go­vernment agency.


Ilang araw ang nakakaraan, isang ‘photo ops’ ang inisponsoran ng presidentiable kung kaya’t nag-imbita ng maraming mediamen ang mag-among sina ex-Palace official at dugyuting media hand­ler para mapabango ang imahe ng bagong amo.


Lingid sa kaalaman ng mga mediamen na nag-cover sa event photo ops, humingi ng P108 libong pondo sa kanyang amo ang mag-among sina ex-Palace official at dugyu­ting media handler, gamit ang katagang pang-special operation o pang-areglo sa mga cameramen, photo­grapher at reporter.


Ang matinding reve­lation sa lahat, nagbigay pa ng presyo si ex-Pa­lace official sa bawat ulo, as in tig-P3 libo bawat photographer habang tig-P5 libo bawat reporter ang ipang-aareglo subalit nadiskubreng ibinulsa ang pondo.


Bagama’t merong masuwerteng nabahaginan ng pondo, kakapiranggot lamang ang nailabas ni ex-Palace official dahil kinupit ang kabuuan ng alokasyon, patunay ang pag-areglo sa mga photographer ng tig-P500, as in kinotongan ng tig-P2,500 ang bawat isa.


Ang pinakamalupit na ginawa ni ex-Palace offi­cial, inangkin pang lahat ang mga naglabasang news clippings tungkol sa kanyang amo para bigyang katwiran ang hini­nging P108 libong pondo sa media operation at maitago ang pangungupit nito kung kaya’t nairita ang in-house staff ng presidentiable dahil kanilang press release ang lumabas sa mga peryodiko.


Pintahan n’yo: Sinibak si ex-Palace official dahil nasangkot sa iba’t ibang eskandalo sa dating opisinang pinaglilingkuran, katulad din ng ‘dugyuting media hand­ler’ nito. Meron letrang “C” si ex-Palace official, as in corrupt at mala-Clint Eastwood ang naunang bansag sa Malacañang official habang meron letrang “M” ang presidentiable sa kabuuan ng pangalan at apelyido(www.mgakurimaw.blogspot.com)

Thursday, January 29, 2009

jan 29 2009 abante tonite

Pahamak si Mahusay!
Rey Marfil


Sa kaalaman ng mga nagtitinda ng kornik at binatog, malinaw ang ‘power play’ kung bakit halos magmukhang pusang nakuryente ang buhok ni Lola Miriam Santiago sa tindi ng galit nang mabalitaang ililipat ang hurisdiksyon ng road scam probe -- ito’y konektado sa iringan nina Mr. Noted at Mr. Palengke sa loob ng Liberal Party (LP). Bago bumula ang bibig ni Lola Miriam sa floor, ilang araw nang nai-refer sa committee on economic affairs lahat ng resolusyon at kasado na ang imbestigasyon, kabilang ang inisponsoran ng boypren ni Ate Koring -- si Senator Ma­nuel Araneta-Roxas kaya’t nakahanap ng ‘bala’ si Mr. Noted upang resbakan si Mr. Palengke, maliban kung nagpasulsol sa mga kasamahan sa minority?
Ang pagkakaintindi ni Senator Pangilinan, hawak ni Roxas ang economic affairs committee kaya’t pinali­lipat sa Blue Ribbon committee at huli nang lahat nang ma­laman nitong ang kanyang professor sa University of the Philippines (UP) -- si Lola Miriam ang bagong chair. Take note: magkapartido ang dalawa subalit wala sa liderato ni Roxas ang loyalty ni Mr. Noted kundi sa Wednesday Group.
***
Napag-usapan ang Blue Ribbon committee, mabuti na lang, hindi natuloy ang pagta-transfer ng road scandal probe dahil kinakabahan ang mga taga-Office of Sergeant at Arms (OSAA) ngayong inaatake ng financial crisis ang buong mundo, aba’y posibleng ma-lay off lalo pa’t inaagawan ng trabaho ni Wow Dick Gordon. Kaya’t makatwiran lang ireklamo ni ex-Cong. Dante Liban, aba’y hindi lang ‘double job’ ang ginagawa ni Gordon bilang senador at chairman ng Philippine National Red Cross (PNRC), ito’y bagong tauhan ni OSAA chief Jose Bala­jadja at tinanggalan ng trabaho ang mga taga-Page sa last day hearing ng fertilizer probe.
Kaya’t huwag ipagtaka kung bumangon sa kanilang libingan ang mga de-kalibreng senador na nakahimlay sa pagitan ng Makati at Taguig. At sa malamang, nana­naghoy ang mga katropa ni dating senador Claro M. Recto sa sementeryo tuwing makikitang sinosolo ni Gordon ang pagtatanong sa Blue Ribbon at inaagawan ng papel ang mga legislative staff. Mantakin n’yo, naturingang chairman ng komite, mismong si Gordon ang umiikot at simula umaga hanggang dapit-hapon, iisang boses ang audio ng mga radyo. Sabagay, ito’y kasalanan ng dzXL, dzBB, dzMM, dzRH at dwIZ, maging ANC-21 at QTV-11, aba’y, subukan n’yong huwag ipa-live co­verage ang buong public hearing, malabong magka-flashflood ng laway sa committee room!
***
Katulad ng kasabihang ‘pagkahaba-haba man ng prusis­yon, sa simbahan din ang tuloy’, sila-sila pa rin ang nagkikita sa ‘finals’. Kung susuriin ang road scandal, balik lahat kay Jose Pidal gayong pitong taon na ang nakakalipas. Ibig sabihin, simula nang maupo si Mrs. Gloria Arroyo noong 2001 hanggang ngayon, iisang karakter ang nasa paligid ni First Gentleman Mike Arroyo at mala-Manila Bank na ‘nagbabalik’ sa expose ni Udong Mahusay. Sadyang ‘napaka-busilak ng kalooban’ ni Big Mike, ka­tulad ng paboritong litanya ni Atty. Jess Santos, aba’y sino nga ba naman ang hindi magiging ‘mapagbigay’ kung kaharap ang may-ari ng tatlong construction companies na nagsasabwatan para makorner ang multi-bilyong kalsadang pinondohan ng World Bank?
Ngayong nagbabalik sa alaala ng sambayanan ang Jose Pidal scandal at nahalukay ang koneksyon ni Big Mike kay Eduardo de Luna ng E.C. De Luna Construction, maging ang P70 milyong ‘padulas’ na sumabog sa gitna ng 7th at 8th floor sa LTA Building, Makati City noong 2002, sa malamang, patuloy pa ring pinagsisisihan at isinusumpa ngayon ng ama ni Lion King ang araw kung saan tumayong ninong sa kasal ni Udong Mahusay. Ang masaklap, muling nabuksan ang diary ni Big Mike at maraming karakter ang dumalaw sa kanyang opisina, katulad nina Resty De Quiroz, Boy Belleza, Willy Tecson at iba pang kontratista.
Tandaan: not once but twenty times nagpabalik-balik sa building ni Big Mike ang mga karakter na nakapaloob sa diary na itinakas ni Udong Mahusay, hindi lamang si De Luna kundi iba pang tumatambay sa Perea Street, pati si Jocjoc Bolante, nakipag-meeting sa tropa. Hindi malayong konektado sa fertilizer scandal ang road scam lalo pa’t road user’s tax ang inilabas ng Malacañang. Talagang ‘small world’ para sa kanilang lahat at iisa ang laman ng bawat isipan kapag ipina-flashback ang nakaraan, ‘Pahamak si Udong Mahusay’. Ang leksyon: huwag magsusulat sa diary, mag-Ensure para hindi magka-memory gap kapag merong lakad para walang ebidensya! (www.mgakurimaw.blogspot.com).

Wednesday, January 28, 2009

january 28 2009 abante tonite

Mestisuhing solon nagdadaster (last part)
(Rey Marfil)

Dahil ‘walang lihim na hindi naibubunyag’, sumingaw ang matagal nang pagdududa sa pagkatao ng isang mestisuhing miyembro ng Kongreso matapos bumuyangyang ang mahiwagang litrato.
Sa impormasyong nakalap ng TONITE Spy, isang malaking ‘pahulaan blues’ lamang sa mahabang panahon, partikular sa mga constituents o kadistrito ng mestisuhing solon ang alegasyong may ‘dual citizenship’ ito at may karelasyong lalaking staff, katulad ng pilit ikinakabit sa kanyang pangalan ng mga kalaban sa pulitika.
Katulad ng isang utot, umalingasaw ang itinatagong lihim ng mestisuhing solon at mismong kampo ng kumag ang may hawak ng ‘bomba’ at ebidensyang magdidiin bilang isa sa ‘closet queen’ o nagkukunyaring naka-pantalon subalit palda ang kursunadang kasuotan.
Sa litratong hawak ng isa sa dating tauhan ng kanilang pamilya, malinaw ang matinding obsession sa damit-babae ng mestisuhing solon, patunay ang pagpapakuha ng litrato kung saan nakadaster at kontodo-make up ang pagmumukha ng kumag.
Maliban sa namumulang labi, gamit ang makapal na lipstick at matitingkad na make-up, nakasuot pambabae ang mestisuhing solon at walang binatbat ang pagpatay ni Rustom Padilla sa kanyang katauhan para buhayin si Bebe Gandanghari sa local cinema.
Bagama’t nagawa pang mag-aral ng modeling sa Amerika ni Bebe Gandanghari, ito’y lulumain sa porma ng mestisuhing solon sa litratong hawak ng staff, animo’y lehitimong bebot at nagtataglay ng matris sa katawan.
Sa larawan, ‘walang sinabi’ ang nagbabagong-bihis na ex-husband ni Carmina Villaroel sa porma ng mestisuhing solon at talbog si Rustom Padilla dahil nakakulay asul itong daster at naglalakihan ang raffles sa kanyang kasuotan.
Tanging nakakatawa lamang, hindi pang-international ang arrive ng mestisuhing solon sa blue duster nitong kasuotan dahil nagkikintaban sa mantika ang noong malapad at nagmukhang si “Mama Monchang”, animo’y bugaw sa loob ng club, katulad ng mga “Mamasan”.
Clue: Bagama’t kilala ang kanilang angkan sa pulitika, inilihim sa publiko ang pagpakasal at hindi nang-imbita ang pamilya ng mestisuhing solon at lumalabas pang ‘fixed married’ ang naganap. Kung senador o congressman, ito’y kamukha ng sister ni Aling Lotlot. (www.mgakurimaw.blogspot.com)

Tuesday, January 27, 2009

jan 27 2009 abante tonite

Jarencio at Macerin ang kailangan
Rey Marfil


Hindi ‘two things’ o dalawang bagay na paboritong litanya ni Sen. Manny Villar Jr., sa alinmang media interview ang multi-milyong rason kung bakit napakaagang idineklara ni ex-Cong. Gilbert Remulla ang kandidatura ng kanyang amo. Hindi kailangan pang magpaikut-ikot, katulad sa mga lupaing pinagdaanan ng C-5 Road project, isang bagay lang ang naglalaro sa kanilang isipan ngayon, kailangang mai­kabit sa pulitika ang pagsasalang sa ethics probe kundi walang mukhang maihaharap sa 2010 presidential election ang Nacionalista Party (NP). Iyan ang mala-‘Halimaw sa Banga’ na senaryong ikinakatakot ni Aling Matet habang ipinapasyal ang asong kalyeng napulot sa isang tabi!
Ilan sa ikinunsiderang NP’s 12-man senatorial slate -- sina reelectionist Sen. Pia Cayetano, Rep. Teofisto “TG” Guingona, Iloilo Vice Gov. Rolex Suplico, ex-Sen. Agapito “Butch” Aquino, Rep. Eduardo Zialcita, at Rep. Ronaldo Zamora pero ang deklarasyon ni Kuya Gilbert: “Wala pang VP (vice president). Naghahanap pa. Pero we will field a full slate up to last councilor.” Ang tanong ng mga kurimaw, bakit kakapiranggot ang NP senatoriables kung pupunuin ni Villar hanggang municipal level ang kanilang ticket? Kahit sinong ‘row four’ sa arithmetic at malapit sa basurahan, maiintindihan na ‘mabibilang sa kuko ng aso’ ang may kakayahang manalong senador kung pagbabatayan ang press release ni Kuya Gilbert!
***
For a Change, ika ni US President Barack Obama, labas tayo sa pulitika. Bakit hindi pag-isipan ni Boss Henry Cojuangco ang pagsibak sa basketball team coach ng San Miguel Beer (SMB), aba’y napakaraming panatiko ng SMB team sa Philippine Basketball Association (PBA), sa pangunguna ng Spy ang bad trip sa coaching style ni Siot Tanquingcen. Sa pagkabigong makapasok sa Finals, hindi player ang problema kundi mismong nagtitimon sa tropa, kahit itanong n’yo pa kina Pareng Rolly Carandang (Tempo) at TJ Burgonio (Inquirer), ilan lamang sa ‘die hard fans’ ng Beermen sa hanay ng media.
Ayokong husgahan ang kaisipan ni Tanquingcen sa pagtitimon ng koponan subalit makikitang sablay ang diskarte sa pag-ikot ng tauhan. Kahit minamalas at malapit ng sabitan ng ‘graduation medal’, ito’y ibinababad kaya’t fouled out. Mantakin n’yo, consistent sa No. 2 ang SMB sa elimination round subalit napagtatalo at napunta sa wild card. Hindi lang iyan, pagkatapos pahirapan ni Tanquingcen ang tropa sa wild card, ipatatalo rin lang naman pala sa semi-finals.
Sa next conference, bakit hindi sibakin si Tanquingcen at palitan ni assistant coach Pido Jarencio. Take note: napag-champion ni Jarencio ang University of Santo Tomas (UST) kahit mas maraming de-kalibreng player ang Ateneo noong 2006. Ni sa panaginip, ayokong isiping mas madiskarte at matapang si coach Pido sa tunay na laban, katulad sa panahong namamayagpag sa Barangay Ginebra. Kahit itanong n’yo pa kay Police Supt. Danilo Macerin ng Firearms and Explosive Division sa Camp Crame.
Kung katulad lahat ni Col. Macerin ang nakaupong opisyal ng PNP, hindi malayong may patutunguhan ang pambansang pulisya, aba’y napakasipag at napakaagang pumapasok ng opisina. Higit sa lahat, magalang at masayang kausap. Kaya’t hindi nakakapagtakang itinalagang hepe ng Records Branch sa Firearms and Explosive Division dahil maganda ang track record at performance ni Col. Macerin bilang dating hepe ng Antipolo City, Rizal Province gayong karamihan sa mga ka-batch, ito’y ipinatapon sa malalayong probinsya. Sa madaling salita, ang katulad nina coach Pido ang kailangan sa SMB at Col. Macerin sa PNP!
***
Napag-usapan ang pagsibak, isang malaking insulto sa tanggapan ni MTRCB chair Consoliza Laguardia ang pagtanggi ng isang sinehan sa SM Bicutan sa MTRCB card holder. Hindi natin babanggitin ang nagreklamo subalit nainsulto sa binitawang pahayag ng isang usher sa Cinema 4 na naka-assign sa pelikulang Transporter 3, aba’y pinagsabihan ang card holder ng ‘walang MTR, MTRCB dito’. Kung maru­nong magbasa ng diyaryo ang pamunuan ng SM Bicutan, baka puwede n’yong ipatawag sina Princess Planco at Eduardo San Jose o kaya’y pagsisibakin para matuto sa buhay. Kundi rin naman pala mapakikinabangan ang ‘green card’ at mapapahiya sa takilyera ang card holder, mas makakabuti pang tigilan ni Laguardia ang pamimigay ng passes sa sinehan. (www.mgakurimaw.blogspot.com)

Monday, January 26, 2009

january 26 2009 abante tonite

Mestisuhing solon, nagdadaster (part 1)!
(Rey Marfil)

Kung anong likot ng mga ‘namumulang bunganga’ kapag nakaharap sa camera, ganito rin ang kamisteryoso ang kulay sa pagkatao ng isang mestisuhing miyembro ng Kongreso matapos madiskubreng obsession ang pagsusuot ng duster kapag nasa bahay ito.
Lingid sa kaalaman ng sambayanang Pilipino, sa hanay ng humigit-kumulang P15 milyong botanteng nagoyo at napaniwalang ‘lalaking-disente’ ito, walang binatbat si Rustom Padilla bilang ‘Bebe Gandanghari’ sa mestisuhing solon kung pagkatao ang isyu, maging ang mga kalalakihang nagpapakilang “Mayla”, as in May Lawit sa kahabaan ng Quezon Avenue.
Sa impormasyong nakalap ng TONITE, kasing-baho ng nabugok na penoy o nabulok na balut ang pagkatao ng isang mestisuhing solon dahil patuloy nagkukunyaring kelot gayong nagmamantine ng ‘dual citizenship’ ito, as in Half Filipino at Half Filipina bago pa man pumasok sa pulitika ang mokong.
Ang matinding revelation sa lahat, matagal nang pangarap ng mestisuhing solon ang makapagsuot ng mga damit-babae, katulad ang paboritong duster ng kanyang misis kapag nasa bahay ang mga ito.
Mahirap sipatin ang pagiging “Osama Bakla din” ng mestisuhing solon lalo pa’t maayos humawak ng mikropono at hindi pumipilantik ang mga daliri kapag umiinom subalit nakakagulat ang larawang magpapatunay kung gaano ka-obsessed sa pagsusuot bebot ng mokong.
Makailang-beses nang ‘tinarget’ ang mestisuhing solon ng numero unong kalaban sa pulitika, katulad ang paghahanap ng ebidensya para patunayang karelasyon ang isa sa mga tauhan subalit walang napala ang mga ito.
Kahit anong paghahanap ng ebidensya, hindi nahanapan ng butas ang mestisuhing solon ng numero unong kalaban sa pulitika, maging ilan pang alipores sa loob at labas ng Malacañang.
Sa hindi inaasahang pagkakataon, isa sa dating tauhan ng kanilang pamilya ang meron itinatagong ebidensya laban sa mestisuhing solon, partikular ang larawang magpapatunay na ‘dual citizen’ ang mambabatas.
Clue: Ito’y meron letrang ‘A’ sa kanyang pangalan at apelyido. Abangan ang karugtong sa Miyerkules, maging ang iba pang iba pang detalye sa pag-astang Bebe Gandanghari ng mestisuhing solon. (www.mgakurimaw.blogspot.com)

Thursday, January 22, 2009

jan 22 2009 abante tonite

Ay, ay, Aytona
Rey Marfil


Kung tambay ng National Printing Office (NPO) si Jimmy Paule, mas lalo pang lumutang ang senaryong konektado sa pamilya Puno ang itinuturong ‘liaison officer’ ng Malacañang sa fertilizer scandal. Malinaw ang testimonya sa Upper House nina Marites Aytona at Julie Gregorio, ito’y matagal nang ‘ka-deal’ at magkakilala, since 1999. Ibig sabihin, pakalat-kalat sa NPO headquarters si Mr. Suave bago pa man napatalsik si Erap at naupo ang misis ni Jose Pidal.
Bago humarap si Mr. Suave, katulad ng paglalarawan ni Wow Dick Gordon, lumutang ang espekulasyong ‘tiyuhin’ ni DILG Sec. Ronnie Puno si Mr. Suave subalit itinangging kamag-anakan ang naglipanang Puno sa kapaligiran ni Mrs. Arroyo. Ang tanong lamang ng mga kurimaw: bakit tambay ng NPO si Mr. Suave sa panahon ni Erap, hindi ba’t si Dong Puno Live, as in Atty. Ricardo ‘Dong’ Puno Jr., ang timon ng Office of the Press Secretary (OPS) bago napatalsik si Erap?
Sa kaalaman ng publiko, nasa ilalim ng opisina ng OPS ang NPO. Ni sa panaginip, ayokong isiping kinasangkapan ni Mr. Suave ang koneksyon para makakuha ng proyekto lalo pa’t si Dong Puno Live ang pinaka-maimpluwensiyang nilalang sa OPS sa panahong iyon. Take note: magkasamang nagtungo ng NPO sina Mr. Suave at Aytona noong 2000, alinsunod sa testimonya sa Senate Blue Ribbon committee at Enero 2001 napatalsik si Erap sa puwesto. Anyway, malaking banta sa reelection bid ni Senador Mar Roxas si Papabols Jimmy, kapag nagkataon ‘Oras ng palitan si Mr. Suave’. Kahit itanong n’yo kay birthday girl Jen Corpus sa office ni pro-tempore Jinggoy Estrada!
***
Hanggang ngayon, isang malaking palaisipan sa mga kurimaw kung gaano kalalim ang koneksyon nina Aytona at Marilyn Araos, aba’y parehong ‘selective’ ang memorya kapag napag-uusapan ang kanilang transaksyon at tanging natatandaan sina Mr. Suave at Gregorio ng Feshan Philippines. Ni sa panaginip, ayokong isiping meron itinatagong ‘lihim’ sina Marites at Marilyn, maliban kung handang kumanta si Senate witness Jose Barredo para ibunyag ang lahat ng personal accounts sa panahong magkasama sa isang opisina nang sa ganun ay magkaalaman kung sinu-sino ang may-ari ng bahay ni Araos!
Ngayong nagkakabistuhan kung sinu-sino ang promotor at kumita sa multi-milyong fertilizer fund, mas makakabuting ibangon ni Marites ang magandang imahe ng kanilang angkan. Sa halip kape ang ipa-serve ni Wow Dick sa committee hearing, mas makakabuting palitan ng Sprite, malay n’yo magpaka-totoo si Marites, katulad ng ginawang pag-recant ni Gregorio sa lahat ng kasinungalingan. Hindi pa huli ang lahat kay Marites, maliban kung takot kay Mr. Suave dahil naglipana ang Puno sa pamahalaan? Kundi nagkakamali ang Spy, apo ni dating Senador Dominador R. Aytona ang itinuturong runner ni Jocjoc Bolante kaya’t hindi nakakagulat ang ipinakitang tapang kapag sumasagot sa fertilizer scandal.
Kung nagagawang makipagsagutan ni Marites kay Wow Dick, bakit hindi sagarin ang natitirang tapang sa katawan at ikantang lahat ng nalalaman. Kung lehitimong apo ni dating Senador Aytona, isang malaking kasiraan sa kanilang angkan ang masalang sa hot seat o Blue Ribbon committee. Mantakin n’yo, summa cum laude sa Bachelor of Science in Business Administration (1947), magna cum laude sa Bachelor of Laws (1949), at cum laude sa master of Laws (1951) ang dating senador. Hindi lang iyan, 2nd placer at 94.55% ang general rating sa bar examination ng kanyang lolo.
Ang matinding credential ng lolo ni Aytona, ito’y financial adviser ni Pangulong Ramon Magsaysay Sr., sa panahong nakaupong congressman ng Zambales, pinakabatang Commissioner of the Budget, itinalagang Secretary of Finance at Chairman ng Monetary Board of the Central Bank ni President Carlos Garcia at anim na taong nagsilbing senador, simula 1965 hanggang 1971, pagkatapos ay masisira lamang sa pagsisinungaling ng kanyang apo sa fertilizer scandal? Sayang naman! (www.mgakurimaw.blogspot.com)

Wednesday, January 21, 2009

jan 21 2009 abante tonite

Baranggay officials, binalasubas ng lady solon
(Rey Marfil)

Kabaliktaran sa imaheng ipino-project sa publiko, lalo pang napatunayang wala nang pag-asa pang magbago ang pagiging ‘Tupperware’ ng isang lady solon matapos pahirapan ang isang grupo ng barangay officials na nanghingi ng donasyon sa opisina nito.
Sa report na nakalap ng TONITE Spy, hindi lamang umuwing luhaan kundi naglakihan ang ugat sa mga paa ng isang grupo ng barangay officials mula Rizal province matapos pagtaguan ng primadonang lady solon.
Ang masakit sa panig ng mga barangay officials, naunang ipinangako ng primadonang lady solon ang donasyon bilang financial assistance sa selebrasyon ng kapistahan ng kanilang patron.
Isa pang nakakasuka, hindi kalakihan ang halagang hinihingi ng isang grupo ng barangay officials, as in barya lamang ang P5 libo kumpara sa multi-milyon pisong campaign donations na pumapasok sa bulsa ng primadonang lady solon.
Unang lumapit sa tanggapan ng primadonang lady solon ang isang grupo ng barangay officials upang humingi ng donasyon at nangako ng P5 libo ang mambabatas kaya’t abot-langit ang kagalakan ng mga ito.
Makalipas ang tatlong linggo, bumalik sa opisina ng primadonang lady solon ang isang grupo ng barangay officials, alinsunod sa itinakdang petsa ng mga tauhan ng mambabatas subalit pinagtaguan ang mga ito.
Simula alas-10:00 ng umaga, nakatambay na sa harapan ng opisina ng primadonang lady solon ang isang grupo ng mga barangay officials at hinihintay kung anong oras ire-release ang P5 libong donasyon sa fiesta ng kanilang patron.
Inabot ng tanghali at kumalam ang sikmura ng grupo ng barangay officials subalit hindi pa rin ini-release ang P5 libong donasyon hanggang sumapit ang sesyon, ganap alas-tres ng hapon.
Sa kasawiang palad, walang salaping inilabas o ibinigay ang tanggapan ng primadonang lady solon at umuwing luhaan ang grupo ng barangay officials kung saan nagdesisyong iwanan ang mambabatas at umuwi sa kanilang komunidad sa Rizal province, ganap na alas-sais ng gabi.
Clue: Nangangarap ng magandang posisyon sa gobyerno ang primadonang lady solon. Ito’y meron letrang “A” sa pangalan at apelyido, as in Ang hilig sa matandang karelasyon (www.mgakurimaw.blogspot.com)

Tuesday, January 20, 2009

jan 20 2009 abante tonite

It’s time!
Rey Marfil


Kahit sinong saksakan ng ‘plastic’ ang tanungin, may ‘tama’ sa presidential ambition ng kaibigan ni Lolo Edong Angara ang ‘guilty verdict’ laban kay ex-Batangas Gov. Antonio “Tony” Leviste. Ibig sabihin, hindi mabubura sa isipan ng publiko ang katotohanang ina ng dalawang anak ni Lolo Tony si Loren Legarda at matagal nagsama ang dalawa sa isang gusali. Kaya’t pansamantala lamang ang popularity ratings ni Loren Sinta sa iba’t ibang survey at malaki ang pagbabago kapag nagsimula ang bakbakan sa 2010.
Ang problema ng bagong arkilang media handler ni Loren Sinta mula sa ABS-CBN camp -- si Jing Magsaysay, kahit hiwalay kay Lolo Tony, ito’y magiging propaganda, katulad ang senaryong unang bibigyan ng parole o presidential pardon ang convicted killer kapag nanalong Presidente sa 2010. Sabagay, maatim ba ni Loren Sinta na naghihimas ng rehas sa New Bilibid Prison (NBP) ang dating katabi sa kama at ‘tiyak iyon’, isa sa mga anak ang hihingi ng pabor. Gaano man kalaki ang pagkakamali o nagawang pagkakasala ng isang ama, kalokohan kundi pagbibigyan ng isang ina ang nagsusumamong anak. Ang tanong lamang kay Jing Magsaysay, ito ba’y tatagal sa kampo ni Loren Sinta o matutulad sa ibang media relation officer (MRO) na nagmistulang bisita sa office nito?
Kung survey ang pagbabatayan, si Loren Sinta ang puwedeng ibangga kay Vice President Noli De Castro Jr., subalit malaking katanungan lamang kung ‘accurate’ ang results. Higit sa lahat, matindi ang media blitz ng kampo ni Defense Sec. Gilbert Teodoro para tumakbong Pangulo. Take note: Pamangkin ni ex-Ambassador Danding Cojuangco si Teodoro at masunuring tauhan si senador Francis ‘Chiz’ Escudero. Ibig sabihin, hindi malayong magkatotoo ang ‘Teodoro-Escudero tandem’ sa ilalim ng Nationalist Peoples Coalition (NPC). Sabagay, sana’y nang ‘mag-Crying lady’ si Loren Sinta, katulad ng impeachment trial ni Estrada. Teka lang, ano ngayon ang papel ni Willie Fernandez kay Loren Sinta kung si Jing Magsaysay ang naka-pronta, maliban kung naetsapuwera at nasibak?
***
Napag-usapan ang 2010 presidential derby, maagang ‘bandera-kapos’ ang diskarte ng isang nagpapakilalang ‘opposition presidentiable’. Hindi pa nga nag-iinit ang bakbakan, nagsisikalasan ang mga inarkilang tauhan at nagbabalak pang magbuo ng isang organisasyon upang labanan ang kandidatura ng presidentiable. Ang nakakagulat sa lahat, magsama-sama ang mga dating staff upang ipaalam sa publiko kung anong klaseng amo ang presidentiable sa panahong magkakasama ang mga ito.
Kundi nagkakamali ang Spy, isang secret meeting ang ipinatawag ng isang malaking convenor sa hanay ng mga political team na tumulong sa kandidatura ng ‘presidentiable’ noong 2004 election. Ang misyon ng leading convenor: Kumbinsihing lumantad ang lahat ng mga nagsilbing tauhan ng presidentiable at ibunyag ang mga katarantaduhan ng dating amo. Hindi natin babanggitin ang pangalan kung sinong ‘presidentiable’ subalit kalat sa iba’t ibang coffee shops ang pagsasama-sama ng mga dating staff ng kumag, hindi para suportahan ang dating amo kundi ipaalam sa publiko ang mga kalokohang pinaggagawa nito, partikular kawalang pag-asa ng sambayanang Pilipino kapag naupong Pangulo ito.
Hindi isang uri ng black propaganda ang pagsama-sama ng mga dating tauhan ng presidentiable, malinaw sa mensaheng natanggap ng isa sa ‘ex-staff’ nakausap at kumpirmasyon sa secret meeting na pinaplantsa ng dating grupong tumulong sa pagkapanalo ng presidentialbe noong 2004 election. Nakapaloob sa mensahe ang katagang ‘Join the Ex-__ get together. In a stunning move, all previous staffers of Se___ M___ S is said to be gearing for a showdown with the Se___r in 2010. Matagal nang niloloko ni M___ ang taong bayan. IT’S TIME!”. Kung sino ang presidentiable, itanong natin kay ex-Usec Bobby Capco na inaakusahang adik ni ex-PCSO media consultant Robert Rivero sa Senate hearing lalo pa’t namimigay ng calling card, kasama ang litrato ng kanyang amo, baka sakaling kakilala nito! (www.mgakurimaw.blogspot.com)

Monday, January 19, 2009

january 19 2009 abante tonite


Solon, nagpaputol ng bituka
(Rey Marfil)

Sa harap ng pangam­bang lumobo ang panga­ngatawan, isang miyembro ng Kongreso ang nagpaputol ng bituka para mabawasan ang katakawan sa pagkain o nakaugaliang pagpapakabundat kahit oras ng trabaho sa kanyang opisina.

Nang magbakasyon ang dalawang kapulungan ng Kongreso, sinamantala ng maaksyong solon ang pagkakataon upang sumailalim sa ‘bariatric operation’, kalakip ang hangaring magpapayat o mabawasan ang timbang nito.

Sa report na nakalap ng TONITE Spy, itinago ng maaksyong solon ang pagsailalim sa bariatric operation, isang proseso ng pagbabawas ng timbang kung saan hindi pinagda-diet ang kliyente o kaya’y pinapayuhang mag-exercise kundi tinatanggalan ng bituka ang mga ito.

Sa pamamagitan ng `bariatric operation’, hindi kasing-ganang kumain ng mga batang mahilig sa ginisang gulay at hindi rin kasing-kulay ang buhay ng isang pasyente, katulad ng television commercial dahil awtomatikong mababawasan ang katakawan sa pagkain ng maaksyong solon.

Makailang-beses nang nagpapayat ang maaksyong solon, kabilang ang pagpapatanggal ng taba o liposuction ope­rations sa de-kalibreng doktor mula sa tinitinga­lang medical clinic subalit nagtapon lamang ng pera ang mambabatas.

Maliban sa pagpapa-lipo sa tinitingalang medical clinic sa Pilipinas, sumailalim din sa iba’t ibang uri ng mga formula sa pagda-diet ang maaksyong solon subalit sumuko lahat ng mga die­tician at tumayong trainer dahil hindi magawang iwanan ng mambabatas ang katakawan sa pagkain.

Bagama’t mapanganib ang bariatric operation at posibleng ikamatay ng maaksyong solon, katulad sa ginawang pagpapa-liposuction sa de-kalibreng mga medical doctors, ito’y pinasok ng mambabatas sa pangambang lulobo ang pangangatawan at ma­tulad sa pelikulang “Nutty Professor” na pinagbidahan ni Eddie Murphy.

Matinding medical at physical examination ang pinagdaanan ng maaksyong solon habang nakabakasyon ang Kongreso subalit nakakatawang isiping hindi pa rin magawang isakripisyo ng mambabatas ang mga masasarap na handa ng kanilang pamilya noong nakaraang Noche Buena at Media Noche dahil tinapos ang Kapaskuhan bago nagpaopera ito.

Pagkatapos ng Pasko at Bagong Taon, isi­nalang sa operasyon ang maaksyong solon kung kaya’t halos dalawang linggong nakaratay sa ospital at posibleng hindi makapasok ng opisina ngayong magbabalik-ses­yon ang Kongreso.

Clue: Hindi kuwestyon ang kabaitan ng maaksyong solon subalit napakapikon, hindi lamang sa laro kundi sa kritisismo. Kung kongresista o senador, aba­ngan sa session hall kung makakapasok ngayong hapon. (www.mgakurimaw.blogspot.com)

Friday, January 16, 2009

jan 13 2009 abante tonite issue



Don King ng Pinas?!
Rey Marfil

Hindi kailangan pahulaan kay Jojo Acuin ang posibleng pagkaantala ng 2010 presidential election dahil kahit rugby boys sa ilalim ng LRT station, abot sa kanilang kaalaman kung gaano ka-desperada ang ina ni ‘Lion King’ na palawigin ang termino sa dami ng anomalyang sinabitan.
Kaya’t makatwiran lamang na bantayan ang mga iuupong mahistrado ni Mrs. Arroyo sa Korte Suprema kung hindi ‘tapos ang boksing’ kapag nalingat ang oposisyon sa ‘killer punch’ ng Malacañang. Ika nga ni Bro. Mike Velarde ‘Tiyak iyon’ at siguradong mai-etsapuwera ang Upper House sa botohan at tuloy ang joint voting via Constituent Assembly (Con-Ass).
Kung nagiging manhid ang publiko sa mga nangyayaring katiwalian, ganito rin ka-manhid ang Malacañang sa pagbatikos ng media kaya’t gagawin lahat ng mga kaporal ni Jose Pidal upang ma-extend ang termino ni Mrs. Arroyo kundi ‘tapos ang maliligayang araw’ ng mga kumag.
At isa sa ‘Fear Factor’ ng Arroyo boys, sampu ng First Family -- ang maubos ang kanilang kayamanan kapag idineklarang ill-gotten wealth ang lahat ng naipundar, maliban kung aampunin ang kanilang pamilya ng nakaupong hari sa Spain dahil walang extradition treaty dito. Sabagay, puwede naman retroactive ang tratado at madaling makipagkasundo sa hari, sinuman ang mananalong Presidente sa 2010!
***
Napag-usapan ang boksing, bago pangarapin ni DENR Secretary Joselito ‘Lito’ Atienza Jr., ang revamp sa kanyang opisina, bakit hindi unahing baguhin ang sarili. Paanong paniniwalaan ng publiko ang pagbabagong imahe kung mismong gabinete, walang kredibilidad upang itimon ang departamento.
Mantakin n’yo, sa tuwing may laban si Manny Pacquiao, hindi magkandaugaga si Mang Joselito kung paano umangkas sa biyahe para makapanood ng live sa Las Vegas at nagagawa pang iwanan ang opisina. Take note: Kamuntikan nauwi sa ‘zero budget’ ang DENR sa huling laban ni Pacman dahil mas mahalaga kay Mr. Instant Ayos ang boksing keysa annual budget ng kanyang opisina.
Kahit araw-araw pang magpatupad ng reorganization o revamp sa DENR si Mang Joselito, hindi matitigil ang pagka-kalbo ng kagubatan at pagkaubos ng mga likas-yaman kung walang sariling palo ang opisyal. Kung si Loren Legarda, hanggang pagtatanim lamang ng puno ang ending ng Luntiang Pilipinas, ano pa kaya ang ama ni Kuya Kim kung maraming maimpluwensyang nilalang ang tumatawag at pinapalagan ang log ban.
Take note: ‘lagpas-Las Vegas’ ang pangarap ni Mang Joselito na makarating ng Upper House at suicide sa 2010 national election kung kakalabanin ang mga tinaguriang ‘political kingpin’ sa iba’t ibang probinsya, katulad ng mga gobernador at kongresistang humihirit ng mining permit, gamit ang pangalan ng mga kaibigang negosyante at ilang kapamilya.
Hindi lang iyan, mapa-ring side o parada, palaging nakasiksik ang ma-bulaklaking kasuotan ni Mang Joselito kay Pacquiao at panay ang kaway, animo’y ang anak ang nakipagbangasan ng mukha kina Antonio Barrera, Eric Morales at Oscar Dela Hoya, katulad din ni ex-Ilocos Governor Chavit Singson, aba’y iniwanan ang NICA headquarters para manood sa Amerika, animo’y hindi matutuloy ang bakbakan kung wala sa tabi ni Pacman, maliban kung ‘pakunsuelo de bobo’ ang appointment bilang deputy National Security Adviser para masabing meron trabaho dahil walang mapaglagyan si Gloria?
Sabagay, nakaugalian ng pamilya Atienza ang umaangkas sa parada, mapaanak at manugang, katulad nina ex-Cong. Miles Roces, Kuya Kim at defeated mayoralty candidate Ali Atienza. Hindi bago ang ganitong eksena sa tuwing panalo si Pacman!Kung naglipanang kurimaw sa Quezon City Circle ang tatanungin, mas makakabuting iwanan ni Mang Joselito ang pagiging DENR Secretary at i-concentrate ang trabaho bilang alalay ni Pacman o kaya’y tumayong promoter lalo pa’t matagal nang nalaos si Don King sa boxing industry.
Anyway, hindi nagkakalayo ang pangangawatan nina Mang Joselito at Don King. Ibig sabihin, isang matinding ‘instant ayos’ lang sa porma ni Mang Joselito, maaring tapatan ang mala-Trull hairdo ni Don King, as in konting suklay at roll ng buhok, ito’y magmumukhang Don King ng Philippine boxing. At least, pang-Guinness Book ang bagong boxing promoter na makikilala ng buong mundo, as in isang ma-bulaklaking Don King ang maghahari sa boksing!(www.mgakurimaw.blogspot.com)

Thursday, January 15, 2009

jan 15 2009 abante tonite issue

Mabibilang sa daliri!
Rey Marfil

Kundi pagiging inutil ni DOE Sec. Angelo Reyes sa pagsirit ng gasolina sa world market at naglipanang tarpaulin o pagmumukha ng ‘Bayaning isinusuka ng mga vendor’, si MMDA chairman Bayani Fernando ang makikita sa kahabaan ng Edsa, pambubugbog ng pamilya ni DAR Sec. Nasser Pangandaman sa golf course o kaya’y bribery scandal sa lamesa ni DOJ Sec. Raul Gonzalez ang headlines, pagmamaniobra ng Malacañang sa Charter change (ChaCha) ang hot issue sa Korte Suprema.
Ibig sabihin, wala nang inatupag ang mga kampon ni Mrs. Gloria Arroyo kundi gumawa ng kabulastugan at mabibilang sa daliri ang nag-iisip ng maganda para sa bayan, animo’y pag-aari ang gobyerno at panghabambuhay sa kapangyarihan.
Sa hanay ng mga gabinete ni Mrs. Arroyo, mabibilang ang masasabitan ng gold medal, katulad ni DA Sec. Arthur Yap. Mantakin n’yo, kahit niyanig ng rice crisis ang buong mundo at nauwi sa ‘half rice’ ang formula sa Jollibee at McDonald, ipinakita ni Yap ang pagiging ‘Action Man’ kahit napaka-batang opisyal ng Malacañang dahil naitali nang maayos ang mga sako sa kanyang opisina, as in naresolba ang pangambang magkakaubusan ng bigas at naisakatuparan ang pangakong ‘Pagkain sa Bawat Mesa’.
Ngayong nahaharap sa global crisis o recession, isang matalinong hakbang ang ‘consensus-building approach’ ni Yap, partikular ang pag-convene sa lahat stakeholders ng agricultural sectors upang hanapan ng kasagutan ang posibleng kakulangan ng food supply sa hinaharap. Kahit sinong beterano at espesyalista sa larangan ng agrikultura, maging taga-oposisyon, aminadong pinakamasalimuot ang ‘agriculture portfolio’ sa Pilipinas.
Sa isang mundong dinidiktahan ng World Trade Organization (WTO), kailangang madiskarte at maingat ang nakaupong ospiyal lalo pa’t matinding kompetisyon sa produkto ang labanan at kailangang pasok sa pamantayan ng bawat bansa ang ibinebentang agricultural products. Sa kalibre ni Yap, nasa tamang direksyon ang Pilipinas, huwag lang pakikialaman ang kanyang diskarte ng mga ‘kamote’ at hunghang sa Malacañang.
***
Sa lahat ng survey, si Vice President Noli De Castro Jr. ang No. 1 contender sa 2010 presidential election subalit malaking katanungan kung handang ampunin ng Lakas-CMD Party lalo pa’t diskuntento si Tabako, as in ex-President Fidel Ramos sa diskarte nito? Ibig sabihin, may karapatan si Senador Bong Revilla Jr. bilang standard bearer, ito’y nagsilbing vice governor at governor ng Cavite at blockbuster ang anti-piracy campaign bilang Videogram Regulatory Board (VRB) chief, ngayo’y Optical Media Board (OMB). Take note: Vice President ng Lakas-CMD si Idol at outsider si Uncle, maliban kung mauuwi sa ‘xerox’ ang nangyari kina Senator Ping Lacson at namayapang Fernando Poe Jr. noong 2004.
Hindi ba’t pinanumpa ni Lolo Edong Angara si Da King sa oposisyon para maging running mate ng kaibigan nitong si Loren Sinta kaya’t nag-solo si Da Ping? Kumpara sa ilang ‘self-proclaimed presidentiable’ ni Mrs. Arroyo, wala sa kalingkingan ni Senator Bong ang popularidad ni Fernando. Mantakin n’yo, kung hindi pa nag-ala Bayani Casimiro sa Celebrity Duets ng GMA-7, hindi makakakuha ng 5% sa presidential survey pero ngayong natapos ang singing competition, hindi ba’t balik sa dating gawi ang performance level ni Fernando at malapit nang maabot ang naunang pagiging consistent sa 1%?
Ang kailangan lang pag-ingatan ni Idol ay ang kaganapan noong 2004 election, hindi ba’t escorted pa ng mga kampon ni Lolo Edong si Da King papasok sa kanilang kampo kahit sa ibang barangay nakatira ito? Pero ngayon, nasaan ang ‘bespren’ ni Loren Sinta, hindi ba’t ka-jamming ni Mrs. Arroyo sa Palasyo at naging katropa pa ni Senator Bong sa administration bloc ito?
Ni sa panaginip, ayaw isipin ng mga kurimaw sa presidential garden ang senaryong dadanasin ni Idol ang pagkaka-etsapuwera sa selection process, katulad sa sinapit ni Da Ping sa kamay ni Lolo Edong. Anyway, pareho pang Caviteño ang dalawang (2) senador at magkumpare sa kasalang Santamaria-Lacson sa Amerika. Kahit itanong n’yo pa kay Kuya Efren, as in birthday boy Jun Lingcoran Jr. ng dzMM na magbabalik-Congress beat sa Lunes! (www.mgakurimaw.blogspot.com)

Wednesday, January 14, 2009

Abante-Tonite Online
January 14, 2009 Wednesday
NEWS ADVERTISE About the company Contact Info ARCHIVES
SEARCH Abante-Tonite
HEADLINES
Abante Online
Solon may phobia sa Palasyo
(Rey Marfil)

Kung anong tapang mag-isip ng kung anu-anong dispalinghadong diskarte laban sa gobyerno, ito’y kabaliktaran sa tunay na pagkatao ng isang miyembro ng Kongreso.


Ang rason, matinding phobia ang nararamdaman ngayon ng mestisuhing mambabatas kapag napag-uusapan ang mga eskandalong kinasasangkutan ng administrasyong Arroyo.


Sa report na nakalap ng TONITE Spy, madalas pagpawisan ng malapot ang mestisuhing solon sa tuwing bumubulwak ang mga matitinding eskandalo laban kay Pangulong Gloria Macapagal-Arroyo.
Bilang patunay sa pagiging nerbiyoso ng solon, walang inatupag ang kumag kundi iwasan ang mga media interview, kasabay ang pangambang `makanal’ at mapagalitan ng Palasyo ito.


Lalo pang napatuna­yan ng mga naglipanang kurimaw sa hallway at session hall kung gaano ka-powerful ang Malacañang dahil nawala ang bangis ng mestisuhing solon, as in hawak sa leeg ngayon ang mambabatas gayong napakatapang sa mga nagdaang panahon.


Sa pinakahuling eskandalong kinasasangkutan ng Malacañang, muling umariba ang pagiging matatakutin ng mambabatas matapos magpatawag ng ‘selective press conference’ sa hanay ng mga kaibigang mediamen.


Tanging piling mediamen sa Kongreso ang ipinatawag ng mambabatas upang magpa-interview subalit tumangging magbigay ng anumang komento at reaksyon sa malaking eskandalo, katulad ng “Alabang Boys”.


Bagama’t kaibigang mediamen ang kaharap ng mambabatas, ito’y takot pa rin magkomento sa kaso ng “Alabang Boys” at kung anu-anong palusot para makaiwas sa questionnaire.


Clue: Hindi kuwestyon ang kabaitan ng mambabatas, maging ang kakayahan sa legislative works subalit madalas ibina-bargain ang sarili sa administrasyon, kapalit ang magandang trato rito. Kung bagito o beterano, ito’y ipagtanong kay Kuya! (www.mgakurimaw.blogspot.com)

Saturday, January 10, 2009


January. 10, 2009 Saturday


SEARCH Abante-Tonite
OTHER NEWS
News Stories
Crimes News
Hulaan Blues


Solon minanyak ang sariling nurse
(Rey Marfil)

Katulad ng kasabihang ‘mahirap ituwid ang matandang sanga’, walang kadala-dala at hindi kumukupas ang pagiging manyakis ng isang matandang miyembro ng Kongreso matapos puwersahing tikman ang sariling nurse nito.
Sa report na nakalap ng TONITE Spy, bago pa man kamuntikang makasuhan ng sexual harassment ng mestisahing staff ang matandang solon, ito’y naunang pinagbantaang irereklamo ng sariling nurse.
Ang rason, ‘minanyak’ din ng matandang solon ang sariling nurse sa kasagsagan ng eleksyon at pinuwersa pang tikman ang bebot kung saan hindi nagawang makapagreklamo matapos alukin ng malaking halaga ito.
Noong 2004 national election, naghanap ng sariling nurse ang matandang solon upang mapangalagaan ang kanyang sarili, katulad sa posibleng heat stroke o kaya’y alta-presyon lalo pa’t mainit ang panahon at summer ang kampanya.
Halos araw-araw nagsasakit-sakitan ang matandang solon kaya’t napilitan ang pamilya nitong bigyan ng sariling nurse ang kumag kung saan nagsisilbing personal nurse at secretary tuwing lalakad sa panahon ng kampanya.
Taliwas sa inaasahan, hindi rin pinaligtas ng matandang solon ang inarkilang nurse dahil minanyak ang kawawang bebot, katulad ang paghihimas sa maseselang bahagi ng katawan hanggang tuluyang dinaluhong na huling ginawa sa isang mestisahing staff sa Asian trip nito.
Naging maugong ang pakikipagrelasyon ng matandang solon sa nurse subalit walang makakapagkumpirma hanggang isang araw, nakitang tulala ang bebot at biglaang napaiyak, as in humagulgol sa harap ng mga kasamahan at inaming pinuwersa ng mambabatas.
Bagama’t itinatangging natikman ng matandang solon, ito’y ayaw kagatin ng mga kurimaw, sampu ng mga kasamahan sa opisina dahil hindi maaaring matulala ang isang tao kung walang ginawang kahalayan o kalaswaan ang mambabatas lalo pa’t kilalang ‘staff killer’ ang kumag.
Clue: Kamuntikang makasuhan ng sexual harassment ang matandang solon matapos daluhungin ang isang mestisahin at tsinitang staff sa kuwarto nang isama ang bebot sa Asian trip nito. Ito’y meron letrang ‘A’ sa kabuuan ng pangalan at apelyido, as in Ang manyak ni Sir. (www.mgakurimaw.blogspot.com)

Thursday, January 8, 2009

SEARCH Abante-Tonite
EDITORIAL & OPINION
Durog sa droga
Hindi patas kay Sonny
Social users
Bahay sa tabing-dagat

Hindi patas kay Sonny
Rey Marfil

Labing-walong buwan bago ang 2010 presidential election, unti-unting lumilinaw ang intensyon ng Lakas-CMD na suportahan si Vice President Noli De Castro Jr. Sa madaling salita, nagsayang lamang ng load ang ‘ba­yaning isinusuka ng mga vendor’ -- si MMDA chairman Bayani Fernando para manalo sa ‘Celebrity Duets’ ng GMA-7. Mantakin n’yo, nagpakapagod sa kapa-practice si Fernando sa pamosong sayaw ni Bayani Casimiro, ka­tulad sa programang ‘Okey Ka Fairy Ko’, pagkatapos maietsapuwera rin lang sa final list at walang kahirap-hirap pang masusungkit ni Uncle Noli ang bendisyon ng Lakas-CMD. Kung ganito rin ang kanyang kapalaran, dapat pagda-drama ang sinalihang kompetisyon ni Fernando para napaghandaan ang ‘crying scene’.

Kaya’t dobleng-ingat ang dapat gawin ng driver ni Lakas-CMD executive director Ray Roquero kapag napagawi ng Metro Manila, posibleng katakut-takot na violation ang abutin sa mga tauhan ni Fernando kapag nasita sa pagmamaneho. Isipin n’yo nga naman, lahat ng pagpapa-pogi sa telebisyon, ito’y ginawa ni Fernando at tatablahin lamang ni Roquero. Sabagay, kahit nagmumukhang ‘kenkoy’ sa Celebrity Duets, laway lang naman ang puhunan ni Fernando dahil hindi naman nagmula sa kanyang bulsa ang ipinambili ng gasolina at krudo sa mga heavy equipments at MMDA trucks na nagparada sa Maynila para batiin ng ‘Congratulations’ ang kanilang amo. Ang abangan ni Fernando kung paano sasalagin ang init ng ulo ni Sen. Miriam Santiago kapag isinalang sa hot seat ito. Sa malamang, pamilya lamang ni Fernando ang matitirang respondents sa presidential survey at mababawasan ang nakuhang 1%!
***
Hindi hadlang ang rehas kay opposition Senator Antonio “Sonny” Trillanes IV, malinaw ang inihaing proposed bill upang sampolan ang mga tiwaling contractor at sub contractor sa lahat ng public works projects. Sa ilalim ng Senate bill No. 2944, papatawan ng 12 taon hanggang 20 pagkakabilanggo at pagbabawalang pumasok sa mga kontrata ng gobyerno ang mga contractor at sub contractor, indibidwal man o korporasyon, kapag nasangkot sa pagtatayo ng mga dispalinghadong gusali, tulay, kalsada, palengke, kabilang ang multang 50% hanggang 200% mula sa kabuuan ng kontrata.

Ibig sabihin, mas kapaki-pakinabang si Trillanes bilang senador kung nasa labas ng PNP Custodial Center kumpara sa ilang kasamahang mambabatas na walang inatupag kundi dumalo ng ribbon cutting, mag-cutting class at kung anu-ano pang estilo ng pagbubulakbol sa session hall.

Sayang ang talento ni Trillanes, isama natin ang pagiging Navy seal, Class mathematician, maging ang na­tutunan sa Philippine Military Academy (PMA) kung nakatengga lamang sa apat na sulok ng selda ng PNP Custodial Center. Kung binibigyan ng presidential pardon ni Mrs. Arroyo ang mga kriminal at iba pang uri ng mga taong halang ang kalululuwa, bakit hindi magawa kay Trillanes na itinaya ang buong buhay at career para imu­lat ang publiko sa malawakang katiwaliang nagaganap. Sabagay, lahat ng nagsasabi ng katotohanan, napaparusahan pero ang mga kawatan ang naililigtas sa kasala­nan. Kahit itanong n’yo pa kay Million Dollar Man, ‘di ba ex-DOC Sec. Nani Perez?

Kaya’t napakalaking katarantaduhan ang pag-angal ng ilang administration senator sa teleconferencing na inila-lobby nina minority leader Aquilino ‘Nene’ Pimentel Jr., at opposition senator Panfilo ‘Ping’ Lacson, maliban kung sadyang nagpapadikta kay Mrs. Arroyo sina Miriam Defensor-Santiago, Dick Gordon at Joker Arroyo kaya’t hinaharang ang karapatang nais ibigay kay Trillanes. Anyway, hindi natin babanggitin ang pangalan, dalawa sa administration senators ang nagkumpirmang meron ‘direct order’ ang Malacañang para harangin ang resolusyon at pagbabago ng Senate Rules. Dito masusubukan si Se­nate President Juan Ponce Enrile lalo pa’t nagawang bumisita kay Trillanes at ipinangako ang teleconferencing! (www.mgakurimaw.blogspot.com)

Wednesday, January 7, 2009


Jan. 07, 2009 Wednesday


SEARCH Abante-Tonite
OTHER NEWS
News Stories
Crime Stories


Solon minura ng opisyal ng Malacañang
(Rey Marfil)

Kung anong tikas ng titulo sa Kapulungang kinabibilangan, ito’y walang silbi sa harap ng isang maimpluwensyang Palace official matapos pagmumurahin ang isang mestisuhing solon sa harap mismo ng mga government officials at kauring mambabatas.
Sa report na nakalap ng TONITE Spy, nakatikim ng sabunang walang banlawan at pinaliguan ng masasamang salita, as in pinagmumura ng maimpluwensyang Palace official ang mestisuhing solon, hindi dahil nagkasala ang mambabatas kundi nais ng kumag na ipagtanggol sa mga eskandalong kinasasangkutan nito.
Nang minsan ipatawag sa Malacañang ang ilang mambabatas, mistulang naningil ng pagkakautang ang maimpluwensyang Palace official matapos sitahin at pagmumurahin ang ilang administration solon dahil hindi magawang idepensa sa mga public hearing kung saan sabit-sabit ang pangalan nito.
Unang pinatikim ng sermon ng maimpluwensyang Palace official ang dalawang kasamahang mambabatas subalit pumalag at sumagot ng pabalang kaya’t napagbalingan ang mestisuhing solon na katabi sa upuan.
Sa kasagsagan ng aktibidades, halos malunod sa mura at masasamang salita ang mestisuhing solon at sinisita ng maimpluwensyang Palace official kung bakit hindi magawang idepensa sa media tuwing nakakaladkad sa katiwalian ang kanyang pangalan.
Dahil likas sa mestisuhing solon ang kabaitan at napaka-bagito sa larangan ng pulitikang pinasukan, ito’y walang magawa kundi makinig sa sermon at ilabas sa kabilang tainga ang mga masasakit na pananalita ng maimpluwensyang Palace official.
Ang masakit lamang sa panig ng mestisuhing solon, halos dinig ng lahat ng mga bisita ang paninermon ng maimpluwensyang Palace official at lumalabas pang kasalanan ang mga katiwalian at eskandalong kinasasangkutan ng kumag dahil hindi magawang idepensa gayong wala naman itong kinalaman at hindi rin kumita kahit singkong duling sa mga kinukuwestyong kontrata.
Clue: Hindi kuwestyon ang kapasidad ng mestisuhing solon bilang mambabatas, maging ang paghawak sa kasalukuyang kapangyarihan subalit niniyerbyos sa kasong kinasasangkutan. Ito’y meron letrang ‘M’ as in Mahilig mag-’I Love you’ ang mestisuhing solon. (www.mgakurimaw.blogspot.com)

Tuesday, January 6, 2009

Jan. 06, 2009 Tuesday


SEARCH Abante-Tonite
EDITORIAL & OPINION
Panahon na para ibahagi ang pakinabang
Sala sa init, sala sa lamig!
Maraming tanong kay Usec. Blancaflor
Tama na po!
May retirement fee ba ako?

Sala sa init, sala sa lamig!
Rey Marfil

Hindi natin babanggitin ang pangalan, bago mag-Pasko, isang ex-general ang naispatang ‘namasko’ sa mga Chinese businessmen. Sadyang malaki ang pangangaila­ngan ni ex-general, aba’y tinipon sa isang private room sa Chinese restaurant sa Greenhills, San Juan ang mga ‘holy cow’ as in ‘gatasan’. Mabuti lang, hindi napadaan si Bayan Party-list Rep. Teddy Casiño sa lugar kundi umuwing luhaan si ex-general at posibleng naunsyami ang ‘parating’ ng mga kaibigang businessmen kung nagkasalubong sa restaurant lalo pa’t ‘langis at tubig’ ang relasyon ng dalawa.

Napag-usapan ang Pasko, isang senador ang nalango sa alak sa sariling Christmas Party na inisponsoran. Ang resulta: Wala nang sinasanto ang mambabatas at lumalabas ang tunay na pag-uugali, maging staff nito’y pinagmumura kaya’t napaiyak sa harap ng mga kaibigan. Anyway, lalo pang nanganganib ang pagsasama ng isa pang senador, patunay ang pagtanggi ng kanyang misis na sumama sa ‘photo ops’, as in pictorial na gagamitin sa kalendaryo. Ang nangyari; dalawang version ng kalendaryo ang inilabas ng senador, isa ang lumang kuha, kasama ang buong pamilya at mag-isang bumati ng ‘Merry Christmas’ sa bagong 2009 calendar.
***
Hindi kailangang UP graduate para maintindihan kung anong motibo ng katukayo ni Joselito Cayetano kung bakit kaliwa’t kanan ang ‘pagkahol’ sa P20 bilyon pork barrel insertion -- ito’y ‘double motive’ sa pagbubukas ng ethics probe, katulad ng double insertion sa C-5 Road pro­ject, as in kailangang mag-ingay upang magpa-pogi kay Manny Villar at i-divert ang isyu. Ang malungkot lamang, sa hanay ng mga magbabalot at nagtitinda ng penoy sa Taguig at Pateros, ginagawang ‘tanga’ ng utol ni Pia Ca­yetano ang publiko, aba’y humihingi ng transparency kay Senate President Juan Ponce Enrile sa pork barrel insertion gayong takot pabuksan ang double insertion at conflict of interest sa C-5 road project.Mantakin n’yo, kapag ‘ex-minority bloc’ ang humihingi ng transparency sa Senate leadership, walang ibang palusot ang katukayo ni Joselito kundi ‘pinag-iinitan’ ang kanyang amo dahil nangunguna sa presidential survey.

At ngayong nakasalang sa ethics probe, iisa pa rin ang script ng utol ni Pia gayong hindi naman kumikita sa takilya, as in ‘sala sa init, sala sa lamig’. Ang pagkakaiba lamang, sila ngayon ang sumisigaw ng ‘transparency’ sa pork barrel insertion na hindi ginawa ng kanilang grupo sa panahong naghaharing-uri sa Senado at tila hindi pa rin matanggap ng katukayo ni Joselito ang pagkasipa sa trono. Sabagay, anong maasahan kay Cayetano kung mismong ama na -- si dating senador Renato ‘Companero’ Cayetano naimbestigahan ng ethics committee sa P80 milyong BW Resource scandal. Partida pa iyan, laway lang ang puhunan!

Kundi nagkakamali ang Spy, hanggang ngayon walang isinusumiteng membership ang 6-man minority bloc sa committee on ethics ni opposition senator Panfilo ‘Ping’ Lacson. At bago mag-Christmas break, idineklara ang boykot gayong kumpleto-rekados ang ‘ex-majority bloc’ sa panahong namamayagpag sa trono. Kung na­ging maagap ang Wednesday Club, hindi mamalasin ang mister ni Las Piñas Congw. Cynthia Villar sa pagbabalik-sesyon lalo pa’t ilang buwang nakatengga ang reklamo ni Senadora Consuelo Madrigal-Valade, alyas Jamby. Ibig sabihin, kung kaagad inaksyunan ni Pia Cayetano ang reklamo ni Jamby at ipinag-utos ni Villar ang aga­rang pagpatawag ng public hearing upang masagot ang isyu sa conflict of interest, hindi inabutan ng ‘kudeta’ ang ethics probe at nag-Paskong nakangiti ang buong tropa! (www.mgakurimaw.blogspot.com

Monday, January 5, 2009

Jan. 05, 2009 Monday


SEARCH Abante-Tonite
OTHER NEWS
News Stories
Crime Stories


Kuripot na solon biglang naging galante
(Rey Marfil)

Kung hindi nga lamang pinagpipitagang miyembro ng Kongreso, mapagkakamalan pang gate crasher ang isang bugnuting solon matapos magbitbit ng anak sa Christmas Party at lumalabas pang binawi lamang ang ginastos nito.

Halos ipagpamisa ng mga kurimaw, sa pangunguna ng TONITE Spy ang biglaang pagiging galante ng solon matapos humugot ng sariling pera sa bulsa at tapatan ang cash prizes na ipina-raffle ng mga kasamahan sa organisasyon.

Sa mahabang panahon, isa ang solon sa pinaka-classic magre­galo o magbigay ng giveaways dahil underwear at kung anu-anong ladies and men’s accessories ang pinapa-raffle sa mediamen nito.

ahil malapit nang mapaso ang termino, mistulang nag-aparisyon si Judiel sa Kongreso matapos magbago ng imahe ang solon at biglaang na­ging galante, patunay ang pagpa-raffle ng cash sa Christmas party at nagawang humugot ng P50 libo sa bulsa para samahan ang mga kapartidong nag-donate ng pondo.

Bagama’t nag-donate ng P50 libong cash ang bugnuting solon, hindi naman maiwasang kantiyawan ng mga kurimaw ang mambabatas dahil binitbit ang kanyang anak sa Christmas party at mistulang binawi lamang ang salaping nai-donate bilang pa-raffle.

Kaagad naman lumutang ang senaryong inihahanda ng solon ang anak sa malaking laban sa pulitika ngayong 2010 national election lalo pa’t mapapaso ang kanyang termino at sinimulan nang ipakilala ang papalit dito.

Mas lalo pang nakulayan ng pulitika ang pagbitbit ng anak sa Christmas party ng solon dahil namudmod ito ng payong kung saan nakatatak ang pangalan ng anak, animo’y media kit na ipinamigay sa bawat lamesa ng mga mamamahayag.

Clue: Kung anong tapang ng bugnuting solon, siyang duwag sa kanyang misis at siya ring kunat sa tunay na buhay. Ito’y meron letrang ‘B’ sa kabuuan ng pangalan at apelyido, as in Boy Flashback (www.mgakurimaw.blogspot.com)

Saturday, January 3, 2009

january 3 2009 abante tonite issue

January 3, 2009 - Saturday

SEARCH Abante-Tonite
OTHER NEWS
CRIMES NEWS
HULAAN BLUES


Solon, natakot sa raffle
(Rey Marfil)

Kung umeskapo sa sariling Christmas party ang isang maaksyong mambabatas, mas malupit ang ginawa ng isang kunyong miyembro ng Kongreso matapos mag-inarte sa inisponsorang pagtitipon at pinaniniwalaang natakot sa pa-raffle.

Nasaksihan ng TONITE Spy kung paano nag-feeling very important person ang isang kunyong solon matapos tablahin ang dalawang Christmas party na sinalihan ng mokong, animo’y napakahalaga ng partisipasyon.

Halos kumpleto ang grupo ng kunyong solon sa Christmas party ng kanyang partido kung kaya’t hindi maiwasang pagdudahang nagtago at umiwas sa gastos dahil natatakot itong mahiritan ng malaking pa-raffle lalo pa’t lahat ng mga dumalo’y nagbigay ng cash prizes.

Bagama’t wala sa ha­laga ng regalo ang diwa ng Pasko, tanging ikinadidismaya ng mga kurimaw ang pagiging saksakan ng kunat ng kunyong solon at hindi kailangan pang pag-aksayahan ng oras ang anumang imbitasyon dahil kasing-kunat ng kornik ang giveaways na ipinamudmud.

Sa Christmas party ng isang grupo ng mga mambabatas, unang-una ang pangalan ng kunyong solon sa mga tumatayong sponsor subalit lumalim ang kasiyahan, hindi man lamang nabanaag kahit isang staff ng kumag, as in sinolo ng kasamahan ang pagtitipon at pagbibigay-saya sa mga mediamen.

Hindi sumipot ang kunyong solon, katulad ng iba pang kasamahan sa grupo kaya’t nagmukhang kawawa ang nag-iisang bumalikat sa pagtitipon at wala ring maibigay na explanation ang mga staff ng mokong.

Maging sa Christmas party ng partidong kinabibilangan ng kunyong solon, ito’y mu­ling nag-inarte at hindi nagpakita sa mga kasama­hang mambabatas gayong nakalista ang pangalan bilang isa sa sponsor.

Clue: Saksakan ng kunat ang kunyong solon, patunay ang pagpapakain ng pop corn sa birthday party at pamumudmod ng kornik bilang giveaways, pag-uwi ng tirang alak at pinababantayan ang litson sa mga tauhan.
(www.mgakurimaw.blogspot.com)